Etiketë: shkrirja e akullnajave

OKB: Shkrirja e akullnajave po thyen të gjitha rekordet

Posted on by Kult Plus

Akullnajat e botës u shkrinë në vitin 2022 me një shpejtësi dramatike dhe mbrojtja e tyre është në fakt një kauzë e humbur, deklaroi Oranizata e Kombeve të Bashkuara( OKB).

“Loja tashmë është e humbur për akullnajat sepse përqendrimi i CO2 është tashmë shumë i lartë,” tha Petteri Taalas, kreu i Organizatës Botërore Meteorologjike që publikoi raportin vjetor të gjendjes së klimës.

Sipas WMO, “akulli i detit Antarktik ka arritur nivelin e tij më të ulët në rekord dhe shkrirja e disa akullnajave evropiane ka thyer fjalë për fjalë rekorde”.

Temperatura mesatare globale në vitin 2022 ishte 1.15 gradë mbi mesataren e viteve 1850-1900, dhe vitet 2015 deri në 2022 ishin tetë vitet më të ngrohta që nga fillimi i rekordit instrumental në 1850.

Për më tepër, shkrirja e akullnajave dhe rritja e nivelit të detit, e cila përsëri arriti nivele rekord në 2022 do të vazhdojë për mijëra vjet”, sipas raportit të fundit vjetor nga Organizata Botërore Meteorologjike (WMO), në Gjenevë. /KultPlus.com

Immagine relativa allo studio pubblicato dalla rivista Nature Geoscience. Che i ghiacciai di montagna che si stiano sciogliendo e’ un dato di fatto, ma secondo uno studio pubblicato dalla rivista Nature Geoscience il fenomeno è relativo praticamente solo agli ultimi 30 anni, quando il processo ha avuto un’accelerazione di 100 volte. I ricercatori guidati da Neil Glasser dell’università di Exeter hanno ideato un nuovo metodo per misurare gli oltre 270 ghiacciai della Patagonia, trovando che a partire dall’ultimo picco positivo, registrato a metà del diciassettesimo secolo, si sono sciolti oltre 600 chilometri cubici. ANSA / NEIL GLASSER – NATURE +++NO SALES – EDITORIAL USE ONLY+++

Shtresat e akullit që shkrihen në Antarktik, mund të zhduken më shpejt sesa pritet

Posted on by Kult Plus

Një hulumtim zbuloi se shtresat e akullit në Antarktik, mund të shkrihen më shpejt sesa pritet. Sipas hulumtimit të publikuar në revistën “Nature”, një grup shkencëtarësh nga Universiteti Newcastle në Britani të Madhe, bëri një studim që shqyrton rritjen e nivelit global të detit.

Shkencëtarët zbuluan se shtresat e akullit në brigjet e Norvegjisë tërhiqen deri në 600 metra në ditë. Si rezultat i hulumtimeve, është konstatuar se masat akullnajore në Antarktik tërhiqen më shumë se 30 metra në ditë.

Përveç kësaj, për shkak të ndryshimeve klimatike shtresat e akullit që shkrihen në Antarktik shkaktojnë rritjen e nivelit të ujit në oqeane me rreth 1 centimetër.

Rezultati i hulumtimit do të hedhë dritë sesa shpejt mund të shkrihet akulli në Grenlandë dhe Antarktik dhe të rrisë nivelet globale të deteve.

Dr. Christine Batchelor nga Universiteti Newcastle në deklaratën e saj për BBC lidhur me temën tha se nëse vazhdon rritja e temperaturës në këtë mënyrë do të rriten nivelet e oqeaneve./KultPlus.com

Shkrirja e madhe e akullit të Antarktidës do të ngadalësojë në mënyrë dramatike rrjedhën e oqeaneve

Posted on by Kult Plus

Shkrirja e shpejtë e akullit të Antarktidës po ngadalëson në mënyrë dramatike rrjedhën e ujit nëpër oqeanet e botës dhe mund të ketë një ndikim katastrofik në klimën globale, zinxhirin ushqimor detar dhe madje edhe stabilitetin e rafteve të akullit, ka zbuluar një studim i ri.

“Qarkullimi përmbysës” i oqeaneve, i nxitur nga lëvizja e ujit më të dendur drejt dyshemesë së detit, ndihmon në shpërndarjen e nxehtësisë, karbonit, oksigjenit dhe lëndëve ushqyese jetike në mbarë globin.

Por rrjedhat e ujit të thellë të oqeanit nga Antarktiku mund të ulen me 40% deri në vitin 2050, sipas një studimi të botuar të mërkurën në revistën Nature.

“Është mahnitëse të shohësh që kjo të ndodhë kaq shpejt,” tha Alan Mix, një paleoklimatolog në Universitetin Shtetëror të Oregonit dhe bashkëautor në vlerësimet e fundit të Panelit Ndërqeveritar për Ndryshimet Klimatike, i cili nuk ishte i përfshirë në studim. “Duket se është duke u nisur për momentin. Ky është lajmi kryesor.”/KultPlus.com

WMO: Shkrirja e akullnajave alpine të Evropës në nivele alarmante

Posted on by Kult Plus

Tetë vitet e fundit janë më të nxehtit në histori  duke sjellë ndikime gjithnjë e më dramatike dhe vdekjeprurëse të ndryshimeve klimatike, tha OKB.

”Rritja e nivelit të detit po përshpejtohet, shkrirja e akullnajave alpine të Evropës është në nivele alarmante dhe përmbytjet shkatërruese, thatësira dhe valët e të nxehtit goditën edhe vitin 2022”, tha ndërkohë Organizata Botërore Meteorologjike (WMO).

Ndërsa bisedimet e fundit ndërkombëtare për klimën, Cop27, nisën në Sharm el Sheik, organi i OKB-së për motin dhe klimën publikoi raportin e tij vjetor të gjendjes globale të klimës me një paralajmërim tjetër se ”objektivi për të kufizuar rritjen e temperaturës në 1,5 gradë Celsius ishte pothuajse i paarritshëm”.

”Temperatura mesatare globale në vitin 2022 vlerësohet të jetë rreth 1,15 gradë Celsius mbi nivelet e parë në periudhën 1850-1900”, tha WMO.

Kjo e rendit vitin 2022 si viti i pestë ose i gjashtë më i ngrohtë rekord, përballë një fenomeni të rrallë moti si ”La Nina”, i cili ka ftohur natyrshëm temperaturat globale për dy vitet e fundit.

Por, WMO paralajmëroi se kjo nuk do të thotë se ka pasur një ndryshim në trendin e ngrohjes.

Tetë vitet që nga viti 2015 ka të ngjarë të jenë tetë vitet më të ngrohta të regjistruara dhe ndikimet e ngrohjes globale po bëhen më të theksuara.

Rekordet e shkrirjes së akullnajave u thyen në Alpet Evropiane, me humbje mesatare prej tre deri në katër metra të trashësisë së akullit në të gjithë vargun malor – dukshëm më shumë se viti i mëparshëm rekord, ai 2003./ atsh / KultPlus.com