Më në fund, këngëtarja shqiptare po rikthehet me një projekt të ri, shkruan KultPlus.
Ka kohë që Rita Ora ka paralajmëruar fansat e saj për një projekt të ri muzikor, mirëpo këngëtarja akoma nuk ka zbuluar detaje se çfarë saktësisht trajton projekti i saj.
Me postimin e fundit në rrjetin social Instagram, Rita ka paralajmëruar diçka të re, por nuk e bëri të qartë nëse ka të bëjë me këngë të re, apo me diçka tjetër.
“Oh fansat e mi, sa shumë më mungoni çdo ditë!! Kjo ishte derisa ne po xhironim diçka shumë ngazëllyese, kjo është edhe pse po qeshi!! Mezi pres ta shihni! 🤩❤️😝☺️ @disclaimer_official“, ka shkruar Ora në postimin e saj në Instagram. / KultPlus.com
Duket se për këngëtaren me famë botërore me origjinë shqiptare, Rita Ora 2021-ta po nis suksesshëm, pas kritikave që pati për thyerjen e rregullave për ditëlindjen e saj.
Rita do të rikthehet gjatë këtij muaji me një këngë të re të titulluar “Flame”. Projekti i artistes shqiptare thuhet se është shkruar nga Dan Smith dhe MNEK. Ajo ka punuar me krijuesin e ‘Happier’, dhe yllin e “Head & Heart”. Ky i fundit ka bashkëpunuar në tekste këngësh për Little Mix, Dua Lipa, Beyonce dhe Madonna.
“Flame” është vendosur të shfaqet në “Twist”, film i cili do të publikohet më 29 janar.
Në këtë film, krijuesja e hitit “Let You Love Me” do të luajë rolin e mikes së ngushtë të Oliver Twistit, Artful Dodger./ KultPlus.com
Këngëtarja shqiptare me famë botërore, Rita Orën do ta shohim së shpejti si aktore në rolin e saj në filmin “Twist”.
Filmi Twist” është xhiruar në fund të vitit 2019 dhe në fillim të vitit 2020 dhe tashmë ka një datë publikimi dhe ajo data 29 janar.
Lajmin e ka bërë të ditur vet Rita Ora, teksa ka rishpërndarë në InstaStory një postim të Jason Maza, i cili është një nga producentët e filmit.
Bëhet fjalë për një artikull të “Total Film” ku shkruhet shkurtimisht përmbajtja e filmit dhe data e publikimit, e cila është zyrtare tashmë më 29 janar.
“Twist” është duke ardhur shumë shpejt. Faleminderit për këtë rishikim të mrekullueshëm”, ka shkruar Rita Ora në në InstaStory.
Filmi “Twist” është një përshtatje e re e romanit të Charles Dickens, e sjellë në mënyrë drithëruese nga “Sky Cinema Original”, ku në zemrën e mbushur plot të Londrës moderne, një grup të rinjsh të zgjuar rrugësh planifikojnë vjedhjen e shekullit.
Në këtë film, Rita do të luajë rolin e mikes së ngushtë të Oliver Twistit, Artful Dodger./diapsorashqiptare/ KultPlus.com
Ndonëse ishte vit i përballjes me një pandemi, megjithatë viti 2020 ka qenë tejet i mbarë për vajzat e gratë shqiptare, të cilat e shënuan vitin që e lamë pas me suksese të shumta, duke lënë gjurmë edhe në nivel global.
Politikë
Viti 2020 nuk ka se si të mos përmendet, kur Vjosa Osmani u zgjodh kryeparlamentare e Kosovës, duke u bërë kështu gruaja e parë në historinë e shtetit të Kosovës, që mban një pozitë të tillë.
Ajo ishte gruaja më e votuar në zgjedhjet e fundit në Kosovë, si dhe personi i dytë më i votuar në nivel vendi.
Suksesi i grave në politikë kaloi kufijtë kombëtarë, kur Ylfete Fanaj u zgjodh kryetare e Këshillit Kantonal, në Lucern të Zvicrës. Nuk ka se si të mos kujtohet ceremonia e veçantë e inaugurimit të saj, pasi në të përfshiu motive të prejardhjes së saj shqiptare, konkretisht përgjatë ceremonisë u këndua kënga “Moj e bukura more”.
Gentiana Fana është një tjetër grua shqiptare, e cila ndonëse e re në moshë, u bë këshilltare e presidentes së Kroacisë.
Ndërkohë, Ermina Lekaj Prljaskaj, politikane nga Kosova, fitoi mandatin e saj të tretë rresht si deputete e Parlamentit të Kroacisë, duke përfaqësuar atje komunitetin pakicë shqiptar.
Kur përmendet suksesi i vajzave e grave shqiptare në politikë, nuk mund të mos veçohet suksesi i Besiana Kadaresë. Ajo u përzgjodh zëvëndëspresidente e Asamblesë së Përgjithshme të Organizatës së Kombeve të Bashkuara në sesionin e 75-të të saj.
Afërdita Bogiqi ishte e vetmja grua që gjatë vitit 2020 u zgjodh në ekzekutivin e Monthey të Zvicrës. Ajo është gruaja e parë që u bashkua me ekzekutivin e Monthey pas tetë vjetësh pa gra, shkruan AlbFem.
Shkencë & Arsim
Majat në karrierën akademike mund t’i mbërrini edhe nëse bazat e formimit i keni marrë në vende si Kosova apo Shqipëria. Këtë e dëshmon rasti i Gresa Latifit, e cila gjatë vitit 2020 u bë pegadodge në universitetin më të mirë të Gjermanisë.
Vigjilenca Abazi është një tjetër emër që arriti majat e karrierës së saj, duke botuar një libër për një nga universitetet më të mira në botë, atë të Oksfordit.
Ajo është anëtare e ‘Emile Noel’ në Fakultetin Juridik në New York dhe asistente në Universitetin e Mastrihit.
Vajzat shqiptare gjatë vitit 2020 shkëlqyen edhe në gara. Era Syla fitoi Medalje të Bronztë në Olimpiadën Matematike Evropiane për Vajza – EGMO 2020.
E shumë e suksesshme u tregua edhe Qëndresa Sahiti, e cila ishte një ndër 10 fitueset e Çmimit Kombëtar të Ekselencës për të diplomuarit e vitit 2020 në Kanada.
Viti 2020 ishte shumë i veçantë edhe për Lindita Camajn.
Akademikja shqiptare u emërua “Director of Graduate Studies”, pranë Fakultetit të Shkencave të Komunikimit në Universitetin e Houston-it.
Gjatë po të njëjtit vit, astronaturja e re kosovare, Pranvera Hyseni u bë edhe zyrtarisht pjesë e Fushatës Ndërkombëtare për Kërkime të Asteroidëve.
E gjatë muajit tetor, Shoqata Amerikane e Mjekëve Infermierë, i ka ndarë çmimin shtetëror për përsosmëri, infermieres Lindita Vinca.
Përderisa ky çmim shtetëror i ndahet çdo vit një individi i cili demonstron punë cilësore dhe angazhim në praktikën klinike, për Vincën kjo mbetet një sukses tjetër në karrierën e saj, shkruan AlbFem.
Biznes
Duke pasur në konsideratë, mijëra gra shqiptare që suksesshëm kanë udhëhequr binzese gjatë vitit 2020, po ndalemi vetëm në disa suksese që shënuan vajzat dhe gratë shqiptare në këtë vit pandemik.
Gratë shqiptare gjatë 2020-ës shënuan sukses të jashtëzakonshëm edhe në biznes. Një nga të ishte edhe Rudina Seseri, e cila në SHBA, nga Revista Entrepreneur u përzgjodh në mesin 100 grave më të fuqishme në biznes, në Universitetin Teknik të Munihut.
Ditët e para të pandemisë ishin tejet të vështira për çdo shtet, e veçanërisht për Kosovën, e për këtë ndihmë ofroi kreatorja e njohur nga Kosova, Lirika Matoshi.
Ajo mblodhi mbledhur plot 23.250 dollarë amerikanë për vetëm 4 orë, si ndihmë për familjet në nevojë në Kosovë, vetëm nga shitja e maskave që kishte prodhuar.
Ushtri
Viti 2020 duket se ishte viti më i suksseshëm për gratë shqiptare në ushtri.
Arelena Shala është shqiptarja e parë nga Kosova, që ka arritur të diplomohet në Akademinë Ushtarake të Shteteve të Bashkuara të Amerikës.
Ajo më parë ishte emëruar në pozitën e udhëheqëses së Komandës së Regjimentit në Ushtrinë e Shteteve të Bashkuara të Amerikës, ku ka komanduar me 1100 ushtarë amerikanë.
Kurse, Antigona Kalimashi, aspirante për nënoficere të Armatës së Zvicër, ishte personi parë që nga komandanti i përgjithshëm i ushtrisë mori dekoratën Ribbon për kontribut te jashtëzakonshëm.
Antigona kishte shpëtuar një person pas një aksidenti me tren.
Në Akademinë Amerikane të Rreshter Majorëve, në El Paso –Teksas, gjatë vitit 2020 ka diplomuar Reshter Major Rifadie Ramadani, duke u bërë një nga shqiptarët e vetëm me këtë arritje.
Muzikë
Viti 2020 do të kujtohet si një nga vitet më të suksesshme për vajzat dhe gratë e angazhuara në fushën e kulturës.
Kur përmendet muzika, nuk se si mos të shkojë nëpër mend emri i këngëtarës shqiptare me famë botërore, Dua Lipa, e cila vitin 2020 e bëri vit të sukseseve në karrierën e saj muzikore.
Janari i viti 2020 e gjeti Dua Lipën si një nga këngëtaret e para shqiptare që arriti t’i ketë dy miliardë klikime vetëm me një video në Youtube, përmes këngës ‘New Rules’.
Ajo u nderua me çmimin “Best British Act”, në edicionin e sivjetmë të ndarjes së shpërblimeve “Global Awards”.
Dua Lipa arriti që të rrëmbej një çmim edhe në “MTV Video Music Award 2020”, ku u nderua në kategorinë “Kënga më efektet më të mira vizuale”, për hitin e saj të padiskutueshëm “Physical”.
Lipa një dominim të jashtëzakonshëm e ka pasur edhe në ndarjen e çmimeve Grammy, ku u nominua gjashtë herë.
Albumi i saj i fundit, “Future Nostalgia” po konsiderohet nga kritikët si albumi më i mirë i vitit 2020.
Ky vit i solli suksese edhe këngëtares tjetër me prejardhje shqiptare, Rita Ora, e cila krahas sukseseve të arritura me projektet muzikore të publikuara gjatë vitit 2020, u bë edhe anëtare e jurisë në “The Voice of Australia”/
Për më tepër, këngët e tri këngëtareve me prejardhje shqiptare u përfshinë në Top 30 këngët më të mira në botë nga revista Billboard. Këto ishin: Dua Lipa, Bebe Rexha dhe Ava Max.
Një sukses e korri edhe këngëtarja tjetër me famë botërore, Ilira Gashi, e cila njihet për stilin e saj “pa filter” dhe për zërin e saj të mrekullueshëm. Ilira, e cila jeton dhe vepron në Zvicër, tashmë edhe zyrtarisht është ndër këngëtaret më të suksesshme dhe më të dëgjuara në Zvicër, duke mbledhur plot 87.7 milionë klikime në Spotify.
Art & Film
Ky vit solli shumë suksese për krijueset e artit në Kosovë, suksesi i tyre përgjatë vitit 2020 tejkaloi kufijtë kombëtarë.
Sukseset nisën me një nga aktoret më të mira shqiptare, Ilire Vinca, e cila ishte ftuar të bëhet pjesë e Akademisë Evropiane të Filmit. Ajo ka një karrierë të pasur si aktore e filmit, teatrit dhe si profesoreshë e aktrimit në Universitetin e Prishtinës.
Aktorja tjetër e mirënjohur nga Kosova, Adriana Matoshi fitoi çmimin “Aktorja më e Mirë” në Festivalin e Francës, për rolin e saj në filmin “Cold November” apo në shqip “Nëntori i Ftohtë”.
Gjatë muajit tetor, Matoshi ka fituar çmimin “Aktorja më e mirë”, në festivalin “Mostra de Venecia”, në Spanjë.
Antoneta Kastrati është regjisorja e njohur shqiptare, e cila me filmin “Zana”, e dërgoi Kosovën në Festivalin e Kinës. Ky film ka korrur sukses jashtëzakonisht të madh nëpër festivale ndërkombëtare të filmit, duke fituar disa çmime.
Filmi ‘Zana’ i regjisores Antoneta Kastratit, po ashtu është futur në mesin e 25 filmave më të mirë të zgjedhur nga ’48 Hills’. Sipas ’48 Hills’, në këtë listë bëjnë pjesë të gjithë filmat për të cilët ne kemi pasur nevojë më shumë se kurrë dhe të cilët janë vlerësuar nga kritikët e filmit.
Sukses të madh korri edhe regjisorja Kaltrina Krasniqi, e cila me filmin e saj të gjatë artistik “Vera andrron detin”, fitoi çmimin “Post Republic”, në Sarajevë.
Viti 2020 i solli suksese edhe aktores dhe shkrimtares shqiptare në SHBA, Erjeta Cufaj, e cila u bë pjesë e jurisë të festivalit ndërkombëtar të filmit “International Filmmaker Festival of New York 2020” (IFFNY).
Filmi debutues i regjisores dhe skenaristes, Blerta Basholli, “Zgjoi” (Hive), është përzgjedhur në konkurrencë zyrtare kryesore në festivalin e njohur, “Sundance Film Festival”, që do të mbahet gjatë këtij muaji në Shtetet e Bashkuara të Amerikës.
Viti 2020 nxori në pah shumë piktore, skulptore dhe ilustratore të reja, të cilat arritën suksese lokale e globale në këtë vit pandemik.
Një ndër to padiskutim është edhe Mimoza Rraci, e cila famë të jashtëzakonshme mori gjatë pandemisë me veprat e saj kushtuar pandemisë.
Madje, piktura e saj për mantelbardhët u bë edhe kartë postale në Tajlandë. Kjo vepër artistike shfaq një mjeke që në maskën e saj ka flamurin e Kosovës.
Së fundmi emër bëri edhe ilustratorja e re nga Kosova, Diellza Gorani, e cila vjen me emrin artistik “Diego”, që inspiruar nga Disney, solli një mori ilustrimesh të grave shqiptare që lanë gjurmë në histori, ku përfshihet emri i Norës së Kelmendit, pastaj Bareshës, etj. Për më tepër, ajo ka realizuar edhe një krijim tjetër artistik, të quajtur “Abetare e ilustruar e Prishtinës”, një minienciklopedi e qytetit, që njëherësh mund të shërbejë si një udhërrëfyes turistik, që ka për qëllim ruajtjen dhe promovimin e kulturës së kryeqytetit të Kosovës.
Sport
Të fundit, por aspak për nga rëndësia, na vijnë sportistet tona, të cilat sikur në secilin vit tjetër, shënojnë në historinë e trojeve shqiptare suksese të jashtëzakonshme, madje edhe në nivel botëror.
Lista nuk ka se si të mos fillojë me Majlinda Kelmendin, e cila që në fillim të vitit 2020 u shpall “Sportistja e Vitit 2019” në Kosovë. Madje, asaj iu ngrit edhe një shtatore në qytetin e saj të lindjes, në Pejë.
Ajo mori edhe epitetin “Xhudistja më e mirë e dekadës” nga Federata Ndërkombëtare e Xhudos.
Suksesi i xhudistëve nga Kosova vijon me Distria Krasniqin, e cila fitoi medaljen e artë në Grand Slamin e Xhudos, që u mbajt në Budapest.
Ajo në nëntor fitoi edhe medaljen e bronztë në Kampionatin Evropian të Xhudos, që u mbajt në Pragë të Çekisë.
Në Grand Slamin e Xhudos medalje fitoi edhe xhudistja e re, Loriana Kuka, e cila fitoi medaljen e bronztë. E po të njëjtën medalje e mori edhe në Kampionatin Evropian të Xhudës, në Çeki.
Sukses pati edhe në boks, me ç’rast bokserja nga Kosova, Donjeta Sadiku arriti të fitonte medaljen e argjendtë në turneun ndërkombëtar të boksit, “Balkan”, të mbajtur në Sofje të Bullgarisë.
Kur numërojmë sukseset e futbollisteve shqiptare, Kosovare Asllani mbetet histori suksesi në vete. Ajo u bë pjesë e ekipit të Real Madridit dhe hyri në histori si golashënuesja e parë në historinë e këtij klubi. Ajo vazhdon të mbetet një nga futbollistet më të mira në ligën e Spanjës.
Viti 2020 filloi më së mbari për alpinisten e re, Mrika Nikçi, e cila u bë vajza më e re në botë, dhe atë në moshën 14 vjeçare, që ngjitet në majat më të larta në shtatë kontinente, të njohura si “Seven Summits”.
Urojmë që viti 2021 të jetë po kaq i suksesshëm sikurse ai paraprak./AlbFem/ KultPlus.com
Këngëtarja shqiptare me famë botërore, Rita Ora, është emër shumë aktiv në rrjete sociale, ku edhe i njofton fansat për të gjitha të rejat rreth saj, shkruan KultPlus.
Artistja vitin e kaluar e përmbylli me shumë bashkëpunime me brende të njohura, ndërsa njësoj e filloi edhe vitin 2021.
Së fundi, ajo ka publikuar një fotografi të realizuar nga kampanja për brendin e njohur “Miu Miu”, ku duket për mrekulli.
Ndryshe, në vitin 2020, Rita nuk u komentua shumë për këngët, por ajo ishte kryetemë e medieve ndërkombëtare për shkeljet e rregullave gjatë pandemisë.
Në ditët e fundit të vitit 2020, Rita udhëtoi drejt Bullgarisë për të xhiruar videoklipin e ri, për të cilin ende nuk ka dhënë ndonjë detaj./ KultPlus.com
Këngëtarja është paguar 1 milionë euro për rikthimin e saj.
Rita Ora pas rikthimit të saj në sezonin e radhës të “The masked singer” do të paguhet dyfish më shumë.
Një burim i afërt i këngëtares për media të huaj ka thënë se 30 vjeçarja ka bërë një marrëveshje të re.
‘Rita bëri një marrëveshje prej 1 milion £ për seri në rolin e saj si gjyqtare. Ata ishin vërtet të etur për të siguruar kthimin e saj pasi ajo kishte qenë një hit i madh në serinë e parë dhe natyrisht se Rita është një fytyrë shumë e dashur për publikun”.
Davina McCall dhe Jonathan Ross janë kthyer në vendet e gjyqtarëve së bashku me Ritën.
Rikthimi i Ritës vije pasi u pohua se ajo ishte larguar nga Britania e Madhe në javët e fundit të vitit 2020 pas skandalit në festën e ditëlindjes së 30, / KultPlus.com
Vera Sahatçiu – Ora, nëna e këngëtares shqiptare me famë botërore, Rita Ora, ka publikuar një fotografi të kahershme të tre fëmijëve të saj, të realizuar në Grykën e Rugovës në Pejë, shkruan KultPlus.
Në atë kohë Rita ishte shumë e vogël dhe ndodhej për pushime në Kosovë, pasi që ajo ishte vetëm tre vjeçe kur prindërit e saj emigruan në Mbretërinë e Bashkuar.
“Urë për në anën tjetër të 2021”, shkroi Vera në mbishkrimin e fotografisë.
Këngëtarja ka lindur në kryeqytetin e Kosovës në Prishtinë, por është rritur në një kryeqytet tjetër, Londrën, aty ku ehe ka zhvilluar karrierën e saj si yll i rangut botëror./ KultPlus.com
Këngëtarja me prejardhje kosovare dhe famë botërore, Rita Ora, shpreson shumë që publiku do ta pranojë kërkim faljen e saj, për shkelje të rregullave të mbrojtjes nga koronavirusi.
Pop ylli 30-vjeçar së fundmi kërkoi falje publike për gabimin e saj, duke i thyer rregullat e karantinës të vendosura nga qeveria britanike, për ta festuar ditëlindjen në një restorant e shoqëruar nga 30 të ftuar.
Dhe tani, Rita thotë se shpreson të ketë mundësi ta rifitojë besimin e publikut, i cili e ka mbështetur aq shumë përgjatë vjetëve, në çdo hap të karrierës së saj.
Për gazetën “The Sun” të publikuar të dielën, këngëtarja citohet të ketë thënë: “Kërkim falja ime ishte aq e sinqertë dhe vinte nga zemra. Tani thjeshtë shpresoj dhe lutem që publiku ta shoh këtë gjë, dhe ta pranojë faktin se jam penduar për këtë gabim”.
Ylli i hitit “Hot Right Now” që shkeli masat e sigurisë për herë të dytë, pasi u kthye në shtëpi nga një udhëtim në Egjipt dhe nuk u vetizolua, përveç se kërkoi falje publike përmes një postimi në rrjetet sociale, po ashtu doli vullnetare për ta paguar shumën maksimale të shkeljes së masave anti-COVID, që e kap shifrën prej 10 mijë funtesh. Por siç duket, kjo nuk po mjafton për publikun dhe qytetarët e Britanisë së Madhe, vend ky i cili është goditur mjaft rëndë nga pandemia dhe vazhdon të jetë me masa të ashpërsua të sigurisë nga koronavirusi.
Ndër të tjera, në intervistën e saj për “The Sun”, Rita Ora e ka pranuar se është plotësisht e vetëdijshme për sakrificat që njerëzit është dashur t’i bëjnë gjatë pandemisë, dhe ndihet e turpëruar për veprimet e saj të papërgjegjshme.
Kujtojmë se Ora ishte ndër yjet e parë të showbizit, që i bënë thirrje njerëzve anembanë botës t’i respektojnë rregullat e karantinës, qysh në muajin mars kur u shënuan rastet e para me koronavirus. / KultPlus.com
Rita Ora ka pësuar sulme paniku nga frika se mund të diagnostikohej me kancer të gjirit.
30-vjeçarja ka treguar se ka shpenzuar vite duke u shqetësuar për kancer, pasi nëna e saj Vera ishte ballafaquar me një situatë të tillë në 2005.
Shqiptarja nga Kosova e cila edhe ka kryer testin për kancer të gjirit dhe që ka rezultuar të jetë mirë me shëndet, ka thënë se kontrollohet rregullisht.
“Gjenetikisht nuk ka pasur histori të kancerit të gjirit në familjen time, por nëna ime megjithatë e kishte sëmundjen”, tha ajo, duke motivuar të tjerët që të kërkojnë për sa më shumë informacione rreth kancerit që mund t’ua shpëtojnë jetën.
“Skanimet në Britani kanë rënë për 80 për qind që nga përhapja e COVID-it dhe një milion gra nuk kanë bërë kontrolla”, ka thënë ajo.
Rita ka sqaruar se si shqetësimet e saj kishin nxitur sulme paniku. Ajo i ka thënë The Sun se “është eksperiencë shumë e vështirë për t’u sqaruar”.
“Duke u rritur derisa isha më e re, nuk e dija çfarë ishte një sulm paniku. Mendoj se shumë adoleshentë nuk e dijnë çfarë është. Nuk mund të mbushesh frymë, ndjen se të ngushtohet gjoksi, humb vizionin”, ka shpjeguar Rita./ KultPlus.com
Rita Ora ka uruar ndjekësit e saj për festën e Krishtlindjeve.
Ajo ka publikuar disa fotografi ku shfaqet tejet këndshëm afer një peme të Vitit të Ri.
“Gëzuar Krishtlindjet, ju dërgoj dashuri dhe dritë…Të gjithë e meritojnë atë pak shtesë esktra të dashurisë dhe magjisë së Krishtlindjes duke ju uruar të gjitha të mirat”, ka shkruar Rita në Instagram. / KultPlus.com
Shou muzikor “The Masked Singer” ka paralajmëruar sezonin e ri, aty ku anëtare e jurisë do të jetë edhe këngëtarja shqiptare Rita Ora.
Spektakli “The Masked Singer” ka si kontekst artistët tashmë të famshëm të performojnë porse të maskuar, duke fshehur kështu identitetin e tyre.
Kjo nuk është hera e parë për Ritën që merr pjesë në këtë panel të jurisë, e meqenëse puna dhe prania e saj në sezonin e kaluar është vlerësuar lartë, Ora ka vendosur të kthehet edhe njëherë në këtë emision argëtues, të mbushur me muzikë por edhe humor.
Përveç Rita Orës, në panelin e jurisë do të jenë edhe Davina McCall dhe Jonathan Ross.
Sezoni i ri i “The Masked Singer” do të fillojë në fundjavën e Krishtlindjeve, me 26 dhjetor dhe tashmë vëmendja është e madhe si për jurinë ashtu edhe për pjesëmarrësit. /Koha/ KultPlus.com
Rita Ora ka qenë në qendër të vëmendjes mediatike këto ditë për shkak se theu dy herë rregullat e pandemisë.
Ajo udhëtoi drejt Egjiptit pa bërë testin dhe organizoi një festë me 30 miq për ditëlindjen e saj, duke mos ruajtur në këtë mënyrë as distancën fizike. Për këtë arsye ajo mori një lumë kritikash nga fansat dhe një gjobë prej 10 mijë paund.
Ndërkohë ndëshkimet për të po vijojnë ende dhe së fundmi ajo ka fituar “çmimin” për “sjelljen më të keqe të vitit” së bashku me disa personazhe të tjerë të njohur.
Tabloidi britanik “Daily Mail” ka zgjedhur bashkë me ekspertin e sjelljeve, William Hanson, VIP-at që janë sjellë më keq këtë vit dhe që sigurisht kanë rënë në sy të publikut për sjelljen e tyre.
Me ironi Rita është cilësuar si një njeri vetëmohues dhe në të shkruhet se përveçse është këngëtare, është gjithashtu një mikrobiologe e kualifikuar dhe e specializuar për viruset.
“Gjatë viteve të hulumtimit dhe doktoratës në epidemiologji në Shkollën e Teatrit për fëmijë “Sylvia Young (i referohet shkollës fillore që Rita ka ndjekur) ajo e ka kuptuar shumë mirë se koronavirusi do të shmangte zonat e pasura të Londrës Perëndimore, duke lejuar doktoreshë Orën dhe profesionistë të tjerë mjekësorë të tillë si Cara Delevingne dhe Profesor Vas J Morgan të festojnë në masë.
Kur u zbulua festa e ditëlindjes në Notting Hill, zonja Ora kërkoi falje me shpejtësi duke thënë se ishte një vendim i momentit. Nuk ka rëndësi nëse bie apo jo dakord me rregullat. Ato janë rregulla. Nëse nuk je dakord atëherë përfshihu në parlament dhe lobo që t’i ndryshosh. Askush nuk është mbi to. Ne po e kalojmë këtë gjë të gjithë së bashku”, shkruhet në artikull për këngëtaren.
Përveç Rita Orës personazhe të tjerë të njohur kanë marur “çmime” për sjelljet më të këqija, duke përfshirë Jess Glynne për “veshjen më të keqe”, Princin Wiliam dhe Kate Middleton për “reagim jo të mirë” në Emmy Awards etj./gazetaexpress/ KultPlus.com
Paneli gjykues i spektaklit të talenteve, “The Voice of Australia”, për vitin 2021 u njoftua të mërkurën.
Dhe fansat kanë mbetur të hutuar se pse ylli i muzikës pop në Mbretërinë e Bashkuar, Rita Ora po bashkohet me një panel me të gjithë yjet me këngëtarë australianë, duke përfshirë Keith Urban, 53 vjeç, Jessica Mauboy, 31 vjeçe dhe mentorin e vitit të kaluar, Guy Sebastian, 39 vjeç.
Komentet në Twitter ishin nga më të shumtat, gjersa pati edhe prej atyre që nuk e njihnin anëtarin e katërt të jurisë, shkruan DailyMail.
“Epo ja ku po shkojmë. E pëlqeja shumë kur Keith ishte në The Voice AU disa vjet më parë, Mirë që Guy u kthye. Yay Jess do të bashkohet me Karriget. Rita Ora nuk është e sigurt nëse jam njohur me të. Ndoshta mund ta shikoj”, shkroi një komentues.
Një tjetër thjesht e pyeti: “Rita Kush?”.
Ndërkohë, një fans shprehu shqetësim në lidhje me këngëtaren që vjen pak pasi shkeli dy herë rregullat e COVID-19 në Mbretërinë e Bashkuar.
“Duke marrë parasysh që Rita Ora është gjobitur dy herë kohët e fundit për shkelje të rregullave të COVID-19 – Unë shpresoj se ajo nuk do të udhëtojë në Australi për të marrë pjesë në shfaqje si gjyqtare”, shkroi një tjetër përdorues.
Rita hodhi poshtë ligjet e izolimit në Mbretërinë e Bashkuar pasi fluturoi në Kajro me një aeroplan privat për një performancë fitimprurëse në një hotel të ri me pesë yje.
Sipas rregullave të qeverisë, ajo duhet të ishte në karantinë për 14 ditë pas kthimit të saj, por gjashtë ditë pasi ajo zbarkoi në Mbretërinë e Bashkuar ajo u kap duke organizuar një festë për 30 vjetorin e lindjes për miqtë e saj në një restorant ekskluziv.
Dizajnieri i famshëm shqiptar, Iliaz Iliazi ka folur për dizajnimin e çizmeve të famshme të Rita Orës për 28 Nëntor, gjithashtu edhe një familje shqiptare e cila ka marrë të njëjtat këpucë.
Ai tha se kërkesa e bërjes së çizmeve ishte e tij dhe se çizmet janë bërë vitin e kaluar, por vetëm për 30 vjetorin e saj, Rita arriti ti merrte për shkak të pandemisë.
“Unë kam shkuar në Angli në vitin 1998 dhe unë në 2004 vazhdova biznesin tim. Jam nga Kukësi dhe pas 2004 fillova duke punuar me Natasha Marron dhe dizajneret e tjera. Kërkesa ishte e imja dhe në 2017 pashë babain e Ritës dhe mamanë dhe më lindi idea që t’i bëj një palë Rita Orës dhe kontaktova me të ëmën e saj dhe ja mora numrin e Këmbës së Ritës dhe është numër 39, dhe kështu më lindi ideja dhe kur ja dërgova një italiani shqiponjën më tha se nuk e bënte dot, dhe fillova duke e bërë me dorë, e cila e ka vlerën të madhe”, tha ai.
“Unë ja kam bërë vjet, por iku në Shqipëri për tërmetin dhe pastaj vazhdoi covid dhe u realizua këtë vit ku kishte 30 vjetorin. Kur ja dërgova babait të saj edhe motra e saj Helena kërkoi t’i kishte dhe ja bëra. Kam bërë 5-6 palë kështu. Unë e njoh nga afër ambasadorin shqiptar dhe thotë se çdo shqiptar është një ambasador kudo që të jetë, me bëmat tona ne tregojmë veten tonë dhe unë kam pasur të bëj me shumë dizjnier dhe nuk më besonte njeri që jam shqiptar”, tha Iliazi për TCH./ tch/KultPlus.com
Përbërja e panelit gjykues të The Voice Australia për vitin 2021 u njoftua të Mërkurën, shkruan Daily Mail transmeton KultPlus.
Siç është raportuar nga Perth Now, ylli i pop-it në Mbretërinë e Bashkuar Rita Ora, 30 vjeç, do të bashkohet me një panel me të gjitha yjet e këngëtarët Australian, përfshirë Keith Urban, 53 vjeç, Jessica Mauboy, 31 vjeç dhe mentorin e vitit të kaluar, Guy Sebastian, 39 vjeç.
Ndërsa Guy i mbijetoi shkëputjes kur programi i realitetit njoftoi lëvizjen e tij nga Channel Nine në Channel Seven këtë vit, pjesa tjetër janë jashtë – ish mentorët Kelly Rowland, 39, Boy George, 59 dhe Delta Goodrem, 36, nuk do të kthehen.
Rita është një gjykatëse e talentuar e shfaqjeve të talenteve, pasi është shfaqur në edicionet britanike të The Voice dhe X Factor.
“Unë e dua The Voice dhe unë absolutisht e adhuroj Australinë kështu që kjo është një ndeshje e bërë në parajsë”, i tha ajo Perth Now.
‘Duke qenë një trajner në seritë në Mbretërinë e Bashkuar, unë e di se sa i fuqishëm mund të jetë në realizimin e ëndrrave. Mezi pres të gjej super yllin tjetër të Australisë”, ka shtuar këngëtarja.
Këngëtari i vendit Grammy-fitues Keith gjithashtu tha se ishte i lumtur që po përsëriste rolin e tij në shfaqje – ai u shfaq për herë të fundit në 2011.
‘Yjet më në fund janë rreshtuar përsëri,’ i tha ai për gazetën.
The Voice Australia është vendosur të transmetohet në Channel Seven për herë të parë në 2021, pasi Nine Network nuk arriti të rinovojë kontratën e saj pas një drejtimi nëntë vjeçar./ KultPlus.com
Ylli i hitit “Anywhere”, Rita Ora, ka ikur nga Britania e Madhe duke udhëtuar drejt Bullgarisë, kjo pasi është kritikuar jashtë mase nga publiku i gjerë për shkak të shkeljes së rregullave të karantinës.
Këngëtarja me prejardhje kosovare u bë kryelajm në Angli pasi e mblodhi një grup të miqve të saj në një restorant në Londër, për ta festuar ditëlindjen e saj të 30-të. Ky veprim i Orës ishte në kundërshtim me rregullat e karantinës në vend, të caktuara nga qeveria prandaj edhe pranoi kritika të shumta publike nga mediat dhe njerëzit e thjeshtë në rrjetet sociale.
Me vendimin e saj të fundit për të ikur në Bullgari ku do të qëndrojë për pjesën e mbetur të vitit, këngëtarja simpatike duket se shpreson të largohet për ca kohë nga qendra e vëmendjes së publikut.
“Rita po ndjehet shumë keq për gabimin që e ka bërë me rastin e ditëlindjes, por megjithatë ka vendosur ta angazhojë veten me punë dhe kështu ta largojë mendjen nga situate e fundit. Pjesën më të madhe të vitit ajo e ka kaluar duke punuar në muzikën e saj, dhe tani po shpreson të rikthehet me këngë të reja në fillim të vitit 2021, përfshirë këtu edhe videoklipin e fundit i cili për momentin është duke u xhiruar në Bullgari. Ajo nuk dëshiron të jetë në Londër në këtë koha, prandaj e ka rezervuar një pushim relaksuar për festat e fundvitit, me shpresë se në janar do të mund ta fillojë vitin e freskën. Largimi për të reflektuar mbi gjithçka që ka ndodhur së fundmi, është shumë me rëndësi për të”, citohet të ketë thënë një burim i afërt i këngëtares për gazetën “The Sun”.
Rita Ora ishte gjobitur me një shumë prej 10 mijë funtesh për shkeljen e rregullave të karantinës, muajin e kaluar.
Përmes një postimi në Instagram, këngëtarja kishte deklaruar se është penduar për këtë veprim, dhe i vjen keq që i ka vënë në rrezik jetët e personave të tjerë.
“Përshëndetje të gjithëve, unë e kam organizuar një ndejë të vogël me miqtë e mi, për ta festuar ditëlindjen e 30-të. Ishte një vendim i momentit dhe i gabuar, prandaj më vjen shumë keq që i kam thyer rregullat e karantinës. Po ashtu e kuptoj se ky veprim i ka vënë në rrezik jetët e njerëzve tjerë. Tani e kuptoj sa veprim i papërgjegjshëm ishte, dhe marrë përgjegjësi të plotë për këtë. Në veçanti më vjen turp kur e di personalisht, se sa shumë njerëz po punojnë me shumë mund për ta luftuar këtë sëmundje të tmerrshme, dhe jam e vetëdijshme për sakrificat që njerëzit dhe bizneset e ndryshme janë dashur t’i bëjnë për shkak të sigurisë sonë. Edhe pse e di që kjo nuk e rregullon gabimin tim, megjithatë dua të kërkojë falje të sinqerta”, kishte deklaruar Ora./ KultPlus.com
Ishin vitet e pesëdhjeta koha kur ti shihje së bashku Seit Lipën dhe Besim Sahatçiun ishte më se e zakonshme. Besimi e Seiti, të dy ishin të njohur për publikun shqiptar të asaj kohe. Gjyshërit e Dua Lipës dhe Rita Orës që atëherë kishin filluar një traditë, që sot janë pasardhësit e tyre ata që po e vazhdojnë, shkruan KultPlus.
Baballarët e këngëtarëve shqiptare që kanë arritur të korrin suksese në botë, Besnik Sahatçiu dhe Dukagjin Lipa janë takuar gjatë ditës së sotme në një kafene të Londrës.
Por, ajo që mbetet të shihet është nëse këtë traditë të takimeve do ta vazhdojnë edhe gjenerata e tretë e këtyre dy familjeve, Dua Lipa dhe Rita Ora. Mirëpo mbase këtë herë me një bashkëpunim muzikor mes këtyre dy këngëtarëve që tashmë kanë shkelur tregun botërore dhe kanë arritur që të dëgjohen e të pëlqehen në shumë vende të botës./ KultPlus.com
Këngëtarja britanike Rita Ora ka kërkuar falje pasi dolën lajmet se ajo duhej të ishte vet-izoluar kur festoi ditëlindjen në një restorant në Londër muajin e kaluar, shkruan The Guardian, përcjell KultPlus.
Ora fluturoi për në Egjipt më 21 nëntor për të performuar në Kajro, teksa kur u kthye në Angli iu kërkua që të vetë izolohej për 14 ditë sipas rregullave qeveritare për Covid-19.
Mirëpo, në vend të kësaj Rita festoi datëlindjen e saj në një restorant të Londrës, duke shkelur kufizimet anti-covid. Pas publikimit të lajmeve nga mediat, ajo kërkoi falje dhe pagoi një gjobë prej 10,000 £ për organizimin e festës.
Përveç faljes së saj, Ora tha se çdo fitim nga koncerti do të shkonte për bamirësi.
“Pas kthimit tim në Britani, duhet të kisha ndjekur këshillat qeveritare dhe të izolohesha për periudhën e kërkuar. Siç e dini, unë nuk i ndoqa këshillat e qeverisë dhe… Unë përsëri kërkoj falje”, theksoi Ora.
Në anën tjetër, për ata të cilët dëshirojnë ta bëjnë të njëjtën duke mos i respektuar masat si Ora, ajo tha:
“Mesazhi im për ta është i thjeshtë: ju lutem mos. Nuk ia vlen faji dhe turpi që kam pasur këtë javë për gabimin. Në vend të kësaj, vazhdoni të dëgjoni këshillat e qeverisë dhe zërat e heronjve të NHS dhe të merrni masat e nevojshme paraprake”, u shpreh Rita Ora.
Ora sërish është testuar për coronavirus dhe ka rezultuar negativ. / The Guardian/ KultPlus.com
Stacioni radiofonik Exeter ka ndaluar transmetimin e këngëve të Rita Orës në formë dënimi dhe revolte pasi theu rregullat e Covid-it dhe festoi me miqtë.
Rita kërkoi publikisht falje duke shkruar se e organizoi festën duke menduar që masat do zbuteshin, por nuk ndodhi ashtu.
Pagoi edhe gjobën prej 10 mijë paundësh, por as dëmshpërblimi monetar dhe as falja publike nuk kanë mjaftuar për drejtuesin e radios.
Prezantuesi i programit të mëngjesit tha: Po e fusim Ritën në listën e zezë. Në fund shtoi se vendimi është marrë për një kohë të paparashikueshme. / KultPlus.com
Këngëtarja shqiptare me famë botërore, Rita Ora nuk do të paraqitet në shfaqjen e Jonathan Ross, kjo sepse ajo nuk respektoi rregullat e izolimit dhe festoi ditëlindjen e saj, shkruan KultPlus.
Këngëtarja e njohur shqiptare, Rita Ora, para pak ditësh e ka festuar ditëlindjen e 30-të dhe ka organizuar festë në një restorant në Londër.
Ky veprim i Ritës është kritikuar shumë dhe vetë ajo kërkoi falje publike.
“Përshëndetje të gjithëve, unë isha e përfshirë në një mbledhje disa miq për të festuar 30 vjetorin e lindjes. Ishte një nxitje e momentit kur vendimi u mor me pikëpamjen e gabuar se ne po dilnim nga bllokimi dhe kjo do të ishte në rregull. Më vjen shumë keq për thyerjen e rregullave dhe nga ana tjetër kuptoj se kjo i vë njerëzit në rrezik. Ky ishte një gabim serioz dhe i pafalshëm. Duke pasur parasysh kufizimet, unë e kuptoj se sa të papërgjegjshme ishin këto veprime dhe marr përgjegjësi të plotë. Ndihem e zënë ngushtë duke ditur se sa njerëz kanë punuar për të luftuar këtë sëmundje të tmerrshme dhe duke qenë plotësisht të vetëdijshëm për sakrificat që njerëzit dhe bizneset kanë bërë për të mbajtur të gjithë ne të sigurt. Edhe mendova se kjo nuk do ta bëjë atë të drejtë, unë do të kërkoja sinqerisht falje”, ishte shprehur Rita Ora nëpërmjet një postimi në Instagram.
Dhe kjo është pikërisht arsyeja se përse Rita Ora nuk do të shfaqet më në shfaqjen e Jonathan Ross siç ishte planifikuar këtë javë.
Të martën në mëngjes, Piers Morgan, 55, kritikoi faljen e Ritës në emisionin ‘Good Morning Britain’ dhe e akuzoi atë thjesht se ishte ‘keqardhje që u kap’.
“Çfarë mendon mamaja e saj për këtë. Kjo gjë më bezdisi sepse papritmas ajo është “thellësisht e penduar” dhe doli vullnetare për të paguar gjobën prej 10,000 funtesh – e cila mezi do të prekë anët e parave të xhepit të saj. Për çfarë i vjen shumë keq? Ajo e dinte se çfarë po bënte, ne jemi në një bllokim kombëtar – nuk është sekret. Ajo është një yll popi shumë i pasur dhe qëllimisht planifikoi një festë të 30-vjetorit – Unë nuk e di se çfarë po mendonte restoranti, kështu që si je në gjendje ta bësh atë? Dhe pse po e bëre atë?”. Ju planifikoni një ditëlindje të 30-të ashtu, paraqiteni, ftoni të gjithë miqtë tuaj të famshëm, ju festoni dhe kaloni një natë të shkëlqyeshme – policia vjen dhe godet në derë. Nëse të gjithë po e bëjnë atë, nëse rregullat nuk janë për ata, atëherë çfarë kuptimi kanë rregullat. Më vjen shumë keq’, po në lidhje me çfarë? Ju nuk jeni shumë keq – ju vjen shumë keq që u kapët! Kjo është ajo për të cilën ‘ju vjen shumë keq”, u shpreh ai./ KultPlus.com
Këngëtarja Rita Ora ka kërkuar falje për shkeljen e rregullave të karantinës, duke e organizuar një ndejë private me miqtë e saj, për ta shënuar ditëlindjen e 30-të.
Ora e ka pranuar se ky ishte një vlerësim i gabuar i situatës dhe një vendim i paarsyeshëm për të festuar në një restorant në Londër, ndejë kjo e cila zuri vend të shtunën mbrëma.
Policia e qytetit e ka konfirmuar tashmë lajmin se ishin thirru nga persona anonim, të cilët e kishin lajmëruar një shkelje të rregullave të sigurisë të vendosura nga shteti me qëllim të parandalimit të përhapjes së koronavirusit.
Përmes një postimi në Instagram, Ora ka thënë: “Përshëndetje të gjithëve, unë e kam organizuar një ndejë të vogël me miqtë e mi, për ta festuar ditëlindjen e 30-të. Ishte një vendim i momentit dhe i gabuar, prandaj më vjen shumë keq që i kam thyer rregullat e karantinës. Po ashtu e kuptoj se ky veprim i ka vënë në rrezik jetët e njerëzve tjerë. Tani e kuptoj sa veprim i papërgjegjshëm ishte, dhe marrë përgjegjësi të plotë për këtë. Në veçanti më vjen turp kur e di personalisht, se sa shumë njerëz po punojnë me shumë mund për ta luftuar këtë sëmundje të tmerrshme, dhe jam e vetëdijshme për sakrificat që njerëzit dhe bizneset e ndryshme janë dashur t’i bëjnë për shkak të sigurisë sonë. Edhe pse e di që kjo nuk e rregullon gabimin tim, megjithatë dua të kërkojë falje të sinqerta”.
Në disa fotografi të postuara online, Rita Ora shihet duke hyrë në restorantin ku po i priste të ftuarit e saj, në mesi e së cilëve ishin edhe modelet, Cara dhe Poppy Delevingne./ KultPlus.com
Këngëtarja shqiptare me famë botërore, Rita Ora të enjten e 26 Nëntorit ka festuar ditëlindjen e saj të 30-të. Urimet që i janë bërë këngëtares kanë qenë të shumta, duke filluar nga familjarët, miqtë, kolegët si dhe adhuruesit e saj, shkruan KultPlus.
Në një postim të bërë në Twitter, Ora ka publikuar një video katërmbëdhjetë minutëshe me urimet që i janë dërguar nga adhuruesit e saj.
“Faleminderit shumë për të gjithë ju !! Unë nuk do të isha personi që jam sot pa dashurinë dhe mbështetjen tuaj të pakushtëzuar !! Faleminderit fansave të mi që kaluan këtë udhëtim me mua dhe mesazhet tuaja të bukura, mezi po ju pres të ju takoj të gjithëve përsëri !!!”, ka shkruar ajo./ KultPlus.com
Këngëtarja shqiptare me famë botërore, Rita Ora ka zgjedhur një mënyrë të veçantë për të uruar ditën e flamurit, shkruan KultPlus.
Ajo nëpërmjet një postimi në rrjetin social Twitter, ka uruar ditën e flamurit në gjuhën shqipe, si dhe atë angleze .
“URIME DITA E FLAMURIT!!!! #28Nëntori Happy Independence Day #Albania”, ka shkruar Ora.
Tutje ajo në këtë postim ka bashkangjitur edhe dy fotografi, ku këngëtarja shqiptare ka të veshura qizme të kuqe me shqiponjën e vizatuar në to./KultPlus.com
