Para se të shkelmonte një top në Grupin B, kroati Luka Modric kishte paralajmëruar se ky ishte grupi më i vështirë i turneut. Ai mund të mos jetë fokusuar thjesht në përballjet e ekipit të tij me Italinë dhe Spanjën, por, kur shumë të tjerë folën para turneut për “Grupin e vdekjes”, ndoshta nuk kishin në mendje Shqipërinë, sipas “New York Times”.
Pak do të kishin pritur që ata të ishin elementi më luftarak i grupit, megjithatë Shqipëria – e renditur e 66-ta në botë – është bërë variabli argëtues në kuartet. Me një ndeshje për të luajtur, ata kanë ende një shans për avancim.
E drejtuar nga ish-mbrojtësi i krahut të Arsenalit, Barcelonës dhe Brazilit, Sylvinho, Shqipëria është një skuadër kundërsulmuese fizike që kërkon të mbulojë çdo hendek të perceptuar të talenteve – mes tyre dhe kundërshtarëve, përmes vrapimit të vështirë.
Kësaj skuadre iu deshën 23 sekonda për të shënuar në Euro 2024 – pasi Nedim Bajrami vendosi një rekord të ri për golin më të shpejtë në historinë e Kampionatit Evropian kur hapi rezultatin kundër Italisë.
Ndërsa Shqipëria e humbi përfundimisht atë ndeshje 2-1, goli i tyre i hershëm shërbeu si një paralajmërim; nënvlerësojeni këtë ekip dhe do të jeni në rrezik.
Ishte një paralajmërim që Kroacia u përpoq ta dëgjonte. Takimi i së mërkurës mes dy ekipeve ishte një rrëmujë e papritur dhe argëtuese. Përsëri e pa Shqipërinë të ecë përpara herët.
Qazim Laci shënoi gol pas një goditje me kokë – pas një krosimi të shkëlqyer nga Jasir Asani në minutën e 11-të. Në pjesën e parë, Kroacia kishte regjistruar 69 për qind të posedimit të topit, por Shqipëria kishte shanset më të mira të lojës.
Kristjan Asllani humbi një shans të artë pas një sulmi të shpejtë të shkaktuar nga humbja e topit nga Modric. Edhe sulmuesi shqiptar Rey Manaj dukej i dëshpëruar pasi nuk arriti të realizonte një goditje me kokë. Kjo ka qenë një temë e zakonshme për skuadrën e Sylvinhos, të cilit i ka munguar rrjedhshmëria sulmuese në pika të caktuara gjatë periudhës së tij 18-mujore në krye të Kombëtares Shqiptare.
Lëndimet e Manajt dhe Armando Brojës gjatë ndeshjeve kualifikuese nënkuptuan se asnjë sulmues nuk kishte krijuar atë lloj kimie të lojës që i nevojitet skuadrës për të qenë një skuadër e fuqishme kundër-sulmuese.
Vendimi i menaxherit për të lënë jashtë skuadrës prej 26 lojtarësh për turneun, Myrto Uzunin, Keidi Baren dhe Sokol Cikalleshin gjithashtu bëri bujë.
Cikalleshi – një sulmues i klubit turk Konyaspor – nuk ishte golëshënuesi më i mirë, por loja e tij e qëndrueshme i dha Shqipërisë një terren të vlefshëm në ndeshjet kualifikuese.
Megjithatë, ky ekip gjen gjithmonë një mënyrë për të krijuar rrugën e tij përmes turneut, duke tensionuar edhe ekipet më të njohura të botës;. Mario Mandzukic – tani një ndihmës trajner me Kroacinë – mund të shihej duke kërcyer papushim nga pankina për t’u kërkuar lojtarëve të tij të përputheshin me intensitetin e Shqipërisë në pjesën e parë.
U deshën një sërë ndryshimesh në pjesën e dytë që Kroacia të ndryshonte lojën në favor të saj. Marcelo Brozovic dhe Lovro Majer u zëvendësuan nga Mario Pasalic dhe Luka Sucic në pjesën e parë. Njëzet minuta më vonë, sulmuesi Ante Budimir u fut në lojë për t’i dhënë ekipit të tij një referencë më të mirë për krosimet.
Kroacia rriti besimin. Mbrojtësit e tyre u futën gjithnjë e më tej në fushë. Budimir e vuri Andrej Kramaric në pozicionin e përshtatshëm për barazimin e tyre në minutën e 74-të. Dy minuta më vonë, dyshja u bashkuan për një tjetër gol. Një krosim i dedikuar për Luka Suçiqin, i goditur me pinboll në zonën e rreptësisë para se të kthehej nga mesfushori mbrojtës i Shqipërisë, Klaus Gjasula.
Shqipëria mund të ishte shembur, por ata gjetën sërish forcën për një gol të dytë. Asllani, 22-vjeçari – një mesfushor mjaft luftarak po shfaqet shpejt si pasardhësi përfundimtar i Brozovic në Inter Milan dhe ishte zemra e skuadrës së tij kombëtare.
“Duhet të luftojmë për çdo pikë. Për vendin tonë dhe për federatën tonë”, tha Sylvinhos pas ndeshjes.
Në minutën e 94 e 23 sekonda Shqipëria mori golin e barazimit (goli i fundit i shënuar në një Euro jashtë kohës shtesë). Ishte një gol barazimi që ndihej si një fitore e minutës së fundit.
Gjasula – lojtari i dytë që shënoi autogol dhe gol në të njëjtën ndeshje në Euro 2022 – i dha skuadrës së tij një shans të vogël për të kaluar në raundin e 16-të.
“Kjo është Shqipëria; është pak e çmendur”, tha Asllani pas barazimit 2-2.
“Ne e nisëm me këmbën e djathtë, dhe më pas mund të them se humbëm një shans të madh, por mendova se Modric do të merrte topin para meje. Mendoj se pësuam dy gola të shmangshëm. Ne do t’i shqyrtojmë ato, me siguri. Loja ishte e çmendur në 15 minutat e fundit”, shtoi ai.
“Luftëtarët” e Sylvinhos do të duhet të jenë në maksimumin e tyre për të arritur një rezultat kundër Spanjës në ndeshjen e tyre të fundit në grup, por ata janë një ekip që nuk ka pasur kurrë frikë nga puna e vështirë.
Shqipëria nuk tërhiqet dhe kjo e bën atë një kundërshtare të vështirë në këtë turne./KultPlus.com
Vera po afron dhe shumë prej jush tashmë kanë filluar të bëjnë plane dhe rezervime përpara se tarifat e hoteleve dhe biletat e fluturimeve të rriten, shkruan Vinicius Costan në revistën amerikane të udhëtimeve “Travel off Path”.
Lojërat Olimpike janë planifikuar të zhvillohen nga 26 korriku deri më 11 gusht në Francë, kështu që do të ketë një fluks të numrit të fluturimeve drejt Parisit dhe sezoni do të jetë i ngarkuar duke çuar në rritjen e çmimeve te konsumit.
Megjithatë, jo të gjitha destinacionet evropiane do të jenë të shtrenjta për turistët me një buxhet mesatar.
Ne ju sugjerojmë tre destinacionet më të lira në Evropë për të vizituar në vitin 2024, që përfshijnë Shqipërinë, Bosnjë-Hercegovinën dhe Bullgarinë.
Shqipëria
Shqipëria, e vendosur në zemër të Ballkanit, kaloi pjesën më të madhe të historisë së saj nën regjimin e diktaturës komuniste.
Vendi rilindi në shekullin e XXI, me një demokraci liberale dhe aspirata të qarta perëndimore, i cili aktualisht po kompenson kohën e humbur në frontin e turizmit.
Deri në vitet 1990, turistët nuk lejoheshin të vizitonin Shqipërinë, përveçse vetëm për arsye shumë specifike dhe me kushte strikte.
Shqipëria kufizohet me Detin Mesdhe dhe ofron plazhe të bukura me rërë të bardhë – të ngjashme me Maldivet – dhe një pasuri të pamasë kulturore.
Nga rrënojat e lashta greko-romake të Butrintit – një nga zonat më magjepsëse arkeologjike në pellgun e Mesdheut – në Vlorën bregdetare dhe hijeshinë e Botës së Vjetër të Gjirokastrës dhe Beratit, dy qytete të listuara në UNESCO me një trashëgimi të ruajtur mesjetare – ky udhëtim nuk mund të ishte më tërheqës.
Për fat të mirë për turistët me buxhet të kufizuar, ky vend mesdhetar në trend është tepër i përballueshëm për të udhëtuar.
Ju mund të akomodoheni në hotele me tre yje në Vlorë, një nga destinacionet kryesore bregdetare, duke filluar nga vetëm 28 dollarë, ndërsa qëndrimi në resortet me pesë yje kushton deri në 168 dollarë.
Nëse vendosni të hani jashtë, në Shqipëri do të shpenzoni mesatarisht 20 dollarë në ditë për ushqimin, edhe nëse e trajtoni veten me një vakt më të këndshëm, me tre pjata dhe një kanë me verë në një restorant të nivelit të mesëm, nuk ka gjasa të faturoheni më shumë se 30 dollarë.
Në fakt, një udhëtim njëjavor në Shqipëri kushton vetëm 546 dollarë për person, duke e bërë atë destinacionin më të lirë mesdhetar./KultPlus.com
GoEast Film Festival këtë vit pati një seksion të veçantë të quajtur “Albanien und Kosovo: Fokus”, që është dedikuar për kinemanë nga Kosova dhe Shqipëria. Ky seksion është krijuar për të shfaqur një përzgjedhje të filmave të shkëlqyer nga këto dy vende, duke ofruar një platformë për të eksploruar kinemanë e tyre dhe për të prezantuar tregime dhe perspektiva unike.
Në këtë seksion, janë shfaqur një përzgjedhje e filmave nga Kosova dhe Shqipëria, duke përfshirë titujt si: “Era dhe lisi” nga Faruk Begolli, “I dashur armik”, “Daullet e Rezistencës”, “The Guardian”, “Another Day”, “Daybreak”, “117” nga Besim Sahatçiu, “Në kërkim të Veneres” nga Norika Sefa dhe “I Love You More” nga Erblin Nushi. Këta filma përfaqësojnë një gamë të gjerë zhanresh, përfshirë drama, komedi dhe dokumentarë.
Një mbështetje e veçantë për këtë fokus ka ardhur nga këngëtarja me famë botërore, Rita Ora. Ajo ka treguar përkushtimin e saj për të promovuar kinemanë nga Shqipëria dhe Kosova, duke u bërë një ambasadore e fuqishme për filmin dhe kulturën e këtyre dy vendeve. Kjo mbështetje ka sjellë vëmendje të shtuar ndaj seksionit dhe ka ndihmuar në rritjen e ndërgjegjësimit për kinemanë nga Kosova dhe Shipëria./ KultPlus.com
Shqipëria është kthyer në destinacionin e ri turistik në trend. Objektivi i vendit mesdhetar është të mirëpresë 14 milionë turistë në vit dhe ndoshta një ditë të bëhet anëtare e Bashkimit Europian, shkruan Philippe Lefebvre në të përditshmen franceze “Radio France”.
Shqipëria vlerësohet si një destinacion i ri turistik dhe mbi të gjitha një vend i përballueshëm në brigjet e Adriatikut krahasuar me Italinë dhe Greqinë.
Sot vendi, i cili për 50 vjet ishte një nga më të izoluarit në botë, ka hapur dyert e tij me një objektiv të qartë të qeverisë në Tiranë: të mirëpresë të paktën 14 milionë turistë të huaj në vit.
Niseni turin tuaj duke vizituar kryeqytetin e Shqipërisë, Tiranën, dhe zbuluar disa gjurmë të diktaturës së Enver Hoxhës.
Ato fillojnë me bunkerët e instaluar në qendër të kryeqytetit, të shndërruara së fundmi në galeri arti.
Më pas, vizitoni Muzeun Kombëtar të Përgjimeve e njohur si “Shtëpia me Gjethe” e hapur më 23 Maj 2017.
“Shtëpia me Gjethe” ishte, në të njëjtën kohë shtabi i përgjimeve telefonike të kryeqytetit ku agjentët e Sigurimit, policia sekrete, mund të ndiqnin veprimet e përditshme të 40 mijë familjeve.
Për më tepër, kjo ndërtesë kishte edhe reputacionin e një qendre torture nga e cila mund të arratiseshe vetëm… i vdekur.
Sot, aty ekspozohen të gjitha pajisjet e spiunazhit të përdorura më parë nga policia.
Ju mund të eksploroni sistemet e mikrofonave të fshehura në apartamente dhe në fund në hyrje, nuk mund të humbisni listën e të gjitha viktimave që jetuan ditët e fundit në “Shtëpinë me Gjethe”.
Por, nëse njohja e kësaj të shkuare tragjike është thelbësore për të kuptuar më mirë Shqipërinë sot, mos ngurroni të udhëtoni në vendin mesdhetar dhe ta zbuloni atë.
Të zbulosh Shqipërinë është shumë e thjeshtë, pasi vendi nuk është shumë i madh. Ju mund të arrini shpejt nga plazhet e Adriatikut në malin e Korabit, që arrin lartësinë 2753 metra.
Mos u largoni nga Tirana pa vizituar Selinë e Shenjtë të Bektashinjve, një degë disidente liberale e Islamit ku fjalët kyçe janë toleranca dhe respekti absolut për gratë, nuk është për t’u habitur në një vend ku të gjitha fetë duket se jetojnë në harmoni të përsosur.
Më pas, ju mund të merrni rrugën për në Berat dhe të zbuloni këtë qytet të klasifikuar si një vend i trashëgimisë botërore të UNESCO-s i quajtur ndryshe “qyteti i një mijë dritareve”.
Së fundi, përpara se të arrini në portin e Durrësit dhe plazhet e qytetit, mos humbisni të zbuloni vendndodhjen antike të Apolonisë të themeluar në vitin 588 para Krishtit, aseti numër një i vendit.
Të kalosh një javë në Shqipëri nuk kushton shumë. Ju mund të gjeni akomodime me 60 euro për person. Përsa i përket hotelit me pamje nga deti, çmimi më i lartë arrin në 90 euro nata.
Gjithashtu, ju mund të provoni dhe shijoni specialitetet vendase si, byrekët, djathërat dhe verërat. /atsh / KultPlus.com
TiranëMuzeu Kombëtar i Përgjimeve i njohur si “Shtëpia me Gjethe”Berat
Vija bregdetare e thyer, ujërat e kristalta bruz dhe çmimet e perballueshme e bëjnë këtë vend, destinacionin e përsosur për pushime, shkruan Alice Scarsi në një artikull të botuar në të përditshmen britanike “Express”.
Pavarësisht nga vija e saj bregdetare prej 279 miljesh, e mbushur me plazhe me rërë të artë dhe pyje të bukur, Shqipëria mbetet një Perlë e Evropës, e cila deri para disa vitesh nuk njihej nga turistët si një destinacion pushimi.
Ata që e kanë zbuluar, shpesh e kanë krahasuar me “Maldivet e Evropës” falë ujërave jashtëzakonisht të pastra dhe vendpushimeve të qeta.
Riviera Shqiptare, me pamje nga detet Adriatik dhe Jon, është më pak se tre orë larg me fluturim nga Britania e Madhe dhe kushton shumë më pak se një udhëtim në Azinë Jugore.
Në të vërtetë, ky destinacion është i përsosur për turistët me buxhet të limituar. Fluturimet nga Londra në Tiranë kushtojnë më pak se 100 paund në pikun e sezonit, ndërsa një vakt kushton mesatarisht 5 paund.
Ndërsa një krikëll birrë kushton rreth 1,10 paund, një gotë verë është pak më e shtrenjtë, mesatarisht 1,70 paund.
Shqipëria mbetet e përballueshme edhe kur bëhet fjalë për akomodimin, pasi dhomat buzë plazhit kushtojnë deri në 25 paund.
Në varësi të nevojave dhe preferencave të turistëve, ka zona të ndryshme për t’u eksploruar në vend.
Një nga perlat e Rivierës Shqiptare është Vlora, e cila ndodhet midis deteve Adriatik dhe Jon dhe ofron ujëra të pastër dhe plazhe të bukura me rërë.
Ky qytet ka gjithashtu një rëndësi të jashtëzakonshme historike, pasi është vendi ku Shqipëria shpalli pavarësinë e saj në vitin 1912.
Një tjetër destinacion i jashtëzakonshëm për turistët është Dhërmiu, një fshat ku ndodhet një nga plazhet më të njohura dhe më të gjata të Shqipërisë, me çadra të ndërtuara nga gjethet e palmës dhe shezlongët me pamje nga deti.
Ata që kanë nevojë të shkëputen nga plazhi mund të vizitojnë Kanionin mbresëlënës të Gjipesë, i cili ndodhet midis Dhërmiut dhe Vunoit dhe të çon në plazhin mahnitës të Gjipesë.
Më në jug ndodhet Ksamili, i cili po tërheq vëmendjen e turistëve të huaj përmes promovimit të tij në median sociale, shumë prej të cilëve e kanë përshkruar atë si “Maldivet e Evropës”.
Plazhet si Pema e Thatë po shfaqen gjithnjë e më shumë në platformat ku shpërndahen videot, jo vetëm për bukuritë e tyre, por edhe falë kasolleve luksoze por edhe të lira të disponueshme me qira në plazh./KultPlus.com
Një numër vendesh janë të etura për t’u bashkuar me bllokun dhe Shqipëria është në rrugën e duhur për t’u bërë një anëtare me të drejta të plota, shkruan Mieka Smiles në të përditshmen britanike “Express”.
Çështja e zgjerimit të BE-së është rindezur nga lufta në Ukrainë. Vendi, i udhëhequr nga presidenti Volodymyr Zelensky, ka qenë i zëshëm për t’u bashkuar me bllokun që nga pushtimi rus gati dy vjet më parë.
Por, është një vend tjetër që thuhet se është në rrugën e duhur për t’u bërë një anëtar i plotë i bllokut. Shqipëria në krye të artikujve të lajmeve është në rrugën e saj për të kaluar kufirin e kërkuar për t’u bërë anëtare e BE-së.
Për t’u pranuar, vendet kandidate duhet të plotësojnë disa kritere ekonomike, të cilat përfshijnë stabilitet makroekonomik, qeverisje ekonomike me cilësi të lartë, një treg të duhur pune dhe infrastrukturë të mjaftueshme.
Pavarësisht tronditjes nga një tërmet i madh në 2019, pandemisë së COVID-19 dhe luftës në Ukrainë, ekonomia e Shqipërisë pati një rimëkëmbje në vitet 2021 dhe 2022.
Inflacioni në vend është një problem, siç është edhe në vendet e tjera në të gjithë Evropën, por rritja e PBB-së (produkti i brendshëm bruto) për këtë vit parashikohet në 3,3%.
Produkti i Brendshëm Bruto është një masë monetare e vlerës së tregut të të gjitha mallrave dhe shërbimeve përfundimtare të prodhuara në një periudhë të caktuar kohore nga një vend, me një normë ideale të rritjes së PBB-së që është midis 2% dhe 3%.
Shqipëria po investon gjithashtu shumë në industrinë e saj të ndërtimit dhe turizmit në një përpjekje për të nxitur rritjen ekonomike, me rrjetin hekurudhor të vendit duke u riparuar plotësisht me ndihmën e Planit Ekonomik dhe Investimeve të BE-së (EIP) për Ballkanin Perëndimor.
EIP po përdoret gjithashtu për të zhvilluar projekte të energjisë së rinovueshme dhe infrastrukturës dixhitale.
Lidhja e re hekurudhore mes Durrësit dhe Tiranës, që janë dy qytetet më të mëdha të Shqipërisë do ta shkurtojë udhëtimin rrugor 40-minutësh në rreth 20 minuta. /ATSH / KultPlus.com
Ambasada Amerikane në Tiranë ka deklaruar se Sekretari Amerikan i Shtetit, Antoni Blinken (Antony Blinken) viziton sot kryeqytetin shqiptar si simbol i të ardhmes së marrëdhënieve mes dy vendeve.
Ambasada e SHBA njofton se Blinken do zhvillojë takime edhe me drejtues të sistemit të drejtësisë.
“Mirë se vjen në Shqipëri, Sekretari Blinken! Gjatë vizitës së tij të parë në Shqipëri, Sekretari i Shtetit i SHBA, Antony Blinken do të takohet me Presidentin Bajram Begaj, Kryeministrin Edi Rama dhe do të marrë pjesë në një aktivitet të veçantë rinor te Piramida e Tiranës, për të festuar të ardhmen e marrëdhënieve SHBA-Shqipëri. Ai do të takohet gjithashtu me drejtues të sistemit të drejtësisë dhe komunitetin e ambasadës”, shkruan Ambasada e SHBA-së në Tiranë.
Sekretari Blinken ka shkelur ne tokën shqiptare dhe aktualisht po zhvillon takime me ekipin e diplomatëve të tij në Ambasadën amerikane në Tiranë.
Shqipëria është një perlë e vërtetë për t’u zbuluar në Ballkan. E njohur gjerësisht si Vendi i Shqiponjave, ajo ka një vijë bregdetare 362 kilometra të lagur nga detet Adriatik dhe Jon, shkruan Veronica Santana për të përditshmen spanjolle “Que’! Madrid”.
Një nga veçoritë e saj është peizazhi i pacënuar që ofron një natyrë te egër dhe të virgjër.
Vendi ballkanik gjithashtu thekson trashëgiminë kulturore mbresëlënëse të ndikimeve romake, greke, bizantine, osmane dhe sllave, ndër të tjera.
Pas përfundimit të Luftës së Dytë Botërore, Shqipëria ka qenë e izoluar prej disa dekadash.
Që nga rënia e regjimit, ajo gradualisht është hapur me vendet e tjera, duke u bërë sot një destinacion turistik në zhvillim.
Natyra dhe peizazhet e saj janë mjaft tërheqëse, ku mund të zbuloni sisteme malore dhe liqene spektakolare.
Udhëtarët do të kenë mundësinë të vizitojnë qytetet historike si Butrintin, Beratin dhe Gjirokastrën, të shpallura si vende të trashëgimisë botërore nga UNESCO për veçantinë e tyre arkitekturore, artistike dhe kulturore.
Gjithashtu, mund të vizitoni liqenin e Ohrit, një nga më të vjetrit në planet, si dhe kishën e Shën Sofisë që daton në shekullit XI.
Duke vazhduar turin në Ballkan, do të keni mundësinë të vizitoni edhe Manastirin e Shën Naumit, i njohur për arkitekturën e stilit bizantin; qytetin e Korçes, me pazarin e saj osman dhe katedralen e saj ortodokse, dhe Kalanë e Lëkurësit, nga e cila mund të shijoni pamjet më të bukura të gjirit të Sarandës.
Nuk mund të humbisni Rivierën Shqiptare apo Tiranën, kryeqytetin e Shqipërisë, me Kullën e Sahatit, Xhaminë e Et’Hembeut ose sheshin kryesor të saj, të kryesuar nga statuja e heroit kombëtar Skënderbeu.
Zbulimi i Shqipërisë është një përvojë e paharrueshme, ku mund të shijoni Ballkanin dhe vende të mrekullueshme me histori legjendare dhe tradita të jashtëzakonshme. //a.i/KultPlus.com
Nga kryeqyteti Tiranë, në qytetet historike, duke kaluar nëpër parqet arkeologjike, bregdetin, liqenet dhe malet e pacënuara, ja çfarë duhet të vizitoni në Shqipëri, shkruan Francesca Masotti në një artikull të botuar në të përditshmen italiane “Corriere della Sera”.
Shqipëria është një nga destinacionet më të njohura të udhëtimeve në vitet e fundit. Është afër, por ende “jashtë radarit”.
Plot thesare për të zbuluar. Me disa nga plazhet më të bukura në Mesdhe dhe shumë vende për t’u vizituar.
Nga qytetet e UNESCO-s në vendet arkeologjike, nga deti në Tiranë, Shqipëria është një surprizë konstante.
Larg prej destinacioneve më komerciale dhe më të njohura, Shqipëria është një thesar i vendosur midis Greqisë dhe Malit të Zi.
Kryeqyteti, Tirana është një qytet i gjallë dhe vazhdimisht në zhvillim. Plot muze, bare dhe restorante të shkëlqyera, që shërbejnë kuzhinë vendase dhe ndërkombëtare.
Në veri, malet janë një parajsë për adhuruesit e ecjes dhe vendeve të paeksploruara.
Në jug, megjithatë, plazhet dhe qytetet historike ju lejojnë të organizoni një udhëtim, ku mund të alternoni relaksin me vizitat kulturore.
Në lindje, në kufirin me Maqedoninë e Veriut, shtrihet Shqipëria, e cila është më pak turistike, por plot me thesare për t’u eksploruar pa nxitim.
Ja çfarë duhet të shihni në Shqipëri përveç detit dhe plazheve.
Ku ndodhet Shqipëria
Shqipëria është një shtet në Gadishullin Ballkanik që kufizohet me Malin e Zi dhe Kosovën në veri, Maqedoninë e Veriut në lindje dhe Greqinë në jug.
Në perëndim laget nga deti Adriatik në pjesën veriore dhe në pjesën jugore nga deti Jon.
Kryeqyteti, Tirana është qyteti më i populluar, si dhe qendra kryesore administrative, tregtare dhe kulturore e Shqipërisë.
Aty ndodhet Aeroporti Ndërkombëtar i Tiranës “Nënë Tereza”.
Një aeroport i dytë është inauguruar në Kukës, në veri të Shqipërisë, pak km nga kufiri me Kosovën. Në ndërtim e sipër është edhe aeroporti i tretë i vendit, pranë Vlorës.
Shqipëria ka gjithashtu dy porte tregtare dhe turistike, në Durrës dhe Vlorë.
Çfarë mund të bëni në Shqipëri
Shqipëria është një destinacion që ofron aktivitete të shumta në çdo stinë të vitit. Megjithatë vera është koha më e mirë për të kaluar pushimet në Shqipëri. Ka shumë vende për të shkuar dhe gjëra për të bërë në Shqipëri, pavarësisht madhësisë së saj të vogël.
Jugu me plazhet, qytetet e Vlorës dhe Sarandës, parqet arkeologjike dhe qytetet historike, është ideal për ata që e duan detin dhe nuk duan të heqin dorë nga kultura.
Dhërmiu, Gjipeja, Jala, Himara, Qeparoja, Borshi, Lukova dhe Pulebardha janë vetëm disa nga plazhet e mahnitshme nga Vlora në Ksamil.
Adhuruesit e historisë duhet të përfshijnë në axhendën e tyre vizitat në qytetet e Beratit dhe Gjirokastrës, si dhe në zonën arkeologjike të Butrintit.
Brenda jugut, me Përmetin dhe lumin e fundit të egër të Evropës, Vjosa, dhe territori deri në kufirin me Maqedoninë e Veriut është ende kryesisht i paeksploruar dhe autentik.
Korça, Kolonja, Voskopoja, Liqeni i Prespës, Pogradeci dhe Liqeni i Ohrit janë destinacione të paharrueshme për ata që duan të pushojnë dhe t’i shpëtojnë kaosit.
Ata që e duan qytetin dhe argëtimin nuk duhet të mungojnë të kalojnë disa ditë në Tiranë.
Kryeqyteti shqiptar është një nga destinacionet më të gjalla në Ballkan, me muze, galeri, kafene, restorante ku mund të zbuloni më të mirat e gastronomisë vendase.
Megjithatë, nëse preferoni malet, veriu është vendi ideal për ju.
Nga Shkodra, me liqenin me të njëjtin emër, më i madhi në gadishullin ballkanik, duke kaluar përmes Komanit në Theth dhe Valbonë, nuk mungojnë mundësitë për të ecur në shtigje dhe për të eksploruar natyrën më të egër.
Edhe dashamirësit e ushqimit të mirë nuk do të zhgënjehen nga Shqipëria. Pjatat lokale janë të shijshme dhe ngrënia në restorant është ende e lirë për ata që vijnë nga Italia.
Supë, byrekë të shijshëm të mbushur me perime, mish i pjekur në skarë, djathëra, peshk deti, liqeni dhe lumi, ëmbëlsirat dhe pa harruar verën: Shqipëria është destinacioni ideal për të shijuar ushqimet.
Çfarë duhet parë në Shqipëri
Pavarësisht madhësisë së saj të vogël, Shqipëria është plot me destinacione për t’u eksploruar.
Idealja do të ishte të kishit dy javë udhëtim në dispozicion për të nisur udhëtimin nga Tirana dhe më pas të shkoni në një nga tre zonat, në jug, veri ose lindje.
Në fakt, rrugët janë ende të pakalueshme në disa vende dhe vendet që shfaqen afër në hartë mund të arrihen pak më shumë se thuhet me makinë.
Rekomandohet të keni makinën tuaj për të udhëtuar në të gjithë vendin.
Tirana kryeqyteti i Shqipërisë
Kryeqyteti, Tirana është porta e Shqipërisë. Zemra e qytetit është Sheshi Skënderbej.
Në qendër është statuja e heroit shqiptar që mbrojti Shqipërinë dhe Perëndimin nga përparimi i Perandorisë Osmane në shekullin e XV.
Teatri i Operës dhe Baletit, Banka e Shqipërisë, Xhamia Et’Hem Bej dhe Muzeu Historik Kombëtar kanë pamje nga sheshi.
Në historinë e saj rrëfehet historia e Shqipërisë që nga epoka paleolitike e deri në ditët e sotme.
Muzetë e Tiranës
Megjithatë, Bunk’Art2 është skena për të thelluar njohjen e historisë së Shqipërisë komuniste gjatë viteve të diktaturës së Enver Hoxhës.
“Shtëpia me Gjethe”, kushtuar veprimtarisë së policisë sekrete dhe spiunazhit gjatë diktaturës, fitoi Çmimin Muzeor të Këshillit të Evropës në vitin 2020.
Galeria Kombëtare e Arteve ka një koleksion të pasur me vepra të piktorëve shqiptarë nga fundi i shekullit të XIX deri në vitet 2000.
Së fundi, në portat e qytetit, Bunk’Art 1 është një muze i ndërtuar brenda bunkerit më të madh anti-atomik në Shqipëri.
Në mbi 100 dhomat e tij tregohet historia e Tokës së Shqiponjave, nga pushtimi fashist e deri te komunizmi.
Piramida, ish-mauzoleumi i diktatorit Enver Hoxha, më vonë bazë e NATO-s gjatë luftës së Kosovës, është shndërruar në qendrën më të madhe kulturore, shkencore dhe teknologjike në Ballkan.
Një shëtitje e shkurtër nga ndërtesa të çon në “Stadiumin Air Albania” dhe Parkun e Madh, mushkërinë e gjelbër të kryeqytetit.
Pak metra larg është Blloku, zona e jetës së natës në Tiranë, e njohur për kafenetë, restorantet, baret dhe veprat e shumta të artit të rrugës.
Në vitet e diktaturës ishte e rezervuar ekskluzivisht për elitën politike dhe nuk lejohej hyrja e të tjerëve.
“Pazari i Ri”, tregu i fruta-perimeve, Kalaja e Tiranës, kalaja e vjetër e Tiranës, janë dy vende ideale për të blerë suvenire të qytetit dhe për t’u çlodhur duke pirë një kafe.
Për më tepër, Tirana është shtëpia e Qendrës Botërore të Bektashinjve, një vëllazëri islame me origjinë sufi e themeluar në shekullin e XIII.
Çfarë duhet të shihni pranë Tiranës
Pak km larg Tiranës, Kruja dhe Durrësi zakonisht eksplorohen brenda një dite nga kryeqyteti.
Kruja Kruja është kryeqyteti i lashtë i vendit me një nga pazaret më të bukura në Ballkan, kështjellën e vjetër, Muzeun e Skënderbeut, atë etnografik dhe hotelin e parë të përhapur në Shqipëri.
Durrësi Durrësi është një qytet me pamje nga Adriatiku, shtëpia e portit kryesor shqiptar. Është kujdestar i vendeve të shquara arkeologjike. Ndër të gjitha, më i njohuri është amfiteatri i cili mund të strehojë deri në 20 000 persona.
Në rrethinat e tij, plazhet e Golemit, me rërë të imët dhe pyje pishe, dhe Kepi i Rodonit me plazhe të egra dhe shkurre mesdhetare, janë shumë të njohura në sezonin e verës.
Vlorë Vlora është pika fillestare për zbulimin e Rivierës jugore Shqiptare e cila përfundon në Ksamil, pak përpara kufirit grek.
Vlora është një ndërthurje plazhesh dhe pikash me interes kulturor. Si manastiri i Zvërnecit me lagunën e bukur përreth, kalaja e Kaninës dhe Parku Kombëtar Detar i Gadishullit të Karaburunit dhe ishulli i Sazanit.
Është një zonë ish-ushtarake me disa nga plazhet më të bukura në Shqipëri, shpella, bunkerë dhe natyrë të pacënuar.
Plazhet e Zvërnecit në veri dhe ato të Orikumit dhe Radhimës në jug janë shumë të njohura për familjet me fëmijë të vegjël, falë ujërave të cekëta.
Bregdeti jugor i Shqipërisë Nga Vlora, duke kaluar qafën malore të Llogarasë, mund të arrini në destinacionet turistike më magjepsëse në jug të Shqipërisë.
Bregdeti është një varg malesh, fshatrash të gurtë, si Dhërmiu, Vunoja dhe Qeparoja. Si dhe plazhet si Gjipeja, Jala, Himara, Qeparoja, Borshi, Lukova dhe Pulebardha, kanione dhe kështjella me pamje nga deti.
Saranda është destinacioni i duhur për ata që kërkojnë jetë të gjallë nate.
Ksamili është resorti bregdetar më i famshëm në Shqipëri, i mbushur me njerëz në pikun e sezonit, veçanërisht në muajin gusht.
Pak km larg Ksamilit, Parku i Butrintit është zona më e rëndësishme arkeologjike në Shqipëri. Mbetjet arkeologjike variojnë nga epoka ilire deri në mesjetë.
Bien në sy teatri romak, bazilika e shekullit të VI, pagëzimorja e hershme e krishterë, Porta e Luanëve dhe kalaja veneciane me muzeun e saj.
Në brendësi të Jugut
Brenda jugut është një varg surprizash. Berati është një xhevahir me shtëpi të mbushura me dritare, kisha, xhami, muze dhe një kështjellë antike, ende e banuar, e cila ofron pamje të këndshme të luginës poshtë.
Fshati Tepelenë përgjatë lumit Vjosa është i famshëm për burimin më të mirë të ujit në Shqipëri.
Tepelena është gjithashtu vendlindja e Ali Pashës, një guvernator shqiptar në kohën e Perandorisë Osmane, i cili mirëpriti njerëz të shquar në oborrin e tij, si poeti anglez Lord Bajron.
Edhe më në brendësi është Përmeti me banjën natyrore të Benjës dhe një nga gastronomitë më të mira në Shqipëri.
Duke vazhduar në jug, Gjirokastra, vendlindja e ish-diktatorit Enver Hoxha, është një xhevahir me rezidenca të shekullit të XIX, pazare dhe taverna tradicionale.
Kalaja ofron pamje perfekte me kartolina të qendrës historike dhe maleve përreth.
Shqipëria turistike
Ata që kanë qenë tashmë në Shqipëri dhe duan të zbulojnë vende më pak turistike, duhet të nisen drejt lindjes. Në kufi me Maqedoninë e Veriut, Pogradeci është një qytet me pamje nga liqeni i Ohrit.
Në brigjet e masës më të vjetër ujore në Evropë ndodhen edhe fshatrat Lin, Drilon dhe Tushëmisht.
Në tavernat përgjatë bregdetit hahen pjata me bazë Kurani. Është një peshk i ujërave të ëmbla që jeton vetëm në këtë zonë. Para se ta hani, sigurohuni që të jetë i kultivuar, peshkimi direkt në liqen është i ndaluar.
Duke zbritur, gjen liqenin e Prespës, habitat i shumë kafshëve dhe Korçën, një destinacion kulturor në Shqipëri. Në qendër ka vila të bukura të fundit të shekullit të XIX, pazari i vjetër, katedralja më e madhe ortodokse në vend dhe muzetë interesantë.
Në afërsi të Voskopojës së Korçës, është një fshat i fshehur mes maleve me kisha magjepsëse me afreske.
Shkodra dhe veriu i Shqipërisë
Në veri, Shkodra është një tjetër qytet për t’u eksploruar me qetësi dhe për t’u përdorur si bazë për të zbuluar veriun e Shqipërisë.
Muzeu Kombëtar i Fotografisë Marubi, kishat, xhamitë dhe kalaja e madhe e Rozafës ia vlen të vizitohen.
Autobusët nisen nga Shkodra dhe ju çojnë në Koman ku mund të niseni në një aventurë me traget në mal.
Peizazhe të pacënuara që ndjekin njëra-tjetrën derisa të arrini në Valbonë, ndalesa ideale për adhuruesit e trekking dhe ecjes.
Një tjetër destinacion për ata që duan malet dhe aktivitetet në natyrë është Thethi, një fshat magjepsës i rrethuar nga pyjet alpine.
Klima dhe koha më e mirë për të shkuar në Shqipëri
Falë klimës së butë dhe diversitetit të territoreve, çdo stinë është e mirë për të vizituar Shqipërinë.
Pa harruar kalendarin e pasur vjetor të ngjarjeve, koncerteve dhe festivaleve që gjallërojnë Tiranën dhe vendet kryesore turistike gjatë gjithë vitit.
Fundi i pranverës dhe i verës, veçanërisht qershori dhe shtatori, janë periudhat më të mira për të vizituar Shqipërinë dhe, në veçanti, plazhet e saj.
Vera është stina ideale për të zbuluar veriun dhe për të organizuar ekskursione në male.
Në dimër temperaturat mund të bëhen shumë të ftohta në veri dhe gjithashtu në zonat e Pogradecit dhe Korçës ku reshjet e borës nuk janë të rralla.
Në dhjetor, qytetet më të mëdha gjallërohen me tregje të gjalla të Krishtlindjeve.
Prej disa vitesh Riviera Shqiptare njihet për organizimin e disa festivaleve interesante, si Festivali “South Outdoor” në Borsh, Kala Festival dhe Joni në Dhërmi.
Korça nga ana tjetër njihet për festën e birrës kushtuar birrës me të njëjtin emër që prodhohet në qytet.
Në Tiranë, Festivali Ndërkombëtar i Filmit TIFF-Tirana është eventi më i rëndësishëm kinematografik në vend.
Maratona e Tiranës prej disa vitesh është një takim vjetor në vjeshtë.
Panairi i Librit është eventi më i madh shqiptar kushtuar botës së botimeve.
Çfarë të hani në Shqipëri
Ndër destinacionet gastronomike më interesante në Ballkan dhe Evropën Jugore është Shqipëria. Çfarë të hani në Shqipëri?
Përveç byrekut zakonisht të mbushur me spinaq, mish të grirë ose djathë, ka shumë pjata për të provuar.
Qofte me erëza, tavë kosi e bërë me mish qengji, kos dhe miell. Fërgesë dhe një tavë me rikota të kripura, speca dhe domate.
Të shkëlqyera janë edhe specat e skuqur, djathi i dhisë, supa e peshkut, sallatat, mishi i pjekur në skarë dhe patëllxhanët.
Ndër ëmbëlsirat që duhen provuar janë bakllavaja me arra, trileçja me pandispanje, qumësht dhe karamel, dhe sultjash një puding orizi, qumësht dhe kanellë./atsh / KultPlus.com
Raporti i fundit i Gallup International shpalos një pamje alarmuese për frikën globale nga konfliktet ushtarake dhe vështirësitë ekonomike, gjersa në këtë kontekst të ndërlikuar të zhvillimeve globale, Kosova dhe Shqipëria shkëlqejnë si ndër vendet më optimiste në botë duke treguar një frymë pozitive dhe shpresë për një të ardhme më të ndritshme nën kushtet e vështira të kohës së sotme.
Gallup International, në vazhdën e studimit më të gjatë në botë, i cili filloi në vitin 1979, ka vazhduar dhe këtë vit me matjen e indeksit të Shpresës, Lumturisë dhe pritjet për situatën ekonomike.
Përmes Kantar (Index Kosova), Kosova është pjesë e studimit të Gallup International që nga viti 2000. Studimi zhvillohet çdo fund-vit, transmeton Telegrafi.
Këto janë disa nga gjetjet e studimit global nga Asociacioni Gallup International.
Rreth 26% të qytetarëve anembanë globit presin vit më paqësor në vitin 2024, por 39% presin të kundërtën – vit më të trazuar.
Para disa vitesh, Indeksi i optimizmit global të paqes zbuloi përqindje të njëjta të optimistëve dhe pesimistëve. Tani, si duket lufta e Ukrainës ka zgjuar frikën anembanë globit.
Përderisa në Kosovë 33% presin vit më paqësor dhe 42% vit më të trazuar, në Shqipëri qytetarët duken më pak të brengosur – 45% presin vit më paqësor dhe vetëm 20% vit më të trazuar.
Në Ukrainë 26% presin vit më paqësor dhe 33% vit më të trazuar, ndërsa në Rusi vetëm 12% presin vit më paqësor dhe 35% vit më të trazuar.
Perëndimi në tërësi duket i brengosur. Në anën tjetër të globit ka vende të jugut dhe të lindjes me shembuj si Afganistani dhe Indonezia, ku deri në 68% kanë pritje pozitive për paqen.
Fatkeqësisht, nuk ka rënie domethënëse sa i përket frikës nga lufta bërthamore në krahasim me vitin e kaluar. Rreth 40% e qytetarëve të botës shohin rrezik të lartë nga lufta bërthamore, rreth 37% shohin rrezik mesatar dhe vetëm 14% nuk shohin fare rrezik nga një luftë e tillë. Në Kosovë, 53% shohin rrezik të lartë dhe 19% rrezik mesatar, ndërsa në Shqipëri 42% shohin rrezik të lartë dhe 40% rrezik mesatar nga lufta bërthamore.
Shumica e qytetarëve në SHBA e shohin rrezikun mesatar, ndërsa në Rusi 20% shohin rrezik të lartë dhe 40% rrezik mesatar.
Rreth 39% e të intervistuarve në botë presin që viti 2024 do të jetë më i mirë sesa viti 2023 dhe 26% presin që viti i ardhshëm do të jetë më i keq.
Afër 30% presin që viti i ardhshëm do të jetë i njëjtë sikur viti 2023. Rezultatet duken pak më optimiste sesa ato të vitit të kaluar.
Vendet si Gjermania, SHBA-ja dhe Rusia tregojnë përmirësim në pritjet për vitin e ardhshëm në krahasim me fundin e vitit 2022, por megjithatë mbesin të brengosura.
Vendet si Irani, për shembull, nuk janë pesimiste, ndërsa India është pozitive dhe vendet e jugut janë tradicionalisht optimiste.
Përkundrazi, Evropa mbetet jo aq pozitive, me përjashtim të Kosovës dhe Shqipërisë.
Arabia Saudite është vendi më optimist në botë, ndërsa pas saj radhiten Indonezia, Kosova, Afganistani, India dhe Shqipëria.
Pritjet për ekonominë duken pak më të mira sesa vitin e kaluar, por jo edhe aq shumë.
Rreth 39% presin vit me vështirësi ekonomike – rreth 9% më pak se vitin e kaluar. Pritjet për prosperitet ekonomik ose së paku vit pa ndryshime tregojnë rritje të lehtë, megjithatë pritjet negative mbizotërojnë. Bashkimi Evropian mbetet ndër vendet më pesimiste.
Në Kosovë 46% presin që viti i ardhshëm do të jetë vit me prosperitet ekonomik, 31% presin që do të jetë vit me vështirësi ekonomike dhe 18% presin vit të njëjtë me vitin 2023.
Në Shqipëri qytetarët janë shumë më optimistë për ekonominë, ku 54% presin prosperitet, vetëm 12% presin vështirësi dhe 34% presin një vit të njëjtë ekonomikisht sikur viti 2023. /KultPlus.com
Ekziston një destinacion i pushimeve “parajsë” pak i njohur në të cilin turistët britanikë mund të udhëtojnë vetëm me një fluturim tre orësh, shkruan Liam Doyle në një artikull të botuar në revistën britanike “Nottingham Post”.
Udhëtarët që kërkojnë një vend idilik për të pushuar, ndoshta duhet të marrin në konsideratë Shqipërinë.
Fshati i Ksamilit është cilësuar si “Maldivet e Europës”. Destinacioni ka ujëra të pastër blu dhe rërë të bardhë dhe shtrihet në lumin Shqiptar në Parkun Kombëtar të Butrintit, Sarandë, në një arkipelag me të njëjtin emër.
Siç raporton “Express”, fshati në të kaluarën është quajtur “parajsë”. Ai ka një distancë të largët nga ishulli grek i Korfuzit, të cilin vizitorët mund ta shohin nga plazhet e vendbanimit në një ditë të kthjellët.
Vizitorët kanë një sërë opsionesh nga dhjetëra hotele, apartamente dhe bujtina për t’u akomoduar, me shumë plazhe mahnitëse aty pranë.
Plazhi më ikonë i arkipelagut është Plazhi i Ksamilit, i cili krenohet me ujërat e thellë blu, rërën e bardhë dhe pemët e gjelbra të gjalla.
Aktivitetet e njohura në plazhe përfshijnë notin, snorkeling dhe relaksin në një nga karriget e vendosura përreth për turistët.
Guidat turistike e kanë cilësuar plazhin e Ksamilit plazhin më të bukur në Shqipëri.
Ata që nuk janë të interesuar për pushime në plazh mund të shijojnë veçoritë e tjera të arkipelagut, duke përfshirë Lagunën e Kripur në liqenin e Butrintit, Shpellën e Kreshmoit dhe qytetin e Gjirokastrës të mbrojtur nga UNESCO.
Vizitorët kanë dhënë vlerësime për Ksamilin, ku dhjetëra prej tyre i kanë dhënë fshatit pesë yje në “TripAdvisor”.
Turistët theksuan se plazhi të bën të “ndihesh si mbret edhe nëse nuk je”.
“Vend i mrekullueshëm, ushqimi është i mrekullueshëm, njerëzit janë të sjellshëm dhe deti është i pastër”, shkruan ata.
“Është bukur të kesh krevat ne diell për një çmim shumë të drejtë nga 5 në 10 euro për gjithë ditën”, thanë turistët.
“Plazhi ishte plot jetë dhe muzikë. Uji ishte i pastër”, tha një tjetër vizitor.
Fluturimi në Ksamil është afërsisht tre orë nga Londra.
Por, kjo kohë i referohet kohës që duhet për të arritur në aeroportet më të afërt në Tiranë ose Korfuz, pasi kërkon pak më shumë kohë për të udhëtuar në fshat nga secili vend.
Udhëtimi nga Tirana me autobus ose makinë zgjat pesë orë e gjysmë, ndërsa vizitorët duhet të marrin një traget 30 deri në 70 minuta për në Shqipëri, dhe më pas një taksi ose autobus 10 deri në 30 minuta. /atsh / KultPlus.com
Qoftë duke eksploruar rrugët e lashta të Krujës, duke pushuar në plazhet e Rivierës Shqiptare apo duke shijuar jetën e gjallë të qytetit të Tiranës, Shqipëria ofron një përvojë unike!
Shqipëria, shpesh e lënë në hije nga fqinjët e saj mesdhetarë, po shfaqet si një destinacion turistik magjepsës dhe i përballueshëm, shkruan e përditshmja italiane “Luino Notizie”.
Ky vend, me ndërthurjen e tij unike të historisë, kulturës dhe bukurisë natyrore, ofron një përvojë të paharrueshme për ata që dëshirojnë të eksplorojnë thesaret e tij të fshehura.
Historia e Shqipërisë është një ndërthurje e kulturave lindore dhe perëndimore, e dukshme në arkitekturën dhe traditat e saj.
Romakët e quajtën kështu për shkak të bardhësisë së maleve dhe flamurit, me një shqiponjë dykrenare, që simbolizon pozicionin e vendit midis Lindjes dhe Perëndimit.
Një nga avantazhet e mëdha të vizitës në Shqipëri është aksesueshmëria e saj.
Falë linjave ajrore me kosto të ulët, udhëtarët mund të mbërrijnë në Tiranë direkt nga qytete si Milano në më pak se dy orë.
Kjo lidhje e përmirësuar e bën Shqipërinë një destinacion tërheqës për qëndrime të shkurtra ose pushime të zgjatura.
Thesare kulturore dhe natyrore
Shqipëria është një sixhade eksperiencash kulturore dhe natyrore.
Kryeqyteti, Tirana, është një koshere aktivitetesh me rrugët e saj të gjalla, muzetë dhe kafenetë.
Mos humbisni sheshin Skënderbej, një nderim për heroin kombëtar shqiptar dhe një vend tubimi qendror.
Muzeu Historik Kombëtar, i vendosur në këtë shesh, ofron një pasqyrë magjepsëse të historisë së pasur të vendit, nga kohët e lashta deri në epokën moderne.
Një tjetër pikë turistike është Piramida e Tiranës, e ndërtuar fillimisht si një muze kushtuar diktatorit Enver Hoxha dhe tani një qendër e aktiviteteve kulturore dhe rekreative.
Për adhuruesit e historisë, qyteti i Trashëgimisë Botërore të UNESCO-s, Gjirokastra është një vend që duhet vizituar, me arkitekturën e tij otomane të ruajtur mirë.
Ky “qytet i gurtë” është i famshëm për ndërtesat e tij të veçanta prej guri dhe rrugët e pjerrëta me kalldrëm.
Kalaja e Gjirokastrës, e cila ka pamje nga qyteti, strehon një muze armësh dhe ofron pamje panoramike të rajonit përreth.
Shtëpia e Ismail Kadaresë, e kthyer në muze, është një tjetër vend me interes, duke u ofruar vizitorëve një pasqyrë të jetës së një prej shkrimtarëve më të famshëm të Shqipërisë.
Për më tepër, pazari i rinovuar së fundmi i Gjirokastrës ofron një eksperiencë autentike ku vizitorët mund të blejnë punime artizanale lokale dhe të shijojnë kuzhinën rajonale.
Eksplorimi i bregdetit shqiptar
Riviera Shqiptare është një parajsë për adhuruesit e plazhit. Vende si Saranda dhe Ksamili ofrojnë ujëra të kristalta dhe plazhe idilike.
Saranda, e njohur si “perla e Shqipërisë së Jugut”, është e famshme për bregdetin e saj të gjallë dhe pamjet e bukura të detit Jon.
Një nga atraksionet kryesore të saj është afërsia me rrënojat e Butrintit, një vend arkeologjik i Trashëgimisë Botërore të UNESCO-s, i cili ofron një dritare unike të qytetërimeve të lashta që banonin në rajon.
Nga ana tjetër, Ksamili është i njohur për ishujt e tij të vegjël të aksesueshëm me not ose me varkë, të cilët ofrojnë një eksperiencë pothuajse private në plazh.
Për më tepër, në Ksamil vizitorët mund të shijojnë ushqimet e freskëta të detit në restorantet e shumta përgjatë plazhit, ku mund të shijohen gatimet lokale me pamje nga deti i kristaltë.
Për më tepër, Riviera Shqiptare është shtëpia e plazhit të Dhërmiut, i cili shtrihet është i famshëm për ujërat e tij bruz dhe jetën e gjallë të natës gjatë verës.
Një tjetër destinacion i padiskutueshëm në Rivierë është Himara, një qytet i qetë bregdetar që ndërthur plazhet e bukura me një histori të pasur kulturore, duke përfshirë Kishën Ortodokse të Shën Theodhorit dhe Kalanë e Himarës, e cila ofron pamje mahnitëse të bregdetit.
Këto destinacione kombinojnë në mënyrë unike bukurinë natyrore me një trashëgimi të pasur kulturore, duke e bërë Rivierën Shqiptare një destinacion të paharrueshëm.
Aventurë në zemër të Ballkanit
Për aventurierët, Alpet Shqiptare ofrojnë shtigje malore që të lënë pa frymë dhe mundësi për të eksploruar fshatrat tradicionale.
Ky rajon malor, i njohur lokalisht si “Bjeshkët e Namuna”, është një parajsë për adhuruesit e ecjes dhe natyrës.
Shtegu i distancave të gjata i njohur si “Majat e Ballkanit” kalon nëpër Mal të Zi, Kosovë dhe Shqipëri, duke ofruar një eksperiencë unike ecjeje në zemër të Ballkanit.
Fshatrat si Thethi dhe Valbona janë pikat kryesore të kësaj rruge, të njohura për mikpritjen vendase dhe peizazhet befasuese.
Thethi, në veçanti, është i famshëm për natyrën e tij dhe atraksionet si Kulla e Ngujimit dhe Ujëvara e Grunasit.
Liqeni i Ohrit, i përbashkët me Maqedoninë e Veriut, është një tjetër vend magjik që nuk mund të mungojë në itinerarin tuaj.
Një nga liqenet më të vjetër dhe më të thellë në Evropë, i njohur për biodiversitetin e tij unik dhe rëndësinë historike.
Qyteti i Pogradecit, i vendosur është një destinacion popullor, i famshëm për plazhet e qeta dhe shëtitoren buzë liqenit.
Vizitorët mund të eksplorojnë kishën e Shën Naumit aty pranë dhe të shijojnë pamje panoramike të liqenit nga Kalaja e Linit.
Për më tepër, zona përreth Ohrit është e njohur për troftën vendase, një pjatë tradicionale që duhet shijuar gjatë vizitës suaj.
Kombinimi i bukurisë natyrore, trashëgimisë kulturore dhe kuzhinës lokale e bën vizitën në Alpet Shqiptare dhe Liqenin e Ohrit një përvojë vërtet pasuruese. /atsh / KultPlus.com
A e dini cili është vendi më i lirë në Evropë për të udhëtuar? Ky destinacion prezantohet si një opsion i mrekullueshëm për vitin 2024, duke u shquar për bukurinë e tij mahnitëse natyrore, një kulturë dhe histori unike dhe plazhe që duken si një ëndërr, shkruan Janire Manzanas në të përditshmen spanjolle “Okdiario”.
Edhe pse deri vonë ishte një vend relativisht i panjohur në Kontinentin e Vjetër, popullariteti i tij ka përjetuar rritje eksponenciale vitet e fundit.
Ndryshe nga destinacionet e tjera në Mesdhe, ajo ka arritur të qëndrojë larg turizmit masiv, duke u bërë kështu një zgjedhje e shkëlqyer për të përjetuar një atmosferë autentike dhe tradicionale.
Po flasim për Shqipërinë, një destinacion turistik i përballueshëm dhe tërheqës nëse doni të shijoni pushime të lira pa cenuar cilësinë e eksperiencës.
Në Tiranë, kryeqytetin e Shqipërisë, çmimet priren të jenë më të larta krahasuar me rajonet e tjera të vendit, si Riviera piktoreske Shqiptare.
Kur bëhet fjalë për akomodimin, dhomat në një shtëpi lokale kushtojnë nga 10 deri në 20 euro për natë.
Hotelet janë gjithashtu shumë të përballueshme, me opsione që fillojnë nga 25 euro nata.
Në lidhje me ushqimin, kostoja e një pjate kryesore në një restorant lokal është zakonisht midis 5 dhe 10 euro, ndërsa një birrë në një bar mund të jetë midis 1 dhe 2 euro.
Çfarë duhet të shihni në Shqipëri? Vendet me interes.
Tirana është një enklavë që përcjell histori. Ju mund të eksploroni të kaluarën e saj përmes muzeumeve magjepsëse si Shtëpia e Gjetheve, Bunk’Art 2 ose dhoma e gjerë që përshkruan terrorin e regjimit komunist në Muzeun Kombëtar.
Të shijuarit e një banjë relaksuese në burimet e nxehta të Banjat e Benjes, me pamje nga malet, është një nga eksperiencat më të mira në Shqipëri. Këto banja termale ndodhen në parkun kombëtar të Bredhit të Hotovës.
Përveç notit, vizita përfshin edhe Urën Otomane e Kadiut, një urë mesjetare e ruajtur mirë që përshkon ujërat e bruztë të lumit Langaricë dhe i shton hijeshi ambjentit.
Berati, i vendosur më pak se dy orë larg kryeqytetit të Shqipërisë, është një destinacion i famshëm turistik i njohur nga UNESCO si një sit i Trashëgimisë Botërore.
Me një histori që përfshin më shumë se 2000 vjet, ky qytet përfaqëson një ndërthurje kulturore ku mund të perceptohet gjurmë nga qytetërime të ndryshme.
Ndonëse i mungojnë monumentet e mëdha specifike, Berati qëndron si një muze i madh në ajër të hapur, duke mahnitur vizitorët me hijeshinë dhe trashëgiminë e pasur historike.
Gjirokastra, e përfshirë edhe në listën e Trashëgimisë Botërore të UNESCO-s, shquhet për arkitekturën tradicionale osmane dhe njihet me pseudonimin e veçantë “qyteti i gurtë”.
Konsiderohet si një nga shembujt më të mirë të kësaj arkitekture në Shqipëri.
Me historinë dhe veçantinë e saj, Gjirokastra tërheq vizitorët me vlerat e saj unike dhe trashëgiminë e pasur kulturore.
Apolonia është një sit arkeologjik pranë Fierit, qyteti i dytë më i populluar në Shqipëri.
Ai spikat për tempullin e tij të Artemidës, fasada e të cilit dhe kolonat elegante korintike ekzistojnë ende.
Pjesa më e madhe e gjetjeve janë ekspozuar në Manastirin e Santa Marías, duke vepruar si një muze plotësues.
Kruja, e vendosur 30 kilometra nga Tirana, është një qytet thelbësor për t’u vizituar në Shqipëri.
E njohur si vendlindja e heroit kombëtar Skënderbeu, ajo magjeps me kështjellën e saj që ofron pamje panoramike të qendrës historike.
Përveç kësaj, ajo ka vende të ndryshme interesante si kumbanë, Teqenë e Dollmës dhe Muzeun e Skënderbeut.
Shqipëria ka një pasuri natyrore të admirueshme, duke konkurruar me vendet fqinje dhe këtë e dëshmon qartë Riviera Shqiptare.
Kjo shtrirje bregdetare prej më shumë se 100 kilometrash ofron një koleksion plazhesh me bukuri magjepsëse dhe të jashtëzakonshme./atsh / KultPlus.com
Personaliteti dhe përvoja janë shtytësit kryesorë për shijet dhe destinacionet e udhëtimit.
Shtytësit kryesorë iu nxisin drejt krijimit të tipareve unike dhe identifikuese për të zgjedhur destinacionin tuaj të udhëtimit bazuar në shijen tuaj muzikore.
Me mbylljen e vitit 2023, revista e udhëtimeve “TravelPulse” (travelpulse.com) ju rekomandon disa nga vendet më të mira për të udhëtuar, shkruan në një artikull Noreen Kompanik.
Në një raport të agjencisë së udhëtimeve “Skyscanner” me qendër në Edinburg, Skoci “Travel Trends 2024” (Trendet e Udhëtimit 2024) Shqipëria është renditur mes 13 destinacioneve që mund t’i përshtaten preferencave të udhëtarëve.
Tiranë, Shqipëri
Tirana konsiderohet një “Shapeshifter“, e thënë ndryshe një ‘qënie’ me aftësinë për të ndryshuar formën fizike sipas dëshirës.
Në një moment jeni i dashuruar marrëzisht me një artist. Dhe kështu mund të ndodhë edhe më të tjerë.
Shumica e udhëtarëve nuk e kanë zbuluar ende, por Shqipëria ka qytete historike te mahnitshme për t’u eksploruar dhe një skenë festivalesh në zhvillim.
Vizitorët mund të zhyten në kulturën e gjallë të qytetit, të shëtisin dhe të shijojnë ushqimet lokale në restorantet aty pranë.
Udhëtim vajtje-ardhje për vetëm 345 dollarë.
“Skyscanner” rendit 13 vendet më të bukura në botë për të udhetuar:
Tiranë, Shqipëri Bidgoshç, Poloni Osaka, Japoni Rimini, Itali Kankun, Meksikë Nju Jork Hvar, Kroaci Los Anxhelos, Kaliforni Romë, Itali Antiparos, Greqi Gjiri i Kotorrit, Mali i Zi Paris, Francë Polinezia franceze. / atsh / KultPlus.com
Shqipëria njohu pasditen e sotme kundërshtarët e saj në finalet e Kampionatit Europian “Gjermani 2024”.
Në shortin e hedhur nga UEFA në Hamburg të Gjermanisë, goglat e pozicionuan Shqipërinë në të grupin B, përballë Spanjës, Italisë e Kroacisë.
Në përfundim të shortit të hedhur nga UEFA në Hamburg të Gjermanisë, trajneri i ekipit kombëtar, Silvinjo dha një një prononcim për fshf.org, ku komentoi grupin dhe rivalët e Shqipërisë në finalet e Europianit 2024, duke theksuar se kuqezinjtë do të provojë të gjithë mundësitë për të bërë sa më mirë në këtë rrugëtim.
“Ishte një mbrëmje e bukur. Është mrekulli të jesh këtu. Të gjithë ne kemi bërë mirë deri këtu. Njerëzit duhet të kujtojnë çdo ndeshje që kemi fituar e barazuar për të ardhur këtu. Tani ndryshon pak dhe jemi në një grup të vështirë. Kundërshtarët janë mësuar të luajnë në finalet e Europianit dhe të Botërorit. Flasim për skuadra të forta si Spanja, Italia, Kroacia.. Ne duhet të provojmë mundësitë tona. E kemi bërë deri tani kundër Republikës Çeke, Polonisë. Në 90 minuta mund të ndodhë gjithçka. E dimë që kundërshtarët janë të fortë. Por në momentin që flitet për tre ndeshje finale të një Kampionati Europian, nuk mund të flasim për një favorit. Të gjithë janë favoritë. Ne do të shkojmë të luajmë futboll, do të bëjmë punën tonë. Në 90 minuta mund të ndodhë gjithçka”, tha ai.
Trajnieri Silvinjo u shpreh se “lojtarët janë të lumtur që do të shkojnë në finalet e një Europiani. Ishte një ëndërr dhe është një ëndërr për të gjithë ne. Tani do ta shfrytëzojmë këtë mundësi akoma edhe më shumë”. /KultPlus.com
Një tjetër media evropiane sugjeron Shqipërinë si destinacionin turistik 2024.
Bëhet fjalë për të përditshmen spanjolle “El HuffPost”, ku Presidenti i Shoqatës së Agjencive të Udhëtimeve “Albacete”, Ignacio Tarraga rekomandon destinacione të reja për t’u vizituar gjatë vitit të ardhshëm.
Agjencia ofron fluturime direkte nga Spanja drejt Tiranës, një destinacion që revistat e specializuara të udhëtimeve e kanë cilësuar si “Karaibet e panjohura evropiane”.
Në shkrimin e së përditshmes spanjolle thuhet se udhëtimi në Shqipëri ofron akomodim për shtatë net, që mund të jetë në plazh ose turne të planifikuara që përfshijnë vizita kulturore.
Mes rekomandimeve të saj, agjencia spanjolle rendit argumentet pse Shqipëria është konsideruar si “Karaibet e panjohura evropiane” dhe sipas saj, ka disa arsye bindëse.
Së pari, Shqipëria ka një vijë bregdetare më shumë se 300 kilometra të gjatë, me plazhe me rërë të bardhë, ujëra të kristaltë dhe shkëmbinj të thepisur.
Së dyti, është një vend relativisht i panjohur dhe së treti, është një vend i përballueshëm.
Çmimet për hotelet, ushqimin dhe aktivitetet janë shumë më të ulëta se destinacionet turistike të Karaibeve dhe sipas të përditshmes spanjolle, kjo e bën atë një alternativë tërheqëse për udhëtarët që kërkojnë të kursejnë para.
Ky vit është quajtur si bumi turistik për Shqipërinë ku vetëm nga janari e deri në gusht numri i turistëve arriti mbi 7,2 milionë në vetëm 8 muaj.
Por gjatë 2023-it, përveç shifrave të larta, Shqipëria ka përjetuar edhe një ‘bum’ të promovimit mediatik botëror të potencialeve të saj turistike, deri tani shumë pak të zbuluara për botën./RTSH
Trajneri i Kombëtares shqiptare, Silvinjo u shpreh së fundmi se sigurimi i një vendi në “Euro 2024” është padiskutim realizimi i ëndrrës së shumë njerëzve, ëndrrës së një kombi.
“Lumturi dhe krenari e madhe. Pjesëmarrja në një moment të tillë gëzimi për popullin shqiptar është një burim i jashtëzakonshëm kënaqësie. Faleminderit e mija shkojnë për shumë njerëz: për futbollistët, të cilët kuptuan dhe mbështetën idetë tona dhe gjithmonë luajtën me shpirt dhe zemër”, u shpreh ai, pas kualifikimit të Shqipërisë në “Euro 2024”.
Silvinjo falënderoi edhe pjesëtarët e stafit teknik dhe administrativ, të cilët punuan intensivisht dhe u kujdesën për çdo detaj gjatë të gjithë këtij rrugëtimi.
“Falënderimet shkojnë për drejtuesit dhe punonjësit e Federatës, që kanë bërë gjithçka që puna jonë të bëhej në perfeksion; për fansat, për mbështetjen e tyre jetike brenda dhe jashtë shtëpisë tonë; për familjen time, që janë baza e gjithçkaje që bëj dhe më japin mbështetje që të bëj punën time me dashuri dhe dedikim! Për këdo që direkt apo indirekt ka qënë pjesë e kësaj historie të mrekullueshme. Euro 2024 është këtu tani. Forca Shqipëri”, shkruan Silvinjo.
Shqipëria do të jetë pjesë e finaleve të Europianit të vitit 2024, që do të luhen në Gjermani duke nisur nga qershori i vitit të ardhshëm. Kualifikimi është siguruar matematikisht pas barazimit dje me rezultatin 1-1 në stadiumin “Zimbru” të qytetit të Chișinău përballë Moldavisë. /KultPlus.com
Iu ngjita shtegut të pjerrët kodrinor duke ndaluar vetëm për të parë pamjet panoramike, përpara se të dal në majën e Leusës, një fshat malor në qarkun e Gjirokastrës, në Shqipërinë e Jugut, shkruan Chloe Govan për faqen e njohur britanike inews.co.uk.
”Këtu gjej kishën e fshehur ortodokse të Shën Marisë, me afreske fetare që datojnë në vitet ‘800. Tingujt e vetëm janë kënga e një gjeli dhe kërcitja e thundrave të dhive në terrenin malor.
Mendoj për qytetarët që jetuan këtu nën regjimin ateist të diktatorit komunist, Enver Hoxha.
“Praktikimi i fesë ishte rreptësisht i ndaluar”, më thotë 49-vjeçari Arjan Dimo, një guidë për ”Exodus Adventure Travels”, operatori turistik me të cilin po udhëtoj.
”Nëna ime dikur ndizte një qiri në fshehtësi në Krishtlindje dhe Pashkë, por ishte e rrezikshme nëse zbulohej, pasi do të përballej me dy vjet burg”, shton ai.
Dimo njeh të tjerë që u burgosën pasi hynë fshehurazi në një kishë të braktisur dhe të papërdorur për t’u lutur. Shqipëria ishte e izoluar nga bota e jashtme gjatë mbretërimit 40-vjeçar të Hoxhës deri në vdekjen e tij në 1985.
Regjimi, i ndjekur nga trazirat e vitit 1997, e bllokoi Shqipërinë nga bumi i turizmit që gëzonte fqinji i saj, Greqia.
Megjithatë, vitet e fundit, vizitorë të huaj janë dyndur në vend, veçanërisht në plazhet e Rivierës. Shqipëria regjistroi 5,1 milionë ardhje turistësh në shtatë muajt e parë të 2023 krahasuar me 3,9 milionë në të gjithë vitin 2022. Bordi Turistik Shqiptar parashikon të tërheqë 10 milionë vizitorë deri në fund të këtij viti. ”easyJet”, ”Ryanair” dhe ”Wizz Air” kanë nisur së fundmi fluturimet nga Britania e Madhe drejt Tiranës.
Përveç plazheve të saj të bukura, Shqipëria ka male për të rivalizuar me Italinë, thesare arkeologjike po aq mbresëlënëse sa në Greqi, artin e kishës së shpellave që përputhet me atë në Kapadhokias në Turqi dhe arkitekturë islame, përfshirë një xhami që të kujton Xhaminë Blu të Stambollit. Pastaj është mikpritja.
Në shtëpinë idilike të fshatit malor të 54-vjeçarit Landi Koci në Dhoksat, në rajonin e Lunxhërisë, shijoj ushqimin dhe verën e bërë vetë. Ka sallatë plus byrek me spinaq dhe djathë.
Është edhe rakia, versioni shqiptar i glikanxos. Festa shoqërohet me pamje nga lugina. Zhurma mes grupit tim të turneut është se, po të ishte kjo në Provansë, do të ishte bërë lehtësisht një vendstrehim vere me pesë yje.
Megjithatë, sipas mikpritësit tonë, fshati përballet me shpopullim, pasi banorët largohen për të kërkuar mundësi gjetkë. Landi shton se në 30 vjet fshati mund të braktiset nëse nuk ka turizëm. Megjithatë, me qytetin e ri të Gjirokastrës vetëm 25 minuta larg me makinë, një bum vizitorësh ka gjithnjë e më shumë gjasa.
”Exodus Adventure Travel” ka raportuar një rritje prej 45 për qind të prenotimeve për vitin 2024 në krahasim me vitin 2023 – nisja e tij në qershor “Highlights of Albania” tashmë është shitur plotësisht. Qëndrimet negative të lidhura me regjimin e mëparshëm, apo stereotipe të tjera për vendin, gjithashtu kanë filluar të zbehen.
Midis grupit tim të turit prej 16 personash, moshat e të cilëve variojnë nga 30-70 vjeç, është edhe 72-vjeçari Andrew Hingston.
“Shqipëria është një vend që ka pasur konotacione negative gjatë gjithë jetës sime, por e dija se kishte pasur ndryshime të mëdha gjatë 20 viteve të fundit, të cilat doja t’i shihja vetë”, më thotë ai.
Ndërkohë, 68-vjeçarja Anna Skyba ka vënë re kantiere, hotele të reja dhe përmirësime të rrugëve.
“Mund të thuash se po zhvillohet shpejt”, thotë ajo.
Ndër ndalesat tona është Parku Arkeologjik i Butrintit, në qarkun e Vlorës, në jug të Shqipërisë. Këtu, në muze, Dimo tregon sendet që ka gërmuar. Kolonia greke e lashtë, e listuar në UNESCO, dikur ishte një vend pelegrinazhi, kushtuar Asklepit, perëndisë së mjekësisë.
Një shëtitje në pyll në Parkun Kombëtar të Llogorasë na çon në pikën ku Jul Cezari fitoi një betejë kundër Pompeut, ndërsa ka rrënoja në Apoloninë aty pranë, duke zbuluar një qytet romak që daton në shekullin III para Krishtit. Ekziston edhe një art fetar i ruajtur mirë: të dhëna se veprat vijnë nga kultura osmane përfshijnë një ilustrim të Darkës së Fundit, pa thika apo pirunë në tryezë, shpjegon udhërrëfyesi ynë.
Ndërkohë, në Berat, një qytet në Shqipërinë qendrore dhe në Krujë, një qytet 15 kilometra në veri të kryeqytetit, thirrja e ezanit dëgjohet rregullisht nga xhamitë. Hoteli ynë në Krujë ka pamje nga horizonti i kalasë dhe minareve.
Tirana, ku nisa vizitën time në vend, ka ndërtesa në ngjyrë portokalli neoni, jeshile dhe të verdhë, disa me modele gjeometrike. Ngjyrat u prezantuan nga kryebashkiaku aktual si një kundërhelm për trashëgiminë arkitekturore gri, komuniste të Tiranës. Megjithatë, ende bie në sy një piramidë e madhe e projektuar nga vajza arkitekte e Hoxhës.
Më vonë endem nëpër fshatin artistik të Voskopojës, duke u ndalur te kishat e tij. Thesaret u vodhën dhe u shkatërruan këtu gjatë luftës kundër fesë, por një muze i ikonografisë ka ruajtur vepra arti dhe dekorime altari që ishin fshehur në atë periudhë.
Më duket se ka kaq shumë për të zbuluar përtej plazheve të bardha të Rivierës së Shqipërisë.
Pika ime kryesore është Bënja, pak më shumë se një orë me makinë nga qyteti jugor i Përmetit. Ndërsa lahem në burime të nxehta që rrjedhin nga çarjet tektonike, me male dhe ujëvara përreth, e konsideroj fatin tim – duke e përjetuar të gjithë këtë përpara se turmat e turistëve të mbërrijnë”./ atsh / KultPlus.com
E cilësuar shpesh si perla e fshehur e Evropës, Shqipëria është destinacioni i përsosur për adhuruesit e aventurave, historisë dhe plazheve, shkruan në një artikull revista polake e udhëtimeve “Tanie Loty”.
Fluturimet gjithëpërfshirëse nga Varshava në Shqipëri ofrojnë jo vetëm komoditet, por edhe akses në atraksionet unike të këtij vendi ballkanik.
Ja një vështrim më i thellë se çfarë e bën Shqipërinë një destinacion unik pushimesh!
Histori dhe trashëgimi e pasur Shqipëria ka një histori magjepsëse, e dukshme në çdo hap.
Nga rrënojat e lashta të Butrintit, një vend i Trashëgimisë Botërore të UNESCO-s, deri te qytetet e vjetra si Berati dhe Gjirokastra, Shqipëria ofron një pasuri thesaresh historike.
Çdo qytet dhe fshat tregojnë historinë e tyre unike, duke krijuar një mozaik kulturor që është jashtëzakonisht tërheqës për turistët.
Plazhe dhe vija bregdetare mahnitëse Shqipëria krenohet me disa nga plazhet më të bukura në Evropë.
Bregdeti i detit Adriatik dhe Jon ofron ujëra të kristaltë dhe plazhe mahnitëse.
Destinacionet e njohura si Ksamili dhe Dhërmiu ofrojnë kushte ideale për relaks, dhe peizazhet e tyre piktoreske janë sfondi i përsosur për kujtimet e pushimeve.
Kuzhinë e shkëlqyer Kuzhina shqiptare është një ndërthurje e ndikimeve italiane, greke dhe turke, gjë që e bën atë jashtëzakonisht të larmishme dhe të shijshme.
Pjatat tradicionale si byreku dhe frutat e freskëta të detit janë jo vetëm të shijshme, por edhe pjesë e përvojës kulturore.
Duke zgjedhur opsionin gjithëpërfshirës, do të keni mundësinë të provoni një gamë të gjerë specialitetesh vendase pa kosto shtesë.
Një komb miqësor dhe mikpritës Mikpritja e shqiptarëve është legjendare.
Vendasit janë të njohur për mirëpritjen e turistëve krahëhapur, shpesh duke ndarë kulturën dhe traditat e tyre.
Kjo pritje e ngrohtë i bën udhëtarët të ndihen si në shtëpinë e tyre.
Natyra dhe peizazhet Shqipëria ofron jo vetëm plazhe dhe monumente, por edhe peizazhe natyrore mbresëlënëse.
Parqet kombëtare si Llogaraja dhe Thethi janë një parajsë për adhuruesit e natyrës.
Shqipëria është destinacioni ideal për udhëtarët që kërkojnë eksperienca të paharrueshme, peizazhe të bukura, kulturë dhe histori të pasur, kuzhinë të shijshme dhe mikpritje që vështirë mund t’i rezistosh.
Nëse jeni duke kërkuar për aventura, eksperienca kulturore apo thjesht dëshironi të pushoni në një plazh të bukur, Shqipëria ka gjithçka që ju nevojitet për të përmbushur këto pritshmëri. / atsh / KultPlus.com
Një lajm i shkëlqyer që vjen nga Parisi, ku me 134 vota Shqipëria u zgjodh anëtare e Bordit Ekzekutiv të UNESCO-s për periudhën 2023-2027, struktura më e lartë ekzekutive e organizatës, përcjell KultPlus.
Lajmin e ka bërë të ditur ministrja e kulturës në Shqipëri, Elva Margariti e cila ka falënderuar çdo shtet anëtar që besoi në punën e tyre.
“Përgëzime për kolegun Igli Hasani dhe gjithë stafin e Ministrisë për Europën dhe Punët e Jashtme, ambasadoren tonë në UNESCO Besiana Kadare dhe të gjithëve që punojnë me rigorozitet në përmbushje të konventave ndërkombëtare në ruajtjen e trashëgimisë kulturore!”, shkruan Margariti. / KultPlus.com
Pasi arriti një numër rekord të turistëve në 2023, Shqipëria është në rrugën e duhur për të rrëmbyer edhe titullin e “Mbretëreshës së Turizmit 2024”, shkruan gazetarja Marisa Ingrosso në një artikull të botuar në të përditshmen italiane “La Gazzetta del Mezzogiorno”.
Sipas presidentit të Unionit Shqiptar të Turizmit, Rrahman Kasa, operatorët raportuan një rritje prej 35% të kontratave të garantuara për turizmin e organizuar për vitin e ardhshëm.
“Në Sarandë, qyteti jugor i Shqipërisë dhe një destinacion i preferuar për bashkatdhetarët tanë, disa objekte tashmë janë plotësisht të rezervuara për gushtin. Edhe në Vlorë, jam i sigurt se në 2-3 muaj do të kemi një pjesë të mirë të akomodimeve të rezervuara”, tha Lorenzo Lonoce nga Pulia, i cili ka krijuar operatorin turistik më të madh shqiptar të specializuar për turistët italianë.
Ka shumë faktorë që përcaktojnë suksesin e një destinacioni. Një prej tyre është sigurisht aksesueshmëria e lehtë.
“Nëpërmjet “Air Albania”, “Ita”, “WizzAir” dhe gjithashtu “Ryan Air” distanca Itali-Shqipëri është shkurtuar”, tha Lonoce.
“Po shfaqen shumë operatorë turistikë që nuk e kishin menduar kurrë Shqipërinë si nje destinacion turistik në rritje. Pritet një verë dhe një pranverë më e populluar. Për të mos thënë që tani po krijohet edhe binjakëzimi kulturor me qytetet”, shtoi ai.
“Çmimet e vendosura këtë vit në kontratat e garancisë për sezonin e ardhshëm kanë shënuar një rritje drastike që varion nga 15 në 25%” dhe kjo do të jetë si pasojë e mbiçmimit të lekut ndaj euros dhe rritjes së kostove”, tha Kasa.
Sipas ekspertit, në tetë muajt e parë të këtij viti, italianët ishin grupi i dytë më i madh i turistëve, menjëherë pas shqiptarëve nga Kosova.
Sipas Ministrisë së Turizmit në Shqipëri, vendi është vizituar nga 660 000 italianë nga gjithsej 9 milionë shtetas të huaj.
Së fundi, një tjetër faktor i suksesit të turizmit shqiptar është planifikimi.
Qeveria e drejtuar nga Edi Rama sapo ka nënshkruar një marrëveshje me “ITB Berlin”, panairin më të madh të turizmit në botë.
Shqipëria do të jetë zyrtarisht vendi i nderit për vitin 2025. Dhe programi i promovimit fillon në mars 2024 dhe përfundon në mars 2025.
Shqipëria do të jetë gjithashtu organizatore e takimit të 70-të të Komisionit për Evropën të Organizatës Botërore të Turizmit, që do të zhvillohet në pranverë në Tiranë me pjesëmarrjen e 40 ministrave evropianë të Turizmit. /atsh / KultPlus.com
Kancelari i Gjermanisë, Olaf Scholz, ka deklaruar se Shqipëria së shpejti do të jetë anëtare e Bashkimit Evropian.
Scholz këto deklarime i dha pasi u pyet për marrëveshjen e fundit që Shqipëria arriti me Italinë për emigrantët.
“Mendoj se duhet pasur parasysh se nga këndvështrimi ynë, Shqipëria së shpejti do të jetë anëtare e Bashkimit Evropian”, ka thënë Scholz.
Për Scholzin, ajo që ka rëndësi në Evropë “është të korrigjohen gjërat që nuk kanë shkuar mirë, të krijohet një mekanizëm solidariteti dhe të mos përpiqet të kapërcejë i vetëm sfidat”. /KultPlus.com
Gjithnjë e më shpesh, turistët i referohen këtij vendi si “Maldivet e përballueshme”, shkruan në një artikull gazetarja Justyna Szymczyk-Mielniczyn në të përditshmen polake “Dziennik.pl”.
Në Shqipëri nuk ka turma vizitorësh dhe vendi mund t’ju kënaqë vërtet. Ujërat e pastër kristal, vija bregdetare e bukur, monumente interesante, kjo është receta për pushime të paharruara. Pra, pse ky destinacion nuk është shumë i njohur?
Shqipëria – pse ia vlen?
Shqipëria është një vend në Evropën Jugore me dalje në detin Adriatik dhe Jon.
Edhe pse nuk është aq i njohur sa Kroacia apo Greqia, mund t’ju kënaqë vërtet.
Plazhet janë fenomenale, uji i pastër kristal me një sipërfaqe bruz, ofrojnë një pamje që të lë pa frymë. Nuk është çudi që u kujton Maldivet turistëve.
Dhe ky destinacion jo vetëm që është shumë më afër, por është edhe më i përballueshëm.
Për më tepër, Shqipëria është vendi ideal për këdo që dëshiron të përfitojë nga moti me diell, rreth 290 ditë në vit janë me diell.
Çmime të përballueshme, peizazhe të bukura, monumente interesante, qytete interesante dhe shumë argëtim, tingëllon si Pushime të Përsosura.
Gjithashtu, për adhuruesit e natyrës rekomandohen udhëtime në male me guida në shtigjet e shënuara.
A nevojiten viza për të hyrë në Shqipëri?
Për të hyrë në Shqipëri, polakët nuk kanë nevojë për viza. Gjithçka që ju nevojitet është një kartë identiteti. Mund të qëndroni për 90 ditë brenda 180 ditëve nga data e hyrjes. Gjithashtu nuk ka tarifa në kufi. /atsh / KultPlus.com
Me hapjen e linjave të reja ajrore që e bëjnë udhëtimin më të lehtë se kurrë, ka shumë për të zgjedhur për udhëtimin tuaj të ardhshëm, nëse jeni duke kërkuar të lidheni me natyrën, të ngjiteni në zonat malore apo të provoni kuzhinat tradicionale!
Revista britanike “National Geographic Traveller” e ka renditur Shqipërinë mes 30 destinacioneve më emocionuese për të vizituar në vitin 2024.
Alpet Shqiptare
Një arratisje e egër në “yllin” në rritje të Evropës, Shqipërinë!
Udhëtarët, që kërkojnë diçka më ndryshe nga aventurat e tyre të mëparshme evropiane po shikojnë gjithnjë e më shumë drejt Shqipërisë.
Vendi ballkanik po tërheq një numër në rritje vizitorësh falë brigjeve të tij në Adriatik dhe Jon, të kaluarës intriguese osmane dhe komuniste dhe skenës relativisht të sapolindur të turizmit.
Të zhytura në brendësi të veriut, Alpet Shqiptare janë një e pjesë e rëndësishme e turizmit shqiptar.
Bjeshkët e Nemuna, kjo mbretëri e majave të thepisura karstike është një ëndërr për alpinistët, ku rrëqebullët enden nëpër pyjet e bredhit dhe lulet e egra mbulojnë sipërfaqen e luginës.
Ata që kërkojnë të eksplorojnë shtigjet sfiduese të rajonit mund të behen pjese e një turneu tetëditor, i cili ofron një itinerar që përfshin udhëtime nëpër shtigjet malore, shtëpitë tradicionale dhe një vizitë në fshatin e Thethit, duke përfshirë edhe ecje në Majat e Ballkanit.
Shqipëria është gjithashtu më e aksesueshme se kurrë falë një sërë linjash të reja ajrore.
“Ryanair” ka nisur së fundmi fluturimet drejt kryeqytetit të Tiranës nga Edinburgu, Mançesteri dhe Stanstedi, ndërsa “Wizz Air” do të operojë nga Birmingami, Edinburgu dhe Liverpuli nga 19 dhjetori i vitit 2023. /atsh / KultPlus.com
