Rita Ora për momentin ndodhet në Sydney. Një udhëtim i tillë ka ardhur si rrjedhojë e punës së saj, pasi do të jetë pjesë e “The Voice”. Ndërkohë, në një postim në rrjetin social Instagram, Rita ka bërë të ditur se po shijon edhe suksesin e mini-alubmit.
“Bang” mban titullin prodhimtaria muzikore, këngë të cilat në platformën digjitale Spotify kanë arritur rreth 40 milionë klikime.
“Bang” EP NGA Rita Ora dhe Imanbek befasisht ka arritur 40 milionë klikime në Spotify”, shkruhej në postim.
Rita Ora gjithashtu është duke shijuar edhe romancën me regjisorin e njohur, Taika Waititi./ KultPlus.com
Gjyshërit e Rita Ora dhe Dua Lipa mund të shihen duke shijuar një pije në Kosovë në vitet 1960 me një imazh që po qarkullon në rrjete sociale.
Të njëjtën e ka postuar Dukagjin Lipa, derisa gjyshi i Ritës, Besim Sahatçiu, një regjisor filmi dhe gjyshi i Duas, Seit Lita, një historian dhe intelektual, ulen së bashku duke pirë, shkruan Daily Mail, transmeton KultPlus.
Yjet e muzikës pop, përkatësisht me moshën 30 dhe 25 vjeç, janë të dyja me origjinë shqiptare.
Fansat duke bërë krahasime mes tyre, u mahnitën me ngjashmëritë që ato kanë me gjyshërit e tyre.
“Babai im, Seit Lipa dhe z. Besim Sahatçiu. Gjyshërit e Dua Lipës dhe Rita Orës duke pirë një pije në qytetin e viteve 1960 në Pejë”, ka shkruar tutje Lipa.
Besim, i cili vdiq në vitin 2005, ishte shumë i respektuar në fushën e tij dhe në 2018, Ministria e Kulturës e nderoi pas vdekjes me një Çmim për Arritjet e Jetës për Kinematografi. Atë vit, një rrugë në qytetin e Prishtinës u emërua pas tij.
Seit në anën tjetër ndërroi jetë në vitin 1999 dhe ishte i njohur në fushën e tij, duke vepruar si udhëheqës i Institutit Kosovar të Historisë nga 1990 deri në 1995.
Rita lindi në Prishtinë, nga prindër shqiptarë. Nëna e saj, Vera, psikiatre dhe babai i saj, Besnik Sahatçiu, është një pronar pubi, i cili ka studiuar ekonomi.
Dua ka lindur në Londër dhe është fëmija i madh i prindërve shqiptarë të Kosovës. Nga ana e gjyshes së saj nga nëna, ajo është me origjinë boshnjake./telegrafi/ KultPlus.com
Bebe Rexha ka sjellë disa bashkëpunime me artistë të famshëm amerikanë në albumin e saj më të ri “Better Mistakes” mirëpo nuk ka arritur të sjellë bashkëpunimin që shumëkush është duke e pritur që një kohë të gjatë.
Bëhet fjalë për premtimin që pati dhënë kohë më parë këngëtarja 31-vjeçare shqiptare, se do t’i bënte bashkë në një projekt, Rita Orën, Dua Lipën, Ava Maxin dhe vetë atë, të gjitha këto, artiste të famshme botërore, me prejardhje shqiptare.
Rexha ka thënë në një intervistë për “The Sun” se është e dëshpëruar që nuk ka arritur ta realizojë këtë duke shtuar se tanimë nuk beson se do të ndodhë ndonjëherë.
Ajo ka thënë se bashkëpunimi nuk mund të bëhet për shkak të problemeve mes Duas dhe Ritës.
“Kam provuar me të vërtetë. Nuk e di saktë se çka po ndodh mes tyre apo cila është drama. Jam munduar gjithmonë të krijojë paqe dhe t’i bëjë bashkë vajzat. Unë me të vërtetë dua të bëjë diçka bashkë me ato por tani jam e sigurtë se kjo nuk do të bëhet kurrë. Nuk dua të shtojë asgjë më shumë për këtë”, është shprehur ajo.
Sipas “The Sun”, Dua dhe Rita, prindërit e të cilave janë që të gjithë nga Kosova, asnjëherë nuk kanë folur për rivalitetin e krijuar, ndonëse besohet se kjo ka ndodhur për shkak të krahasimeve mes tyre.
Ato madje shpeshherë kanë marrë pjesë në ngjarje të njëjta muzikore edhe fizikisht por asnjëherë nuk janë takuar dhe nuk janë paraqitur bashkë para mediave, duke i ikur kontaktit me njëra-tjetrën.
Ndërkohë, Bebe ka thënë se beson që ato janë bërë “rivale” mes vete për shkak të presionit të të qenit gra në industrinë e muzikës.
“Është e çuditshme sepse e di se si është të jesh vajzë dhe nganjëherë bëhemi vërtetë rivale. Nuk jam duke folur për veten, Duan, Ritën apo Avan. Po flas për vajzat në përgjithësi. Nuk e di për në Mbretërinë e Bashkuar, mirëpo këtu në Shtetet e Bashkuara të Amerikës, disa vjet më parë, 80% e këngëve të transmetuara në radio ishin të burrave ndërkaq vetëm 20% të grave. Kësisoj, ne ndihemi sikur duhet të garojmë sepse jemi minoritet në industrinë e muzikës”, ka thënë Rexha.
Ajo ka thënë se është për keqardhje që nuk po arrin të realizojë një këngë bashkë me tri vajzat shqiptare pasi siç ka thënë, i njeh të gjitha personalisht dhe se të gjitha janë shumë të mira dhe secila prej tyre është tejet e suksesshme në muzikë.
Bebe Rexha pati hedhur idenë për bashkëpunim mes artisteve shqiptare më famë botërore, në fillim të vitit 2019. /koha/ KultPlus.com
Këngëtarja e famshme me prejardhje shqiptare Rita Ora, e njohur gjithashtu për stilin dinamik të jetës ka zënë vend në mediat botërore përsëri me dukjen e saj ekstravagante, përcjellë KultPlus.
Në performancën e saj në Amazon, Rita është dukur e mahnitshme duke ruajtur stilin e saj të veçantë.
Në mbishkrimin e fotografive të postuara në Instagram ajo tregon se është jashtëzakonisht entuziaste që të ndajë me fansat e saj të premten versionin akustik të perfomancës së veçantë të realizuar për Amazon Music.
“Të premten versioni akustik! Mezi po pres që të gjithë ta shohin! Performancë shumë shumë e veçantë për Amazon Music”, shkruan Rita. / KultPlus.com
Këngëtarja shqiptare me famë botërore, Bebe Rexha së fundmi i është përgjigjur pyetjeve të fansave të saj në rubrikën ‘AskAnythingChat’, përcjell KultPlus.
Ndër pyetjet e shumta që ju drejtuan këngëtares ishte edhe ajo e një bashkëpunimi të mundshëm me Dua Lipën dhe Ava Max, për të cilën Rexha ja thënë se do të ishte një gjë e mrekullueshme që të gjitha të bëhen bashkë sepse vijnë nga i njëjti vend.
“Çdo gjë është e mundur, dhe do të thoja ‘Po’, do të përpiqem të ndodhë. Unë mendoj se do të ishte e mrekullueshme sikur vajzat të bëheshin bashkë, sepse ju e dini që ne vijmë nga i njëjti vend, ku ashtu siç kemi folur më herët, në të kaluarën, vajzat nuk ishin gjithmonë në muzikë në kulturën tonë, tani është komplet ndryshe dhe ju e dini që unë e dua kulturën time shumë, por unë jam rritur në gjysmë kulturën time, kështu që mund të flas në gjysmën e tyre”, ka thënë ajo.
Tutje këngëtarja ka shtuar se një bashkëpunim i tillë mes shqiptareve do të motivonte të gjitha femrat tjera shqiptare dhe kosovare, që ato kanë fuqi të arrijnë në jetë.
“Ju e dini, ne femrat nuk kemi qenë gjithmonë të barabarta si meshkujt dhe mendoj se fakti se ne të gjitha vijmë nga një kulturë e ngjashme është vërtet e bukur dhe mendoj se do të ishte e mrekullueshme për neve të vinim së bashku dhe të kapnim duart dhe të bëheshim si të gjitha vajzat tjera shqiptare ose kosovare atje, do të ishim si: ‘Ju mundeni, ju mund ta bëni këtë, ju mund t’i bëni ëndrrat e tua realitet, ti e ke këtë dhe çdo vajzë në botë – nuk ka rëndësi nga je, kështu që do të doja ta bëja këtë të ndodhte”, ka theksuar Rexha./ KultPlus.com
Nuk janë të rralla rastet kur veshjet tradicionale shqiptare zënë vend jo vetëm në videoklipet e këngëtareve shqiptare që tashmë kanë një sukses ndërkombëtar, por dhe në përditshmërinë e jetës së tyre, shkruan KultPlus.
Pasi Rita Ora muaj më parë kishe sjellë një videoklip mjaft të veçantë ku ishte e veshur me veshje tradicionale shqiptare, sot nëna e saj Vera Ora ka publikuar disa foto dhe vetë ajo shihet e veshur me kostume tradicionale.
Këto fotografi Ora i ka postuar në Instagram teksa ka shkruar se tradicionalja i përshtatet më mirë.
“Tradicionalja më përshtatet mirë, faleminderit”, është përshkrimi i Vera Orës./ KultPlus.com
Këngëtarja me prejardhje kosovare, Rita Ora, gjithmonë ka qëndruar në hap me trendët e fundit të modës. Këtë e ka bërë edhe në një promovim të koleksionit të ri të kompanisë së njohur “Gucci”.
Këngëtarja 30-vjeçare kishte të veshur një bluzë shumëngjyrëshe që e identifikon “Guccin” dhe një fund gjithashtu pjesë e koleksionit “Aria”. Këngëtarja është pjesë e shumë yjeve që kompania “Gucci” i ka përzgjedhur për të qenë pjesë e koleksionit “Aria”. Yje tjera janë Miley Cyrus, Lana Del Rey dhe Madonna.
Ndërkaq, Rita mbante të gjithë veshjen nga koleksioni që u prezantua të enjten. Fotografitë janë shkrepur pas perëndimit të diellit, ndërsa veshjen e ka kombinuar e flokët që shkonin kah ngjyra e kuqe, duke hequr kështu dukjen bionde për të cilën edhe njihet. Këngëtarja shqiptare në llogaritë e saj nëpër rrjetet sociale, të enjten publikoi edhe fotografitë e muralit të realizuar për të në Ferizaj. Rita ka thënë se ka mbetur e mahnitur me muralin në qendër të Ferizajt. Ora në mural paraqitet me rrobat kombëtare, fotografi të ndara nga videoklipi i fundit i saj “Bang”. / KultPlus.com
Këngëtarja kosovare me famë botërore, Rita Ora, ka shpërndarë në Instastory një fotografi të një ndërtese në Ferizaj, ku shihet murali me foton e saj.
Në këtë fotografi, Rita ka të veshura veshjet tradicionale, me të cilat ka realizuar videoklipin e saj të fundit.
“Më keni lënë gojëhapur”, ka shkruar Rita në përshkrimin e fotografisë që ka shpërndarë.
Kjo veshje e Ritës ka bërë krenarë shumë shqiptarë, të cilët i kanë dhënë mijëra pëlqime e komente në rrjetet sociale.
Të shumtë kanë qenë ata që fotografitë e Ritës me veshje tradicionale i kanë shpërndarë në profilet e tyre, duke shkruar se Rita është krenaria e Kosovës.
Ndryshe, Rita Ora, e cila tashmë njihet botërisht për muzikën dhe zërin e saj, nuk ngurron asnjëherë të flasë për vendlindjen e saj Kosovën. /KultPlus.com
Këngëtarja shqiptare me famë botërore, Rita Ora, po vazhdon të shijojë qëndrimin në kontinentin australian. Ajo ndodhet në Sydney për spektaklin e talenteve “The Voice Australia”, ku është përzgjedhur të jetë anëtare e jurisë, përcjell KultPlus.
Shoqëruar nga këngëtarja e famshme, Jessica Mauboy, njëherësh kolegia e saj e bashkë-anëtare e jurisë në “The Voice Australia”, kanë vizituar fëmijët në Shoqatën Bamirëse ‘Ronald McDonald House Westmead’.
‘Ronald McDonald House Westmead’ është një organizatë e pavarur, jofitimprurëse, e përkushtuar në sigurimin e programeve jetësore për familjet me fëmijë të sëmurë rëndë.
Ka qenë televizioni i famshëm australian, Channel 7, ai i cili përmes një kronike televizive, i ka dedikuar një hapësirë në edicionin qendror të lajmeve vizitës që artistja 30-vjeçare me origjinë shqiptare, ka kryer sot në këtë qendër.
Edhe vet faqja e ‘Ronald McDonald House Westmead’ në një postim të shpërndarë në Facebook, falënderuar Ritën dhe Jessicën për këtë vizitë, që i ka lumturuar sado pak fëmijët e sëmurë që gjejnë mbështetje në këtë qendër.
“A i keni parë lajmet? Ne jemi shoqëruar me Rita Orën dhe Jessica Mauboy sot. Ne nuk mund ta besojmë fare. Familjet tona nuk mund të merrnin mjaft nga energjia e tyre infektive dhe i bindën Ritën dhe Jess të këndonin disa melodi të improvizuara. Ne jemi shumë mirënjohës që ata gjetën kohë të ndaleshin dhe të flisnin me secilin prej familjes tonë. Çfarë pasdite e veçantë. Falënderime të mëdha për Channel 7 për realizimin e kësaj”, kanë shkruar roganizata në faqen e tyre. / KultPlus.com
Këngëtarja shqiptare me famë botërore Rita Ora aktualisht ndodhet në Australi prej disa kohësh pasi është e angazhuar në edicionin e “The Voice” atje.
Por sukseset e artistes nuk ndalen teksa së fundmi ka publikuar dhe këngët e reja të saj.
Revista indiane e njohur në botën e biznesit, “Bw Bsuinessworld” e ka zgjedhur Ritën si “Gruan më influencuese të vitit në biznes”.
Ka qenë vetë Rita që bën të ditur lajmin përmes një postimi në rrjetet sociale. Në kopertinën e revistës ajo shfaqet me një imazh tërheqës ndërsa ka falenderuar median për vlerësimin./diaspora shqiptare/ KultPlus.com
Këngëtarja nga Kosova, me famë botërore, Rita Ora, ka shpërndarë në Instagram një foto të kohës së fëmijërisë.
Ajo ka shpërndarë disa foto bashkë me motrën e saj Elenën, e po ashtu edhe një foto tjetër ku Rita shihet me flokë ngjyrë të zezë dhe e buzëqeshur.
Të shpeshta janë rastet kur këngëtarja publikon fotografi nga fëmijëria. Ajo shpesh here ka postuar fotografi të kohës sa ishte në Kosovë, bashkë me familjen e saj. / KultPlus.com
Rita Ora publikoi pak javë më parë albumin “Bang” në bashkëpunim me Imanbek dhe deri më tani ka rezultuar mjaft i suksesshëm. Albumi i artistes është lançuar në platformat muzikore dhe së fundmi Rita ka treguar me shifra se sa mirë është pritur nga publiku.
Në postimin e fundit në Instagram, Rita ka treguar se ka dy arsye shumë të rëndësishme për të festuar këtë javë. Përveçse albumi i saj ka arritur mbi 20 milionë dëgjime në Spotify, ajo feston edhe 9-vjetorin e këngës “Hoë ëe do (Party)”. Publikimin e kësaj të fundit ajo e ka cilësuar si një moment epik në jetën e saj, që i ndryshoi gjithçka përgjithmonë.
“2 gjëra për të festuar këtë javë! Kënga ime e dytë “Hoë ëe do (party) bën 9 vite sot! Ëoë ky ishte një moment epik për mua në jetën time, më ndryshoi gjithçka përgjithmonë! Jam gjithmonë mirënjohëse për fansat e mi të bukur gjatë këtyre viteve! Dhe… #BANG mbi 20 milionë dëgjime në Spotify! Nuk mund ta kisha bërë këtë gjë pa të gjithë ju! Cila këngë ju ka pëlqyer më shumë”, ka shkruar Rita Ora në një postim.
Kujtojmë se së fundmi Rita ka rënë edhe pre e kritikave për shkak të videoklipit të “Bang”. Një qen pitbull është shfaqur me vesh të prerë gjatë videos dhe organizata në mbrojtje të kafshëve u shprehën shumë të shqetësuara për këto pamje.
Një koalicion i organeve drejtuese veterinare dhe organizatave bamirëse të mirëqenies së kafshëve në të gjithë Mbretërinë e Bashkuar ka nisur një peticion nëpërmjet të cilit i bën thirrja Qeverisë të mbyllë të gjitha boshllëqet ligjore që lejojnë vazhdimin e praktikës mizore të prerjes së veshëve./ KultPlus.com
Artistja nga Kosova, Rita Ora, po vazhdon me promovimin e videoprojektit të fundit “Bang Bang”. Megjithëse gjendet në Australi, kjo gjë nuk e ka ndaluar këngëtaren që të realizojë performanca të jashtëzakonshme për emisione të ndryshme në Amerikë.
Së fundi ajo e dha një interpretim klasik dhe dramatik të këngës “Bang Bang” për emisionin më të shikuar ditor “The Ellen Show”.
Rita e cila shkëlqente e veshur me një fustan të bardhë, në këtë performancë akustike që e vuri në pah vokalin e saj unik dhe të fuqishëm, shoqërohej nga një orkestër e instrumentistëve.
Videoja tashmë është publikuar në platformën YouTube. / KultPlus.com
Këngëtarja shqiptare me famë botërore, Rita Ora është vlerësuar me tre disqe platini në Australi, shkruan KultPlus.
Këtë Ora e ka bërë të ditur nëpërmjet një postimi në Twitter ku ka falënderuar ekipin e saj për punën e palodhshme.
“Falenderoj ekipin tim të mrekullueshëm të Warner Music Australia. Multi platinum! Faleminderit për punën e palodhur dhe përkushtimin ndaj meje”, shkruan ajo.
Rita Ora ndodhet në Australi prej disa javësh ku po pregatitet për të marrë pjesë si gjyqtare ne talent shown “The Voice”./ KultPlus.com
Këngëtarja shqiptare e njohur botërisht, Rita Ora ka uruar sot babain e saj, Besnik Sahatçiun, për 60-të vjetorin e lindjes, shkruan KultPlus.
Rita ka ndarë me ndjekësit e saj disa fotografi nga fëmijëria dhe në fjalët dedikuar të atit, e cilëson atë si të pabesueshëm dhe i dërgon shumë dashuri.
“Gëzuar 60 vjetorin e lindjes babait tim të pabesueshëm! Duke ju dërguar kaq shumë dashuri !!, shkruan Ora.
Lidhja e ngushtë e Rita Orës me familjen e saj është e dukshme dhe këtë e përcjellin gjithmonë edhe përmes fotografive e dedikimeve për njëri tjetrin. / KultPlus.com
Rita Ora tashmë ka sjellë versionin akustik të mini-albumit të saj “Bang”.
Albumi përmban vetëm katër këngë, njërën prej të cilave e ka sjellë me videoklip pak ditë para 17 Shkurtit – Ditës së Pavarësisë së Kosovës. Në këtë videoklip Rita paraqitet me veshje tradicionale kombëtare.
Albumi i këngëtares 30 vjeçare përmban bashkëpunime me artistë të famshëm botëror si David Guetta, Imanbek, Guna e Khea. / KultPlus.com
Rita Ora ka bërë të ditur se këtë të premte do të sjellë versionin akustik të mini-albumit të saj “BANG”.
Albumi përmban vetëm katër këngë, njërën prej të cilave e ka sjellë me videoklip pak ditë para 17 Shkurtit – Ditës së Pavarësisë së Kosovës. Në këtë videoklip Rita paraqitet me veshje tradicionale kombëtare.
Albumi i këngëtares 30 vjeçare përmban bashkëpunime me artistë të famshëm botëror si David Guetta, Imanbek, Guna e Khea. / KultPlus.com
Këngëtarja e njohur shqiptare Rita Ora është bërë pjesë e listës së këngëtarëve më të pasur Britani.
Rrjeti i lajmeve “Sunday Times” ka publikuar listën e këngëtarëve më të pasur në Britani e madhe.
Këngëtarja shqiptare mban vendin e 11 në listën e këngëtarëve më famë botërore. Lista kryesohet nga këngëtarja e famshme Adele dhe këngëtari i mirënjohur Ed Sheeran.
Këngëtarja shqiptare bën pjesë për herë të parë në këtë listë me një vlerë pasurie prej 16 milion £. Ndërkohë, suksesi i këngëtarëve në listë të cilët kanë rritur pasurinë e tyre nga këngët e reja të ndjekura nga miliona njerëz në gjithë botën./ KultPlus.com
Artistja shqiptare me famë botërore, Rita Ora, është emër shumë i kërkuar edhe në botën e biznesit.
Ajo ka disa herë që ka bashkëpunuar me ShoeDazzle, ku po sjell koleksionet e saj të këpucëve.
Përmes postimit të fundit, këngëtarja bëri të ditur se po dhuron 10 palë këpucë nga koleksioni i saj me këtë brend.
“Po i dhuroj 10 palë këpucë nga koleksioni im #RitaOraxShoeDazzle !! për tre fituese me fat!Për t’u bërë pjesë e lojës bëjeni follow @shoedazzle dhe etiketoni një shoqe në koment me #giveaway! Përfundon të premten dhe fituesi do të bëhet i ditur në faqen e ShoeDazzle në Instagram të hënën. Paqi fat!!”, ka shkruar ajo.
Ndryshe, Rita Ora për një kohë po qëndron në Australi, ku edhe është e angazhuar në “The Voice”.
Ajo së fundi ka lansuar ep-in “Bang”, ndërsa pritet që të vazhdojë punën edhe për këngët e radhës./ KultPlus.com
Nëna e Rita Orës, e cila tashmë njihet si ndër gratë më të suksesshme shqiptare, ka publikuar një fotografi në rrjetin social Instagram me një mesazh drejtuar të gjitha grave, shkruan KultPlus.
Në urimin e bërë, Vera ka thënë se femrat duhet të vazhdojnë ta sillin dynjanë.
“Urime 8 Marsi të gjitha grave e shoqeve të mia hajde të vazhdojmë ta sillim dynjanë” shkruan ajo në urim. / KultPlus.com
Rita Ora ka performuar këtë të shtunë në Sydney Cricket Ground në Australi. Ngjarja u transmetua nga televizionet ndërsa kishte të pranishëm edhe në koncert.
Këngëtarja me famë botërore me origjinë shqiptare me performancën e saj bëri të kërcenin të gjithë të pranishmit teksa tha se kishte kaluar kohë që kur ajo kishte realizuar një koncert me mijëra të pranishëm. E prekur emocionalisht Rita tha se “ishte përpjekur të mos qante”.
“Kurrë nuk do ta harroj këtë koncert”, ka thënë Rita në përfundim të saj.
Pjesë e koncertit të saj ishte dhe grupi muzikor australian i fëmijëve The Wiggles të cilët u shoqëruan me brohoritje.
Gjithashtu të pranishëm ishin dhe këngëtarë australianë dhe artistë të tjerë. Pavarësisht formatit ndryshe, ajo që nuk ndryshoi ishin kostumet shumëngjyrëshe që njihen si Mardi Gras./ KultPlus.com
Këngëtarja me prejardhje kosovare, Rita Ora, e solli një performancë fantastike live nga Shtëpia e Operës në Sidney, për emisionin “The Tonight Show Starring Jimmy Fallon”.
E shoqëruar nga disa instrumentist klasik dhe një DJ në skenë, ylli i muzikës pop e interpretoi hitin e saj të fundit, “Bang Bang”, dhe ishte me të vërtetë një performancë e përkryer dhe mjaft energjike.
Përveç si mysafire muzikore, Ora gjithashtu e dha një intervistë të drejtpërdrejt nga Australia, ku foli për rolin e saj të ri si anëtare e jurisë së shout muzikor “The Voice”, adhurimin e saj për divën e muzikës Madonna, realizimin e EP albumit “Bang” në bashkëpunim me DJ Imanbek, David Guetta dhe reperin Gunna, si dhe xhirimet e videoklipit të këngës “Bang Bang” në Bullgari.
Kënga e cila e sjell këngëtaren të veshur me veshje tradicionale kosovare, është pjesë e EP albumit të ri të Rita Orës, dhe ka arritur të pozicionohet mirë në toplistat muzikore. / KultPlus.com
