Etiketë: Sezoni i dyte i Squid Game

Netflixi konfirmon sezonin e dytë të serialit “Squid Game”

Posted on by Kult Plus

Mund të jetë njoftimi më i pashmangshëm i bërë ndonjëherë, por tani është zyrtare. “Squid Game” do të rikthehet për një sezon të dytë, raportoi të hënën “The Guardian”.

Platforma digjitale Netflix e ka konfirmuar lajmin të dielën, ndërsa ofroi disa hollësi rreth asaj që do të vijë në sezonin e dytë të dramës distopiane koreane, ku rolet kryesore i luajnë aktorët, Lee Jung-jae, Park Hae-soo, Jung Hoyeon dhe të tjerë.

“Squid Game” u bë seriali më i shikuar i platformës së njohur me t’u publikuar në shtator të vitit të kaluar. Ai flet për mbijetesën dhe fokusohet në një grup njerëzish të cilët janë të dëshpëruar për para, dhe kështu pajtohen të marrin pjesë në disa lojëra të fëmijëve të cilët rezultojnë vdekjeprurëse.

Të dielën (12 qershor), skenaristi dhe regjisori i serialit, Hwang Dong-hyuk, i zbuloi disa hollësi rreth sezonit të ardhshëm të këtij projekti. Sipas tij, personazhet Seong Gi-hun dhe Front Man do të rikthehen, së bashku me personazhin misterioz të luajtur nga aktori, Gong Yoo.

Netflixi nuk e ka konfirmuar datën e saktë të lansimit të sezonit të dytë, por Hwang thotë se ai mund të lansohet në vitin 2023 ose 2024. / KultPlus.com

Konfirmohet sezoni i dytë i serialit “Squid Game”

Posted on by Kult Plus

Është zyrtare, seriali hit i Netflixit, “Squid Game”, do të rikthehet me sezonin e dytë, ani pse shumica e projekteve televizive në Korenë Jugore transmetohet vetëm për një sezon. Por, për shkak të suksesit global të këtij shou, krijuesi, skenaristi dhe regjisori i tij, Hwang Dong-hyuk, tha se pothuajse nuk kishte zgjidhje tjetër përveç se ta vazhdonin atë.

“Ka pasur kaq shumë presion, kaq shumë kërkesa dhe kaq shumë dashuri për një sezon të dytë të serialit. Tashmë kam filluar të mendoj për të. Aktualisht jam në procesin e planifikimit. Por unë mendoj se është shumë herët për të thënë se kur dhe si do të ndodhë kjo. Kështu që për momentin do t’ju premtoj këtë, Gi-hun do të kthehet dhe ai do të bëjë diçka më shumë për botën,” shpjegoi regjisori gjatë një ngjarjeje speciale në Los Angeles.

Seriali “Squid Game” në të cilin rolet kryesore i luajnë aktorët, Lee Jung-jae, Park Hae-soo, Jung Hoyeon dhe të tjerë, fokusohet në një grup njerëzish të cilët janë të dëshpëruar për para, dhe kështu pajtohen të marrin pjesë në disa lojëra të fëmijëve të cilët rezultojnë vdekjeprurëse.

Drama për mbijetesën nga Korea Jugore u shndërrua në serialin më të shikuar në historinë e Netflixit. Dhe me gjithë këtë sukses, yjet protagonist të shout kanë arritur të fitojnë famë anembanë botës dhe jo vetëm në vendlindje.

Modelja e shndërruar në aktore, Jung Hoyeon, është mësuar të udhëtojë për sfilata të ndryshme të modës. Por, në udhëtimin e saj të fundit nga Korea në Los Angeles, ajo u takua me fansine saj të parë në aeroportin LAX, i cili i kërkoi autografin.

Aktori protagonist, Lee Jung-jae, ka më shumë se 25 vjet që punon në projekte filmike e televizive në Korenë Jugore. Tani, jeta e tij ka ndryshuar tërësisht sepse edhe njerëzit nëpër rrugët e Amerikës e njohin se kush është.

Aktorët dhe krijuesi i “Squid Game”, që të gjithë ëndërrojnë që një ditë të punojnë në projekte të Hollywoodit.

Projekti i radhës i aktorit Park Hae-soo është, “Korea Money Heist”, i cili bazohet në serialin e njohur spanjoll “Casa de Papel”. Në shoun e ardhshëm Park e luan rolin e Berlinit.

“Squid Game” transmetohet anembanë botës përmes platformës digjitale Netflix. / KultPlus.com

Krijuesi i ‘Squid Game’ zbulon nëse do të ketë sezon të dytë

Posted on by Kult Plus

Ju kujtohet seriali që ‘pushtoi’ globin? Sigurisht që po! “Squid Game”, seriali korean ishte më i shikuari ndonjëherë në ‘Netflix, por kjo nuk e bëri aspak të pasur krijuesin/ regjisorin e këtij seriali, Hwang Dong-Hyuk!

Hëang, 50-vjeç, i cili shkroi skenarin dhe ishte regjisor i nëntë episodeve të ‘Squid Game’ u pyet në një intervistë nëse ai tashmë është po aq i pasur sa konkurrenti fitues i lojës, por ajo që do ju habit është përgjigja që ai dha!

Ai qeshi dhe tha: “Unë nuk jam aq i pasur, por unë kam mjaftueshëm para për të shtruar ushqim mbi tryezë. Nuk është se Netflix po më paguan një bonus. Netflix më pagoi sipas kontratës origjinale”.

Dokumentet e zbuluara treguan se prodhimi i shfaqjes kushtoi 15.5 milionë funte (21.28 milionë dollarë), që rezulton në 1.75 milionë funte (2.4 milionë dollarë) për episod.

Netflix tani vlerëson se mbi 142 milionë abonentë e kanë parë shfaqjen, duke përfshirë 4.4 milionë abonentë të rinj, dhe vetë shfaqja besohet se vlen rreth 650 milionë funte (892.2 milionë dollarë) për Netflix-in në tërësi.

Hëang zbuloi gjithashtu se skenari dhe regjia e çdo episodi ishte një sprovë kaq stresuese saqë ai humbi gjashtë dhëmbë gjatë prodhimit.

“Ishte e lodhshme fizikisht, mendërisht dhe emocionalisht. Vazhdova të kisha ide të reja dhe të rishikoja episodet ndërsa po filmonim, kështu që sasia e punës u shumëfishua”, tha Hëang.

Ai gjithashtu zbuloi se seriali origjinal ishte frymëzuar nga vështirësitë financiare të familjes së tij, pas kolapsit ekonomik global të vitit 2009.

Hëang tregoi se ishte duke punuar në një film, por nuk arriti të merrte financim. “Kështu që nuk mund të punoja për rreth një vit. Na u desh të merrnim kredi – nëna ime, unë dhe gjyshja ime”.

“Squid Game” u publikua më 17 shtator, me regjisorin Hëang që zbuloi se qëllimi ishte të ishte shfaqja numër 1 në Netflix…për vetëm brenda një dite.

Hëang foli edhe për thashethemet për një sezon i dytë, por ai nuk është ende i sigurt nëse do të ndodhë, pasi ka projekte të tjera për të cilat dëshiron të punojë.

“Sigurisht që flitet. Kjo është e pashmangshme sepse ka qenë një sukses i tillë. Unë jam duke e vënë atë në konsideratë. Kam një projekt të nivelit shumë të lartë në mendjen time, por nuk do ta punoj menjëherë. Ka një film që dua ta bëj shumë. Unë jam duke menduar se çfarë të bëj më parë.”, tha ai./KultPlus.com

“Squid Game” mund të shpërblehet me “Emmy”

Posted on by Kult Plus

Seriali i famshëm i Koresë së Jugut “Squid Game” mund të fitojë një shpërblim “Emmy”.

Sipas një zëdhënësi nga Akademia e Televizionit, seriali është i përshtatshëm për një shpërblim të tillë.

Kjo për shkak se seriali u prodhua nën drejtimin e Netflixit, një kompani amerikane. Seriali po ashtu është i përshtatshëm edhe për t’u futur në shpërblimet ndërkombëtare të “Emmyt” pasi është transmetuar nëpër botë. Megjithatë “Squid Game” mund të nominohet vetëm për në një nga ceremonitë, shkruan NME.

U raportua se “Squid Game” mund të bëhet shfaqja më e popullarizuar në Netflix ndonjëherë./ KultPlus.com

Netflix paralajmëron sezonin e 2-të të ‘Squid Game’

Posted on by Kult Plus

Nëse sezoni i parë i ‘Squid Game’ ju ka lënë përshtypje, Netflix ka paralajmëruar se sezoni i 2-të mund të vijë më shpejt se sa ishte planifikuar, transmeton KultPlus.

‘Squid Game’ vodhi zemrat e shikuesve në mbarë botën dhe është në rrugën e duhur për t’u bërë shfaqja më e madhe e Netflix e të gjitha kohërave, duke dominuar në shumë vende të botës si një ndër serialet më të shikuara.

Pavarësisht se në intervistat e kaluara tha se nuk ishte i interesuar të vazhdonte serinë, Hwang (skenaristi dhe regjisori i serialit) ka ndryshuar mendje dhe është i ngazëllyer për të eksploruar më shumë nga ajo që ‘Squid Game’ mund të ofrojë.

Nëse aprovohet nga Netflix, Hwang thotë se sezoni 2 do të përqendrohet në frontmen dhe vëllain e tij, një oficer policie. Vëllai do të përpiqet të shpëtojë ndërsa zbulon se ky i fundit është një nga administratorët superior të lojës së korruptuar. Sipas Hwang, nëse i jepet mundësia për sezonin 2 nga Netflix, ai do të donte që një ekuipazh më i madh të ndihmonte në prodhimin e ‘Squid Game’. /KultPlus.com