Tenori i famshëm shqiptarë, Ramë Lahaj ka realizuar një bashkëbisedim të drejtpërdrejtë në Instagram me kreun e Lëvizjes Vetëvendosje, Albin Kurtin, shkruan KultPlus.
E nisur mbi diskutimin se Kurti kishte qenë përgjatë ditës së sotme në Istog, në qytetin prej ku ka edhe prejardhjen Lahaj, biseda vazhdoi tutje mbi çështjet e artit dhe kulturës.
Tenori nuk harroi përgjatë diskutimit të përmend edhe diasporën, si përkrahës të pandashëm individual e shtetëror.
“Mërgimtarët unë i kam pikë të dobët sepse unë i kam ata investitorë të mi. Jam jashtëzakonisht i kënaqur që ata nuk janë lodhur me neve, dhe prej tekave që ne herë pas here mund t’i kemi. E falenderoj mërgatën për kontributin e madh që e ka pasur për Kosovën”, është shprehur Lahaj.
Në anën tjetër, edhe Kurti s’ka lënë pa folur për këtë pjesë.
“Kurrë nuk arrijmë ta kalkulojmë kontributin. Nganjëherë ju them se ju jeni fajtor edhe për luftën çlirimtare edhe për paqen sociale, sepse asnjërën s’do ta kishim pa ju. Sa më shumë që marin pjesë në votim mërgata aq më e shëndetshme është demokracia”, ka thënë kandidati për kryeministër nga LVV.
Lahaj përmendi se vetë ideja e kësaj lidhjeje direkte nga ana e tij, ishte diskutimi për artin dhe kulturën, gjendjen institucionale e kolektive të këtyre dy sferave.
“Viteve të fundit e kam pasur fatin të udhëtoj nëpër disa kontinente ku kam performuar në sallat më me nam në të gjithë botën. Meqë unë nënën e kam ende në Istog edhe vijë në baza mujore”, tha Ramë Lahaj.
“20 vite pas lufte, më vie turp t’iu tregoj kolegëve që s’kemi akoma një Teatër Opere apo Drame, apo një Sallë Koncentrale. Unë e kam thënë disa herë që Prishtina është shumë mirë, do të mund të kishte një sallë universale ku do të kishim Teatër Drame, Teatrin e Operas dhe sallën koncentrale”, u shpreh Lahaj.
Lahaj përmendi se shumë shpesh është kritikuar nga kolegët dhe opinioni publik se po përzihet në çështje politike, mirëpo tenori tha se këtë e bën për gjendjen e vendit të vet.
“Unë reagoj si qytetar i atij vendi ku jam rritur aty dhe në fatin tim të zhvillimit profesional, kur kthehem në vendlindje dhe e sheh që edhe 20 vite prapa hapi është prapa, është vërtetë zhgënjeyese”, theksoi tenori i njohur kosovar.
Lahaj kërkoi premtim nga Kurti, duke thënë se edhe kjo ka qenë arsyeja e pjesëmarrjes në këtë lidhje direkte.
“Talentet që i kemi ne, ata që e zbulojnë veten dhe ata që i zbulon procesi arsimor, do të dekurajohen nëse nuk e kanë infrastrukturën bazike. Kjo është arsyeja që ne kemi thënë që do ta themelojnë Teatrin e Operas dhe Baletit si institucione të vetqëndrueshëm. Gjithashtu do të ideojmë Teatrin e ri Kombëtar”, premtoi Kurti.
“Është shumë interesant propozimi për një sallë universale , e cila do të mund të shërbejë me mundësi multifunksionale për gjinitë e ndryshme të artit”, tha kreu i LVV-së.
“Ne do të përqendrohemi që institucionet e artit të kenë një buxhet vetjak dhe të qëndrueshëm, të mos jenë linja buxhetore në kuadër të Ministrisë së Kulturës, por të jenë taman institucione të kulturës”, u shpreh Albin Kurti.
Një ide tjetër e përmendur nga kandidati për kryeministër qe edhe rrjetëzimi arsimor i institucioneve kulturore.
“Institcionet kulturore t’i lidhim me sistemin arsimor, për shkak se shumë shfaqje, koncerte që jipen fatkeqësisht janë të shkëptura nga sistemi arsimor dhe është shumë dëm që studentët e fakulteteve të catuara, pse jo edhe nxënësit e gjimnazeve nuk janë të organizuar shikues dëgjues vizitorë aty”, u shpreh Kurti.
“Përndryshe të gjithë talentët do na ikin e s’do kenë ku të kthehen”, tha Albin Kurti.
Tutje, Kurti çmoi edhe rolin promovues të artit të Lahajt për Kosovën.
“Ju keni investuar në imazhin e shtetit tonë, duke qenë edhe më shumë se ambasdor, ndonëse i pashpallur, por në anën tjetër është më shumë se ata që ju takojnë e dëgjojnë juve mendojnë se kush e di çfarë sallash kemi këtu, është e pikëllueshme në çfarë gjendje jemi”, tha ai.
Lahaj përmendi që së fundmi ka marrë pjesë në një workshop me Apostollovën, në të cilën ka parë talente të shumta, por që në vendin tonë i kanë mundësitë e kufizuara.
“Akoma jemi një vend ku nuk mund të lëvizim për ta bërë një audicion”, u shpreh tenori.
“Nuk është investuar në aspektin shtetëror për të bërë një film për luftën, për historinë tonë. Në njëfar forme historia jonë keq transmetohet. Është e dhimbshme, zhgënjyese”, përmendi Ramë Lahaj.
Kurti përmendi që te filmat shqiptarë kemi një dominim të regjisoreve gra, teksa edhe trajtimi i luftës për nga aspekti tematik është më i veçantë.
“Te filmat ka një lloj dominimi të regjisoreve gra, një lloj trajtimi i luftës nga pasojat që nuk kalojnë, si “Zgjoi”, “Shpia e agës”, “Zana”, tha ai.
“Është një lloj filli që i lidh këta filmi, që mua më ka tronditur sepse është pikëpamja e pasluftës për pasojat që ngelin me neve, një luftë e pasluftës”, u shpreh Kurti.
“Ndoshta është tipike për regjisoret gra, sepse ato e kanë vuajtur luftën, ndërkohë që mirënjohja për burrat ka qenë gjithmonë më dominuese, kurse janë pikërisht gratë ato për të cilat s’ka përfunduar lufta”, vlerësoi Kurti.
“Një luftë që ska përfunduar, në psikikën dhe në pasojat materiale të jetës së tyre, por besoj që kur kemi parasysh se sa shumë ka munguar përkrahja, sukseset janë shumë më tepër”, konkludoi Albin Kurti
“Për aspektin e talenteve të reja, këtu duhet më së shumti edhe me institucionet e artit e kulturës edhe me sistemin arsimor të punojmë që këto workshope të mos jenë fascinim e pikëllim por të ushqehen pastaj”, tha kreu i LVV-së.
Në anën tjetër, Kurti foli edhe më tej për institucionet kulturore të cilat premtoi se gjatë qeverisjes së tij do të jetësohen.
“Siç e thashë ne do ta themelojmë si institucione të vetqëndrueshëm Teatrin e Operës dhe Baletit, këtë po e them si institucione por jo si infrastrukturë fizike e materiale. Nuk është mirë të ndërtojmë diçka nën mesatare, mund të jetë edhe një sallë muntifunksionale, por kur ta ndërtojmë le të jetë mirë”, u shpreh Kurti.
“Ne duhet të ulemi me komunitetin artistik, njerëzit e kulturës, ta kemi një konkurs meritor edhe për arkitekturën edhe për multifunksionalitetin e saj. Nuk e kemi ndërmend ta bëjmë edhe punën e inxhinierit, arkitektit, muzikologut si Qeveri por duhet ta fusim për buxhetin e vitit 2022”, premtoi Kurti.
“Në formë të pashmangshme arti është mjet i përditshmërisë, pavarësisht pse nuk shkojmë në teatrin e dramës, filmit. Është përgjegjësi institucionale për t’i krijuar ato, dhe për të rinjtë, që ata t’i çojnë ëndrrat për talentet e tyre”, tha tenori shqiptar.
“Unë kam filluar studimet në moshën 21 vjeçare kur nuk kisha as bazë të muzikës, po do të doja për të tjerët që të ta kenë një teatër ku prindi i çon fëmijët për ta përjetu artin”, shprehi dëshirën e tij Ramë Lahaj.
“Në vitin 2021 po shpresoj të kemi një teatër të mirëfilltë, e jo një ku ende rrihet me kova për të mbuluar pikat e shiu, po ku edhe prindi ndihet krenar për ta dërguar fëmiun në teatër”, u shpreh tenori.
“Do të insistoja një lloj institucionalizimi të kësaj, duke shkuar shkollat fillore e të mesme në teatër, koncert e kështu me radhë. Ka mundësi që përmes arsimtarëve e profesorëve ta bëjmë një pjesë të mirë të punës sepse nganjëherë prindërit nuk e bëjnë këtë”, përfundoi Kurti.
Biseda mes tenorit dhe Kurtit përfundoi me shpresën se Lahaj i ka thënë brengat e komunitetit artistik dhe se kandidati i LVV-së do t’i realizojë premtimet e dhëna. / KultPlus.com
Festivali i 59-të i këngës ka filluar natën e tij të tretë në, teksa po zhvillohet në një skenë të hapur në kryeqytetin e shtetit shqiptar. Krahas konkurrenteve gjatë këtyre tre netëve festivali ka sjellur në skenë artist të njohur të muzikës shqipe. Sonte si i ftuar nderi është tenori mirënjohur Rame Lahaj, shkruan KultPlus.
Tenori Rame Lahaj gjatë kësaj mbrëmje këndoj një kolazh të këngëve të vjetra dhe të bukura shqipe.
Lahaj përpara interpretimit të këngës ‘Valsi i lumturisë’ të Vaçe Zelës tha se ka vendosur që ta këndoj pikërisht këtë këngë pasi qy ky vit ka qenë vit i humbjeve në muzikën dhe artin shqiptar.
Ai krahas kësaj këngë interpretoj edhe këngën ‘Kur një ditë të kthehesh ti të bilbilit të këngës shqipe, Nexhmije Pagurshës.
Krejt në fund ai ka interpretuar edhe këngën ‘Zambaku i Prizrenit’./ KultPlus.com
Rrahja që i është bërë gazetarit Vlaon Syla gjatë ditës së sotme ka ngjallur reagime të shumta tek publiku, por edhe tek një numër i madh i artistëve shqiptar shkruan KultPlus.
Një ndër ta është edhe tenori shqiptar Rame Lahaj. Ai nëpërmjet një statusi në Facebook ka shkruar se dhuna që ushtrohet në rrugë është një turp i madh, por edhe ofendimi që ju është bërë diasporës ditëve të fundit Lahaj e ka konsideruar analfabetizëm dhe bukpërmbusje.
Krejt në fund ai ka shkruar se është me Valonin dhe çdo viktimë të dhunës, por pa Valonin kur ai ia ofendon nënë, babë, vëllanë, motrën, nipin e mbesën.
Më poshtë mund të gjeni statusin e tij të plotë:
Me t’rreh n’rrugë se mendon ndryshe asht marre e madhe.
Me ja sha tjetrit sofrën, me e ofendu se qysh e sa keq hanë e ku jeton asht ofendim, nençmim e përbuzje e madhe.
Me e sha bukëdhanësin tënd nuk sheh dritë kurrë.
Me i ofendu e përçmu ata që na kanë mbajtë gjallë n’ditët ma t’zeza t’kombit tonë e t’u na ndihmu me u shkollu që plot herë as prindi s’ka mujt me na e financu shkollimin po na e ka financu mixha, daja e halla prej diaspore është analfabetizëm e bukëpërmbysje.
Me Valonin e cdo lloj viktime të dhunës sepse dhuna asht e shëmtueme por pa Valonin kur ma ofendon Nanën e babën, vëllanë e motrën, nipin e mbesen./ KultPlus.com
Kryetari i Bashkisë së Tiranës, Erion Veliaj priti në një takim tenorin e mirënjohur nga Kosova, Rame Lahaj, i cili me rikompozimin e këngës “Për ty atdhe”, ka sjellë një dhuratë të çmuar për mbarë kombin shqiptar në këtë përvjetor të Pavarësisë së Shqipërisë.
“Të jemi shumë mirënjohës! Është një dhuratë fantastike, shpirtërore, që frymëzon po aq. Të falenderoj dhe jam i sigurt që flas edhe në emër të kryetarëve të Prishtinës dhe Prizrenit sepse besoj që, në kohë të tilla, kemi nevojë për inkurajim, forcë dhe optimizëm. Na bën shumë krenar”, tha kryebashkiaku Veliaj.
Ai i dhuroi tenorit diskun e Tiranës 100 vite kryeqytet, një bashkëpunim me BBC, ku janë përfshirë këngët më të vjetra dhe më të dashura në një shekull. “Në bashkëpunim me BBC kemi mbledhur në një disk disa nga këngët më të vjetra të Tiranës. Meqë na dhurove një rikrijim muzikor për Pavarësinë, edhe ne po të dhurojmë një përmbledhje muzikore për Tiranën 100 vjet Kryeqytet i shqiptarëve”, shtoi Veliaj.
Tenori Lahaj falenderoi kryetarin e Bashkisë për mbështetjen dhe u shpreh se realizimin e kësaj vepre e ndjente si detyrim ndaj Tiranës, ku është formuar profesionalisht.
“E kisha shumë të rëndësishme të sillja një mesazh sadopak pozitiv. Shqipëria, Kosova, por gjithë trojet shqiptare, kanë një kulturë, një traditë vërtetë shumë të veçantë. Përveç kësaj, është edhe pjesa e turizmit, që është zhvilluar jashtëzakonisht shumë në Tiranë, e shumëçka tjetër që kanë ndodhur vitet e fundit. Tiranës dhe Shqipërisë ia kam pasur për borxh sepse talenti im ka dalë në pah nga Shqipëria, Tirana, ose më mirë, nga Akademia e Arteve, aty ku unë kam ardhur dhe kërkuar ndihmën e parë. Kjo është më e pakta që mund të bëj”, u shpreh ai.
Në festën e flamurit, Lahaj ka vendosur të risjellë në një version ndryshe këngën e famshme shqiptare, “Për ty atdhe”. Ramë Lahaj e risolli këtë këngë bashkë me një klip, që pasqyron vlerat, kulturën dhe traditat shqiptare. Tenori nga Istogu përmes një postimi në rrjete sociale, theksoi se kjo këngë ishte dhuratë për ta në këtë ditë feste kombëtare./tiranaal/KultPlus.com
Tenori i njohur shqiptar, Rama Lahaj për nder të ditës së 28 Nëntorit ka lansuar këngën e tij më të re “Për ty Atdhe”, shkruan KultPlus.
Zëri i mrekullueshëm i Tenorit kombinuar me pamjet magjike të vendeve shqiptare kanë bërë që kjo këngë të duket madhështore për mesazhin që përqon dhe të dëgjohet gjatë, derisa ka njerëz të cilët çmojnë artin e mirëfilltë në këtë botë.
Në videoklipin e këngës “Për ty Atdhe” shfaqet tenori Lahaj me një vajzë, të cilët tërë skenimin e bëjnë për të përquar një mesazh të madh që vërehet në përfundim të këngës.
Prishtina, Prizreni, Tirana, Kruja e vendet tjera të dy shteteve shqiptare u bënë nikoqire e këngës më të re të tenorit, teksa përgjatë videoklipit shfaqen motive të kulturës shqiptare, si veshja, plisi dhe shumë elemente të tjera të cilat e kurorëzojnë këtë këngë.
Kënga muzikën e së cilës e kreu Pjetër Gaci, orkestrimin Shpëtim Saraçi dhe me video produksion nga Entermedia, në të gjitha pamjet shfaq dashurinë e një çifti të ri që vizitojnë vende shqiptare dhe praktikojnë tradita tona, teksa përmbyllja e këngës bëhet me propozimin e Lahajt ndaj vajzës pranë monumentit të Skënderbeut.
Kënga e cila në spot shfaq dashurinë e një çifti, mbaron me fjalët “O atdhe sot për ty të lumtur jetojmë”, e që edhe ndjenjat individuale bëhen shënuese të lirisë së atdheut. / KultPlus.com
Kryetari i komunës së Pejës, Gazmend Muhaxherri, ka njoftuar se tenori me famë botërore, Ramë Lahaj dhe Siparantum Choir do të kenë një bashkëpunim, shkruan KultPlus.
Nëpërmjet një postimi në Facebook, Muhaxherri ka shkruar se projekti mes tenorit dhe Siparantum Choir do të publikohet së shpejti
Më poshtë gjeni statusin e tij të plotë:
Tenori me famë botërore Ramë Lahaj dhe Siparantum Choir në realizimin e një projekti gjigand që shumë shpejt do të publikohet. I përgëzoi për punën dhe angazhimin e jashtëzakonshëm!/ KultPlus.com
Ky vit ka qenë i bujshëm me raste mbi dhunën në familje.
Shumë gra ranë pre e burrave të tyre, e disa prej tyre edhe përfunduan me vdekje. Këto raste që ngjallin dhimbje e shqetësim, kanë bërë që shumë fytyra publike të reagojnë në mënyra të ndryshme.
Tenori i fashmëm, Rame Lahaj, ka reaguar përmes një statusi të shkruar në formë lutjeje, ku është lutur për gratë, motrat e nënat tona. Ku ndër të tjera i ka bashkangjitur edhe recitmin e poezisë së Kaltrina Pacollit, ‘Unë, kufoma e ardhshme’, të interpretuar nga Rita Behadini.
‘Zot ruaje, të shenjtën e të madhërishmën tonë,Zotin e tokës. Gruan! Zot ruaje nga hijenat dykëmbëshe, Zot ruaje nga burrecat që çojnë dorë n’të. Zot të lutem ruaje nënë e motrën tonë’, thuhet në postimin e tenorit. / KultPlus.com
Pak ditë më parë, tenori i njohur shqiptar, Rame Lahaj, ka publikuar këngën ‘Khtehu rini’, një këngë kjo tejet emocionuese që vjen si dedikim për të rinjt e vendit, si një thirrje për të mos lënë vendin, shkruan KultPlus.
Videos së postuar në rrjetin social Facebook, Lamaj i ka bashkangjitur edhe një mbishkrim ku ka shtjelluar më gjerë arsyet që e kanë shtyrë drejt publikimit të kësaj këngë.
Ndërkaq, ajo çfarë ka marrë vëmendje në videon e publikuar të tenorit, ka qenë komenti i sopranos së mirënjohur serbe, Olivera Topaloviç, e cila ka shprehur lavdatat më të mëdha për Lahajn.
“Nga fundi i zemrës sime serbe, e dua atë, BRAVO Lahaj Ramë! Është aq e bukur dhe në këtë muzikë këndimi juaj është i plotë sepse këndoni me shpirtin tuaj – nuk ka politikë të marrë dhe aq shumë urrejtje midis neve dy njerëzve në muzikë. Uroj kaq shumë që bukuria dhe dashuria të fitojnë! Urime kjo është e mrekullueshme.”, ka komentuar sopranoja. / KultPlus.com
Tenori i njohur shqiptar, Rame Lahaj, ka publikuar këngën ‘Khtehu rini’, një këngë kjo tejet emocionuese që vjen si dedikim për të rinjt e vendit, si një thirrje për të mos lënë vendin, shkruan KultPlus.
Videos së postuar në rrjetin social Facebook, Lamaj i ka bashkangjitur edhe një mbishkrim ku ka shtjelluar më gjerë arsyet që e kanë shtyrë drejt publikimit të kësaj këngë.
Më poshtë gjeni statusin dhe videon e publikuar nga tenori.
‘Meqë më keni kërkuar pafundësisht të këndoj në shqip, ja ku e keni këngën me të cilën jam rrit t’u e pa në sytë e Nanës e t’u e ndje thellë në zemrën e saj se si e plakte para kohe mungesa e gjysmës së shpirtit të saj, të cilët jetonin në mërgatë.
Një herë, na vrau regjimi, pastaj mërgimi, e sot po na mbytë politika e keqe për të cilën jemi vet fajtorë për përzgjedhjet që bëjmë. Politikën e keqe nuk duhet kurrë ta marrim si pretekst për të imigruar.
Nuk mund të ikim gjithmonë! E kemi për detyrë të qëndrojmë këtu për shumë arsyeje. Për gjakun e dëshmorëve, për rrenën që na e bëjnë sot, duke na thënë: ‘BAC U KRY!’. Jo! S’është kry BAC! Po t’rrejnë ty e neve. E kemi për detyrë dhe obligim edhe për gjeneratat që vijnë të kontribuojmë për një Kosovë që duam të gjithë. Andaj mos ik! Të bashkojmë forcat kudo që jemi në atdhe e mërgatë për tokën që e lamë me gjak. Boll ma me politikanë që bëjnë jetë milionerësh, e pas lanë një popull në skamje.
Të duam Kosovë, të duam mërgatë! Ti je zemra e madhe e Kosovës tonë të vogël!
Faleminderit Naim Krasniqit për këtë super-këngë! Florent Boshnjakut për ri-orkestrim dhe mikut tim Artan Korenica për videon.’ / KultPlus.com
Tenori i njohur shqiptar Ramë Lahaj duket se është duke punuar një projekt të ri, shkruan KultPlus.
Ai ka realizuar një takim me kompozitorin e njohur Florent Boshnjaku, dhe pikërisht ky i fundit ka paralajmëruar për këtë projekt. “Diçka shumë e bukur rrugës”, ka shkruar Boshnjaku.
Ndërkohë, Ramë Lahaj është duke qëndruar së fundi në Kosovë dhe takimet e tij kanë qenë të shpeshta edhe me udhëheqës të institucioneve, sikurse në Kosovë, poashtu edhe në Shqipëri.
Ramë Lahaj së fundi është prezantuar me një koncert të madh në sheshin e Prishtinës, mbetet të shihet se në çfarë formati do të jetë projekti i ri./KultPlus.com
Drejtoresha e Komunës së Prishtinës, Blerta Basholli është takuar sot me tenorin Ramë Lahaj.
Një tenor që ka performuar në skenat më të mëdha botërore, është kthyer në Kosovë me ide të reja.
Basholli, përmes një statusi në Facebook ka njoftuar që në këtë takim është biseduat që koncerti “Ramë Lahaj & Friends” që u mbajt vitin e kaluar në Sheshin “Skënderbeu” po pretendohet të bëhet tradicional, kjo për arsye që ky koncert është pëlqyer shumë dhe shikueshmëria ka qenë e lart.
“Është shumë interesant dhe i bukur fakti që artistët Kosovarë shkojnë kah të shkojnë, por përsëri kthehen në Kosovë të bëjnë projekte dhe kam përshtypjen se ndjehen shumë më mirë se kudo . Kjo i ofron mundësi edhe audiencës për të parë punën e jashtëzakonshme që ata bëjnë jashtë vendit, por edhe promovon vendin tonë në mënyrën më të bukur të mundshme. E siç e kemi thënë shumë herë, kush mund t’a promovojë më mirë vendin se sa artistët?
Një tenor i talentuar që ka perfomuar në skenat më të mëdha botërore e me artistët më të mëdhenj të operas, Ramë Lahaj përsëri kthehet me ide të reja në Kosovë”, ka shkruar Basholli.
Krejt për fund ajo ka thënë që është kënaqësi që bashkë më Ramën të bëjnë bashkëpunime të reja.
“Kënaqësi gjithmonë me u taku e me bisedu për mundësitë që të bëjmë bashkëpunime të reja, e ato të vjetrat t’i kthejmë në tradicionale me Ramë Lahajn.”
Si duket bashkë me ditët e nxehta të verës do të vijë edhe një koncert nga tenori Ramë Lahaj të cilin padyshim që do ta mirëpresin qytetarët e Kosovës me shumë entuziazëm. / KultPlus.com
Edhe tenori i famshëm shqiptar ka reaguar pas rrënimit të Teatrit në Tiranë, shkruan KultPlus.
Ramë Lahaj i cili është i zëshëm për zhvillimet qoftë në Kosovë, apo Shqipëri, ka reaguar edhe për rrënimin e objektit të teatrit në Tiranë. KultPlus ju sjell të plotë reagimin e tij.
Cna duhej Teatri!? Ne kemi nevoj per me shume dycane Gucci! Urime o menjendritur./ KultPlus.com
Në këtë ditë zie për politikën kosovare, kam vendosë të këndoj bashkë me kolegët e mi në Kosovë, marrë parasysh që ‘vaji i burrit është kënga’ e njëkohësisht t’ju tregojme se pavarësisht largësisë në mërgatë, e ju në Kosovë, jemi të bashkuar e më të unifikuar se kurrë. Rri n’shpi derisa të kalojmë edhe këtë fortunë, rri n’shpi e bëjë kujdes më shumë se kurrë sepse pas gjithë kësaj do të kemi punë edhe më të madhe që t’ua tregojmë vendin atyre që dje na e vranë shpresën me thikë pas shpine. A e dini, ohh të mjerë se ju urrejmë me gjithë qenien?/KultPlus.com
Për të gjithë ne që kemi menduar e gëzuar se më në fund do të jemi të lirë dhe se përfundimisht do të bëhemi shtet, ku fëmijët tanë do t’i rrisim krenarë, duke ju treguar për lavdinë e sakrificën për liri, sot u vërtetua që hasmi i përbetuar, është vet pjellë e jona! A do të jetë një grua që këtë herë do të na çlirojë, përfundimisht nga politiKUAJT komunistë të kafe Bozhurit, të shërbyer prej konobaricave* në valle! A do të jetë Vjosa, heroina jonë e re e historisë moderne të Kosovës? A thua do ta kemi fatin të na drejtojë një mendje e ndritur, plot guxim sikurse Albini, të na çlirojë nga kaubojt e Opel Askonave të pasluftës që prej injorantësh e çobanësh na u bënë udhëheqës, pushtues e profesorë universitetesh, duke na detyruar ta urrejmë atdheun të cilin të parët dhe vet ne edhe me gjak e lamë! Perëndia, lë të na jep fuqinë që t’i palojmë në kontenjera mbeturinash! Po si Ukraina, të gjithë ata që na u bënë armik, të lirisë duke na e shuar çdo shpresë e duke na bërë që urrejtja ndaj tyre sna la rruge tjeter vec ta braktisim vendin i madh e i vogël pa përjashtim!
Një gjë ta dini, se dashurinë për tokën ku jemi rritë, tu ecë zbathur e të zhveshur, s’ia dolët të na e shuani kurrë. Gjeneratat e reja mendjendritura po vijnë! Të gjithë ju një dit do të merrni mallkimin e merituar! /KultPlus.com
Ministrja e Kulturës, Rinisë dhe Sportit, Vlora Dumoshi, priti sot në takim tenorin me renome ndërkombëtare Ramë Lahaj, i cili vizitoi ministren për t’i uruar marrjen e detyrës dhe Ditën e Pavarësisë së Kosovës.
Ministrja e falënderoi tenorin
Lahaj për kontributin dhe angazhimin e tij në fushën e kulturës në përgjithësi,
e sidomos për promovimin e kulturës shqiptare nëpër botë si dhe forcimin e
imazhit të Kosovës nëpër ngjarje kulturore kudo që merr pjesë.
Po ashtu, ministrja Dumoshi, e
informoi për planet dhe programin që pritet të realizohet në fushën e kulturës,
duke përmendur edhe projektet infrastrukturore fizike të kulturës ku veçoi
objektin e Operës dhe Baletit “Ibrahim Rugova” i cili është në fazën e
vlerësimit të hartimit të tij dhe komisioni vlerësues do të themelohet shumë
shpejt.
Ndërkaq, nga ana e tij, Lahaj tha se është e nevojshme krijimi i hapësirave për artistët që të kenë ku të performojnë dhe mbështetja e kulturës do të jetë inkurajim që artistët e rinj të krijojnë edhe më shumë. / KultPlus.com
Tenori i njohur shqiptar Ramë Lahaj ka reaguar pas lajmit të fundit se kryeministri i Shqipërisë Edi Rama ka ngritë padi ndaj kryeministrit të Kosovës në detyrë Ramush Haradinaj.
KultPlus
sjell reagimin e tij të plotë dhe origjinal:
Faqja e zeze
N’ven se Shqipnija me qu
padi kundra krimeve te bame ne Kosove e gjenocidin barbar ne dekada nga
Serbija, sot nji shortim mes greku e serbi “profeti“ paska qu padi per t’zotin
e shpise n’Kosove, vllaun e vet. I mjeri !
Historikisht kombi
shqiptar ka pase qakoj qe me bisht ner’ kame, i kan shti hunet fell, sa kan
mbrri me permyse sofren e vet per me ja bo qefin e me gzu vrasesin, hasmin
t’perbetuem t’vallut t’vet.
Po nuk jemi merzite asihere se luajt gardian qe jeten flijuan
neper dekada per ket’ liri t’lame me gjak, na kan lane djem e nipa boll, qe me
na e mrbojte torishten prej zagarve te ktij soji. N’funt t’funit, boll i kemi
hallet tona me ndamjen e hises se pushtetit, bash si qent e terrbum rreth
lekures se kurbanit.
HIJENA T’PUSHTETIT
Zot ruje Shypnin prej shartimit t’kti soji./KultPlus.com
Me familjet e prekura nga tërmeti në Shqipëri po solidarizohen të gjithë duke ju ardhur në ndihmë në forma të ndryshme, shkruan KultPlus.
Artistët gjithashtu po
shprehen të prekur nga kjo tragjedi. Tenori i njohur, Ramë Lahaj përmes një
statusi në Facebook është shprehur se të gjithë të prekurit e kanë një shtëpi që
u rindërtua 20 vjet më parë, duke aluduar në Kosovën, qytetarët e secilës Shqipëria
i strehoi gjatë kohës së luftës në Kosovë.
“Gjithmonë e në çdo frymëmarrje do të jemi me ju, sikur që ju shenjtërisht ishit me ne, në kohët më të vështira! Të gjithë duhet ta dini se keni një shtëpi që u rindërtua, hiç më larg se 20 vjet më parë dhe ju mirëpret në çdo sekondë derisa tuajën ta rindërtojmë së bashku. Tashme, ia kemi marrë dorën ne të mjerët, gjithmonë të shkatërruar ose nga ndonjë regjim barbar ose ndonjë politikë e gabuar, dhe herë pas here, na përplas edhe vet Zoti, sikur pak të kemi vuajtur ne shqiptarët! Por të fuqishëm do të qëndrojmë, deri në frymën e fundit. Me shpirt jeni me ju, gjithmonë!”, ka shkruar Lahaj në Facebook. / KultPlus.com
Ritmi i shpejtë i jetës dhe vrapimi drejt suksesit, shpesh na bënë t’i harrojmë njerëzit më të dashur e të kthehemi për ta kaluar kohë bashkë me ta.
Këtë mesazh, përmes një
statusi në Facebook e ka përcjellur tenori shqiptar, sot me famë ndërkombëtare,
Ramë Lahaj, i cili përmes një fotografie në natyrë me një prej personave më të
dashur për të ka dërguar tek ndjekësit e tij një mesazh shumë domethënës. Ai ka
theksuar që nuk duhet të harrojmë të kthehemi aty ku nisi gjithçka si pasojë e
dashurisë së madhe e ku dashuria nuk kishte asnjë interes përpos mirësisë.
“Kur ritmi jetësor më merr para dhe njëfarë forme ma zë frymën, me shumë obligime dhe më bënë të ndihem sikur gjithçka dhe çdo sekondë duhet kalkuluar për hir të suksesit dhe një jete luksoze që vjen si rrjedhojë e egos sonë, atëherë vendosi të kthehem krejt në fillim, aty ku nisi gjithçka si pasojë e dashurisë së madhe, ku ditët ishin të ndritura e të shenjta e ku dashuria s’kishte asnjë interes përpos mirësisë.
Mos i harroni njerëzit tuaj të dashur, duani fort ata sepse jeta është e shkurtër e suksesi gënjeshtër e madhe!” / KultPlus.com
Placido Domingo po përballet me akuza të ngacmimit seksual, por publiku amerikan e kishte dënuar edhe para se të fillonin hetimet ndaj legjenda së operës.
AP ka publikuar deklarata e tetë këngëtarëve, valltareve dhe
individë të tjerë që e akuzuan tenorin spanjoll për ngacmim, puthje të
pahijshme dhe sjellje të tjera të padëshiruara. Megjithatë, deri më tani,
askush nuk duket se ka paraqitur prova të qarta për pretendimet e tyre.
Në të njëjtën kohë, lajmi ka bërë një bujë të vërtetë dhe
vetëm disa orë pas lajmeve, Opera e San Francisko ka anuluar performancën e tij
në shtator. Ata ishin pak më të kujdesshëm në lidhje me Operën e Los Angelesit,
duke thënë se do të hapnin një hetim.
Megjithatë, ndryshe nga publiku amerikan, shtëpitë e operave
në Evropë nuk po arrijnë në përfundime të shpejta. Deri më tani, askush nuk ka
marrë vendim që të anulojë performancat e Domingos duke përfshirë edhe qytetet
si Milano, Cyrih e Londra. Disa nga kolegët e Domingos në Shtetet e Bashkuara
kanë thënë se nuk janë të befasuar nga këto akuza dhe se duhet të “lihet të
sharroj”. Nga ana tjetër, evropianët janë më të kujdesshëm dhe disa prej tyre i
kanë dalë në mbrojtje.
Ndryshe, kujtojmë se spanjolli është mik i mirë edhe me
tenorin tonë, Ramë Lahajn, ku në disa raste edhe kanë performuar së bashku në
operat ndërkombëtare. Për këtë rast Lahaj ka reaguar përmes një statusi në
Facebook duke i dalë në mbrojtje mikut të tij. Ai pohon se të gjithë ata që e
njohin Domingon e dinë që një gjë e tillë nuk është e vërtet sepse ai është
babai i mirë, që në mënyrë specifikë kujdeset për të gjithë.
“Jetojmë në një kohë të çuditshme, ku mjafton t’i mbledhësh, 2 apo 3 shoqe e të akuzosh dikë për gjëra të pabazuara, edhe krejt farë lehtë mund të vësh në mëdyshje personalitetin e dikujt. Kjo po ndodh edhe me Maestro Domingon. Nuk di nëse ka artist në botën e operës të këtë pas sado pak talent e të mos jetë mbështetur nga Maestro Domingo. Për të gjithë, që kishim fatin ta takojmë e të punojmë me të, e dimë mirë se çfarë personaliteti ka ai dhe kush është ai. Lirisht mund të them për të gjithë ne artistët e rinj, ai është Baba i mirë, që në mënyrë specifike është kujdes për secilin prej nesh. Maestro, ti je heroi ynë, ti je shembull dhe po ashtu modeli më i mirë i të gjitha kohërave. Ne të duam dhe e dimë mirë se kush je, do të të mbështesim deri në frymën e fundit”, ka shkruar Rame Lahaj. / KultPlus.com
Ramë Lahaj mbrëmë mbushi Prishtinën me ngjyrat artistike të zërit të tij të veçantë. I titulluar ‘’Ramë Lahaj ëith Friends’’ ky koncert u mbajt mbrëmë në sheshin Skënderbeu. Shfaqja filloi me disa video-incizime, që për bazë kishin performancat e Lahaj-t ndër vite. Kur skenës iu bashkua Lahaj, dhe duartrokitjet e publikut pushuan për t’i dhënë rastin të marrë fjalën, ai filloj me një fjalim të shkurtë, duke falënderuar Komunën e Prishtinës, dhe duke u shprehur se një koncert të tillë ua ka borxh qytetarëve të Kosovës dhe se ky lloj i eventit do të organizohet edhe vitin tjetër, shkruan KultPlus.
’’Është një ndjenjë e jashtëzakonshme të
jem në mesin e juaj’’, u shpreh ai. Falënderoj orkestrën, miqtë e tij që do të
ishin performues në koncert, si dhe publikun e madh që me padurim prisnin të
dëgjonin zërin e tij të veçantë. Duke qenë një artist me famë botërore, ai bëri që
sheshi i Prishtinës të mbushej plot me dashamirë të artit dhe të punës së tij.
Sheshi kumbonte nga turma, e nga brohoritjet drejtuar Ramë Lahajt. I emocionuar nga pritja madhështore që i bënë publiku kosovarë, ai filloj me performancën e tij, që më pasë do të përcillej edhe nga baritoni bullgar, Kiril Manolov, baritoni Kosovar Adhurim Grazda dhe sopranoja Besa Llugiqi, të cilët publiku i priti me shumë entuziazëm e duartokitje.
Dirigjues i orkestrës ishte italiani, David Crescenzi, për të cilin Lahaj tregoi një storie interesante, ai tha: “Storia e lezetshme në këtë mes është me Davidin, kur para një periudhe performuam në operë në Duseldorf, në muhabet e sipër më thotë: Si është Prishtina pas 20 vjetësh? I thashë që është mirë”. “Por mua më habiti si e dinte Prishtinën se ndonjëherë kur udhëtoj në kontinentet e tjera nuk e kanë shumë idenë se ku i bie Prishtina dhe Kosova – edhe po e pyes kah kjo lidhje e jotja me Prishtinën, ai ma kthen se ka qenë carabinier në luftë dhe se është kurioz me pa Prishtinën 20 vjet pas luftës”.
Pika kryesore e këtij koncerti, ishte kur Ramë Lahaj performoi këngën e famshmë “O moj bukuroshe”, këngë kjo e cila te publiku ngjalli një emocion më ndryshe, duke i dhënë shpirt publikut, dhe në një mënyrë indirekte duke e bërë edhe atë pjesë të koncertit.
Kurse mbrëmjen e përfundoi me këngën
‘’Rrjedh në këngë e ligjërime’’, këngë kjo që dikur është kënduar nga Vace Zela.
Ndërsa sot Ramë Lahaj përmes një statusi në facebook, ka shprehur ndjenjat e
tij rreth koncertit të mbrëmshëm dhe ndjenjat personale atdhetare. ‘’Mundesh me
qenë me fat, me i ra tanë dynjasë rreth e përqark, po dashninë si në tokën nanë
s’e gjen askund! Aty ku t’a shijojnë e dëgjojnë çdo frymëmarrje, sikur të ishte
e fundit. Aty ku vuajtja e gëzimi na rrëmbejnë njëkohësisht, sepse kemi vuajt
shumë që m’u mbledhë kështu… pa frikën nga pushtuesi, e për të k’nue gjithçka
që na do zemra në tokën që sakrifikuam aq shumë për të. Nga sheshi i të madhit
Skënderbe, e me hovin e trokut të tij, sh’iptarët do t’i biejnë botës anë e
mbanë, për me tregue që jemi diamanti i Evropës, jo ai qe ju është e shtremnue
ndër shekuj! Ju dua, qysh e do nana fëmijën, ohh sh’iptarët e mi të dashur! E
ju premtoj se cdo vit kam me ju dhanë një koncert të këtillë, për çdo vit kemi
me i këndue bashkë dashnisë e lirisë. Një falënderim i madh për komunën e
Prishtinës, orkestrës mbarëkombëtare dhe kolegëve të mi nga vendi e ndërkombëtarë’’,
ka shkruara Rama.
Ky concert u organizua nga Ministria e Diasporës dhe Investimeve Strategjike. / KultPlus.com
Me shumë krenari i këndon vendit, ani se institucionet nuk e ftuan asnjëherë që të mbajë koncert.
Por gjërat kanë ndryshuar tani për tenorin me famë botërore.
Ramë Lahaj, këtë të enjte do të këndojë midis kryeqytetit të Kosovës, njofton
Klan Kosova.
Pjesë e ekipit të tenorit nga Istogu është edhe një
dirigjent italian që pas luftës shërbeu si karabinier.
E nikoqiri po beson se sheshi “Skënderbeu” do të mbushet
plotë njerëz, të enjten nga ora 20:30.
Kjo për faktin se edhe mërgimtarët janë në pushim, dhe se
koncerti është pa pagesë.
Ramë Lahaj ka dhënë lajmin e mirë për të gjithë adhuruesit e muzikës së tij.
Ai përmes rrjeteve sociale ka njoftuar se shumë shpejt do të rikthehet me një koncert në kryeqytetin tonë, Prishtinë, shkruan Indeksonline. “Së shpejti koncert në Prishtinë…”, ka shkruar tenori kosovar me famë botërore.
Kujtojmë që sukseset dhe fama e Lahaj ka depërtuar përtej kufijve shqiptarë.
Tenori i njohur shqiptar, Ramë Lahaj, ka publikuar pamje nga Moska duke kënduar muzikë popullore shqiptare. Ramë Lahaj, njihet për zërin e tij të veçantë, e këtë e ka dëshmuar disa herë.
Kësaj radhe, ai është paraqitur nga Moska, duke shkruar se
kur i bie rreth e përqark dynjasë, duke e hequr make-upin, ia kris këngës së
qejfit.
“Ai momenti kur e hapë dhe e mbyllë sezonin e 243-të, të teatrit gjigant, atë të Bolshoit, të Moskës e po ashtu i bie dynjasë rreth e përqark e duke e hequr make upin ia krisë këngës së qejfit. Zotit e njëri tjetrit i qofshim falë për gjitha të mirat që i gëzojmë. Gëzofshi të mira edhe ju o njerëz të mire” shkroi Lahaj.
