Filmi i ri nga Samir Karahoda, “Rrugës”, është përzgjedhur zyrtarisht për garën e filmave të shkurtër në edicionin e 77-të të Festivalit të Kanës . Kjo është hera e dytë që një film në regji të Samir Karahodës përzgjedhet për garën zyrtare të Festivalit më prestigjioz në botë, pas filmit “Pa Vend” që e kishte premierën në Cannes në vitin 2021.
Filmi “Rrugës” sjell tregimin e një babai dhe djalit të tij në rrugën e tyre për në aeroport për të marrë një dhuratë të ardhur nga jashtë, e dërguar nga kumbari i djalit. Ndërsa përballen me pengesa burokratike dhe një perspektivë të pakëndshme për ndryshime reale politike dhe sociale në vendin e tyre, ata gjejnë ngushëllim dhe forcë në optimizmin e tyre të përbashkët për të ardhmen.
“Rrugës” është shkruar nga Samir Karahoda dhe djali i tij Mironi, duke integruar tregime personale dhe elemente autobiografike, që pasqyrojnë shqetësimet e tyre për të ardhmen e vendit. Gjatë këtij udhëtimi të shkurtër, udhëtimi i tyre bëhet një eksplorim i lidhjes së tyre mes sfidave shoqërore dhe pasigurisë që ata kanë në atdheun e tyre.
Në rolet kryesore paraqiten Ylber Mehmeti dhe Miron Karahoda. Samir Karahoda përveç regjisë dhe skenarit, gjithashtu ishte edhe drejtor i fotografisë. Filmin e montoi me mjeshtëri Enis Saraçi.
Filmi është produksion i ‘SK Pictures’ me producentë Eroll Bilibani dhe Samir Karahoda.
“Rrugës” është mbështetur nga Qendra Kinematografike e Kosoves, Televizioni Kulturor Europian ‘ARTE’ dhe Televizioni Finlandez ‘Yle’.
Filmi në Cannes do të prezantohet më 24 maj, në ora 11:00 dhe është në garë për çmimin prestigjioz “Palma e Artë”. / KultPlus.com
Filmi i ri nga Samir Karahoda, “Rrugës”, është përzgjedhur zyrtarisht për garën e filmave të shkurtër në edicionin e 77-të të Festivalit të Kanës . Kjo është hera e dytë që një film në regji të Samir Karahodës përzgjedhet për garën zyrtare të Festivalit më prestigjioz në botë, pas filmit “Pa Vend” që e kishte premierën në Cannes në vitin 2021.
Nga 4,420 filma, “RRUGËS” është përzgjedhur mes 11 filmave të shkurtër nga 11 shtete që do të prezantohen këtë vit në konkurrencë. Kosova, Azerbajxhani, Brazili, Bullgaria, Kanadaja, Kina, Kroacia, Franca, Lituania, Portugalia dhe Shtetet e Bashkuara te Amerikes. Palma e Artë për Filmin e Shkurtër do të jepet nga Juria e kryesuar nga Lubna Azabal, të shtunën, më 25 maj, gjatë ceremonisë së mbylljes së Festivalit të 77-të të Kanës.
Filmi “Rrugës” sjell tregimin e një babai dhe djalit të tij në rrugën e tyre për në aeroport për të marrë një dhuratë të ardhur nga jashtë, e dërguar nga kumbari i djalit. Ndërsa përballen me pengesa burokratike dhe një perspektivë të pakëndshme për ndryshime reale politike dhe sociale në vendin e tyre, ata gjejnë ngushëllim dhe forcë në optimizmin e tyre të përbashkët për të ardhmen.
“Rrugës” është shkruar nga Samir Karahoda dhe djali i tij Mironi, duke integruar tregime personale dhe elemente autobiografike, që pasqyrojnë shqetësimet e tyre për të ardhmen e vendit. Gjatë këtij udhëtimi të shkurtër, udhëtimi i tyre bëhet një eksplorim i lidhjes së tyre mes sfidave shoqërore dhe pasigurisë që ata kanë në atdheun e tyre.
Në rolet kryesore paraqiten Ylber Mehmeti dhe Miron Karahoda. Samir Karahoda përveç regjisë dhe skenarit, gjithashtu ishte edhe drejtor i fotografisë. Filmin e montoi me mjeshtëri Enis Saraçi.
Filmi është produksion i ‘SK Pictures’ me producentë Eroll Bilibani dhe Samir Karahoda.
“Rrugës” është mbështetur nga Qendra Kinematografike e Kosoves, Televizioni Kulturor Europian ‘ARTE’ dhe Televizioni Finlandez ‘Yle’./ KultPlus.com
Filmi me titull pune “My godfather sent me an iphone” është tregim i rrënjosur thellë në përvojat dhe bisedat e përditshme të babait (Ylber Ballata) dhe djalit të tij 12-vjeçar (Miron Karahoda) si dhe eksporim prekës i lidhjeve familjare dhe kompleksitetit të zgjedhjes përballë ndryshimeve shoqërore.
Udhëtimi i tyre drejt aeroportit për të marrë një iPhone, dhuratë nga kumbari i djalit nga diaspora shndërrohet në një dialog të thellë mes tyre, ku trajtohet dilema e qëndrimit apo largimit nga vendlindja. Rrëfimi shpaloset nga ndikimi i emigrimit të miqve të tyre, gjë që e nxitë djalin të mendojë për të mirat që mund të ketë ikja nga Kosova.
Në regji të filmbërësit dhe drejtorit të fotografisë të mirënjohur ndërkombëtarisht Samir Karahoda, filmi sjell një përzierje aktorësh profesionistë dhe joprofesionistë, duke përdorur një formë hibride tregimi, i cili po realizohet tërësisht në Kosovë.
Prodhuar nga SK Pictures, i njohur për filmat e njohur si “Në mes” (Berlinale 2019) dhe “Pa vend” (Cannes 2021, Sundance 2022 filmi më i mirë i shkurtër, i nominuar si filmi më i mirë i shkurtë Europian nga Akademia Europiane e Filmit në vitin 2022), filmi ka për producent Eroll Bilibani, organizatore Valmira Hyseni dhe montazheri Enis Saraçi.
Filmi është mbështetur nga Qendra Kinematografike e Kosoves dhe Televizioni Kulturor Europian ARTE!
Në mbrëmjen ‘Nata e Filmit’, ogranizuar nga ETEA, mbrëmë u shfaqën dy filmat e metrazhit të shkurtër ‘Në mes’ dhe ‘Pa vend’ të regjisorit Samir Karahoda, e ku më pas publiku pati mundësini të dëgjojë rrëfimin e regjisorit për rrugëtimin e këtyre dy filmave që nga realizimi por edhe historikun e tij në fushën e filmit dhe fotografisë.
Për publikun që kishin zënë vend në Qendrën për Edukim dhe Kulturë ‘LIBART, Samir Karahoda, rrëfeu zanafillën e lidhjes së tij me filmin e në veçanti me fotografinë, profesion të cilin ai e mori si një fëmijë 15-vjeçar ku u punësua si fotograf në një dyqan në Prizren, përcjell KultPlus.
“Më pas duke e parë që doja të mësoja gjëra të reja, në vitin 1998 kam shkuar në Stamboll ku edhe kreva një kurs për fotografi e atje kam qëndruar deri në vitin 2003’, u shpreh Karahoda.
Karahoda foli po ashtu edhe për filmin e tij ‘Në mes’, film ky i cili është prodhim autentik i Kosovës, dhe që trajton dy tema paralelisht: fenomenin e ndërtimit të shtëpive të njëjta dhe migrimin e cila veçmas theksohet nëpër këto familje. Nëpërmjet personazheve, portretizon marrëdhënien dhe solidaritetin në mes vëllezërve; sakrificën dhe vendosmërinë e prindërve për të mbajtur harmoninë brenda familjes, kuptimin dhe rëndësinë e shtëpisë dhe shpresës në mes kthimit apo jo në vendlindje.
“Fillimisht e kam bërë një projekt të fotografisë në vitin 2011. Pas një kohe kam shkuar në Stamboll dhe ia kam treguar njërit prej profesorëve atje, edhe atij i pëlqy shumë si koncept, koncepti i kësaj tradite dhe ai më tha pse nuk po hyn pak më thellë për me i hulumtu më shumë personazhet sepse ka shumë elemente antropologjike të cilat munden me u përdor edhe si studim në të ardhmen. Në vitin 2017 vendosa t’i vizitoj disa familje dhe të bisedoj me ta dhe kur fillova të flas me ta, doli një tregim komplet tjetër, përveç kësaj tradite doli edhe tema e emigrimit sepse e pashë që ngado që shkoje vetëm një person kishte mbetur në shtëpi, ose prindërit ose vetëm fëmija më i vogël.”, tha Karahoda i cili shtoi se realizimi i këtij filmi i ka zgjatur për afro dy vjet.
Ndërkaq ai u pyet edhe për filmin ‘Pa vend’, i cili po ashtu u shfaq mbrëmë para publikut, e që trajton brengën e ekipit të Ping-pongut në Kosovë, ekip që është pa shtëpi që nga viti 2004.
“Unë këtë ngjarje e di që nga viti 2004, ky ekip prej vitit 2004 e ka këtë problem dhe trajneri ka shkuar që nga viti 2004 te secili kryetar komune në Prizren, e ndoshta mund të bëhet një film akoma më i mirë se ky, sepse ai trajner e ka një histori të jashtëzakonshme.”, u shpreh regjisori.
Regjisori ndër të tjerash foli edhe për mënyrën e realizimit të filmit. Ai po ashtu tregoi se pse në filmin ‘Pa vend’ ai ka përdoru formatin 1:1.
‘I kam bërë disa teste të formateve, sepse kam qenë në dilemë, por formati 1:1 është përshatur më shumë sepse i gjithë fokusi po bie pikërisht në personazhet’, u shpreh regjisori Karahoda duke dhënë detaje për filmin që i mori shtatë muaj kohë deri në realizim.
Filmi ‘Në mes’ dhe ‘Pa vend’ patën një sukses të jashtëzakonshëm edhe në fushën ndërkombëtare duke u shfaqur në festivale të njohura të filmit si në Berlinale, në Festivalin e Kanës, në Sundance, e në shumë festivale të tjera të filmit.
E historinë e gjithë këtij rrugëtimi ndërkombëtar, Karahoda e ndau me pjesëmarrësit në këtë diskutim.
“Ka shkuar producenti në Gjermani e atje ka qenë një lloj ndihme për projektet që kanë mbetur në gjysmë, për të gjetur mjete me i përfundu, e në atë komision ka qenë edhe selektorja e Festivalit të Berlinit, edhe pasi i ka parë disa nga fotografitë e filmit ‘Në mes’, pas tre viteve ajo na ka kërkuar që të aplikojmë zyrtarisht për t’u bërë pjesë e festivalit”, deklaroi Karahoda.
Kurse për përzgjedhjen që iu bë filmit ‘Pa vend’ në Kanë, regjisori thotë se ka përjetuar një emocion shumë të madh pasi e kanë telefonuar nga festivali për ta konfirmuar përzgjedhjen./ KultPlus.com
Organizata jo-qeveritare “ETEA” po sjell ngjarjen e radhës të Qendrës “Libart” e që do të jetë shfaqja e filmave “Pa vend” dhe “Në mes” si dhe diskutim me autorin Samir Karahoda.
Ngjarja do të mbahet sot, më datë 16.11.2022 në Qendren “Libart”, me fillim nga ora 18:00.
Pas shfaqjes së filmave “Në mes” dhe “Pa Vend” do të kemi mundësinë të takoheni dhe dëgjoni një bashkëbisedim mes Samir Karahodës dhe Doki Qerimit. / KultPlus.com
Ambasador i Republikës së Kosovës në Lisbonë, Ylber Kryeziu ka pritur sot në takim regjisorin Samir Karahoda, shkruan KultPlus.
Karahoda jo rastësisht gjendet në Lisbonë. Filmi i tij “Pa Vend” i cili ka fituar çmime gjithandej nëpër festival botërore, sonte pritet të shfaqet premierë në Festivalin e Filmit “IndieLisboa”.
Ambasadori Kryeziu a ka ndarë një fotografi me Karahoden duke i uruar suksese tutje Samirit.
“Me Samir Karahoda, fotografin, regjisorin dhe programerin e festivalit më të njohur të filmit në Kosovë, #DokuFest.
Samiri po qëndron në Lisbonë, ku po merr pjesë në festivalin e filmit #IndieLisboa dhe sonte pritet të shfaqet premiera e filmit te tij, “Pa Vend”, i cili ka fituar çmime gjithandej festivaleve më të rëndësishme europiane. Suksese Samir!”, shkruan Kryeziu.
Filmi “Pa Vend” sjell rrëfimin e klubit më të suksesshëm të ping pongut nga Prizreni ‘Lidhja e Prizrenit’ duke rikrijuar historinë e protagonistëve nga paslufta në kontekstin e situatës së sotme.
Filmi i zhanrit docu-fiction përcjell përpjekjet e vazhdueshme të Jetonit dhe Ermeganit të udhëhequr nga trajneri i tyre Rifati që të mbajnë sportin e ping pongut gjallë duke zhvilluar gjenerata të reja të ping pongistëve./KultPlus.com
Filmi “Pa vend” me regji të Samir Karahodës përzgjedhet edhe në festivalin numër një të filmit të shkurtër në Skoci, përcjell KultPlus.
“Pa vend” do të shfaqet në Festivalin e Filmit të Shkurtër në Glasgow.
Kjo do të jetë edhe premiera skoceze për ‘Pa vend’. Ndërkaq, festivali do të mbahet nga 23-27 mars në Glasgow, Skoci.
Filmi “Pa vend” i zhanrit docu-fiction përcjellë përpjekjet e vazhdueshme të Jetonit dhe Ermeganit të udhëhequr nga trajneri i tyre Rifati që të mbajnë sportin e ping pongut gjallë duke zhvilluar gjenerata të reja të ping pongistëve. / KultPlus.com
Dje në sallën Jean Cocteau në Festivalin e Filmit të Shkurtë Clermont-Ferrand Short Filmfestival të Francës u shfaq filmi “Pa vend” ku prezent ishte edhe autori i filmit Samir Karahoda.
Kjo ishte shfaqja e 5-të gjatë të këtij festivali ndërsa edhe dy të tjera do të shfaqen deri më datën 5 kur edhe përfundon edicioni i 44’të i festivalit.
Festival du court métrage de Clermont-Ferrand është Festivali më i madh dhe më i rëndësishëm në botë për filmat e shkurtër dhe këtë vit nga 6200 aplikime 77 u zgjodhën pë pjesëmarrje ndërsa Pa vend garon në programin ndërkombëtar.
“Pa Vend” nga Samir Karahoda fitoi çmimin e jurisë si filmi më i mirë i shkurtër dokumentarë në edicionin e vitit 2022 të Festivalit të Filmit Sundance. /KultPlus.com
Filmi kosovar ”Pa Vend” triumfon në Sundance Film Festival.
“Pa Vend” nga Samir Karahoda fiton çmimin e jurisë si filmi më i mirë i shkurtër dokumentarë në edicionin e vitit 2022 të Festivalit të Filmit Sundance.
Juria e filmave të shkurtër përbëhet nga: Penelope Bartlett, Kevin Jerome Everson, dhe Blackhorse Lowe.
Ata deklaruan motivacionin: “Xhiruar dhe montuar me mjeshtëri, me një ndjeshmëri sfilitëse që e bën atë pothuajse të ndihet si film narrativ, ky vëzhgim delikat, i saktë i një komuniteti të vendosur për të pasur sukses dhe të shkëlqejë në sportin e tyre të dashur, pavarësisht mungesës së burimeve, apo edhe një vendi për t’u mbledhur për lojë, flet fuqishëm për qëndrueshmërinë njerëzore.”
Kjo konsiderohet si një sukses tjetër i jashtëzakonshëm në kinematografinë kosovare. / KultPlus.com
Regjisori i njohur kosovar Samir Karahoda është ftuar të bëhet pjesë e Akademisë Evropiane të Filmit.
Filmi dokumentar i shkurtër ‘Në mes’ ishte debutimi i tij regjisorial, i cili në 2019 shfaqi premierën botërore në Berlinale si filmi i parë kosovar që konkurroi në këtë festival. ‘Në mes’ ishte gjithashtu edhe kandidat për çmimin e Akademisë Evropiane të Filmit EFA në 2019. ‘Pa vend’ është filmi i tij i dytë me metrazh të shkurtër i cili shfaqi premierën në konkurencën zyrtare në Festivalin e Filmit në Kanë në 2021 dhe prej nga u shpërblye me nominim për çmimin e Akademisë Evropiane EFA për filmin më të mirë evropian.
Në shtator 2021, ‘Pa vend’ fitoi çmimin ‘IMDb Pro shortcuts’ si filmi më i mirë i shkurtër në Festivalin Ndërkombëtar të Filmit në Toronto.
Samir Karahoda në vitin 2019 është shpërblyer me çmimin vjetor të kinematografisë nga Ministria e Kulturës.
Akademia Evropiane e Filmit u themelua më 1989 si Shoqëri Evropiane e Kinemasë nga presidenti i saj i parë Ingmar Bergman dhe 40 kineast të tjerë për të çuar para interesat e industrisë evropiane të filmit. Synimet e Akademisë janë të ndajë njohuritë dhe të edukojë audiencën e të gjitha moshave rreth kinemasë evropiane. EFA momentalisht numëron rreth 4200 anëtarë nga lëmi të ndryshme të kinematografisë. Samiri i bashkohet grupit të rreth 20 kinestëve kosovar tashmë anëtarë të EFA-s. / KultPlus.com
Pa Vend nga Samir Karahoda pas Kanës, Torontos dhe Nominimit për Filmin më të mirë të shkurtër Evropian, arrinë të përzgjedhet edhe në festivalin ‘SUNDANCE’, përcjell KultPlus.
Gjithçka filloi nga një përpjekje për të treguar rrëfimin e një grupi entuziastësh që me çdo kusht donin ta mbanin gjallë sportin e pingpongut në Kosovë.
Ky rrëfim i tyre e inspiroi regjisorin Samir Karahoda që ta trajtoj këtë temë nëpërmjet filmit duke i angazhuar protagonistët e njëjtë të rikrijojnë skenat ashtu siç kanë ndodhur në vitet e pasluftës. Protagonistët e entuziazmuar që tregimi i tyre do të rrëfehet e dhanë maksimumin e tyre gjatë produksionit të filmit, që pas përfundimit të xhirimeve arriti ta dërgoj Kosovën në festivalin prestigjioz të Kanës, ku edhe u përzgjedh si kandidat i këtij festivali për Çmimin Vjetor të Akademisë Evropiane të Filmit.
Nesër në Berlin në ceremoninë vjetore të ndarjes së çmimeve filmi ‘PA VEND’ do ta përfaqësoj Kosovën, përsëri si filmi i parë i një regjisori nga Kosova.
Pas premierës botërore filmi e filloj një rrugëtim shumë intenziv nëpër festivale prestigjioze të filmit, duke kulminuar me çmimin kryesor ‘IMDB Pro Short Cuts’ në njërin ndër festivalet më të rëndësishëm në botë ‘Toronto International Film Festival’. Me këtë çmim, ‘Pa vend’ zyrtarisht kualifikohet për kategorinë e filmit të shkurtër për Oscars 2022.
Sot për ekipin e filmit ‘PA VEND’ të Samir Karahodës është përsëri një ditë e veçantë, pasi që filmi është pranuar në programin garues të filmave dokumentar të shkurtër të festivalit më të madh në SHBA, atë të Sundance. Kjo korespondon edhe me 40 vjetorin e themelimit të ‘Sundance Institute’.
Suksesi i filmit është përtej të gjitha pritjeve pasi që ka arritur të përzgjedhet në 3 nga 5 festivalet më të rëndësishme në botë, si dhe ka arritur të fitoj 7 çmime në festivale brenda vetëm 5 muajve. / KultPlus.com
Filmi ‘Pa vend’ nga Samir Karahoda është nominuar në Festivalin e Filmit ”European Film Awards”, ku konkuron për çmimin Evropian të filmit të shkurtër, përcjell KultPlus.
Lajmi u bë i ditur në faqen zyrtare të European Film Awards në rrjetin social Facebook.
Filmi “Pa vend” i zhanrit docu-fiction përcjellë përpjekjet e vazhdueshme të Jetonit dhe Ermeganit të udhëhequr nga trajneri i tyre Rifati që të mbajnë sportin e ping pongut gjallë duke zhvilluar gjenerata të reja të ping pongistëve.
Filmi është produksion i shtëpisë filmike SK PICTURES dhe është mbështetur nga Qendra Kinematografike e Kosovës, Komuna e Prishtinës, Komuna e Prizrenit, Mabetex Group, TV Arte, TV Yle, Dokufest dhe distribuohet nga Radiator IP Sales.
“Pa Vend” me regji të Samir Karahodës, ka fituar çmimin kryesor për filmin e shkurtë në Cinemed, Festivalin Mediteran në Montpellier në Francë, përcjell KultPlus.
Filmi “Pa Vend” sjell rrëfimin e klubit më të suksesshëm të ping pongut nga Prizreni ‘Lidhja e Prizrenit’ duke rikrijuar historinë e protagonistëve nga paslufta në kontekstin e situatës së sotme.
Filmi i zhanrit docu-fiction përcjell përpjekjet e vazhdueshme të Jetonit dhe Ermeganit të udhëhequr nga trajneri i tyre Rifati që të mbajnë sportin e ping pongut gjallë duke zhvilluar gjenerata të reja të ping pongistëve./KultPlus.com
Pas suksesit të jashtëzakonshëm të filmave vendorë në Festivalin e Filmit në Sarajevë, ka reaguar Ministria e Kulturës, Rinisë dhe Sportit, me ç’rast ata janë shprehur se Kosova ka marrë disa prej çmimeve kryesore në këtë festival e për çka ata ndjehen mjaft krenarë, përcjellë KultPlus.
“Ne i urojmë për këto çmime dhe shpresojmë që sukseset e tyre të vazhdojnë”, ka shkruar MKRS-ja.
KultPlus ju sjell njoftimin e plotë të tyre:
Filmat nga Kosova marrin disa prej çmimeve kryesore në Festivalin e Filmit në Sarajevë Sukseset e filmave kosovar në festivalet më të mëdha ndërkombëtare të filmit po vazhdojnë. Kësaj radhe në Sarajevë tre filmat e vendit tonë, “Luaneshat e kodrës”, “Në kërkim të Venerës” dhe “Pa Vend” ia kanë dal të marrin disa prej çmimeve kryesore. Aktoret Flaka Latifi, Era Balaj dhe Uratë Shabani – që janë pjesë e filmit “Luaneshat e kodrës”, nën regjinë e Luana Bajramit kanë fituar çmimin “Zemra e Sarajevës për aktoren më të mirë”. Filmi “Në kërkim të Venerës”, nën regjinë e Norika Sefës ka fituar çmimin “Përmendje speciale për barazi gjinore”. Ndërsa filmi i metrazhit të shkurtë “Pa vend”, me regji të Samir Karahodës është shpërblyer me çmim special në këtë festival, çmim që i është ndarë nga juria profesionale. Sukseset e tyre po na bëjnë krenar të gjithëve, ndërsa po tregojnë potencialin që ka vendi ynë në këtë fushë. Ne i urojmë për këto çmime dhe shpresojmë që sukseset e tyre të vazhdojnë. Festivali i Filmit në Sarajevë vlerësohet si një prej ngjarjeve më të mëdha të filmit në Evropën Juglindore dhe një prej më të mëdhenjve në Evropë. / KultPlus.com
Festivali i Filmit të Sarajevës është duke shkuar drejt mbylljes së këtij edicioni, dhe suksesi i filmave shqiptarë duket se vazhdon të jetë i pashmangshëm edhe në këtë festival, shkruan KultPlus.
Filmi i metrazhit të shkurtë “Pa vend”, me regji të Samir Karahodës është shpërblyer me çmim special në këtë festival, çmim që i është ndarë nga juria profesionale.
Filmi “Pa vend” i zhanrit docu-fiction përcjellë përpjekjet e vazhdueshme të Jetonit dhe Ermeganit të udhëhequr nga trajneri i tyre Rifati që të mbajnë sportin e ping pongut gjallë duke zhvilluar gjenerata të reja të ping pongistëve.
Ekipi i filmit përbëhet nga:
Regjia dhe Kinematografia: Samir Karahoda
Producent: Eroll Bilibani
Montazhi: Enis Saraçi
Dizajner zëri: Memli Kelmendi
Xhirues Zëri: Gëzim Rama
Protagonistët kryesor: Jeton Mazreku, Ermegan Kazazi dhe Rifat Rifati
Filmi është produksion i shtëpisë filmike SK PICTURES dhe është mbështetur nga Qendra Kinematografike e Kosovës, Komuna e Prishtinës, Komuna e Prizrenit, Mabetex Group, TV Arte, TV Yle, Dokufest dhe distribuohet nga Radiator IP Sales. / KultPlus.com
“Toronto International Film Festival” dje ka publikuar një artikull ku ka bërë të ditur filmat e edicionit të sivjetmë, e pjesë e këtij festivali është edhe filmi nga Kosova “Pa Vend”, nën regjinë e Samir Karahodës.
“Pa Vend” do të konkurrojë në programin e filmave të shkurtër “Short-Cuts”, i cili përmban gjithsej 38 filma që vijnë nga 23 shtete.
Ndërsa, pjesë e këtij festivali do të jetë edhe regjisorja kosovare Luana Bajrami me filmin e saj “Luaneshat e Kodrës”. Ajo do të konkurrojë në programin “Contemporary World Cinema”.
Festivali do të mbahet nga 9 deri më 18 shtator në formatin hibrid. Për edicionin e tij të 46-të, festivali gjatë 10 ditëve do të sjellë kineastë nga Kanadaja, por edhe e gjithë bota me mbi 100 filma që janë pjesë e seleksionimit zyrtar e paralelisht me këtë do të mbahen edhe ngjarje të tjera.
Orari i i plotë i festivalit do të publikohet më 24 gusht. Artikulli i plotë: https://tiff.net/films/ KultPlus.com
Tre filmat kosovarë, “Në kërkim të Venerës”, “Luaneshat e Kodrës” dhe “Pa vend”, do të jenë pjesë e Festivalit ndërkombëtar të Filmit në Sarajevë që do të mbahet më 13 gusht të këtij viti.
Qendra Kinematografike e Kosovës ka njoftuar se tre filmat kosovarë do të jenë pjesë e konkurencës zyrtare në këtë festival, shkruan KultPlus.
Ndërkaq, ‘Luaneshat e Kodrës’ dhe ‘Pa vend’ ishin filmat e parë nga Kosova që shfaqën premierat në Festivalin e Kanës.
“Në kërkim të Venerës, Luaneshet e Kodrës dhe Pa vend në Festivalin Ndërkombëtar të Sarajevës Tre filmat nga Kosova, ‘Në kërkim të Venerës’ me regji nga Norika Sefa, ‘Luaneshat e Kodrës’ me regji nga Luana Bajrami dhe ‘Pa vend’ me regji nga Samir Karahoda, do të jenë pjesë e konkurencës zyrtare të Festivalit Ndërkombëtar të Filmit të Sarajevës. ‘Në kërkim të Venerës’ kishte premierën në Rotetardam ku fitoi çmimin Special të Jurisë; ndërsa ‘Luaneshat e Kodrës’ dhe ‘Pa vend’ ishin filmat e parë nga Kosova që shfaqën premierat në Festivalin e Kanës, në programin ‘Director’s Fortnight’ dhe në kategorinë kryesore. Kjo do të jetë prezencë e madhe e filmbërësve tanë, ku vitin e kaluar Kosova rrëmbeu zemrën e Sarajevës me filmin ‘Exil’ të regjisorit Visar Morina. Tre filmat janë mbështetur nga Qendra Kinematografike e Kosovës”, thuhet në njoftimin e QKK-së./KultPlus.com
Edhe pse nuk u bë publike gjatë ceremonisë së shpërndarjes së çmimeve, jurija ndërkombëtare e Cinéfondation dhe e filmave të shkurtër e ka përzgjedhur filmin ‘Pa Vend’ si kandidat i Festivalit të Kanës për Çmimin e Akademisë Europiane të Filmit.
Jurija e përbërë nga Sameh Alaa (Egjipt), Kaouter Ben Hania (Tunisi), Carlos Muguiro (Spain), Tuva Novotny (Suedi), Nicolas Pariser (Francë) dhe Alice Winocour (director/ëriter, Francë) e kanë përzgjedhur filmin ‘Pa Vend’ si filmi më i mirë evropian në konkurrencën zyrtare e që do jetë kandidatë i Festivalit të Kanës për Çmimin e Akademisë Europiane të Filmit.
‘PA VEND’ tani është kandidat për nominim në kategorinë ‘Film i Shkurtër Evropian’ në European Film Awards 2021.
Programi i Filmit të Shkurtër EFA është organizuar nga Akademia Europiane e Filmit dhe EFA Productions në bashkëpunim me një seri festivalesh filmi në të gjithë Evropën. Në secilin prej këtyre festivaleve, një juri e pavarur paraqet një nga filmat evropianë me metrazh të shkurtër në konkurrencë me një kandidaturë në kategorinë e filmit të shkurtër të Çmimeve Evropiane të Filmit.
Ky është kandidati i 17-të i filmit të shkurtër për vitin 2021. Kur të përfundojë cikli vjetor, festivalet pjesëmarrëse do të nominojnë pesë filma të shkurtër nga kjo listë. Më pas, 4,000 Anëtarët e EFA – profesionistë të filmit nga e gjithë Evropa – do të votojnë për fituesin e përgjithshëm që do të paraqitet në Ceremoninë e 34-të të Çmimeve Evropiane të Filmit.
Palma e artë e filmit të shkurtër shkoi për filmin “TIAN XIA WU YA (All Crows in the World)” nga regjisori TANG Yi, shkruan KultPlus.
TANG Yi mori “Palmën e Artë” në kategorinë filmit të metrazhit të shkurtër.
Kujtojmë se në këtë kategori ka konkuruar edhe filmi kosovar ”Pa vend” i regjisorit Samir Karahoda.
Filmi 15-minutësh nën regjinë e Samir Karahodës, “Pa Vend” morri vlerësimet e mjaftueshme të jurisë gjashtëanëtarëshe të përbërë nga Kaouther Ben Hania, regjisore dhe shkrimtare (Tunizi); Tuva Novotny, regjisore, shkrimtare dhe aktore (Suedi); Alice Winocour, regjisore e shkrimtare (Francë); Sameh Alaa, regjisor, producent e shkrimtar (Egjipt); Carlos Muguiro, regjisor (Spanjë) si dhe Nicolas Pariser, regjisor e skenarist (Francë).
”Pa vend” i regjisorit Samir Karahoda është bërë filmi i parë nga Kosova që është përzgjedhur në mesin e 10 filmave të shkurtë që garuan për ‘Palmën e Artë’ në garën zyrtare të festivalit më prestigjioz në botë, atë të Kanës. / KultPlus.com
Pas filmit debutues që theu akullin dhe arriti të fus filmin e parë të Kosovës në Berlinale, filmi i dytë i regjisorit Samir Karahoda bëhet filmi i parë nga Kosova që përzgjedhet në mesin e 10 filmave të shkurtë që do të garoj për ‘Palmën e Artë’ në garën zyrtare të festivalit më prestigjioz në botë, atë të Kanës, përcjell KultPlus.
Pas këtij lajmi të mrekullueshëm, Ministri i Kulturës, Rinisë dhe Sportit, Hajrulla Çeku sot priti në takim regjisorin e filmit, Samir Karahoda dhe producentin Erroll Bilibani.
Gjatë këtij takimi u diskutua për fushën e kinematografisë, sukseset e filmave shqiptar dhe nominimin e tyre në festivale prestigjioze botërore.
Ministri Çeku gjatë këtij takimi uroj regjisorin edhe për suksese të mëtutjeshme,
‘Pa Vend’ sjell rrëfimin e klubit më të suksesshëm të ping pongut nga Prizreni ‘Lidhja e Prizrenit’ duke rikrijuar historinë e protagonistëve nga paslufta në kontekstin e situatës së sotme. / KultPlus.com
Pas filmit debutues që theu akullin dhe arriti të fus filmin e parë të Kosovës në Berlinale, filmi i dytë i regjisorit Samir Karahoda bëhet filmi i parë nga Kosova që përzgjedhet në mesin e 10 filmave të shkurtë që do të garoj për ‘Palmën e Artë’ në garën zyrtare të festivalit më prestigjioz në botë, atë të Kanës, përcjell KultPlus.
Filmi ‘Pa Vend’ që filloi xhirimet në muajin shtator të vitit të kaluar, sjell rrëfimin e klubit më të suksesshëm të ping pongut nga Prizreni ‘Lidhja e Prizrenit’ duke rikrijuar historinë e protagonistëve nga paslufta në kontekstin e situatës së sotme. Filmi i zhanrit docu-fiction përcjell përpjekjet e vazhdueshme të Jetonit dhe Ermeganit të udhëhequr nga trajneri i tyre Rifati që të mbajnë sportin e ping pongut gjallë duke zhvilluar gjenerata të reja të ping pongistëve.
‘Personalisht i uroj dhe përgëzoj anëtarët e klubit të ping pongut “Lidhja e Prizrenit” në krye me trajnerin Rifat Rifati për sukseset e tyre pavarësisht rrethanave të cilët akoma vazhdojnë stërvitjet në kushte jo normale. Është një histori unike, një rrëfim për dashurinë ndaj sportit dhe një luftë e heshtur ndaj diskriminimit. Vlerësimi nga një festival siç është Cannes na bënë edhe më krenar si ekip dhe dua t’i falenderoj të gjithë për kontributet e tyre individuale’ theksoi regjisori Karahoda.
Qasja jonë ndaj këtij rrëfimi na jep hapësirë për të shprehur shqetësimin tonë si shoqëri për një ndjenjë të përgjithshme të pashpresës që përshkon jetën tonë dhe me të cilën ballafaqohemi edhe sot. Kjo ngjarje fillon diku në vitin 2005, duke na dërguar në ato ditë kur stërvitjet për zhvillimin e këtij sporti janë mbajtur vetëm falë entuziazmit të patriotëve të vërtetë, siç janë Jetoni, Ermegani, Rifati e shumë të tjerë. Në një rrugëtim të veçantë kinematografik, ky film na sjell në ditët e sotme, duke vënë në pah ngecjen dhe injorimin e institucioneve karshi sporteve të vogla, solidarizimin qytetar dhe këmbënguljen kundrejt dorëzimit.
“Ne arritëm të krijojmë një lidhje të veçantë me gjithë ekipin e ping pongut që ishte pjesë e produksionit. Edhe me gjeneratat e vjetra, edhe me talentët e rinj. Një gjë që na bashkonte ishte dëshira e madhe që të bëjmë më të mirën sipas mundësive tona.” tha producenti Eroll Bilibani, duke vazhduar, “në korrik, në tapetin e kuq të Kanës ekipi ynë i filmit dhe ping pongistët që asnjëherë nuk u ‘dorëzuan’ do të ecin në tapetin ku kanë lënë gjurmë Bekim Fehmiu e Arta Dobroshi. Por, këtë herë është me një film nga Kosova, që është duke i vendos themelet e valës së re të filmit nga një vend i vogël me ëndrra të mëdha”./ KultPlus.com
Regjisorit dhe dramaturgut Ekrem Kryeziu i ndahet Çmimi Kombëtar për Vepër Jetësore “Bekim Fehmiu” ndërsa Çmimi Vjetor për Kinematografi i ndahet regjisorit Samir Karahoda.
Ky vendim është marrë nga Juria Profesionale në përbërje të Arbnesha Grabovci-Nixha kryetare; Burbuqe Berisha, Kimete Berisha, Agron Vula dhe Blerta Basholli, anëtare.
Arsyetimi i Jurisë për ndarjen e çmimit kryesor regjisorit Kryeziu është për shkak se ai ka qenë shumë aktiv në zhvillimin e filmit kosovar, duke filluar me pavarësimin e autorëve në botën e regjisë nga Televizioni i Prishtinës, ku ka prodhuar dy filma. Kryeziu ka qenë pjesë e Kosovafilmit që nga themelimi me filmat “Kur pranvera vonohet” dhe “Gjurmë të bardha” dhe ky film ka qenë edhe arsye e burgosjes së tij për vepër artistike. Regjisori Kryeziu ka krijuar edhe pas mbylljes së institucioneve nga regjimi serb dhe ka kontribuar jashtëzakonisht shumë për kinematografinë e Kosovës.
Ndërkaq, vlerësimi i Jurisë për regjisorin Karahoda është se ai i takon valës së re të filmbërësve, suksesi i të cilit me filmin “Në mes” për herë të parë vuri emrin e Kosovës në konkurrencën zyrtare të Festivalit të Berlinales, një prej festivaleve më të shquara të Kategorisë A. Suksesi i filmit “Në mes” numëron një mori suksesesh duke marrë pjesë edhe në shumë festivale tjera prestigjioze dhe së fundmi, edhe në konkurrencën zyrtare të Festivalit Ndërkombëtar të Qipros, përkundër pengesave politike, ku në këtë festival ka fituar kandidimin për Çmimin e filmit të shkurtër dokumentar në European Film Academy. Karahoda është nominuar për këtë çmim nga Qendra Kinematografike e Kosovës.
Me këtë rast, ministrja e vlerëson lart vendimin e jurisë dhe uron laureatët. Ajo tha se këto çmime janë një mirënjohje institucionale për punën që bëjnë njerëzit që merren me kinematografi në vendin tonë, që i kanë sjellë vlera artistike në fushën e filmit duke e pasuruar krijimtarinë filmike në Kosovë./ KultPlus.com
Sot përmes komunikatës për shtyp Festivali Ndërkombëtar i Filmit BERLINALE njoftoj për pjesëmarrjen e filmit NË MES të autorit Samir Karahoda në garën ndërkombëtare të filmave të shkurtë “Berlinale Shorts”.
Kjo është hera e parë që një film nga Kosova pranohet në garën e Berlinales, që njihet si një nga festivalet më prestigjioze në botë.
Filmi trajton dy tema paralelisht; fenomenin e ndërtimit të shtëpive të njejta dhe migrimin e cila veçmas theksohet nëpër këto familje. Nëpërmjet personazheve, portretizon marrëdhënien dhe solidaritetin në mes vëllezërve; sakrificën dhe vendosmërinë e prindërve për të mbajtur harmoninë brenda familjes; kuptimin dhe rëndësinë e shtëpisë dhe shpresës në mes kthimit apo jo në vendlindje.
Autori i filmit Samir Karahoda është shprehur i lumtur që filmi i tij debutues si regjisor është vlerësuar nga ky festival prestigjioz: “Nuk e di si ta përshkruaj ndjenjën dhe gëzimin për vlerësimin e filmit nga një festival siç është Berlinalja, sidomos kur bëhet fjalë për film debutues. Përzemërisht dua të falenderoj secilin protagonist pa të cilët ky film nuk do të ishte i mundur si dhe ekipin të cilët u përkushtuan dhe kontribuan me zemër në formimin e kësaj vepre.” theksoi autori Karahoda. NË MES është inspiruar nga projekti fotografik “Vëllezërit Kosovar” në të cilin Karahoda ka punuar në vitin 2011.
Filmi është prodhim autentik i Kosovës, si me mbështetje ashtu edhe në produksion. Producenti i filmit Eroll Bilibani theksoj që ky fakt edhe njëherë dëshmon për kapacitetet kreative të kinematografisë Kosovare: “Të jesh pjesë e një projekti kaq kreativ dhe të punosh me një ekip kaq profesional është me të vërtet nder dhe privilegj. Edhe pse filmi në fazën fillestare ishte paraparë në formë eksperimentale, Samiri përmes gjuhës filmike me mjeshtri ka arritur t’a pasqyroj kontekstin antropologjik, shoqëror dhe arkitektural të një fenomeni të përhapur në Kosovë.” theksoj producenti Bilibani.
Filmi është prodhim i SK Pictures, i mbështetur nga Qendra Kinematografike e Kosovës, Banka për Biznes, Komuna e Prizrenit, Komuna e Prishtinës dhe DokuFest.
Regjia dhe Drejtor i Fotografisë: Samir Karahoda, Producent: Eroll Bilibani, Montazhi: Enis Saraçi, Dizajner Zëri: Memli Kelmendi, Xhirues Zëri: Gëzim Rama dhe Dizajnere Grafike: Nita Salihu Hoxha.
Premiera e filmit në Berlinale do të jetë me 12 Shkurt!
Në Stamboll nga data 19 janar deri më 11 shkurt do të mbahet edicioni i parë i Festivalit Ndërkombëtar të Fotografisë, ZFotoFest.
Në këtë edicion do të prezantohen 54 projekte në formë ekspozite duke përfshirë edhe punime të emrave të njohur botëror si fotografët e National Geographic Ami Vitale e Matheë Paley si dhe emra të tjerë si Abelardo Morell, Corey Arnold e Kamil Firat…
Samir Karahoda do të prezantohet me projektin Centenarian i cili paraqet portretet e grave 100 vjeçare të Kosovës. Projekt i cili edhe u ekspozua në Prishtinë në Galerinë e Ministrisë së Kulturës.
Po ashtu në festival do të ketë një numër të madh aktivitetesh si ëorkshope, debate, biseda, prezantime të portfoliove të fotografëve të rinj ku po ashtu edhe autori Samir Karahoda të dielën me 21 janar do të mbaj një Artist talk për të folur për punën dhe eksperiencën e tij si fotograf.
Hapja zyrtare e festivalit dhe ekspozitës do të bëhet të premten me 19 janar prej orës 19:30 në qendrën kulturore në rajonin e Zeytinburnu të Stambollit.
Të ju kujtojmë, projekti “Centenarian”, paraqet Historinë e nënave Kosovare të cilat kanë arritur të jetojnë mbi një shekull ku përmes portreteve të tyre paraqitet karakteri i tyre i fortë dhe historia përmes rrudhave në fytyrë./ KultPlus.com
