Pianistja Lentiana Lutaj vjen së shpejti me koncert recital me një program tejet të larmishëm, shkruan KultPlus.
“Piano Recital” do të mbahet në Sallën Koncertale në Fakultetin e Arteve (Kati III).
Ndërkaq, koncerti i paraparë më 3 qershor nis nga ora 18:00. / KultPlus.com
Komuna e Prishtinës – juria profesionale për Konkurs projektimi, adaptimi i kompleksit ish-Gërmia për sallë koncertale ka vlerësuar projektet që ishin në garë duke dalë sot me vendimin e tyre, përcjellë KultPlus.
Sipas njoftimit, këta janë fituesit:
Çmimi i I-rë: Grupi i operatorëve: Kengo Kuma and as INC, O.U.D. Architects, Ahmet Topbas Muhendislik, Akim Muhendislik, Enmar Engineering, Ses Goruntu Produkiyon hizmetleri me shifër 6636.
Çmimi i II-të: Grupi i operatorëve: Shkëlqim Osmani B.I – vizion Projekt, MA Studio & Partners me shifër 1897.
Çmimi i III-të: Grupi i operatorëve: Arber Sadiku B.i, G+A Architects, me shifrën 6969.
Pas këtij vendimi, Komuna e Prishtinës është zotuar se do të vazhdojë angazhimin për hapat e ardhshëm, deri në finalizimin e Sallës Koncertale sepse ky projekt është i domosdoshëm për artistët dhe qytetarët tanë. / KultPlus.com
Në ndërtesën e vjetër të komunës së Prishtinës pasditen e së premtes është mbajtur konferencë për media ku u prezantuan projektet ideore të konkursit për projektimin e sallës koncertale. Kryetari i Komunës së Prishtinës Shpend Ahmeti ndër të tjera në konferencë ka folur rreth diskutimit të tij me arkitektët sa i përket projektit për objektin ish “Gërmia” duke potencuar se “ideja ka qenë që të ruhet sa më shumë identiteti dhe memoria sikurse në shumë qytete të Evropës, të ruhet trashëgimia kulturore, por që të mund të përdoret për kohët moderne”.
Lidhur me këtë ngjarje ka reaguar edhe Fondacioni Kosovar Trashëgimia Kulturore pa kufij (CHwB Kosova) e cila është e përkushtuar për shpëtimin dhe ruajtjen e trashëgimisë kulturore, të prekur nga konfliktet, neglizhenca apo fatkeqësitë natyrore ku ndër të tjera ka theksuar rolin e objektit të ish “Gërmisë” si një nga ndërtesat më të rëndësishme të Prishtinës të ndërtuara pas Luftës së Dytë Botërore. Njëherësh ata kanë kërkuar nga Komuna e Prishtinës që i përzgjedhuri i konkursit për projektimin dhe adaptimin e kompleksit ish “Gërmia” për sallë koncertale t’i qëndrojë besnik parimeve bazë të ruajtjes dhe adaptimit të monumenteve.
KultPlus ju sjell statusin e plotë të CHwB Kosova
Reagim i CHwB Kosova mbi Konkursin e Sallës Koncertale – ish ndërtesa e Gërmisë. Duke i përcjellë zhvillimet e fundit rreth konkursit të organizuar nga Komuna e Prishtinës për projektimin dhe adaptimin e kompleksit ish Gërmia për sallë koncertale, e sheh të arsyeshme që me opinionin publik ti ndajë disa pikëpamje me rëndësi. Ashtu si edhe është cekur në letrën e ICOMOS, përkatësisht Komiteti Shkencor Ndërkombëtar për Trashëgiminë Kulturore të Shekullit 20 (ISC20C), drejtuar Kryetarit të Prishtinës Z. Shpend Ahmeti me datë 10 Mars 2019, Gërmia përfaqëson një nga ndërtesat më të rëndësishme të Prishtinës së ndërtuar gjatë viteve të pasluftës së Dytë Botërore. Është një nga shembujt e paktë të trashëgimisë moderne të qytetit por mjaft domethënës për vlerat e saja arkitektonike dhe shoqërore, prandaj edhe duhet të ruhet si e tillë. Megjithëse ka pësuar disa ndryshime fatkeqe në të kaluarën, këto lehtë mund të përmirësohen dhe integriteti i saj arkitektonik të rikthehet. Praktika aktuale e qëndrueshme gjithmonë përpiqet të ruajë, rehabilitojë dhe ripërdorë në mënyrë adaptive strukturat e rëndësishme historike në vend që t’i shkatërrojë dhe zëvendësojë ato. Gërmia lehtë mund të rizhvillohet si një aset kulturor për qytetin dhe të paraqesë këtë periudhë të rëndësishme të historisë së Prishtinës dhe Kosovës për brezat e ardhshëm. Në anën tjetër, vlerësojmë se Ministria e Kulturës, Rinisë dhe Sportit do të duhej të ishte më proaktive në rolin e saj si institucion kompetent në administrimin e aseteve të trashëgimisë kulturore. Këtë e bazojmë në faktin se, ndërtesa e ish Gërmisë është e përfshirë në Listën e Përkohshme të Mbrojtjes së Monumenteve tash e tre vite. Gjatë kësaj kohe ky aset nuk është futë në Listën e Përhershme të Mbrojtjes së trashëgimisë kulturore, e që është detyrim ligjorë të bëhet në periudhë njëvjeçare pas përfshirjes në listë. Kësisoj do të përcaktoheshin vlerat e ndërtesës si dhe parimet bazë mbi të cilat monumenti do duhej të restaurohej dhe adaptohej, dhe se të gjitha aspektet me vlerë, që do të mund të ishin përtej fasadës dhe ruajtjes së saj, do të inkorporoheshin në detyrën projektuese të konkursit të organizuar nga Komuna e Prishtinës. Në këtë mënyrë qeverisja lokale do ta kishte edhe më të lehtë trajtimin e këtij monumenti. Andaj kërkojmë nga Komuna e Prishtinës në përzgjedhjen e fituesit të konkursit për projektimin dhe adaptimin e kompleksit ish Germia për sallë koncertale, ti qëndrojnë besnik parimeve bazë të ruajtjes dhe adaptimit të monumenteve. / KultPlus.com
Në javë e ardhshme do të hapet konkursi ndërkombëtar për projektimin arkitektonik të Sallës Koncentrale, konkurs ky që do të zgjas që do të zgjas 75 ditë, shkruan KultPlus.
Nëpërmjet një postimi në Facebook , Kryetari i Komunës së Prishtinës, Shpend Ahmeti ka bërë të ditur se projekti i adaptimit te objektit ish Gërmia për Sallë Koncertale do të bëhet në atë mënyrë që të ruajnë elementet e trashëgimisë që ka ky vend.
“Konkursi ndërkombëtar për projektimin arkitektonik të kësaj Salle Koncertale do të hapet javën e ardhshme dhe do të zgjasë 75 ditë. Përmes këtij projekti do të ruajmë elementet e trashëgimisë të cilat i ka ky objekt duke e adaptuar në Sallë Koncertale që do të ketë sallën e madhe me 800 ulëse dhe sallën e vogël me 200 ulëse”, ka shkruar Ahmeti.
Tutje ai ka shtuar se përzgjedhja e projekteve do të bëhet nga juria profesionale që do të ketë edhe anëtarë ndërkombëtar, si dhe çmimi i parë do të shpërblehet me 50.000 euro.
Më poshtë mund të lexoni statusin e tij të plotë
Jam jashtëzakonisht i lumtur që sot bashkë me Drejtoreshën për Kulturë Blerta Basholli gjatë konferencës për shtyp i shpalosem detajet lidhur me projektin e adaptimit te objektit ish Gërmia për Sallë Koncertale.
Konkursi ndërkombëtar për projektimimin arkitektonik të kësaj Salle Koncertale do të hapet javën e ardhshme dhe do të zgjasë 75 ditë. Përmes këtij projekti do të ruajmë elementet e trashëgimisë të cilat i ka ky objekt duke e adaptuar në Sallë Koncertale që do të ketë sallën e madhe me 800 ulëse dhe sallën e vogël me 200 ulëse.
Juria profesionale e cila do të bëjë përzgjedhjen e projekteve do të ketë anetarë ndërkombëtare dhe cmimi i parë do të shpërblehet me 50.000 euro.
Salla Koncertale do të jetë nikoqire e komunitetit të artistëve vendorë e ndërkombëtare dhe do të pasurojë dhe përmirësojë cilësinë e jetës kulturore të Prishtinës./ KultPlus.com
Bujar Meholli
Në objektin e Filharmonisë së Kosovës u mbajt konferenca e organizuar nga Filharmonia e Kosovës, Fakulteti i Arteve – Dega e artit muzikor dhe komuniteti i muzikës klasike, në të cilën u shpalosën brengat që ata kanë për mos ndërtimin e sallës koncertale.
15.4 milion euro janë planifikuar për ndërtimin e kësaj salle në kryeqytet. Mirëpo siç shihet, projekti do të dështojë dhe për këtë kanë reaguar artistët, të cilët janë të indinjuar me mos realizimin e këtij projekti, për mos ndërtimin e një salle të tillë për të cilën ka shumë nevojë.
Valbona Petrovci, Besa Luzha dhe Visar Kuçi folën para audiencës duke i shprehur shqetësimet e tyre dhe masat që planifikojnë t’i marrin nëse gjërat nuk ndryshojnë. Besa Luzha, profesoreshë në Fakultetin e Arteve tha se gjithë komuniteti artistik është indinjuar për ridestinimin e atyre parave, rrjedhimisht për mos realizimin e projektit.
“Gjithë ajo përgatitje, gjithë ajo shpresë që të kemi një sallë koncertale për aktivitetet e këtyre institucioneve që janë dëshmuar siç duket po dështon për shkak të mos koordinimit të institucioneve”. “Neve si komunitet artistik”- vazhdoi Luzha, “nuk na intereson se kush nuk e ka kryer detyrën e vet dhe kush e ka fajin. Ne mendojmë se duhet që kushdo që ka përgjegjësi dhe detyrë në këtë punë të ulen dhe ta gjejnë zgjidhjen ma të mirë të mundshme që mos ta humbim këtë donacion, sepse është vështirë me ardh në këtë momentum ku kemi qenë”, potencoi ajo.
Më tej, Luzha tha se nëse nuk ka kurrfarë zgjidhje për këtë punë ata si komunitet artistik do të marrin masa duke i ndërprerë të gjitha aktivitetet.
Edhe Valbona Petrovci, profesoreshë në Fakultetin e Arteve shprehu indinjatën e saj duke e quajtur të pafalshme atë çfarë kanë bërë institucionet në lidhje me sallën koncertale.
“Shprehim indinjatën tonë të thellë për këtë problem me sallën koncertale. Tash e 45 vjet, Fakulteti i Arteve ka prodhuar kuadro elitarë që e kanë përfaqësuar denjësisht këtë shtet dhe tani të lejohet që gjithë këto kuadro të mos kenë ku të performojnë, kjo është e pa tolerueshme”, tha ajo.
“Shpresojmë që do të ketë mendje të hapura, të cilat do ta mundësojnë ndërtimin e kësaj salle”, përfundoi Petrovci, derisa Visar Kuçi që është anëtar i Filharmonisë shprehi po ashtu shqetësimin e tij dhe të gjithë komunitetit artistik.
“Për Filharmoninë kjo sallë ka qenë e rëndësishme, sepse siç dihet Filharmonia nuk e ka shtëpinë e vet. Kjo është e keqe edhe për ata që dëshirojnë me i dëgju koncertet e Filharmonisë, s’kanë qenë të rëndësishme detajet, e as lokacioni se ku do të ndërtohej. Me rëndësi ka qenë ndërtimi i saj, por sipas lajmeve të fundit ky ndërtim do të dështojë dhe kjo tregon papërgjegjësi të madhe nga ana e politikanëve dhe atyre që e kanë pasur në dorë këtë punë. Ne jemi të shqetësuar, dhe së shpejti do të dalim me një komunikatë. Po shpresojmë që gjërat kanë me ndryshu, përndryshe kjo është një katastrofë e madhe”, përfundoi Kuçi. / KultPlus.com
Sarandë B. Rugova
Zyra e Bashkimit Evropian në Kosovë kishte ndarë një fond prej 15.4 milionë eurosh për ndërtimin e sallës koncertale në Prishtinë, por ky projekt tashmë ka dështuar si pasojë e ndërhyrjes së politikës me arsyetimin se nuk kanë gjetur objektin adekuat për vendosjen e kësaj salle, shkruan KultPlus.
Për ketë dështim të institucioneve lokale dhe qendrore ka pasur reagime të shumta nga ana e politikës të cilët gjuajnë ‘gurin’ te njëri-tjetri por, asnjëri prej tyre nuk e pranon fajin e një dështimi të tillë madhor.
Disa nga qeveritarët thonë se këto mjete nuk janë të humbura por do të ridestinohen për dekomisionimin e termocentralit “Kosova A”, mirëpo Zyra e Bashkimit Evropian në Kosovë në konfirminin zyrtar nuk ka dhënë asnjë sqarim rreth kësaj çështje.
Fillimisht është propozuar për rrënimin e mundshëm të ish-objektit të Gërmisë, mirëpo ka pasur reagime nga qytetarët por edhe nga vetë artistët, madje ishte nënshkruar edhe një peticion i cili kërkonte të mbrohej objekti përkatës, pasi cilësohet si një nga objektet më ikonike në kryeqytet.
Ndërsa analisti Shkelzen Maliqi i cili ishte kategorikisht kundër rrënimit të objektit të Gërmisë, tashmë përmes një statusi në rrjetin social Facebook për ketë dështim fajëson Beza Luzhën dhe kryetarin e Prishtinës Shpend Ahmetin, të cilët nuk zgjodhen ndonjë alternativë tjetër ku do të mund të ndërtohej salla koncertale.
“Besa Luzha dhe lobi që Sallën Koncertale e donte aty ku është objekti i ish Shtepisë së Mallrave “Gërmia” po akuzojnë komunitetin e artistëve figurativë dhe arkitektët se e kanë penguar ndërtimin e Sallës koncertale, pasi që qenka ridestunuar fondi i premtuar i BE-së. Kjo nuk është e saktë. Askush nuk ka qenë kundër sallës, por është kërkuar që të caktohet lokacion tjetër në qendër të Prishtinës . Unë kam argumentuar se “Germia” është objekt me vlera arkitektonike dhe i përshtatshëm për Muze të arteve bashkëkohore, që është po aq i nevojshëm sa edhe salla koncertale. Shpend Ahmeti dhe Besa Luzha kanë insistuar që të rrëzohet “Germia” edhe kur është vënë nën mbrojtje, në vend që të përcaktohen për alternativa. Mundesia per financimin e salles nuk është humbur, por mbetet që të jemi solidar dhe angazhohemi për dy objekte kapitale të kulturës dhe jo të akuzohemi mes veti”, u shpreh Maliqi.
Në anën tjetër pianistja dhe aktivistja Besa Luzha reagoi duke thënë se pikërisht ky reagim e la Prishtinën pa sallën përkatëse.
“Falë këtyre kompetentëve dhe juve që e nisët këtë kundërshtim, 15 milionë shkojnë në Kosovën A. Nuk jemi në garë kush cilin qëndrim e ka pasë, e kush mirë e kush keq. Unë i respektoj opinionet e të gjithë juve që kundërshtuat lokacionin, sigurisht të prirë nga interesa pozitivë në parim, mbrojtja e kujtesës eyj…ato janë vlera të mira. Por fakt mbetet që ky kundërshtim e la Prishtinën pa salllë dhe 15 milionë u humbën ose rrezikojnë të humben. E për fat të keq, kundërshtimin e bënë njerëz që do të duhej të ishin të parët për shtyerjen e projektit përpara, me dashamirësi”, reagoi Luzha.
Ndërsa Yll Rugova, Drejtor i Kulturës po ashtu përmes një statusi në Facebook thotë se ky fond është siguruar me inistim shumë të madh të drejtorisë dhe me ndihmën e Ambasades së Francës, i cili është ndarë për të ndihmuar zhvillimin e kulturës në Kosovë. E veçanërisht për të përmirësuar infrastrukturën shumë të mangët kulturore të kryeqytetit.
Prishtina është i vetmi kryeqytet në Evropë pa sallë të operës dhe pa sallë koncertale.
“Mbaj mend sa shumë punë është dashur që fillimisht të sigurojmë ato fonde, e më pas edhe për të përmbushur kërkesat e Komisionit Evropian me komunikim të vazhdueshëm me ta, me punë të thelluar në përzgjedhje të lokacioneve, me ekspertizë lokale e ndërkombëtare, e me bashkëpunim ndërinstitucional dhe komunikim të vazhdueshëm me komunitetin dhe mediat. Më duket e dhimbshme që i gjithë ky interesim dhe entuziazëm i yni dhe i komunitetit tash po shkon huq për shkak të dembelisë që po mbizotëron. Kjo dembeli po e cungon zhvillimin e kryeqytetit jo vetëm në fushën e kulturës, po në të gjitha sferat e saj. Sepse përveç rolit kulturor, salla koncertale kish me ndiku pozitivisht edhe në përmirësimin e infrasturkturës urbane në kryeqytet”, shprehet dejtori Rugova.
Përveç këtyre ka edhe reagime të tjera në vazhdën e tyre, në njërën anë mjaft zhgënjyese ndërsa në anën tjetër debate fajësimi midis figurave të institucioneve pa ndonjë epilog të qartë. /KultPlus.com
Dje ministri i Ministrisë së Kulturës Kujtim Gashi, ka njoftuar se tashmë ka nënshkruar vendimin për aprovimin e Listës së Trashëgimisë Kulturore për Mbrojtje të Përkohshme me 1595 asete, të cilat do t’i nënshtrohen masave dhe regjimit mbrojtës sipas Ligjit për Trashëgiminë Kulturore.
Ndër këto asete është edhe Qendra Tregtare – Gërmia në Prishtinë, e cila së fundmi ka krijuar shumë ‘telashe’ mes komunitetit artistik, shkruan KultPlus.
Gërmia, ishte lokacioni ku u vendos të bëhet Salla Koncertale e Kosovës, por që rrënimi i saj i mundshëm krijoj panik dhe përçarje të komunitetit.
Kësisoj, dje pas vendimit të ministrit krejt kjo u hodh në ujë, pasi që, tashmë është e pamundur të preket ky aset që është nën mbrojtje të Trashëgimisë Kulturore.
Po sjellim reagimin e drejtorit ekzekutiv të Rrjetit të Institucioneve të Pavarura të Artit dhe Kulturës – RRIPAK, Albert Heta i cili theksonë që tash do të ketë një fazë të re, sipas tij, do të jetë një proces transparent.
Ky është reagimi i plotë pa ndërhyrje nga redaksia e KultPlus:
Tash, kur ndertesa e Shtepise se Re te Mallrave “Germia” eshte e mbrojtur me ligj, dhe nuk mundet me u rrenu, me asnje arsyetim, as me me u trajtu si lokacion, eshte shume me rendesi me u siguru qe projekti per sallen e re koncertale me vazhdu duke kalu ne faze te re.
Per kete faze te re duhet te niset nje proces i ri transparent dhe gjitheperfishires, qe siguron qe projekti te zhvillohet me mbeshtetjen e ekspetizes se vendit, qe perfshine arkitektet, urbanistet, sociologet, antropologet, studiuesit e politikave pubiike ne art dhe kulture dhe profesinistet me te mire te skenes muzikore te vendit, qe e kane percjelle pa u ndale zhvillimin e kesaj skene.
Projekti duhet me siguru kushte te reja pune dhe zhvillim per skenen muzikore ne Prishtine dhe publikun e Prishtines dhe te Kosoves. Projekti nuk guxon me deshtu per shkak te gabimeve dhe vendimeve problemstike per projektin.
Nga traskripti i mbledhjes se organizuar nga Rrjeti i Institucioneve të Pavarura të Artit dhe Kulturës – RRIPAK me pjesemarrjes Drejtorin e Drejtoratit te Kultures ne Komuna e Prishtinës Yll Rugova, Kryetarin e Asociacionit te Arkitekteve te Kosoves, Astrit Nixha, profesorin e Fakultetit te Ndertimtarise dhe Arkitektures Ilir Gjinolli, filozofin, publicistin dhe kritikun e artit Shkelzen Maliqin dhe perfaqesuesit e institucioneve anetare te RRIPAK, mundem me shkoqite informaten e perbledhur per nevojat aktuale te skenes, te paraqituare nga profesionistet dhe perfaqesues te institucioneve anetare.
Ne Kosove aktualisht, gjate nje viti, organizohen afer 50 koncerte te muzikes klasike. Prej 50 koncerteve te tipit te ndryshem, simfonik, vokalo-instrumental, kamertal, solistik, afer 10 koncerte organizohen nga Filharmonia e Kosoves, ne te cilat graviton nje publik prej afer 1000 personave. Koncertet e tjera kamertale, vokalo-instrumentale, solistike, qe organizohen nga institucionet e pavarura te artit dhe kultures ne Kosove, i mbledhin prej 200 deri 300 persona ne nje koncert.
Edhe prej debatit te mbajtur edhe diskutimeve publike te mbajtura ne kete kohe, si pasoje e vendimeve te gabueshme per projektin, mundemi me perfundu qe nevoja kryesore per nje salle koncerate eshte nevoja qe Filharmonia e Kosoves te kete nje salle te re, e cila asesi nuk duhet te jete me e vogel se nje salle qe mundet me i pase prej 1000 deri 1200 ulese per publikun. Prishtina eshte Kryeqytet.
Projekti i tille cfare eshte prezentu deri tash ne publik, pervec gabimeve te tjera te medha, i fokusuar ne ndertimin e nje salle koncertale me 600 ulese, numer ky i pershtatur gabimisht per nje lokacoin inekzistent, nuk kishte me zgjidhe kete problem te skenes sone.
Ky problem i preke edhe institucionet e pavarura te artit dhe kultures te cilat ne programin e tyre muzikor cdo vit e kane se paku nje bashkepunim te rendesishem me Filharmonine e Kosoves. Ky bashkepunim eshte bashkepunim model dhe me interes edhe per zhvillimin e institucioneve te pavarura te artit dhe kultures edhe per zhvillimin e Filharmonise se Kosoves.
Palet e perfshira ne nismen, Komuna e Prishtinës, Kryetari Ahmeti, dhe Zyra e BE-se European Union Kosovo, qe do te duhej me u mbeshtete me fondet e IPA 2019, pervec gjetjes se lokacionit per projektin, te bazuar ne rekomandimet e profesionisteve dhe eksperteve, duhet te kordinohen me Ministria e Kulturës, Rinisë dhe Sportit – MKRS, Ministrin Kujtim Gashi, mekanizmat dhe institucionet e pavarura te artit dhe kultures, mekanizmat dhe profesionistet e arkitektures dhe urbanizmit, por edhe kapacitete e tjera shoqerore dhe profesionale, qe te sigurohen qe te behet gjithcka qe eshte e mundur qe procesi i ri te reflektoje interesin e perbashket te institucioneve komunale edhe qendrore qe funksionojne ne Prishtine, dhe te mbeshtetet ne nje paradigme te re te zhvillimit per artin dhe kulturen ne Prishtine dhe Kosove si pjese e rendesihme e zhvillimit shoqeror dhe ekonomik te Prishtines dhe Kosoves. Ky investimi duhet te jete pjese e nje strategjie zhvillmi dhe te krijoje kushte per zhvillimin e hovshem te skenes se muzikes ne Kosove, artit dhe kultures dhe shoqerise kosovare.
Ne si RRIPAK, si edhe deri tani, jemi te gatshem te ofrojme mbeshtetje per nje proces te ri, qe duhet te sherbeje si model edhe per projektet e tjera qe duhet te zhvillohen njertrajtesisht, per interesin e gjithembarshem publik./ KultPlus.com
Në lidhje me prononcimin e Kryetarit të Komunës së Prishtinës se Zyra e Bashkimit Evropian mund të financojë ndërtimin e Sallës Koncertale, kjo e fundit ka dalë me një qëndrim, shkruan KultPlus.
Përmes postimit në Facebook, Zyra e Bashkimit Evropian ka treguar se financimi i projektit është një lloj konfirmim nga Komisioni Evropian. Mirëpo, fillimisht sipas tyre duhet që të caktohet një lokacion.
“Në lidhje me atë se BE mund të financojë ndërtimin e sallës koncertale, fillimisht duhet që të caktohet një lokacion i duhur nga ana e Komunës. Ne jemi momentalisht duke pritur që Kryetari i Komunës të sigurojë një lokacion të tillë, pa pengesa ligjore apo teknike. Pasi që kjo të bëhet, hapat e tjerë dhe thirrja për të dizajnuar sallën koncertale mund të vazhdojnë”, është shkruar në reagimin e Zyrës së Bashkimit Evropian.
Tutje në postim thuhet se Bashkimi Evropian punon vazhdimisht për të përmirësuar jetën e njerëzve në Kosovë ku shumë e rëndësishme është edhe kultura.
Projekti për Sallën Koncertale do të mbështetet me vlerën prej 15.4 milionë euro, nga fondet e Bashkimit Evropian, ndërsa projekti fitues pritet të përzgjidhet deri në fund të vitit. /KutlPlus.com
Kryetari i Komunës së Prishtinës Shpend Ahmeti, sot priti në takim kryeministrin e Republikës së Kosovës Ramush Haradinaj, pikërisht në objektin e Komunës së Prishtinës, shkruan KultPlus.
Në këtë takim, përveç të tjerash, u bisedua edhe për sallën koncertale apo pallatin e operës, objekt ky i cili në fushatën e fundit ka qenë një pikë e fortë për të gjithë kandidatët e veçmas për kryetarin Ahmeti.
Sipas, njoftimi të bërë nga i pari i kryeqytetit, në rrjetin social Faebook, mbi atë se për çfarë janë dakorduar me kryeministrin Haradinaj, është edhe zhvendosja e ATK-së që është në qendër të Prishtinës ku objekti i kësaj administrate do të shfrytëzohet si sallë koncertale apo pallat i operës, përcjell KultPlus.
“Po ashtu, u dakorduam për krijimin e një Task Force për zhvendosjen e një pjese të administratës shtetërore në periferi të qytetit, duke filluar nga largimi i ATK-së, ashtu që atë objekt ta shfrytëzojmë si sallë koncertale apo pallat të operës”, thuhet ndër të tjera në njoftimin e Shpend Ahmetit./ KultPlus.com
