Etiketë: Senati Amerikan

Senati amerikan miraton kodin e veshjejes

Posted on by Kult Plus

Anëtarët e Senatit amerikan do të lejohen të hyjnë në zyra vetëm me veshje zyrtare. Senati ka refuzuar propozimet për të lejuar stafin të vishen sipas dëshirës së tyre.

Javën e kaluar, udhëheqësi i shumicës republikane, Chuck Schumer hoqi rregullin jozyrtar (por të pashkruar) që senatorët mund të veshin xhaketa në zyrë. Ndërsa në disa zyra të tjera veshja ishte përgjithësisht më casual, raporton BBC.

Por shumë republikanë ishin të indinjuar sepse e panë masën si një mënyrë indirekte për lejuar Senatorin Demokrat John Fetterman të vishej si të dëshironte.

Pas përballjes me depresionin, Fetterman shkoi në zyrë me xhup dhe pantallona të shkurtra dhe votoi nga një cep i dhomës për të mos shkelur rregullin e pashkruar.

Rregullat e reja, të miratuara nga partitë këtë herë, përcaktojnë veshje specifike biznesi për praninë në dhomë, xhaketë, pantallona të gjata dhe kravatë. Asgjë nuk specifikohet për veshjet e grave, si gjatësia e mëngëve apo dekoltesë. Përveç kësaj, nuk ka raportime për këpucë apo atlete.

Çdo ndryshim në kod ka nevojë për votim nga anëtarët e Senatit. /Abc news /KultPlus.com

Angelina Jolie i kërkon Senatit Amerikan rinovimin e Aktit për Dhunën Kundër Grave

Posted on by Kult Plus

Angelina Jolie u rikthye në Uashington për të shprehur mbështetjen e saj për viktimat e abuzimit në familje duke i kërkuar Senatit të rinovojë Aktin për Dhunën Kundër Grave (VAWA), për të cilin ajo argumenton se ofron mbrojtje themelore për të mbijetuarit e abuzimit.

”Duke qëndruar këtu, në qendër të fuqisë së kombit tonë, unë mendoj për këdo që ndihet e pafuqishme përballë abuzuesit dhe nga një sistem që nuk arrin t’i mbrojë ato”, tha Jolie në fillim të fjalimit të saj.

”Miratimi i këtij ligji është një nga votimet më të rëndësishme për senatorët amerikanë për këtë vit”, theksoi tutje Jolie.

Jolie ishte me vajzën e saj, Zahara Marley Jolie-Pitt në Capitol Hill.

Sipas Variety, vizita e saj e fundit në Uashington ishte në dhjetor 2021, kur u takua me ligjvënësit në mbështetje të VAWA-s.

Aktorja ka qenë e përkushtuar në mbështetjen e saj për VAWA-n duke punuar me sponsorët dhe avokatët e saj për të shtuar dispozita për ligjin që trajton ndikimin te fëmijët në rastet e dhunës në familje.

Jolie gjithashtu ndau mbështetjen e saj për VAWA-n përmes Instagramit të saj zyrtar.

”Jam mirënjohëse dhe e përulur që bashkohem me avokatë dhe ligjvënës të përkushtuar”, shkroi aktorja.

VAWA u miratua për herë të parë në 1994, duke krijuar dispozita për ndjekjen penale në nivel federal të krimeve të dhunës në familje dhe sulmeve seksuale. Ligji gjithashtu ofronte mbështetje për strehimoret, qendrat e krizës së përdhunimeve dhe organizatat e tjera të komunitetit.

Pas riautorizimit në vitin 2012, ligji skadoi në vitin 2018.

Një koalicion dypartiak prezantoi dje një marrëveshje për të rinovuar VAWA-n. /atsh/ KultPlus.com

Osmani për vdekjen e senatorit Bob Dole: Do të jemi mirënjohës përgjithmonë

Posted on by Kult Plus

Senatori Bob Dole, i cili kishte vizituar Kosovën për herë të parë, ka vdekur pas kancerit që u paraqit në mushkërit e tij, përcjellë KultPlus.

Presidentja e Republikës së Kosovës, Vjosa Osmani, ka reaguar mbi vdekjen e senatorit, ku është shprehur gjithmonë mirënjohëse për kontributin e tij.

“Shumë e mërzitur të dëgjoj se senatori Bob Dole ka ndërruar jetë. Një hero i luftës, politikan shumë i respektuar dhe një mbështetës i lirisë në të gjithë botën”, shkroi Osmani.

Presidentja tutje shtoi se është mirënjohëse më së shumti për pjesën që Dole ka bërë për Kosovën, i cili ishte afër Kosovës gjithmonë në rrugëtimin për pavarësi. “Prehu në paqe mik”, përfundoi ajo.

Delegacioni i senatit të Shteteve të Bashkuara të Amerikës, më 29 gusht të vitit 1990 vizitoi Kosovën për herë të parë të udhëhequr pikërisht nga senatori Bob Dole. /KultPlus.com