Etiketë: Rrezeart Galica

Rrezeart Galica bëhet pjesë e Asociacionit Ndërkombëtar të Dizajnit Kulturor në Kinë (CEIDA)

Posted on by Kult Plus

Dizajneri kosovar, Rrezeart Galica, është bërë pjesë e Asociacionit Ndërkombëtar të Dizajnit Kulturor në Kinë (CEIDA), shkruan KultPlus.

Lajmin e ka bërë të ditur kjo shoqatë, ndërsa kanë mirëpritur edhe Galicën. “Mirë se erdhe anëtari ynë më i ri, Rrezeart Galica. Së fundi, ne e mirëpresim atë edhe një herë në CEIDA, një platformë ndërkombëtare për artin dhe dizajnin, dhe për të kontribuar në shkëmbimin e kulturave të artit dhe dizajnit në mbarë botën”, thuhet mes tjerash.

Rrezeart Galica është profesor në lëndët Dizajn Multimedial dhe Ndriçim, Udhëheqës i Departamentit të Dizajnit të Komunikimit, Fakulteti i Arteve të Bukura, Universiteti i Prishtinës, Republika e Kosovës. Ai është gjithashtu themelues i Akademisë Multimedia.

Ai ka titullin Master në Artet e Bukura në Departamentin e Dizajnit Grafik dhe Multimedias, Universiteti i Prishtinës “Hasan Prishtina”, dhe ka doktoruar në Arte nga Akademia e Studimeve Shqiptare / Tiranë, Shqipëri.

Ai ka qenë aktiv në fushën e arsimit të artit dhe dizajnit që nga përfundimi i programit të doktoraturës, derisa ka prezantuar Kosovën në disa vende të botës. /KultPlus.com

Rrezeart Galica, pjesë e Javës së Dizajnit Ndërkombëtar të Pekinit

Posted on by Kult Plus

Dizajneri kosovar Rrezeart Galica, do të marrë pjesë në Javën e Dizajnit Ndërkombëtar në Pekin, shkruan KultPlus.

Ekspozita që do të mbahet këtë shtator në Pekin të Kinës, është ngjarja më e madhe dhe më e rëndësishme sa i përket fushës së dizajnit në Azi.

Temat e kësaj jave përfshijnë rëndësinë ekologjike në bashkëdyzim me kulturën e dizajnit. Përmes komunikimit dhe kreacioneve do t’i tregojnë botës idetë për dizajnin bashkëkohor.

Ftesa për pjesëmarrje të Rrezeart Galicës, ka ardhë pas vlerësimit të punës si tij, nga organizatorët e kësaj jave. / KultPlus.com

Rrezeart Galica fut Kosovën në mesin e 29 shteteve pjesëmarrëse në ekspozitën e Rene Wanner në Iran

Posted on by Kult Plus

Sot në Bukhara Gallery, në qytetin Mashhad të Iranit, hapet ekspozita kolektive e shumë artistëve ku ndër ta është edhe dizejneri kosovar Rrezeart Galica, shkruan KultPlus.

Kjo është ekspozitë komemorative e Rene Wanner, që organizohet nga “Union of Designers”. Rrezeart Galica, do të marrë pjesë me posterin e tij kushtuar Rene Wanner dhe do ta prezantojë Kosovën në mesin e 29 shteteve pjesëmarrëse./ KultPlus.com

Rrezeart Galica sonte me ekspozitë në Korenë Jugore

Posted on by Kult Plus

Sonte në orën 19:00, në Galerinë “Iang”, në Seul të Koresë Jugore hapet ekspozita personale e dhjeta me radhë, e artistit Rrezeart Galica, e titulluar “Përtej homazhit…”.

Kjo ekspozitë përmban 40 punime artistike të disiplinave të ndryshme të dizajnit grafik, siç janë logo, poster dhe prin. Ekspozita është e ndarë në dy cikle, cikli i parë i punimeve i është dedikuar si një homazh viktimave të sulmeve terroriste në mbarë botën si në Londër, München, Paris, Gaza, Aleppo etj, apo tërmetet që zhdukën jo vetëm jetët humane por edhe qytetet me vlera të larta të trashëgimisë kulturore si në Itali, Ekuador, Nepal etj.

Cikli i dytë i punimeve është reflektim i ngjarjeve në Kosovë, që pas bërjes shtet i pavarur dhe punime të përvjetorëve të çlirimit të Kosovës, dhe pranimit të Kosovës në organizma ndërkombëtarë e që në rastet e tilla iu kanë dedikuar posterë festiv.

Ekspozita “Përtej homazhit…” kurohet nga profesori i dizajnit grafik në Universitetin Nameseul të Koresë së Jugut, Byoung II Sun dhe do të zgjatë një muaj.

Autori i kësaj ekspozite nuk ka udhëtuar për të qenë prezent atje ngaqë tha se ekspozita është përkrahur vetëm simbolikisht nga MKRS dhe nuk është përkrahur fare nga Ministria e Jashtme, përkundër siç thuhet, premtimit sy më sy të ministrit Enver Hoxhaj për përkrahjen e këtij evenimenti, po ashtu kjo ekspozitë nuk gjeti as përkrahjen e Ministrisë së Diasporës./ KultPlus.com