Policia e Kosovës ka njoftuar se e ka arrestuar burrin, i cili u pa në një video në rrjete sociale duke rrahur vajzën e tij të vogël. Por, i njëjti është liruar më pas në procedurë të rregull.
Përmes raportit 24 orësh, Policia ka bërë me dije se për rastin është kontaktuar edhe Qendra për Punë Sociale.
“Prishtinë 22.06.2022 – 18:40. Është arrestuar i dyshuari mashkull kosovar, pasi që ka kryer veprën penale të lartëcekur. Lidhur me rastin është kontaktuar dhe QPS, në konsultim me prokurorin i dyshuari pas intervistimit është liruar në procedurë të rregullt”, thuhet në raport.
Ngjarja ka ndodhur në parkun e Tauk Bahqes./Express / KultPlus.com
