Etiketë: rita ora

E mrekullueshmja Rita Ora feston ditëlindjen e saj të 32-të

Posted on by Kult Plus

Rita Sahatçiu Ora e lindur më 26 nëntor 1990, është një këngëtare dhe aktore britanike me prejardhje shqiptare. Suksesi i saj u rrit në shkurt të vitit 2012, kur ajo u paraqit me teken Hot Right Now, bashkëpunim me DJ Fresh-in, e cila arriti numrin një në Mbretërinë e Bashkuar.

Albumi i parë i saj Ora, që doli në shitje në gusht të vitit 2012, arriti numrin një në Mbretërinë e Bashkuar. Albumi përmbante teket Britanike R.I.P dhe How We Do (Party). Ora ishte artistja me numrin më të madh të tekeve në listën britanike në vitin 2012, me tre teke rradhazi që arritën në pozitën më të lartë.

Në janar 2014, Adidas njoftoi një bashkëpunim projektues me Ritën për markën e tyre, Adidas Originals. Gjithashtu në vitin 2014, kënga I Will Never Let You Down u rendit e katërta në Mbretërinë e Bashkuar dhe ajo u shfaq në teken “Black Widow ” të Iggy Azalea, e cila arriti numrin pesë në Mbretërine e Bashkuar dhe SHBA. Në 2015, Ora u bë trajnere në serinë e katërt të The Voice UK dhe, më vonë atë vit, një gjyqtare në serinë e dymbëdhjetë të The X Factor.

Albumi i dytë i saj në studio, Phoenix, doli në shitje në nëntor 2018. Tekja Your Song arriti numrin dhjetë në Britaninë e Madhe dhe teket Anywhere dhe Let You Love Me arritën numrin pesë në Mbretërinë e Bashkuar; kjo e fundit e bëri Orën artisten e parë femër britanike që të ketë gjithsej trembëdhjetë këngë të cilat kanë arritur të paktën pozicionin e dhjetë në listat e Mbretërisë së Bashkuar.

Ora ka lindur në Prishtinë, në Provincën Jugosllave e Kosovës, nga prindër shqiptarë. Nëna e saj, Vera, është psikiatre dhe babai i saj, Besnik Sahatçiu, është ekonomist e pronar kafeneje. Ora ka një vëlla më të vogël, Don, dhe një motër më të madhe, Elena, e cila është gjithashtu pjesë e ekipit të saj të menaxhimit. Ajo ka lindur si Rita Sahatçiu, mbiemri rrjedh nga fjala turke saatçi që do të thotë “orëndreqës”, por prindërit e saj më vonë e shtuan Ora në mënyrë që të mund të shqiptohet lehtë.

Familja e saj u largua nga Kosova për arsye politike, për shkak të persekutimit të shqiptarëve etnikë të filluar me shpërbërjen e Jugosllavisë. Ata u zhvendosën në Londër, Angli në vitin 1991, kur ajo ishte njëvjecare. Ajo u rrit pranë rrugës “Portobello” në Londrën Veriore dhe mori pjesë në St. Cuthbert me shkollën fillore “St Matthias” në Earls Court, pas së cilës u diplomua nga një shkollë e arteve të interpretimit, Sylvia Young School Theatre. Ajo filloi të këndojë në moshë të re.

Tani, Ora është në lidhje dashurie me regjisorin Taika Waiti, ku në paraqitjet e tyre të fundit, duken shumë të lumtur. /Wikipedia/ /KultPlus.com

Do të luajë krah aktores së njohur, zbulohet projekti i ri kinematografik i Rita Orës

Posted on by Kult Plus

Përveçse një ndër këngëtaret më të suksesshme me famë botërore, Rita Ora po shfaq talentin e saj dhe në aktrim. Ylli shqiptar mori pjesë më parë në “Fifty Shades of Grey” por jo vetëm, dhe tani do ta shohim në një tjetër prodhim. Bëhet fjalë për filmin “The Pocketwatch”, një vazhdim i “Descendants”.

Pjesë e këtij filmi do të jetë dhe Brandy Norwood, e cila rikthehet me rolin e Hirushes, të cilën ajo e luajti për herë të parë në versionin ikonik të “Walt Disney” të vitit 1997 të “Hirushes së Rogers dhe Hammerstein”. Anëtarët e kastit të shpallur më parë China Anne McClain, Kylie Cantrall dhe Dara Reneé.

Filmat “Descendants” shpalosën një mitologji të dy tokave të reja, Auradon idilik dhe Ishulli i Humbur, shtëpia e pasardhësve adoleshente të personazheve më ikonë të Disney-t dhe veçanërisht keqbërësve të tij më famëkeq. Sipas Disney-t, “The Pocketwatch” kthehet në këto vende dhe gjithashtu i çon audiencën në territorin armiqësor të papërfshirë të Wonderland, një vend magjik, misterioz i bërë i famshëm në Alice in Wonderland.

Brandy luan Hirushen, personazhin klasik të Disney-t, i cili është elegante, e ngrohtë, zemërmirë dhe diplomatike. Rita Ora portretizon “Mbretëreshën e Zemrave” tiranike, e fshehtë, e cila sundon mbi mbretërinë e Botës së Çudirave. Cantrall është Red, vajza rebele 16-vjeçare e Mbretëreshës së Zemrave.

Red e di që nuk do të marrë kurrë miratimin e Mbretëreshës, ndaj gjen mënyra për të provokuar nënën e saj dhe për të nxitur telashe. /abcnews.al / KultPlus.com

Rita Ora edhe në kopertinën e “L’Officiel Italia”, shfaqet me një modesti të rrallë vizuale (FOTO)

Posted on by Kult Plus

Këngëtarja kosovare me famë botërore, Rita Ora po vazhdon me suksesin e saj në tregun botëror. Së fundmi ajo ka pozuar për kopertinën e magazinës italiane “L’Officiel Italia”, shkruan KultPlus.

Fotografitë e realizuara nga Lee Malone e shfaqin Ritën në një anë krejtësisht ndryshe me të cilën jemi mësuar ta shohim. Në ngjyra më të errëta dhe me një ftohësi vizuale, Ora ka pozuar për veshjet e koleksionit të vjeshtës 2022.

Ndërsa, veshjet e markës “Prada” vijnë të realizuara nga Giorgia Cantarini dhe dukshëm shfaqen në një formë të veçantë, gjë që i shkon shumë pamjes së Orës. Ndërsa, grimi vjen nga produktet e tregut të krijuara nga Elena Ora, nëna e Ritës, dhe Kate Head.

Më poshtë KultPlus ua sjell fotografitë e realizuara në kuadër të këtij sesioni. / KultPlus.com

Në mes të skenës së MTV Ema, Rita Ora i drejtohet Bebe Rexhës: Motra ime shqiptare

Posted on by KultPlus

“MTV EMA” është mbajte mbrëmë në Gjermani dhe si asnjëherë më parë ka qenë e vërshuar me artiste shqiptare.

Rita Ora, Bebe Rexhe, Ava Max, Dua Lipa dhe Loredana kanë qenë emrat e këtij edicioni, ku Rita Ora ka udhëheqë këtë mbrëmje të madhe muzikore, kurse të tjerat ishin të nominuara.

Dhe një detaj interesant ka ndodhë në këtë mbrëmje, ku në një moment të moderimit, Rita Ora i është drejtuar Bebe Rexhës me motra ime shqiptare.

KultPlus ju sjell këtë detaj nga kjo mbrëmje./ KultPlus.com

Bebe Rexha, Rita Ora dhe Ava Max duken magjepsëse në MTV EMA Awards (FOTO)

Posted on by Kult Plus

Kanë kaluar pesë vjet që kur Ora bëri debutimin e saj si prezantuese në EMA në ceremoninë e 2017-ës në Londër. Kësaj radhe asaj do t’i bashkohet aktori dhe regjisori Taika Waititi, shkruan KultPlus.

Çifti do të presë një natë të mbushur me yje në PSD Bank Dome, me interpretime nga Ava Max, Bebe Rexha, David Guetta, Gorillaz, Lewis Capaldi dhe Muse.

Bebe Rexha, e cila do të performojë gjatë performancës së sotme, është veshur nga Fjolla Nila, ndërsa grimin e saj e ka bërë grimerja Dafinë Neziri.

Ndërkaq, të pranishëm janë edhe Rita Ora dhe bashkëshorti i saj Taika Waititi.

Edhe këngëtarja me origjinë shqiptare, Ava Max, është e pranishme në këtë mbrëmje. /KultPlus.com

Bebe Rexha mund të jetë përkrah Rita Orës në panelin e jurisë së “The Voice Australia 2023”

Posted on by Kult Plus

Channel Seven ka hapur kastin për The Voice 2023. Konkursi i këngës publikoi një ngacmues të ri këtë javë duke promovuar audicionet për sezonin e vitit të ardhshëm.

Ndërkohë, Guy Sebastian ka konfirmuar se do të rikthehet si trajner vitin e ardhshëm duke postuar në lidhje me audicionet në faqen e tij në Instagram, përcjell rtv21.tv

Fituesit e kaluar të The Voice janë larguar më të pasur, por pak prej tyre kanë bërë karrierë të qëndrueshme në industrinë e muzikës.

Ish-futbollisti Lachie Gill fitoi 100,000 dollarë dhe një kontratë regjistrimi me Universal Music Australia kur mori pjesë në konkursin në fillim të këtij viti.

Kjo vjen pasi Seven konfirmoi muajin e kaluar se një muzikant i madh ndërkombëtar do të zëvendësojë anëtarit të jurisë Keith Urban në vitin 2023.

Daily Mail Australia e kupton se rrjeti u është afruar disa fituesve të Grammy për t’u paraqitur në shfaqjen e talenteve Aussie. Të tillë si Alicia Keys, Bebe Rexha, Gëen Stefani dhe Christina Aguilera, janë ndër emrat që po shqyrtohen. Ata do t’i bashkohen Rita Orës, Jessica Mauboy dhe Guy Sebastian, të cilët pritet të kthehen./ KultPlus.com

E paparë deri më tani, katër artiste shqiptare në MTV Europe Music Awards

Posted on by KultPlus

E jashtëzakonshme çfarë po ndodhë me suksesin e këngëtareve shqiptare në nivel ndërkombëtarë, shkruan KultPlus.

Këtë të diel, në ceremoninë e  MTV Europe Music Awards 2022 do të ketë shkëlqim shqiptarë në të gjitha anët, pasi që nga prezantuesja, performueset dhe të nominuarat janë hiq më pak se katër shqiptare.

Këngëtarja e njohur Rita Ora bashkë me bashkëshortin e saj Taika Waititi do të udhëheqin ceremoninë e sivjetme, përderisa në skenë me performancat e tyre do të paraqiten Bebe Rexha dhe Ava Max, ku të njëjtat janë të nominuara edhe në kategorinë e bashkëpunimit më të mirë, kategori që është e nominuar edhe Dua Lipa.

Bebe Rexha është nominuar për bashkëpunimin e saj me David Guettan, “I’m good (Blue)”, Ava Max për bashkëpunimin me DJ Tiwsto, “The Motto”, gjersa Dua Lipa për bashkëpunimin “Sweetest Pie” me Megan The Stallion.

Asnjëherë deri më tani nuk ka pas një paraqitje kaq masive të yjeve shqiptare, të cilat do të jenë pjesë e kësaj ceremonie që nga prezantimi, paraqitja e tyre në skenë e deri te nominimi./ KultPlus.com

Rita Ora shkëlqen në “Glamour Women of the Year 2022”, shfaqet bashkë me nënën dhe motrën

Posted on by Kult Plus

Rita Ora dukej sensacionale teksa ecte në tapetin e kuq të Çmimeve Glamour Women of the Year 2022 në Outernet London të martën ku u pa bashkë me nënën e saj Verën dhe motrën e saj Elena.

Këngëtarja, 31 vjeçe, kishte veshur një fustan elegant të zi, pjesërisht jashtë shpatullave, me fustanin që shtrihej deri në tokë.

Ajo zgjodhi një pamje magjepsëse të kombinuar me grimin, për të nxjerrë në pah tiparet e saj të bukura.

Rita në këtë event ka pozuar me mamanë e saj Vera Sahatçiu dhe motrën e saj Elena Ora.

Vera kishte veshur një xhaketë të bardhë dhe një fund të zi të cilin e bashkoi me një palë taka.

Ajo mbante një çantë të zezë me tufë me vete ndërsa qëndronte përkrah dy vajzave të saj.

Elena kishte veshur një mini fustan të zi me disa detaje, të cilin e bashkoi me një palë taka të zeza me rripa për t’i shtuar disa centimetra shtatit të saj, shkruan Dailymail, përcjell KultPlus.

Rita ishte në humor të mirë teksa mbërriti në eventin e shkëlqyeshëm, duke pozuar edhe me një fans jashtë ambientit.

The Glamour Awards është një ngjarje vjetore çmimesh të organizuara nga revista “Glamour”.

Çmimet “Gruaja e Vitit” nderojnë gra ‘të jashtëzakonshme dhe frymëzuese’ nga një sërë fushash, duke përfshirë argëtimin, biznesin, sportin, muzikën, shkencën, mjekësinë, arsimin dhe politikën.

Fituesit e kaluar përfshijnë: Nicole Kidman, Naomi Campbell, Angelina Jolie, Lady Gaga dhe Victoria Beckham.

Deborah Joseph, Drejtore e Redaksisë Evropiane në Glamour, tha: “Duke ndriçuar në qendër të vëmendjes gratë që ndryshojnë lojën në fushën e tyre dhe sfidojnë status quo-në, ngjarja jonë Glamour Women of the Year është rikthyer, duke festuar feminizmin në të gjitha format dhe qoshet e globit.

“Festimi i grave që bëjnë dallime të pabesueshme është një nga pjesët më të mira të Glamour-it lider në Evropë, kështu që jam e emocionuar që Gratë e Vitit të vendosin këtë skenë qendrore.” / KultPlus.com

Rita Ora flet për Kosovën në një emision: Gjyshi im ishte njeriu kryesor që më dha besim e kreativitet

Posted on by Kult Plus

Gjatë një paraqitjeje në emisionin e Jonathan Ross, Rita Ora foli edhe disa fjalë për Kosovën, në mesin e temave të shumta që u diskutuan, të fokusuara kryesisht në eventin MTV Europe Music Awards 2022, të cilin do ta prezantojë bashkë me bashkëshortin e saj, Taika Waititi, transmeton KultPlus.

Rita flet për origjinën e saj nga Kosova dhe shpërnguljen me familjen në Britaninë e Madhe.

“Të gjithë u transferuam në Londër, ishte gjëja më e mirë që prindërit e mi mund të bënin ndonjëherë. Prindërit e mi na sollën këtu dhe ata filluan nga e para. Ata gjetën punë dhe ngritën rrugën e tyre”, tha Rita.

Ajo gjithashtu shpjegoi se ky rrugëtim nuk ishte aspak i lehtë për ta, por tani ndjehet më fat që është në gjendje t’i shpërblejë ata për gjithë punën e bërë.

“Nuk ishte e lehtë, por ne kishim dashuri përreth. Ne u rritëm në pronat e këshillit dhe tani jam vërtet me fat që jam në gjendje t’i shpërblej për gjithë punën e vështirë që kanë bërë”.

Ora gjithashtu tha disa fjalë edhe për gjyshin e saj, Besim Sahatçiu, i cili ishte drejtor i teatrit, filmit dhe televizionit.

“Ai ndërroi jetë goxha i ri, por ishte shumë i mahnitshëm. Ai na tregonte të gjitha këto histori dhe me të vërtetë më bëri të besoja se ëndrra që kisha ishte realitet. Mendoj se ai ishte njeriu kryesor që më dha atë besim për kreativitet”.

MTV Europe Music Awards 2022 do të mbahen më 13 nëntor. /KultPlus.com

Rita Ora dhe Taika Waititi do të prezantojnë MTV EMA 2022

Posted on by Kult Plus

Rita Ora dhe shkrimtari, regjisori dhe aktori Taika Waititi do të prezantojnë MTV EMA 2022, që do të transmetohet drejtpërdrejt nga Düsseldorf, Gjermani të dielën, më 13 nëntor.

Harry Styles është kandidati kryesor i këtij viti. Ora udhëhoqi ceremoninë  e EMA-së në vitin 2017.

“Jam e emocionuar që jam kthyer dhe po e ndaj kësaj radhe skenën me Taika-n sepse kjo e bën atë edhe më të veçantë”, tha Ora në një deklaratë. “Ne i kemi marrë të gjitha në EMA-të e këtij viti, surpriza argëtuese, modë fantastike, komedi dhe mbi të gjitha muzikë fantastike!”

“Rita Ora është një e preferuar për një kohë të gjatë në MTV/EMA dhe së bashku me Taika Waititi me shumë talente, jemi absolutisht të sigurt se kjo dyshe e fuqishme do të vendosë skenën për një natë elektrizuese të festimit të muzikës globale,” tha Bruce Gillmer, president i muzikë, talent muzikor, programim dhe ngjarje në Paramount, dhe shefi i përmbajtjes së muzikës për Paramount, shkruan Billboard.

MTV EMA 2022 do të transmetohet drejtpërdrejt në MTV në më shumë se 170 vende dhe në Pluto TV në territore të zgjedhura në të gjithë SHBA-në, Amerikën Latine dhe Evropë dhe Comedy Central në Gjermani më 13 nëntor. Do të jetë i disponueshëm në Paramount+ dhe Pluto TV globalisht duke filluar 14 nëntor.

Fansat mund të votojnë për të preferuarit e tyre në 17 kategori neutrale gjinore në www.mtvema.com deri më 9 nëntor, ora 23:59. CET. Ka dy kategori të reja këtë vit – videoja më e mirë në formë të gjatë dhe performanca më e mirë metaverse.

Gillmer dhe Richard Godfrey janë producentë ekzekutivë të MTV EMA 2022. Debbie Phillips dhe Chloe Mason janë producentë. / KultPlus.com

Rita Ora hap Kupën e Botës Rugby me një performancë të mrekullueshme (VIDEO)

Posted on by Kult Plus

Këngëtarja Rita Ora ka bërë një paraqitje të shkëlqyer duke hapur ndeshjen e madhe në Kupën e Botës në Rugby në Zelandën e Re, transmeton KultPlus.

Duke nisur me stil ngjarjen sportive, loja mes Australisë dhe Zelandës së Re shënon fillimin e garës 2021 – e cila u vonua për shkak të Covid-19.

Dhe gjithmonë mbështetës ishte bashkëshorti i saj Taika Waititi, i cili me krenari e shikonte nga anash para se t’ia jepte një puthje ne faqe gruas së tij.

Ora doli në fushë me një veshje elegante dhe plot stil, duke kënduar hitet e saj më të njohura si “Let Me Love You”, me koreografi unike. /KultPlus.com

Brenda shtëpisë së epokës viktoriane të Rita Orës në Londër (FOTO)

Posted on by Kult Plus

Shtëpia komode historike me një të kaluar magjepsëse, e këngëtares Rita Ora, është e mbushur me gjetje të papritura të cilësisë së mirë.

Rita Ora është mishërimi i një gruaje moderne. E lindur në Kosovë, këngëtarja u transferua në Londrën Perëndimore si foshnjë me familjen e saj dhe prej andej, e katapultoi veten drejt famës. Sot, 31-vjeçarja ka një karrierë të jashtëzakonshme jo vetëm në muzikë, por edhe në film, biznes dhe në përgjithësi në botën e artit.

Ajo është një nga ato personazhe të famshëm të shekullit të 21-të që duket se i bën të gjithë për vete. Shkëlqimi i jashtëm i saj është ajo që e bën kaq të habitshme – dhe të lezetshme – por shtëpia e saj nuk është absolutisht aspak një rezidencë moderne me një pishinë pafundësie që mund të keni imagjinuar për të, shkruan AD, përcjellë KultPlus.

Në vend të kësaj, Ora banon në një banesë simpatike me tulla në lagjen Primrose Hill të Londrës Veriore. E ndërtuar në vitin 1877, dikur kjo ishte shtëpia e ilustruesit Arthur Rackham, puna e të cilit përfshin Aventurat e Alice në Botën e Çudirave, Peter Pan në Kensington Gardens. Megjithëse Ora e rinovoi pak pasi bleu shtëpinë në vitin 2021, ajo nuk u lejua – as nuk donte – të bënte ndonjë ndryshim të madh. “Unë kam pasur gjithmonë një tërheqje për shtëpitë me një frymë të vjetër,” thotë Ora. “E dija se kjo shtëpi ka qenë në mënyrë specifike (shtëpia e) shumë krijuesve, kështu që mendova se do të kishte një energji vërtet të veçantë.”

Rinovimet konsistonin kryesisht në restaurimin e dyshemeve dhe çatisë, rinovimin e banjove, tubacioneve dhe energjisë elektrike dhe përmirësimin e kuzhinës. Në një tjetër lëvizje të thjeshtë, Ora e mobiloi shtëpinë kryesisht me gjetje të vjetra nga tregu i famshëm Portobello Road në Londër; shumicën e artikujve që ajo kishte në pronësi dhe përdorur në shtëpitë e mëparshme.

“Më pëlqen të jem me kosto efektive kur është e nevojshme,” thotë ajo. Motra dhe menaxherja e saj, Elena Ora, është përgjegjëse për rregullimin e koleksionit të mobileve në shtëpi, dhe stilistja e brendshme Joanna Plant u soll për të shtuar “copëza të vogla” për të lidhur gjithçka së bashku. /Fotografitë nga Helen Cathcart / KultPlus.com

Rita Ora paralajmëron albumin e ri, vjen në janar

Posted on by Kult Plus

Albumi i tretë i Rita Orës do të publikohet në fillim të vitit të ardhshëm.

Ylli i hitit “Anywhere” që së fundmi mbajti koncert në Shqipëri, ka kohë që është duke punuar me shumë përkushtim në realizimin e albumit muzikor tejet personal, i cili vjen pas atij të vitit 2018, “Phoenix”. Ora i ka premtuar fansat se tani e tutje, mund të presin shumë më shumë këngë dhe projekte filmike nga ajo.

Ylli 31-vjeçar i pop-it, në një intervistë ka pranuar se luftoi me presionin e të qenit në qendër të vëmendjes dhe thotë se miqtë e saj të ngushtë dhe familja e kanë ndihmuar t’i tejkalojë momentet kur ndihej e gatshme të heqë dorë nga karriera.

Rita, e cila kohët e fundit u martua me regjisorin Taika Waititi, nga rubrika Bizarre e gazetës ‘The Sun’ citohet të ketë thënë: “Doja të hiqja dorë nga karriera. Nuk isha e sigurt nëse ja vlente gjithë ai presion. Sa më e famshme që bëhesha, e kuptoja se njerëzit të admirojnë dhe presin shumë nga ti. Ti shndërrohet në model për të tjerët dhe nganjëherë nuk je e gatshme për diçka të tillë, sepse krejt çka ti ke dëshiruar gjithmonë është që të bësh muzikë. Kurse tani, ndiqesh me miliona njerëz në rrjetet sociale dhe kjo është një ngarkesë e madhe nga ana psikike. Me rëndësi është të qëndrosh vetvetja dhe të mbështetesh tek miqtë të cilët i njeh me vite”.

E pyetur se çfarë po bënte në Shqipëri, ajo u përgjigj: “Një album të ri i cili vjen në janar të vitit të ardhshëm. Do të jetë i mrekullueshëm. Më shumë muzikë dhe një film. Ëndrra ime është t’u tregoj të gjithëve se mund të bëni më shumë se një gjë.

“Mund të jesh muzikant, aktor, kërcimtar, nënë, hallë në të njëjtën kohë. Unë dua të përpiqem të bëj gjithçka.”

Aktorja e “Fifty Shades” i ka paralajmëruar fansat e saj se mund të kenë nevojë për një ose dy pije para se të dëgjojnë këngët e saj të reja. / KultPlus.com

Dua Lipa dhe Rita Ora do të performojnë në të njëjtin festival në Brazil

Posted on by Kult Plus

Prej shumë kohësh përflitet se dy këngëtaret e suksesshme shqiptare, Rita Ora dhe Dua Lipa nuk kanë një raport të mirë. Pavarësisht famës dhe suksesit ndërkombëtar, ata nuk janë parë asnjëherë bashkë dhe asnjëra prej tyre nuk ka treguar se çfarë ka ndodhur.

Megjithatë, dashur pa dashur ata janë bërë “bashkë” në Brazil pasi kanë qenë të ftuara të performojnë në festivalin “Rock In Rio 2022”. Dua Lipa ka disa ditë që ndodhet në Brazil, pasi rinisi dhe turin e saj “Future Nostalgia” pas pak kohësh pushimesh.

Ndërkohë, Rita udhëtoi menjëherë pas koncertit që mbajti në sheshin “Skënderbej”. Duke folur për gazetarët për mundësinë e një dueti me artistet e tjera shqiptare, përfshirë dhe Dua Lipën, ajo tha se do të jetë gati kur të vijë koha.

“Kur unë fillova në 2011 në 2012 u ndjeva se kisha shumë më shumë presion për ta futur vendin tim në hartën globale dhe mendova që jam e vetmja në atë kohë. Tani jam e çliruar që kam shumë më shumë nga vendi im në fushën time por edhe në fushat e tjera.

Ne kemi shumë talent si ato që përmende, dhe do të ishte një ëndërr për mua që një ditë që të bëhemi të gjitha bashkë, në kohën e duhur. Të gjitha ka axhendën e ngjeshur, po në kohën e duhur, por mua mund të më llogarisni (po)”, theksoi artistja. /abcnews.al./ KultPlus.com

Rita Ora do të hapë eventin, “Rugby World Cup 2021”, synohet rekord botëror

Posted on by Kult Plus

Kur kanë mbetur vetëm një muaj deri në fillimin e turneut në Auckland, “Rugby World Cup 2021” ka zbuluar një formacion intrigues të këngëtarëve për të luajtur në Eden Park në tetor dhe nëntor, shkruan KultPlus.

Më 8 tetor, BENEE dhe Shapeshifter do të performojnë në eventin e grave të Zelandës së Re në Eden Park, event i cili do të hapet nga këngëtarja-kantautore dhe kryesuesja e top-listave ndërkombëtare Rita Ora.

Në ndeshjen e Ditës së Hapjes, e cila përfshin Afrikën e Jugut kundër Francës, Fixhin kundër Anglisë, dhe duke përfunduar me pesë herë fituesit e Kupës së Botës Australi-Zelandën e Re Rugby, Black Ferns, organizatorët shpresojnë të vendosin një rekord botëror për pjesëmarrje në një ndeshje regbi për vajza.

Kjo do të jetë ndeshja e parë e “Black Ferns” në Kupën e Botës në Rugby para një turme vendase.

Rita Ora do të performojë në fund të ndeshjes Fixhi – Angli në ditën e hapjes dhe sërish në pjesën e parë të ndeshjes Australi – Zelanda e Re.

Shapeshifter do të interpretojë në gjysmëfinale të shtunën më 5 nëntor në fund të ndeshjes së parë dhe sërish në gjysmën e ndeshjes së dytë. /KultPlus.com

EPA/Boglarka Bodnar HUNGARY OUT

Fansi i propozon martesë, Rita Ora ia kthen në shqip “Çfarë pyetje palidhje” (VIDEO)

Posted on by Kult Plus

Një fans shqiptar i ka propozuar martesë Rita Orës pas koncertit të mbajtur në Tiranë.

Një video e cila po qarkullon në TikTok tregon momentin kur artistja veç ka dalë nga skena ndërkohë fansi e pyet; “Rita a do martohesh me mua?”.

Këngëtarja pati një përgjigje goxha epike ndonëse qeshi me pyetjen.

“Çfarë pyetje palidhje hahah”, tha ajo.

Vidoen mund ta shihni këtu. /KultPlus.com

Rita Ora ngushëllon për vdekjen e Mbretëreshës Elizabeth II

Posted on by Kult Plus

Këngëtarja kosovare me famë botërore, Rita Ora, ka shprehur keqardhje për vdekjen e Mbretëreshës britanike, Elizabeth II.

Ajo nëpërmjet një postimi në rrjetin social Instagram thotë se mbretëresha Elizabeth, ishte frymëzim për të gjithë.

”Mendoj se nuk jam e vetmja me një ndjenjë të madhe humbjeje dhe trishtimi sonte. Mbretëresha ishte një grua e jashtëzakonshme që i dha gjithë jetën vendit të saj. Ajo mbretëroi me një hir, elegancë dhe nder të tillë. Një frymëzim i vërtetë për të gjithë ne. Mendimet dhe lutjet e mia janë me familjen mbretërore në këtë kohë të vështirë dhe të trishtuar. U prehtë në paqe”. / KultPlus.com

“Koncert spektakolar”, shkruajnë mediat e huaja për Rita Orën dhe triumfin e saj në Tiranë

Posted on by Kult Plus

Koncerti madhështor i mbajtur në Tiranë më 6 shtator, i udhëhequr nga Rita Ora, ka bërë bujë edhe nëpër mediat e huaja, përcjell KultPlus.

DailyMail e përshkruan datën 6 shtator si një ditë kur Ora bëri një koncert spektakolar teksa doli në skenë për një koncert triumfues falas në Shqipëri.

Këngëtarja, 31 vjeçe, ka lindur në Kosovë nga prindër me origjinë shqiptare, përpara se të shkonte në Londër si fëmijë, por ajo konsideron Tiranën, kryeqytetin e Shqipërisë, si shtëpinë e saj.

Dhe të martën (6 shtator), Rita u ngjit në skenën në sheshin “Skënderbej” në Tiranë ku performoi një spektakël falas me 14 këngë në një moment që ajo e cilësoi si ‘të paharrueshëm’.

Krijuesja e hiteve “Poison” la flokët e saj të arta me valë magjepsëse dhe theksoi tiparet e saj mahnitëse me një shtresë të trashë makijazhi në sy.

Ajo tregoi lëvizjet e saj të bujshme të kërcimit teksa kaloi nëpër skenë dhe performoi me një sërë kërcimtarësh mbështetës, ndërsa pas saj u ndezën fishekzjarrë.

Në një moment, Rita është parë fuqishëm duke qëndruar me njërën dorë pas shpine teksa ka ngritur me krenari flamurin shqiptar në ajër.

Rita e hapi setin e saj me këngën e vitit 2019 “Ritual” përpara se të riprodhonte një përzgjedhje të hiteve të saj më të mëdha, duke përfshirë “Your Song” dhe “Hot Right Now”, përpara se të përfundonte “Lonely Together” dhe “Anywhere”.

Koncerti i pabesueshëm falas u organizua nga kryetari i Bashkisë së Tiranës Erion Veliaj për të festuar shpalljen e kryeqytetit si Kryeqyteti i Rinisë së BE-së për vitin 2022. /KultPlus.com

Elektrizoi Tiranën me interpretimin e saj, kryeministri Rama për Rita Orën: Faleminderit kinge

Posted on by Kult Plus

Mbrëmjen e djeshme, këngëtarja shqiptare me famë botërore, Rita Ora ka performuar në sheshin Skënderbej, duke elektrizuar atmosferën me disa nga këngët më të njohura nga repertori i saj.

Ajo është pëlqyer shumë nga publiku, të cilët kishin mbushur sheshin për ta parë nga afër këngëtaren. Në një moment, Rita kërceu dhe vallen e Tropojës. Pasi kërceu nën ritmet e valles popullore në sfond, këngëtarja këndoi më pas këngën hit “Black Window”. Në veshjen e saj ishin të ndërthurura detajet e shqiponjës dy krenare.

Për këtë sukses, ka shkruar edhe kryeministri Edi Rama, i cili e ka falënderuar artisten dhe duke e cilësuar atë si ‘kinge’.

“Faleminderit kinge”, ka shkruar ai krahas fotos së Ritës me flamurin shqiptar./ KultPlus.com

Rita Ora “elektrizon” Tiranën

Posted on by Kult Plus

Rita Ora, ylli i muzikës që jeton në Mbretërinë e Bashkuar, e lindur në Kosovë, dhe Ambasadore e UNICEF UK, ndezi sot atmosferën në Tiranë.

E veshur edhe me flamurin kuqezi Rita Ora e nisi koncertin me këngën ‘Ritual’, të cilën e ka në bashkëpunim me DJ Tiesto.

Duke folur në gjuhën shqipe para dhjetëra qytetarëve që ishin mbledhur për të ndjekur koncertin e saj, Rita Ora tha se “do të shijoj çdo minutë të këtij koncerti. Ju falënderoj që keni dalë nga shtëpia sonte për të më ndjekur”.

Në koncertin e zhvilluar falas në sheshin “Skënderbej”, me rastin e shpalljes së Tiranës, Kryeqyteti Evropian i Rinisë 2022, Rita Ora interpretoi këngët më të njohura të repertorit të saj në prani të mijëra të rinjve që kishin mbushur sheshin.

Në skenën e vendosur në sheshin “Skënderbej” u ngjitën më herët në skenë disa nga vajzat më të talentuara shqiptare, si Kida, Ronela Hajati, Semi Jaupaj dhe Efi Gjika, të cilat interpretuan disa prej këngëve të tyre.

Rita Ora ndodhet prej dy ditësh në Tiranë ku vizitoi edhe  “Shtëpinë e Ngjyrave”, qendrën komunitare në Tiranë, që ofron të gjithë gamën e shërbimeve për fëmijët dhe familjet e tyre, duke përfshirë këtu edhe strehën e emergjencave. Po ashtu Rita Ora zhvilloi një bisedë me nxënësit e Liceut Artistik.

Rita Ora u dekorua nga Presidenti i Republikës, Bajram Begaj me titullin “Naim Frashëri”,  me motivacionin: “Në vlerësim të kontributit të dhënë në lartësimin e vlerave artistike dhe njerëzore përmes artit. Me mirënjohje për aktivitetin dhe rolin e saj si ambasadore në çështje me ndjeshmëri të lartë kombëtare dhe globale”. /atsh/ KultPlus.com

Katërqind mijë të pranishëm në Tiranë, Rita Ora: Më duhet të them se ishte koncerti më i mirë ndonjëherë

Posted on by Kult Plus

Këngëtarja shqiptare me famë botërore Rita Ora, ka mbajtur sot koncertin e shumëpritur në Tiranë, shkruan KultPlus.

Koncerti filloi nga ora 20:00 në sheshin “Skënderbej” në Tiranë, ku interpretuan vetëm vajza nga Kosova e Shqipëria.

Nëpërmjet disa ‘InstaStory’ në rrjetin social Instragam, Ora ka bërë të ditur se të pranishëm ishin rreth katërqind mijë njerëz. Ndërkaq, me një entuziazëm në fytyrën e saj ajo ka falënderuar të gjithë ata që kanë ardhur për ta parë.

“Unë do të kthehem këtu shumë shpejt. Faleminderit të gjithëve që keni ardhur. Ju dua shumë dhe do të ju shoh kur të rikthehem përsëri. Mirupafshim”, ka thënë ajo.

Ndërsa, në një video tjetër 15 sekondëshe, ajo ka cilësuar këtë koncertin si më të mirin ndonjëherë.

“Më duhet të them se ishte koncerti më i mirë ndonjëherë. Unë u argëtova aq shumë. Faleminderit të gjithë atyre që kanë ardhur dhe më kanë parë sonte”, thotë Ora. / KultPlus.com

Rita Ora ndan fotografi para koncertit në Tiranë: Ky udhëtim ka qenë i jashtëzakonshëm (FOTO)

Posted on by Kult Plus

Këngëtarja shqiptare, Rita Ora, do të mbajë sot koncert në Tiranë, shkruan KultPlus.

Koncerti fillon nga ora 20:00 në sheshin “Skënderbej” në Tiranë, ku pritet që të performojnë vetëm vajza nga Kosova e Shqipëria.

Ora ka ndarë edhe disa fotografi të bukura pak para koncertit që nis sonte në orën 20:00.

“Është ‘SHOW DAY’. Ky udhëtim ka qenë i jashtëzakonshëm dhe mezi po pres sonte! Sigurohuni që të arrini në Sheshin Skënderbej herët për të parë formacionin e artisteve të mrekullueshme që performojnë sonte! Shihemi më vonë”, ka shkruar Ora. / KultPlus.com

A do sjell Rita Ora bashkëpunim me Dua Lipën, Bebe Rexhën dhe Ava Max?

Posted on by KultPlus

Në konferencën për shtyp me kryebashkiakun Veliaj dhe ambasadorin britanik, Rita Ora i është përgjigjur edhe disa pyetjeve të gazetarëve. Gazetarja e Tv Klan e ka pyetur atë nëse do kishte një bashkëpunim me Dua Lipën, Bebe Rexhen dhe Ava Max dhe përgjigjia e saj la të nënkuptohej se në të ardhmen ndoshta do sjellin një projekt së bashku vetëm se duhet të presin momentin e duhur, pasi të gjitha kanë angazhimet e veta.

“Në 2011-2012 kur fillova karrierën time e pashë të nevojshme dhe si një barrë në një farë mënyre dëshirën për ta bërë Shqipërinë të njohur në hartën globale, por tani jam e lumtur dhe me fat që shikoj kaq shumë artistë të përfshirë këtu edhe në fushën e muzikës por edhe në fusha të tjera të cilët e kanë lartësuar artin shqiptar. E kam ëndërr të vijmë të gjithë së bashku dhe të sjellim një bashkëpunim, por për shkak të angazhimeve të shumta që të gjithë kemi mbase nuk është gjithmonë e mundur”./ KultPlus.com