Reagimi i Ryan Reynolds kur sheh transformimin e veshjes së Blake Lively në “Met Gala” bëhet viral në rrjetet sociale

Posted on 3 Maj, 20223 Maj, 2022 by Kult Plus

Ryan Reynolds është një fans i madh i gruas së tij, Blake Lively.

Ndërsa bashkëshortja mahnitëse e aktorit u ngjit në shkallët e “Met Gala” dhe ekipi i saj i stilistëve u hodh shpejt për të zhveshur fustanin e saj dhe për të zbuluar një pamje krejt më ndryshe të fustanit– Ryan mund të shihej duke vështruar gruan e tij me një shikim të tronditur dhe habie absolute.

Blake pati një moment kryesor në shkallët ndërsa ajo zbuloi jo një, por dy pamje për mbrëmjen ndërsa fansat brohorisnin, shkruan DailyMail.

Dhe Ryan dukej qartë se e admironte momentin e partneres së tij, ndërsa ai u bashkua me të në shkallë për të pozuar së bashku.

Reynolds i la përdoruesit e mediave sociale të mahnitur për mënyrën sesi ai e shikonte gruan e tij teksa ajo pozonte e vetme në tapetin e kuq në “Met Gala” në New York.

Një fans që ndau momentin emocionues në Twitter shkroi: “Nëse ai nuk të shikon ashtu siç Ryan shikon Blake, vajza nuk është ai”.

Një përdorues tjetër shkroi: “Reagimi i Ryan Reynolds ndaj zbulimit të ndryshimit të fustanit të Blake Lively është gjithçka.

Aktorja mahniti me një fustan “Versace” pa rripa me bizhuteri dhe një brez dramatik rozë me hark pas saj teksa shëtiste në tapetin e kuq me partnerin e saj.

Sikur fustani i saj verbues të mos mjaftonte për të kryesuar listën e veshjeve më të mira, skuadra e Blake hoqi harkun e fortë nga ijet e yllit, i cili e shndërroi pjesën më të madhe të fustanit nga rozë në blu sa hap e mbyll sytë.

Duke u ndalur për të biseduar në tapetin e kuq, Blake shpjegoi se pamja e saj për natën ishte frymëzuar drejtpërdrejt nga ‘arkitektura e qytetit të Nju Jorkut’ dhe ‘ndërtesat historike’ të qytetit, të tilla si Empire State Building dhe stacioni Grand Central.

Blake dhe Ryan, ndërkohë shërbyen si një nga mikoqirët e mbrëmjes, së bashku me Regina King dhe Lin-Manuel Miranda. /Telegrafi/ KultPlus.com

Publikohet traileri i ‘Free Guy’ (VIDEO)

Posted on 14 Qershor, 202114 Qershor, 2021 by Kult Plus

Është publikuar trailer i ri i filmit të ardhshëm të zhanrit aksion dhe komedi, “Free Guy”, i cili e sjellë aktorin e njohur hollywoodian, Ryan Reynolds, në rolin e një burri i cili e kupton se është personazh dytësor në një videolojë.

Në projektin e shumëpritur filmik luan edhe aktorja Jodie Comer, e njohur për rolin e vrasëses Villanelle në serinë e shumëshpërblyer, “Killing Eve”, si dhe aktorët Lil Rel Howery, Utkarsh Ambudkar dhe Taika Waititi.

Me regji të Shawn Levy, filmi do të publikohet nëpër kinema më 13 gusht të këtij viti.

“Free Guy” është vetëm një prej projekteve të shumta me buxhet të lartë të ndikuara nga pandemia. Ndër filmat e shumtë që pritej të lansoheshin në vitin 2020 por u shtynë për një vit, janë edhe “Black Widow”, “Eternals”, “Minions: The Rise of Gru”, “Jungle Cruise”, “No Time to Die” dhe të tjerë. / KultPlus.com

Ryan Reynolds është inspiruar nga vajzat e tij që të flasë hapur për shëndetin mendor

Posted on 7 Qershor, 20217 Qershor, 2021 by Kult Plus

Aktori Ryan Reynolds është inspiruar nga vajzat e tij të deklarohet publikisht për shëndetin mendor.

Ylli 44-vjeçar i kinematografisëm së fundmi e postoi një mesazh në Instagramin e tij për ta shënuar Muajin e Shëndetit Mendor, dhe me këtë rast deklaroi se ishin tri vajzat e tij, James, Inez dhe Betty, të cilat i ka me bashkëshorten Blake Livley, ato që e kanë inspiruar të flasë hapur për problemet e tij me ankthin.

“Një prej arsyeve pse kam vendosur të flas për këtë problem është ngase i kam tri vajza të vogla në shtëpi, dhe është pjesë e punës sime si prind të jem shembulli i tyre për çdo sjellje, t’iu tregoj atyre si është të jesh i pikëlluar, në ankth apo edhe i zemëruar. Pra t’iu tregojë se ka hapësirë për të gjitha këto ndjenja. Në familjen ku jam rritur, në fakt asnjëherë nuk i kam mësuar këto gjëra, dhe kjo nuk nënkupton se prindërit e mi na kanë neglizhuar, por ata i takonin një gjenerate tjetër ku nuk ishte normale të flitej me fëmijët për këto ndjenja”, kishte shkruar aktori në mesazhin e tij.

Reynolds po ashtu thotë se është i vendosur t’i largojë të gjitha stigmat rreth shëndetit mendor, në mënyrë që sa më shumë njetëz të ndihen të sigurt të flasin për çështjet dhe problemet e tyre.

“Po mundohem ta krijojë një hapësirë të sigurt ku njerëzit mund të flasin për shëndetin mendor. E di që kur unë kam qenë në gjendjen më të keqe të mundshme si pasojë e ankthit, ishte ngase ndihesha i vetmuar në atë që po e ndjeja. Prandaj mendoj se kur njerëzit flasin për problemet e tyre, në njëfarë mënyrë shlirohen vet dhe i ndihmojnë edhe të tjerët të ndihen njësojë”, ka përfunduar Reynolds.

Ylli i filmave “Deadpool” shpreson se duke folur për eksperiencat e tij, do t’i ndihmojë edhe të tjerët që janë në të njëjtën pozitë sikurse ai. / Koha.net / KultPlus.com

Blake Lively dhe Ryan Reynolds me donacion për organizatat joqeveritare “Foodbanks”

Posted on 17 Mars, 202017 Mars, 2020 by KultPlus

Aktorët e njohur hollywoodian, Blake Lively dhe Ryan Reynolds, i kanë dhuruar 1 milion dollarë për organizatat joqeveritare “Foodbanks” në Amerikën Veriore, për të ndihmuar në sigurimin e ushqimit për personat në nevojë në këtë periudhë krizë të shkaktuar nga koronavirusi.

Çifti i famshëm i ka shfrytëzuar rrjetet sociale për t’iu kërkuar edhe të tjerëve që t’i mbështesin organizatat, “Feeding America” dhe “Food Banks Canada”, si dhe e zbuluan lajmin e donacionit të tyre prej 1 milion dollarësh, që është një ndihmë e madhe për këtë kauzë, transmeton Koha.

“COVID19 ka ndikuar tej mase tek të moshuarit dhe familjet me ta ardhura të ulëta. Blake dhe unë po i dhurojmë 1 milion dollarë të cilat do të ndahen për dy organizata joqeveritare ‘Feeding America’ dhe ‘Food Banks Canada’. Nëse keni mundësi, ju lutem dhuroni për këto organizata sepse kanë nevojë për ndihmë. Kujdesuni për trupin dhe zemrën tuaj. Leni vend për argëtim dhe lumturi. Telefononi personat që janë të vetizoluar, sepse mund të kenë nevojë për të komunikuar me dikë,” shkruhej në mesazhin e aktorëve të postuar në Instagram.

Donacioni i çiftit të famshëm vjen disa ditë pasi organizata “Feeding America” bëri thirrje për ndihmë, pasi gjatë kësaj krize të shkaktuar nga koronavirusi po provojnë të sigurojnë ushqim për personat në nevojë. / KultPlus.com