Prej 30 vjetësh, fansat e grupit ABBA presin këngë të reja dhe kjo ditë ka mbërritur. Grupi ikonik suedez ka hapur një faqe në internet të titulluar “Abba Voyage”, duke u kërkuar fansave të tregojnë interesin e tyre për një projekt të ri, që pritet të jetë një turne.
Sipas mediave pesë këngë të reja pritet të publikohen nga grupi për të shoqëruar shfaqjen. Që në 2018-tën, Agnetha Faltskog, Anna-Frid Lyngstad, Bjorn Ulvaeus dhe Benny Andersson kishin premtuar për publikimin e dy këngë të reja ndërkohë që tashmë flitet për pesë të tilla, në një farë mënyre për të shpërblyer fansat për durimin. Sipas The Sun, turneu do të jetë hologramik dhe do të përfshijë hitet më famshme të grupit “Waterloo”, “Dancing Queen” dhe “Mamma Mia”.
Emri zyrtar i grupit Abba ishte shfaqur për herë të parë në 1974, me “Waterloo”, me të cilin grupi fitoi në Brighton çmimin e madh të Eurovizion dhe duke marrë të gjithë vëmendjen botërore. Abba ka shitur më shumë se 300 mijë disqe në të gjithë botën dhe ka qenë në vend të parë të klasifikimeve botërore ne vitet 1974 dhe 1980./KultPlus.com
