E përditshmja prestigjioze spanjolle “El Pais” i dedikon një artikull bukurive të Shqipërisë ku fton lexuesin që të zbulojë pesë arsye përse duhet të vijë të zbulojë këtë vend të mrekullueshëm.
“Në Ngushticën e Otrantos, aty ku gati prek takën e çizmes së Italisë, ky vend i vogël të mahnit me peizazhet e mrekullueshme dhe kështjellat fantastike”, shkruan “El Pasi”.
Ka qenë vendi më sekret në Europë. Kur komunisti Enver Hoxha erdhi në pushtet në Shqipëri në vitin 1944, askush nuk mund të dilte apo të hynte. Ka qen një regjim brutal, një laborator i stalinizmit. Nuk kishte pronë private, asnjë hapësirë lirie, nuk kishte as buke, as qumësht, por kishte radhë gjigante për t’i marrë ato. Si dhe më shumë se një milion bunkere betoni, në rast se armiku i jashtëm do të sulmonte.
Shqipëria, një kandidat për të qenë pjesë e Bashkimit Europian, është një vend i vogël, me një sipërfaqe sa ajo e Galicisë (Spanjë) dhe gati tre milionë banorë, një e treta e të cilëve jetojnë në kryeqytet, Tiranë. Pavarësisht territorit të vogël, variacioni i peizazheve është mahnitës, me male në veri, liqene që dalin në vendet fqinje, plazhe që mund të konkurrojnë ato në Greqinë fqinje… Madje edhe “Lonely Planet” e ka përfshirë Shqipërinë në listën e destinacioneve kryesore për vitin 2019 për çmimet shumë të ulëta që ka. Më poshtë keni pesë arsyet pse duhet ta vizitoni Shqipërinë.
1- Ndikimi italian
Para Luftës së Dytë Botërore, influenca italiane ishte e jashtëzakonshme. Madje shkrimtari italian, Indro Montanelli botoi udhëtimet e tij në Shqipëri në vitin 1939. Pas aneksimit të Austrisë nga Hitleri, Musolini, që të mos mbetej pas, pushtoi Shqipërinë (1939) dhe e bashkoi atë me Kurorën e Italisë. Kur ra fashizmi dhe erdhi komunizmi, të gjithë flisnin italisht në Shqipëri. Përveç arsyeve historike, ka edhe një shpjegim tjetër më prozaik: gjatë viteve të sundimit të regjimit komunist, e vetmja linjë lidhjeje me jashtë ishte lidhja kalandestine me pjata satelitore… që kapnin valët e televizionit italian.
2 – Tirana në pararojë
Në vitin 1920, Tirana kishte 10 000 banesa, rrugë të pista dhe vetëm një bulevard. Kur erdhën italianët, vendosën ta kthejnë atë në një qytet me të gjitha kushtet. Për këtë Konte Çiano, dhëndri i Musolinit, bëri një përpjekje të veçantë. Ata ngritën ministritë sipas arkitekturës fashiste, hapën bulevarde, rregulluan rrugët. Sot pranë godinave italiane ngrihen kulla prej xhami, qendra tregtare, një xhami qendrore dhe projekte në pararojë siç janë Tetari Kombëtar i ardhshëm, një projekt i një teatri transparent nga “Bjarke Ingels Group” (BIG).
Tirana është porta kryesore hyrëse në vend falë aeroportit Nënë Tereza (që ishte shqiptare). Por janë duke u planifikuar dy aeroporte të reja ndërkombëtare, një në Kukës, në veri, për fluturimet me çmim të ulët dhe një në Vlorë, në jug, për turistët që duan plazhin dhe diellin.
3 – Qyteti i Krujës
Në veri të Tiranës të presin peizazhe me majat e maleve plotë dëborë, shpate për ski dhe pyje të dendura. Si dhe kështjella të ngritura në maja të pamundura, sikur të ishin foletë e shqiponjave. Një nga këto fortesa ruan qytetin e Shkodrës, përballë liqenit me të njëjtin emër që del edhe në Mal të Zi.
Një pamje të ngjashme ofron edhe qyteti i Krujës, që ngrihet në maja të thepisura. Pazari i tij oriental të dërgon në një qytezë që është një simbol i patriotizmit. Nga këtu u drejtua rezistenca kundër Turqve, në shekullin XV, heroi kombëtar Gjergj Kastrioti Skënderbeu.
Ai kishte një bashkëpunim të mirë me Alfonson V të Aragonës para se të lidhej me italianët. Madje Vivaldi i ka dedikuar një opera (Scanderbeg). Kështjella, që vazhdon të qëndrojë është kthyer në një muze të historisë, që lartëson figurën e tij.
4- Trashëgimia historiko-kulturore
Rreth gjysmë orë me makinë larg Tiranës, Durrësi qëndron mbi një plazhi gjigant me rërë që mirëpret shumë turistë në verë (dikur ishte destinacioni veror i liderëve komunistë). Aty ndodhen disa rrënoja të amfiteatrove romake apo mure otomane. Por më në jug do të gjeni zonat kryesore arkeologjike, disa prej të cilave cilësohen nga UNESCO si trashëgimi botërore. Në Apoloni, për shembull, mund të gjeni rrënoja greko-romake.
Vlora, rreth 50 km në jug, është një tjetër resort veror. Plazhet e saj, të mbrojtura nga gadishulli i Karaburunit dhe ishulli i Sazanit, përfundojnë në me një liqen dhe rrënojat romake të Orikumit.
Në brendësi, Berati, një trashëgimi botërore dhe një destinacion turistik. Qyteti, që ngrihet mbi lumin Osum, ka shtëpi me arkitekturë osmane. Aty ndodhet një qyteze e konservuar shumë mirë, me katër kisha bizantine që mbuluara me afreske dhe muze që kanë objekte të jashtëzakonshme.
5- Llogaraja dhe Gjirokastra
E ashtuquajtura Riviera Shqiptare fillon nga Parku Kombëtar i Llogarasë. Një seri plazhesh dhe gjiresh, shpellash ujore, shkëmbinjsh dhe fshatërash tradicionale. Ka të njëjtën bukuri si fqinji i saj, Greqia dhe ishulli i Korfuzit. Në zbarkimin e tij në 1823 për të luftuar për çlirimin e grekëve (ku edhe vdiq), Lord Bjroni, pasi vizitoi Tepelenën i dedikoi vargje maleve të Shqipërisë. Madje në portretin e tij më të famshëm, ai shfaqet me veshje shqiptare.
Porto Palermo është një prej vendeve që duhen vizituar gjatë pushimeve në këto brigje dhe Saranda, më në jug, është kryeqyteti i tyre. Kjo pjesë pret dy prej zonave arkeologjike më të famshme të vendit, Butrintin, një imitim i Trojës dhe Gjirokastrën, me shtëpitë e saj me arkitekturë osmane që janë ruajtur me shumë kujdes sepse ky ishte qyteti i lindjes i Enver Hoxhës, ndonëse dikush u përpoq të shpërthente shtëpinë e tij. /G.S/ KultPlus.com
Shqipëria dhe Sllovenia, do të koordinohen për konkretizim projektesh bashkëpunimi dhe vendosje kontaktesh e bashkëpunimi në fushën e zejtarisë.
Në kuadrin e diplomacisë ekonomike, Agjensia e Zhvillimit të Investimeve, AIDA, prezantoi para Dhomës sllovene të Zejtarisë dhe Biznesit të vogël, klimën e biznesit dhe të mundësive të investimeve direkte të huaja në Shqipëri.
Të pranishmit i përshëndetën Danijel Lamperger, drejtor i Dhomës sllovene të Zejtarisë dhe Biznesit të vogël dhe ambasadori Pëllumb Qazimi.
Përfaqësuesit e AIDA-s, Artur Pilkati dhe Pëllumb Qoseja, pas prezantimeve iu përgjigjën pyetjeve të shtruara nga të pranishmit.
Diskutimet e zhvilluara ideuan rrugë e mënyra për qasje të re dhe aktive në bashkëpunimin ekonomik ndërmjet Shqipërisë dhe Sllovenisë.
Zejtaria dhe biznesi i vogël, përfshi investimet sllovene ishin në qendër të debatit.
Në periudhën e afërt në vijim do të koordinohet për konkretizim projektesh bashkëpunimi dhe vendosje kontaktesh e bashkëpunimi edhe me Dhomën shqiptare të Zejtarisë./ KultPlus.com
Ka përfunduar edicioni i 16 i TIFF pas një jave kushtuar filmit në vendet kryesore të Tiranës. Shtatë juritë ndërkombëtare vendosën për çmimet në kategoritë përkatëse.
“Bufi i artë”, BEST FEATURE FILM, iu dha filmit “Irina”, me regjisore Nadejda Koseva nga Bullgaria. Me motivacionin e një historie të fuqishme mbi mbijetesën në një mjedis të pakënaqshëm, përmes një personazhi femër, e cila tregon si mund të falim dhe të gjejmë në fund shpresën.
Filmi më i mirë në kategorinë e filmave të shkurtër, i cili kualifikohet edhe për Oscars, u shpall “Everything is Far Away” nga Emanuel Parvu nga Rumania. Rene Eller u shpall regjisori më i mirë me filmin “WE”, raporton Tch.
Çmimi i Audiencës iu dha “Delegacioni”-t nga Bujar Alimani, i cili po ashtu fitoi edhe Çmimin e Medias, por edhe skenarin më të mirë. Viktor Zhusti, Ndriçim Xhepa and Xhevdet Ferri morën një Special Mention për International Feature Competition.
HONORARY LIFE AWARD, i dhënë nga TIFF, shkoi për Michael Glaëogger. Filmi më i mirë debutues shkoi për “In Between” nga Aliyar Rasti, ndërsa çmimi për kinematografinë më të mirë shkoi për Audrius Kemezys, për filmin e tij Breathing into.
Mbrëmja e madhe e ndarjes së çmimeve mbyll kështu shtatë ditë me mbi 128 filma të shfaqur dhe me një fokus të veçantë si protestat e 50 viteve më parë nën moton “For another Dream”./KultPlus.com
Për shumë vite me radhë, mosha e re e popullsisë është konsideruar nga ekonomistët si shpresa më e madhe e Shqipërisë drejt zhvillimit të shpejtë ekonomik. Por, kjo shpresë po shuhet!
“Dua të iki sa më parë. E kam menduar të iki në Gjermani”, tha një i ri shqiptar.
Sipas një vrojtim të “Gallup”, 79 për qind e të rinjve shqiptarë nga 15-29 vjeç duan të largohen përgjithmonë nga Shqipëria. Kjo është norma më e lartë në botë, me diferencë të theksuar nga të gjitha vendet e tjera, përfshirë ato në konflikte të armatosura.
Ndër vendet e rajonit, shifra e dytë më e madhe vihet re në Bosnje-Hercegovinë, me 62 për qind, e më pas Maqedonia me 51 për qind, ndërkohë që për Serbinë dhe Malin e Zi, pjesa e të rinjve që duan të largohen është më e ulët se 50 për qind.
Por, pse të rinjtë shqiptarë duan ta braktisin vendin e tyre?
“Sepse nuk ka punë, sepse është shumë e vështirë jetesa”, thotë një tjetër i ri.
Sipas INSTAT-it, në tremujorin e dytë të vitit papunësia për moshat nga 15-29 vjeç ishte 22.6 për qind, gati dy herë më e lartë sesa papunësia mesatare. Por, më shumë sesa mungesa e punës, të rinjtë i largon humbja e shpresës.
“Sepse këtu nuk ka të ardhme”, tha një e re shqiptare.
Mes të rinjve ka dhe nga ata që e shohin të ardhmen në Shqipëri. Por kjo është pakica…
“Sepse po ikëm ne, kush do të qëndrojë këtu?”, tha një i ri.
Largimi i të rinjve po shndërrohet në një nga problemet më të mëdha të Shqipërisë, një fenomen që ka pasoja të mëdha negative për të ardhmen e ekonomisë, financave publike, por edhe në rrafshin social./T.CH
“Kjo shënon fundin e udhëtimit tim dymujor europian dhe gjithçka që mund të them është se Shqipëria nuk është një destinacion turistik shumë i popullarizuar në krahasim me vendet e tjera europiane, kështu që nuk prisja shumë. Përveç planit madhështor të vendit, arsyeja pse zgjodha Shqipërinë është për t’u çlodhur pakëz”, shkruan twomonkeystravelgroup.com, raporton ata.
“Unë absolutisht e kam dashur Shqipërinë dhe do të kthehem një ditë! Tani për tani, unë do t’ju jap 10 arsyet pse Shqipëria duhet të jetë në listën tuaj të preferuar të kësaj 2019”.
1) Është një destinacion aktiv, pasi kur udhëton shumë në qytetet evropiane, do të vijë në një pikë që ju do të ndjeheni sikur gjithçka është e njëjtë. Arkitektura e bukur, kështjella të mëdha, ushqim të mirë, kisha shekullore, kafene dhe restorante, dhe sigurisht mijëra turistë. Shqipëria është një vend i mahnitshëm për të bërë diçka të ndryshme në Europë. Ju mund të shkoni për të bërë rafting, not, vela, ecje dhe gjithçka! Është një vend krejtësisht i mirë për të marrë një pushim nga qyteti.
2) Është historike! – Qyteti i Beratit është një qytet i trashëgimisë botërore të UNESCO-s që nga viti 2018 dhe nuk është e vështirë të kuptohet pse. Përzierja e harmonisë që mbizotëron. Shkova në Berat, ku kemi filluar vizitën nga lagjja Mangalem, më pas te pazari i vjetër afër lumit. Më pas shkuam në kalanë e shekullit IV para Krishtit në majë të kodrës me pamje nga lumi Osumi. Ky qytet është kaq i bukur. Galeria e Onufrit duhet të jetë një vizitë e nevojshme!
Qyteti i lashtë i Durrësit është gjithashtu shumë interesant dhe më pak se një orë nga Tirana. Në qytet ju do të shihni rrënojat e qytetit të vjetër, banjot romake, qendrën e e qytetit, amfiteatrin, muret bizantine, kullat veneciane dhe një muze arkeologjik me një ekran panoramik të zbulimeve dhe planifikimit urban të qytetit.
3) Kanë plazhe të bukura. Nëse ju doni për të notuar, të ndjeni rërën në mes të këmbëve tuaja ose të gjitha më lart, mund t’i merrni kudo që ju mund të gjendeni në Shqipëri. Më të famshme janë plazhi Dhërmiut, i Livadhit , Himarës, Plazhi i Pulebardhës në Sarandë dhe plazhi në Borsh.
4) Është e lirë në krahasim me vendet e tjera evropiane – Ne të gjithë e dimë se Europa është e shtrenjtë, por Shqipëria është shumë më e lirë krahasuar me vendet e tjera evropiane. Për sa i përket menusë, një vakt i plotë në një restorant të lirë është 4,78 euro, një birrë 1,20 euro dhe një biletë për një transport lokal me 0,32 euro. Gjithçka që thuhet këtu mund të jetë dy herë ose tri herë më pak se në pjesë të tjera të Europës.
5) Është ende e paprekur krahasuar me vendet e tjera në Ballkan. Ky vend është ende i paprekur. Ju do të shihni mijëra turistë si ju që vizitojnë muzetë dhe do të relaksoheni nga plazhi, nuk do t’u shtohen tarifat e tepruara kudo ju shkoni dhe mbi të gjitha, ju do t’i përjetoni gjërat siç janë.
6) Vendasit janë shumë miqësor dhe të këndshëm, mes të gjitha vendeve që kam vizituar në Europë, më pëlqen që njerëzit janë më të ngrohtë dhe të sinqertë. Ndryshe nga njerëzit në disa vende europiane të cilët japin një buzëqeshje si një valë e shpejtë. Ndonjëherë, ata madje të të thonë ‘’përshëndetje’’ dhe fillojnë të bisedojnë. Ky është vendi që unë ndihem më ‘’i mirëpritur’’ në Evropë, me të vërtetë!
7) Kuzhina e tyre lokale meriton një vëzhgim dhe këtë gjë e kam përjetuar në Shqipëri. Kam shijuar mishin dhe peshkun më të mirë dhe përbërësit më të freskët.
Ju duhet të provoni speca të mbushura, spinaq, byrek dhe verë shtëpie në Fishtë afër Lezhës, ku ju mund të shijoni disa ushqime të jashtëzakonshme tradicionale shqiptare përgatitur në mënyrë moderne.
8) Bujqësia është mjeshtëria e tyre – Vegjetarianë dhe ushqimorë, gëzohuni! Shqipëria është shtëpia e perimeve më të freskëta në Europë thjesht sepse është gjëja e tyre. Unë ju thashë për dashurinë në kafshatën e parë që unë kam përjetuar këtu dhe u largova nga kuzhina. Domate, qepë dhe hudhra dhe vetëm kjo e mori ushqimin në një nivel krejtësisht të ndryshëm. Çka më tepër nëse shtojnë xhenxhefil, patate dhe sallatë marule?
9) Është e sigurt – Personalisht, kurrë nuk kam pasur ndonjë përvojë të keqe me njerëzit këtu në Shqipëri. U ndjeva e sigurt kudo që shkuam dhe vendasit kanë qenë me të vërtetë simpatikë! Krahasuar me vendet e tjera europiane ku hajdutët e çantave janë gjithmonë në lëvizje, Shqipëria ka vetëm disa raste të kësaj natyre.
10) Është e lehtë për të shkuar në vende të tjera nga këtu. Përveç aeroportit ”Nënë Tereza” ata gjithashtu ndajnë kufirin me Malin e Zi, Kosovën, Maqedoninë dhe Greqinë. Këto vende janë lehtësisht të arritshme me makinë, autobus ose tren./ KultPlus.com
Në Institutin Albanologjik të Prishtinës ka filluar tryeza shkencore “Sfidat e nacionalizmit shqiptar nga Lidhja e Prizrenit e deri më ditët e sotme”.
Tetë studiues nga Kosova e Shqipëria do te shpalosin hulumtimet e tyre sa i përket rrethanave historike të shqiptarëve qysh prej vitit 1878 deri në ditët e sotme, raporton Koha Ditore.
Sipas organizatorëve, qëllimi i tryezës është që të dalin në pah rrethanat, mundësite e zgjedhjet e udhëheqësve shqiptare ndër vite./ KultPlus.com
Shqipëria ka një potencial të madh ende të pashfrytëzuar, edhe pse sezoni turistik i këtij viti bëri të mundur rritjen e sektorit me gati 30%, një shifër kjo që lë pas vende të rajonit si Serbia, Mali i Zi, Maqedonia apo edhe Bullgaria, që kanë shifra nën 15%.
Kryeministri Rama i pranishëm në takimin me operatorë dhe kontribues të sezonit turistik, theksoi se shifrat e këtij sezoni konfirmojnë një rritje prej 30 % në gusht dhe shifrat e shtatorit tregojnë për një sezon si asnjëherë tjetër.
“Rritja e numrit të turistëve dhe të ardhurave nga turizmi janë domethënëse, nëse marrim parasysh rikthimin e disa destinacioneve që deri vjet konsideroheshin të papërshtatshme që nga Turqia, tek Egjipti e Tunizia”, – theksoi Kryeministri.
Ai shtoi se këtij fakti i shtohen shifrat që tregojnë për shtim në pesë vjet të numrit të turistëve nga 3,4 milionë në 6 milionë vizitorë, dhe 1 miliard në 2 miliardë euro nga turizmi, një ndikim në punësim me 30 mijë të punësuar në funksion të sezonit turistik, shkruan ata./ KultPlus.com
Tashmë, për çështjen e Teatrit Kombëtar ekziston dhe një qëndrim i Kadaresë. Ai shkon krah gjykimit të Ramës mbi atë çfarë përfaqson ajo godinë, ndonëse si opinion është i pak viteve më parë.
“Dramaturgjia përbën pjesën më të papërfillshme në letrat shqipe. Nga ana e saj, jeta teatrale nuk ka shkëlqyer kurrë në këtë zonë të Ballkanit. Shqipëria është i vetmi vend në Europë, që nuk ka ende një ngrehinë teatri, të denjë për këtë emër.
Teatri Kombëtar i sotëm, ish-Teatri popullor i kohës së komunizmit, i cili quhej dikur kinema Kosova, nuk ka qenë veçse një ndërtesë e përkohshme, nga ato që ushtria italiane i përdorte për zbavitjen e trupave të saj.
Për një habi, që në pamje të parë ngjan e pashpjegueshme, faktorët proteatrorë në Shqipëri janë të barabartë me ata kundër teatrorë. Duket sikur nga përplasja e tyre nuk mund të kishim veçse këtë tokë të askujt…”, shkruan Kadare.
Ky qëndrim i tij i përket parathënies së veprës “Drama e një lideri”, kushtuar Mid’hat Frashërit, shkruar në vitin 2008.
Këto fjalë të Kadaresë që vijnë në kohën e një përplasjeje të madhe artistiko-politike për fatin e Teatrit Kombëtar, u “zbuluan” gjatë promovimit të serisë Vepra të Zgjedhura të Mid;hat Frashërit, ku i pranishëm ishte dhe vetë shkrimtari i njohur./ KultPlus.com Ismail Kadare
Shqipëria si destinacion evropian i cili ka shumë për t’u zbuluar dhe për t’u eksploruar, vazhdon të tërheqë vëmendjen e agjencive dhe web-siteve të huaja.
Vendi i shqiponjave po promovohet kudo në botë si një thesar që pret për t’u zbuluar dhe promovimi i saj edhe nga turistët e huaj ka bërë që vendi ynë të jetë në agjendën e vendeve turistike mjaft të pëlqyera, e cila ofron një turizëm gjithëvjetor dhe të larmishëm.
Së fundmi, një prej portaleve të njohura britanike, UNILAD ka shpërndarë një video që tregon vendet më të bukura të Shqipërisë që nga liqenet, deti dhe deri tek malet si një vend turistik plot ngjyra dhe mjaft i bukur, ku ndërthuret gjelbërimi dhe natyra e qetë, me majat e thepisura me bukuri të egër.
Ministri i Turizmit dhe Mjedisit, Blendi Klosi është shprehur se, “kjo video e një prej portaleve të njohura britanike, UNILAD vlerëson bukuritë natyrore të Shqipërisë dhe fton turistët ta vizitojnë vendin tonë”.
Shqipëria tashmë është kthyer në një thesar vlerash dhe po eksplorohet përherë e më shumë nga turistët aventurierë që vizitojnë çdo cep të vendit tonë, duke ndërthurur argëtimin me bukuritë natyrore.
Shqipëria është bukuria sekrete e Europës, shkruan faqja e njohur informative gjermane, nordbayern.de.
Gazetarë të specializuar në fushën e turizmit pohojnë bindshëm se ”Shqipëria, është padyshim bukuria sekrete e kontinentit europian”.
”Me gjithë egërsinë e saj, pasurinë e saj kulturore, pjesë e trashëgimisë botërore, bregdetin e mahnitshëm, alpet e thepisura dhe qytetet me arkitekturë greke, otomane dhe veneciane, Shqipëria është aventura e fundit e Europës”.
“Thënë ndryshe, bukuria sekrete e kontinentit europian”, shkruan nordbayern.de.
”Në industrinë e turizmit, vendi konsiderohet kryesisht si vend me turistë të brendshëm, por kjo nuk do të jetë e tillë për shumë kohë. Duam të jemi të ndershëm. Natyrisht, ne nuk do të kishim ardhur në Shqipëri, nëse fati nuk na kishte futur në një udhërrëfyes që dukej sikur ishte shpikur për ne”.
”Jorg Dauscher është gazetar dhe publicist i ‘Die Welt’, i cili ka studiuar në Universitetin e Tiranës gjatë kohës kur punonte në institutin ‘Gëte’ në Shqipëri. Ai ka shkruar edhe dy libra mbi Shqipërinë, ku shqiptarët përshkruhen si mikpritës dhe dashamirës”, vazhdon nordbayern.de.
Shqipëria feston sot 60 vjetorin e anëtarësimit në UNESCO. Nga Parku i Butrintit deri tek Liqeni i Pogradecit, 7 pasuri të trashëgimisë botërore dhe në pritje të regjistrojmë të shtatin vendi ynë është një thesar i çmuar i bukurive natyrore dhe historike.
Ministri i Turizmit dhe Mjedisit Blendi Klosi me anë të disa pamjeve ka ndarë bukuritë dhe veçantinë e pasurive natyrore, kulturore dhe shpirtërore shqiptare të përfshira në listën e Trashëgimive Botërore të UNESCO-s.
Ai shprehet se ”Shqipëria ka natyrë të mrekullueshme, histori të pasur dhe kulturë autentike, çfarë e bëjnë atë një vend të admiruar nga turistët. Berati, Gjirokastra, Butrinti, Kodiku i Purpurt i Beratit, Isopolifonia, pyjet e Ahut në Rrajcë dhe Lumin e Gashit, liqeni i Prespës, janë një pjesë e thesareve të identitetit tonë që përfaqësohet në Trashëgiminë Botërore ku në qershor të vitit 2019 pritet të shtohet edhe Liqeni i Ohrit, si një trashëgimi mikse natyrore e kulturore. Këto vlera duhen ruajtur dhe përdorur bazuar në ekuilibrat e zhvillimit të qëndrueshëm”.
Pak mbi këto pasuri…
Berati
Ndërsa Berati dhe Gjirokastra janë të regjistruara në Listën e Trashëgimisë Botërore të UNESCO-s si një sit i vetëm, për shkak të ngjashmërive që këto qytete paraqesin jo vetëm nga ana arkitekturore, por sidomos nga ana kulturore e historike. Ato kanë të njëjtat vlera të jashtëzakonshme universale dhe si të tilla janë konsideruar si një. Gjirokastra, qyteti i gurtë, është regjistruar në Listën e Trashëgimisë Botërore të UNESCO-s në vitin 2005, ndërsa Berati i është bashkuar kësaj liste në vitin 2008, gjatë Sesionit të Kebekut të Komitetit të Trashëgimisë Botërore. Butrinti
Parku kombëtar i Butrintit u shpall Monument Kulture në vitin 1948, ndërsa në rrafshin ndërkombëtar, rëndësia e qytetit antik u njoh dhe u konfirmua si e tillë në vitin 1992, kur u përfshi në listën e pasurive Botërore të UNESCO-s.
Parku Kombëtar Arkeologjik i Butrintit ka një sipërfaqe prej 15 hektarë dhe ndodhet në lartësitë 30-50 metra mbi nivelin e detit.
Ai është ngritur në këndin juglindor të gadishullit të Ksamilit dhe ka një pozitë mjaft të mbrojtur natyrore, duke u lagur nga të dyja anët nga liqeni i Butrintit dhe nga kanali i Vivarit.
Brenda parkut ndodhen 10 zona të shquara arkeologjike që lidhen me historinë e Butrintit. Disa prej tyre janë zona brenda mureve të Butrintit (amfiteatri), si dhe ajo jashtë mureve, Diapori, Fortesa – kalaja e Ali Pashë Tepelenës, Kalivoi, Shën Dëllia, Shën Dhimitri, Xarra, Ana e Kanalit të Vivarit etj.
Specialistë të arkeologjisë kanë theksuar se “Butrinti është një thesar i jashtëzakonshëm për Shqipërinë” dhe se “çelësi është zhvillimi i ekuilibruar dhe turizmi i padëmshëm”.
Butrinti mbushur me turiste në vitin 1992 gërmimet e ndërmarra në qendrën e qytetit antik të Butrintit nxorën në dritë forumin romak të qytetit. Ndërtesa me tre dhoma ndodhet në pjesën jugore të akropolit në perëndim të ndërtesës me peristil dhe në lindje të dyqaneve romake. Mbishkrimi,i cili daton në shekullin I, pas Krishtit, flet për një tempull kushtuar perëndeshës Minerva.
Shpella e Butrintit ndodhet pranë rrugës automobilistike Sarandë-Butrint, rreth 3 kilometra larg nga qyteza e Ksamilit. Shpella vlerësohet e veçantë për nga natyra dhe për pozicioni i saj dhe ka një sipërfaqe 110 metra katrorë. Sipas arkeologëve, shpella e Butrintit ka vlera të shumta shkencore.
Ndërsa Ujësjellësi i Butrintit ka një gjatësi prej 3.5 kilometra, lartësi të kanalit 6 metra dhe gjerësi 3.5 metra. Teknikisht është një ndërtim i arritur ku gjatë trasesë së tij janë ndërtuar shumë vepra arti si, ura e kanale të përforcuara me mure mbajtëse, si dhe puseta dekantimi e kontrolli. Sipas specialistëve, ujësjellësi i Butrintit ka funksionuar deri nga fundi i shekulli IV pas Krishtit.
Gjirokastra 19th-century traditional Ottoman houses, mosque, from Castle hill in Gjirokastra (Gjirokaster), UNESCO World Heritage Site, Albania
Një qytet që përbën dëshmi unike të një tradite kulturore të jetës së zhvilluar në shek 14-19, në Gjirokastër veçohet tipi i shtëpisë së fortifikuar me çati me pllaka guri, në harmoni perfekte me peizazhin shkëmbor të territorit ku ajo ngrihet. Banesat, një tip i veçantë në tipologjinë e banesës shqiptare dhe asaj ballkanase të mesjetës së vonë, luajnë një rol të rëndësishëm në fizionominë e qytetit.
Gjirokastra ka 56 banesa monumente kulture të kategorisë së parë, 502 të kategorisë së dytë dhe shumë komplekse të tjera me vlera historike, arkitektonike dhe kulturore.
Qyteti ruan të paprekur skemën urbanistike, ku çdo shtëpi ka karakteristika të veçanta që lidhen me terrenin mbi të cilin është ndërtuar. Sipas kategorive të monumenteve kulturore, në qytet dallohen kalaja, pazari, ndërtimet e kultit dhe shtëpitë e banimit.
Kalaja, e ndërtuar në shek. 13, përbën zanafillën e qytetit, ndërsa pazari (shek. 17) i vendosur në qendër të qytetit ruan mirë karakteristikat e një pazari tradicional me ndërtesa të njëpasnjëshme të shtruara me kalldrëme gurësh të zinj.
Ndërtimet e kultit, që përfaqësohen nga një xhami, një tyrbe dhe dy kisha brenda ambientit të banesave, nuk luajnë rol në profilin e qytetit.
Berati
I konsideruar si qyteti i “Një mbi një dritareve”, qyteti 2400 vjeçar i Beratit është dëshmi e pasurisë dhe e diversitetit të trashëgimisë urbanistike dhe arkitektonike të rajonit të Evropës Juglindore.Qendra e tij urbane reflekton influenca të traditës së banesave popullore ballkanike, që datojnë kryesisht në shekujt e 18 dhe 19 e.s. Kjo traditë është adaptuar për t’iu përshtatur mënyrës së jetesës së qytetit, me shtëpitë e vendosura në shpate me planimetri kryesisht horizontale dhe që përdorin gjerësisht dritën natyrore.
Në vitin 1961 Berati u shpall zyrtarisht qytet muze. Sot Berati trashëgon 210 objekte muzeale, nga të cilat 150 janë objekte në këmbë. Prej tyre 60 janë monumente të kategorisë së parë dhe të tjerat të kategorisë së dytë.
Midis këtyre vlerave, nga më të spikaturat janë Kështjella, e ndërtuar mbi kodrën shkëmbore në formë trekëndëshi, me perimetër të mureve 1440 m, me 24 kulla e me dy porta. Me themelet e saj ilire, e rindërtuar disa herë në shekujt VI, XIII, XV dhe XIX ajo është sot jo vetëm një nga kështjellat më të mëdha të banuara, por edhe një arkiv i gurtë që ofron varietete stilesh dhe kontributesh të epokave të ndryshme: ilire, romako-bizantine, shqiptare e turke.
Ura me 7 harqe e Goricës, nga një urë druri, në vitin 1780 u ndërtua e gjitha prej guri. Ajo është 129,3 m e gjatë, 5,3 m e gjerë dhe ngrihet 10 m mbi lumin Osum.
Ndërtesat e kultit përfshijnë disa kapitole dhe kolonada dhe dëshmojnë se në Berat kanë ekzistuar kisha paleokristiane të shekujve IV–VI (Shën Todri). Ndër kishat më të bukura të ndërtuara në shekujt XIII-XIV janë : Shën Mari Vllaherna, Shën Triadha dhe Shën Mëhilli. Në Berat ka edhe një numër ndërtesash të fesë islame, me vlera të shquara arkitektonike e artistike. Këto kisha, xhami dhe ndërtesa të tjera urbane, sidomos ansamblet e lagjeve Mangalem, Kalaja dhe Gorica, janë perla të arkitekturës mesjetare.
Kishat e Beratit janë të zbukuruara me piktura të stilit bizantin e pas-bizantin, të krijuara nga artistë të ndryshëm të shekujve XII-XIV dhe nga mjeshtrat e shekullit XVI: Onufri dhe biri i tij Nikolla.
Katedralja e Shën Marisë shquhet për ikonostasin e saj, të gdhendur në dru të larzuar me ar, një vepër artistike e cilësisë së parë.
Në Berat është gjetur një vepër e rrallë, epitafi i Glavinicës, një krijim i vitit 1373, i qëndisur në ar, argjend e mëndafsh, që tregon Krishtin e vdekur të kurorëzuar, të rrethuar me shkrime greke.
Kodiku i Purpurt i Beratit (Memoria e botës)
I klasifikuar nga UNESCO te “Memoria e botës”, Kodiku i Purpurt i Beratit daton në shekullin VI dhe është i shkruajtur në pergamen të purpurt. Ai është një nga katër kopjet e vetme të gjetura në të gjithë botën. I dyti është Kodiku i Artë (Codex Aureus) i shekullit IX, i shkruajtur në pergamen me shkronja ari. Që të dy këta kodikë përmbajnë pjesë nga ungjijtë të shkruajtura në greqishten e vjetër. Këta kodikë u rizbuluan në kështjellë në 1972 dhe ruhen sot në Muzeun Historik Kombëtar në Tiranë.
Kodiku i Purpurt i Beratit ka 190 fletë dhe përmban dy ungjij: sipas Markut dhe sipas Matheut. Është shkruar me gërma të derdhura prej argjendi, sipas vlerësimit të ekspertëve, “në fletë të ngjashme me letrën e zakonshme, që ka të ngjarë të jetë prodhuar nga ngjeshja e shumë elementeve petëzorë me natyrë bimore, siç janë fletët e papirusit”. Por bizantologët mendojnë se lënda e dorëshkrimit është pergamenë.
Teksti i “Codex Purpureus Beratinus” është shkruar në stilin antik scripta-continuae, domethënë pa ndarje të fjalëve nga njëra-tjetra, pa thekse dhe shenja të tjera të veçimit të fjalëve.
Isopolifonia (Trashëgimia shpirtërore)
Iso polifonia shqiptare është realisht një ndër super vlerat e folklorit muzikor shqiptar por edhe të traditës folklorike botërore në përgjithësi. Struktura e ndërtimit të shumëzërëshit polifonik, lab apo tosk, është shprehje e drejtpërdrejtë e unitetit gjenetik të llojit.
Prej praktikës qindra shekullore janë ndërtuar formulat e mësipërme të cilat shprehin në thelb strukturën e iso polifonisë popullore, ajo e cila ngërthen në një të vetëm tiparet e veçanta të zërave të tjerë, përbërës të shumëzërëshit.
Iso polifonia shqiptare u regjistrua në Listën e Trashëgimisë Shpirtërore të UNESCO-s më 25 nëntor 2005.
Rezerva ndërkufitare e Biosferës Ohër-Prespë
Rezerva Ndërkufitare e Biosferes Ohër-Prespe është prej 4 vjetësh pjesë e Rrjetit Botëror të Biosferës, pas miratimit si e tillë nga Këshilli Ndërkombëtar Koordinues i Programit Njeriu dhe Biosfera të UNESKO-s, në sesionin e tij të 26-të në Jönkoping (Suedi) .
Me një sipërfaqe prej 446,244 hektarësh, RNB përfshin një pjesë të Liqenit të Ohrit dhe rrethinat e saj në ish Republikën Jugosllave të Maqedonisë, të cilat janë të listuara në Listën e Trashëgimisë Botërore, si dhe një pjesë e liqenit të Ohrit në Shqipëri.
E gjithë zona e RNB është e pasur me biodiversitet me specie të rralla dhe të rrezikuara në mbarë botën. Për shkak të gjenezës historike të dy liqeneve, lloje të shumta endemike të cilat janë unike janë të pranishme vetëm në këto ekosisteme ujore dhe ato tokësore përreth.
Pyjet e ahut të lashtë
Dy vendet e para natyrore shqiptare kanë marrë mbrojtjen e UNESCO-s si zona të Trashëgimisë Botërore të pyjeve të ahut primar, në korrik 2017.
Komiteti i Trashëgimisë Botërore i UNESKO-s ka miratuar zonën e pyjeve të ahut të lumit të Gashit të Shqipërisë dhe Rrajcës, dy zona të mbrojtura në nivel lokal, në Listën e Trashëgimisë Botërore si një zgjerim i zones se Trashëgimisë Botërore të pyjeve të ahut primar të Karpatet dhe Pyjeve të Ahut të Gjermanisë.
Vendimi u mor në sesionin e 41-të të Komitetit të Trashëgimisë Botërore në Krakov, Poloni.
Ekspertët shqiptarë që kanë punuar në aplikimin e UNESCO-s, kanë përshkruar zonat e miratuara si ishujt e fundit të pyjeve të virgjër që mbeten në Shqipëri.
Rrajca ndodhet në luginën e sipërme të Bushtricës brenda kufijve të Parkut Kombëtar të Shebenik Jabllanicës në pjesën verilindore të Librazhdit në rajonin e Elbasanit.
Zona është gjithashtu një habitat i rëndësishëm për rrëqebullin e Ballkanit, një lloj i mbrojtur në Shqipëri.
Këto zona natyrore të Shqipërisë, tashmë zona të trashëgimisë botërore të UNESCO-s, gjithashtu shërbejnë në zhvillimin e turizmit dhe përpjekjet për zhvillimin e turizmit të qëndrueshëm.
Rajoni liqenit të Ohrit
Shqipëria ka dorëzuar pranë UNESCO-s dosjen dhe aplikimin për të përfshirë pjesën shqiptare të Liqenit të Ohrit, si zgjerim i zonës ekzistuese të Trashëgimisë Botërore të FYROM-së fqinj, si një zonë mikse natyrore dhe kulturore e Trashëgimisë Botërore të UNESCO-s.
Që nga viti 2014, Shqipëria ka qenë pjesë e një projekti të financuar nga BE me Maqedoninë që ka për qëllim përmirësimin e bashkëpunimit ndërkufitar dhe efektivitetit të menaxhimit për mbrojtjen e trashëgimisë natyrore dhe kulturore në Liqenin e Ohrit.
Shtrirja e propozuar përfshin të gjithë pjesën shqiptare të Liqenit të Ohrit, Gadishullin e Linit, bregdetin bregdetar në veri të kufirit maqedonas, dhe burimet e Drilonit me rrjedhat që lidhin ato me Liqenin e Ohrit, duke mbuluar gjithsej 11,378.6 ha./ KultPlus.com
Shqipëria si destinacion europian i cili ka shumë për t’u zbuluar dhe për t’u eksploruar vazhdon të tërheqë vëmendjen e agjencive dhe web-siteve të huaja.
Vendi i shqiponjave po promovohet kudo në botë si një thesar që pret për t’u zbuluar dhe promovimi i saj dhe nga turistët e huaj ka bërë që vendin ynë të jetë në axhendën e vendeve turistike mjaft të pëlqyera e cila ofron një turizëm gjithëvjetor dhe të larmishëm.
Së fundmi ”Must Do Travels” komuniteti më i madh dhe një influencues i lartë i udhëtimit për promovimin e turizmit në mbarë botën ka shpërndarë një video duke treguar vendet më të bukura të Shqipërisë nga liqenet, deti dhe deri tek malet si një vend turistik plot ngjyra dhe mjaft i bukur ku ndërthuret gjelbërimi dhe natyra e qetë me majat e thepisura me bukuri të egër.
Ministri i Turizmit dhe Mjedisit Blendi Klosi citon sajtin “Must Do Travels” që shkruan: “Shqipëria është thjesht spektakolare”, ndërsa i referohet sajtit si një nga komunitetet më të mëdha të udhëtimit, që ka publikuar një video për Shqipërinë të vlerësuar si “parajsa e fshehur” dhe “zemra e Mesdheut”./a.a/KultPlus.com
7 në 10 suedeze janë tejet kureshtarë për Shqipërinë dhe janë të gatshëm dhe të interesuar që të vijnë këtu për pushime.
Këto janë rezultatet e një studimi të kryer në fillim të këtij viti dhe që u bënë publike sot nga Ambasadori i Suedisë në Shqipëri, Johan Ndisi.
Në kuadër të programit “100 fshatrat”, ambasadori i Suedisë ishte sot në Nivicë, ku deklaroi se, “ka një numër në rritje të turistëve suedezë që vijnë për zbuluar Shqipërinë nga majat e Valbonës tek plazhet e Sarandës”.
“Gjatë 3 viteve këtu në Shqipëri, unë kam pasur kënaqësinë të zbuloj bukuritë e vendit tuaj dhe shumë zona që unë nuk i prisja t’i gjeja. Nivica për mua është një zbulim i kënaqshëm”, tha Ndisi.
Llojet e turizmit në Shqipëri janë të ndryshme, tha ambasadori Ndisi, duke shtuar se “e përbashkëta e turistëve, si të atyre që vijnë për turizmin malor edhe të atyre që vijnë për turizmin detar, është interesi për kulturën fantastike që ju keni”.
“Unë gjithashtu flas nga përvoja ime kur them se turistët suedezë vijnë jo vetëm për vendin e bukur dhe diellin, por edhe për mikpritjen e shqiptarëve”, tha ai.
Programi “100 fshatrat”, vlerësoi ambasadori suedez, “është një potencial dhe mundësi shumë e madhe dhe një mënyrë e rëndësishme për të përgatitur shumë zona të ndryshme të Shqipërisë që të plotësojnë këtë potencial”.
“Unë si ambasador suedez punoj mbi marrëdhëniet ndërqeveritare më shumë, por ajo që ne dëshmojmë sot këtu është pak ndryshe, dhe më lejoni të them që është më e rëndësishme. Qeveria ime mund të kishte një politikë për promovimin e turizmit në Shqipëri, por për një qytetar suedez më e rëndësishme është fjala e njerëzve dhe lajmet fantastike që ata dëgjojnë për mikpritjen shqiptare, kulturën dhe pamjet e mrekullueshme të vendit”, tha Ndisi./ ata
Sipas INSTAT, numri i shtetasve shqiptarë dhe të huaj të hyrë në territorin shqiptar, në muajin gusht 2018, është 2 120 822, krahasuar me gushtin 2017, ky tregues rezulton me rritje 21.1%.
Turizmi shqiptar po njeh një ngritje të stabilizuar dhe cilësore. Fluksi i lartë i turistëve, veçanërisht atyre të huaj në Shqipëri, shoqëroi edhe muajin gusht të këtij viti.
Instituti i Statistikave publikoi të dhënat zyrtare, ku evidenton se në total për 8-mujorin 2018, në Shqipëri kanë hyrë 4.4 milionë të huaj, me rritje 17% në raport me të njëjtën periudhë të një viti më parë.
Sipas INSTAT, numri i shtetasve shqiptarë dhe të huaj të hyrë në territorin shqiptar, në muajin gusht 2018, është 2 120 822, krahasuar me gushtin 2017, ky tregues rezulton me rritje 21.1%, transmeton “ATSH”.
Si tremujor, bën të ditur INSTAT, numri i shtetasve të huaj të hyrë në Shqipëri në tetëmujorin e 2018 është 4 397 638 duke u rritur me 16.8 %, në krahasim me të njëjtën periudhë të vitit 2017.
Shifrat e INSTAT konfirmojnë edhe parashikimet e Këshillit Botëror të Turizmit dhe Udhëtimeve (WTTC), i cili njoftoi për një rritje të gjithanshme për turizmin shqiptar gjatë vitit 2018.
Në një analizë të përgjithshme, WTTC-ja përmend ndikimin e turizmit shqiptar në Produktin e Brendshëm Bruto, në punësim, në numrin e vizitorëve si edhe në totalin e investimeve. WTTC-ja i parashikon në rritje të gjithë këta faktorë. Sipas saj, kontributet direkte të turizmit në PBB gjatë vitit 2017 ishin 134.1 miliardë lekë (USD 1124.1 mln), ose 8.5% të PBB-së totale, ndërkohë që për vitin 2018 parashikohet një rritje prej 3.9% in 2018 dhe një rritje prej 4.7% në vit përgjatë viteve 2018-2028. Kjo rritje do të arrijë në 220.4 miliardë lekë (USD 1847.2 mln) ose në 9.3% të PBB-së totale në vitin 2028.
Sipas WTTC kontributi total për vitin 2017 ishte 414.2 miliardë lekë (USD 3471.9 mln), ose 26.2% e PBB dhe parashikimi është një rritje prej 4.4% në vitin 2018 dhe një rritje prej 4.7% në vit, në 684.2 miliardë lekë (USD 5,735.0 mln), ose 28.9% e PBB në vitin 2028.
Ndërkohë, kontributi direkt për punësimin nga turizmi gjatë vitit 2017 ishte 93,500 vende pune (7.7% e punësimit total). Kjo pritet të rritet 3.3% në vitin 2018 si edhe një rritje prej 1.4% çdo vit në 111,000 vende pune (8.8% e punësimit total) në vitin 2028. Në 2017, kontributi total i turizmit në punësim, përfshi punët e mbështetura në mënyrë indirekte nga industria ishte 24.1% e punësimit total (291,500 vende pune).
Shumica e europianëve mendojnë gabimisht se oferta turistike është e dobët, ky është një paragjykim që e kanë edhe sllovenët.Por, shërbimet nuk janë të bezdisshme dhe as të ekzagjeruara shkruan “delo.si” në një reportazh që ia dedikon Shqipërisë.
Megjithatë, fluturimi nga Lubjana për në Tiranë zgjat rreth një orë dhe çmimet e biletave të avionëve janë të pranueshme edhe në mes të sezonit.
Rrugët nuk janë të këqija. Në disa zona më pak të zhvilluara, normalisht që rrugët nuk janë aq të mira, por nuk janë edhe aq keq sa mendohej. Nëse udhëton me makinë, duhet patur parasysh se shumica e qyteteve nuk kanë rrugë bypass, kështu që kur udhëton nëpër vend duhet të kalosh brenda qyteteve. Kjo e zgjat kohën e udhëtimit.
Gorica
Kostoja për një darkë të mirë për dy persona, me një pije, në një prej restoranteve më të mirë në Berat është 40 euro.
Në bregun e majtë të Osumit ndodhet një kodër, Gorica, ndërsa emri i qytetit të Beratit rrjedh nga sllavishtja e vjetër, nga fjala Beli Grad. Në të djathtë ndodhet Kalaja me një fortesë bizantine dhe një muze të jashtëzakonshëm në manastirin e Onufrit. Nga maja e kodrës është një pamje e jashtëzakonshme e qytetit dhe lumi që kalon mes dy kodrave. Në çdo gur të fortesës ndihet një atmosferë e veçantë. Një vend i tillë harrohet me vështirësi.
Gjirokastra
Në qytetin e dytë të UNESCO-s, Gjirokastra, rreth katër orë me makinë në drejtim të jugut, ndodhet një fortesë 336 metra e lartë që mban një muze me armë të vjetra. Në mur, ekspozohet me krenari një avion ushtarak amerikan, që në vitin 1957, për shkak të një defekti teknik, duhej të ulej pranë Tiranës.
Versioni i kësaj historie në gazetën shqiptare është shumë ndryshe, bëhej fjalë për një avion spiun të forcave imperialiste nga Perëndimi, që ushtria shqiptare e rrëzoi. Piloti ishte gjallë dhe më pas u la i lirë. Avioni ishte lënë si një trofe në anë të fortesës historike.
Çmime të ulëta dhe njerëz miqësor
Llogaraja është krejtësisht ndryshe nga Saranda dhe është vetëm 50 kilometra në veri të Dhërmiut. Dhomat këtu nuk janë të nxehta dhe shkohet nëpërmjet një rruge spektakolare që ngrihet rreth 1 000 metra mbi nivelin e detit. Guidat thonë se është mes më të rrezikshmeve në vend. Por, hija në hotelet në majë të kalimit dhe pemët në Parkun Kombëtar të Llogarasë, të paktën gjatë muajve të verës, shpërblejnë 20 minuta ankth.
Një pikë e mirë për të qëndruar është resorti turistik Llogara, që në kopshtin e tij të madh ka drerë që hanë nga duart e turistëve. Nga këtu mund të zgjidhni të bëni ecje të shkurtëra ose të gjata. Jeni me fat nëse takoni ndonjë. Shqiptarët nuk para bëjnë ecje në mal.
Ushqimi është i mirë në Shqipëri. Jo vetëm sepse ata dinë si të gatuajnë, por edhe sepse ushqimet e tyre nuk janë shumë të globalizuar kështu që për herë të parë mund të provohen vetëm këtu. /ata
Shqipëria është një pjesë e paprekur dhe e paeksploruar në enigmën komplekse të Europës, shkruan gazeta italiane online “Tizinonline -20 minuti” në një artikull kushtuar Shqipërisë.
E mbushur me peizazhe përrallash, pamje që të lënë pa frymë, kulturë të pasur dhe banorë jashtëzakonisht mikpritës, Shqipëria duhet të jetë në krye të listës së destinacioneve për ta vizituar për një eksperiencë autentike udhëtimi. Peizazhi i Shqipërisë është 70% e territorit malor, kështu që nëse e doni natyrën dhe ajrin e pastër, ajo duhet patjetër të jetë një nga destinacionet tuaja më të dëshiruara.
Një tipar tjetër dallues i këtij vendi është karakteri. Shqiptarët kanë një ndjenjë të madhe humori dhe një qëndrim të relaksuar: ndonjëherë, ky i fundit mund të bëjë një tendosje mbi durimin e udhëtarëve më entuziastë. Shqiptarët kujdesen shumë për traditat e tyre dhe është pak sikur vendi të ishte ndalur në kohë, duke frymëzuar për të jetuar dhe udhëtuar në një mënyrë të thjeshtë. Teknologjia shkon në sfond dhe udhëtimi këtu është një mundësi e shkëlqyer për të trajnuar për të jetuar në momentin e tanishëm. Shqipëria mund të arrihet me avion në aeroportin e vetëm të vendit, që ndodhet në kryeqytet, Tiranë.
Tirana, kryeqyteti aktiv e Shqipërisë, është një shkrirje e kulturave dhe zemra që rreth e këtij vendi interesant. Pas rënies së komunizmit në vitin 1992, Tirana ka ndryshuar pamje, duke transformuar atë që dikur ishte një qytet i fikur dhe i kufizuar, në një kryeqytet në ngjyra të ndritshme, me rrugët plot me bare dhe restorante dhe sheshe të reja publike të vendosura në çdo pjesë të qytetit .
Në qytetin bregdetar të Sarandës do të gjeni restorante të shkëlqyera të peshkut, një natë energjike dhe një atmosferë gëzimi. Në verë, Saranda gumëzhin nga të rinjtë dhe ofron një natë plot argëtim, me një natë që zgjat deri në dritën e parë të agimit.
Saranda është gjithashtu një bazë ideale për eksplorimin e qyteteve dhe plazheve të tjera përgjatë Rivierës. Nga këtu, ju gjithashtu mund të merrni tragetin në Korfuz, një nga ishujt më të gjelbër dhe të dashur të Greqisë. Shpesh, vizitorët që qëndrojnë në Korfuz vijnë këtu gjatë ditës për të zbuluar fqinjën shumë më të qetë dhe ekonomike se Greqinë, Shqipërinë.
Gjatë qëndrimit në Sarandë, sigurohuni që të vizitoni “Syrin e Kaltër”,i vendosur vetëm 20 km larg. Është një burim me thellësi prej më shumë se 50 metra, por nuk ka matje të saktë, pasi zhytësit kanë arritur të zhyten deri në 50 metra thellë./ ata
Sipas të dhënave të EUROSTAT-it, në vitin 2016 vendet e BE-së shpenzuan mesatarisht një për qind të PBB-së për argëtimin dhe kulturën, ndërsa sipas të dhënave kombëtare të INSTAT-it, Shqipëria shpenzoi vetëm 0.4 për qind të PBB-së për sektorin në fjalë.
Shpenzimet e qeverisë së përgjithshme për rekreacion, kulturë dhe religjion në Bashkimin Evropian (BE) në vitin 2016, ishin të pandryshuara nga viti 2015. Në eurozonë kjo shifër ishte pak më e lartë (1.1 për qind).
Sipas EUROSTAT-it shpenzimet totale për çështjet e argëtimit dhe kulturës në BE shkojnë për objektet kulturore dhe lehtësirat për shërbimet fetare dhe të tjera të komunitetit, si bibliotekat, muzetë, teatrot, shërbimet e transmetimit.
Në vitin 2016, shtetet anëtare me shpenzimet më të larta në të argëtimit dhe kulturës në raport me PBB-në ishin Hungaria (3.3 për qind), Estonia (2.1 për qind), Kroacia dhe Danimarka (1.8 për qind).
Në krahun tjetër Shqipëria me 0.4 për qind, Mbretëria e Bashkuar (0.6 për qind), pasuar nga Greqia, Italia dhe Portugalia (të gjitha 0.8 për qind), ishin vendet me shpenzimet më të ulëta në këtë aspekt.
Struktura e shpenzimeve të kulturës dhe argëtimit u dominua nga shpenzimet për shërbimet kulturore që ishin 0.3 për qind e PBB-së të ndjekura nga shërbimet e transmetimit dhe botimit me 0.2 për qind dhe ato për shërbimet fetare me 0.1 për qind të PBB-së. /Monitor/ KultPlus.com
Turizmi në Shqipëri është një nga sektorët, i cili gjeneron të ardhura të shumta për ekonominë dhe buxhetin e shtetit. Sipas përllogaritjeve të fundit, shuma e parave të shpenzuara nga turistët e huaj përbën 14.8 për qind e Prodhimit të Brendshëm Bruto.
“Kjo është një shifra e konfirmuar kohët e fundit nga Organizata Botërore e Turizmit e OKB-së, sipas së cilës në Ballkan, Mali i Zi kryeson me 21.8% të PBB-së, e ndjekur më pas nga vendi ynë”, shkruan “IBANA”
Ndërkohë, në vende të tjera si Serbia dhe Maqedonia, kjo përqindje është shumë e ulët, sepse këto vende nuk kanë bregdet siç ka Shqipëria dhe vendi fqinj, Mali i Zi.
Shqipëria ka fatin e madh, pas territori i saj laget nga dy dete. Deti Jon dhe Adriatik, janë dy burime të pashterueshme, të cilët kontribuojnë vazhdimisht për ekonominë shqiptare dhe thithjen e turistëve./KultPlus.com
Pikë kulmore e konsideron Shqipërinë koreano-jugorja travie.com, një nga faqet më të njohura aziatike në botë për udhëtimet turistike.
”Njohuritë për Shqipërinë ishin më të holla se një copë letre me lagështirë… Për fat të mirë, përshtypjet e para për Shqipërinë ishin mjaft mbresëlënëse”, thekson travie.com.
Koha më e mirë për të udhëtuar në Shqipëri është nga muaji prill deri në maj dhe nga muaji shtator deri në tetor. Moti i përgjithshëm është me dëborë dhe i lagësht në dimër, por verat janë të nxehta dhe të thata. Tirana është aq e lagësht në verë për shkak të efektit të saj gjeografik dhe është shumë e rrallë që temperatura të bien nën zero madje edhe në dimër.
Shqipëria ndodhet në bregun perëndimor të Adriatikut. Në veri janë Alpet e Shqipërisë së Veriut mbi 2 500 metra mbi nivelin e detit.
TIRANA
Ka tre pika që bien në sy. Njëra është Kulla e Orës, e ndërtuar në vitin 1822, e cila ishte ndërtesa më e gjatë në Tiranë (deri në 35 metra) deri në vitin 1971, ndërsa tjetra është xhamia e Et’hem Beut, pranë kullës së orës. Ndonëse nuk është madhështore, konsiderohet si një nga xhamitë më të bukura. Një gjë e fundit që nuk duhet të të humbasë është statuja e Gjergj Kastriot Skënderbeut. Ai është një monark shqiptar dhe një hero kombëtar që luftoi kundër Perandorisë Osmane në shekullin e 15-të. Emri i sheshit gjithashtu erdhi prej tij.
DURRËSI
Durrësi, rreth 40 kilometra në perëndim të Tiranës, është një kryeqytet i lashtë me rreth 3 000 vjet histori dhe qyteti më i madh portual në Shqipëri. Qyteti ka amfiteatrin e dytë më të madh romak në Ballkan.
BERATI
Berati është një qytet i Trashëgimisë Botërore të UNESCO-s. Origjina e qytetit fillon nga kështjella e Beratit (e quajtur ‘Carla’), e cila u ndërtua 2 400 vjet më parë. Ka ende më shumë se 1 000 banorë në kështjellë dhe shumica e ndërtesave duke përfshirë zonën e banimit janë ndërtuar në shekullin e 13-të.
Berati ishte gjithashtu i sunduar nga Perandoria Osmane, por pa sakrifikuar traditat e Kishës Ortodokse, ruhen stilet e jetës dhe traditat e para të paspushtimit. Pikë kryesore është stili bizantin te Katedralja e Shën Mërisë, e cila është një mbetje e një relikeje katolike. Emri i muzeut të katedrales erdhi nga piktori i famshëm i Shqipërisë Onufri i shekullit të 16-të./ ata
Faik Konica njihet jo vetëm si një nga publicistët më të mirë, po edhe si njeriu që në të gjitha mënyrat e mundshme tregoi realitetin në të cilin ndodhej Shqipëria, shkruan KultPlus.
Shumica e vështrimeve të tij, akoma vazhdojnë të jenë të qëndrueshme, dhe vlerësohet të jetë një ndër figurat që ka njohur më së miri kombin e tij.
KultPlus sot ju sjellë një nga thëniet e tij.
“Shqipëria lindi nga Zoti, shpëtoi nga rastësia, vdiq nga politikanët”.
Durrësi, zona bregdetare më e madhe në Shqipëri është duke u rritur paralelisht me Tiranën dhe këtu gati çdo centimetër i plazhit kilometrik është i mbushur me çadra shumëngjyrëshe.
Dy shezlone bashkë me një çadër kushtojnë vetëm 22 krona suedeze (2 euro) bashkë me të ngrohtin, detin pak të thellë dhe të bukur. Këtu përballesh më shumë me kulturën shqiptare të të pushuarit se sa me natyrën e vendit.
Turma miqësore, familje të mëdha, shitës ambulantë dhe kështu me radhë, shkruan gazeta suedeze “expressen.se” në një reportazh që ia dedikon pjesës turistike të Shqipërisë.
Në qendër të qytetit gjenden disa lagja të vjetra të rinovuara shumë këndshëm si dhe një amfiteatër i madh romak i ndërtuar për lojërat me gladiatorë, ndërsa në anë të detit pranë qendrës ka shumë klube të modës, restorante të mirë dhe plazhe të vogla ose hapësira luksoze për t’u larë me çmime të ulëta.
Vazhduam rrugën drejt jugut përgjatë bregdetit pas disa ditësh pushimesh me ndalesa për të notuar. Përveç Vlorës dhe Sarandës, të gjitha zonat e tjera bregdetare janë ende të vogla dhe të këndshme si dhe është shumë e lehtë të gjesh dhoma çift në hotele luksoze për 300-450 krona suedeze (28-45 euro).
Shqipëria është një vend malor dhe i gjelbër dhe shpeshherë malet bien mbi det, që i bën disa zona bregdetare të ashpra ku mund të shijosh një pamje të jashtëzakonshme.
Në jug të malit të Llogorasë fillon ajo që quhet Riviera Shqiptare. Dhërmiu që është zona bregdetare më e madhe e fshatit me të njëjtin emër dhe që ndodhet edhe në hartat turistike suedeze, bashkë me të gjitha zonat e tjera bregdetare në veri të Sarandës ofrojnë akomodim të mirë dhe gatim të shkëlqyer.
Saranda është vizituar nga turistët e huaj shumë herët dhe vazhdon të ketë një rritje të numrit të tyre. Ujërat e këndshme në jug të qytetit tani janë të mbushura me turistë. Megjithatë, kushdo ka qenë më parë mund të dallojë se cilësia e ujit është përmirësuar bashkë me turistët, pasi 15 vite më parë viheshin re më shumë mbeturina nëpër plazhet e Shqipërisë.
Përveç plazheve të Sarandës dhe Durrësit, që ndodhen në hartat turistike suedeze, gjendet edhe një zonë tjetër shumë e gjerë në bregun shqiptar, që ia vlen të vizitohet. Këto plazhe fillojnë në qytetin modern dhe në zhvillim të Vlorës, si dhe më pas vazhdojnë disa kilometra në jug përgjatë një gjiri të bukur ku mund të zgjedhësh mes hoteleve të vogla që kanë plazhin e tyre ose plazheve të mëdha që ofrojnë një variacion më të lartë akomodimi dhe restorantesh.
Këto plazhe përfundojnë përreth qytetit të vogël të Orikumit në jug të Vlorës, ku atmosfera në bregdet është më e qetë dhe hotelet së bashku me restorantet shërbejnë produkte deti shumë të shijshme me çmime të lira që prej 30 vitesh nuk i gjendeshin në Mesdhe.
Sigurisht, shumica e shqiptarëve janë të varfër, por risitë, restaurimet dhe godinat e reja po shtohen gjithnjë e më shumë. Vendi i duhur për të kaluar pushime të mrekullueshme me çmime të ulëta, por nxitoni sepse Shqipëria po konsiderohet gjithnjë e më shumë si një destinacion bregdetar po aq popullor sa Kroacia./ KultPlus.com
Sezonit turistik në Shqipëri vijon të tërheq çdo ditë pushues, pasi në datën 31 gusht në Shqipëri hynë 37 400 shtetas të huaj.
Ministri i Turizmit dhe Mjedisit, Blendi Klosi në analizën e mbajtur për sezonin turistik në qytetin e Vlorës, u shpreh në lidhje me numrin e turistëve që hynë çdo ditë në Shqipëri, i cili sipas tij krahasuar një vit më parë ka një rritje me 26,8%.
“Në total, në muajin gusht numërohen 1 400 064 vizitorë, që krahasuar me gushtin e kaluar pra atë të vitit 2017 , i cili ka qene 1 100 000, ka një rritje me 26,8% më shume shtetas te huaj të hyrë në një muaj në Shqipëri,”, -theksoi Klosi.
Klosi tha se këto shifra janë tregues shumë të rëndësishme dhe kjo është një arritje shumë e madhe mbas një pune të detajuar brenda një viti.
Numri i Turistëve te huaj ka arritur në 5.7- 5.8 milion në të gjithë Shqipërinë për vitin 2018 Ai tha se që duke vazhduar me të këtë rritem , viti 2019 e më pas do të përmbushi objektivat tona 10 milion Turist të huaj”- theksoi Klosi./ KultPlus.com
Është e qartë për të gjithë se Shqipëria tani ka hyrë në radarët e destinacioneve turistike që nuk duhen humbur. Është afër, lirë dhe plot me thesare për t’u vizituar.
Le të zbulojmë së bashku pesë vendet që nuk duhet të humbasin gjatë një udhëtimi në vendin e shqiponjave.
Tirana: qyteti që nuk fle kurrë
Kryeqyteti shqiptar po merret gjithnjë më shumë në konsideratë nga turistët (kryesisht italiane), të cilët janë kuriozë për të zbuluar qytete të ndryshme. I lidhur me shumicën e aeroporteve më të mëdha italiane, Tirana është një variant i mirë për t’u vizituar gjatë një fundjave apo edhe gjatë një qëndrimi më të gjatë. Riviera Shqiptare, një mijë hije blu
Ju nuk mund të thoni se keni qenë në Shqipëri pa kaluar pak kohë në Rivierën e bukur shqiptare, shtrirjen e bregdetit që del nga kalimi malor i Llogarasë dhe përfundon në kufirin me Greqinë. Bregdeti jugor i Shqipërisë është vendi i plazheve idilike, gjiret e fshehura, fshatrat ortodokse me kisha me kupola blu dhe manastire të fshehura në pyje që shpëtojnë nga syri më i hutuar. Gjirokastra, qyteti muze i Shqipërisë
Vend i Trashëgimisë Botërore që nga viti 2005, shembulli unik i arkitekturës otomane dhe qytet-muze i vendit, Gjirokastra është destinacioni më interesant i Shqipërisë. Jo vetëm për bukurinë e saj të padiskutueshme, por edhe për vendndodhjen e saj piktoreske, të rrethuar me male dhe të vendosura pak kilometra nga kufiri grek. 19th-century traditional Ottoman houses, mosque, from Castle hill in Gjirokastra (Gjirokaster), UNESCO World Heritage Site, Albania Berat, qyteti me dritare të mbivendosura
Pak më shumë se një orë larg nga kryeqyteti, këtu është Berati, një xhevahir i vogël i vendosur mes maleve të larta dhe karakterizohet nga disa nga ndërtesat më të bukura në vend. Berati i detyrohet nofkën e tij shtëpive të mrekullueshme të tij të bardha të shpuara nga pikat e shumta të dritës që e kanë fituar pseudonimin e qytetit me dritare të mbivendosura. Shkodër, dera në veri
Më pak i famshëm nga jugu, por po aq interesante, Shqipëria e veriut është një nga destinacionet e domosdoshme për këdo që kërkon të eksplorojë anën e egër dhe autentike të vendit. Pika fillestare për veriun e madh është Scutari, qyteti historik i Shqipërisë, vendi i vetëm i muzeut fotografik në Shqipëri, Muzeu Marubi dhe Kalaja Rozafa, një nga më të mëdhatë në Ballkan.(TravelNews.it, monitor)./ KultPlus.com
