Poezitë e saj të shkurtra dhe të ilustruara janë shumë të përhapura kudo, e që po ashtu e kanë nxitur edhe më shumë shitjen e librave të poezisë, shkruan The Economist, përcjellë KultPlus.
Rupi Kaur një poete 24 vjeçare që arriti të bëj emër në Instagram, duke plasuar vargjet e saj të shkurtra në sferën reaktive të mediave sociale. Ajo u bë e famshme kur në vitin 2015 postoi një foto të saj të shtrirë në shtrat në fletët e ngjyrosura me gjak menstrual. Postimi i saj ishte fshirë, ndërsa ajo menjëherë u kthye për të goditur përsëri. “Unë nuk do të kërkoj falje për ushqimin e egos dhe krenarinë e një shoqërie mizogjiniste që do ta ketë trupin tim në të brendshme, por nuk e cilëson në rregull me një rrjedhje të vogël”, kishte shkruar më pas ajo në Facebook dhe Tumblr. Më pas ajo mori një varg me shumë kritika dhe kërcënime me vdekje dhe kështu ajo edhe fitoi një numër të madh ndjekësish. Numri i sotëm i ndjekësve të saj është 1.8 milion.
Suksesi i Kaur është i i jashtëzakonshëm , por është gjithashtu një reflektim i kohërave. Poezia është në mes të Rilindjes dhe po nxitet nga një tufë e “Instapoeteve” të rinj, të cilët në mënyrë dixhitale, po shfaqin aftësinë e tyre për ta paketuar punën e tyre në postime koncize që mund të përhapen shpejtë. Taylor Knott Gregson, një ndër poetet më të shitur, krenohet me pothuajse 600,000 ndjekës në Instagram, ku ai vendos vargjet e tij të shkruara në copa letre ose të shtypura nga një makinë shkrimi. R.M. Drake ka arritur një famë të njejtë, sikur poetja Kaur, ndërsa në mesin e ndjekësve të tij hyjnë edhe Ludacris, Nicki Minaj dhe klanin Kardashian.
Mediat sociale kanë qenë një mjet i fuqishëm për Rupi Kaur, por ato nuk përcaktojnë poezinë e saj. Audiencat dhe fansat që e kanë ndihmuar atë për të arritur këtë sukses janë aktive edhe përtej internetit, dhe përkushtimi i tyre është dëshmuar edhe në shitjen fizike të librit. Vitin e kaluar, shitjet e poezive në Britani tejkaluan 10 milionë funta (13.3 milion dollarë) për herë të parë që kur ka filluar regjistrimi i të dhënave, dhe është pikërisht poetja Kaur që ka ndihmuar në nxitjen e kësaj rritjeje, përcjellë KultPlus.
Në vitin 2014, ajo vendosi të publikojë “Milk and Honey”, librin e saj të parë, megjithëse u paralajmërua se kjo do ta largonte atë nga qarqet letrare tradicionale. Por Kaur nuk mendonte se shkrimi i saj mund t’i përshtatej këtyre qarqeve. “Kur të shkoj në seksionin e poezisë në librari, atje nuk besoj që do të jetë një libër si” Milk and Honey “në mesin e veprave të Shekspirit,” thotë ajo. “E dija që doja të jepja 100% të kreativitetit mbi këtë libër. E dija se si duhet të duket kopërtina. E dija titullin. E dija ndarjen brenda librit”, ka thënë ajo .
Kaur pagoi koston e tij, ndërsa vetëm disa muaj më vonë, librin e mori një shtëpi botuese për ta vënë në qarkullim. Derisa kaluan disa muaj sa ky libër qëndroi në listën e librave më të mirë të New York Times dhe u shitën mbi 2 milion kopje, më shumë se të gjitha librat e tjerë të poezisë së kombinuar.
Poezia e Kaur është mundësuar nga diçka që është shumë më e qëndrueshme. “Një gjë që shumica e lexuesve ma thonë “keni qenë në gjendje përshkruani ndjenjat që kam mbajtur brenda vetës për shumë kohë dhe thjesht nuk mundja të gjeja fjalët për t’i përshkruar”, thotë ajo. Megjithëse, disa e kanë kritikuar punën e saj si punë e formuluar dobët, Kaur është pa dyshim e pajisur me aftësinë e poetes për të artikuluar emocione që publiku përpiqet t’i gjej. Kjo, më së miri e shpjegon edhe popullaritetin e saj të lartë./ KultPlus.com
