Etiketë: sheshi skenderbej

Kryeministri Rama: Mos e humb koncertin festiv në sheshin “Skënderbej”

Posted on by Kult Plus

Kryeministri Edi Rama ka bërë thirrje nëpërmjet rrjeteve sociale për të mos e humbur koncertin festiv, sot, në sheshin “Skënderbej”, në orën 19:00.

Më herët, kryeministri Rama, ka njoftuar për secilin nga artistët që do të jenë pjesëmarrës në koncertin e 28 korrikut, i cili kremton dy ngjarje speciale: 100 vjetorin e marrëdhënieve Shqipëri- SHBA dhe hapjen e negociatave me Bashkimin Evropian.

Lista e këngëtarëve që do të performojnë sonte, është e gjatë dhe premtuese për një superkoncert të suksesshëm. Disa prej tyre janë Anxhela Peristeri, Soni Malaj, Fifi, Ylli Limani, Alban Skënderaj, Xhensila Myrtezaj, Çiljeta Xhilaga, Flori Mumajesi etj.

Gjithashtu organizatorët kanë njoftuar se muzika do të pasohet nga një spektakël fishekzjarrësh.

Shqipëria dhe Bashkimi Evropian mbajtën në 19 korrik Konferencën e Parë Ndërqeveritare mes tyre në Bruksel, që shënoi edhe hapjen zyrtare të bisedimeve për anëtarësim të vendit tonë në BE.

Për të kremtuar këtë ngjarje të shënuar si dhe me rastin e vendosjes së marrëdhënieve diplomatike mes Shqipërisë e SHBA, u organizua ky superkoncert i cili do të zhvillohet sonte, në sheshin “Skënderbej”. / KultPlus.com

Alban Skënderaj dhe Fifi, pjesë e koncertit të 28 korrikut në sheshin “Skënderbej”

Posted on by Kult Plus

Në kuadër të hapjes së negociatave me Bashkimin Evropian dhe 100-vjetorin e marrëdhënieve me SHBA, më 28 korrik do të zhvillohet një koncert në sheshin “Skënderbej”, përcjell KultPlus.

Kryeministri Edi Rama bëri të ditur sot se në këtë koncert do të marrë pjesë këngëtarja e njohur Fifi si dhe këngëtari Alban Skënderaj.

“Fifi do të jetë në shesh. Bashkë në #28Korrik, me super koncertin në #sheshinSkenderbej, për dy ngjarje speciale: 100-vjetorin e lidhjes sonë me SHBA dhe lidhjen me Bashkimin Europian 100 vjet më pas.“

“Albani do të jetë në shesh. Bashkë në #28Korrik, me super koncertin në #sheshinSkenderbej, për dy ngjarje speciale: 100-vjetorin e lidhjes sonë me SHBA dhe lidhjen me Bashkimin Europian 100 vjet më pas.“

Ndërkohë, është konfirmuar edhe performanca e artistëve të tjerë si Xhensila Myrtezaj dhe Flori Mumajesi.

Shqipëria dhe Bashkimi Evropian mbajtën në 19 korrik Konferencën e Parë Ndërqeveritare mes tyre në Bruksel, që shënoi edhe hapjen zyrtare të bisedimeve për anëtarësim të Shqipërisë në BE. / KultPlus.com

Flori Mumajesi dhe Xhensila Myrtezaj, pjesë e koncertit të 28 korrikut në sheshin “Skënderbej”

Posted on by Kult Plus

Në kuadër të hapjes së negociatave me Bashkimin Evropian dhe 100-vjetorin e marrëdhënieve me SHBA, më 28 korrik do të zhvillohet një koncert në sheshin “Skënderbej”, përcjell KultPlus.

Kryeministri Edi Rama bëri të ditur sot se në këtë koncert do të marrë pjesë këngëtarja e njohur Xhensila Myrtezaj dhe këngëtari Flori Mumajesi.

“Xhensila do të jetë në shesh. Bashkë në 28 korrik, me super koncertin në sheshin Skënderbej, për dy ngjarje speciale: 100-vjetorin e lidhjes sonë me SHBA dhe lidhjen me Bashkimin Evropian 100 vjet më pas.“

“Flori do të jetë në shesh.Bashkë në #28Korrik, me super koncertin në #sheshinSkenderbej, për dy ngjarje speciale: 100-vjetorin e lidhjes sonë me SHBA dhe lidhjen me Bashkimin Europian 100 vjet më pas.“

Shqipëria dhe Bashkimi Evropian mbajtën në 19 korrik Konferencën e Parë Ndërqeveritare mes tyre në Bruksel, që shënoi edhe hapjen zyrtare të bisedimeve për anëtarësim të Shqipërisë në BE. / KultPlus.com

Sheshi Skënderbej në Tiranë kthehet në skenë gjigante vallëzimi

Posted on by Kult Plus

 Sheshi Skënderbej u shndërrua në një skenë baleti, me plot të rinj dhe të reja.

Nën tingujt e muzikës, të rinjtë e Tiranës dhe jo vetëm, shijuan mbrëmjen e djeshme valsin vjenez nën koreografinë e balerinit dhe koreografit shqiptar me famë botërore, Eno Peçi.

Ishin të shumtë në numër të rinjtë që shfaqën dëshirën për të mësuar se si kërcehet një vals, e ku ka më bukur se të mësosh nga më i miri.

Aktiviteti u organizua nga Kongresi Rinor Kombëtar në kuadër të “Tirana Kryeqyteti Evropian i Rinisë 2022” në bashkëpunim me bashkinë Tiranë dhe Ambasadën e Austrisë në Tiranë./atsh/KultPlus.com

Arilena Ara sjell festivalin e saj të parë në Shqipëri

Posted on by Kult Plus

U bë kohë e gjatë që kur kemi marrë pjesë në një festival për herë të fundit po pritja ka përfunduar.

Në datën 19 nëntor, në orën 19:00, sheshi “Skënderbej” do të presë mijëra persona për të festuar “ngjyrat” e albumit të ri të Arilena Arës.

Ashtu siç ka treguar edhe artistja ndërkombëtare në rrjetet e saj sociale, “Pop Art Festival” do të presë në skenë edhe këngëtarë të njohur si Gjon’s Tears dhe Noizy.

Ky festival është i pari i llojit të tij për promovimin e një albumi muzikor dhe është koncerti i parë recital para mijëra vetëve në Tiranë për Arilenën.

Kujtojmë se vitin e kaluar Arilena mbajti një koncert akustik në sheshin “Nënë Tereza”, por pa praninë e publikut në kuadër të masave parandaluese të COVID-19. Albumi “Pop Art”, me 12 këngë përfshirë këtu edhe “Thirr Policinë”, “Ke me mungu”, “Aligator” dhe “Murderer”, shënon një tjetër stad të karrierës së Arilenës, dhe vendos një standard të ri për industrinë e muzikës shqiptare.

Vite pas fitores së X Factor Albania, pak vite pas bujës që pati kënga “Nëntori” dhe shumë pak kohë pas fitores së Festivalit të 58-të të Këngës, Arilena duket gati më shumë se kurrë për sukseset e radhës.

Se çfarë surprizash do të ketë “Pop Art Festival” mbetet për t’u zbuluar në 19 nëntor, në sheshin Skënderbej! / KultPlus.com

Sheshi “Skëndërbej” kthehet në arenën e muzikës shqiptare

Posted on by Kult Plus

Qendra e Tiranës u kthye mbrëmjen e djeshme në një festë të vërtetë të muzikës shqiptare.

Në skenën e ngritur përballë Teatrit të Operas dhe Baletit u organizua një mbrëmje gala me artistët më të rinj të Ansamblit Popullor.

Në programin e këtij koncerti ishin përzgjedhur këngët dhe vallet tradicionale shqiptare më të njohura dhe më të mirat që përmban repertori I folklorit të vendit tonë.

Deputues në këtë skenë ishin 35 te rinj, vokalistë dhe valltarë të cilët u trajnuan intensivisht për tre muaj rresht në “Studio Ansambël.

TKOB gjithashtu me këtë event të organizuar, përmbylli edhe kalendarin artistik Janar – Korrik 2021.

Drejtoresha e TKOB, Zana Çela shprehet: “Me një sensibilitet të veçantë për përkrahjen e të rinjve Kryetari i Bashkisë së Tiranës, Erion Veliaj shprehu vlerësimin dhe falenderimin e madh për përkrahjen e artistëve të rinj që prekin skenën e TKOB dhe ato të Tiranës”.

Ajo ka theksuar se artistët deputues në këtë koncert janë “Artistët e së Ardhmes”.

Festa e madhe vijoi me këngët dhe vallet që kanë bërë historinë e muzikës popullore shqiptare, interpretuar nga yjet e rinj të skenës shqiptare. / ATSH / KultPlus.com

@ATSH

“Verë dhe Portokalle”, festa e madhe në sheshin Skënderbej

Posted on by Kult Plus

Pasi argëtoi publikun në sheshet e vendit, nga veriu në jug, “Verë dhe Portokalle”  u ndal në  Tiranë.

Aktorët u zhvendosën nga teatri i Portokallisë. Por dhe shikuesit besnikë në kryeqytet, për një natë i lanë telekomandat mënjanë dhe qeshën e u argëtuan në sheshin Skënderbej me humoristët  e preferuar.

Vitet e fundit portokallia në sheshe është bërë traditë, por nuk mungojnë kurrë emocionet e aktorëve, që intensiteti i shfaqjeve i vë para një sfide më të vështirë se ajo e teatrit të Portokallisë, në studiot e Top Channel.

Për  mëse dy orë nuk munguan në sheshin Skënderbej surpriza të shumta dhe ndërveprim me publikun në natën e gjatë të humorit Portokalli me “Verë dhe Portokalle”./BotaSot/ KultPlus.com

Sheshi “Skënderbej” në Tiranë në finalen e Çmimit të BE për Arkitekturën Bashkëkohore

Posted on by KultPlus

Sheshi “Skënderbej” do të marrë pjesë në një tjetër kompeticion, në finalen e madhe të Çmimit më prestigjioz të arkitekturës – Çmimi i Bashkimit Europian për Arkitekturën Bashkëkohore.

Lajmin e ka bërë të ditur kryeministri i Shqipërisë, Edi Rama, në një postim në twitter, transmeton oranews.

“E paimagjinueshme deri shumë pak kohë më parë! Sheshi Skënderbej në finalen e madhe të Çmimit më prestigjioz të arkitekturës – Çmimi i Bashkimit Europian për Arkitekturën Bashkëkohore që mban emrin e legjendarit Mies Van Der Rohe. #QentëLeTëLehin vazhdimi dihet”, shkruan Rama në twitter. /KultPlus.com

Ky është fjalimi më rrëqethës i presidentit Ibrahim Rugova (VIDEO)

Posted on by KultPlus

Në vitin 2001, më 28 nëntor, është vendosur monumenti i Skënderbeut në qendër të Prishtinës. Fjalën e rastit e kishte mbajtur Presidenti Ibrahim Rugova, atëherë ende në cilësinë e kreut të LDK-së.

Në fjalimin e tij Rugova kishte thënë se shumë gjenerata e kishin ëndërruar një ditë të tillë.

“Shumë gjenerata të mëparshme, si dhe gjenerata jonë e kemi ëndërruar këtë ditë. Gjeneratat e reja fëmijët tani, do të rriten me Skënderbeun, do të rriten me heroin e vet. Do të ndihen më të qetë edhe dëshmorët e shumë brezave dhe ata të luftës së fundit për lirinë dhe pavarësinë e Kosovës. Sot Kosova është e lirë, e bën të lirë nipat e tij dhe miqtë e Skënderbeut”, është shprehur Rugova me këtë rast.

Ky është fjalimi më rrëqethës i presidentit Ibrahim Rugova i mbajtur më 28 nëntor ditën kur u vendos monumenti i Heroit Kombëtar Gjergj Kastrioti Skënderbeu në Prishtinë.

Më poshtë po ju sjellim fjalimin e plotë të presidentit Rugova. /KultPlus.com

Rita Ora sonte ndezë Tiranën

Posted on by Kult Plus

Stina e verës në Tiranë do të jetë e mbushur me koncerte dhe një fakt i tillë është paralajmëruar herët.

Sonte në sheshin Skënderbej në Tiranë, për të performuara para shumë shqiptarëve do të jetë e famshmja nga Kosova Rita Ora, shkruan KultPlus.

Ajo do të rikthehet në këtë shesh pas 6 vitesh ku në 2012 performoi për 100-vjetorin e Pavarësisë./ KultPlus.com

Ermal Meta dhe Rita Ora ndezin Tiranën më 1 dhe 3 qershor

Posted on by Kult Plus

Qershori në Tiranë nis me super evente. Pas koncertit të mbrëmshëm që shënjoi edhe përurimin e Teatrit të Hapur, në 1 dhe 3 qershor në sheshin “Skënderbej” do të zbresin artistët më mirë shqiptarë të momentit, brenda dhe jashtë vendit.

Më 1 qershor Ermal Meta dhe më 3 qershor Rita Ora vijnë në Tiranë për të sjellë një eksperiencë të paharrueshme së bashku me artistët tanë më të mirë të skenës kombëtare.

Marsela Çibukaj dhe Vitmar Basha do të ndezin skenën nesër për të pritur më pas fituesin e Sanremos, Ermal Meta dhe përfaqësuesin e Shqipërisë në Eurovizion, Eugent Bushpepajn. Në datën 3 Qershor Sheshi “Skënderbej” do të digjet nga energjia e Kidës dhe do të kulmojë me performancën e shumëpritur nga gjithë shqiptarët të këngëtares me famë botërore, Rita Ora.

Dy net të mrekullueshme me dy emra të skenës botërore që i bëjnë shqiptarët gjithmonë krenar. Të dy koncertet do jenë të hapur për publikun, ndaj bëhu gati se ka ardhur Ora e Super Muzikës./ KultPlus.com

Rita Ora: Jam shumë e lumtur që do të jem në Tiranë

Posted on by Kult Plus

Stina e verës në Tiranë do të jetë e mbushur me koncerte dhe një fakt i tillë është paralajmëruar herët.

Një nga këngëtaret e njohura që pritet të elektrizojë “Sheshin Skënderbej” është edhe këngëtarja nga Kosova Rita Ora.

Ajo do të rikthehet në këtë shesh pas 6 vitesh kur në 2012 performoi për 100-vjetorin e Pavarësisë. Përmes një statusi në Facebook, Ora është shprehur më e lumtur se kurrë për këtë koncert.

“Shumë e lumtur që do të jetë jem në Tiranë, kryeqyteti në Shqipëri, i cili është gjithnjë në ndryshim, për një shfaqje të madhe më 3 qershor në “Sheshin Skënderbej”. Mezi pres të festoj me të gjithë ju,-Tirana Rocks!,”-përfundon Rita.

Veç saj emra të tjerë të njohur priten të performojnë në shesh si Ermal Meta, Daddy Yanke, Dua Lipa, Martin Garrix etj./ KultPlus.com

Tirana ndez dritat e festave të fundvitit (VIDEO)

Posted on by Kult Plus

Tashmë në gjithë botën kanë nisë përgatitjet për festat e fundvitit, e një ndër to që është edhe më e rëndësishmja në këto festa, është zbukurimi i qyteteve dhe shtëpive.

Kësisoj mbrëmë kryeqyteti i Shqipërisë, Tirana, ndezi dritat në Sheshin Skënderbej, shkruan KultPlus.

Kjo gjë u bë nga i pari i Bashkisë së Tiranës, Erion Veliaj, i cili këto momente magjike i ndau edhe me ndjekësit e tij në rrjetin social Facebook.

“Gezuar Festat – Tirana i ndezi dritat e festes, solidaritetit e bujarise shqiptare!”, ka shkruar Veliaj, i cili poashtu ka publikuar edhe një video pikërisht të momentit të ndezjes së dritave. / KultPlus.com

Shkëlzen Doli ‘mbyllë’ sheshin ‘Skënderbej’

Posted on by Kult Plus

Të shtunën më 23 shtator në sheshin Skënderbej në Tiranë, do të mbahet koncerti i violinistit shqiptar Shkëlzen Doli.

Ky projekt i quajtur nga vetë Doli ‘Shkëlzen Doli-Albanian Soul’, pritet të jetë një ndër koncertet më madhështore të realizuara së fundmi në Tiranë.

Kësisoj pikërisht për këtë ngjarje të madhe të muzikës shqiptare dhe jo vetëm sheshi Skënderbej që nga e enjtja më 21 shtator e deri më 23 shtator do të jetë i mbyllur dhe hyrja për në koncert do të jetë vetëm me bileta, shkruan KultPlus. Kështu ka njoftuar nëpërmjet rrjetit social Facebook, vetë violinisti shqiptar, i cili poashtu ka treguar se janë rezervuar dhe janë shitur rreth 70% e biletave deri më tani./ KultPlus.com

Shkëlzen Doli interpreton veprën e kompozitorit Florent Boshnjaku

Posted on by Kult Plus

Maestro i violinës, Shkëlzen Doli, më 23 shtator në sheshin ‘Skënderbej’ në Tiranë, do të sjellë magjinë e interpretimit përmes projektit të tij ‘Albanian Soul’.

Ky koncert tashmë është paralajmëruar që do të ketë një program të pasur artistik duke u bazuar në muzikën e të gjitha trevave shqiptare por nuk do të mungojnë edhe perlat e muzikës botërore.

Ky koncert që pritet të jetë madhështor në Tiranë, do të përmbyllet me një pikë të kompozuar nga kompozitori kosovar Florent Boshnjaku. Këtë gjë e bëri të ditur për KultPlus, vetë kompozitori Boshnjaku, i cili tregoi se kjo pikë është kompozuar enkas për këtë koncert dhe do të luhet nga mjeshtri i violinës Shkëlzen Doli.

“Në këtë koncert do të luhen një pjesë e veprave të njohura klasike të ri-orkestruara dhe pastaj do të luhet një program me muzikë shqipe (këngë të dëgjuara të ri-orkestruara, ku edhe këtu e kam një orkestrim timin). Pastaj ka edhe pika origjinale të kompozuara enkas për koncert. Numri im do ta përmbyllë koncertin dhe është origjinal, pra i kompozuar enkas për këtë koncert dhe luhet nga Shkëlzen Doli bashkë me orkestër dhe bend”, ka thënë për KultPlus Florent Boshnjaku.

Vepra quhet ‘E bukura’, ndërsa më 23 shtator në sheshin ‘Skënderbej’, kjo vepër do ta përmbyll koncertin e Shkëlzen Dolit ‘Albanian Soul’./ KultPlus.com