Etiketë: RAVE

Erin Go Dance, që në moshën e hershme të adoleshencës, ka shfaqur pasionin e tij për muzikën e veçanërisht për atë të zhanrit Rock dhe Metal.

Ka luajtur në instrumente të ndryshme muzikore, duke filluar si kitarist, për të vazhduar më vonë edhe me bateri, ku së bashku me shokët e tij, krijuan edhe grupin muzikor të këtij zhanri, në Prishtinë.

Vlen të përmendet se gjatë këtij rrugëtimi muzikor, Erin Go Dance dëgjoi dhe gjeti inspirimin e tij në artistë dhe grupe muzikore të njohura si: Depeche Mode, Trentemøller, Massive Attack, Daft Punk, Nine Inch Nails e shumë të tjerë.

Kjo fazë ishte shumë e rëndësishme për karrierën e tij, gjatë të cilës i lindi një dashuri e re ndaj tingujve dhe ritmit të muzikës elektronike. Më vonë u bë faktor kryesor për ta shtyrë në botën e këtij zhanri. Rreth vitit 2014 fillimisht ai u inkuadrua në ketë rrymë si producent, duke krijuar tinguj të ndryshem të muzikës elektronike dhe më pas edhe të performonte si DJ.

Që nga kjo periudhë, Erin Go Dance vazhdoi punën e tij si DJ dhe producent duke performuar në klube, kafiteri dhe evenimente të ndryshme. Stilet që më së shumti i hasim tek ai gjatë performancave që bën, janë: House, Deep House, Tech House dhe Minimal.

Erin Go Dance si artist beson se rol të rëndësishëm në zhvillimin e kreativitetit në krijimtari dhe performancat e tij, luan dëgjimi dhe inspirimi i vazhdueshëm i rrymave të ndryshme muzikore.

Rave ka ftuar ERIN GO DANCE  me një set prej 1 orësh për adhurues të muzikës elektronike, këtë të Diel nga ora 21:00, performancën mund ta ndiqni në RaveTravel, Win Music Freedom Ks dhe Kultplus- faqen tonë zyrtare në facebook.

Live Session do mbahet tek Four Points Ho. / KultPlus.com

Rave në Dhjetor 2020, ne festojmë 250-vjetorin e lindjes së Beethoven.

Pandemia e COVID-19 mund të ketë detyruar anulimin e mijëra shfaqjeve të Beethoven në të gjithë botën, por ne e zëvendësuam këtë duke organizuar një koncert virtual.

Në këtë koncert virtual në piano do kemi Shkëlzen Baftiari dhe Lida Aliu do të luaj në violinë.

Performanca do të fillojë në orën 21:00 të këtë të Diel në vendin më të bukur që Prishtina ka-Bibloteka Kombëtare e Kosovës-”Pjetër Bogdani”  dhe presim që të gjithë të na bashkoheni në këtë koncert të bukur që kemi organizuar.

Le të festojmë së bashku!

Shkëlzen Baftiari-Baftiari ka marrë pjesë në shumë koncerte në Maqedoni dhe jashtë saj. Përveç kësaj, ai është gjithashtu fitues i shumë konkurseve kombëtare dhe ndërkombëtare. Disa prej tyre përfshijnë: Çmimin e Parë në Blagoevgrad (Bullgari), Laureatë në Konkursin Ndërkombëtar Valentino Bucchi në Romë, Çmimin e Dytë në Konkursin Ndërkombëtar Nikolai Rubinstein në Paris, Çmimin e Parë në Konkursin Ndërkombëtar Schumann-Brahms në Plovdiv (Bullgari). Në Prill 2007 ai ishte fitues i Çmimit të Parë Special në Konkursin e Republikës së Maqedonisë në Piano. 

Ai ka dhënë recitale në Shkup, Prishtinë, Tiranë, Sofje, Beograd, Tetovë, Ohër (Festivali i Verës së Ohrit) dhe ka interpretuar si solist me Orkestrën Filarmonike të Maqedonisë dhe me Orkestrën Simfonike të Fakultetit të Arteve Muzikore në Shkup.

Lida Aliu- Gjatë viteve të studimit është fituese e shumë cmimeve shtetërore dhe internacionale në kategoritë: solo dhe formacioneve kamertale, ka marrë pjesë në shumë koncerte, projekte, manifestime dhe festivale te rendesishme si : “Volin Fest”(Shkup, Maqedoni), “Festival d’Aix-en-Provence”(Marsej, Aix en Provence, Francë), “Dam fest”(Prishtinë, Kosovë), “FIMU”(Belfort,Francë) ku ishte edhe koncertmjeshtër e orkestres pranë fakultetin të arteve muzikore.

Një prej cmimeve më të rëndësishme të cilin e fitoi është cmimi “26 Korriku” të cilin e ndan fondacioni Frank Harkord Maning në vitin 2018 për studentin më të mirë në sferën e arkitekturës, shkencave shoqërore dhe arteve, cmime të tjera te rëndësishme : dy herë pjesmarrëse në Orkestren Mediterane të Francës me koncerte ne Marsej, Aix en Provence, Zadar, Ljubljana, cmime të para, të dyta dhe të treta, tre cmime speciale.

Lida Aliu ka realizuar bashkpunime me muzikantë të tille si violinisti gjerman – Kirill Troussov, Stefan Milenkovic dhe Maksim Fedotov. / KultPlus.com

Rave po përmbyll tani sezonin e Verës me një super performancë nga Tatu ( Arlind Kozeli ) që është emri tjetër për natën e vonë apo mëngjesin e hershëm në kryeqytet. 

“Që prej s’mbahet mend, marrëdhënia e tij deri diku perverse me muzikën, e ka kthyer që në rinin e hershme në një nga DJ më karizmatik e të dashur nga dashamirësit e orëve të vona”, thuhet në njoftim.

 Stili i tij i pagabueshëm për veshin vjen si një shkallëzim progresiv i House-it modern i ngjyer sipas rastit në Techno e që jo rrallë herë thyhet me ndonjë surprizë të këndshme, … me pak fjalë mjaftojnë vetëm veshtë e këmbët për ta shijuar plotësisht.

Mbrëmja mbahet të dielën nga ora 21:00. / KultPlus.com

Kësaj radhe Rave ka ftuar një artist të ri nga Shqipëria i njohur me emrin Jeff dhe perfomanca do realizohet në 360 Drymades Sunset Bar.

 Jeff është një 24 vjeçar dhe vjen nga Himara (Shqipëri)

Ai ka filluar ta pëlqej dhe të merret me muzikë që nga mosha 16 vjeçare

 Zhanret e muzikës që ai luan janë Electronica Downtempo, Afro, Ethnic, Deep House.

Jeff është artist i ri mirëpo shumë i kërkuar për llojin e muzikës që ai luan. Ka marr pjesë në shumë evente në vende te ndryshme si Shqipëri, Kosove dhe Greqi.

Ai ka interpretuar së bashku me: Be Svendsen, SIS, Chaim, Roy Rosenfeld, Musumeci, Secret 47, Sabb, Estray, Dj Reas, Black Circle, Peppe, RRRRON (KS), Dj HEIDI, Machine Collective, Erti Lutaj, MINIMIM, Andi, Tatu etj. / KultPlus.com

RAVE vazhdon me valën tjetër të artistëve që do të performojnë në Shtator, shkruan KultPlus

Në sesionin e radhes të shtatorit Rave sjell, Lart Rama, regjisor filmi dhe artist visual i cili është futur së fundi në botën e muzikës pas pasionit që kishte për sound design.

Ai vjen nga grupi Servis dhe eksploron me storytelling me anë të muzikës ambient dhe noise deri në tekno dhe tribe. / KultPlus.com