Si testament i përkushtimit për promovimin e lirisë dhe edukimit, Shkolla Finlandeze në Kosovë ka marrë përsëri vëmendje ndërkombëtare, me shfaqjen e saj të tretë në CNN, në kuadër të iniciativës së CNN të quajtur “Dita Ime e Lirisë” (My Freedom Day).
Prishtinë, 14 Mars – Medium prestigjioz amerikan CNN të cilin e shikojnë mbi 300 milionë njerëz në ditë mesatarisht, vazhdon të jetë zë i fuqishëm kundër skllavërisë moderne e cila prekë vendet e ndryshme të botës. CNN ka shënuar kampanjën e saj të përvitshme “My Freedom Day” me të cilën mundohet të vetëdijesoj njerëzit se çfarë është skllavëria moderne, si manifestohet ajo në vende të ndryshme të botës dhe si mund të ndalohet.
Aktivitete të tilla ndërgjegjësuese janë mbajtur në Shkollën Finlandeze me një theks të veçantë tek liritë dhe të drejtat e fëmijëve. CNN ka përzgjedhur aktivitetet e Shkollës Finlandeze si me të veçantat në Evropë dhe ka shfaqur ato në disa edicione televizive, duke bërë jehonë të jashtëzakonshme tek qindra miliona shikues në mbarë botën. Kosova në baza ditore promovohet në CNN përmes projekteve të Shkollës Finlandeze, të cilat shfaqen në rrjetin më të madh televiziv kombëtar amerikan. Nxënësit e shkollës janë dalluar për qëndrimin e tyre në përkrahje të kësaj iniciative.
Iniciativa e cila shënohet çdo herë me 14 mars, i inkurajon shkollat dhe komunitetin të përfshihen në diskutime dhe aktivitet që dënojnë çdo formë të skllavërisë moderne. Për këtë iniciativë nxënës nga shkolla të ndryshme në botë bëhen bashkë për të informuar komunitetin përreth tyre në lidhje me skllavërinë moderne dhe trafikimin e qenieve njerëzore.
Shkolla Finlandeze e Kosovës çdo herë përmes programeve të saj edukative dhe iniciativave të ndryshme ka theksuar rëndësinë e lirisë, respektimit të të drejtave të njeriut dhe rëndësinë e përgjegjësisë shoqërore. Edhe këtë vit nxënësit e shkollës morën vëmendjen e CNN, që tregon dedikimin e vazhdueshëm të tyre për liri.
Përmes diskutimeve deri të projektet inovative, nxënësit dhe stafi i shkollës kanë dëshmuar dedikimin e tyre të plotë për të ndryshuar botën për të mirë. Me përfshirjen e moshave të reja në iniciativa të tilla dhe informimin e duhur të tyre, shkollat si ajo finlandeze në Kosovë luajnë rol jetik në formimin e një botë më të mirë për të gjithë.
Projekti “My Freedom Day” u jep zë të mbijetuarve të skllavërisë moderne dhe kërkon nga qeveritë e të gjitha shteteve në botë që të mbajnë përgjegjësi dhe të veprojnë në ndalimin e të gjitha formave të saj.
Së fundmi, Shkolla Finlandeze ka lansuar edhe programin IMPACT i cili ua mundëson gjithë familjeve në Kosovë tí shkollojnë fëmijët e tyre në sistemin #1 të edukimit në botë, atë finlandez për kosto të përballueshme mujore, duke filluar nga 195 EUR në muaj. Për më shumë detaje, vizitoni faqen e programit IMPACT. /KultPlus.com
