Etiketë: qyteti i arte

Zbulohet ‘qyteti i artë’ (FOTO)

Posted on by Kult Plus

Një “qytet i artë”, plot me thesare, i cili për shekuj me radhë ka nxitur fantazinë e mijëra njerëzve dhe eksploruesve mendohet të jetë gjetur së fundmi në Sumatra.

Prej 5 vitesh, peshkatarët që kanë eksploruar lumin Musi në Palembang kanë nxjerrë pasuri të vërteta me rrjetat e tyre, ku përfshihen gurë të çmuar, objekte ari dhe statuja të mëdha.

Një nga gjetjet më mahnitëse është një statujë e Budës që mendohet se i përket shekullit të tetë, e zbukuruar e gjitha me gurë të çmuar, e cila mendohet se vlen miliona dollarë.

Artefaktet mendohet se i përkasin civilizimit Srivijaya, një mbretëri e fuqishme mes shekujve 7-13, e cila u zhduk në mënyrë të mistershme një shekull më vonë.

Eksploratori britanik Sean Kingsley tregon se eksploratorë të shumtë u vunë në kërkim të qytetërimit Srivijaya për vite me radhë nga Tajlanda në Indi, por nuk patën fat të binin në gjurmët e tij.

Sumatra është cilësuar në kohët e lashta si “ishulli i arit” për shkak se ishte i pasur me depozita ari dhe burime natyrore si dhe ishte një pikë e hershme për tregtinë në Azinë Juglindore./A2CNN/ KultPlus.com

Arkeologët gjejnë qytetin mbi 3 mijë e 400 vjet të vjetër

Posted on by Kult Plus

Ekspertët po e përshkruajnë vendin si “Pompei” i Egjiptit të lashtë, për shkak të gjendjes së ruajtur mirë – pavarësisht se ka qenë i mbuluar për shekuj

Një qytet i madh faraonik, i ndërtuar më shumë se 3400 vjet më parë gjatë ditëve të bollëkut nën sundimin e Amenhotepit III, është zbuluar në Egjipt.

Arkeologët kishin nisur kërkimet për një tempull mortor afër Luxorit në shtator të vitit të kaluar, por pastaj ndeshën formime me tulla balte në çdo drejtim.

Ata e gërmuan qytetin që ende ka thuajse mure të plota dhe dhoma përplot me vegla, stoli, hajmali, qeramikë me ngjyrë, si dhe tulla që mbajnë stampën e Amenhotepit.

Image

Arkeologët kanë zbuluar vegla, stoli dhe hajmali

Është përshkruar edhe si “qyteti i artë i humbur” në Luxor.

Kryesuesi i ekipit, Zahi Hawass, ka thënë: “Rrugët e qytetit janë të rrethuara me shtëpi…disa prej mureve të tyre janë të larta deri në tri metra”.

Hulumtimet po bëhen në bregun perëndimor të Luxorit, afër Luginës së Mbretërve dhe afër kolosit të Memnonit, Medinet Habusë, dhe tempullit mortor të faraonit Ramses II.

“Ky është një zbulim fort i rëndësishëm”, ka thënë drejtori i Fondit të Trashëgimisë së vjetër Egjiptiane dhe Arkeologjisë, Peter Lacovara. “Është një lloj Pompei i Egjiptit të lashtë dhe tregon nevojën kritike për ta ruajtur këtë hapësirë si një park arkeologjik”.

Vendi përmban një numër të madh furrash për gatitjen e qelqit dhe qeramikave, krahas mbetjeve të mijëra statujave.

Betsy Bryan, specialist i kohës së sundimit të faraonit Amenhotep III, ka thënë: “Vetëm lokalizimi i qendrave manifakturuese sjell hollësi mbi atë se çfarë bënë egjiptianët nën një sundimtar të madh e të kamur si Amenhotepi III”. “Kjo do ta na pajisë me njohuri të reja për shumë vjet”.

Sipas referencave historike, qyteti përfshinte tri pallatet e Amenhotepit III dhe qendrën administrative dhe industriale të perandorisë.

Image

Qeramikë dhe tulla janë gjetur në këtë vend bashkë me shenjat e faraonit Amenhotep. /koha/ KultPlus.com