Në Prizren dikush një restorant e pagëzoi Rita Ora.
Gjithçka në të identifikohet me emrin e këngëtares me nam. Edhe muzika që dëgjohet në të është e vetëm e Ritës. Por, pronari i picerisë ka edhe një dëshirë.
Etiketë: rita ora
Vera Ora pas koncertit të mbrëmshëm: Ndihem një nënë krenare
Përveç atmosferës tejet të veçantë që Rita u dhuroi mijëra qytetarve që erdhën në koncert, ajo një ndjenjë të veçantë krenarie u ka falur edhe prindërve të saj, shkruan KultPlus.
Këto emocione i ka shfaqur përmes postimeve në Instagram, nëna e Rita Orës, Vera Ora. Ajo mbrëmë ka postuar fotografinë ku shihet numri i madh i publikut ndërsa ka shkruar. “Dashuria nuk ka kufij, Kosova e do Ritën dhe Rita po ashtu i do njerëzi e saj. Kjo u dëshmua sonte. Ndihem një nënë krenare”, ka shkuar mbrëmë Vera Ora në profilin e saj në Instagram.
Ajo po ashtu gjatë ditës së sotme ka postuar edhe një fotografi në të cilën ka shkruar se kthimi në shtëpi pas një eventi madhështor, bën që gjithçka të duket e zbrazët./ KultPlus.com
Rita Ora dhe një shqiponjë e flaktë (FOTO)
Fotografia në ballinë nga: Armend Nimani
Rita Ora e cila arriti të mbledhë 300 mijë qytetarë për ta përcjellë koncertin e saj për shënimin e dhjetëvjetorit të Pavarësisë së Kosovës, është në fokusin e shumë medieve shqiptare por edhe ato të huaja, shkruan KultPlus.
Fotografi të ndryshme nga performanca e saj po qarkullojnë në të katër anët, kurse KultPlus ka realizuar këtë fotografi, ku shihet në audiencë një qytetar duke bërë shqipnojnën, përderisa Rita Ora është duke kënduar në skenën e Prishtinës./KultPlus.com
Pas Kosovës, Rita Ora do të “pushtojë” këtë skenë botërore (FOTO)
Foto: Reuters, AFP
Ylli kosovar i pop-it botëror Rita Ora elektrizoi publikun kosovar natën e mbrëmshme në 10 vjetorin e Pavarësisë. Por pas kësaj, do të vazhdojnë aktivitetes e Orës në skena të mëdha botërore.
Këngëtarja e mirënjohur do të jetë pjesë e Brit Awards 2018 që do të mbahen në Londër më 21 shkurt. Pjesë e këtij organizimi vjetor do të jetë edhe ylli tjetër nga Kosova Dua Lipa, e cila është e nominuar në pesë kategori./KultPlus.com
Komentuesit nga Serbia nxisin urrejtje duke përmendur Rita Orën
Këngëtarja shqiptare me famë botërore, Rita Ora, e cila mbajti mbrëmë një koncert madhështor në Prishtinë, për nder të 10 vjetorit të pavarësisë së Kosovës, mblodhi një numër të madh njerëzish.
Në një performancë prej 30 minutash, Ora këndoi tri këngë të si dhe vallëzoi me këngën e “Shotës”. Ky vallëzim që ndezi të gjithë shqiptarët nuk iu pëlqeu fqinjëve serbë.
Përmes rrjetit social Twitter, ata kanë komentuar duke i thënë Rita Orës se Kosova është Serbi dhe duke i uruar mirëseardhje në Serbi.
Rita Ora gjatë ditës së djeshme ka qëndruar në Kosovë, ku ka mbajtur një konferencë për media dhe është nderuar nga kryeministri i Kosovës, Ramush Haradinaj. / KultPlus.com
Prishtina ndriçohet me fishekzjarrë (FOTO)
Këngëtarja Rita Ora, është ajo që ka mbyllur koncertin e madh për dhjetëvjetorin e Pavarësisë së Kosovës.
Derisa ajo ka numëruar nga numri dhjetë deri tek njëshi, me zërin e saj Prishtina u ndriçua me fishekzjarrë që simbolizonin frymën festive të një dekade shtetësi, shkruan KultPlus.
Mijëra qytetarë derisa u shpërndan, kthyen kokën drejt qiellit për të shijuar këtë atmosferë festive që mbretëroi sonte në kryeqytetin e Kosovës.
KultPlus ju sjellë disa pamje nga ndriçimi i qiellit të Prishtinës, sonte në dhjetëvjetorin e Pavarësisë së Kosovës./KultPlus.com
Momentet më të mira nga koncerti i Rita Orës në Prishtinë (VIDEO)
Sarandë Selimi
KultPlus, ju sjellë momentet më të mira të cilat do tashmë janë skalitur në memorien e qytetarëve të Kosovës, nga koncerti i shqiptares me famë botërore Rita Ora.
Rita, në këtë koncert, iu tha mijëra qytetarëve që ishin mbledhur të mos qajnë, por ajo vetë në fund nuk mundi t’i ndalë lotët.
“Më falni që shqip nuk mundem të flas mirë, mirëpo do e bëjë më të mirën time. Jam shumë e lumtur që jam këtu nuk do të dëshiroja të isha askund tjetër”, ka thënë fillimisht Rita Ora.
Ora, ambasadorja më e mirë e Kosovës në botë, numëroi nga dhjetëshi tek njëshi duke i përshëndetur të gjithë me fishekzjarrët që zgjatën mbi 15 minuta.
https://www.youtube.com/watch?v=p6C4y2ZG55g&feature=youtu.be
Shijoni momentet më të mira nga koncerti madhështor i 10-vjetorit të Pavarësisë së Republikës së Kosovës./ KultPlus.com
RTK sqarohet pse ndërpreu transmetimin e koncertit të Rita Orës
Televizioni publik i Kosovës, RTK ka dhënë sqarimin pse ka transmetuar vetëm 2 këngë të Rita Orës, e jo gjithë koncertin. Ky është njoftimi i plotë i tij në Facebook:
Te nderuar po e shoh se perkunder paralajmerimeve ne RTK se kemi siguruar te drejten vetem te dy kengeve te Rita Ores, njerez te pa informuar dhe qellimkeqinj po mundohen me shpifje ta njollosin RTK-ne. Rita Ora ka kontrate ne Kompanine WARNER.
Si e tille nuk ka te drejte qe te kendoje dhe kenget e saj te transmetohen ku te do sepse ka marreveshje per te drejtat e autorit. Para se te merreni me shpifje lexoni ligjin per te drejtat e autorit e poashti edhe lexoni per gjobat qe mund te pasojne ne rast se shkelet marreveshja.
RTK bashke me Kompanine AMC ka arritur marreveshje me shkrim me WARNER per keto 2 kenge te cilat WARNER nuk ka lejuar te transmetohen as ne satelit, as ne Youtube e as ne rrjetet sociale por vetem ne territorin e Kosoves (Free To Air).
Po ua bashkangjes komunikimin e fundit me email.
P.S. RTK dhe AMC posedojne kontrate me shkrim per transmetimin e sontem andaj cdo transmetim tjeter televiziv eshte bere ilegalisht andaj ata qe e bene i dijne pasojat dhe do te ballafaqohen me to.
Zbulohet befasia e madhe që paralajmëroi Rita Ora
Kur publikoi një video në llogarinë e saj në Instagram, Rita ora po ftonte gjithë shqiptarët t’i vinin në koncert.
Rita në videon me mesazhin e dashurisë për bashkë kombasit e saj, paralajmëroi edhe një surprizë përderisa në fund bën shqiponjën e dëgjohet në sfond edhe “Shota”.
Ajo do performojë për nder të 10-të vjetorit të pavarësisë së Kosovës, në zemër të Prishtinës, në vendlindjen e saj dhe momenti i surprizës po afrohet.
Prive raporton të ketë zbuluar befasinë e Ritës.
Këngëtarja do këndojë në shqip pikërisht Shotën, ndërsa valltarët që e shoqërojnë do vallëzojnë me melodinë e kësaj kënge të bukur shqipe që e dinë të gjithë
Harta e Kosovës i dorëzohet Rita Orës (FOTO)
Këngëtarja shqiptare Rita Ora, pas konferencës për medie, është takuar me kryeministrin e Republikës së Kosovës, Ramush Haradinaj, shkruan KultPlus.
Rita, nga kryeministri Haradinaj mori simbolin e hartës së Kosovës, ndërkaq falënderimet e saj s’kishin të ndalur. / KultPlus.com
Rita Ora: Gjithmonë e kam përmendur faktin se jam shqiptare (FOTO)
Këngëtarja shqiptare Rita Ora, përgjatë konferencës së saj të mbajtur në Prishtinë me rastin e koncertit të saj, që do ta mbaj sonte për shënimin e dhjetëvjetorit të Pavarësisë së Kosovës, ka treguar për emocionet e saj për këtë koncert, e cila e ka vlerësuar si një koncert më të veçantë, karshi koncerteve të tjera që i mban në katër anët e botës, shkruan KultPlus.
Ajo, për të treguar për rrënjët e saj, përgjatë konferencës ka bërë edhe simbolin e shqiponjës.
Gjithashtu ajo ka përmendë se në të gjitha koncertet e specifikon faktin se është shqiptare.
Kurse ajo ka kujtuar se në fillim ishte këngëtarja e vetme shqiptare në tregun ndërkombëtarë, kurse tashti ka përmendur edhe Dua Lipën dhe Bebe Rexhën./ KultPlus.com
Rita Ora: Kjo natë do të mbahet mend gjatë (FOTO)
Rita Ora, ylli ndërkombëtar çaste më parë ka mbërritur në Aeroportin Ndërkombëtar “Adem Jashari”, kure tani është sistemuar edhe në Hotelin “Swiss Diamond”, ku pritet të dal pas pak në një konferencë për media, shkruan KultPlus.
Ajo ka postuar disa pamje të skenës ku do të performojë ndërsa ka shkruar “ Kjo natë do të mbahet mend gjatë”. Ajo po ashtu ka postuar edhe fotografitë e ushqimeve tradicionale, ku ka shkruar “ Yumm, pite, fli, manitja. Kam ardhur në shtëpi”.
Rita Ora sot do të ngjitet në skenën e sheshit “Skënderbeu”, ku do të performojë për festimin e dhjetëvjetorit të Pavarësisë së Kosovës. /KultPlus.com
Rita erdhi në Prishtinë (FOTO)
Këngëtarja shqiptare me famë botërore, Rita Ora tashmë ka shkelur në tokën e Kosovës, shkruan KultPlus.
Ajo sapo ka ardhur në Aeroportin ndërkombëtar “Adem Jashari”. Ajo nuk deshi të dalë para medieve që të marrin ndonjë pamje ose të prononcohet, por që ajo erdhi dhe pas më pak se dy orësh, Rita do të paraqitet në një konferencë për medie.
Rita ka ardhur në Kosovë për të festuar së bashku me vendasit e saj dhjetëvjetorin e Pavarësisë së Kosovës. Në orën 15:00, Rita pritet të dal në një konferencë për media kurse nga ora 20:00 pritet të filloj koncerti, në të cilin ajo do të interpretoj./ KultPlus.com
Revoltohet nëna e Era Istrefit: Suksesi i Erës është i pakrahasueshëm me të Ritës dhe Duas
Ditën e sotme slogani “Bac, çikat na e zbardhën ftyrën!”- u bë më viral seç pritej. Ky slogan u publikua sot me rastin e 10 vjetorit të pavarësisë së Kosovës dhe në logo ishin tre fytyra mjaft të njohura për Kosovën dhe jo vetëm, të cilësuara si krenari e vendit: Rita Ora, Dua Lipa dhe Majlinda Kelmendi.
Grupi “Kosova 10”, krijuesit, thanë se arsyeja pse nuk e kanë futur Erën në këtë listë, sipas tyre, është se ajo nuk është e “kalibrit të Ritës dhe Duas përsa i përket muzikës”.
Por si duket pas kësaj deklarate ka reaguar për Express edhe nëna e Erës, Suzana Istrefi.
“Njerëz shumë më të mençur se ata që e kanë dizajnu/ shkru edhe se unë, e kanë shti Erën në listën e personave më të suksesshëm shqiptar, e ata që nuk e kanë shti hiç nuk është problem. Jeta është e gjatë. Suksesi i Erës është i pakrahasueshëm edhe me të Ritës edhe me të Duas. Pse është i pakrahasueshëm sepse e dimë të gjithë”, u shpreh Istrefi duke shtuar se Era është e vetmja që ka arritur të bëhet e njohur në tërë botën nga një vend i vogël si Kosova dhe jo si Dua e Rita.
“Prej një vendi të vogël një sukses që e ka arrit Era, deri sot nuk e ka arrit asnjë artist, asnjë artist i filmit as muzikës popullore, as pop, ama bash kërkush. Dua dhe Rita kanë arritur shumë po prej një vendi që është njëri prej vendeve ma me perspektivë dhe ma të zhvillum në botë. Unë jam ajo nana më krenare në botë që asnjë nanë nuk e ka përjetu suksesin e fëmiut të vetë si unë, përfundoi Suzana Istrefi.
“Bac, çikat na e zbardhen ftyrën!” (FOTO)
“Bac, u kry” është një nga panot e famshme që u përdor si një formë komunikimi ndaj përmbushjes së amanetit të komandantit legjendar Adem Jasharit dhe të rënëve të tjerë për lirinë e vendit, shkruan KultPlus.
Bazuar në këtë, në këto ditë festive ekipi i “Image of Kosova”, ka përzgjedhur një mënyrë të veçantë për të dhënë një mesazh për ambasadoret më të mira të vendit, që po e ngritin emrin e këtij shteti, në shumë vende të botës.
Në këtë fotografi të dizajnuar nga “Image of Kosova”, shihen këngëtaret shqiptare me fame botërore Rita Ora, Dua Lipa dhe kampionia e botës, Majlinda Kelmendi, ndërsa shkruhet “Bac, çikat na e zbardhen ftyrën!”. /KultPlus.com
Rita Ora pas gjashtë vitesh sërish në Kosovë, kthen vëmendjen e botës në vendlindjen e saj
Erdhi në Kosovë, në vitin 2012-të dhe ardhja e saj në vendlindje krijoi një lloj fuqie të shtetit më të ri në botë që ishte Kosova., shkruan KultPlus.
“Shine ya light”, i dha shkëlqim Kosovës, më saktësisht Prishtinës, aty ku shqiptarja Rita Ora bashkë me vendasit e saj realizuan videoklipin e kësaj kënge e cila u bë zë i Kosovës për botën.
“I SAPOLINDURI/E SAPOLINDURA” apo “New Born”, ishte vendi që tregon çdo emocion të kosovarëve që kishin pak më shumë se një dekadë që kishin dalë nga lufta. Rita mbi këto shkronja përballë të së cilave ishin me mijëra njerëz që dolën ta dëgjonin e shihnin yllin shqiptar që ka mahnitur botën, u bënë pjesë e kësaj videoje duke ngritur duart lart bashkë me Ritën, e duke krijuar shqiponjën-simbolin e tokës së shqiponjave që në të përfshihen të gjitha trojet shqiptare.
Tash, pas plotë gjashtë viteve Rita Ora vjen përsëri në vendlindje.
Aty ky gjaku i dëshmorëve u shpërblye më datën 17 shkurt të vitit 2008-të, e pikërisht në këtë datë historike, jubile të Pavarësisë së Kosovës, Rita Ora vjen me një koncert në qendër të kryeqytetit kosovar. Për këtë koncert, Rita nuk pranoi të paguhet. Ajo bëri edhe njëherë një vepër të madhe për shtetin në të cilin ka lindur, për datëlindjen e tij e për të gjithë këta qytetarë që po presin nga çasti në çast ardhjen e saj.
Rita, ambasadorja më e mirë e Kosovës në botë, më 17 shkurt ngjitet në skenën e përgatitur te sheshi Skënderbeu. Një skenë që në çdo cep të saj ka simbolet shtetërore të Republikës së Kosovës është përgatitur të pres me mijëra njerëz të shtunën mbrëma.
Ora 22:00 do të shënojë ngjitjen në skenë të Ritës. Ora 22:00 është caktuar, sepse Kosova po bënë 10 vite. E Rita, përveç të tjerash, mbrëmë edhe konfirmoi ardhjen e saj në Kosovë. Rita shkroi shqip, dhe tregoi edhe njëherë sa e lumtur është që po vjen në Kosovën që edhe tash, pas 10 viteve pavarësi vazhdon të ketë sfidat e saj.
Mediet shqiptare nuk u kursyen që siç thotë populli ‘të gjejnë të metat’ për ardhjen e Ritës. U morën me bluzat që ajo krijoi për këtë jubile e që do të jenë në shitje. Poashtu që nga fillimi i muajit u morën edhe me atë se ‘po vjen Rita apo jo’. Me tituj nga më të ndryshmit që bënë konfuz qytetarët e Republikës së Kosovës, duket se dështuan. RITA ORA po vjen në KOSOVË. RITA ORA po këndon falas për 10 VJETORIN E PAVARËSISË SË KOSOVËS dhe RITA ORA edhe njëherë me zërin e saj po e bënë KOSOVËN kryelajm në TITUJT E GAZETAVE BOTËRORE./ KultPlus.com
Pamje nga skena ku do të performojë Rita Ora për 17 Shkurt (VIDEO)
Këngëtarja shqiptare me famë ndërkombëtare, Rita Ora do të këndojë në një koncert të organizuar nga Shteti, për 10-vjetorin e Pavarësisë së Kosovës, shkruan KultPlus.
Faqja zyrtare e 10-vjetorit të Pavarësisë së Kosovës #Kosova10, mbrëmë ka publikuar pamje nga skena ku do të ngjitet ylli i muzikës, Rita Ora.
Vendndodhja e kësaj skene është tek sheshi “Skënderbeu”, ndërsa Rita do të performojë para publikut kosovarë, duke filluar nga ora 22:00./ KultPlus.com
Zyrtare: Rita Ora performon në Prishtinë për 10-vjetorin e Pavarësisë
Këngëtarja me famë botërore, Rita Ora do të marrë pjesë në manifestimin qendror që do të organizohet në Prishtinë, për 10-vjetorin e Pavarësisë së Kosovës.
Pjesëmarrjen e yllit botëror të pop muzikës, me prejardhje nga Kosova, e ka konfirmuar për Radion Evropa e Lirë, Adil Behramaj nga Këshilli Organizativ për shënimin e 10-vjetorit të Pavarësisë së Kosovës.
“Mund të konfirmoj se më 17 shkurt 2018, në orën 22:00 para shikueseve dhe qytetarëve të Kosovës do të performojë këngëtarja më famë botërore Rita Ora”, ka thënë Behramaj.
Shënimi i 10-vjetorit të Pavarësisë së Kosovës ka filluar me aktivitete të ndryshme. Ndërkaq manifestimi qendror do të zhvillohet më 17 shkurt./KultPlus.com
Rita Ora: Ne jemi shqiptarë, kështu që nuk pranojmë broçkulla
Përpara se këngët e Rita Orës të dëgjoheshin në radio, ikona angleze e popit po performonte dhe po punonte në lokalin e babait të saj në Londër “The Queens Arms”, shkruan Forbes, përcjellë KultPlus.
“Gjaku, djersa dhe lotët e mi ishin në bar”, kujton Rita, kohën kur ishte në moshën 14 vjeçare. “Nuk pija alkool … Unë vetëm shkoja në shkollë dhe pastaj kthehesha, dhe reagimi i babit tim ishte si të thuash, “ngrihu dhe këndo”.
Tashmë, Rita Ora e njohur për hitet e saj, të tilla si “I Will Never Let You Down”and “How We Do (Party)” dhe albumi i saj i dytë që është caktuar për të dalë këtë vit. Por ajo nuk i ka harruar rrënjët e saj. Tani 27 vjeçarja thotë se koha që ajo kaloi duke punuar në lokalin e babait të saj, me familjen e saj, i mësoi shtatë mësimet e saj të rëndësishme që e kanë ndihmuar atë të ketë sukses në industrinë e muzikës. Lexoni, tregimin në të cilin Rita Ora zbulon se si jeta në bar i dha asaj një arsimim të veçantë.
1. Është në rregull të fillosh nga asgjë
“Babai im filloi një biznes nga e para,” thotë Ora. “Duke menduar për këtë tani, e di se ishte diçka e vështirë për të marrë këmbët e tyre nga toka”. Ashtu si skena e lokalit, as biznesi i muzikës nuk është i lehtë – dhe shpesh është e gjitha ose asgjë. “Momentin që filloni të merreni me të, ose duhet të zhyteni krejtësisht në të ose të dorëzoheni” ka thënë Rita Ora.
2. Nuk ka ndonjë orar fiks
“Nuk është ashtu, është ora 19:00 dhe ti duhet të shkosh në shtrat. Nuk mund ta bësh këtë. Ju shkoni në shtrat kur shkoni në shtrat, “thotë Ora, e lokalit të mbrëmjes që thotë se është e njëjta si të jesh performuese. “Ju duhet të liroheni nga gjithçka, të punoni, të bëni një shfaqje gjatë natës, të hipni në një aeroplan dhe të ktheheni përsëri në tokë. Ju duhet të përgatiteni psiqikisht”, thotë Rita.
3. Të buzëqeshni dhe të jeni sa më energjike është e domosdoshme
“Të gjithë njerëzit që i takoni, ju nuk i keni takuar kurrë më parë,” thotë Ora. E njëjta gjë vlen edhe për performanca, prandaj është e domosdoshme që të kemi një qëndrim optimist. “Mund të ndiheni e lodhur. Është shumë e vështirë që ta jepni më të mirën nga vetja e juaj, kur ju nuk keni atë energji brenda jush”.
4. Pengesat të bëjnë më të fortë
Këtu Rita Ora ka treguar për sfidat e nënës së saj, dhe përpjekjet e saj për të diplomuar për psikiatri në Britaninë e Madhe, ku ajo nuk dinte asnjë fjalë të gjuhës angleze. “Ajo kishte kancer të gjirit, mësoi anglisht, dhe ajo u diplomua të gjitha në të njëjtën kohë – ndërsa na rriti neve”, ka thënë Rita.
5. Durimi është çelësi
“Është një skenë shumë e ngadalshme me bar”, thotë Ora. “Jam shumë mirë me Ed Sheeran. Ai më tha një ditë se do të merrte 20, ndonjëherë nuk do të merrte asgjë. Ju thjesht nuk ndiheni sikur jeni duke ecur përpara, por jeni në një mënyrë të çuditshme. Nuk ka asnjë mënyrë për të dalë nga kjo, në thelb, ju vetëm me të vërtetë duhet të kalojnë nëpër sh * t për të marrë në ari. ”
6. Mbajini qëndrimet tua
“Mos u hidhëroni nëse dikush flet gjëra të këqija për ty, sepse ato janë njerëz të pavlerë. Dhe në qoftë se ata nuk janë të tillë, vetëm u thoni atyre ta mbyllin gojën. “thotë Ora për të mbrojtur veten. “E bëra këtë që kur isha 15 vjeçare”.
7. Mos i merrni mbeturinat nga të tjerët
“Ishin njerëzit e qytetit ata që vinin çdo ditë për të marrë pije, birra dhe për t’u talluar në lokal, por mua më pëlqente që të rritesha në një lokal. Nuk ishte kurrë e mërzitshme “, thotë Ora. Gjithmonë ka pasur raste kur vinin njerëz të rendomë të cilet babai im i hidhte jashtë. Ne jemi shqiptar kështu që nuk pranojmë broçkulla”. /KultPlus.com
Rita Ora e mrekullueshme në premierën e “Fifty Shades Freed” (FOTO)
Këngëtarja shqiptare, Rita Ora, ka shkëlqyer në ceremoninë e premierës së filmit “Fifty Shades Freed”.
Rita e veshur me një fustan elegant me ngjyrë të bardhë, dukej si një engjëll të martën mbrëma në premierën e filmit që u dha në Paris.
Përveç rolit që ka në film, 27-vjeçarja së bashku me Liam Payne kanë incizuar këngën “For You” si kolonë zanore për këtë film./ KultPlus.com
Rita Ora: Nëna ime është heroina ime
Këngëtarja me famë botërore, Rita Ora, ka folur për Kosovën dhe shpërnguljen e familjes së saj në Britani të Madhe, në emisionin amerikan “Live Kelly and Ryan”.
Në këtë emision krijuesja e hitit botëror “Anywhere” tregoi se në kohën e shpërnguljes në Londër, nëna e saj u diagnostikua me kancer të gjirit, sëmundje të cilën e ka mposhtur, transmeton Koha.net.
“Është një vend i vogël me 2.3 milion banorë në Europën Lindore unë jam shpërngulur në Angli kur isha një vjeç dje prindërit e mi nuk flisnin anglisht dhe krijuan një jetë të re për ne”, ka thënë Rita Ora.
“Kur u shpërngulëm nga Kosova. Të them të drejtën ajo është heroinë për mua. Ajo u diagnostikua me kancer të gjirit, por është mirë. U diagnostikua pastaj studioi për psikiatri dhe e mësoi anglishten”, ka treguar Rita derisa ka folur për familjen e saj.
Performanca e parë e “For You” nga Rita Ora dhe Liam Payne (VIDEO)
Rita Ora mbrëmë ka qenë pjesë e emisionit të famshëm amerikan “The Tonight Show”, të udhëhequr nga Jimmy Fallon, shkruan KultPlus.
Ajo së bashku me Liam Payne gjatë këtij emisioni kanë dhënë perforamncën e parë të këngës “For You”.
https://www.youtube.com/watch?v=VSKuhdmYkUU&feature=youtu.be
Kjo këngë është pjesë e filmit Fifty Shades Freed, që do të vije brenda një muaji në kinematë angleze. Po ashtu kjo këngë javën e kaluar është publikuar edhe me videoklip. /KultPlus.com
Ekskluzive: Në këtë lokacion do të mbahet koncerti i Rita Orës në Prishtinë
Rita Ora do të prezantohet me një koncert me rastin e dhjetëvjetorit të Pavarësisë së Kosovës, shkruan KultPlus.
Ky koncert do të mbahet më 17 shkurt, kurse sipas burimeve të KultPlus, koncerti do të mbahet në ambient të hapur, pikërisht te Sheshi “Zahir Pajaziti”.
Poashtu KultPlus merr vesh që koncerti do të nisë në ora 22:00, pikërisht duke përkuar me përvjetorin e dhjetë të Pavarësisë së Kosovës. Ndryshe, zëvendëskryeministri i Kosovës, Behgjet Pacolli ka njoftuar se Rita Ora do të performojë në Kosovë pa pagesë./KultPlus.com
Rita Ora nuk ka pranuar që të paguhet për koncertin në Prishtinë
Ylli botëror, pavarësisht agjendës së ngjeshur nëpër prezantime të ndryshme nëpër botë, ka rezervuar kohën që të jetë e pranishme më 17 shkurt në Prishtinë, në dhjetëvjetorin e Pavarësisë së Kosovës, shkruan KultPlus.
Mirëpo, përpos që ka gjetur kohë të jetë e pranishme në këtë datë të rëndësishme, ajo poashtu ka refuzuar të paguhet për paraqitje.
Për këtë ka njoftuar edhe zëvendëskryeministri i Kosovës Behgjet Pacolli. “Familja Ora (Sahatçiu) meriton një respekt të madh për çdo gjë që kanë bërë për promovimin e Kosovës. Duke edukuar vajzën e tyre në një atdhetare të vërtet. Kam kënaqësinë të konfirmoj ardhjen e yllit tonë botëror Rita Ora me rastin e 10 vjetorit të Pavarësisë. Ajo nuk ka pranuar të paguhet për këtë ngjarje dhe kjo do të thotë shumë për personalitetin e saj.”, ka shkruar ai./KultPlus.com
