Këngëtarja me famë botërore, Rihanna, ka shkëlqyer në prezantimin e ri i cili vjen në bashkëpunim me Fenty x Puma Creeper Phattz Earth Tone.
Sipas mediave të huaja, Rihanna po shkëlqente si një diamant, me ngjyrën e saj të flokëve bionde dhe me grimin e saj të theksuar.
36-vjeçarja, ka sjellur disa stile me markën sportive dhe të mërkurën ka festuar prezantimin e saj të fundit në Tobacco Dock në Londër./KultPlus.com
Pas paraqitjes së saj mbresëlënëse që shkaktoi “zhurmë” në pjesën e parë të finales së Super Bowl, Rihanna po përgatitet të ngjitet në skenën e Oscars.
Këngëtarja e dashur do të performojë live para publikut këngën “Lift Me Up” e dëgjuar në filmin “Ëakanda Forever”, e cila është i nominuar në kategorinë “Kënga më e mirë”.
Është hera e parë që Rihanna fiton një nominim për Oscar, ku publiku po pret me padurim se si do të paraqitet, pasi në Super Bowl ajo arriti të fitojë admirimin e të gjithëve.
Ceremonia e 95-të e Çmimeve të Akademisë do të mbahet më 12 mars, me moderator Jimmy Kimmel. Raportimet thonë se paraqitja e Rihanna-s do të zgjasë rreth 13 minuta.
‘Lift Me Up’ është kënga e saj e parë që nga publikimi i albumit ‘ANTI’ në vitin 2016. Kënga është nominuar së bashku me këngët ‘Hold My Hand’ të Lady Gaga, ‘Applause’ të Dianne Warren, ‘This is A Life’ nga Ryan Lott dhe David Byrne dhe së fundi, ‘Naatu Naatu’ nga MM Keeravaani dhe Chandrabose./abcnews.al/ KultPlus.com
Rihanna raportohet se nuk është paguar për performancën e saj të dielën në “SuperBowl”.
Ndonëse emra të mëdhenj të muzikës, duke nisur nga Bruce Springsteen e deri te Beyonce kanë performuar në të kaluarën në këtë ngjarje të madhe sportive, asnjë prej tyre nuk është paguar.
“Ne nuk i paguajmë artistët. Në i mbulojmë shpenzimet dhe koston e prodhimit”, ka thënë një zëdhënës i Ligës Kombëtare të Futbollit (NFL) për Forbesin në vitin 2016.
Brian McCarthy, nënkryetari i komunikimit i NFL-së, konfirmoi për Nesweek se liga mbulon “të gjitha kostot që lidhen me shfaqjen” – dhe ndërsa artistët nuk marrin një tarifë paraqitjeje, ata paguhen në shkallë sindikale, e cila është një pagë minimale e garantuar me kontratë sindikale.
Super Bowl e vitit të kaluar u shikua nga 112.3 milionë shikues, sipas Nielsen dhe sipas të dhënave të transmetimit nga NBC-ja, dhe ndeshja e këtij viti mendohet se ka tërhequr vlerësime edhe më të larta, raportoi Los Angeles Times.
Artistët shpesh shohin një rritje në shitje menjëherë pas shfaqjes, si dhe mundësinë për të rritur ndjekësit e tyre në rrjetet sociale.
Në një moment që është bërë viral në rrjetet sociale, Rihanna ka shfrytëzuar paraqitjen e saj në “Super Bowl” për të reklamuar markën e saj “Fenty Beauty”. Derisa po këndonte, ajo është grimuar për pak sekonda me produktin e kësaj marke.
Këtë vit shfaqja ishte edhe më interesante, pasi qysh në fillim të përformacës, këngëtarja me prejardhje nga Barbadosi e bëri të ditur se është shtatzënë në pritje të fëmijës së saj të dytë me reperin, A$AP Rocky, duke u bërë kështu artistja e parë ndonjëherë që performon si një shtatzënë./ KultPlus.com
Megjithëse u zhduk ‘efektivisht’ nga muzika, këngëtarja Rihanna, u rikthye për të kryesuar listën e nominimeve për “Oscars 2023”.
Ajo shënoi një rikthim madhështor me këngën “Lift me up”, e krijuar për Black Panther.
“Lift Me Up”, është nominuar për këngën më të mirë origjinale në Oscars 2023.
Rihanna do të përballet me Lady Gaga, e cila është nominuar për këngën “Hold My Hand” nga filmi “Top Gun: Maverick”, Diane Warren me këngen “Applause” nga filmi “Tell It Like a Woman”, M.M. Keeravaani dhe Chandrabose me këngën “Naatu Naatu” nga filmi “RRR”, Ryan Lott, David Byrne, si dhe Mitski me këngën “This Is a Life” nga filmi “Everything, Everywhere All At Once”.
Ndarja e çmimeve “Oscar” do të bëhet më 12 mars në teatrin “Dolby” në Hollywood. / KultPlus.com
Rihanna publikoi të premten muzikën e saj të parë solo në gjashtë vjet, një baladë emocionale e shkruar në nder të aktorit të ndjerë Chadwick Boseman, transmeton KultPlus.
“Lift Me Up”, kënga e parë e re e Rihannës e lindur në Barbados që nga albumi i saj “Anti” i vitit 2016, shfaqet në kolonën zanore të filmit të ardhshëm të Marvel “Black Panther: Wakanda Forever”.
Lëvizja është një vazhdim i hitit “Black Panther” të vitit 2018, në të cilin Boseman luajti rolin kryesor të mbretit T’Challa.
Aktori vdiq në vitin 2020 pas një beteje katërvjeçare me kancerin e zorrës së trashë, të cilën e kishte mbajtur private. Ai ishte 43.
“I bekuar që e kam shkruar këtë këngë për nder të Chadwick Boseman dhe akoma më i bekuar që dëgjoj @badgalriri më të këqij ta shpreh atë në perfeksion”, shkroi Tems, bashkë-shkruesi i këngës, në Instagram, duke iu referuar Rihanna-s./ KultPlus.com
Dr.Dre ka reaguar së fundmi ndaj lajmit se Rihanna do të performojë në Super Bowl LVII.
Reperi ndau emocionet e tij me Ebro Darden në Apple Music 1. Oh, zot. Më lejoni t’ju them diçka,” tha ai. “Sapo mora lajmin se Rihanna do ta bëjë këtë, dhe unë jam një super fans i saj . Nuk mundem. Prisni të shihni se çfarë do të bëjë ajo.”
Dre,i cili ishte pjesë e grupit të interpretuesve për shfaqjen e pjesës së parë të shkurtit 2022 – ku përfshiheshin Snoop Dogg, Mary J. Blige, Eminem, Kendrick Lamar dhe 50 Cent – reflektoi për kohën e tij në skenën e Super Bowl, duke ndarë disa këshilla për Rihanna.
“Bashkëpuno me njerëzit e duhur dhe argëtohu,” tha ai. “Duhet të sigurohesh që ke njerëzit e duhur krijues rreth teke. Ajo mund të dëshirojë të shikojë disa nga njerëzit që ne bënim shfaqjen tonë.” Ai shtoi se u deshën rreth 3000 njerëz për të realizuar performancën 13 minutëshe.
“Ajo ka mundësinë të na e kalojë ,” shtoi ai.
Dr.Dre gjithashtu zbuloi se shfaqja e tij e pjesës së parë në Super Bowl ishte emocionuese duke thënë: “Nuk e di nëse kam qenë ndonjëherë kaq nervoz më parë.”
Super Bowl LVII do të zhvillohet më 12 shkurt 2023 në State Farm Stadium në Glendale, Arizona./Lapsi.al / KultPlus.com
Rihanna do të jetë në qendër të skenës në shfaqjen e pjesës së dytë të Super Bowl në muajin shkurt, përcjellë KultPlus.
Këngëtarja, e cila nuk pranoi të performonte në shfaqjen e vitit 2019 të Super Bowl për shkak të solidaritetit me Colin Kaepernick, do të kryesojë Super Bowl 2023, njoftoi NFL të dielën së bashku me Roc Nation të Jay-Z dhe Apple Music.
Rihanna postoi një imazh në Instagram të një krahu të shtrirë duke mbajtur një futboll NFL.
“Rihanna është një talent brezash, një grua me fillime modeste që ka tejkaluar pritshmëritë në çdo hap”, tha në një deklaratë Shawn “Jay-Z” Carter, Roc Nation i të cilit është një producent ekzekutiv i shfaqjes. “Një person i lindur në ishullin e vogël të Barbados, i cili u bë një nga artistët më të shquar ndonjëherë.”
Super Bowl do të zhvillohet në State Farm Stadium në Glendale, Arizona, më 12 shkurt. Pas viteve të sponsorizimit të Pepsi-t, shfaqja e ardhshme e pjesës së parë do të sponsorizohet nga Apple Music.
Me shitjet prej më shumë se 250 milionë disqesh në mbarë botën, Rihanna renditet si një nga artistet femra më të shitura ndonjëherë. Albumi i saj i fundit ishte “Anti” i vitit 2016. / KultPlus.com
Këngëtarja e njohur botërisht, Rihanna, është miliarderja më e re në Shtetet e Bashkuara të Amerikës bazuar në listat e “Forbes” dhe tani ajo është renditur si gruaja e 21-të më e pasur në botë, transmeton KultPlus.
Këngëtarja “Love on the Brain” ka një vlerë rreth 2.27 miliardë dollarë, duke e gjeneruar vetë pasurinë e saj, kryesisht falë linjës së saj kozmetike Fenty Beauty, e cila gjeneroi mbi 894 milionë dollarë të ardhura në vitin 2022.
Përveç kësaj, Rihanna ka gjithashtu 30 për qind të aksioneve në linjën e të brendshmeve Savage x Fenty, si dhe një karrierë të suksesshme pop, e cila e ka ndihmuar atë të bëhet personi i parë nga Barbados që hyn në listë.
Emra të tjerë të shquar përfshijnë manjatën e medias Oprah Winfrey në vendin e 10-të, Reese Witherspoon në 65 dhe Serena Williams në 90-tin. /KultPlus.com
Kur vjen puna për t’iu dhënë njerëzve arsye për të të shikuar, Rihanna u bënë konkurrencë edhe supermodeleve më të njohura të modës.
Ylli me shumë talente nuk e ka provuar kurrë një veshje që nuk i është përshtatur hijeshisë së saj, dhe nuk ka ndodhur kurrë të jetë fotografuar keq nga ndonjë aparat fotografik. Të gjitha këto e bëjnë atë protagonisten e duhur për ballinën e revistës prestigjioze të modës, “Vogue”.
Në ballinë e numrit të ri të revistës, pjesë e së cilës Rihanna ka qenë edhe gjashtë herë në të kaluarën, këngëtarja dhe afaristja miliardere shfaqet e veçantë me stilin unik të një gruaje shtatzënë. Ajo shfaqjet duke pozuar për fotografen e famshme botërore, Annie Leibovitz, në fotosesionin e realizuar në hotelin “The Ritz”.
Ky bashkëpunim po ashtu ia dha mundësinë këngëtares që të ribashkohet me miqtë e vjetër kreativ, të eksperimentojë me koleksionet më të fundit të markave të njohura, dhe më e rëndësishmja, të flasë për fëmijën e saj që pritet të vijë në jetë së shpejti.
Në intervistën ekskluzive të realizuar për “Vogue”, Rihanna ka treguar për dashurinë e saj për modën, mënyrën si po e shijon shtatzëninë dhe ndryshimin e trupit, lidhjen e saj me reperin Asap Rocky, faktin se si nëna e saj mezi po pret të bëhet gjyshe dhe shumëçka tjetër. / Koha.net / KultPlus.com
Këngëtarja me famë botërore, Dua Lipa, me muzikën e saj ka bërë për vete dëgjues nga e gjithë bota, shkruan KultPlus.
Duke jetuar e vepruar në Britani të Madhe, Lipa po shijon suksese të mëdha në njërën prej platformave më të madhe në botë, Spotify.
Së fundmi është bërë e ditur se 26 vjeçarja është bërë artisjta e katërt grua më e dëgjuar në këtë platformë.
Me 18.229 miliardë dëgjime nga e gjithë bota, Lipa tanimë ka më shumë dëgjime sesa ylli i muzikës, Rihanna (18.226). E para saj janë vetëm Taylor Swift, Ariana Grande dhe Olivia Rodrigo.
Në anën tjetër, Lipa është artistja e 21-të në listën e këngëtarëve më të dëgjuar ndonjëherë. /KultPlus.com
Barbadosi, i saposhpallur republikë, e ka bërë superyllin Rihanna një nga heronjtë e saj kombëtarë.
Tashmë i pavarur nga Britania e Madhe që nga viti 1966, Barbadosi, ishulli më lindor i Karaibeve, 300 kilometra larg Venezuelës, festoi kalimin e tij në një regjim republikan pas rreth katër shekujsh nënshtrim ndaj sovranit britanik.
Këngëtarja dhe biznesmenja, 33 vjeçe, e lindur në Barbados, i ishte dhënë tashmë prej 2018-s titulli i ambasadores së plotfuqishme të ishullit-shtet, e ngarkuar me promovimin e turizmit, arsimit dhe investimeve.
“Rihanna e bëri të gjithë botën të ëndërronte me kërkimin e saj për përsosmëri, krijimtarinë, disiplinën dhe, mbi të gjitha, angazhimin e jashtëzakonshëm ndaj atdheut të saj”, tha kryeministrja e Barbadosit, Mia Mottley, para personaliteteve të mbledhura për ceremoninë zyrtare gjatë së cilës u betua presidentja e re, Sandra Mason, e zgjedhur në tetor.
“Në emër të një vendi mirënjohës dhe të një populli edhe më krenar, ju prezantojmë personin e caktuar si Heroina Kombëtare e Barbadosit, ambasadoren Robyn Rihanna Fenty”, vazhdoi Mottley, duke ftuar këngëtaren e R&B t’i bashkohet asaj.
“Vazhdoni të shkëlqeni si një diamant dhe ta mbuloni vendin tuaj me nder me fjalët dhe veprimet tuaja”, shtoi ajo, duke lënë të kuptohet për një nga hitet më të mëdha të këngëtares, “Diamonds” (2012).
Rihanna bëri një hyrje meteorike në skenën muzikore ndërkombëtare në vitin 2003.
Ajo arriti të krijojë një perandori masive në industrinë e modës dhe bukurisë dhe talenti i saj sipërmarrës e katapultoi atë në një superstar.
Të ardhurat e saj tani eklipsojnë ato të superyjeve, si Madonna dhe Beyoncé.
“Ajo “vlen” 1,7 miliardë dollarë, gjë që e bën atë një nga muzikantet më të pasura në planet”, njoftoi revista e specializuar Forbes në gusht.
Rreth 1,4 miliardë nga pasuria e saj vjen, sipas revistës, nga marka e tij e kozmetikës, Fenty Beauty, e krijuar në partneritet me gjigantin francez të luksit LVMH.
Dhe, pavarësisht faktit se nuk ka publikuar një album që nga viti 2016, këngëtarja mbetet një ndikim i madh në internet, me mbi 100 milionë ndjekës në Instagram dhe Twitter.
Ceremonia u zhvillua në prani të Princit Charles, i cili njohu “mizorinë e tmerrshme të skllavërisë” nga e cila vuajti ishulli gjatë kolonizimit britanik. / KultPlus.com
Pasuria neto e yllit të muzikës pop Rihanna vlerësohet në 1.7 miliardë dollarë, duke e bërë atë muzikanten më të pasur në botë, por muzika nuk është burimi kryesor i pasurisë së saj, tha të mërkurën revista Forbes,transmeton KultPlus.
Këngëtarja e lindur në Barbados, emri i së cilës është Robyn Fenty, merr rreth 1.4 miliardë dollarë nga 50% e aksioneve të saj në linjën e kozmetikës Fenty Beauty.
Pjesa tjetër e pasurisë së Rihannës vjen nga aksionet e saj në kompaninë e veshjeve të brendshme Savage x Fenty dhe të ardhurat e saj si këngëtare dhe aktore, tha revista.
Këngëtarja e hiteve “Umbrella”dhe “Love the Way You Lie” rënditet pas Oprah në mesin e grave më pasura në botë, shkruan Forbes./KultPlus.com
Fansat e Rihannas janë duke pritur që një kohë të gjatë për këngë të reja nga artistja e cila ka pesë vjet që ka pauzuar në këtë drejtim.
Një raport i publikuar së fundmi thekson se albumi i nëntë i Ririt, i titulluar “R9” do të vijë më në fund, ndonëse nuk janë dhënë detaje lidhur me të.
Këngëtarja 33-vjeçare nga Barbadosi po vazhdon të mbajë në pritje fansat e saj, edhe pse në vitin 2020 kishte bërë të ditur se është duke punuar shumë që të sjellë hite të reja.
Sipas raportimeve, Rihanna tani jo vetëm që po ingjizon këngë të reja por është duke punuar edhe për një videoklip të ri.
“Rihanna është duke punuar jo publikisht për këngë të reja dhe albumi i saj i nëntë do të vijë së shpejti. Pandemia i ka ngadalësuar shumë gjëra”, ka thënë për The Sun një burim i afërt me këngëtaren.
Albumi i fundit i Rihannas “ANTI” është publikuar në vitin 2016. Në vitin 2019, këngëtarja kishte shpërndarë një video duke realizuar këngë të reja në një studio muzikore. / KultPlus.com
Rihanna po e mbështet komunitetin aziatiko-amerikan, duke e huazuar zërin e saj prej ylli global të muzikës për të bërë thirrje për ndalimin e dhunës ndaj aziatikëve. Këngëtarja e ndoqi një prej marshimeve paqësore në rrugët e Los Angelesit, të organizuar nga lëvizja “#StopAsianHate”.
Ylli i muzikës R&B marshoi nëpër rrugë e shoqëruar nga asistentja e saj, Tina Truong, dhe i bashkoi forcat me një numër të madh përkrahësish të kësaj çështje, duke mbajtur parulla në duar që bëjnë thirrje për ndalimin e urrejtjes së paarsyeshme dhe dhunës ndaj aziatikëve në Amerikë. Në një prej parullave që Rihanna po e mbante në duar shkruante: “Urrejtja është e barabartë me racizmin ndaj Zotit”, kurse tjetra shkruante “#StopAsianHate”.
Rihanna nuk është se vetëm u shfaq në këtë marshim. Ajo u angazhua gjatë gjithë kohës duke i krijuar vet parullat të cilat i mbante lartë me krenari. Ajo madje shoqërohej me marshuesit e tjerë, duke vallëzuar dhe fotografuar me ta.
Në fakt… ishte e vështirë ta dalloje që ajo ishte ylli global i muzikës, Rihanna, për shkak të maskës së zezë që ia mbulonte pothuajse tërë fytyrën, syzet e zeza të diellit dhe kapelës të cilën e mbante në kokë. Madje kishte marshues të shumtë që nuk e njihnin atë.
Por rëndësi kishte ngjarja e cila ka për qëllim ta ndalojë dhunën kundër komunitetit aziatik më vend.
Urrejtja ndaj aziatikëve në Amerikë ka dalë jashtë kontrolli së fundmi. Gjatë fundjavës një grua u sulmua rëndë në parkun “Central” të New Yorkut, një tjetër grua 65-vjeçare pësoi lëndime të rënda nga një burrë i cili tashmë është paditur për krim të nxitur nga urrejtja, ngjarje kjo e cila ishte xhiruar e tëra nga kamerat, derisa para pak javësh disa persona mbetën të vdekur nga një sulm me armë zjarri në tri lokale të masazhit të drejtuara nga aziatiko-amerikanët. / KultPlus.com
Si shumë yje të Hollywood-it, edhe Rihanna ka festuar për inaugurimin e presidentit Joe Biden.
Të mërkurën, këngëtarja dhe mogulja e modës ndau një fotografi në rrjete sociale të realizuar me Harper’s Bazaar shatorin e kaluar.
Në imazh, Rihanna shfaqej duke mbajtur dy thasë me plehra.
Për dukjen unike, 32 vjeçarja zgjodhi një triko blu në të cilën shkruante ‘t’i jepet fund racizmit me çdo mjet të nevojshëm’ ndërsa në pjesën e poshtme mbante dantella të zeza të tejdukshme.
Ajo e kompletoi pamjen me syze dielli dhe bizhuteri diamanti, përfshirë edhe gjerdanë rreth qafës.
“Thjesht jam këtu për t’iu ndihmuar, ne e realizuam atë Joe”, ka qenë mbishkrimi i fotografisë.
Rihanna ndërkohë ka qenë një kritike e madhe e ish-presidentit Donald Trump.
Në vitin 2019, ajo deklaroi se ‘qenia njerëzore më e sëmurë mendore në Amerikë duket se është presidenti”.
Ditën e djeshme (e mërkurë) Joe Biden u betua si presidenti i ri i Amerikës dhe Kamala Harris si zëvendëspresidentja e parë grua dhe me ngjyrë. /Telegrafi/ KultPlus.com
Këngëtarja dhe afaristja 32-vjeçare, Rihanna, e cila nuk ka publikuar album të ri muzikor nga ai i vitit 2016, “ANTI”, është e vendosur të vijë me shumë risi vitin e ardhshëm, dhe në këtë plan e ka përfshirë edhe muzikën e saj.
Për revistën “Closer”, këngëtarja duke folur për planet e saj në të ardhmen, citohet të ketë thënë: “Viti 2021 është i panjohur për të gjithë ne, dhe askush nuk është i sigurt se çfarë kufizime do të kemi. Unë e kam nën kontroll kreativitetin tim artistik, prandaj dua ta dërgojë muzikën dhe markat që i menaxhoj në një nivel tjetër”.
Në të kaluarën, Rihanna u kishte premtuar adhuruesve që ia vlen të presin për albumin e saj të ri.
Ylli i hitit “Work” ka deklaruar: “Unë gjatë gjithë kohës jam duke punuar rreth muzikës sime. Vetëm pse nuk e kam lansuar album të ri për disa vjet, nuk do të thotë se nuk kam punuar në këtë drejtim. Nuk planifikoj të lansoj muzikë vetëm sepse njerëzit po e kërkojnë atë. Por pritja për albumin do t’iu shpërblehet”.
Rihanna gjithashtu ka gjetur sukses si aktore dhe afariste, me markën e saj të produkteve kozmetike dhe veshjeve të brendshme, por këngëtarja insiston se pavarësisht për çfarë është duke punuar, duhet të jetë ndonjë projekt në të cilin beson vërtetë./ KultPlus.com
Besojeni ose jo, kanë kaluar plot 15 vite që nga dita kur bota dashuroi me shikim të parë, Rihanna-n, që shumë shpejt do të kthehej në yllin e muzikës pop.
Më 24 maj të 2005-ës, Rihanna publikoi këngën e saj të parë, “Pon de Replay” që të gjithë e dimë ende përmendësh edhe sot. Që nga ai moment, Riri u kthye në një prej artisteve më të dashura për njerëzit jo vetëm për muzikën, por edhe për stilin dhe natyrën e saj të veçantë.
Së fundmi, fansat e Rihanna-s (praktikisht i gjithë Twitter-i) ka postuar në nder të 15 vjetorit të karrierës hashtagun #15yearsofRihanna dhe sigurisht këngëtarja nuk mund ta kalonte një moment si ky pa falenderuar.
“15 vite Rihanna! Faleminderit për gjithë dashurinë. Kjo duket çmenduri! Më duket si dje kur dridhesha në korridoret e Def Jam (kompani muzikore) teksa prisja për audicionin tim për Jay. Gjithçka nisi nga “Pon de Replay…15 vite më vonë dhe unë jam ende këtu, Zoti më la të jem mes jush, ju që më keni mbështetur, më keni dashur dhe më keni toleruar, prandaj do të jemi gjithnjë të lidhur bashkë me njëri tjetrin…”- shkruan Rihanna në Instastory-n e postuar pak orë më parë.
Edhe pse njihet për karakterin e fortë dhe aftësinë për të ç’dramatizuar situatat përmes batutave, një moment si ky s’mund të mos ishte prekës. / KultPlus.com
Këngëtarja shumë e dashur për publikun mbarëbotëror, Rihanna, u ka kërkuar fansave të mos e pyesin më se kur do ta lansojë albumin e ri muzikorë, derisa është tejet e zënë duke provuar ta shpëtojë botën.
Pop ylli i njohur që nga viti 2018 po i ngacmon fansat rreth publikimit të albumit të ri, dhe vitin e kaluar u kishte premtuar atyre përmes Instagramit se do ta sjellte këtë incizim gjatë vitit 2019.
Sidoqoftë, albumi nuk është publikuar ende, transmeton Koha.
Gjatë një transmetimi të fundit live në Instagram, disa adhurues tentuan të nxjerrin informacione nga këngëtarja rreth datës së lansimit të albumit, dhe e acaruar dhe me një dozë të humorit, Rihanna iu përgjigj troç: “Do të hidhërohem shumë nëse edhe ndonjëri prej jush më pyet rreth albumit tim, në këtë kohë kur po mundohem ta shpëtoj botën, për dallim prej presidentit tuaj.”
Muajin e kaluar, këngëtarja i kishte dhuruar 5 milionë dollarë për t’i ndihmuar shtetet e varfra të prekura nga pandemia e koronavirusit, krahas 700 mijë dollarëve që i kishte investuar për sigurimin e ventilatorëve në vendlindjen e saj, Barbados. Rihanna, po ashtu ka dhuruar të holla për sigurimin e pajisjeve mbrojtëse për personelin shëndetësor në New York, si dhe i ka dhuruar më shumë se 2 milionë dollarë për viktimat e abuzimit familjarë të prekura nga kjo krizë globale.
Së fundmi u bë i ditur lajmi se babai i këngëtares, Ronald Fenty, ka rezultuar pozitiv me COVID-19. Ylli i muzikës menjëherë i ka dalë në ndihmë atij, duke ia dhuruar një ventilator i cili ia lehtëson frymëmarrjen.
Derisa adhuruesit e saj e presin me padurim albumin e ri, Rihanna për portalin “Entertainment Tonight” kishte deklaruar se i pëlqen t’i kundërshtojë fansat e saj, sidomos kur vjen puna te vonesat e lansimit të albumeve.
“Puna rreth albumit është duke vazhduar. Më pëlqen t’i kundërshtoj fansat paksa… sepse edhe ata e bëjnë të njëjtën gjë me mua,” citohet të ketë thënë këngëtarja.
Rihanna nuk ka lansuar album muzikor që nga ai i vitit 2016, “ANTI”, kjo pasi është fokusuar më shumë në bizneset e saj si, “Fenty Beauty”, “Savage X Fenty” dhe “Fenty Maison”. / KultPlus.com
Këngëtarja e mirënjohur Rihanna ka dhuruar 4.2 milionë dollarë për viktimat e dhunës në familjes gjatë periudhës së koronavirusit.
Së bashku me donacionin e drejtorit ekzekutiv të Twitterit, Jack Dorsey, kjo shumë iu dhurua “Fondacionit të Kryetarit të Los Anxhelosit”, transmeton KOHA.
Strehimoret e qytetit për viktimat e dhunës në familje gjatë kësaj kohe të pandemisë janë mbi populluar, raporton NME.
Ky donacion do të shkojë për strehimoret për ushqim dhe këshillim deri në 90 persona në javë për pesë muajt e ardhshëm. /KultPlus.com
Rihanna bëri histori duke u bërë gruaja e parë që shfaqet në kopertinën e ”British Vogue” e veshur me një durag si simbol të fuqisë së njerëzve me ngjyrë. Shën.red. Durag, ose do-rag ose du-rag është një shall që vendoset në kokë, kryesisht për të mbajtur më mirë gërshetat. Duragët u përdorën fillimisht nga gratë e varfëra punëtore dhe skllave të shekullit XIX.
Pas Black Power Movement, lëvizje për fuqizimin e komuniteti afro-amerikan, duragët u kthyen në aksesor të zakonshëm dhe u përdorën nga shumë personazhe të njohur, duke përfshirë reperë dhe atletë. Duragët u bënë simbol të mbijetesës dhe fuqisë së afro-amerikanëve.
“A e kisha imagjinuar ndonjëherë që do të shihja një durag në kopertinën e Vogue?”,-shkroi në Instagram redaktori i British Vogue, Edward Enninful. Në postim ai zbuloi se ishte ideja e Rihanna-s që të shfaqej me durag, i cili u krijua nga kapelebërësi i njohur, Stephen Jones.
“Për setin fotografik, ajo dëshironte një dekadë të re. Kemi punuar me një arkiv të konsiderueshëm për të gjetur një propozim të ri. Ishte ora 2 e mëngjesit kur më ra telefoni dhe më tha ”Po sikur të përdorim një durag?”. /KultPlus.com
Këngëtarja me famë ndërkombëtarë, Rihanna, ka dhuruar plotë pesë milionë dollarë në përpjekjet për lehtësimin e koronavirusit përmes fondacionit të saj, Clara Lionel (CLF).
Nëpërmjet një postimi në Twitter, fonadacioni bëri të ditur kontributin e dhënë, njofton Klan Kosova.
“Ne i jemi përgjigjur COVID-19 duke ndarë pesë milionë dollarë në @PIH @DirectRelief @FeedingAmerica @rescueorg @WHO & #Barbados për të përgatitur vendet/ veshje mbrojtëse, pajisje mjekësore, ushqim nëpër rajone të shumta. #CLF #HealthcareHeroes”, thuhet në njoftim.
Këngëtarja themeloi organizatën jofitimprurëse në vitin 2012 për nder të gjyshërve të saj, Clara dhe Lionel Braithwaite.
Qëllimi i saj është të mbështesë dhe financojë ‘programe themelore dhe efektive të arsimit, shëndetit dhe reagimit ndaj urgjencave në të gjithë botën’. Klan Kosova / KultPlus.com
Pop ylli i njohur botëror e bëri një paraqitje të rrallë këtë fundjavë, për ta pranuar shpërblimin “President’s Award”, në edicionin e 51-të të ceremonisë së përvitshme “NAACP Image Awards”, ngjarje kjo e cila i nderon më të mirët në film, televizion, muzikë dhe literaturë, në komunitetin afrikano-amerikan.
Këngëtarja e famshme e pranoi shpërblimin në ceremoninë e cila zuri vend të shtunën mbrëma, në qendrën “Pasadena Convention Center”, ku e dha një fjalim që fokusohej në çështjet bamirëse të cilat ajo i mbështet.
“Kjo natë nuk ka të bëjë me mua, sepse qëllimi këtu është shumë më i madh, apo jo? Jo më i madh se të gjithë ne së bashku, por më i madh se unë, sepse roli im është shumë i vogël për gjithë punën e mrekullueshme që po bëhet anembanë botës dhe që pritet të bëhet në të ardhmen. Nëse ka diçka që e kam mësuar ndër vite, është se këtë botë mund ta rregullojmë vetëm të bashkuar. Nuk mund ta bëjmë këtë gjë të ndarë,” citohet të ketë thënë Rihanna në fjalimin e saj në skenë.
Shpërblimet “NAACP Image Awards” në kategoritë për muzikë i nderuan yjet, Lil Nas X i cili e fitoi çmimin “Artisti më i mirë i ri”, Bruno Mars u shpall “Artisti më i mirë mashkull”, Beyoncé i fitoi disa shpërblime përfshirë këtu kategoritë “Artistja më e mirë femër” dhe “Albumi më i mirë”, Lizzo e fitoi çmimin “Videoklipi më i mirë”, Kirk Franklin u nderua me shpërblimin “Kënga më e mirë kishtare” dhe Jazzmeia Horn fitoi në kategorinë “Albumi më i mirë i muzikës jazz”, transmeton Koha.net.
Në fillim të këtij muaji, Rihanna e konfirmoi lajmin se po kthehet në studion incizuese me producentin dhe këngëtarin, Pharrell Williams, teksa puna rreth albumit të saj të ardhshëm po vazhdon ende. Albumi i fundit i këngëtares “Anti” u lansua në vitin 2016. / KultPlus.com
Ylli botëror, Rihanna, publikoi librin autobiografik të titulluar “Rihanna”, shkruan KultPlus.com. Promovimi i librit u bë në Muzeun e njohur Guggenheim në New York javën e kaluar.
Libri, tregon jetën e artistes dhe përmban 504 faqe si dhe mbi 1 mijë foto të artises. 31 vjeçarja me këtë rast u shpreh se ndihet e netuziazmuar që ka ndarë këtë koleksion të fotografive me publikun. /KultPlus.com
Rihanna, këngëtarja e famshme amerikane, së shpejti pritet të publikojë librin e saj të parë, i cili do të titullohet ”Rihanna”.
Libri pritet të përmbajë rreth 1000 foto, foto këto që do të dokumentojnë jetën e yllit të muzikës, shkruan KultPlus.
Në një deklaratë për media, këngëtarja u tregua shumë e gëzuar për botimin e librit të saj. ”Jam shumë entuziaste që do të ndaj këtë koleksion të fotografive me publikun”, u shpreh ajo.
Ndërsa, në një postim në llogarinë e saj private në Twitter, ajo ka potencuar: ”Mbi pesë vite pune.. shumë e lumtur që më në fund do e ndaj këtë koleksion të kujtimeve të mrekullueshme, me të gjithë. Falenderoj të gjithë artistët dhe fotografët që punuan me mua, për të publikuar veprën time të parë artistike në një industri të re”.
Shtëpia botuese ”Phaidon” do të botojë librin e pop artistes.
Këngëtarja kohët e fundit ka pauzuar nga skena muzikore, duke i dhënë më shumë rëndësi linjës së saj të modës dhe kompanisë së kozmetikës. /KultPlus.com
