Ish-refugjatja nga Kosova, Remzije Sherifi shpërblehet për kontribut në komunitet në Britani

Posted on 20 Maj, 201920 Maj, 2019 by KultPlus

Remzije Sherifi, një refugjate nga Kosova e cila tashmë jeton në Glasgow, është shpërblyer për kontributin e saj në bashkimin e komunitetit në Maryhill, përcjellë KultPlus.

Kur ishte 17 vjeçare, Remzije Sherifi ishte një nga gazetaret e para në Kosovën e shkatërruar nga lufta dhe më vonë ajo u evakuua në Glasgow nga një kamp refugjatësh pasi që ishte diagnostikuar me kancer.

Vite me vonë ajo themeloi “Maryhill Integration Network” që ka për qëllim që të bashkojë azilkërkuesit, refugjatët dhe gjithë njerëzit të cilët jetojnë në Glasgow, përmes programeve dhe aktivitete të ndryshme edukuese dhe kulturore.

Ajo mori çmimin “Spotlight Award” dje në ceremoninë “Scottish Women in Business” që u mbajt në Glasgow Grand Central Hotel. Remzija ishte zgjedhur pas votave të publikut, shkruan eveningtimes.co.uk/ KultPlus.com

Remzije Sherifi në Konferencën Ndërkombëtare “People Dancing” në Glasgow të Skocisë (FOTO)

Posted on 1 Tetor, 20172 Tetor, 2017 by KultPlus

Në cilësinë e drejtueses dhe producentes së programeve të ndryshme artistike të vallëzimit, Remzije Sherifi e cila prej fundit të viteve të 90-ta jeton në Glasgow, do të prezantojë eksperiencën e saj në një konferencë ndërkombëtare, shkruan KultPlus.

Vetë Remzije Sherifi ka njoftuar se ajo do të jetë e pranishmë në hapjen e Konferencës Ndërkombëtare “People Dancing”, që do të nisë më 3 dhe do të zgjasë deri më 5 tetor, për të treguar përvojën e saj të një periudhe prej dy dekadave, pikërisht në këto organizime.

Remzije Sherifi, nëpërmjet punës së saj ka bërë që kultura shqiptare të prezantohet në shumë vende e festivale të rëndësishme, duke prezantuar përpos vallëzimit, edhe kostumet e bukura shqiptare./KultPlus.com

Për çmimin “Gruaja e Vitit 2017” në Skoci, e nominuar edhe shqiptarja Remzije Sherifi

Posted on 24 Gusht, 201724 Gusht, 2017 by KultPlus

Janë bërë publike nominimet në The Scotish Women’s Awards, dhe në mesin e shumë grave të famshme skoceze, në kategorinë e bamirësisë është edhe emri i Remzije Sherifit, e cila tash e shumë vite jeton dhe vepron në Glasgow, shkruan KultPlus.

Edhe vetë Remzije Sherifi është shprehur të jetë e nderuar për këtë nominim, e cila ka specifikuar se ndihet të jetë e privilegjuar që është e nominuar për punën e saj në fushën e bamirësisë. Ndërkohë, finalja e madhe e këtij çmimi prestigjioz do të mbahet më 30 gusht.

Remzije Sherifi është nga Gjilani dhe ka shkuar në Skoci në vitin 1999 kur u evakuua nga një kamp në Maqedoni. Deri në vitin 1992, kur u përjashtua nga puna, Remzija ka punuar si radio-gazetare dhe producente. Në Skoci ajo ka treguar sukses duke e udhëhequr shoqatën ‘Maryhill Integration Network’ e cila merret me zbatimin e programeve që kanë të bëjnë me shëndetin, arsimin, artin dhe vallëzimin e që kanë për qëllim afrimin e komuniteteve.

Dhe puna e saj në Skoci është vlerësuar edhe në më herët, pasi që në çmime të ngjashme prestigjioze është nominuar edhe viteve të shkuara. /KultPlus.com