Sot doli nga shtypi numri i pestë i revistës vjetore letrare ‘Fryma’, revistë kjo që udhëhiqet nga studentët e Fakultetit të Filologjisë dhe krijohet me shkrimet e tyre, shkruan KultPlus.
Nga studentët për studentët
Kjo revistë ashtu si është ideuar më herët, iu jep hapësirë të gjithë studentëve që merren me shkrime të dalin para lexuesit me krijime të ndryshme, të cilat tregojnë angazhimin në fushën e letërsisë. Andaj, duke pasur parasysh fushën e gjerë të letërsisë këto shkrime vijnë para publikut në formë të recensionit, poezisë, esesë dhe përkthimit, si kategori në të cilat kanë punuar më shumë studentët. Po ashtu, revista konsiderohet si një bazë shumë e mirë për nisjen e mendimeve kritike dhe paraqitjen e shkrimeve të ndryshme letrare.
Revista ‘Fryma’ hapet me dy fjalë për artin poetik të Podrimjes, dedikuar përvjetorit të tij. Ndërsa, vazhdon me poezinë e poetit Sali Bashota, “Mësohu me vdekë si Ali Podrimja” dhe me poezinë e vetë Ali Podrimjes, “Me jetue”. Rubrika e radhës përmban intervistën me Alban Tufën, “Gazetaria dhe letrarësia janë dy korsi që të çojnë te i njëjti shesh” si dhe intervistën me Bajram Karabollin, “Përkthyesi endet pa pushim midis besnikërisë dhe tradhtisë”.
Nga recensione përfshihen:
Fatlum Meholli: Modeli aktancial në tregimin “Udha e zânit” të Kujtim Rrahmanit
Dorentina Demolli: Analizë stilistike e veprës “Ura me tri harqe” nga Ismail Kadare
Edlira Musliu: Nji shëtitje e autorit mes personazheve të tija (Tregtar flamujsh – Ernest Koliqi)
Halim Halimi: “Përbindëshi” i Kadaresë mes mitit dhe modernitetit
Laura Ferizi Haradinaj: Analizë e veprës “Tenxherja” të Agron Tufës sipas metodës strukturaliste
Vediha Gjonoviq: Në kërkim të një Itake të re (Novelat e Martin Camajt)
Nga eseja përfshihen:
Besarta Rexhepi: Krenaria ime
Linda Gllasoviku: Asgjë nuk zgjat përgjithmonë
Vesa Tërstena: Dashuria me ta
Nga poezia përfshihen:
Arbana Ajeti: Harrim vjeshte
Bleona Arifi: Jam
Dea Basha: Ametisti i fundit
Edon Thaqi: Sol’ace
Egzon Rexhepi: Nëna
Eljesa Misini: Letër e vonuar
Era Berisha: Fara e mollës
Florijana Beka: Irena
Linda Fetaj: Edhe në Mars rënka borë
Pranvera Qerimi: Mall
Valëza Fusha: Shi
Taulanta Azemi: Si një kitarist
Nga përkthimi përfshihen:
Era Berisha: Vetëm nga Edgar Allan Poe
Rrezarta Morina: Dashuri e pafund nga Rabindranath Tagore
Leonora Hajra: I falem shumë shiut nga Küçük İskender
Blerta Haradinaj: Këputini telefonat, të gjitha orat ndaloni nga Eystan Hugh Auden
Të gjitha fotografitë e autorëve janë marrë nga Google.
Këtë vit revista i përkushtohet poetit të dashur, Ali Podrimja, i cili jetësoi dashurinë atërore e atdhetare në kult sublim të fjalës poetike.
Revista udhëhiqet nga: Leonora Hajra (kryeredaktore), Laura Ferizi Haradinaj, Ardit Mehmetaj, Edlira Musliu, Era Berisha (redaktorë), Rrezarta Morina (lektore) dhe dizajni vjen nga Liridon Zekaj. / KultPlus.com
