Aktori dhe regjisori Sean Penn ka dhënë premierën e filmit të tij “Superpower” në Festivalin e Filmit në Berlin.
Ky film, i cili portretizon presidentin e Ukrainës, Volodymyr Zelensky, është thirrje për demokracinë fragjile të Amerikës.
Fituesi dyfish i Oscar, ishte në Kiev për të bërë dokumentarin për ngritjen e Zelenskyt nga një komedial në lider kombëtar kur Rusia nisi agresionin e saj para një viti, shkruan Variety, përcjell Klankosova.tv./KultPlus.com
Premiera e dokumentarit të Sean Penn, “Superfuqia”, i cili u xhirua në Ukrainë me presidentin ukrainas, Volodymyr Zelensky, do të shfaqet në Festivalin Ndërkombëtar të Filmit, në Berlin të muajit të ardhshëm, njoftuan sot organizatorët.
“Më shumë se një dokumentar, “Superfuqia” është kronika e një projekti filmik që realiteti e detyroi ta ndryshojë në diçka më pak të kontrollueshme, por më kuptimplotë”, thuhet në një deklaratë të festivalit.
Aktori dhe regjisori amerikan, fitues i çmimit Oscar, ishte në kryeqytetin ukrainas në shkurt 2022, ndërsa Rusia nisi sulmin e saj në shkallë të plotë.
“Vendi ynë i është mirënjohës për trimërinë dhe ndershmërinë që ai ka”, shkroi zyra e presidentit të Ukrainës në Facebook, vitin e kaluar.
Berlinale, e cila zhvillohet nga 16 deri në 26 shkurt, është një nga festivalet kryesore të filmit në botë, krahas atyre të Kanës dhe Venecias.
Në këtë edicion do të shfaqen 18 filma në garën për Ariun e Artë, çmimi kryesor i dhënë për filmin më të mirë.
Dokumentari i Penn nuk do të hyjë në garën e çmimeve, por do të shfaqet në serinë “Special Gala”.
Aktori dhe regjisori amerikan, Sean Penn i ka dhuruar një nga çmimet e tij Oscar presidentit ukrainas, Volodymr Zelensky si një simbol besimi për fitoren e Ukrainës, në konfliktin e vazhdueshëm me Rusinë.
Statuja, një nga dy trofetë e aktorit e fituar në 2004 dhe 2009 respektivisht, do të qëndrojë në Ukrainë deri në fund të luftës.
Njoftimi erdhi gjatë vizitës së tretë të Penn në vend gjatë luftës në shkallë të gjerë.
Gjatë vizitës së tretë në Ukrainë, aktori u nderua nga presidenti ukrainas, Zelensky me Urdhrin e Meritës të shkallës III.
Ai falënderoi Penn-in për kontributin e tij të rëndësishëm në përpjekjet e luftës.
Penn u nderua gjithashtu duke vendosur emrin e tij në një gur në “Walk of the Brave”, i cili i dedikohet njerëzve të guximshëm që kanë përkrahur Ukrainën që nga fillimi i luftës.
Emri i tij do të shfaqet pranë listës së shumë liderëve botërorë që kanë ndihmuar Ukrainën gjatë konfliktit.
”Aktori dhe regjisori amerikan Sean Penn erdhi në Ukrainë për herë të tretë”, shkroi Zelensky në Instagram.
”Këtë herë takimi ynë ishte i veçantë. Sean solli statujën e tij të Oscar-it si simbol i besimit për fitoren e vendit tonë. Ajo do të qendrojë në Ukrainë deri në fund të luftës”, tha Zelensky.
“Me kënaqësi të madhe i dhashë Sean Penn Urdhrin e Meritës të shkallës III. Faleminderit për mbështetjen kaq të sinqertë dhe kontributin e rëndësishëm në popullarizimin e Ukrainës në botë”, shtoi ai./ KultPlus.com
Ylli i Hollivudit, Sean Penn ka vizituar Ukrainën, edhe pse vendi ka hyrë në ditën e 34-të të luftës.
Penn, i cili po ndihmon me programe bamirësie për refugjatët ukrainas, postoi një fotografi në Twitter, së bashku me guvernatorin e Lviv, Maksym Kozytskyy.
Ndryshe, një muaj më parë, aktori u fotografua në një konferencë shtypi në Zyrën Presidenciale në Kiev teksa punonte në një dokumentar në Ukrainë. /KultPlus.com
I was in Lviv, Ukraine today with CORE team, strategizing with local governance & NGO’s to scale up our in-country programs. Good meeting with Gov. Maksym Kozytskyy. To learn more go to https://t.co/snKeUz99Fm or text “CORE” to 24365 to donate. pic.twitter.com/ASHavYHlvy
— Sean Penn (@SeanPenn) March 28, 2022
Një fondacion bamirësie i drejtuar nga aktori dhe regjisori i famshëm hollivudian dhe fitues i çmimit ”Oscar”, Sean Penn ka nënshkruar një marrëveshje për ndihmë për refugjatët ukrainas të luftës me qytetin polak të Krakovit.
Fondacioni CORE (Community Organized Relief Fort), i themeluar në vitin 2010 për të ndihmuar viktimat e tërmetit në Haiti, njoftoi në faqen e tij të internetit se tani do të fokusohet në ndihmën e refugjatëve ukrainas në Poloni dhe Rumani.
Të dy vendet kanë marrë shumicën e refugjatëve që u larguan nga Ukraina pas pushtimit rus.
Sipas marrëveshjes, CORE do të krijojë një qendër në Krakov, e cila do të ofrojë njohuri për të ndihmuar refugjatët.
Qendra do të punësojë staf lokal i cili do të trajnohet për të ndihmuar dhe ndihmuar refugjatët.
Fondacioni do të ofrojë gjithashtu mbështetje financiare për rinovimin e ndërtesave që Krakovi ka caktuar për të strehuar refugjatët.
Penn, i cili themeloi dhe drejton fondacionin, tha në një konferencë shtypi në Krakov se ai ishte duke punuar në një film dokumentar për sulmin rus në Ukrainë.
Megjithatë, ai theksoi se detyra më e rëndësishme ishte dërgimi i ndihmave në Ukrainë./ KultPlus.com
Një fondacion bamirësie i drejtuar nga aktori dhe regjisori i famshëm hollivudian dhe fitues i çmimit ”Oscar”, Sean Penn ka nënshkruar një marrëveshje për ndihmë për refugjatët ukrainas të luftës me qytetin polak të Krakovit.
Fondacioni CORE (Community Organized Relief Fort), i themeluar në vitin 2010 për të ndihmuar viktimat e tërmetit në Haiti, njoftoi në faqen e tij të internetit se tani do të fokusohet në ndihmën e refugjatëve ukrainas në Poloni dhe Rumani.
Të dy vendet kanë marrë shumicën e refugjatëve që u larguan nga Ukraina pas pushtimit rus.
Sipas marrëveshjes, CORE do të krijojë një qendër në Krakov, e cila do të ofrojë njohuri për të ndihmuar refugjatët.
Qendra do të punësojë staf lokal i cili do të trajnohet për të ndihmuar dhe ndihmuar refugjatët.
Fondacioni do të ofrojë gjithashtu mbështetje financiare për rinovimin e ndërtesave që Krakovi ka caktuar për të strehuar refugjatët.
Penn, i cili themeloi dhe drejton fondacionin, tha në një konferencë shtypi në Krakov se ai ishte duke punuar në një film dokumentar për sulmin rus në Ukrainë.
Megjithatë, ai theksoi se detyra më e rëndësishme ishte dërgimi i ndihmave në Ukrainë. / KultPlus.com
Sean Penn ka folur të mërkurën me shefin e stafit të presidentit ukrainas Volodymyr Zelensky, Andriy Yermak.
Pas bisedës, aktori i cili ndodhet në Ukrainë që nga fillimi i luftës më Rusinë, shkroi në Twitter për nevojën e vendit për avionë.
“Sapo mora një telefonatë nga shefi i stafit të presidentit Zelensky, Andriy Yermak”, shkroi ai. “Diku në zinxhirin burokratik midis Shtëpisë sonë të Bardhë dhe qeverisë polake, avionët dëshpërimisht të nevojshëm nuk janë dorëzuar ende në Ukrainë. Zbulimi publik mund të gjejë pengesën”.
Ukrainasit prej ditësh kanë kërkuar ndihmë me furnizime që variojnë nga helmetat deri te municionet dhe avionët luftarakë, një kërkesë që Polonia dukej gati ta përmbushte pothuajse dy javë pas pushtimit të Rusisë.
Penn ‘eci me milje’ deri në kufirin e Polonisë më 28 shkurt nga Ukraina, ku ai ka filmuar një dokumentar për pushtimin e Rusisë.
I njëjti dënoi sulmet e presidentit rus Vladimir Putin dhe duartrokiti Zelenskyn për përgjigjen e tij ndaj konfliktit.
Aktori i “Fast Times at Ridgemont High” vazhdoi të lavdërojë popullin e Ukrainës dhe liderin e tyre për guximin që kanë.
Duhet theksuar që Putin nisi një sulm në Ukrainë më 24 shkurt. / KultPlus.com
Sean Penn po qëndron këto ditë në Stamboll për të punuar në një film dokumentar rreth gazetarit Jamal Khashoggi, i cili u vra më 2 tetor në një Konsullatën Saudite në qytetin turk.
Agjencia turke “Anadoly” raportoi se aktori, dy herë fitues i çmimit “Oscar”, ishte përpara konsullatës saudite duke xhiruar filmin.
Mediat transmetuan një video që tregon Penn në kostum të zi, ndërsa bisedonte me një kameraman para një gardhi të policisë turke që pengonte hyrjen në konsullatë.
Khashoggi u vra në ambientet e brendshme më 2 tetor, kur shkoi të merrte dokumentet e kërkuara për t’u martuar me një shtetase turke.
Aktori 58-vjeçar është i njohur për pikëpamjet mbi politikën dhe shoqërinë amerikane në përgjithësi, por edhe mbi iniciativat që vendet e tjera e konsiderojnë të diskutueshme.
Aktori Sean Penn ka shkaktuar polemika të mëdha në vitin 2015, kur intervistoi bosin më të madh të drogës, i cili ishte në arrati, Joaquin Guzman, i njohur si “El Chapo”.
Kujtojme se djali në fjalë quhet Leon dhe ai arriti të kalojë sistemin e komplikuar të sigurisë që kishte vendosur këngëtarja duke u futur në shtëpinë e saj, ku e priti për 12 orë. Tashmë 27-vjeçari është arrestuar dhe akuzohet për përndjekje, shkelje në pronë private pa leje, vandalizëm dhe kundërshtim ndaj forcave të rendit. /KultPlus.com