Etiketë: Robert Aliaj Dragot

Gala Dragot pjesëmarrëse në EuroSong të Belgjikës, synon të përfaqësojë shtetin në Eurovizion 

Posted on by Kult Plus

Sukseset e vajzave shqiptare nuk kanë të ndalur, ato çdo ditë po i dëshmojnë botës madhështinë artistike të popullit të tyre, shkruan KultPlus.

Gala Aliaj Dragot është vajza e artistit të njohur Robert Aliaj Dragot, dhe ajo do të interpretoj në kompeticionin nacional belg Eurosong, në natën ku do të shpallet edhe kënga fituese e cila më tej do të përfaqësojë Belgjikën në Eurovision 2023 në Liverpool.

Lajmin e ka bërë të ditur vetë babai i saj, Robert Aliaj Dragot:

Mesazh për komunitetin shqiptar në Belgjikë: Të dashur bashkatdhetarë, të dashur miq.

Neser ne mbremje, më 14/1, në orën 20:15 TV belg VRT, kanali Eén do të transmetojë live show-un final të Kompeticionit Nacional belg Eurosong, ku do te shpallet edhe kenga fituese, e cila më tej do te perfaqesoje Belgjiken ne Eurovision 2023 ne Liverpool.

Gala Dragot do të konkurojë me kengen “T’inquiète”, kenge e kompozuar nga vete Gala Dragot

Jeni te lutur te votoni për Galadragot në këto dy mënyra: 1 – një herë mund të votoni falas nëpërmjet VRTMAX https://www.vrtmax.be (per te votuar në këtë mënyrë duhet te keni krijuar së pari profilin tuaj në VRTMAX) 2- gjithashtu mund të votoni edhe duke dërguar SMS

në numrin 6000 (0,75 €/SMS) Teksti kod për secilin artist do të shpallet neser ne fillim te spektaklit).

Kijeni parasysh qe mund të votoni maksimum 2 herë: 1 herë via SMS dhe 1 herë online nëpërmjet profilit tuaj në VRT MAX.

Ju mund ta ndani këtë mesazh me familjarët dhe miqtë tuaj – vota juaj mund të bëjë ndryshimin!!!

Ju falenderoj dhe ju dua shumë,

Gala Dragot

Thanks for sharing / KultPlus.com

Robert Aliaj Dragot, zëri kritik brenda ‘Këngës Magjike’

Posted on by Kult Plus

Në mesin e këngëve garuese në Kënga Magjike këngëtari Robert Aliaj Dragot ka ardhur me një këngë ‘protestuese’ ndaj situatës së tanishme të shqiptarëve.

Ai ka përshtatur poezinë e Fan Nolit “Anës lumenjve” tek kënga “Ah, ku më hodhi Zoti”.

Teksti i këngës “Ah, ku më hodhi Zoti”

Ah, ku më hodhi Zoti, syrgjysonur e katosur
Po vajtonj pa fund, pa shpresë, mes Brukselit, mes BE-së,
Ku e lam’ e ku na mbeti, këtu vdes për bukë mileti,
Anës Zenës, i palarë, edhe ujin me orar.
Pranë sofrës, vdes urie, plot me lista veresie.
Pranë dijes, të panxënë, mfëmijë që shkollën lënë,
Futur në kulla ngujimi… Rroftë arsimi, Poshtë arsimi!
Lakuriq dhe i dregosur, mes Brukselit, sakatosur.
Ah, ku më hodhi Zoti…
Se ç’e shembën mercenarët, prokurorët dhe gjyqtarët,
Se ç’e shtypi, korrupsioni, qeveritë që s’bien nga froni,
Se ç’e pren’ e se ç’e vranë, Ç’e shkretuan anembanë,
Me reforma, me hashash, me drejtësi deledash.
Nënë thundrën e mjerimit, mes Belgjikës, Perëndimit…
Çirrem, digjem i vrerosur, i penduar, çarmatosur,
As i gjallë as i varrosur, Pres një shenj’ e pres një dritë,
Që të kthehem pas një ditë, Në të ëmblën Shqipëri.
Ku kupton, që je njeri, Ah, ku më hodhi Zoti…
Në të ëmblën Shqipëri, Ku kupton, që je njeri.
Aty ku të hapet dera, ku mbijnë lulet dhe në plehra,
Pranë vatrës, ku zien puna, ku ndrit Lana, fryrë si Buna,
Ku paqe ka dhe nder, ndaj do kthehem menjëherë.
Ëndëroj pa fund, pa shpresë, në Dragot të shkoj, të vdes.
Dhe një zë vengon nga lumi, më buçet, më zgjon nga gjumi,
Se mileti po feston, Parlamenti e bekon,
Se pëlcet, bollëku, puna, fryhet Vjosa, derdhet Buna,
Skuqet Semani dhe Drini, zbutet me tendera zengjini,
Se pas vuajtjes ndriti jeta, barazia, e vërteta.
Ngrehuni ashtu si bota, dhe i mbuloni me vota
Katundar’ e punëtorë, që nga Shkodra gjer në Vlorë!
Ky ilaç e ky kushtrim, më bën djal’ e më bën trim,
Që të vij plot me shpresë, pranë Filatit, pranë Dumresë,
Se pas dimrit vjen një verë, kthehuni dhe menjëherë,
pranë vatrës, pranë punës, anës Vjosës, anës Bunës.
Pranë Lumbardhit, larg prej dhunës
Ah, ku më hodhi Zoti…
Arratisur, syrgjynosur, emigrant e bukësosur,
brohoras me bes’ e shpresë, Ne Dragot do shkoj të vdes…
Lakuriq dhe i dregosur, syrgjynosur, sakatosur.
Mes Brukselit ziliqar,
O sa mirë me ken’ shqiptar…./ KultPlus.com