Etiketë: selena gomez

Selena Gomez flet për shëndetin e saj mendor: Kishte njerëz që kujdeseshin për mua më shumë se unë

Posted on by Kult Plus

Selena Gomez foli për veten dhe iu referua deklaratave që ka bërë në të kaluarën, duke shpjeguar se ishte shumë mizore.

Ylli i Disney Channel foli në SXSW dhe fillimisht tha: “Më mërzit të dëgjoj gjërat që thosha për veten time në fillim të karrierës sime. Më mërzit. Unë mendoj se të gjithë mund të lidhen me atë ndjesi. Është e rëndësishme të flisni me veten me mirësi. Por nuk mendoj se e kuptova këtë në fillim”.

Ajo më pas shpjegoi se vetëm kur filloi të merrej me shëndetin e saj mendor kuptoi se sa e vështirë ishte me veten.

“Kishte njerëz që kujdeseshin për mua më shumë se unë për veten time dhe donin që unë të bëja gjëra për të cilat nuk isha gati. Isha në fundin tim. Doja të bëja gjërat në kohën që do të zgjidhja”.

Selena gjithashtu pranoi se “nuk mund ta detyrosh dikë” të marrë trajtim nëse nuk është gati ta bëjë vetë.

“U deshën disa përpjekje, por më pëlqen të mendoj dhe shpresoj se tani jam në një vend shumë më të mirë”, përfundoi artistja./KultPlus.com

Selena Gomez bën histori, është gruaja e parë me më shumë ndjekës në Instagram

Posted on by Kult Plus

Selena Gomez la pas Kylie Jenner dhe u bë gruaja me më shumë ndjekës në Instagram.

Ylli i familjes Kardashian numëron 382 milionë ndjekës në aplikacion, me të cilët ndan momente nga përditshmëria, njerëzit e saj të dashur, ndërsa promovon edhe markën e saj, “Kylie Cosmetics”.

Megjithatë, 30-vjeçarja Gomez arriti ta kalonte atë dhe tani është personi i tretë më i ndjekur në Instagram.

I pari vjen Cristiano Ronaldo, i cili ka 562 milionë ndjekës dhe në vend të dytë është Lionel Messi, i cili ndiqet nga 442 milionë llogari.

Selena Gomez kryesoi njëher Instagramin në vitin 2019, por Ariana Grande e kaloi atë. Megjithatë, këngëtarja e re nuk ishte e para për shumë kohë në ndjekës, pasi shumë shpejt Kylie Jenner “pushtoi” Instagramin. /KultPlus.com

Selena Gomez e para në Instagram

Posted on by KultPlus

Më e ndjekura në Instagram është këngëtarja dhe aktorja e njohur Selena Gomez, përcjell KultPlus.

Ajo së fundi ka lënë pas Kylie Jenner të familjes Kardashian.

Gomez edhe më herët ishte mbretëresha e Instagram, por më pas ishte kaluar nga Ariana Grande.

Gomez përditëson shpesh llogarinë e saj, ku mund të shihen imazhe nga jeta e saj personale, aktivitetet e saj profesionale dhe fushatat që ajo mbështet, si kjo për shëndetin mendor, pasi ajo vetë vuan nga çrregullimi bipolar. Me dialogun publik që hap, ajo ndihmon në luftimin e stigmës së sëmundjeve mendore./ KultPlus.com

Selena Gomez për herë të parë pjesë e ‘Saturday Night Live’

Posted on by Kult Plus

Për herë të parë, Selena Gomez do të bëjë debutimin si nikoqire në Saturday Night Live të shtunën, më 14 maj.

“Mami … Unë mendoj se ia kam dalë”, shkroi aktorja në Instagram.

Ylli i ” The Only Murders in the Building ” shtoi se ajo është “shumë mirënjohëse dhe kaq e emocionuar” për të qenë pjesë e “Saturday Night Live”.

Seriali i ri i Gomez, “Only Murders in The Building”, do të shfaqet premierë më 28 qershor. Shfaqja është pritur me sukses të madh dhe në të luajnë veteranët e SNL, Steve Martin dhe Martin Short, të cilët mund të paraqiten gjatë episodit të Selenës dhe monologut hapës. Për sezonin e dytë, seriali ka shtuar aktoret Amy Schumer dhe Cara Delevingne./21Media/ KultPlus.com

Rita Ora krah për krah me bashkëshortin e saj shfaqet me stil në ‘Critics Choice Awards’

Posted on by Kult Plus

Të dielën u dhanë çmimet në edicionin e 27-të në “Critics Choice Awards 2022”, ku edhe yje të shumtë nga Hollywood dhe industria e muzikës u shfaqën në mënyrën më magjepëse të mundshme, shkruan KultPlus.

Në këtë ndarje të çmimeve u pa edhe ylli Rita Ora, e cila u shfaq me një fustan shumë të bukur dhe u shoqërua edhe nga burri i saj, Taika Waititi.

E gjithë kjo mbrëmje që mblodhi yje të shumtë nga sfera të ndryshme u mbajt në Hotelin Fairmont Century Plaza në Century City, Kaliforni.

Rita Ora dhe Taika Waititi

Ndërkaq, ylli i kësaj mbrëmje u vlerësua këngëtarja Selena Gomez, sipas gazetës britanike, Daily Maily.

Selena Gomez

Selena Gomez: Grimi në moshë të re ka ndikuar në shëndetin tim mendor

Posted on by Kult Plus

Selena Gomez, këngëtarja e cila filloi në këtë industri në moshën 7-vjeçare, para se të bëhej e famshme si adoleshente në Disney Channel ‘Wizards of Waverly Place’, ka folur për mënyrën sesi grimi në industri kaq e re e la atë në “pikëpyetje” për bukurinë e saj.

“Unë jam grimosur që kur isha shtatë vjeç. Ndjehem si e ngatërruar me veten. Ti je shumë e re dhe më pas punon. Unë kam profesionistë që bëjnë grimin tim dhe papritmas mund të dukem si 25 vjeç kur isha vetëm 16 vjeç, dhe kjo ishte çmenduri. Kjo thjesht më bëri të vë në dyshim bukurinë time për atë që ishte.”

Krijuesja e hitit “Good For You” vazhdoi të etiketonte veten si “viktimë” e dëshirës për të ndryshuar fytyrën e saj për shkak të tendencave të bukurisë, duke zbuluar se krijimi i linjës së saj të grimit Rare Beauty është bërë për të inkurajuar të tjerët që të “përqafojnë” veten për atë që janë.

“Kam qenë viktimë e dëshirës për të ndryshuar fytyrën time dhe për të bërë gjëra sepse shoh tendenca të tilla intensive. Mendoj se pjesa më e dobishme e krijimit të kësaj linje është se ne krijojmë një vend për njerëzit që nuk e bëjnë këtë. Domosdoshmërisht duan të kryejnë punën ose të ndryshojnë fytyrën e tyre. Ata thjesht duan të përqafojnë atë që janë dhe atë që kanë. Edhe nëse ju pëlqen të bëni më shumë grim, edhe kjo do të funksionojë me atë që ofron marka ime. Kjo është arsyeja pse unë doja markë të jetë aty për vajzat dhe djemtë dhe kushdo që të ndihet se është në rregull të mos duket si të gjithë të tjerët”, ka thënë këngëtarja dhe aktorja 29-vjeçare. / KultPlus.com

Seriali “Only Murders In The Building” paralajmëron sezonin e dytë

Posted on by Kult Plus

 “Only Murders In The Building” paralajmëron sezonin e dytë pas një debutimi mbresëlënës në platformën Hulu.

Ylli i muzikës pop, Selena Gomez, luan në serialin e bazuar në New York, bashkë me aktorët Martin Short dhe Steve Martin, shkruan DailyMail.

Menjëherë pas njoftimit të martën, këngëtarja e “Lose You To Love Me” tha se ishte e emocionuar që do të kthehej në sheshxhirim.

Gomez ndau në InstaStory lajmin për sezonin e dytë të serialit.

“Pra gati për këtë! Sezoni i dytë”, ka shkruar Selena në postim.

Foto: Hulu

Komedia ishte më e shikuar në Hulu Original në ditën e premierës dhe gjithashtu komedia më e shikuar ndonjëherë në ditën e premierës në të gjithë titujt SVOD në platformë, sipas një njoftimi për shtyp nga Hulu.

Gomez, Martin dhe Short luajnë disa të huaj që jetojnë në një ndërtesë apartamentesh në Upper West Side. Kur ndodh një vrasje në ndërtesë, ata mblidhen së bashku për të provuar ta zgjidhin misterin.

Aktorja dhe këngëtarja 29-vjeçare kohët e fundit tha se ishte interesante të bisedonte me Steve dhe Martin për atë se si ishte Hollywood dikur.

“Ata më bënë menjëherë të ndihem sikur isha pjesë e një tresheje. Ata janë vërtetë më të mirët”, tha aktorja për People./KultPlus.com

Foto: Hulu

Selena Gomez nis kampanjën për ndërgjegjësimin rreth shëndetit mendor

Posted on by Kult Plus

Selena Gomez ka nisur kampanjën “Mental Health 101” për shëndetin mendor përmes kompanisë së saj të kozmetikës Rare Beauty.

Këngëtarja Selena Gomez ka folur së fundmi rreth luftës së saj me ankthin dhe shëndetin e mendor.

Përmes rrjetit të saj social Instagram, Selena ka zbuluar se përmes kompanisë së saj ‘Rare Beauty’ ka nisur një fushatë lidhur më ndërgjegjësimin për shëndetin mendor.

Këngëtarja u shpreh se e mori këtë vendim bazuar në eksperiencën e saj me ankthin dhe sa e nevojshme është që njerëzit të kurohen dhe të kenë më shumë informacion, informacion që nëse ajo do e kishte mjaftueshëm do ta kalonte çdo gjë më lehtë.

“Unë e di shumë mirë se sa e frikshme dhe e vetmuar mund të ndihet të përballesh me ankthin dhe depresionin vetë në një moshë të re. Nëse do të kisha mësuar më parë për shëndetin tim mendor, të isha mësuar në lidhje me gjendjen time në shkollë, në mënyrën si u mësova për lëndët e tjera, udhëtimi im mund të dukej shumë ndryshe”, rrëfeu Gomez.

Gjithashtu ajo këshilloi të gjithë ndjekësit e saj të kërkojnë ndihmë dhe të mësojnë më shumë rreth problemeve me shëndetin mendor./ KultPlus.com

Selena Gomez nis iniciativë për shëndetin mendor

Posted on by Kult Plus

Selena Gomez po fillon një iniciativë për shëndetin mental.

Këngëtarja ka shkruar në Instagram për të treguar fillimin e iniciativës, një fushatë që ajo e ka ngritur për të ndihmuar njerëzit të lidhen me burimet që u duhen për të vërë ndryshime të rëndësishme për shëndetin mental të tyre.

“Kjo fushatë është shumë afër zemrës sime për shkak të përvojës time me shëndetin mental. E di sa i frikësuar dhe i vetmuar mund të ndjehesh të përballesh me ankth dhe depresion vetëm në një moshë të re. Nëse do të mësoja për shëndetin mental më herët – të mësoja për gjendjen time në shkollë ashtu siç jam mësuar për lëndët tjera – udhëtimi im do të dukej ndryshe”, ka shkruar ajo, shkruan FemaleFirst.

Gomez ka bërë thirrje që njerëzit të informohen rreth shëndetit mendor dhe të marrin mbështetje. / KultPlus.com

Selena Gomez i dërgon mesazh Mark Zuckerberg në lidhje me urrejtjen dhe racizmin

Posted on by Kult Plus

Ylli botëror Selena Gomez ka publikuar mesazhin dërguar Mark Zuckeberg.

Gomez ka postuar mesazhin e saj në InstaStory, duke i bërë lutje për ndalimin e njerëzve për përhapjen e dezinformatave dhe promovimin e racizmit.

“Ne kemi një problem serioz. Facebook dhe Instagram janë duke u përdorur për të përhapur urrejtje, dezinformim, racizëm dhe fanatizëm”, shkroi ajo, dy ditë pasi yjet si Kim Kardashian, Jamie Foxx, Kerry washington, Sacha Baron Cohen, Mark Ruffalo, Dwyane Wade dhe Katy Perry promovuan #StopHateforProfit në rrjetet e tyre sociale.

Selena u ka bërë thirrje Zuckerberg dhe Sandberg që të bllokohen grupet dhe përdoruesit e përqendruar në përhapjen e gjuhës së urrejtjes, dhunës dhe keqinformimit.

“E ardhmja jonë varet nga ajo. Ky është një vit zgjedhjesh. Ne nuk kemi mundësi të kemi dezinformata në lidhje me votimin. Duhet të ketë kontroll të fakteve dhe llogaridhënie”, theksoi ajo./ KultPlus.com

Selena Gomez do të mbledhë fonde për shërbimet e shëndetit mendor

Posted on by Kult Plus

Këngëtarja e njohur së bashku me kompaninë e saj për kozmetikë “Rare Beauty” është zotuar se do të mbledhë 100 milionë dollarë për të përkrahur ata të cilët kanë nevojë për shërbime të shëndetit mendor.

“Jam shumë e lumtur që jam e rrethuar nga një ekip i cili më ka ndihmuar që të themeloj Fondin Rare Impact” tha Gomez në një deklaratë. “Që nga nisja e këtij brendi, kemi dashur të gjejmë mënyra se si t’ia kthejmë komunitetin të mirat dhe të përkrahim njerëzit që kanë nevojë për shërbimet e shëndetit mendor, shërbime të cilat kanë pasur ndikim të madh në jetën time”, ka shtuar ajo.

Ajo ka thënë se Rare Beauty dëshiron të ndihmojë njerëzit që të ndihen më të lidhur me njëri-tjetrin dhe më pak të vetmuar në botë. “Fondi Rare Impact do të ndikojë në shumë jetë, dhe përfundimisht do të bëjë ndryshim për të mirë në botë. Mburrem me punën që kemi filluar të bëjmë me partnerët tanë në mënyrë që t’ju ofrojmë këto shërbime çdo kujt që ka nevojë”, shkruan NME.

Një deklaratë e postuar në faqen e Instagramit të Rare Beauty thuhet: “Qëllimi ynë me Rare Impact Fund është të mbledhim 100 milionë dollarë brenda 10 viteve të ardhshme në mënyrë që të kemi më shumë burime të ndihmës në shëndetin mendor. 1% i shitjeve vjetore të Rare Beauty do të shkojnë në Fondin Rare Impact. Pos kësaj, do të rrisim fondet me shumë partnerë filantropë për të arritur qëllimin tonë”, transmeton KOHA.

Posti përfundoi duke cekur: “Së bashku, jemi më të mirë, sepse e dimë që nuk mund ta bëjmë këtë të vetëm. Andaj e kemi themeluar Këshillin për Shëndet mendor të Rare Beauty që përbëhet nga ekspertë dhe profesionalë që do të na ndihmojnë në punën tonë”. /KultPlus.com

Dua Lipa përkrah Selena Gomez (FOTO)

Posted on by KultPlus

Dua Lipa së fundmi është paraqitur në një fotografi ku shihet në mesin e yjeve më të njohura botërore, shkruan KultPlus.

Përderisa sot qarkulloi gjatë tërë ditës fotografia ku Lipa shihet përkrahë aktores Jessica Alba, Jennifer Lopez dhe Sofia Vergara, tashmë KultPlus ju sjellë një tjetër fotografi ku Lipa shihet përkrahë këngëtares dhe aktores së njohur botërore Selena Gomez dhe Raquelle Stevens. /KultPlus.com

Hiti i Selena Gomezit u krijua për Rita Orën

Posted on by Kult Plus

Këngëtarja Rita Ora ka performuar në Coachella dhe dalja në skenë për të kishte një rëndësi të cilën të pranishmit nuk e kuptuan.

Ylli me prejardhje nga Kosova në vend të hiteve të saj këndoi këngën “It Ain’t Me”, e cila është realizuar në bashkëpunim të Kygos me këngëtaren Selena Gomez.

Rita ka treguar se kënga që ka arritur 450 milionë klikime në YouTube ishte e shkruar për të, prandaj nuk e kishte të vështirë që ta këndonte edhe në Coachella.

“Kemi punuar së bashku për një kohë dhe kur ai [Kygo] më telefonoi, nuk mund ta refuzoja”, ka thënë Rita Ora, transmeton Koha.net.

“Ai më pyeti nëse mund t’ia bëja një të mirë dhe ta këndoja këngën. Më pëlqeu ajo këngë. Ishte i shkruar nga ekipi im, prandaj e dija. Ishte e lehtë [ta këndoja]”, ka shtuar ajo.

Kënga jo vetëm që ishte shkruar nga i dashuri i Rita Orës, Andrew Watt, por tema e hitit të Selena Gomezit ishte për lidhjen e këngëtares shqiptare me producentin Watt.

10 fotografitë më të pëlqyera të Instagramit për këtë vit përfshijnë vetëm tre emra (FOTO)

Posted on by KultPlus

Postimi më i pëlqyer në Instagram-it gjatë vitit 2017 ishte konfirmimi i Beyoncé-it për shtatzëninë e saj, i cili mblodhi 11.2 milionë pëlqime dhe u dha miliona njerëzve frymëzim për kostumet e tyre të Halloween, shkruan Vogue, përcjellë KultPlus.

Duket befasuese pasi që 10 fotot më të pëlqyeshme të vitit 2017 lidhen me tre emra të njohur: Beyoncé, Cristiano Ronaldo dhe Selena Gomez (e cila në vitin 2016 pati fotografinë më të pëlqyer në këtë rrjet social). Katër postime të Ronaldos dhe Gomez, përfshihen në këtë listë, secila fotografi e tyre ka grumbulluar nga 7.3 milion pëlqime deri në 11.1 milion pëlqime.

Ronaldo mori shumë vëmendje dhe pëlqime me postimet që ishin të lidhura me familjen dhe foshnjat e tij, me përjashtim të një fotoje futbolli . Nga ana tjetër, postimrt më të pëlqyera nga Gomez përfshinin paraqitjen e saj me The Weeknd, dhe një fotografi kur ajo u shfaq me flokët e saj bionde. Posti i saj më i pëlqyeri, numër tre në listë, ishte shpjegimi i saj i gjatë për mungesën e saj në mediat sociale. Në këtë fotografi ajo paraqitet pasi kishte bërë transplantin e veshkës./KutPlus.com


Selena Gomez mes lotëve i dedikon çmimin “Gruaja e vitit”, mikes që i dhuroj veshkën e saj (VIDEO)

Posted on by KultPlus

Selena Gomez u nderua mbrëmë me çmimin “ Woman Of The Year” në eventin vjetor të Billboard Women in Music, por këngëtarja nuk mund t’i përmbante lotët derisa pranoi çmimin nga Billboard mbrëmë, përcjellë KultPlus.

Këngëtarja 25-vjeçare mbajti një fjalim shumë emocional në skenë derisa falënderoi miken e saj më të mirë France Raisa duke i dhuruar asaj trofeun e çmimit “Billboard Women Of The Year” që u mbajt në Los Anxheles ketë të enjte.

“Të jem e sinqertë, mendoj se Franca do duhej ta marrë këtë çmim për shkak se ajo ma shpëtoi jetën “, tha mes lotëve Gomez për aktoren France Raisa, e cila i dhuroi veshkën e saj Selenas në shtator të këtij viti”.

Selena kishte kyrer transplantin e veshkës me 14 shtator ku edhe e kishte publikuar një fotografi në Instagram në të cilën shihej së bashku me miken e saj Francen në veshjet e tyre spitalore duke shtrënguar duart e tyre për 128 milionë ndjekësit e Instagram-it./KultPlus.com

Aktori shqiptar në sheshxhirim me Selena Gomez (FOTO)

Posted on by Kult Plus

Aktori me prejardhje shqiptare, që po prek tashmë majat e Hollivudit, Marko Caka, është pjesë e filmit ‘Shi në muze’ me regji të Woody Allen, shkruan KultPlus.

Ky projekt i madh filmik i cili pritet të dalë ne vitin 2018-të, ka mbledhë rreth vetës një kastë aktorësh si: Selena Gomez, Jude Law, Elle Fanning… ndër ta është edhe aktori Marko Caka.

Një gjë të tillë e tregoi nëpërmjet rrjetit social Facebook, vetë Marko Caka, i cili poashtu ka publikuar edhe fotografi nga sheshxhirimi.


“On set with Woody Allen and Selene Gomez..
Nje falenderim special per regjizorin e madh Woody Allen qe me dha mundesine brenda 8 aktoreve, te jem pjese e vetem nje skene speciale te Selene Gomez “Shi ne muzeum” ne projektin e madh te tij filmik e te Amazon Studio per vitin 2018 me nje numer te yjesh, Jude Law, Elle Fanning
Megjithese kemi filluar xhirimet ne 3 te mengjesit, por ja vlen kur shikon gjithnje buzeqeshjen e Gomez duke na folur te gjitheve duke harruar shiun improvizus qe binte.. Nuk thuhet kot se Ëoody Allen ben vetem mrekullira ne sheshxhirim, qe duhet te jesh me fat ta perjetosh nga afer”, ka shkrua Caka./ KultPlus.com

Selena Gomez i rikthehet aktrimit, bashkëpunon me regjisorin Woody Allen

Posted on by KultPlus

Këngëtarja njohur amerikane dhe ish ylli i Disney, Selena Gomez, ka vendosur zyrtarisht t’i rikthehet aktrimit, duke luajtur në filmin ardhshëm të fimbërësit të njohur amerikan Woody Allen, shkruan ‘Variety’, përcjellë KultPlus.

Krijuesja e hitit ‘Fetish’ lajmin për rikthimin e saj në aktrim e bëri të ditur gjatë një paraqitjeje për ‘iHeartRadio’, por pa dhënë shumë detaje mbi filmin.

‘Ka diçka lidhur me aktrimin, por nuk jam e lejuar të flas më shumë. Nuk mund të them as po as jo’, tha Gomez pasi u pyet për rolin e ri.

Ende nuk dihet titulli i filmit të ri të Woody Allen. Deri më tani është raportuar për vetëm për aktorët e këtij filmi, ku përveç Selena Gomez do të luajnëw edhe aktorët e njohur amerikanë Timoteu Chalamet dhe Elle Fanning.

Hera e fundit kur Selena Gomez ka luajtur në një film ka qenë në vitin 2012 në filmin ‘Spring Breakers’ të regjisorit të njohur amerikan, Harmony Korine. /KultPlus.com