Etiketë: ribashkim

ABBA-t mund të ribashkohen pas suksesit të Suedisë në Eurovision?

Posted on by Kult Plus

ABBA-t më në fund mund të ribashkohen, pasi Suedia triumfoi në Eurovision, sipas ”The Sun”.

Loreen krijoi mundësinë duke u bërë gruaja e parë që fitoi dy herë Eurovisionin.

Suksesi i Suedisë do të thotë se ngjarja do të organizohet në atdheun e ABBA-s vitin e ardhshëm, në 50 vjetorin e fitores së tyre me këngën ”Waterloo”.

Fansat mendojnë se do të ishte koha e përsosur për të parë sërish Agnetha Faltskog, Bjorn Ulvaeus, Benny Andersson dhe Anni-Frid Lyngstad në skenën e konkursit të këngës.

ABBA pati 19 hite në dhjetëshen më të mirë në Mbretërinë e Bashkuar pas fitores së tyre në Eurovision, përfshirë ”Mamma Mia” dhe ”Dancing Queen”.

Një burim tha dje se ”pasi Suedia fitoi, njerëzit do të kërkojnë një ribashkim të ABBA.

”Ata fituan Eurovisionin në Brighton në prill 1974 dhe vitin e ardhshëm do të jetë 50-vjetori”, tha burimi.

Loreen, 39 vjeçe, grumbulloi 583 pikë me këngën e saj ”Tattoo”, përpara Finlandës së vendit të dytë me 526.

Ajo fitoi më parë në vitin 2012 në Baku me ”Euphoria”./ atsh / KultPlus.com

U shitën si skllevër në 1990-n, nëna dhe djali bashkohen pas 31 vitesh

Posted on by Kult Plus

Një moment tejet emocionues ka qenë ai i bashkimit pas shumë vitesh të nënës me djalin në qytetin Bijie, në provincën kineze Guizhou.

Ata u përqafuan të përlotur pas 31 vitesh, pasi në 1990 u rrëmbyen dhe u shitën në skllavëri nga trafikantët e qenieve njerëzore.

Në vitin 1990, trevjeçari Tao dhe nëna e tij Zhou Jiaying u rrëmbyen dhe u shitën në një familje në provincën Shandong.

Disa muaj më vonë, nëna arriti të shpëtonte, por nuk mundi të merrte me vete djalin e saj të vogël.

Zhou u rikthye në shtëpinë ku e kishin mbajtur pas rrëmbimit, por ata ishin arratisur dhe ajo nuk e gjeti dot më vogëlushin e saj.

Vite pasi Tao arriti të shpëtonte nga familja rrëmbyese, ai bëri gjithçka që të gjente mamanë e tij dhe të bashkohej me të.

Zhou ka shpërthyer në lot, ndërsa momenti emocionues është shpërndarë me qindra herë në rrjet./KultPlus.com