Edhe pse Parisi, Nju Jorku dhe Bangkoku vazhdojnë të presin një numër rekord turistësh, disa destinacione jo shumë të njohura po tërheqin vëmendjen e udhëtarëve.
Sipas një hulumtimi vjetor, Shqipëria është renditur mes pesë destinacioneve më në trend për vitin e ardhshëm, shkruan në një artikull revista hungareze IN.HU.
Vlorë, Shqipëri
Shqipëria po tërheq gjithnjë e më shumë vëmendjen e turistëve vitet e fundit, falë historisë së saj të pasur, rivierës mahnitëse dhe kulturës mikpritëse.
E vendosur në pjesën jugperëndimore të vendit, në brigjet e detit Adriatik, Vlora është qyteti i katërt më i populluar i Shqipërisë dhe qyteti i dytë port më i rëndësishëm, ku ndërthuret e kaluara magjepsëse dhe natyra e bukur e vendit.
Plazhet e Vlorës janë një eksperiencë e mrekullueshme për t’u eksploruar edhe në muajt e vjeshtës, pasi moti është ende i ngrohtë për t’u çlodhur në rërën e butë dhe admiruar peizazhin ose për shëtitje në mal.
Nëse udhëtoni në Vlorë, ia vlen të vizitoni Llogaranë, 45 minuta larg, parkun e famshëm kombëtar të Shqipërisë, i cili ofron pamje që të lënë pa frymë. /ATSH /KultPlus.com
Pas bumit të verës, zbulimi dhe zhvillimi i Shqipërisë nuk ndalet. Nuk është vetëm vija bregdetare prej 400 kilometrash kryesisht përgjatë detit Jon në jug të vendit, që tërhoqi një numër të lartë turistësh, përfshirë italianët, midis korrikut dhe gushtit, të cilët kërkonin pushime me çmime të përballueshme, por “Toka e Shqiponjave” ka shumë karta të tjera për të luajtur, shkruan në një artikull gazetarja Camilla Golzi Saporiti në të përditshmen italiane “Il Giornale”.
Qytetet, fshatrat, kështjellat, vendet arkeologjike dhe muzetë plotësojnë tablonë dhe e bëjnë Shqipërinë një nga destinacionet turistike më interesante evropiane dhe globale të momentit. “The Times” dhe “The Guardian” kanë shkruar për këtë.
NGA REGJIMI NË PËRMIRËSIMIN EKONOMIK DHE TURISTIK
Shqipëria përjetoi një periudhë të errët, nga viti 1976 deri në 1991, në të cilën u izolua dhe u bë pjesë e një nga diktaturave më të egra komuniste, duke u keqtrajtuar gjithmonë nga vendet fqinje të Ballkanit dhe shpesh me mosbesim nga komuniteti ndërkombëtar.
Vitet e fundit ajo ka arritur të ngrejë kokën dhe të nisë rrugën e hapjes dhe zhvillimit, si një demokraci e plotë.
Me një rritje të parashikuar të PBB-së prej +2,2% në 2023 dhe +3,4% në 2024 dhe një nivel shërbimesh dhe akomodimesh që po rritet gradualisht, Shqipëria e sotme sillet rreth Tiranës, ku duhet të kalosh detyrimisht.
TIRANA NË EVOLUCION
Tirana ka një milion banorë (paga mesatare e të cilëve është 500 euro në muaj) dhe është në evolucion të plotë.
Interesante për t’u vizituar është Sheshi Skënderbej.
Zemra e kryeqytetit, e rinovuar në vitin 2017, është një drejtkëndësh 24 mijë m2 me një mozaik gurësh natyrorë të ardhur nga të gjitha trojet historike shqiptare.
Plotësisht i pedonalizuar, alternon stolat dhe sipërfaqet e gjelbra, falë të cilave në vitin 2018 mori çmimin “Evropian për Hapësirën Publike Urbane”.
Në qendër ndodhet monumenti i kalorësisë prej bronzi i Skënderbeut, heroi kombëtar, ndërsa ndërtesat kryesore historike të qytetit kanë pamje nga zona përreth, përkatësisht, Xhamia e Et’Hem Beut, Opera, Pallati i Kulturës dhe Muzeu Historik Kombëtar.
Për të admiruar sheshin në tërësinë e tij, idealja është të ngjiteni në majën e Kullës së Sahatit.
Nuk duhet humbur Pazari i Ri, i cilësuar si një nga tregjet më të bukura në Evropë falë strukturës së tij prej çeliku dhe xhami.
DURRËSI
Nga Tirana mund të lëvizni drejt Durrësit. Hoteli me pesë yje i inauguruar në maj 2023, gëzon një plazh të madh me pamje nga Adriatiku, pyllin me pisha, restorante dhe menu “à la carte” dhe SPA.
Ndër pikat e forta të hotelit, është pozicioni strategjik për të eksploruar pjesën më tipike të Shqipërisë qendrore-veriore, e përbërë nga brigje të pandotura, me shkëmbinj dhe plazhe ranore si Kepi i Rodonit, ku gërshetohet e shkuara me të tashmen, mes kështjellave mesjetare, manastireve dhe zonave arkeologjike.
Kryeqyteti i parë Kruja, ruan mbetjet, fatkeqësisht të pakta, të kështjellës antike, Muzeut Kombëtar kushtuar Skënderbeut dhe një fshat si pazari i stilit osman.
Një tjetër kështjellë, shumë më mirë e ruajtur, ndodhet në Berat, në qytetin e dritareve dhe muzeut ikonografik Onufri.
Jo kështjellë, por tempull dhe odeon në Apolloni, një vend arkeologjik që daton në 588 para Krishtit. / atsh / KultPlus.com
Presidentja e Komisionit Evropian, Ursula von der Leyen, nga Tirana, në vigjilje të Samiitit të Procesit të Berlinit u ka bërë thirrje Kosovës dhe Serbisë t’i kthehen dialogut.
Ajo ka thënë se dialogu i Brukselit është rruga e vetme që duhet ndjekur, njofton KlanKosova.tv.
“Marrëveshja e Ohrit, ajo që është arritur në shkurt dhe mars janë baza, themeli për pajtim ndërmjet dialogut të BE-së”.
“Është shumë me rëndësi që Kosova dhe Serbia të kthehen në tryezë për të normalizuar marrëdhënien e tyre. Vendi i duhur për pajtim është dialogu sepse kjo është rruga e duhur për të ardhmen”. /KultPlus.com
Ndeshja e eliminatoreve për Euro 2024, Shqipëri-Republika Çeke, Tiranë, 12 tetor 2023 në stadiumin kombëtar, “Air Albania”.
Çdo ndenjëse një plis!
Çdo plis një zemër!
Çdo zemër një zë!
Çdo zë një thirrje!
Dhe gjëmoi “Air Albania” siç nuk kishte shkundullitur kurrë më parë nga themelet deri në qiejt, lart ku prehen shpirtrat e përjetësisë që pikuan e bekuan këtë natë solemne, këtë mbrëmje fitoreje, këtë zgjim të thirrjes së gjakut, gjakut që skuqi këtë flamur dhe hymnizoi këtë mbrëmje më plis e shqiponjë.
Ishte e veçanta e atmosferës kuqezi në shkallët e Arenës Kombëtare, për ndeshjen Shqipëri-Çeki, ishte për të mbetur prej më të spikaturat, më madhështorja. Plot 22 mijë qeleshe janë dhuruar nga Digitalb, jo thjeshtë për marketing, por për ta shndërruar magjike atmosferën, e cila mbeti elektrizuese përgjatë gjithë kësaj ndeshje epike. Dhe për të vijuar gjatë gjithë natës festive në Tiranë dhe kudo ku shqiptarët e zbardhën me ngjyrat kuq e zi, në veshje e në zemër.
Ideja e qelesheve, e cila u potencua nga banderolat, pjesëmarrja në stadium e kreut të ekzekutivit shqiptar, Edi Rama, por me një rëndësi thelbësore prania në shkallët e Arenës Kombëtare të Kryeministrit të Kosovës, Albin Kurti bashkë me Lulzim Jasharin, djalin e Komandantit Legjendar, Adem Jasharit. Për t’u finalizuar me këngën himn, “Mora Fjalë”, të Naim Gjoshit, kënduar live nga Shkurte Fejza.
Krejtkjo ishte një gjëmim i zëshëm për bashkim, një oshtimë që vjen nga thellësia e kohës dhe emergjenca e së sotmes për qëndresë, shqiptari dhe fitore. Pavarësisht se cila ishte përballja futbollistike, shqiptaria është thirrur në këtë manifestim të jashtëzakonshëm për të dëshmuar, se kemi forcë për të fituar, kemi arsye për festuar dhe besim për bashkim kombëtar.
Fitorja e përfaqësueses sonë kundër asaj të Republikës Çeke, ishte jo thjeshtë një konfirmim i Shqipërisë në vendin e parë më 13 pikë, në Grupit E, për eliminatoret e Euro 2024. Po, ishte shndërrimi i “Air Albania”, në një tempull të nacionalizmit, në një shpërfaqje spektakolare të ambicies për ta ngjitur idealin e lartë kombëtar, në kreshtën e një zëri buçitës, që shpërthen në shkallët e një stadiumi për të populluar Evropën dhe Botën me zgjim kombëtar shqiptarë.
Fushat e blerta shpesh kanë qenë arena të ndeshjeve epike, e tillë ishte dhe ajo e mbrëmshmja, 12 tetor 2023, për të na sjellë në kujtesë betejën e 14 tetorit 2014 në stadiumin e Partizanit në Beogradit kur valëviti “Autochthonous” në zemër të Serbisë. Jo pak herë këto kulmime të garës dhe sfidës kanë shërbyer si një katalizator i ridimensionimit të ndjenjës nacionale. Pavarësisht se është futbolli si indicie, në të vërtetë ai mbetet ndoshta mjeti më efikas që shpie te përmbushja e qëllimeve, dhe nacionalizmi është reflektimi më i shpejt në këtë kontakt.
Ngjarjet e fundit në Kosovë, nevoja për bashkim kombëtar, dukshëm ka marrë një shtysë, që merr zjarr në një ndeshje futbolli, për të ushqyer frymën, për të shprehur fuqinë, për të ndërmendur krejtkujt se ne dimë të luajmë, të luftojmë dhe të fitojmë shqip.
Bashkimi i trojeve shqiptare, korrigjimi i një prej padrejtësive më të mëdha historike që Evropa na bëri, për logjikën e politikës është një mision i pamundur, por për idealin kombëtar është një e drejtë, e cila mund të shpërthejë në entuziazmin e një tifozerie, për t’u shndërruar në një altar, të cilin e lartësojmë me besim dhe e përmbushim me devocion dhe përkushtim.
Dje nuk fituam vetëm ndaj Republikës Çeke, nuk çimentuan vendin e parë në Grupit E, për eliminatoret e Euro 2024, që na afron me Gjermaninë, nuk triumfuam vetëm në një ndeshje futbolli, por e lartësuam ndjenjën tonë kombëtare në qiejt e asaj lavdie, të cilën e ushqejmë me magjinë kuqezi dhe fitore.
Kombëtarja e Shqipërisë ka regjistruar një fitore të madhe ndaj Republikës Çeke dhe tani me një këmbë është në Kampionatin Evropianin e dytë në histori.
Kombëtarja shqiptare shkëlqeu në të gjitha aspektet dhe në fund me meritë mori një fitore të pastër. Ndeshja e zhvilluar në “Air Albania” u mbyll me rezultatin 3:0, shkruan Gazeta Express.
Të përzgjedhurit e Sylvinhos e nisën mirë përballjen, me lojtarin më në formë, Jasir Asani, që la gjurmë me një tjetër gol të bukur dhe në stilin e tij, për epërsinë e parë në minutën e 9-të. Asistues ishte Ylber Ramadani.
Për “Kuqezinjtë” u lehtësuan gjërat në minutën e 40-të, kur Mojmir Chytil u përjashtua nga ndeshja. Ai mori kartonin e dytë të verdhë për shkak të lojës me dorë, kur edhe shënoi gol për çekët.
Shqipëria e nisi mirë edhe pjesën e dytë, e cila ishte e rezervuar për Taulant Seferin.
Sulmuesi nga Kumanova shënoi dy gola. Ai fillimisht dyfishoi epërsinë në minutën e 51-të, pasi u asistua nga Sokol Cikalleshi.
Seferi vulosi fitoren e Shqipërisë me golin e shënuar në minutën e 73-të, pasi mori një asistim të mrekullueshëm nga Mirlind Daku.
Arbnor Muja ia doli të gjej golin e parë me fanellën kuqezi në minutën e 82-të, por fatkeqësisht goli i tij u anulua nga VAR-i për shkak të pozitës jashtë loje.
Shqipëria pas kësaj fitore ka 13 pikë dhe vazhdon kryesimin në Grupin E.
Çekia është e dyta me 9 pikë dhe me një ndeshje më pak.
Kombëtarja shqiptare më 17 tetor do të zhvillojë miqësoren me Bullgarinë, për t’u rikthyer në nëntor me ndeshjet e radhës të këtij cikli kualifikues.
Më 17 nëntor, Shqipëria do të luajë në udhëtim ndaj Moldavisë, kurse më 20 nëntor do të jetë nikoqire e Ishujve Faroe.
Mesdheu është padyshim një nga destinacionet turistike më të njohura në Evropë i cili tërheq çdo vit miliona vizitorë, sipas një artikulli të botuar në revistën spanjolle “A21”, (a21.com.mx).
Pikat e nxehta gjithnjë e më tërheqëse të Mesdheut juglindor ofrojnë një ndërthurje plazhesh të bukura, disa prej të cilave mund të rivalizojnë rërën e bardhë të Karaibeve, mrekullitë e një bote antike dhe një kuzhine të shkëlqyer!
Nëse kërkoni një arratisje të veçantë, autentike dhe jo pushime tradicionale vizitoni destinacionin e ri të Ballkanit, Shqipërinë e cila ofron pamje mahnitëse të plazheve dhe çmime të përballueshme!
Komisioni Evropian i Udhëtimeve konfirmoi në fillim të vitit 2023 se rritja më e madhe e numrit të turistëve është regjistruar në Shqipëri, një rritje prej 277% këtë verë krahasuar me 2013, e ndjekur nga Greqia me 147%, Turqia me 114% dhe Kroacia me 104%.
Shqipëria ofron një kombinim të plazheve të bukura, vendeve kulturore historike dhe kuzhinës tradicionale dhe të huaj.
Gjatë viteve të fundit është parë një rritje e popullaritetit në Rivierën Shqiptare, falë plazheve unike me rërë të bardhë, ujërave bruz dhe qyteteve mesjetare.
Tirana, kryeqyteti modern i Shqipërisë, së fundmi është shpallur Kryeqyteti i Rinisë Evropiane për shkak të reputacionit të saj si qendër e inovacionit dhe sipërmarrjes.
Me jetën e saj të gjallë shoqërore dhe kulturore, ajo është e preferuara e nomadëve dixhitalë.
Megjithatë, pika më e fortë e Shqipërisë është përballueshmëria e saj si një destinacion mesdhetar, dhe hapja e saj ndaj të huajve.
Qyteti është një kombinim i përsosur i historisë, ushqimit dhe aventurës. /atsh / KultPlus.com
Katërmbëdhjetë shkallë të pjerrëta të bardha të vendosura në të gjithë strukturën të çojnë në majën e Piramidës së Tiranës, shkruan Francesca Masotti në një artikull të botuar në revistën italiane, “Lonely Planet Italia”.
Ish-trashëgimia e epokës komuniste, e ndërtuar në vitin 1988 me iniciativën e vajzës dhe dhëndrit të diktatorit Enver Hoxha, pas katër vitesh punë, më në fund ka rihapur dyert për publikun dhe po përgatitet të bëhet qendra më e madhe multifunksionale në Evropën Lindore.
Ajo lindi falë një investimi të Fondacionit Shqiptaro-Amerikan për Zhvillim (AADF) dhe Bashkisë së Tiranës, projektuar nga studioja e famshme holandeze e arkitekturës MVRDV.
Studioja ka rinovuar me mjeshtëri kompleksin e rrënuar dhe gjithashtu hapësirat e jashtme të Piramidës, duke ruajtur strukturën bazë origjinale.
Tani ajo është një ndërtesë transparente ku mbizotëron e bardha dhe drita, me dritare të mëdha, elementë hekuri, kuba me ngjyra, pemë dhe gjelbërim përreth.
Tirana kryeqyteti i ri për t’u zbuluar
“Dhomat e saj do të presin biznese të reja, zyra, evente dhe një qendër TUMO për t’u garantuar studentëve të rinj shqiptarë dhe rajonal, akses në aftësitë dixhitale të afta për t’u dhënë atyre një të ardhme punësimi.
‘Qendra të ngjashme janë tashmë funksionale në Jerevan, Paris, Berlin, Los Anxhelos, Zyrih dhe Lion, por ajo në Tiranë është hapësira e parë për teknologjitë kreative në të gjithë Ballkanin”, tha Ketrina Jarazi, Drejtoresha e Drejtorisë së Turizmit në Bashkinë e Tiranës.
Vitet e fundit, qyteti ka ndryshuar shumë, ndërtesa të reja, zona të rinovuara, restorante të shkëlqyera, ngjarje çdo javë, dhe shumë turistë.
Tirana tashmë ofron gjithçka që duhet për t’u bërë destinacioni i ri për një fundjavë ndryshe.
Këtë vit numri i vizitorëve ishte shumë i lartë për një komb të vogël si Shqipëria, e rrethuar nga vende si Italia, Kroacia, Greqia, Turqia.
Sipas të dhënave nga Instat, Instituti Kombëtar i Statistikave të Shqipërisë, numri i turistëve arriti ne 8,2 milionë.
Çfarë duhet të bëni në Tiranë
Linjat ajrore me kosto të ulët tashmë lidhin kryeqytetin shqiptar me aeroportet kryesore evropiane dhe duke filluar nga nëntori, “Ryanair” do të fluturojë drejt Tiranës edhe nga Bolonja, Milano, Roma, Katania, Treviso dhe shumë qytete të tjera të kontinentit të vjetër.
Kalendari i ngjarjeve po evoluon vazhdimisht, këtë verë artistë të mëdhenj si Enrique Iglesias, Ricky Martin dhe Placido Domingo performuan në Tiranë, ndërsa festivali ndërkombëtar i filmit TIFF dhe Festivali Europian i Filmit Rinor i Tiranës tërhoqën aktorë dhe regjisorë nga i gjithë Ballkani dhe Evropa.
Por, viti nuk ka mbaruar akoma, më 16-17 tetor Festivali Kosmos mbledh artistë të muzikës klasike vendase dhe ndërkombëtare në qytet, më 22 tetor është Maratona.
Nga 15 deri më 19 nëntor organizohet Panairi i Librit dhe është rasti më i mirë për të takuar shqiptarët. autorë, shumë prej të cilëve janë përkthyer edhe në italisht.
Më 29 nëntor është Nata e Bardhë e shoqëruar me muzikë, kërcim dhe argëtim në rrugët e Bllokut, dhe më pas është tregu i Krishtlindjeve i cili nga dhjetori deri në fillim të vitit të ri mbledh artizanët, bodrumet e verës dhe stendat e ushqimit në sheshin Skënderbej të veshur me veshje festive.
Vizitë në muze
Nga sheshi i madh, zemra e qytetit, në BunkArt2 është një hap i shkurtër.
Është muzeu kushtuar viktimave të regjimit komunist i ndërtuar në dhomat e një bunkeri antiatomik në varësi të Ministrisë së Brendshme.
Bunkart1 në periferi të kryeqytetit, gjithashtu i ndërtuar brenda një bunkeri (shtatë kate nën nivelin e tokës) përfshin salla, dhoma dhe një teatër.
Dy ndalesa të paharrueshme për t’u thelluar në historinë jo shumë të largët të Shqipërisë, në xhevahirin e vërtetë të Shtëpisë së Gjetheve, fituese e Çmimit Muzeor 2020 të Këshillit të Evropës, në ish-selinë e Sigurimit, policia sekrete shqiptare në kohën e Hoxhës.
Mes arkivave dhe pajisjeve të llojeve të ndryshme, rrëfehet dhe përkujtohet dhuna psikologjike në muze, shkelja e të drejtave të njeriut dhe kontrolli i ushtruar ndaj qytetarëve gjatë viteve të vështira të regjimit komunist.
Tirana me pamje
Në fund të ditës, rrugët e qytetit mbushen me njerëz, Parku i Madh, në fund të Bllokut, tërheq familje dhe sportistë, çifte të moshuarish për shëtitje dhe grupe të vogla miqsh që takohen.
Është gjithmonë kënaqësi të ecësh këtu dhe përshtypja që të jep është se nuk ndihesh kurrë vetëm, por pjesë e një komuniteti të madh.
Në perëndim të diellit, megjithatë, bëni sërish një udhëtim në Piramidë, ngjituni në majë për të admiruar qytetin nga lart në orën më të bukur të ditës.
Sigurisht që nuk do të jetë si një pamje e Romës apo Parisit, por kryeqyteti shqiptar është “shtëpia ime larg shtëpisë” dhe për mua çdo herë është gjithmonë e bukur, origjinale, unike. Me një fjalë të vetme? Tirana. /atsh / KultPlus.com
Filmi “Alexander” i regjisorit Ardit Sadiku, i cili do të përfaqësojë Shqipërinë në garën e çmimeve Oscar, u shfaq premierë në kinemanë Cineplexx të Tiranës para një publiku kineastësh dhe gazetarëve të kulturës.
Filmi është dëshmia e një ngjarjeje tragjike, ndodhur ndërsa regjimi komunist ishte në grahmat e fundit. Protagonisti i filmit, Aleksandër Gruda, një mekanik i anijeve të flotës detare, rrëfen arratisjen nga Shqipëria komuniste së bashku me familjen dhe miqtë, gjithsej 18 persona të cilët rrëmbyen një anije luftarake, në liqenin e Shkodrës.
Por rruga e tyre drejt lirisë nuk ishte e lehtë. Në përfundim të kësaj aventure, Aleksandri u gjet në udhëkryqin e jetës: t’i gëzohej lirisë apo të hidhërohej për humbjen e vajzës së vetme në tentativën për t’u arratisur.
Rrëfimet e kësaj historie mbi përpjekjet ekstreme në kërkim të lirisë, regjisori Ardit Sadiku i ka xhiruar në tre kontinente: në Ameriken e Veriut, Europë dhe Australi, ku jetojnë protagonistët e ngjarjes. / atsh / KultPlus.com
Nëse jetoni në Meksikë dhe dëshironi të vizitoni vende të tjera për të pushuar, duhet të dini se ka destinacione turistike të lira nga të cilat mund të përfitoni. Këto vende ofrojnë kosto të përballueshme të shërbimeve në territor dhe alternativa turistike më të përshtatshme për xhepin tuaj! shkruan në një artikull e përditshmja spanjolle “El Cronista”.
Shqipëria është renditur mes pesë destinacioneve evropiane më të perballueshme për pushime në vjeshtën e 2023.
Shqipëria
Nëse dëshironi të njihni Evropën me një kosto të ulët, Shqipëria është opsioni ideal për ju.
Ajo ndodhet në juglindje të Gadishullit Ballkanik, gjuha e saj është shqipja dhe monedha vendase quhet LEK.
Shqipëria është një destinacion pak i njohur, krahasuar me vende të tjera si Franca, Italia apo Spanja, ndaj eksperienca turistike është më e lirë, përsa i përket çmimeve të akomodimit, ushqimit dhe transportit.
Vendi ofron plane kulturore, natyrore, gastronomike dhe të kohës së lirë.
Udhëtimi mund të fillojë me një vizitë në sheshin Skënderbej të Tiranës.
Nga atje, ju mund të njiheni me njerëzit, historinë e saj dhe të bëni turne të ndryshme turistike me udhëzues.
Nëse dëshironi të vizitoni plazhin, Ksamili në jug të vendit, do të ishte një opsion i shkëlqyer.
Për shkak të bukurisë natyrore zona bregdetare njihet si Riviera Shqiptare dhe tërheqja kryesore e saj është zbulimi i pjesës më pak të njohur të Mesdheut.
Përveç kësaj, ju gjithashtu mund të vizitoni kështjella antike, kisha, male dhe parqe natyrore.
Kërkesat për të udhëtuar në Shqipëri:
Të keni sigurimin e shëndetit në udhëtim
Të keni një pasaportë të vlefshme gjatë hyrjes
Nëse jeni meksikan, nuk keni nevojë për vizë turistike. / atsh / KultPlus.com
Evropa shpesh vlerësohet për vendet e saj të bukura, historinë e gjatë të zhvillimit njerëzor, monumentet ikonike dhe kulturat e ndryshme.
Kontinenti gjithashtu pëson një transformim të jashtëzakonshëm gjatë vjeshtës, duke i lejuar adhuruesit e natyrës të përfshihen në disa nga aventurat më emocionuese, shkruan në një artikull gazetari Felix Ngeso, të botuar në të përditshmen amerikane “The Travel”.
Por, ndërsa shumë turistë dynden drejt destinacioneve të njohura për të shijuar ngjyrat e gjalla të vjeshtës, ka një ndjenjë kënaqësie që vjen nga eksplorimi i vendeve të panjohura të Evropës.
Destinacionet më të mira të Evropës nën radar ofrojnë përvoja autentike larg turmave.
Peizazhet verbuese përzihen në mënyrë të përkryer me arkitekturën e tyre shekullore, ndërsa atraksionet e mbushura me aventura si parqet janë më pak të mbushura me njerëz, duke ofruar kështu një arratisje të qetë.
Shqipëria është renditur mes 10 destinacioneve në Evropë, ku udhëtarët mund të shohin gjethet e vjeshtës në të gjithë shkëlqimin e saj së bashku me vendet më të mira për të qëndruar.
Theth, Shqipëri
Thethi është një nga destinacionet dhe perlat e fshehura të Evropës që ia vlen të vizitohet gjatë sezonit të vjeshtës për peizazhin e tij të pacënuar dhe të mrekullueshëm.
Adhuruesit e vjeshtës do të magjepsen nga natyra ndërsa ecin drejt Ujëvarës mahnitëse të Grunasit.
Ecja zgjat rreth një orë nga fshati i Thethit dhe i çon aventurierët përtej lumenjve të zhurmshëm, kullotave të gjera dhe shpateve madhështore malore të mbuluara nga gjethet e vjeshtës.
Megjithëse seksioni i fundit i shtegut përfshin një ecje te dhimbshme, peizazhi me ngjyrë të artë që rrethon ujëvarën 25 m fshin çdo lodhje që mund të kenë adhuruesit e natyrës gjatë rrugës. /atsh / KultPlus.com
Eksperiencë plazhi e jashtëzakonshme, pak turistë, ambient miqësor. Kjo është receta për udhëtimin perfekt. Plazhet e Shqipërisë presin vizitorë që janë ngopur me destinacionet kryesore evropiane, dhe duan të shpëtojnë nga turmat e turistëve, ndonjëherë mbytëse, shkruan në një artikull gazetarja Rozc Franciska, të botuar në të përditshmen hungareze “Coloré.hu”.
Kur bëhet fjalë për eksperiencat evropiane të plazheve, zakonisht të vijnë në mendje plazhet dalmate, spanjolle apo italiane.
Megjithatë, në ditët e sotme, këto vende janë shpesh aq të mbipopulluara sa bukuria e natyrës bëhet e pakëndshme.
Ky nuk është aspak rasti me plazhet e Shqipërisë, të cilat nga njëra anë rezultojnë të jenë shumë më miqësore me buxhetin sesa qendrat turistike të krijuara, dhe meqë ra fjala, ata u premtojnë adhuruesve të detit një pamje të mahnitshme.
Shqipëria e pazbuluar
Riviera shqiptare zyrtarisht 450 kilometra e gjatë (ose seksioni i njohur lokalisht si Bregu) shtrihet në pjesën verilindore të detit Jon: bregdeti shtrihet përmes Vlorës dhe Sarandës deri në Parkun Kombëtar të Butrintit dhe kufirin grek.
Bregu është shtëpia e disa prej plazheve më të bukura të Shqipërisë, si dhe shumë atraksioneve të tjera, duke përfshirë mrekullitë natyrore si shpellat dhe burimet nënujore, por edhe fshatrat simpatikë bregdetar, pamjet mahnitëse, rrënojat e lashta, madje edhe bunkerë bërthamor të pashfrytëzuar.
Plazhet e Shqipërisë: Plazhi i Gjipesë
Edhe pse nuk mund të themi kurrsesi se plazhi i Gjipesë është një nga plazhet lehtësisht të aksesueshme (një rrugë e pashtruar të çon në një nga perlat e bregdetit shqiptar).
Gjipe është edhe ndër plazhet shqiptare që konsiderohen të paprekura.
Gjipe është një plazh me guralecë që u ofron vizitorëve ujë të ngrohtë dhe të pastër kristal, duke e bërë atë një vend ideal për not.
Në verë, kajakë dhe SUP gjithashtu mund të merren me qira në zonë, por ju mund të sillni një ombrellë me vete.
Disa kafene në plazh ofrojnë ushqime të shijshme shqiptare, por numri i njësive të kateringut nuk është aq i lartë sa në plazhet e tjera të Evropës.
Plazhi i Gjipes ndodhet afërsisht 1,5-2 orë me makinë nga qyteti i Vlorës.
Plazhi i Dhërmiut
Plazhi i Dhërmiut, i vendosur në veri të Gjipesë, cilësohet si plazhi më i bukur në Shqipëri.
Edhe pse bregdeti i Dhërmiut nuk është me rërë, guralecat e lëmuara, të bardha dhe uji i bruztë i ofrojnë vizitorëve një eksperiencë vizuale të papërsëritshme.
Duke qenë se plazhi i Dhërmiut është më i lehtë për t’u aksesuar sesa i Gjipes, edhe familjet mund të pushojnë në këtë zonë bregdetare.
Shezlongët dhe çadrat mund të merren me qira në këtë plazh, dhe restorantet dhe kafenetë ofrojnë ushqime të shijshme për turistët dhe vendasit që e vizitojnë.
Është interesante që jeta në plazhin e Dhërmiut nuk ndalet as gjatë natës: me perëndimin e diellit, zona e bregdetit bëhet skena e festave të egra të plazhit.
Plazhi i Dhermiut ndodhet dy orë nga Saranda dhe 1,5 orë nga Vlora.
Plazhi i Potamit
Plazhi i Potamit, i vendosur në skajin verior të rivierës shqiptare, ka një efekt shumë më të izoluar, pasi shtrihet mes maleve dhe një zone të gjelbëruar.
Si rezultat, plazhi është kryesisht me hije gjatë ditës, por kjo është shumë e nevojshme në vapë, në fakt!
Plazhi i Potamit, ashtu si Gjipe apo Dhërmiu, ka gjithashtu një plazh me guralecë, por këtu ka gurë të mëdhenj e të rrumbullakët dhe jo guralecë të vegjël.
Potami ka një gamë të gjerë baresh dhe restorantesh në plazh, ku mund të ndjeheni të lirë të provoni disa ushqime të shijshme dhe pije të ftohta duke admiruar pamjen e pazakontë.
Plazhi i Potamit ndodhet pesë minuta me makinë nga qyteti i Himarës. /atsh / KultPlus.com
Për të gjithë ata që planifikojnë të bëjnë një udhëtim këtë vjeshtë, është e rëndësishme të kuptojnë se cilat destinacione ofrojnë opsione akomodimi që përshtaten brenda një plani shpenzimesh të përballueshme, shkruan në një artikull gazetarja Megi Canco, të botuar në “The Travel off Path”.
Udhëtarët që presin me padurim të vizitojnë atraksionet evropiane do të jenë të lumtur të marrin në konsideratë renditjen më të re të destinacioneve me tarifat më të lira për momentin!
Shqipëria është renditur mes pesë destinacioneve kryesore evropiane, që ofrojnë shërbime për turistët me çmimet më të lira.
Shqipëria
Dikur një nga destinacionet më të preferuara të Evropës, Shqipëria kohët e fundit ka fituar një interes të madh në skenën e turizmit ndërkombëtar falë kulturës së saj të pasur, rivierës mahnitëse dhe çmimeve të arsyeshme.
Në përgjithësi, në hotele kostoja për një natë shkon në mesatarisht 60 euro (~ 64 dollarë).
Pra, nëse udhëtoni në Shqipëri, qiratë afatshkurtra janë mënyra e duhur për të ndjekur.
Vlen të përmendet se zonat më turistike dhe të mbiçmuara kostoja mund të jetë shumë pak mbi mesataren.
Arsyeja pse kaq shumë udhëtarë duket se diskutojnë nëse Shqipëria është një destinacion buxhetor apo jo, është se çmimet mund të ndryshojnë shumë midis qyteteve dhe rajoneve./atsh / KultPlus.com
“Mirësevini në Shqipëri, një nga vendet më pak të eksploruara në Evropë”, kështu e nis artikullin media e njohur spanjolle Travesías.
U bë e zakonshme tashmë që Shqipëria të rrëmbejë titujt e mediave të huaja, për sa i përket turizmit me vendet dhe traditat e bukura që ofron. Sipas “Travesías” udhëtarët që vijnë këtu habiten nga gastronomia, pasuria kulturore dhe karakteri shqiptar që nuk i ngjan asnjë vendi tjetër.
Ndër qytetet që kanë përmendur janë Tirana, Berati, Gjirokastra dhe Vlora.
Tirana
Shqipëria është një nga vendet më të vogla në Evropë. Me vetëm 28 748 kilometra katrorë, ajo zë vendin e 37-të në kontinent për nga sipërfaqja.
Megjithatë, pavarësisht territorit të saj ajo krenohet me madhështinë e historisë së saj.
Përtej të shkuarës së afërt, diktaturës së Enver Hoxhës dhe integrimit të vështirë të saj në ekonominë globale pas vitit 1991, Shqipëria ka qenë gjithmonë një vend ndryshe.
Mjafton të lexosh Ismail Kadaren për të kuptuar se diçka e ndan kulturën shqiptare nga pjesa tjetër e Evropës.
Do të ishte mirë të fillonim me “Dosjen H”, të botuar në 1981, ku Kadaré tregon historinë e dy studiuesve të huaj që mbërrijnë në Shqipëri për të studiuar poezinë e saj dhe ndeshen me një botë të mbyllur dhe provinciale; “Pallati i ëndrrave”, një distopi ku qeveria regjistron ëndrrat e secilit prej qytetarëve të saj për t’i kontrolluar ato (në mënyrë të pashmangshme na bën të mendojmë për kohën e diktaturës).
Midis ndërtesave të rrënuara dhe shtëpive të vjetra të shndërruara në klube, bare dhe restorante, lagjia e Bllokut ndihet veçanërisht e qetë gjatë mëngjeseve.
Në Tiranë ka copëza historie gjithmonë të pranishme, nga shtëpia e diktatorit pa asnjë gardh apo ndarje që mund ta mbajë të fshehur nga sytë e udhëtarëve dhe vendasve.
Sheshi Skënderbej është qendra e Tiranës.
Piramida, e cila supozohej të ishte një muze kushtuar të njëjtit personazh, sot është shndërruar në një qendër teknologjike.
Disa nga bunkerët e braktisur brenda qytetit janë shndërruar në galeri dhe muze, ndërsa mbetjet e kështjellës së vjetër u shndërruan në një qendër tregtare në ajër të hapur.
Në zemër të qytetit, një rrugë shumë e gjerë e veshur me pisha mesdhetare të bën të mendosh për stilin e veçantë fashist që pasqyronte ndikimin e Italisë gjatë mbretërimit të Zogut I dhe që do të arrinte kulmin me pushtimin në 1939 dhe aneksimin deri në 1944, viti në të cilin do të vinte në pushtet diktatori, Hoxha.
Edi Rama, kryeministri i Shqipërisë, i cili përveç rolit të tij si politikan, është edhe piktor dhe basketbollist.
Tirana është një qytet relativisht i vogël, por shumë miqësor për të shëtitur.
Në qendër ndodhet Sheshi Skënderbej, i rimodeluar së bashku nga artisti Anri Sala dhe zyra e S1N4E, më shumë se 90,000 metra katrorë e sheshit u mbuluan me mermerë të ngjyrave të ndryshme.
Në sfond, Opera dhe Muzeu Historik Kombëtar e inkuadrojnë në mënyrë madhështore hapësirën.
Në krye të muzeut, murali Shqiptarët, krijimi i Vilson Kilicës, Josif Drobonikut, Agim Nebiut, Anastas Kostandinit dhe Aleksandër Filipit, tregon historinë e vendit nga kohërat e lashta e deri në epokën komuniste.
I restauruar së fundmi, falë një fondi të Bashkimit Evropian që rindërtoi vendet e prekura nga tërmeti i 2019, murali rifitoi shkëlqimin dhe rrëmben vështrimin e udhëtarëve, me figurën femërore të Republikës në qendër dhe duke ngritur dorën me njërën dorë, pas saj fluturon flamuri kombëtar kuq e zi.
Berati
Megjithëse Tirana ka shumë për të ofruar, gjëja më e bukur e Shqipërisë është atje jashtë, në fshat, në rrugët dredha-dredha që përshkojnë peizazhe dramatike të luginave dhe maleve me qytete të vogla si diçka nga një përrallë mesjetare, të vendosura në majë të një mali.
Berati është një vendbanim që daton në shekullin e VII para Krishtit, i quajtur qyteti i njëmijë dritareve.
I vendosur në brigjet e lumit Osum, qyteti është i ndarë në tre rrethe: në krye, kalaja e vjetër; në qendër, një qytet i lashtë me mure i njohur si Mangalemi ose lagje osmane dhe, në anën tjetër të lumit, Gorica.
Shtëpitë e vogla të bardha, me dritare druri, mbulojnë të dy anët e malit dhe i japin udhëtarëve një kartolinë unike.
Berati konsiderohet si vendbanimi më i vjetër në Shqipëri dhe për shumë vite ishte pikërisht kufiri midis Perandorisë Bizantine dhe Perandorisë Romake, diçka që përshkon edhe historinë e të gjithë vendit, edhe në gjysmë të rrugës mes Lindjes dhe Perëndimit, mes krishterimit, islamit dhe ateizmit (shumë shqiptarë ende kujtojnë se si feja u ndalua nga viti 1967 deri në 1989).
Në njërën anë të kështjellës, kapela bizantine e Trinisë së Shenjtë shikon drejt luginës që nga shekulli i XV, ndërsa në rrëzë të malit funksionon Teqeja Halveti, një lloj manastiri i rendit Jalwati, një vëllazëri sufi islamike, sot si xhami. Është pjesërisht kjo trashëgimi historike që çoi në përcaktimin e Beratit si një vend i Trashëgimisë Botërore të UNESCO-s.
Edhe pse është ende diskret, nëse e krahasojmë me destinacionet e tjera mesdhetare, turizmi në Shqipëri ka filluar të lërë gjurmë, veçanërisht në qytetet historike si Berati apo Gjirokastër, në jug të vendit, pranë kufirit me Greqinë.
Me rrënojat që datojnë në shekullin e VII para Krishtit, Berati besohet të jetë vendbanimi më i vjetër në Shqipëri.
Sipas të dhënave të Bankës Botërore, gjatë dekadave të fundit kontributi i sektorit të turizmit në PBB-në shqiptare u rrit në 8% dhe viti 2019 ishte viti më i mirë i vendit për sa i përket turizmit, me 6,4 milionë vizitorë dhe 2,3 miliardë dollarë të ardhura nga ky sektor.
Ashtu si shumë nga vendet e rajonit, Kosova, Maqedonia e Veriut, Mali i Zi, edhe Shqipëria kanë filluar të hyjnë në radarin e udhëtarëve nga e gjithë bota, të cilët vijnë këtu në kërkim të një eksperience ndryshe dhe me çmime më të volitshme.
Gjatë vizitës është e zakonshme mund të shihni një bunker të harruar, shumë monumente konkrete të luftës që të kujtojnë spomenikët jugosllavë, dhe një perlë siç është qyteti antik i Apolonisë, një mrekulli e vërtetë e periudhës klasike greke që ende ruan një portik spektakolar që inkuadron Mesdheun në sfond.
Gjirokastra
Arkitektura e të gjithë qytetit shfaq një stil otoman që e bëri atë të përfshihet si një qytet i Trashëgimisë Botërore të UNESCO-s në 2015.
Mes maleve dhe reve të ulëta, përveç një shiu të hollë, gjithçka ka një aureolë disi mistike.
Ndër faktorët dallues që tërheqin turizmin, gastronomia është padyshim një nga faktorët kryesorë që i fton njerëzit të kthehen.
Shijet shqiptare janë pasqyrë e asaj kulture dikotomike mes Lindjes dhe Perëndimit, nga njëra anë ndikimi mesdhetar dhe italian me vajra, ullinj, djathëra dhe makarona që do të imagjinonim në Itali apo Greqi, nga ana tjetër, përgatitjet me bazë perimesh dhe erëzash që të kujtojnë një meze turke apo arabe, të gjitha të shoqëruara me verëra të shkëlqyera vendase.
Gjirokastra është vendlindja e disa prej njerëzve më të njohur të historisë shqiptare, si shkrimtari Ismail Kadaré dhe diktatori Enver Hoxha.
Bukuria e vërtetë e kësaj pasurie gastronomike është se ju mund të shijoni gjithçka në një vend. Dhe duhet thënë gjithashtu se çmimet janë shumë të volitshme, që do të thotë se udhëtarët mund të porosisin pa u shqetësuar.
Së fundi, faktori tjetër kyç është cilësia dhe freskia e perimeve dhe prodhimeve të detit.
Në shumë qytete bregdetare, është mirë të pyesni se çfarë është e freskët atë ditë dhe të prisni disa nga sugjerimet e kuzhinës.
Vlora
Përgjatë gjithë shëtitores mund të shihni rezidencat dhe godinat, të dizajnuara për të huajt që gjejnë vendin ideal për të investuar paratë e tyre, veçanërisht italianët.
Vlora mund t’iu duket paksa si Costa del Sol i Spanjës, Côte d’Azur in Francës ose plazhet greke.
Brigjet e Vlorës, një nga destinacionet më të njohura verore në Shqipëri. / atsh / KultPlus.com
Bota është e madhe, e bukur dhe emocionuese, e përbërë nga kultura të ndryshme magjepsëse. Kultura është thelbësore për ekzistencën njerëzore dhe përshkruan besimet, vlerat dhe traditat e përbashkëta sipas të cilave jeton çdo komunitet!
Udhëtimi në vende me kultura të ndryshme mund të jetë jashtëzakonisht i dobishëm. Jo vetëm që na ofron perspektiva të reja për botën, por gjithashtu na ndihmon të krijojmë lidhje të pasura dhe kuptimplote me një gamë më të gjerë njerëzish! shkruan në një artikull gazetarja Elise Christian, të botuar në të përditshmen britanike restless.co.uk .
Shqipëria është renditur mes 12 destinacioneve më të mahnitshme për zbulime kulturore.
Ndërsa Shqipëria ka përjetuar një fluks turistik vitet fundit, kultura e saj rurale mbetet e jashtëzakonshme, ku shumë vendas ende jetojnë nga bujqësia dhe blegtoria.
Shqipëria është gjithashtu një vend me plazhe të mahnitshme, fshatra idilike, pamje mahnitëse të Alpeve dhe vende të pabesueshme historike, siç janë mbetjet e Perandorisë Osmane.
Ky vend i Evropës Jugore ka shumë gurë të çmuar të fshehur.
Për shembull, “Syri i Kaltër” misterioz është një burim uji verbues blu me një thellësi të panjohur në jug, ndërsa në qytetin e Gjirokastrës, i përfshirë në listën e trashëgimisë botërore të UNESCO-s, shtëpitë prej guri ngjajnë me fortesa të vogla dhe rrugët me kalldrëm të çojnë të gjitha drejt Pazarit.
Tani është koha për të zbuluar këtë vend jashtëzakonisht të larmishëm, i cili ka mbetur një nga enigmat më të mëdha të kontinentit.
Vija bregdetare e saj gjarpëruese, e quajtur Riviera Shqiptare është e mbushur me plazhe ëndërrimtare, të mbuluara me ujëra të thellë blu, dhe vendpushime magjepsëse, si Dhërmiu dhe Ksamili.
Në brendësi të vendit, do të gjeni male të larta, kala, kështjella të shkatërruara dhe rrënoja të panumërta të lashta greke dhe romake.
Nëse jeni adhurues i historisë, i aventurave ose i apasionuar pas plazhit, Shqipëria ofron gjithçka për të gjithë. /atsh / KultPlus.com
Shqipëria nuk e ka shkelmuar ende ‘murin turistik’ mbi Evropë, por tashmë është ngjitur në listën e destinacioneve më të kërkuara nga vizitorët e huaj! Turistët hungarezë kanë filluar ta zbulojnë gjithnjë e më shumë!
Në bazë të vendndodhjes së saj, Shqipëria është një nga vendet më të bukura të kontinentit, e cila kufizohet nga deti Jon në jugperëndim dhe deti Adriatik në perëndim, ndërsa 70 për qind e territorit të vendit është male piktoreske dhe të pabanuara, shkruan në një artikull gazetari Oszkár Rétsági të botuar në të përditshmen hungareze “Player”.
Ajo ka më shumë se 300 kilometra vijë bregdetare, dhe për më tepër, ka edhe rivierën e saj.
Vendpushimi më i famshëm është Ksamili me një vendndodhje përrallore, një fshat i vendosur në një gadishull të ngushtë të kufizuar nga deti Jon dhe liqeni i Butrintit.
Plazhi ranor i Vlorës dhe zona rreth Durrësit janë gjithashtu pjesë e Rivierës Shqiptare.
Por, ka edhe plazhe të mrekullueshme në Dhërmi, Borsh dhe Lukovë.
Pas fluksit të turistëve në vendbanimin, që ndodhet 10 kilometra larg qytetit të Sarandës, nisën të ndërtohen qindra hotele.
Atraktiviteti i Shqipërisë qëndron në faktin se ajo ende nuk është përfshirë plotësisht nga globalizimi, por kjo është edhe një e metë e saj, Ballkani duhet të ishte përgatitur për fluksin ne rritje të vizitorëve.
Njerëzit tashmë po socializohen me turizmin pasi komunizmi nuk kaloi pa lënë gjurmë.
Perveç kryeqytetit të Tiranës, ka edhe vendbanime të tjera të bukura, si Kruja dhe Berati./ KultPlus.com
Nëse po planifikoni arratisjen tuaj të ardhshme ndërkombëtare, do të përballeni me një nga vendimet më sfiduese. Ka kaq shumë vende të pazbuluara për të parë. Dhe, ndërsa vendet e mëdha turistike, si Greqia, Tokio apo Parisi janë të njohura për një arsye, ndoshta ju jeni duke kërkuar për diçka më të panjohur!, shkruan në një artikull Hannah Loewentheil të botuar në të përditshmen amerikane “BuzzFeed”.
Kështu që, shfletova r/travel dhe rendita një sërë destinacionesh më pak të njohura, por të mahnitshme, në vend të pikave turistike më trendi për pushime.
Mes 27 destinacioneve të konsideruara si “Perla të fshehura”, “BuzzFeed” ka renditur edhe Shqipërinë, si vendin ku ofrohen plazhe të bukura, ushqime të shijshme dhe mjaft të lira dhe shumë xhevahirë për të eksploruar.
Në vend të Greqisë, shkoni në SHQIPËRI
E vendosur në Evropën Jugore, pikërisht përtej detit nga Italia, Shqipëria kufizohet në jug me Kroacinë dhe në veri me Greqinë. Dhe, është me të vërtetë vendi më i bukur ku mund të shkoni për pushime.
Plazhet me rërë të bardhë në pjesën jugore të vijës bregdetare të vendit, janë një parajsë e vërtetë. Uji është i ngrohtë dhe i kripur, dhe tepër blu.
Nëse jeni një alpinist, do t’ju duhet të shkoni në veri të vendit.
Pamjet malore këtu rivalizojnë Alpet, me panorama mahnitëse dhe fshatra të mahnitshëm.
Ecja nga Thethi në Valbonë është një nga shëtitjet më të njohura ditore, me bujtina të vogla ku mund të qëndroni në të dy skajet.
Shumë nga ushqimet që do të gjeni në restorante janë bërë nga përbërës vendas, shpesh organikë.
Qytetet bregdetare kanë të gjitha produkte deti tepër të freskëta, të cilat zakonisht kapen në mëngjes.
Një nga vaktet më të zakonshme në restorante këtu është peshku i pjekur në skarë me perime dhe patate të skuqura, ose kallamar i pjekur në skarë me limon.
Qyteti bregdetar i Sarandës është një mekë për pushuesit italianë dhe udhëtarët që kërkojnë një vend të lirë për të qëndruar për pak kohë.
Ka shumë bare dhe lokale buzë detit që janë të hapura gjatë gjithë natës, dhe plazhe të bukura për t’u çlodhur gjatë ditës.
Nëse ju pëlqen t’i merrni gjërat pak më ngadalë, ngjituni në qytetet e vogla në male.
Këtu do të gjeni bujtina komode të vendosura në mënyrë të përkryer pranë shtigjeve të ecjes dhe ujëvarave.
Vizitoni Syrin e Kaltër tepër të pastër pranë Sarandës, ose ujëvarat e akullta pranë Beratit.
Çdo qytet që vizitoni do të ketë një lloj fortese lart në një kodër që thjesht pret për t’u ngjitur dhe eksploruar.
Udhëtimi dy orë me traget në liqenin e Komanit është magjik.
Ju kaloni nëpër kanale të ngushta të rrethuara nga kodra dhe shkëmbinj të gjelbër dhe përfundoni në një fshat të bukur e të izoluar.
Burimet e nxehta të Benjës pranë Përmetit janë një sfidë për t’u arritur, por ia vlen.
Sigurisht, plazhet dhe moti i ngrohtë janë të shkëlqyera. Por, malet shqiptare lulëzojnë në dimër, ku mund të bëni ski dhe ecni në këmbë ose thjesht të uleni pranë zjarrit dhe të shijoni pamjet.
Shtoni Shqipërinë në listën tuaj përpara se të jetë vonë. /atsh / KultPlus.com
Ka ende shumë vende të panjohura për turizmin në Evropë që janë gjithashtu shumë të lira. Do të befasoheni nëse udhëtoni në vende si Shqipëria!
Evropa është një kontinent plot diversitet, kulturë dhe histori, por edhe destinacione shumë të njohura dhe të shtrenjta. Megjithatë, ka vende që ofrojnë një përvojë unike dhe autentike, vende që nuk janë të mbipopulluara dhe të përballueshme për xhepin tuaj, sipas televizionit spanjoll “Telecinco”, e mbështetur nga “Mediaset Espana”.
Midis disa vendeve turistike më të lira në Evropë, gazeta ka renditur edhe Shqipërinë si destinacionin ideal për udhëtarët që kërkojnë aventurën, natyrën dhe traditën.
Shqipëria
Ky vend i vogël ballkanik ka një vijë bregdetare spektakolare, me plazhe me rërë të bardhë dhe ujëra të kristalta, asgjë për t’i pasur zili fqinjët e saj, Greqinë apo Kroacinë.
Përveç kësaj, Shqipëria ka një trashëgimi të pasur kulturore dhe historike, e cila pasqyrohet në qytetet, kështjellat dhe muzetë e saj.
Kryeqyteti i saj, Tirana, është një qytet i gjallë dhe modern, që ofron shërbime të larmishme gastronomike dhe argëtuese.
Shqipëria është një nga vendet më të lira në Evropë, me një buxhet ditor rreth 20 euro për person.
Itinerari gjashtëditor në Shqipëri
Shqipëria është një vend me një histori të pasur, një kulturë të larmishme dhe natyrë mbresëlënëse.
Nëse dëshironi të njihni atraksionet kryesore të tij, ne ju propozojmë një itinerar turistik gjashtëditor që do t’ju lejojë të zbuloni qytetet, plazhet dhe parqet e tij kombëtare.
Dita e parë:
Mbërritja në Tiranë, kryeqyteti i Shqipërisë. Mund të vizitoni qendrën historike, ku mund të gjeni sheshin Skënderbej, xhaminë e Et’hem Beut, orën e qytetit dhe muzeun historik kombëtar.
Mund të ecni edhe përgjatë bulevardit Dëshmorët e Kombit, ku ndodhet pallati presidencial, piramida e Tiranës dhe parku Rinia.
Natën, ju mund të shijoni jetën e gjallë të kryeqytetit, me baret dhe restorantet e tij.
Dita e dytë:
Nisja për në Berat, një nga qytetet më të vjetra dhe më të bukura të Shqipërisë.
Berati njihet si qyteti i njëmijë dritareve, për shtëpitë e tij tradicionale prej guri dhe druri që rreshtohen në kodrat.
Mund të vizitoni kështjellën e Beratit, e cila strehon një muze ikonash, një katedrale ortodokse dhe disa kisha.
Ju gjithashtu do të mund të vizitoni urën osmane mbi lumin Osum dhe lagjen Mangalem, një vend i Trashëgimisë Botërore të UNESCO-s.
Dita e tretë:
Vazhdimi për në Gjirokastër, një tjetër qytet i Trashëgimisë Botërore për arkitekturën e tij tipike të Shqipërisë së Jugut.
Gjirokastra karakterizohet nga shtëpitë e saj prej guri gri, të cilat shohin luginën e lumit të Drinit.
Mund të vizitoni Kalanë e Gjirokastrës, e cila ofron pamje panoramike të qytetit dhe strehon një muze ushtarak dhe një teatër antik.
Gjithashtu do të mund të vizitoni vendlindjen e shkrimtarit Ismail Kadare dhe pazarin e vjetër.
Dita e katërt:
Nisja për në Sarandë, një qytet bregdetar i vendosur në detin Jon.
Saranda është një destinacion popullor për plazhet me rërë dhe ujin e pastër kristal, si Ksamili, Pasqyra apo Plazhi i Pasqyrës.
Ju gjithashtu mund të vizitoni Parkun Kombëtar të Butrintit, ku mund të gjeni rrënojat e një qyteti të lashtë grek dhe romak.
Një tjetër vend me interes është burimi natyror i Syrit të Kaltër, ose Syri i Kaltër, i cili ka një ngjyrë bruz spektakolare.
Dita e pestë:
Kthimi në Tiranë, duke bërë një ndalesë në Durrës, qyteti i dytë më i madh në Shqipëri.
Durrësi është një qytet port me një histori të gjatë, që daton në shekullin e VII para Krishtit.
Ju mund të vizitoni amfiteatrin e tij romak, më i madhi në Ballkan, i cili mund të mbajë 20 000 spektatorë.
Do të shihni gjithashtu Muret Veneciane, Muzeun Arkeologjik dhe Kullën e Mbretit Zog.
Dita e gjashtë:
Largimi nga Tirana dhe transferimi në aeroport për fluturimin e kthimit. / atsh / KultPlus.com
Ka disa ditë që ka nisur rrugëtimin e tij edicioni i dytë i projektit kulturor rumuno-shqiptar “Ana – Rozafa”, që synon të afrojë nga ana kulturore muzikantë nga Rumania dhe Shqipëria – vende që ndajnë të njëjtën hapësirë kulturore ballkanike, përcjell KultPlus.
Kështu, nga 14 gjer më 27 Gusht 2023, po mbahen një sërë koncertesh në qytetin e Shkodrës dhe rrethinat nga dy grupe muzikore rumune, njëri jazz dhe tjetri muzikë klasike. Ata po performojnë në evente të rëndësishme kulturore shqiptare: Shkodra Jazz Festival dhe Rrok Academy. Gjithashtu, ata do të marrin pjesë në një sërë masterclass-esh dhe shkëmbime përvojash në Shqipëri, duke bashkëpunuar me artistë nga e gjithë rajoni ballkanik.
Rumania do të përfaqësohet nga grupet PopFolklorica (Ovi, Mihaela Zlat, Sorin Zlat, Frații Cazanoi) dhe Enescu Young Strings (Andreea Ioana Nistor, Alesia Mihai, Ștefan Ciceu, Carla Herescu). Të dy grupet do të performojnë muzikë rumune në Shkodra Jazz Festival përpara një audience prej mbi 2,000 njerëzve dhe do të bashkëpunojnë me muzikantë shqiptarë për të zhvilluar repertore të reja bazuar në tema muzikore specifike të të dy vendeve. PopFolklorica: PopFolklorica përbëhet nga artistë të shquar që vijnë nga stilet muzikore që variojnë nga jazz-i te motown apo soul, me elemente etno dhe folklorike. Nën këtë koncept unik, i nisur nga solisti Ovi (Ovidiu Jacobsen – Cernăuțescu, i cili mori vendin e tretë në Eurovision 2010 së bashku me Paula Seling) – piano dhe zë, Mihaela Zlat – zë, së bashku me pianistin Sorin Zlat dhe anëtarët e njohur të grupit Frații Cazanoi, PopFolklorica tejkalon kufijtë muzikorë të skenës rumune, falë versatilitetit instrumental dhe energjisë vibruese që ofrojnë si një grup i unifikuar me personalitete krijuese kaq të ndryshme.
Enescu Young Strings: Enescu Young Strings promovon muzikantë të rinj në fillim të karrierës së tyre, të cilët tashmë kanë dalluar veten me rezultate të shquara në konkurse dhe në skenë. Violinistet Andreea Ioana Nistor, së fundmi pranuar në seksionin e violinës të Akademisë Mbretërore të Muzikës në Londër, Alesia Mihai, violonçelisti Ștefan Ciceu dhe flautistja Clara Herescu do të prezantojnë për audiencën shqiptare një program ekskluzivisht rumun të kompozitorëve përfaqësues të shekujve XX – XXI. Kështu, PopFolklorica do të performojë më 23 Gusht, në ora 18:30, në qytetin e Shkodrës në Rrok Academy, dhe më 25 Gusht, në ora 20:30, në Sheshin pranë Bashkisë në të njëjtin qytet. Kuarteti Enescu Young Strings do të performojë në të njëjtin qytet më 20 Gusht, në ora 20:30, në Banesën Oso Kuka, dhe më 27 Gusht, në ora 19:30, në Orkestrën e dhomës Skanderbeg. Titulli i projektit “Ana-Rozafa” flet për mitin themelor dhe metaforën e sakrificës së krijimit, një temë e pranishme në legjenda nga të dy hapësirat, rumune dhe shqiptare.
“Duke vijuar një bashkëpunim të nisur në 2021 mes shoqatave UCIMR dhe Rrok Jakaj – partneri ynë nga Shqipëria, projekti ‘Ana – Rozafa’ forcon një lidhje kulturore të natyrshme mes artistëve të të dy vendeve që kanë shumë të përbashkëta, përfshirë legjendën e vjetër të sakrificës së krijimit, përmes dy personazheve femërorë të sakrifikuar brenda mureve të Manastirit Argeș – Ana – dhe respektivisht të kalasë së Skutarit në Shkodër – Rozafa”, thotë Sebastian Gheorghiu, menaxher kulturor dhe anëtar i Bordit Drejtues të UCIMR.
Projekti Ana – Rozafa është organizuar nga Shoqata UCIMR – Uniunea de Creație Interpretativă a Muzicienilor din România – në partneritet me Shoqatën Kulturore Rrok Jakaj dhe bashkëfinancuar nga Instituti Kulturor Rumun, përmes Programit Cantemir – program financimi për projekte kulturore të dedikuara bashkëpunimit ndërkombëtar. / KultPlus.com
Apolonia, qyteti antik i Shqipërisë, është ndër më të mëdhenjtë në pellgun e Adriatikut dhe më i përmenduri ndër 30 qytetet e tjera antike.
Kryeministri Edi Rama ndau sot në rrjetet sociale pamje nga Parku Arkeologjik i Apollonisë, një nga xhevahirët e trashëgimisë sonë kulturore.
Rama tha se falë edhe restaurimit tërësor si dhe rrugës së re lidhëse me infrastrukturën kombëtare, ky park është kthyer në një atraksion të dëshiruar gjithnjë e më shumë nga turistët e vizitorët.
Parku Arkeologjik i Apolonisë u vizitua nga rreth 50 mijë turistë në periudhën janar-gusht 2023, duke shënuar kështu një rritje të konsiderueshme krahasuar me një vit më parë.
Apolonia është një thesar i pasur i historisë dhe kulturës shqiptare. Ky qytet antik ndodhet në juglindje të Shqipërisë, afër qytetit të Fierit. Historia e Apolonisë është e ndërlikuar dhe interesante, dhe vizituesit mund të kenë shumë për të kuptuar dhe eksploruar në këtë vend të mrekullueshëm.
Apolonia është themeluar rreth fillimit të shek. të IV p.e.s., ndërsa rrënojat e Apolonisë janë zbuluar në fillim të shek. XIX. Në shekujt që pasuan, qyteti zhvilloi një kulturë të pasur dhe u bë një qendër e rëndësishme ekonomike dhe kulturore në rajon. Ai ndikoi ndjeshëm në zhvillimin e kulturës romake në Ballkan dhe Evropën Lindore.
Arkeologët e quajnë Apoloninë “Pompei i Shqipërisë”, pasi vetëm 10% e territorit të qytetit të dikurshëm është zbuluar deri më sot.
Vizitorët që vijnë në Apoloni do të mbeten të mahnitur nga pamjet e rrënojave të qytetit. Ky sit arkeologjik përmban akropolin, teatrin, forumin, ndërtesa të ndryshme publike dhe private, si dhe rrugët e vjetra. Këto rrënoja ofrojnë një pamje të mrekullueshme të jetës së qytetit antik dhe strukturave të tij.
Teatri i Apolonisë është një prej pamjeve më të veçanta të sitit. Ky teatër i bukur me vende për rreth 10,000 spektatorë është një dëshmi e artit dhe arkitekturës së lashtë. Ai është një vend i përsosur për të imagjinuar shfaqje të lashta dhe për të kuptuar rëndësinë e kulturës së teatrit në kohën antike.
Në afërsi të sitit arkeologjik ndodhet Muzeu i Apolonisë, ku vizitorët mund të shohin një koleksion të pasur të artefakteve të gjetura në zonën e rrënojave. Kjo përfshin monedha, statuja, vazo dhe gjetje të tjera të çmuara që ofrojnë një pamje më të qartë të jetës dhe kulturës së qytetarëve të lashtë të Apolonisë.
Jo vetëm rrënojat antike, por edhe mjedisi natyror që rrethon Apoloninë është i paharrueshëm. Vizitorët mund të shijojnë pamje të mrekullueshme të detit Adriatik dhe natyrës së pasur të zonës së Fierit.
Për të bërë një udhëtim të mahnitshëm në këtë qytet antik, duhet të planifikoni një vizitë në Apoloni. Do të keni mundësinë të hulumtoni rrënojat e këtij qyteti të lashtë, të njihni historinë e tij të pasur dhe të kuptoni ndikimin e tij në zhvillimin e kulturës dhe historisë së Shqipërisë. /ATSH /KultPlus.com
Kryeministri Edi Rama bëri të ditur sot se 22 mijë vizitorë kroatë kanë frekuentuar Shqipërinë deri në korrik të 2023, ose 41% më shumë se viti i kaluar.
Rama ndau një kronikë të televizionit kroat RTL, ku promovohet turizmi në Shqipëri.
“Jehona e suksesit bombastik të Shqipërisë turistike vazhdon dhe këtë herë janë fqinjët e një vendi superstar në turizëm, Kroacia, ku televizioni RTL i jep një hapësirë të papritur surprizës shqiptare që po tërheq vëmendjen e mediave botërore”, tha Rama.
“Këto ditë të gjithë flasin për Maldivet europiane, Shqipërinë, ku deti është i mrekullueshëm ndërsa çmimet janë normale. Nisi me një artikull ku thuhej se në Shqipëri do të paguani 16 euro për një drekë të bollshme për dy veta buzë detit dhe se atje do të jetoni tërë javën me paratë që diku tjetër janë të mjaftueshme për tre ditë”, thuhet në kronikën e televizionit kroat, RTL.
“Nuk është as Greqia, as Spanja, as Havai dhe as Tajlanda. Këto janë Maldivet europiane. Turistët e befasuar befas zbulojnë Shqipërinë. Nëpër rrugët e Shqipërisë do të udhëtoni falas sepse nuk ka tarifa rrugore”, vijon kronika e RTL-së.
RTL intervistoi një turiste e cila u shpreh se çmimet janë më të ulëta, si për akomodim madje edhe për parking. “Akomodimi për 1 javë për dy persona në Kroaci do të kushtonte 2-3 mijë euro, kurse në Shqipëri me udhëtim dhe të gjitha do të kushtonte rreth 1 mijë euro për 1 javë. Ndoshta edhe më pak”, tha ajo.
Sipas një agjencie turistike të cituar nga RTL, për një javë pushime në Shqipëri me të gjitha shpenzimet nevojiten 850 euro.
Adriana Karuza, blogere udhëtimi u shpreh për RTL se “Shqipëria është thjesht më e volitshme”.
“Jemi dëshmitarë që çmimet në Europë janë egërsuar. Shqipëria është thjesht më e volitshme. Mund të them se para dy vitesh ne shpenzuam 730 euro përfshirë të gjitha, hotel, ushqim, suvenire, madje edhe riparimin e makinës. Tarifat rrugore nuk paguheshin. Mbaj mend që karburanti nuk ishte i lirë, por nuk kishim shpenzime për parking”, theksoi ajo.
Sipas RTL-së, reklama e pazakontë vazhdon t’i tërheqë mysafirët. “Për shkak të inflacionit çmimet kanë ndryshuar, por këtu ende mund të verohet lirë. Plazhet kështjellat dhe çmimet e volitshme, duket se Shqipëria i ka të gjitha”, përfundon kronika e RTL-së./atsh/KultPlus.com
Rritja e fortë e sektorit të turizmit në vendin tonë, po reflektohet edhe në shifrat e aeroportit të vetëm ndërkombëtar “Nënë Tereza”. Muaji gusht pritet të shënojnë numrin më të lartë të pasagjereve, të rregjistruar ndonjëhërë, shifër e cila dot të kalojë 1 milon.
“Një vit më parë, në kemi arritur numrin rekord të pasagjerëve në 22 mijë në ditë. Këtë gusht ne presim që numri maksimal të arrijë në 38 mijë. E thënë ndryshe mesatarisht në ditë gjatë muajit gusht numri pasagjarëve në aeroportin e Rinaës do të jetë mes 36-38 mijë, që për ne është një rritje domethënëse”, -shprehet Maksim Ethemaj, nga autoriteti i aviacionit civil”
Sipas statistikave një nga shifrat më domethënëse është edhe numri i pasagjereve nga vijnë nga Anglia.
“Për këtë sezon veror janë shitur 450 mijë bileta. Ne kemi 8 fluturime në ditë për dhe nga Anglia. Ndërkohë që me hyrjen e Rayan Air fluturimet nga ky shtet do të rriten më shumë vitin që vjen.”
Këtë vit aeroporti pritet të shënojë 7 milion pasagjerë përgjatë gjithë vitit. Por a janë këto shifra sipas parashikimeve të autoritetit?
“Për ne shifra prej 7 milion pasagjerë nuk e kishim parashikuar. Këtë shifër mendonin se do e arrinim në 2028. Pra jemi pesë vite në avancë, ndaj detyra jonë është që ofrojmë kapacitet e duhura për të përballuar këtë fluks- vijon më tej Ethemaj”
Rritja e numrit te pasagjerëve në aeroport lidhet me faktin se janë shtuar fluturimet direkte. Tirana lidhet me 105 destinacione europaine dhe jo vetëm, nga 84 që ishte një vit më parë kjo shifër.
Shqipëria është një vend ku tradita ka rëndësi. Një vend me aventura të papritura në fund të çdo rruge. Një vend që mund të ndryshojë të gjithë idenë tuaj për Evropën e shekullit XXI, shkruan Stuart Butler për faqen e njohur turistike https://www.timeout.com/.
”Pra, nga ta filloni vizitën në Shqipëri?
1. Tirana Kryeqyteti i Shqipërisë dhe i vetmi vend që me të vërtetë ndihet si qytet, Tirana nuk e fsheh historinë e saj të kaluar represive. Në vend që të fshihnin qendrat dhe burgjet e marrjes në pyetje të epokës komuniste, autoritetet e qytetit i kanë shndërruar ato në muze, galeri arti dhe përmendore të errëta magjepsëse – dhe më pas i kanë rrethuar me një kastë gjithnjë në ndryshim të bareve dhe restoranteve luksoze. Në fundjavë, hipni me teleferik në malin e Dajtit për t’u bashkuar me vendasit për një drekë me mish qengji të pjekur.
2. Berati Berati i bukur është një qytet me dy gjysma. Poshtë në breg të lumit shtëpitë janë grumbulluar fort në anën e një kodre të pyllëzuar, me dritaret e tyre që pasqyrojnë rrezet e diellit nga uji i lumit. Megjithatë, merrni ngjitjen e pjerrët drejt majës së asaj kodre dhe do të arrini në gjysmën tjetër – dhe shumë më të vjetër – të Beratit. Një portë mesjetare e restauruar të çon në kala, ku lule të egra mbijnë nga muret e shkatërruara dhe një tufë kishash e xhamish shekullore janë kthyer në muze.
3. Ksamili Vendi kryesor i plazhit të Shqipërisë. Ksamili – i cili përfshin një seri kodrash të ulëta, të pyllëzuara dhe përfshin një numër gjiresh, plazhesh dhe ishujsh të vegjël ende që shkëlqejnë – është diçka e veçantë. Turizmi masiv, i nxitur nga vizitorët nga vendet fqinje pa dalje në det, ka ndryshuar në mënyrë dramatike vijën bregdetare shqiptare në vitet e fundit, por Ksamili ruan magjinë e qetë që tërhoqi fillimisht njerëzit në rivierën shqiptare. Dhe, natyrisht, ushqimet e detit janë të shkëlqyera.
4. Gjirokastra Historia e qytetit të vogël kodrinor të Gjirokastrës, në Shqipërinë e Jugut, shtrihet të paktën 2 500 vjet më parë – me disa nga thesaret e kësaj lashtësie të madhe të vendosura me kujdes në muzeun e vogël të qytetit. Megjithatë, shumica e njerëzve sot vijnë këtu për të parë rreth 600 shtëpitë mahnitëse të epokës osmane që mbulojnë qytetin dhe kodrën përreth, disa prej të cilave janë të hapura për vizitorët. Qendra e bukur, por turistike e qytetit është e gjitha me rrugë me kalldrëm, me kafene dhe dyqane suveniresh.
5. Butrinti Ndoshta vendi historik më mbresëlënës në Shqipëri, Butrinti është një qytet i lashtë grek me gurë dhe shkëmbinj të verdhë si luledielli. Disa nga rrënojat këtu – teatri, Forumi dhe banjat publike në veçanti – janë të ruajtura jashtëzakonisht mirë, por po aq kënaqësi është edhe të shohësh rrënojat më pak të njohura. Për të shtuar mrekullinë e sitit, i gjithë kompleksi është i vendosur bukur nën pyjet me hije dhe në brigjet e një lagune të qetë bregdetare.
6. Shkodra Qyteti i madh i Shkodrës shtrihet buzë një liqeni. Ka ndërtesa të lyera në pastel dhe kuadrate elegante, me një ambient të dukshëm ala italian. Shtojini kësaj një bollëk historie dhe kulture dhe do të keni një pushim të përsosur në qytet. Qyteti krenohet me disa nga muzetë më të mirë të Shqipërisë (si Muzeu Kombëtar i Fotografisë Marubi, i cili mbulon historinë e fotografisë në Shqipëri, dhe Muzeu i Dëshmitarëve dhe Memories, i cili përshkruan të kaluarën e afërt komuniste të Shqipërisë), një kompleks i madh kalaje, restorante dhe plazhe të gjata me rërë vetëm pak larg me makinë.
7. Alpet Shqiptare Alpet shqiptare, të njohura ndryshe si Bjeshkët e Nemuna, janë gjithçka tjetër përveç se të nemuna. Luginat e këtyre maleve të larta janë të mbushura me livadhe, kullota dhe liqene me gjelbërim të gjallë, ndërsa fshatrat e bukura tradicionale me shtepi prej guri janë të shumta. Shpatet, të cilat janë të pyllëzuara dendur dhe marrin një ngjyrë të kuqe të zjarrtë dhe portokalli në vjeshtë, të çojnë në majat që lëpihen në akull dhe borë për muaj të tërë.
8. Apolonia Larg nga askund dhe pak e njohur për shumicën e vizitorëve të huaj në Shqipëri, rrënojat e qytetit antik ilir të Apolonisë janë një kompleks i madh 2 500-vjeçar me mure gjysmë të varrosura, mozaikë dhe shtylla, të përhapura nëpër kodra. Teatri dhe qendra administrative ende ruajnë madhështinë dhe muzeu i mbushur me thesare ia vlen të vizitohet. Larg rrënojave kryesore, një nga tërheqjet më të mëdha të Apolonisë është ndjenja e saj e vetmisë së qetë. Ejani për historinë, qëndroni për qetësinë.
9. Plazhi i Gjipesë Shtegu 45 minuta i ecjes buzë shkëmbit drejt plazhit të Gjipesë në Shqipëri fillon pranë mureve të trasha prej guri të manastirit të Shën Theodorit. Sapo të shikoni këtë plazh të vogël me guralecë të bardhë, do të mendoni se jeni në parajsën e plazhit mesdhetar. Ejani në qershor ose shtator dhe mund t’i keni të gjitha për vete./atsh/KultPlus.com
Shqipëria ka shënuar një fluks të lartë vizitorësh të huaj gjatë periudhës janar-qershor të këtij viti, me një rritje prej 33% më shumë se e njëjta periudhë e vitit të kaluar.
Ministrja e Turizmit dhe Mjedisit, Mirela Kumbaro ndau sot në rrjetet sociale shifrat e periudhës janar-qershor 2022 dhe 2023.
“Javë të mbarë me lajme të mira: e raportojnë turoperatorët e thonë hotelet e shohim përditë edhe me sy të lirë , por tani e konfirmojnë edhe shifrat zyrtare, ku në 6 muajt e parë të këtij viti e kanë frekuentuar Shqipërinë 3,4 milionë vizitorë të huaj, ose 33% më shumë se vitin paraardhës duke na bërë pjesë të hartës turistike të Mesdheut, me shijen unike të gjithçkaje që gjen në Shqipëri”, tha Kumbaro.
Në videon e publikuar nga Kumbaro thuhet se “vetëm në qershor 2022 Shqipëria u vizitua nga 876 056 vizitorë, ndërsa në qershor 2023 nga 100 70 33 vizitorë pra 15% më shumë vizitorë se një vit më parë. Në janar -qershor 2022 u vizitua nga 2 553 747 vizitorë, ndërsa në janar- qershor 2023 nga 3 396 932 ose 33% më shumë”.
Për shkak të vijës së gjatë bregdetare Shqipëria ofron disa plazhe, nga veriu deri në jug, si në Velipojë të Shkodrës, në Shëngjin të Lezhës, në Durrës, Vlorë, Himarë, Sarandë, etj., plazhe këto që frekuentohen përveç shqiptarëve, edhe nga shtetas të huaj, që zgjedhin Shqipërinë si një destinacion turistik gjatë muajve të verës. Gjithashtu, Gjirokastra, Berati, Butrinti, Kruja, Tirana, Shkodra, etj., janë destinacione të kërkuara për turizëm historik dhe kulturor.
Po ashtu, vendi ynë ka kushte për turizëm gjithëvjetor, për shkak të relievit, që ofron mundësi për turizëm nga jugu, në veri. Fshatrat turistikë të veriut të vendit njohin së fundmi numër të lartë turistësh, ndërsa po zhvillohet edhe infrastruktura për turizmin e aventurës.
Shqipëria po ashtu ka lumenj të shumtë, laguna dhe parqe kombëtare të cilat thithin turistë nga e gjithë bota./Atsh/KultPlus.com
