Vendi sekret ku shpesh herë qëndronte Coco Chanel, është shitur së fundi për një çmim prej plot 3.9 milionë dollarësh.
Estate Rosehall afër Lairg, Skoci, ishte dikur koloni e fshehtë e Chanel, themelueses së dinastisë shumë-milionë dollarëshe të modës, që jetoi atje në vitet 1920 me të dashurin e saj Hugh Grosvenor, Dukën e dytë të Westminster.
Një ofertë e panjohur e bërë nga një blerës i huaj është pranuar, edhe pse është shumë e kuptueshme se shtëpia dhe 700 hektarët që e rrethojnë do të kushtojë miliona për t’u riparuar plotësisht, transmeton KultPlus.
Rezidenca me 12 dhoma gjumi do të shndërrohet në një hotel luksoz për të parandaluar shkatërrimin e tij pasi të jetë aprovuar leja e planifikimit për restaurim.
Rosehall ishte një nga pronat më të shtrenjta në Skoci, gjë që u tregua përsëri edhe me shitjen e fundit që iu bë kësaj prone.
Rezidenca u ndërtua fillimisht në vitin 1873 për të zëvendësuar një shtëpi tjetër në të njëjtin vend që u shkatërrua nga një incident zjarri. /KultPlus.com
