Ministrja e Industrisë Ndërmarrësisë dhe Tregtisë, Rozeta Hajdari ka nënshkruar Deklaratë të Përbashkët në fushën e turizmit me ministrinë e Turizmit nga shteti i Izraelit.
Kjo marrëveshje ka për qëllim forcimin e lidhjes ndërmjet Kosovës dhe Izraelit duke ndihmuar në zhvillimin e turizmit në përputhje me parimet e respektit reciprok dhe barazisë.
Ministrja Hajdari, ka thënë se na kjo marrëveshje është shanca për të eksploruar në fusha të reja bashkëpunimi, shkruan KultPlus.
“Ministrja Hajdari, tha se ky është një shans i jashtëzakonshëm për të eksploruar shumë fusha të reja bashkëpunimi, përfshirë pjesëmarrjen në ekspozita, panaire, konferenca, dhe ngjarje të tjera që do të promovojnë bukuritë natyrore dhe kulturën e të dyja vendeve”, thuhet në njoftimin e MINT-it.
Tutje, Deklarata e Përbashkët parasheh edhe shkëmbimin e informacionit mbi inovacionin dhe digjitalizimin e turizmit dhe ekspertizës.
“Deklarata e Përbashkët parasheh edhe shkëmbimin e informacionit mbi inovacionin dhe digjitalizimin e turizmit dhe ekspertizës me synimin për të krijuar një partneritet të qëndrueshëm me theks në sipërmarrjet e vogla dhe të mesme, si dhe sipërmarrjet fillestare që operojnë në industrinë e turizmit e poashtu edhe shkëmbimin e të dhënave dhe statistikave që do të përmirësojnë përvojën e udhëtimit për të dyja vendet”, thuhet mes tjerash në njoftim.
Po ashtu, Deklarata e Përbashkët është bërë e ditur se parasheh edhe nxitjen e bashkëpunimit në kuadër të Organizatës Botërore të Turizmit (UNWTO) si dhe organizatave të tjera ndërkombëtare të lidhura me turizmin si dhe në fushën e edukimit turistik./KultPlus.com
Ministria e Industrisë, Ndërmarrësisë dhe Tregtisë ka njoftuar për një investim të madh në Kosovë, shkruan KultPlus.
Më poshtë po sjellim njoftimin e plotë të këtij institucioni.
Industria gjermane e autotekstileve për inovacion dhe transformim në Kosovë vjen me biznesin e parë Munda Kosova sh.p.k.
Ministrja e Industrisë, Ndërmarrësisë dhe Tregtisë, znj. Rozeta Hajdari, priti sot në takim përfaqësuesit e biznesit gjerman “MUNDA, MENTOR UND AUNDE”, të saporegjistruar pranë Agjencisë për Regjistrimin e Bizneseve në Kosovë, si biznes i ri “Munda Kosova”, z. Peter Bolten, pronar i Aunde, Ëildo Ëeyer, pronar i Mentor, Kai Mauxel, drejtor i Munda-së, dhe Kushtrim Grainca, menaxher i Industrisë Inxhinjerike.
Kompania Munda, merret me zhvillimin dhe prodhimin e tapicerive dhe tekstileve për industrinë e automobileve.
Investimi i kompanisë Munda në Kosovë përveç 200 vendeve të reja të punës do të sjell edhe përvoja në fushën e tekstileve teknike me njohuritë e teknologjisë së ndriçimit të bazuar në LED. Një teknologji e re kjo që krijon mundësi krejtësisht inovative.
Ministrja Hajdari i njoftoi përfaqësuesit e Munda-së për lehtësirat që i kanë ndërmarrë përmes plotësimit të legjislacionit që ndihmon qasjen e investitorëve në Republikën e Kosovës.
Ndërsa përfaqësuesit e Munda-së, u shprehën të kënaqur dhe njoftuan se gjatë viteve në vijim planifikojnë të zgjerojnë biznesin edhe më shumë, me produkte tjera dhe të krijojnë partneritete me bizneset dhe ndërmarrësit vendor të cilat do të kontriubojnë në transformimin e industrisë së Kosovës./ KultPlus.com
Ministrja e Industrisë, Ndërmarrësisë dhe Tregtisë, Rozeta Hajdari ka pasur një tjetër reagim mbi pjesën e ngritjeve të vazhdueshme të çmimeve të produkteve bazike, përfshirë këtu edhe rritjen e çmimit të bukës, shkruan KultPlus.
Nëpërmjet një postimi në “Facebook”, Hajdari ka thënë se sipas të dhëave bazë nga dogana, ka rënie të çmimit të importit të grutit dhe sipas kësaj llogaritje, jo thotë se ngritja e çmimit të bukës është e paarsyeshme.
“Sot në konferencë për media bashkë me kryesuesin e Shoqatës së Mullisëve z. Bashkim Zejnullahu, konfirmuam se kemi furnizim të mjaftueshëm në treg me grurë dhe miell dhe nuk është e arsyeshme rritja e çmimit të bukës”.
“Në ditët e fundit, çmimi i një buke po ndryshon nga 0.45 cent deri në 0.60 cent në disa furra buke, derisa të dhënat e përditësuara të Doganës së Kosovës, për dallim nga muaji maj 2022, konfirmojnë rënie në 7% të çmimeve furnizuese të grurit dhe miellit”.
Ministrja e Industrisë, Ndërmarrësisë dhe Tregtisë thotë se janë duke analizuar çmimet bazike të tregut.
“Për më shumë, Grupi Punues i Ministrisë së Industrisë, Ndërmarrësisë dhe Tregtisë, ka analizuar çmimet me evidencë nga tregu, për produktet bazë: gruri, mielli, buka, orizi, pastat nga gruri i fortë, vaji ushqimor i lulediellit, qumështi, kripa e kuzhinës, vezët, mishi i pulës, sheqeri, sapuni, detergjenti dhe pecetat higjenike, duke konstatuar se:
– marzha tregtare e produkteve bazë të shumicës së operatorëve ekonomik, ka ndryshime nga 8% deri në 19.40% varësisht nga produkti;
-disa operatorë ekonomik tregtojnë me marzhën tregtare nën 5% për produktet bazë”.
Ajo ka paralajmëruar se do të caktojnë marzhën e fitimit në produkte bazike.
“Prandaj, bazuar në evidencë, do të propozojmë masa direkte për të minimizuar manipulimet në çmimet e produkteve bazë, në koordinim të afërt me Inspektoratin e Tregut në nivel qendror dhe komunal, Doganën e Kosovës, Administratën Tatimore të Kosovës, Agjencinë e Ushqimit dhe Veterinarisë, Autoritetin e Konkurrencës dhe Komunitetin e Biznesit”, ka shkruar tutje Hajdari.
Në dis vende të Kosovës është raportuar se buka po shitet me çmim 0.60(€) /KultPlus.com
Ministrja e Industrisë, Ndërmarrësisë dhe Tregtisë, Rozeta Hajdari tha se në disa vende është shtrenjtuar buka, pavarësisht se çmimet e grurit dhe miellit “kanë rënë për 7%”.
Hajdari tha se po e analizojnë situatën në treg dhe lëvizjen e çmimeve të produkteve esenciale ndërsa njoftoi se e kanë krijuar një grup të dytë punues për masën ligjore për produktet esenciale, raporton Gazeta Express.
Ky grup do të analizojë se çfarë masa ligjore duhet të merren për produkte si gruri, mielli, buka, sheqeri, orizi, kripa, vezët, sapuni, etj. “Kjo varet nga analizat që do të vijnë”, tha ministrja.
“Çmimet e grurit dhe miellit kanë rënë për 7%, bazuar në evidencën e Doganës”, tha ajo.
“Në realitet, gjersa ne jemi dëshmitarë të rritjes së çmimit të bukës në treg në disa vende, me këtë situatë ne në vazhdim të analizës që e ka sjellë grupi punues, ne shohim që kemi një dallim tepër të lartë”, tha ministrja.
Ajo iu bëri thirrje inspektorëve komunalë që “të jenë më të angazhuar”, ndërsa tha se “Ministria është shumë aktive edhe pas orarit të punës”.
Pas disa hulumtimeve që tha se u kryen edhe gjatë festës së Bajramit, ministrja Hajdari tha se konstatuan diçka.
“Marzha e artikujve esencialë, ndonëse tregu i lirë, ka dallim të lartë mes operatorëve ekonomikë”, tha ajo.
Te disa kompani, ministrja tha se “vërehet një tendencë për ta mirëkuptuar gjendjen me inflacion”, përderisa te disa kompani tjera, tha se “kjo tendencë po mungon”. / KultPlus.com
Ministrja e Industrisë, Ndërmarrësisë dhe Tregtisë, Rozeta Hajdari, ka paralajmëruar se në vjeshtë mund të ketë sërish rritje të çmimeve.
Sipas saj, ka statistika që tregojnë se ndoshta mund të ketë rritje.
“Ne nuk mund ta parashikojmë rritjen, ka statistika që thuhet se ndoshta në vjeshtë mund të ketë rritje por ndoshta nuk mund të ketë rritje sepse nuk e ke paraparë luftën”, ka deklaruar Hajdari.
E pyetur se cili është plani pasi janë të vetëdijshëm se një krizë tjetër mund të vijë në vjeshtë, Hajdari tha se “sikur të kisha me shumë miliarda në Kosovë do të kisha vepruar shumë lehtë, të mbushi arkën e shtetit me të gjitha furnizimet dhe ta sigurojë tregun e Kosovës”.
Tutje, Hajdari ka deklaruar se do të zhvillojnë masa dhe paketa përkrahëse, por se kjo varet nga buxheti.
“Gjithçka shkon në mundësinë e buxhetit, sa të kemi buxhet kemi mundësi të zhvillojmë edhe masa dhe paketa përkrahëse. Sa të kemi buxhet kemi mundësi të jemi edhe pjesë e stabilizimit të tregut. Por çka mundemi tani për tani të veprojmë, të ndalim lojën e pafavorshme dhe lojën jo fer të lojtarëve që janë spekulant në treg”, ka deklaruar Hajdari në Tëvë 1.
Ajo ka folur edhe për rezervat shtetërore. Tha se në rezervat shtetërore kanë shtuar 10 milionë euro furnizim me grurë, vaj dhe sheqer.
“Kur erdha si ministre e re kuptova që rezerva e shtetit duhet të pasurohet më shumë dhe u mora me politiken e furnizimit për rezervën shtetërore. Kemi grurë dhe të gjitha produktet elementare, jemi furnizuar dukshëm më mirë. Tash do të ketë pasurim edhe më të lartë është çështje muajsh dhe më shumë, pasurim më të lartë edhe në korrik kur kemi të korrurat vendore.
Kemi shtuar plus 10 milionë euro furnizimin që është me grurë me vaj dhe sheqer. Mbi 60% e rendimentit është rritur në prodhimin vendor, duke e hequr edhe akcizën. Ne e kemi rezervën për situata më të vështira në rast të luftës, ose fatkeqësive natyrore, ne synojmë në afat më të gjatë të jemi me më shumë furnizim të rezervave shtetërore që të balancojmë edhe tregun përmes rezervës shtetërore nëse lejon buxheti”, ka deklaruar Hajdari./ KultPlus.com
Ministrja e Industrisë, Ndërmarrësisë dhe Tregtisë, Rozeta Hajdari, së bashku me kryeministrin Albin Kurti, zv. kryeministrin Bislimi dhe drejtorët e KIESA-s, ATK-së dhe Doganave të Kosovës, kanë pritur në takim delegacionin e kompanisë së njohur të dyqaneve ushqimorë në botë,“Lidl” GmbH & Co KG, shkruan KultPlus.
Hajdari ka thënë se janë zotuar se do të investojnë dhe zhvillojnë biznesin e tyre në Kosovë.
“Me delegacionin e kompanisë “Lidl” u përshendetëm me zotimin që do të investojnë dhe zhvillojnë biznesin e tyre në Kosovë, gjersa konkluduan se Kosova ka shumë potenciale konkurruese për investime dhe ndër të tjera, është vendi me sistemin më të mirë tatimor në botë”, u shpreh ajo.
Gjithashtu, Ministrja njofton se së bashku me delegacionin e “Lidl” kanë viztuar tri lokacionet strategjike të përshtatshme për qendrën e ardhshme në Kosovë.
“Me delegacionin e kompanisë në fjalë vizituam edhe tri lokacione strategjike të propozuara nga kolegët e KIESA-s, të përshtatshme për qendrën e ardhshme logjistike të kompanisë “Lidl” në Republikën e Kosovës, pas bisedës së tyre më prodhuesit dhe përpunuesit e ushqimit dhe pijeve, potencial i mirë për furnizim për kompaninë “Lidl” dhe exporte në botë”, theksoi ministrja.
Ndryshe, “Lidl” GmbH & Co KG, është një zinxhir ndërkombëtar gjerman i shitjeve me pakicë me zbritje që operon mbi 11,000 dyqane në të gjithë Evropën dhe Shtetet e Bashkuara. “Lidl” është themeluar në vitin 1973 dhe aktualisht me shtrirje në 31 shtete të botës. /KultPlus.com
Për herë të parë në Kosovë, sot është hapur ‘Panairi Ndërkombëtar i Turizmit’.
Për dy ditë me radhë në Hotel Grand në Prishtinë, mbi 120 kompani pjesëmarrëse nga shtatë shtete, do të kenë një shumëllojshmëri ofertash dhe surpriza me lojëra shpërblyese për të gjithë vizitorët dhe pjesëmarrësit dhe shumë aktivitete të tjera promovuese, shkruan KultPlus.
Kryetari i Unionit të Turizmit në Kosovë, Baki Hoti, tha se pret që ky panair do t’i japë Kosovës shumë mundësi bashkëpunimi me vendet e rajonit në fushën e turizmit, teksa pret që në vitet në vijim të shtohen edhe më shumë interesimet e bizneseve të vendeve të rajonit.
“Në këtë panair kemi biznese nga shtatë shtete të rajonit, e ky fakt na gëzon sepse panairet janë pikëtakim në mes të komunitetit që të shikojnë mundësinë e bashkëpunimit”, tha Hoti duke përfunduar se qëllimi kryesor i këtij panairi është bashkëpunimi në mes të bizneseve të Kosovës me ato të vendeve të rajonit.
E pranishme në hapjen e këtij panairi ishte edhe ministrja e Industrisë, Ndërmarrësisë dhe Tregtisë, Rozeta Hajdari, e cila tha se turizmi është një nga prioritetet kyçe të ministrisë që ajo drejton.
“Është kënaqësi e imja që të hapi këtë panair të Turizmit sepse Kosova ka shumë për çka të krenohet, sidomos për nga fusha e turizmit kulturor dhe atij natyror dhe duke e ditur që turizmi është një sektor që sjell stabilitet për shtetin tonë, është një sektor që sjell punësim, sjell garancë për të rinjtë tanë që të kenë më shumë vende pune, unë si ministre e Industrisë, ndërmarrësisë dhe tregtisë kam vendosur turizmin si një ndër prioritetet kyçe të ministrisë që drejtoj”, deklaroi Hajdari e cila më pas vuri në pah se së shpejti do të publikohet strategjia për turizmin, e cila sipas ministres do të sjellë më shumë mundësi të bashkëpunimit me vendet e rajonit.
Pas ministres, fjala iu dha Rrahman Kasës, kryetarit të Unionit Turistik Shqiptar i cili e konsideroi të domosdoshëm hapjen e këtij panairi, i cili sipas tij promovon turizmin dhe rrit imazhin e Kosovës, por edhe imazhin e hapësirave mbarëshqiptare.
“Ne jemi të angazhuar bashkërisht edhe me Unionit e Turizmit të Kosovës që të promovojmë shumë më shumë në tregjet ndërkombëtare hapësirën mbarëshqiptare duke dalë me një paketë të përbashkët me qëllim që të tërheqim tregjet drejt vendit tonë”, u shpreh Kasa.
Meqë shumë kosovarë gjatë pushimeve të verës dhe jo vetëm, vend për të kaluar pushimet e tyre e kanë edhe Ulqinin, i pranishëm në këtë panair ishte edhe kryetari i Organizatës Turistike të Ulqinit, Gzim Hajdinaga.
Ai në emër të hotelerisë dhe restoranteve të Ulqinit falënderoi të gjithë kosovarët që çdo vjet e vizitojnë Ulqinin, duke shtuar se Kosova e njeh Ulqinin më shumë se sa vetë ulqinakët sepse gjithmonë turisti ka dëshirë t’i analizojë disa pika që as vetë vendasit nuk i dinë.
“Gjithë Kosova të shkojë në Shqipëri në një perlë të bukur të Adriatikut, por të rrijnë tre ditë në Shqipëri e shtatë ditë në Ulqin. Jemi të dy palët të gatshëm. Mirë se vini në Ulqin”, përfundoi Hajdinaga.
I pranishëm në hapjen e këtij panairi ishin edhe Ljupço Janevski, drejtor i Agjencisë Kombëtare për Promovim të Turizmit në Maqedoninë e Veriut si dhe ambasadori i Bullgarisë, vende këto po ashtu të vizituara nga Kosova në sezone të ndryshme të turizmit.
Ky panair, i cili do të jetë i hapur sot dhe nesër ka për qëllim bashkëpunimin e Kosovës me vendet e rajonit në fushën e turizmit, që edhe Kosova të jetë target i shumë vizitorëve të rajonit./ KultPlus.com
Ministrja e Tregtisë, Rozeta Hajdari dhe Ministri i Financave, Hekuran Murati kanë siguruar qytetarët e Kosovës se ekzsiton furnizim i mjaftueshëm me miell për tre deri në gjashtë muajt e ardhshëm, shkruan KultPlus.
Përmes një konference për shtyp, Murati dhe Hajdari treguan është garantuar furnizim i mjaftueshëm nga Shoqata e Mullistëve.
Gjatë ditëve të fundit është shtuar panika se mund të ketë një mbyllje ose rritje e çmimit të miellit për shkak të luftës që po ndodhë në Ukrainë.
Qeveria përmes ministrave ka bërë thirrje që qytetarët të mos panikohen. /KultPlus.com
Tenori i famshëm kosovar, Ramë Lahaj do të mbajë një koncert në Ditën e Pavarësisë së Kosovës në Amfiteatrin Milenium në Dubai, përcjell KultPlus.
Kjo gjë është bërë e ditur nga Ministrja e Industrisë, Ndërmarrësisë dhe Tregtisë, Rozeta Hajdari.
Ajo ka thënë se të gjithë bashkatdhetarët dhe qytetarët tanë në Kosovë, që duan të jenë pjesë e kësaj feste, ftohen ti marrin biletat falas për të hyrë në ”EXPO 2020 Dubai” me 17 shkurt 2022.
KultPlus ua sjell njoftimin e plotë:
Të nderuar qytetarë të Republikës së Kosovës, Për herë të parë Kosova po prezantohet në expozitën botërore ”EXPO 2020 Dubai” në mesin e 192 shteteve nga i gjithë globi.
Qeveria e Republikës së Kosovës e përfaqësuar përmes Ministrisë së Industrisë, Ndërmarrësisë dhe Tregtisë, ka marrë të gjitha masat që shteti ynë të prezantohet në formën më dinjitoze duke sjellur në pah potencialet dhe vlerat më të mira të kombit tonë. Për ti dhënë akoma më shumë vlerë kësaj paraqitje, tenori ynë i skenave ndërkombëtare njëherësh dhe Ambasadori i Kulturës, Rame Lahaj do të mbajë koncert në Ditën e Pavarësisë së Republikës së Kosovës, më 17 shkurt 2022 në Amfiteatrin Milenium në Dubai, prej orës 21:30 (18:30 – zona kohore e Kosovës).
Të gjithë bashkatdhetarët dhe qytetarët tanë në Kosovë, që duan të jenë pjesë e kësaj feste, ftohen ti marrin biletat falas për të hyrë në ”EXPO 2020 Dubai” me 17 shkurt 2022 . Ndërsa ceremoninë zyrtare të intonimit të himneve, e ngritjes së flamurit tonë, fjalimet përshëndetëse dhe paraqitjen e Ansamblit kombëtar të këngëve dhe valleve “SHOTA”, mund ti ndiqni prej orës 16:00 ( 13:00 – zona kohore e Kosovës), në të njëjtën ditë 17 Shkurt, në Al Was Plaza në Dubai. Të interesuarit mund të lajmërohen për biletat pa pagesë deri më datën 15.02.2022 në numrin e telefonit: +971506648749″. /KultPlus.com
Lëvizja Vetëvendosje ka publikuar përbërjen e plotë të kabinetit qeveritar që pritet të votohet pas pak në seancën që po mbahet, përcjell KultPlus.
Në këtë listë, Rozeta Hajdari është e renditur si ministre e Ministrisë së Industrisë, Ndërmarrësisë dhe Tregtisë.
Në shkurt të vitit 2020, ajo u emërua ministre e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike në Qeverinë e udhëhequr nga kryeministri Albin Kurti. Rozeta drejtoi veprimtarinë e pesë portfoliove nga pesë ministri, të shkrira në një ministri. / KultPlus.com
