Etiketë: Shakira

Shakira do të mbajë koncerte falas për fansat

Posted on by Kult Plus

Ylli i muzikës, Shakira po promovon albumin e saj më të fundit “Las mujeres ya no lloran” dhe për këtë po përdor mënyra të ndryshme.

Këngëtarja kolumbiane po përgatitet të realizojë koncerte falas në Mexico City, Bogota dhe Rio de Janeiro. Nuk është ende e konfirmuar, të paktën në rrugë zyrtare, por besohet se Shakira do të performojë në këto qytete të mëdha.

Një lëvizje e tillë e këngëtares vjen pasi ajo organizoi një koncert falas në “Times Square” të New York-ut, ku  më shumë se 40,000 fansa u dyndën për të parë yllin e muzikës duke thyer një rekord audience të mbledhur ndonjëherë në “Times Square”.

Pas intervistave që Shakira dha për mediat në mbarë botën, duke folur për ish-partnerin e saj Pique, i cili është babai i fëmijëve të saj Milan dhe Sasha, koncerti që dha në New York u pa si një dhuratë për fansat që e kanë mbështetur atë të dominojë tregun amerikan.

Në këto koncerte falas që do të mbahen pritet të këndohen edhe projekte nga albumi i fundit i artistes i cili është i pari në 7 vite. / KultPlus.com

Shakira publikon këngën “Punteria”, bashkëpunim me artisten e njohur (VIDEO)

Posted on by Kult Plus

Këngëtarja e njohur Shakira, ka publikuar sot albumin e ri të titulluar “Gratë nuk qajnë më”, pas një pauze prej shtatë vitesh.

Titullin e albumit që ka për kuptim një temë fuqizimi për gratë, e ka dyfishuar si temë në këngën “Punteria” të cilën e solli sot në bashkëpunim me këngëtaren Cardi B.

Në një intervistë, Cardi B kishte shprehur dëshirën e saj për të bashkëpunuar me këngëtaren kolumbiane duke thënë se e ka dashur gjithmonë një disk me Shakirën.

Në albumin e saj, Shakira ka bashkëpunuar edhe me këngëtarë të tjerë, duke përfshirë yllin latin Rauw Alejandro dhe grupin meksikan Grupo Frontera. / KultPlus.com

Shakira po punon për albumin e ri

Posted on by KultPlus

Këngëtarja latine, Shakira, e ka paralajmëruar albumin e saj të re.

Ajo ka thënë se për projektin e ri muzikor është duke bashkëpunuar me producentin dhe muzikantin britanik,  David Stewart.

“Në Londër po punoj me David Stewart për albumin tim të radhës”, ka thënë 46-vjeçarja me anë të një postimi në rrjetin social Facebook./KultPlus.com

Shakira thyen 14 rekorde Guinness me këngën dedikuar Pique

Posted on by Kult Plus

Shakira u nda, publikoi një ‘diss’ që u bë viral dhe theu 14 Rekorde Botërore Guinness,10 prej të cilave ishin vetëm të sajat. Ndaj telenovela “Shakira – Pique” që të gjithë e donim, jo vetëm e bëri më të pasur, por edhe nisi karrierën e saj.

Music Sessions Vol.53, në bashkëpunim me producentin Bizarrap, u publikua në janar dhe u bë kënga më e transmetuar në gjuhën spanjolle në Spotify në 24 orë (14,393,324), kënga më e shikuar në gjuhën spanjolle në YouTube në 24 orë. (63,000,000), ndër të tjera, kënga e parë në gjuhën spanjolle që arriti 100 miliardë shikime në YouTube në më pak se 3 ditë (2 ditë e 22 orë). Deri më sot, Shakira mban 17 Rekorde Botërore Guinness.

Gruaja e parë që hyri në Top 10 të Billboard Hot 100 me një këngë në gjuhën spanjolle
Artisti me më shumë Nr. 1 në tabelën Latine Airplay të Billboard
Artistja e parë femër që thyen një rekord personal në numrin 1 në tabelën Latine Airplay të Billboard
Më shumë javë radhazi në vendin e parë në tabelën e këngëve të nxehta latine të Billboard nga një artist
Artisti me 10 hitet më të mira në listën e këngëve të nxehta latine tëBillboard
Artisti me 10 hitet më të mira në versionin Latin Airplay të Billboard
Artisti me më shumë Nr. 1 në tabelën Latine Pop Airplay të Billboard
Artisti me 10 hitet më të mira në tabelën Latine Pop Airplay të Billboard
Më shumë kryesime në tabelën e shitjeve të këngëve dixhitale latine të Billboard
Artisti me këngët më të shumta në gjuhën spanjolle në numrin 1 në listat e Billboard./KultPlus.com

Kënga e Shakirës theu çdo rekord të YouTube (VIDEO)

Posted on by KultPlus

Shakira dhe Bizarrap kanë bërë histori me një këngë latine që është kryesuese e top-listave në një mënyrë që asnjë këngë nuk e ka bërë ndonjëherë.

Kënga e Shakirës për ish-partnerin e saj, Gerard Pique dedikuar tradhtisë së tij ndaj saj, ka thyer rekorde në YouTube.

“BZRP Music Sessions Vol. 53” u publikua në YouTube më 12 janar dhe shumë shpejt la gjurmë në histori.

Kënga vendosi rekordin për këngën latine më të shikuara në YouTube në 24 orë me 63,000,000 dhe më pas u bë kënga latine më e dëgjuar me një numër prej 100 mln shikimes në You Tube.

Këngëtarja kolumbiane dhe DJ e producenti argjentinas vetëm 24-vjeçar, emri i vërtetë i të cilit është Gonzalo Julián Conde, kanë shumë për të festuar pasi fituan katër tituj të rekordeve botërore Guinness.

Shakira, 45 vjeç, u nda nga ish-futbollisti i Barcelonës, Pique, 35 vjeç, në vitin 2022 pas më shumë se 10 vitesh së bashku. Dyshja kanë edhe dy fëmijë së bashku./ KultPlus.com

Ekspozitë dedikuar Shakirës në Grammy Museum në Los Angelos

Posted on by KultPlus

Në Grammy Museum në Los Angelos u hap një ekspozitë me artikuj të superyllit kolumbian të muzikës, Shakira. Ekspozita sjell në skenë karrierën e saj disa dekadëshe, që prej fillimit e deri më sot.

Sipas përgjegjësve të ekspozitës, qëllimi i hapjes së ekspozitës është prezantimi i një atlasi që paraqet Shakirën si qytetare të botës.

Vizitorët atje kanë shansin të hyjnë në botën e Shakirës përmes muzikës së saj, videove muzikore, kostumeve skenike dhe teksteve të shkruara të këngëve të saja, percjell 21 Media.

Çdo ekspozim përfshinë veshje të cilat i ka veshur Shakira, përfshirë në tepihun e kuq.

Atje përfshihen edhe kostumet me të cilat është paraqitur në Super Bowl, një kitarë e zhytur në ar nga turneu El Dorado World Tour, dhe një tavolinë për miksim këngësh ku fansat mund të analizojnë këngët e saja.

Ekspozita dedikuar Shakirës në Grammy Museum, në Los Angelos, u pagëzua Shakira, Shakira, dhe ajo do të qëndrojë e hapur për vizitorët deri muajin shkurt të vitit të ardhshëm./ KultPlus.com

Kritika për Kupën e Botës në Katar, artistët vazhdojnë të refuzojnë mundësinë për të performuar në hapjen e eventit

Posted on by Kult Plus

Kupa e Botës në Katar është afër dhe për pak ditë bota do të ndalet dhe do të shikojë ceremoninë e hapjes së ngjarjes më të madhe sportive në botë, konkretisht më 20 nëntor, transmeton KultPlus.

Në event zakonisht shfaqen artistët më të mirë në botë, këngët e të cilëve bëhen klasike kur bëhet fjalë për Kupën e Botës. Për shembull, hiti mitik “Waka Waka” nga Shakira në 2010.

Megjithatë, kritikat që janë drejtuar në Kupën e Botës në Katar kanë bërë që disa artistë të refuzojnë mundësinë për të qenë në ceremoninë e hapjes.

Ky është rasti me Dua Lipën dhe Rod Stewart, të cilët e kanë refuzuar këtë mundësi.

Sa i përket Shakirës, kolumbianja ka pasur çështjet e saj personale për t’u marrë dhe prania e saj në Kupën e Botës në Katar u kritikua në rrjetet sociale.

Mirëpo, sipas ‘El programa de Ana Rosa’, Shakira nuk do të performojë në ceremoni pasi ndryshoi mendje pak ditë para fillimit të Kupës së Botës.

“Më është konfirmuar që Shakira nuk do të performojë në ceremoninë e hapjes, por nuk do të thonë nëse do të ketë një rol tjetër gjatë Kupës së Botës”, tha Adriana Dorronsoro nga MARCA në program.

Mirëpo, edhe pse është konfirmuar nga burime jo-zyrtare që ajo nuk do të performojë në hapje të Kupës së Botës, Shakira veçse ka qenë e ftuar si performuese, prandaj duhet të dërgojë një deklaratë për të shpjeguar se çfarë ka ndodhur. /KultPlus.com

Shakira në maj me album të ri

Posted on by KultPlus

Padyshim se është njëra prej këngëtareve më të njohura në botë. Bëhet fjalë për këngëtaren kolumbiane Shakira.

Ajo së fundmi ka një lajm të mirë për të gjithë fansat e saj. Këngëtarja kolumbiane ka njoftuar rreth 45 milionë ndjekësit e saj në “Twitter” se më 26 maj do të nxjerrë albumin e ri të saj, “El Dorado”.

Ky është albumi i njëmbëdhjetë i këngëtares 40-vjeçare, që njëherësh është njëra prej artisteve latine që ka shitur më shumë disqe. Titulli i këtij albumi të ri i referohet qytetit mitik, që eksploruesit e parë spanjollë tentuan ta zbulonin shekuj më parë, në vendlindjen e saj në Kolumbi. Përpara publikimit të këtij albumi, Shakira nxori një nga këngët që i përkasin këtij albumi “Chantaje”, një duet me këngëtarin kolumbian Maluma.

Klipi i kësaj kënge ka arritur 100 milionë shikime në Vevo. Muajin e shkruar, ajo lansoi edhe një këngë tjetër “Me Enamore”, ku ajo flet për lidhjen e saj me futbollistin spanjoll Gerard Piqué, me të cilin ka dy fëmijë. Albumi i saj i fundit është publikuar më 2014. Ai titullohet “Shakira” dhe flet për mëmësinë e saj. Shakira dhe Pique ishin takuar gjatë turneut për xhirimin e videos së këngës “Waka Waka”, kënga zyrtare e Kupës Botërore të Futbollit në Afrikën e Jugut më 2010, e fituar nga ekipi i Spanjës, ku bënte pjesë edhe Piqué. /koha/ KultPlus.com

Nënshkruhet peticion ankese për performancën e Jennifer Lopez dhe Shakirës në Superbowl

Posted on by Kult Plus

Jo të gjithë e kanë pëlqyer shfaqjen e Jennifer Lopez dhe Shakirës në pushimin e pjesëve në “Superbowl”, madje FCC (Komisioni Federal i Komunikimit) në SHBA, ka marrë 1322 ankesa për të.

Jennifer dhe Shakira kënduan dhe kërcyen me super koreografi hitet e tyre më të njohura e pavarëssisht se morën komplimenta nga publiku nga të katër anët e globit, pati dhe nga ata që menduan se shfaqja ishte e papërshtatshme.

Një prej personave që plotësoi një ankesë zyrtare pranë FCC tha se ajo çka kishte parë në ekran ishte “shumë e papërshtatshme” dhe “tepër ofensive”. Ndërkohë të tjerë kanë vënë theksin se ishin një shfaqje e papërshtatshme për fëmijët dhe se të paktën duhet të ishte vendosur një paralajmërim në ekran që të mos ndiqej me familjen. Pati dhe nga ata që e krahasuan me “pornografi”.

Sido që të jetë, performance e J.Lo dhe Shakirës u kosnsiderua një sukses i vërtetë dhe ka marrë më shumë se 135 milionë shikime në Yotube. Shfaaja u konsiderua si një tribut i këngëtareve për rrënjët e tyre latine dhe pati një të ftuar speciale në skenë, pikërisht vajzën e Jennifer, Emma-n. Edhe në rrjetet sociale pati kritika për koreografitë dhe lëvizjet e artisteve, megjitahtë ishin në pakicë të dukshme. /KultPlus.com

Shakira dhe J.Lo me performancë të mahnitshme mbrëmë në Super Bowl (VIDEO)

Posted on by KultPlus

Kur dy divat e muzikës botërore bëhen bashkë, spektakli është i sigurt, shkruan KultPlus.

Shakira dhe J.Lo kanë performuar mbrëmë në shfaqjen Super Bowl.

Kjo shfaqje është pritur me entuziazëm të madh nga fansat të cilët në asnjë mënyrë nuk janë ndarë të zhgënjyer mbrëmë.

J.LO dhe Shakira kanë mrekulluar publikun me performancat e tyre. Për më tepër KultPlus ju sjell videon nga kjo mbrëmje e zjarrtë. / KultPlus.com

Shakira thotë se problemet me zërin e kishin çuar në depresion

Posted on by KultPlus

Shakira është hapur për trajtimin e çështjeve të shëndetit mendor pasi pësoi një dëmtim kërcënues për karrierën dy vjet më parë.

“Unë nuk isha pozitive. Por isha shumë pesimiste”, tha ajo për Guardian.

Në vitin 2017, Shakira pësoi një hemoragji të kordonit vokal. Si rezultat, asaj i është dashur të shtyjë një pjesë të turneut botëror “El Dorado”.

“Unë gjithmonë kam menduar se do të ketë gjëra në jetën time që do të largoheshin, si bukuria, rinia, të gjitha ato gjëra, por kurrë nuk kam menduar që zëri im do të më linte, sepse është kaq e natyrshme për natyrën time. Ishte identiteti im”.

Këngëtarja “Hips Don’t Lie” tha që paaftësia e saj për të kënduar ishte “e padurueshme”.

“Ka pasur raste që unë as nuk mund të dilja nga shtrati – isha aq e dëshpëruar”.

Ylli i popit, e cila është i martuar me futbollistin profesionist Gerard Piqué, tha që burri i saj e shihte “më të keqen” gjatë kësaj kohe të vështirë.

Shakira tha që vizitoi mjekët për të ndihmuar në rregullimin e kordave të saj të dëmtuara, por gjithashtu mbështetej në metoda alternative si meditimi, hipnozë dhe “ndërhyrje hyjnore” nga uji i shenjtë.

Kur zëri i saj u kthye, ajo tha se ndjeu si “një lloj përvoje fetare”.

Turneu “El Dorado” i Shakira rifilloi në verën e vitit 2018. Ajo është vendosur të performojë së bashku me Jennifer Lopez në Super Bowl 2020. Klan Kosova / KultPlus.com

Shakira dhe J.Lo do të interpretojnë në Super Bowl

Posted on by KultPlus

Kur dy divat të muzikës botërore bëhen bashkë, spektakli është i sigurt.

Shakira dhe J.Lo do të performojnë në shfaqjen Super Bowl të këtij viti.

Lopez ka njoftuar fansat e saj në Twitter se nuk do të jetë e vetme dhe bashkë me të do të jetë edhe ylli latin Shakira.

Shfaqja do të mbahet më 20.02.2020 dhe po pritet me entuziazëm nga fansat.

J.LO dhe Shakira dallojnë për shfaqjet e mrekullueshme në koncertet dhe tani do të keni një arsye më shumë për të ndjekur futbollin amerikan. / KultPlus.com

https://www.instagram.com/p/B24wP5cJ7Jp/

Spanja ngre padi ndaj Shakiras për evazion fiskal

Posted on by Kult Plus

Këngëtarja e famshme kolumbiane, Shakira, pritet të akuzohet brenda disa ditësh për 13 milionë funte evazion fiskal.

Ylli kolumbian, 41 vjeç, që ka dy fëmijë me futbollistin e Barcelonës, Gerard Pique, e kalon pjesën më të madhe të kohës së saj në Spanjë. Ligji spanjoll thotë se, njerëzit që kalojnë më shumë se 183 ditë të vitit në Spanjë duhet t’i paguajnë shtetit spanjoll taksë mbi të ardhurat e tyre, edhe kur i fitojnë ato jashtë shtetit, transmeton tch. Zyrtarë, të cilët janë marrë me hetimin e të ardhurave të Shakiras, kanë ngritur akuzën se, këngëtarja pretendon se jeton në Bahamas pikërisht për të shmangur detyrimet financiare ndaj shtetit spanjoll.

Por, Shakira këmbëngul se nuk i ka shkelur rregullat, duke thënë se ka ndjekur me rigorozitet udhëzimet e këshilltarëve të saj financiarë. Avokatët e saj ndërkohë janë duke u marrë me përpilimin e mbrojtjes, kur Shakira të paraqitet së shpejti në sallën e gjyqit./KultPlus.com

Shakira hap dy shkolla në Kolumbi

Posted on by KultPlus

Puna bamirëse e Shakirës nuk ndalet, këngëtarja ka njoftuar se do hapë dy shkolla në vendin e saj të lindjes, Kolumbi.

Shkollat e reja do hapen në Cartagena dhe Barranquilla me Fondacionin e saj Pies Descalzo.Në shkolla do të kenë mundësinë të shkollohen më shumë se 2000 studentë.

“Nuk ka asgjë më të këndshme sesa të shohësh një fëmijë që mund të ishte përfshirë në trafik droge, jo vetëm duke përfunduar shkollën e mesme por edhe duke u përgatitur për universitet”-tha këngëtarja. /KultPlus.com

Shakira ka lansuar klipin e këngës “Nada” (VIDEO)

Posted on by KultPlus

Një prej yjeve më të mëdha në muzikën latino-amerikane, Shakira, ditë më parë e ka publikuar videoklipin më të ri muzikor.

Kënga mban titullin “Nada” dhe për më pak se 24 orë nga lansimi e ka kaluar shifrën prej dy milionë shikimesh në YouTube.

Videoja muzikore u dha premierë në një emision televiziv në Kolumbi, ndërsa klipi u publikua para performancës së fundit në turneun muzikor, ‘El Dorado’.

Vlen të theksohet se Shakira e ka shkruar edhe tekstin e këngës dhe ka punuar në realizimin e saj.

“Nada” është kënga e pestë me radhë nga albumi aktual i Shakiras, “El Dorado”, që zyrtarisht u publikua më 26 maj të vitit të kaluar.

Albumi “El Dorado” përmban 13 këngë, ndërsa pjesë e tij janë edhe hitet, si “Chantaje” dhe “Me Enamore”.

“Chantaje” që u realizua në bashkëpunim me Maluman ka kaluar shifrën prej dy miliardë shikimesh në YouTube. /KultPlus.com

Nuk ia ka konfirmuar ardhjen, Bahtiri bënë plane si ta sjellë Shakirën në Kosovë

Posted on by Kult Plus

I pari i Mitrovicës, Agim Bahtiri foli për performancën e këngëtares me renome botërore, Shakira për të cilën tha se bina ku do të performojë ajo do të ngritet 3 metra e gjysmë.

Ai tha se ka paraparë që Shakira bashkë me të do të shëtitet prej anës së jugut në anën e veriut, në rreth rrotullim dhe do të kthehet bashkë me të. Megjithatë tha se nuk dihet me çfarë makine dhe se ende po negociojnë me të.

Bahtiri tha se do të kërkojë nga institucionet e sigurisë të marrin masa për një ambient të qetë.

Kryetari Bahtiri tha se po dëshiron që hapja të bëhet në mënyrë paqësore dhe kjo është arsyeja pse u zgjodh performanca e saj në Kosovë. “Unë mendoj që është një gjë jashtëzakonisht e vlefshme edhe për të, sepse kajhere parja nuk do të thotë gjithçka, është emri shume ma i madh se parja, dhe unë mendoj se në një qytet të ndarë qe 20 vite, të bashkohen është jashtëzakonisht një çmim i madh për të, për arsye se do të merr edhe emrin e urës. Emri i saj do të pagëzohet në Urën e Ibrit dhe që munen gjeneratat e ardhmshme me lexu emrin e saj aty, dhe të krijohet një përshtypje se vetëm ajo e ka bashkuar qytetin dhe kjo nuk është pak”, tha Bahtiri. Kryetari i Mitrovicës, tutje tha se i dëgjon të gjitha këngët e saj./ insajderi

Pacolli: Jam i gatshëm të ofroj aeroplanin tim privat për Shakirën

Posted on by Kult Plus

Kryetari i Mitrovicës, Agim Bahtiri ditë më parë kishte bërë të ditur që Shakira është këngëtarja e mundshme që o të performojë në hapjen e urës së Ibrit.

Bahtiri kishte konfiruar se asaj i është bërë ftesë zyrtare vetëm se pritet përgjigja e menaxhmentit.

Ministri i Punëve të Jashtme, Behgjet Pacolli, në një intervistë për Telegrafin, ka thënë që përfaqësues të ekipit të tij dhe menaxhmentit të Shakirës janë ende në bisedime për çështjen e koncertit.

“Ardhja e saj pa pagesë është një dëshirë e shprehur nga kryetari Bahtiri, por unë nuk besoj se mund të ndodh diçka e tillë, pasi çdo gjë ka koston e vet. Mirëpo, ne jemi të gatshëm që në bashkëpunim edhe me donatorët, të përmbushim çdo aspekt ekonomik, që të mundësojmë ardhjen e saj në Kosovë”, tha Pacolli.

Madje, Pacolli është shprehur i gatshëm të ofrojë aeroplanin e tij privat ashtu sikurse për Duan dhe Ritën.

“Edhe nëse është këngëtarja ajo që vendos të vijë pa pagesë, ka plot shpenzime që duhet mbuluar menaxhmentin e saj, duke llogaritur këtu orkestër dhe gjithë stafin e nevojshëm. Ndërkohë për udhëtimin nuk është edhe shumë problem, pasi si për Duan dhe Ritën, jam i gatshëm që të ofrojmë udhëtimin me aeroplanin tim privat”, ka theksuar Pacolli./ KultPlus.com

Haradinaj ia tërheq vërejtjen Bahtirit për koncertin e Shakirës në Mitrovicë

Posted on by Kult Plus

Entuziazmi i kryetarit të Komunës së Mitrovicës, Agim Bahtiri për hapjen e Urës së Ibrit me koncert të Shakirës, po rrezikohet.

Kryeministri i Kosovës, Ramush Haradinaj i ka kërkuar Bahtirit që të ketë kujdes me deklarata.

Haradinaj në konferencën për media, pas mbledhjes së Qeverisë, ka komentuar planin që ka Agim Bahtiri për organizimin e një koncerti ku do të performonte Shakira.

Kryeministri thotë se hapja e urës së Ibrit, që ndan qytetin në dy pjesë, nuk është çështje që ndodh vetëm për një ditë.

“Nuk kam as unë kundër. Ura nuk është çështje e hapjes vetëm për një ditë. Nuk dëshirojmë të rikthejmë situata kur dikush barrikadohet në anën tjetër. E kam lutur që ai të kujdeset”, ka thënë Haradinaj.

Ndërkaq, kryetari Bahtiri, sot në një bisedë me Gazetën Express ka thënë se janë në bisedime me menaxherë të disa yjeve botërore për të sjellë në Mitrovicë ndonjërin nga ta. Bahtiri ka konfirmuar se emër konkret kanë Shakirën, ndërsa ka thënë se planifikon që atë ta sjellë në qytetin e ndarë, pa e paguar.

Sipa Bahtirit, është në interesin e këngëtares që të bëhet figura që ka përformuar në një ngjarje kaq madhore, si ai i hapjes së urës që ndan Mitrovicën për 20 vjet.

Shakira u rikthehet turneve pas 7 vjetëve

Posted on by Kult Plus

Pasi shtyu për shtatë muaj turneun e saj ‘El Dorado’ për shkak të problemeve vokale, Shakira ka bërë një shfaqje të madhe ku ka performuar hitet e saj ndër 20 vite karrierë.

Ky është turneu i parë pas 7 vitesh i saj pasi u tërhoq nga muzika për t’iu përkushtuar familjes që krijoi me futbollistin Gerard Pique.

Në shfaqjen e saj në Hamburg, 41-vjeçarja dukej e tronditur, ndërsa pranoi problemet shëndetësore, transmeton tch. “Viti i kaluar ishte një nga kohët më të vështira të jetës time. Të jem përsëri në skenë është kaq emocionuese”, tha ajo për BBC.

Ndërsa fliste për problemin që pati, Shakira rrëfeu se pati shansin e mirë të rikuperohej vetëm në gjendje natyrale pa patur nevojë të hyjë në operacion.

“Duket kaq ndryshe për herën e parë. Në të kaluarën, eksperienca ime në skenë ishte pak ndryshe. Atëherë thosha se këta janë për mua dhe unë duhet të performoj mirë për ta. Ndërsa tani them se është mundësi shumë e madhe që të bëj një turmë të buzëqeshë. Ka patur disa raste që dyshoja nëse do të isha sërish para një turme për të performuar këngët e mia”, tha Shakira./ KultPlus.com

Shakira mbetet këngëtarja më e suksesshme në Youtube

Posted on by KultPlus

Viti 2017 ka qenë viti i sukseseve për shumë këngëtarë në mbarë botën, hitet e të cilëve kanë pushtuar top listat muzikore.

Por duket se artistja që ka arritur më shumë sukses është Shakira, e cila ka lënë pas me klikime në Youtube koleget e saj.

Ka qenë vetë këngëtarja e cila nëpërmjet një postimi në Instagram e ka bërë me dije këtë duke shprehur emocionet e saj:

“Çfarë mënyre e mirë për ta filluar vitin e ri, duke e ditur se e gjithë kjo vjen nga mbështetja e jashtëzakonshme që më keni dhënë! Ju dua kaq shumë”.

Kujtojmë se dy këngët e publikuara nga këngëtarja përgjatë vitit 2017, “Me Enamore” dhe “Perro Fiel”, kanë arritur shifra rekord klikimesh në Youtube. / KultPlus.com

Shakira për shkaqe shëndetësore detyrohet ta shtyj turneun “El Dorado”

Posted on by Kult Plus

Shakira njoftoi të martën se ajo duhet të shtyjë fillimin e turneut botëror “El Dorado”. Këngëtarja e “Hips Do not Lie” tregoi se paraqitja e saj e parë që ishte vendosur në datën 8 nëntor në Koln të Gjermanisë nuk do të nuk do të jetë siç është planifikuar për shkak ajo ka një problem mjekësor, shkruan revista Hello, përcjellë KultPlus.

Në llogarinë e saj në Instagram, ajo ka shkruar : “Gjatë këtyre ditëve të fundit të provave, e mia vokale janë tendosur dhe si rezultat i kësaj mjekët më kanë urdhëruar që zëri im të pushoj në mënyrë që të shmangur ndonjë më shumë dëmtime që mund të më mbajnë larg këndimit. Jam shumë e trishtuar që më duhet të humbasë paraqitjen e parë më 8 nëntor në Koln”, ka shkruar Shakira.

Shakira kishte shkruar “I dua aq shumë fansat e mi gjermanë dhe ndihesha shumë e lumtur të ndaj performancen e parë me ju. Aq shumë sa kjo po më shkakton dhimbje, unë e di që duhet t’i kushtoj vëmendje këshillave të mjekëve dhe kur të rikthehem do të ju jap gjithçka që kam marrë nga ju”, përcjellë KultPlus.

Shakira kishte njoftuar në Qershor se ajo do lëvizte në gjithë botën me turneun e saj të parë që prej gjashtë viteve. Këngëtarja do të udhëtojë në të gjithë globin, duke u ndalur në Evropë, para se të shkojë në Shtetet e Bashkuara dhe të godasë Miamin, Nju Jorkun dhe Los Anxhelosin, dhe pastaj të vazhdoi turneun e saj në Amerikën Latine. Në atë kohë këngëtarja kishte shkruar.

“Faleminderit të gjithëve që kaq shumë e keni dëgjuar muzikën time në shumë vende të botës. Tashmë nuk po më pritet që të kthehem përsëri në skenë për të kënduar së bashku me të gjithë ju, të gjitha këngët e juaja të preferuarat dhe të mijat”./ KultPlus.com