Andi Bajgora ka lindur më 19 korrik 2002, në Prishtinë / Kosovë. Ai njihet më së shumti për rolet e tij në filma të ndryshëm, si filmi i nominuar për Oscar “Shok”, fituesi i disa çmimeve ndërkombëtare dhe pjesëmarrës në disa festivale të ndryshme nëpër botë, shkruan KultPlus.
Është fitues i çmimit për aktorin më të mirë për interpretimin e tij në “SHOK” nga Mallorca FF.
. Në vitin 2016 është shpërblyer si Ambasador i Artit të Kosovës nga çmimet “FIDES”. Ndërsa në vitin 2017 ishte në top 10 aktorët e Rising Stars të Kosovës në festivalin e filmit PriFest.
Në një intervistë për “UTOPIAN Magazine”, Bajdora ka rrëfyer detaje nga jeta e tij, ku edhe ka treguar se qëllim kryesor është të ngrisë zërin e Kosovës nëpër botë.
“Që kur kam qenë në Oscar nuk po mendoja asnjëherë për asgjë tjetër përpos të arrija më shumë e më shumë. Synim kryesor i imi është ta vendosë Kosovën lartë nëpër botë”, është shprehur ai.
Tutje, aktori tregon se ideja e tij kryesore është të arrijë një pikë të pjekurisë moderne, ku edhe krijon një ekuilibër të mendjes dhe stabilitetin e emocioneve.
Revista Utopiane është një projekt i bërë me zemër dhe dashuri për të bukurën, do të edukojë të gjithë botën të vlerësojë shijen e stilit të lartë përmes provokimit dhe të vërtetës. /KultPlus.com
