Presidenti i Shqipërisë, Bajram Begaj, ka përfunduar vizitën disaditore në rajonin arbëresh të Kalabrisë.
Në një intervistë për RTSH, Begaj shprehu falenderime për mikpritjen ndërsa vlerësoi përpjekjet e arbëreshëve në ruajtjen e identitetit kombëtar.
Për Begajn komuniteti arbëresh duhet ti përkasë vendit tonë dhe anasjelltas, pasi sipas tij kjo do të cojë në zhillim ekonomik në fusha me interes të ndërsjelltë.
“Për çdo individë kur bën këto takime dhe ndjen emocione të forta nga njerëz që kanë ikur prej shekujsh nga vendet e tyre por trashëgojnë gjuhën, kulturën, vallen e këndojnë shqip, patjetër të jep shumë emocion. Një komunitet arbëresh që i përket rrënjës tonë është mirë t’i përkasë vendit tonë, po ashtu edhe shqiptarët të jenë pjesë e rajonit arbëresh. Kjo do të çojë në zhvillim ekonomik në fusha në interes të ndërsjelltë, fusha që ne do të kemi interes t’i zhvillojmë”, u shpreh Begaj./rtk/KultPlus.com
Drejtoria e Përgjithshme e Arkivave (DPA) në cilësinë e institucionit të administrimit, të mirëmbajtjes dhe të vënies në shfrytëzim të trashëgimisë dokumentare të kombit, zotëron dy dorëshkrimet e mirënjohura, Beratinus 1 dhe 2, të cilët u bënë pjesë e Regjistrit të Kujtesës së Botës në vitin 2005.
Kodiku i Purpurt i Beratit, daton në shekullin e VI-të dhe është i shkruajtur në pergamenë të purpurt. Ndërsa, Kodiku i Artë (Codex Aureus) i përket shekullit të IX-të dhe është i shkruajtur në pergamenë me shkronja ari. Gjashtë pasuritë e tjera shqiptare që janë pjesë e Trashëgimisë Botërore të UNESCO-s janë: Liqeni i Ohrit, Lumi i Gashit, Rrajca, Berati, Butrinti dhe Gjirokastra.
UNESCO-ja mbledh rreth vetes 193 vende anëtare. Procesi i anëtarësimit rregullohet prej Artikujve 2 dhe 15 të Kushtetutës së organizatës dhe nga artikujt 98-101 të Rregullores së Brendshme të Konferencës së Përgjithshme, e cila përcakton politikat e saj drejtuese./atsh/KultPlus.com
Kryeministri i Shqipërisë, Edi Rama nuk përjashtoi mundësinë e një takimi mes liderëve të Kosovës dhe Serbisë në samitin e 16 tetorit në Tiranë, në një kohë kur tensionet mes palëve janë të larta.
“Nuk kemi planifikuar diçka të tillë, nuk e parashikoj. Çdo gjë mund të ndodhë sepse në situata të tilla ku të gjithë flasin me njëri-tjetrin, nëse ka një hapësirë ose nëse liderët e Gjermanisë dhe Francës që do të jenë këtu, do të duan të flasin me ta si bashkautorë të planit franko-gjerman që është në tryezë, ndoshta mund të ndodhë”, deklaroi Rama në intervistën e tij në podkastin Inside Albania.
I vënë përballë kritikave të shumta nga klasa politike në Prishtinën zyrtare, përfshi kryeministrin Albin Kurti dhe ministren e Jashtme Donika Gërvalla për idetë e tij për të ngritur dialogun mes Kosovës dhe Serbisë në një nivel konference si dhe propozimin e tij për Asociaicionin e komunave me shumucë serbe, Rama kishte një përgjigje të gjatë por të qartë.
“Nuk po përpiqem të bëj të zgjuarin. Jam i sigurt që shumë prej tyre, përfshi vetë ata, mund të jenë më të zgjuar dhe ashtu janë. Por e kam problem t’i bëj njerëzit ose veten për budallenj. Nuk mund të gënjejmë veten. Ajo që ne kemi bërë deri më tani si komunitet shqiptar qoftë në Shqipëri, Kosovë, Maqedoninë e Veriut, Malin e Zi, na ka mësuar shumë qartë se kemi bërë gjithë këto arritje duke u qartësuar se në cilin krah jemi, me kë bashkëpunojmë ngushtësisht dhe cila është mënyra jonë për t’u përmirësuar si faktor shqiptar brenda vendeve tona dhe në gjithë Ballkanin Perëndimor. Rruga është e shumë qartë: puna e palodhur drejt paqes, prirja drejt së ardhmes dhe të mos mbeturit peng i të shkuarës. Ne nuk i japim leksione miqve dhe aleatëve tanë të mëdhenj si ata duhet ta shohin botën, por kemi një bashkëpunim konstruktiv me ta dhe i qëndrojmë gjithnjë pranë. Kështu ja kemi dalë deri më sot. Çfarë ka këtu për t’u çuditur? Më e rëndësishmja, Serbia e ka humbur luftën. Kosova e ka fituar luftën. Historia ka treguar se kush ka humbur luftën nuk është i interesuar për paqen, ndryshe nga ai që e ka fituar luftën”, u shpreh Rama.
Për Ramën, Kosova duhet të këmbëngulte për zbatimin e planit franko-gjerman, për të arritur atë që synon: njohjen përfundimtare.
“Plani franko-gjerman është ujdia më e mirë që Kosova mund të marrë, sepse është njohje de facto. Është propozim tolerant dhe i hap rrugën njohjes nga të tjerët. Përse nuk e nxisin ata? Përse nuk këmbëngulin? Përse Kosova nuk është pala që t’ju kërkojë të gjithëve që ky propozim të bëhet? Në politikë dhe në zgjidhjen e diçkaje që është në interesin tënd, nuk është asnjëherë ide e mirë të fillosh të gërmosh në mendjen e tjetrit. A është tjetri vërtet i interesuar? A e do ai vërtet diçka? Ndoshta jo dhe nëse do të hiqnim fuqitë e mëdha që janë me ne dhe do ta imagjinonim dialogun vetëm mes Serbisë dhe Kosovës, atëherë Serbia ndoshta nuk do të ishte ulur farë në tryezë, por do të kishte bërë diçka krejt të çmendur. Por, realiteti është se kemi mbështetje të fortë që të bëjmë një hap madhor drejt njohjes përfundimtare. Dhe ne nuk po e pranojmë këtë? Përse? Për çfarë arsye? Pyetja nuk është nëse kanë ata interes. Pyetja është a kemi ne interes apo jo? Mendoj se ata e kuptojnë se janë shumë të interesuar që kjo çështje të mbyllet njëherë e mirë. Si bëhet kjo? Duke humbur vëmendjen dhe duke krijuar situata apo duke bërë që të krijohen situata që më pas të bllokojnë, apo duke u përpjekur të qetësosh gjithçka, të japësh një gjë të vogël në këmbim të diçkaje më të madhe? Mendoj se zgjidhja është kjo e dyta. Nuk është shkencë, është logjikë e thjeshtë”, sqaroi Kryeministri.
Sipas Kryeministrit të Shqipërisë, nuk ka asgjë të keqe nëse Serbia do të mbështeste financiarisht Bashkësinë e Komunave Serbe.
“Serbia e ka humbur luftën dhe nuk ka vend të imagjinojë një hakmarrje ushtarake. Ka marrë fund kjo gjë! Kosova është njohur nga një komunitet vendesh që nuk do lejonin kurrë kthimin pas. Kurrë! Çfarëdo që të ndodhë! Kjo e para. E dyta, nëse Bashkësia krijohet sipas kuadrit kushtetues të Republikës së Kosovës dhe është rezultat i një marrëveshjeje që bazohet aty, atëherë nuk do të jetë një hapësirë që të vijnë njerëz të armatosur dhe të thonë se janë anëtarë të asaj Bashkësie. Do të jetë një hapësirë që komunat të kenë vetë-menaxhim, të kenë mbështetje nga Beogradi. Pse jo? Kemi komunat në jug dhe lindje të pakicave greke. Ata do të ishin shumë të lumtur nëse Greqia do t’i mbështeste financiarisht. Pse jo? Është e rëndësishme të shohim nga e ardhmja dhe të bëjmë çdo gjë për ta afruar, sesa të mendojmë gjithnjë vetëm për të shkuarën. E shkuara ka kaluar”, deklaroi Rama.
I pyetur nëse Bashkimi Europian nuk është treguar i drejtë në qasjen ndaj Kosovës dhe Serbisë, Rama, tha “Ne patëm një debat të zjarrtë kur BE-ja doli me deklaratë pas sulmit kriminal në veri”.
“Ishte e gjitha për Kosovën. Ata na shpjeguan se e tillë është procedura e BE-së, Këshillit dhe deklarata ishte miratuar nga 27 vendet anëtare para se të ndodhnin ngjarjet, ndaj edhe e publikuan. I thamë se mund ta publikonin bashkë me një tjetër deklaratë që do të dënonte atë që kishte ndodhur, do të dënonte Beogradin për aktin e pajustifikueshëm të shpalljes së ditës së zisë. E pajustifikueshme! Kërkuam masa konkrete edhe ndaj Serbisë, jo thjesht dënim të aktit. Ata thanë se nuk mund të bëhej për shkak të kohës, sepse duhet shumë kohë për të bërë këto deklarata. Atëherë ne i thamë se nuk do të linjëzoheshim. Për herë të parë në 10 vite, ne nuk u linjëzuam me një deklaratë të BE-së. Nuk do thoja se BE-ja është treguar e padrejtë. Do të thoja se fatkeqësisht Kosova i ka dhënë BE-së shumë arsye që të tregohet më e ashpër me ta. Ndërsa Serbia e ka luajtur lojën me më shumë inteligjencë, një lojë e cila vetëm vijon, nuk ka mbaruar”, përfundoi Rama. /EuronewsAlbania/
Avioni i parë që solli sonte në Rinas shqiptarë nga zona e luftës në Izrael, përfshinë edhe disa nga Kosova.
Këtë e ka bërë të ditur sonte, Ministria për Evropë dhe Punë të Jashtme në Republikën e Shqipërisë, në një njoftim të saj, ndërsa jep detaje për gjithë pasagjerët që arritën të fluturojnë nga Izraeli për në Tiranë, transmeton klankosova.tv.
”Avioni “Air Albania” me 40 pasagjerë, mes të cilëve edhe shtetas nga vendet e rajonit si Kosovë, Maqedonia e Veriut, të ndihmuar nga Ministria për Evropën dhe Punët e Jashtme, Ministria e Infrastrukturës dhe Energjisë, dhe Ambasada Shqiptare në Izrael është ulur në aeroportin ndërkombëtar “Nënë Tereza” pak më parë”.
Të njëjtit sipas njoftimit të ministrisë, kanë kërkuar vet që të largohen nga Izraeli pas shpalljes së gjendjes së luftës.
Pasagjerët janë pritur dhe përshëndetur nga ministri, Igli Hasani
”Në ditët në vijim do të ketë sërish të tjera fluturime të posaçme drejt Tel Aviv, ndërkohë që MEPJ është në koordinim edhe ministritë simotra të vendeve të rajonit për tu ardhur në ndihmë të gjithë qytetarëve që kërkojnë të kthehen në vendet e tyre”./KlanKosova/KultPlus.com
Kryeministri Edi Rama ndau sot në rrjetet sociale shkrimin e medias së njohur turke “Haber Turk” për turizmin e Shqipërisë.
“Shqipëria “e preferuara e re” e Ballkanit është kthyer tashmë një pol tërheqës edhe për vizitorët turq duke thyer një rekord turistik, siç thotë në këtë artikull promovues media e njohur “Haber Turk””, shkruan Rama.
“132% më shumë vizitorë nga Turqia frekuentuan vendin tonë deri në muajin gusht, krahasuar me një vit më parë, një surprizë, por edhe një garanci që Shqipëria ka afirmuar vendin e saj mes vendeve fqinje, prej dekadash të konsoliduara në industrinë e turizmit”, theksoi kryeministri Rama./atsh/KultPlus.com
Shqipëria renditet e treta në Barometrin Botëror të Turizmit për periudhën janar-korrik 2023, me një rritje spektakolare prej 56 % në ardhjet e turistëve.
Lajmin e bëri të ditur sot kryeministri Edi Rama, i cili ndau në rrjetet sociale statistikat e Barometrit Botëror të Turizmit, ku Shqipëria renditet e treta pas Katarit dhe Arabisë Saudite.
“Kemi arritur diçka të pabesueshme: vendi i tretë në Barometrin Botëror të Turizmit për periudhën janar-korrik 2023, me një rritje spektakolare prej 56 % në ardhjet e turistëve”, theksoi ai.
Kryeministri u shpreh se “kjo arritje nuk do të ishte e mundur pa përkushtimin dhe punën e palodhur të gjithë këtyre viteve dhe veçanërisht të profesionistëve të industrisë sonë të turizmit”.
“Së bashku e kemi vendosur Shqipërinë në hartë si një destinacion që duhet vizituar dhe do ta bëjmë atë çdo vit gjithnjë e më të mirë. Nga brigjet plot diell të Rivierës shqiptare, deri te bukuria historike e Gjirokastrës, ne kemi diçka për të gjithë”, theksoi Rama.
Po ashtu kryeministri përcolli edhe një mesazh për udhëtarët në mbarë botën: “Ejani të zbuloni perlën që quhet Shqipëri, e pasuruar nga përpjekjet e sektorit tonë të jashtëzakonshëm të turizmit. Mos e humbisni – rezervoni sot aventurën tuaj shqiptare”.
Disa njerëz thjesht duan të udhëtojnë. Kjo nuk nënkupton të pish limoncello në një kafene italiane ose të shijosh diellin në Mauritius, por aktin e udhëtimit, të ulesh në trena, autobusë ose varka dhe të shikosh peizazhin që të kalon pranë, shkruan në një artikull e përditshmja angleze “travelweekly.uk”.
Unë udhëtova nga Londra në Tiranë për një ekspeditë të re në Shqipëri, muajin e kaluar, duke kaluar përmes Francës dhe Italisë, me ndalesa gjatë natës në Chambéry, Torino dhe Bari, përpara se të hipja në anije për në bregdetin shqiptar, në Durrës.
Udhëtimi përfshiu ndalesa në vende më pak të njohura dhe jo në qendrat kryesore të transportit apo destinacionet turistike të mbipopulluara, si Parisi ose Milano.
Kështu përfundova në Chambéry, me baret e tij magjepsëse dhe pastiçeritë me aromë hyjnore.
Në Torino, rezervova një turne dyorësh në këmbë, nga Cattedrale di San Giovanni Battista dhe Porta Palatino nëpër rrugët e pasme në Mercato Centrale ku tregohen fakte magjepsëse për historinë e qytetit.
U përgatita për udhëtimin tetëorësh hekurudhor midis Torinos dhe Barit të nesërmen.
Ka diçka emocionuese ndërsa i hipën një anije të madhe drejt një vendi tjetër, si Shqipëria.
Pavarësisht portit industrial në plan të parë, Durrësi dhe sfondi i tij i maleve të palosshme dukeshim të mahnitshëm në dritën e mëngjesit.
Mbërritja në Shqipëri
Pasi mbërrita në Tiranë nisa të eksploroj sheshin monumental Skënderbej, të njihem me historinë shqiptare në Muzeun Kombëtar dhe të kap perëndimin e diellit nga Piramida e Tiranës.
Mund të më jenë dashur pesë ditë për të arritur në kryeqytet, por pasi pashë peizazhet që ndryshonin dhe provuar shumëllojshmëritë e kuzhinës dhe kulturës gjatë rrugës, u ndjeva i relaksuar në modalitetin e pushimeve dhe mendja ime ishte e hapur ndaj qetësisë së aventurës.
Shqipëria e qëndrueshme
Vitin e kaluar, Shqipëria ka kaluar nga një destinacion nën radar në një zgjedhje të pushimeve të nxehta.
Itinerari 12-ditor përfshinte Parkun Kombëtar Divjakë-Karavasta. Kjo lagunë natyrore detare është shtëpia e pelikanit dalmat, një specie nën kërcënim, si dhe flamingove më të mëdhenj dhe mijëra llojeve të tjera të shpendëve.
Ne kaluam midis rrugëve ujore me një motobarkë të vogël herët në mëngjes, dhe më pas ecëm me biçikletë 12 milje përgjatë brezit të tokës midis lagunës dhe detit, për të qenë në kohë për një drekë të gatuar në shtëpi në banesën e familjes Adriatik.
Në Tragjas u ngjitëm në mal ndërsa dielli perëndonte dhe mbërritëm në kasollen e barinjve, që i përket Sofos dhe Dhuratës, të cilët na mirëpritën me raki të përgatitur me kanellë, mjaltë dhe ëmbëlsira.
Ndërsa muzgu largohej, Sofo dhe Dhurata na shërbeu dhi të pjekur në skarë, patëllxhanë, speca dhe djathëra të sapobërë për darkë, dhe raki të bërë vetë.
Ditën e fundit e kaluam duke eksploruar ‘qytetin e një mijë dritareve’, Beratin, i njohur për shtëpitë e tij të larta otomane.
Pse duhet të vizitoni Shqipërinë?
❂ Shqipëria është një destinacion i përballueshëm. Darka për dy persona përfshirë pijet, kushton 20-25 paund.
❂ Ofron shumë aktivitete për udhëtarët aktivë, nga mundësitë për ecje në malet spektakolare deri tek sporti Kayaking në lumenjtë dhe liqenet e pastër kristal.
❂ Adhuruesit e historisë do të kënaqen duke mësuar për të kaluarën e vendit, e cila përfshin ilirët e lashtë, romakët, bizantinët dhe, së fundmi, komunistët./atsh/KultPlus.com
Për të gjithë ata që planifikojnë të bëjnë një udhëtim këtë vjeshtë, është e rëndësishme të kuptojnë se cilat destinacione ofrojnë opsione akomodimi që përshtaten brenda një plani shpenzimesh të përballueshme, shkruan në një artikull gazetarja Megi Canco, të botuar në “The Travel off Path”.
Udhëtarët që presin me padurim të vizitojnë atraksionet evropiane do të jenë të lumtur të marrin në konsideratë renditjen më të re të destinacioneve me tarifat më të lira për momentin!
Shqipëria është renditur mes pesë destinacioneve kryesore evropiane, që ofrojnë shërbime për turistët me çmimet më të lira.
Shqipëria
Si një nga destinacionet më të preferuara të Evropës, Shqipëria kohët e fundit ka fituar një interes të madh në skenën e turizmit ndërkombëtar falë kulturës së saj të pasur, rivierës mahnitëse dhe çmimeve të arsyeshme.
Në përgjithësi, në hotele kostoja për një natë arrin mesatarisht 60 euro (~ 64 dollarë).
Pra, nëse udhëtoni në Shqipëri, qiratë afatshkurtra janë mënyra e duhur për të ndjekur.
Vlen të përmendet se në zonat më turistike dhe të mbiçmuara çmimet mund të ndryshojnë pak mbi mesataren.
Arsyeja pse kaq shumë udhëtarë diskutojnë nëse Shqipëria është një destinacion buxhetor apo jo, është se çmimet mund të ndryshojnë shumë midis qyteteve dhe rajoneve./atsh/KultPlus.com
Agim Krajka dhe Vaçe Zela me Ansamblin e Shtetit, në vitet ’80-të, kohë kur turnetë artistike nga Ansambli, zinin një pjesë të rëndësishme të programit të tyre.
Mes pjesëmarrësve bien lehtësisht në sy, e madhja Vaçe Zela dhe kompozitori i shquar i muzikës së lehtë, Agim Krajka. Fotot janë realizuar në vitin 1988, para dhe gjatë shfaqjes së Ansamblit të këngëve dhe valleve të Shqipërisë, në një qytet të Austrisë.
Në këto imazhe bie në sy prania e këngëtares legjendare Vaçe Zela, Agrim Krajkës, mjeshtrit të ndjerë Rexhep Çeliku, partneres së tij Lili Cingu, si dhe vallëtarë, instrumentistë dhe anëtarë të delegacionit shqiptar. Fotografitë u publikuan për herë të parë, nga gazetari dhe studiuesi, Armand Plaka. / KultPlus.com
Shqipëria është një vend, e cila deri vonë ishte anashkaluar në hartën e destinacioneve evropiane të pushimeve. Megjithatë, vitet e fundit, Shqipëria ka fituar popullaritet si një nga perlat e pazbuluara të Ballkanit, duke tërhequr turistët me historinë e sa të pasur dhe njerëzit mikpritës, shkruan në një artikull e përditshmja polake “Tychy.pl”.
Bukuria e natyrës së pazbuluar
Shqipëria ofron një peizazh jashtëzakonisht të larmishëm, duke filluar nga malet madhështore në pjesën veriore të vendit deri te plazhet e bukura dhe të paeksploruara në bregun perëndimor.
Deti Jon, me ujin e tij të pastër kristal, është një vend ideal për adhuruesit e diellit dhe detit.
Parku Kombëtar i Llogarasë është një parajsë për adhuruesit e trekking.
Historia dhe kultura e pasur
Historia e Shqipërisë është po aq e larmishme sa edhe peizazhi i saj.
Nga rrënojat e lashta si ato në Butrint e deri te kështjellat mesjetare të shpërndara në të gjithë vendin.
Qytete si Gjirokastra dhe Berati do t’ju befasojnë me arkitekturën e tyre osmane dhe zonat historike të listuara në UNESCO.
Banorë mikprites
Shqiptarët shquhen për mikpritjen dhe ngrohtësinë e tyre. Mos kini frikë të kërkoni ndihmë ose të kërkoni udhëzime, vendasit do të jenë të lumtur t’ju ndihmojnë, shpesh me një buzëqeshje në fytyrën e tyre.
Ekonomia dhe çmimet
Shqipëria është një nga destinacionet më ekonomike të pushimeve në Evropë.
Akomodimi, ushqimi dhe transporti janë shumë më të lira këtu sesa në destinacionet e tjera të njohura evropiane për pushime.
Përmbledhje
Shqipëria, një vend i kontrasteve, befason në çdo hap. A ia vlen ta duash këtë vend apo jo?
Kjo varet nga preferencat tuaja individuale. Nëse jeni në kërkim të autenticitetit, natyrës së paprekur dhe historisë së pasur, atëherë Shqipëria mund të jetë destinacioni i përsosur për pushimet tuaja të radhës.
Pavarësisht preferencave tuaja, një gjë është e sigurt; Shqipëria është një destinacion i jashtëzakonshëm në Ballkan, që ia vlen të zbulohet! /atsh/KultPlus.com
Aktorja e famshme Angelia Jolie, ka bërë një postim në gjuhën shqipe, duke njoftuar se libri i saj “Njihni të drejtat tuaja dhe kërkojini ato”, i shkruar nga ajo, Amnesty International dhe Geraldine Vab Bueren, tanimë është publikuar edhe në Kosovë dhe në Shqipëri, shkruan KultPlus.
Përmes një publikimi në instagram, Jolie u është drejtuar ndjekësve të saj edhe në gjuhën shqipe.
“Për t’i kërkuar të drejtat tuaja, duhet t’i njihni ato. Neni 42 i Konventës për të Drejtat e Fëmijëve i detyron qeveritë të sigurohen që fëmijët dhe prindërit të jenë të vetëdijshëm për parimet dhe të drejtat e mbrojtura me konventë. Jam e lumtur që libri ynë për të drejtat e të rinjve tani është publikuar në Shqipëri, Kosovë, Poloni, Rumani dhe Moldavi, dhe ua dërgoj respektin tim të gjithë aktivistëve/eve që mbrojnë të drejtat e fëmijëve në rajon dhe që përdorin të drejtën e tyre të jenë të zëshëm.”, thuhet në shkrim./KultPlus.com
Konferenca e Pezës është një nga ngjarjet më të rëndësishme të historisë së Shqipërisë, ku u bënë përpjekje për bashkimin e shqiptarëve kundër pushtuesve nazifashistë.
Konferenca e Pezës u mbajt në Pezë më 16 shtator 1942, një fshat afër Tiranës. Protagonistë të këtij Kuvendi ishin 20 delegatë përfaqësues të krahinave dhe besimeve të ndryshme fetare, klasa dhe shtresa me bindje politike nga më të ndryshmet.
Pjesëmarrësit vinin nga rryma të ndryshme politike. Ndërmjet tyre ishin Abaz Kupi, Aziz Çami, Halim Begeja, Haxhi Lleshi, Ismail Petrela, Mustafa Xhani, Myslim Peza, Ndoc Çoba, Ramazan Jarani, Skënder Jegeni dhe Skënder Muço. Nga PKSH morën pjesë Ymer Dishnica, Mustafa Gjinishi, Koço Tashko, Enver Hoxha, Nako Spiru dhe Nexhmije Xhuglini.
Kryetar i konferencës u zgjodh Ndoc Çoba dhe sekretar, Mustafa Gjinishi.
Në konferencë u diskutua organizimi i forcave në një luftë të përbashkët kundër okupatorit, organizim ky që mori emrin më vonë, Fronti Nacional-Çlirimtar.
Delegatët e ardhur nga të gjitha anët e Shqipërisë, përfaqësuesit e gjithë tendencave të nacionalizmit shqiptar për bashkim të plotë të tyre me luftën NÇ, arritën në këto përfundime:
Gjendemi në një botë të përgjakur anekënd prej forcave të errëta prej skllavëronjësve të fashizmit. Popuj e kombe u shkelën pa mëshirë prej barbarisë fashiste.
Në këtë luftë gjiganteske që i ka kushtuar njerëzimit miliona e miliona të vrarë e të plagosur, që ka shkretuar e ka shembur fshatra e qytete të tëra, dy principe, në kundërshtim si dita me natën, në njërën anë tirania barbare dhe me skllavëronjësja që ka parë bota deri më sot, tirania fashiste, nga ana tjetër, blloku anglo-sovjeto-amerikan, bashkë me popujt e robëruar që bëjnë luftë të drejtë për zhdukjen nga faqja e dheut të murtajës fashiste, luftën për lirinë, për independencën dhe për lumturinë e popujve mbarë.
Është për t’u theksuar se konferenca u dekonspirua shumë shpejt, gjë që linte të mendohej se ky dekonspirim kishte qenë shumë i shpejtë falë informatave të siguruara brenda pjesëmarrësve.
Pasi fashistët kapën dokumente në lidhje me këtë konferencë, ata goditën Pezën. Pas pak javësh u ndërrua edhe drejtuesi i policisë.
Më 26 nëntor 1942, Shyqyri Borshi u emërua drejtor i përgjithshëm i policisë, në vend të Teodor Stamatit (“Fletorja Zyrtare”, 9 dhjetor 1942).
Parulla e bashkimit apo e përçarjes?
Parulla e konferencës u bë ajo, sipas së cilës, do të kryhej një bashkim pa dallim feje, krahine e ideje./ KultPlus.com
Nga hotelet e vogla butik në fshatrat franceze që prodhojnë verë, ishujt e pashfrytëzuar në Kroaci deri te peizazhet natyrore të Shqipërisë, ne kemi zgjedhur vendet që do të dëshironit t’i mbanit të fshehta!
Revista prestigjioze angleze “The Times” e ka renditur Shqipërinë mes “25 vendeve më interesante të Evropës për të qëndruar”.
Shqipëria, e vendosur mes Malit të Zi dhe Greqisë në gadishullin Ballkanik ka mirëpritur një numër në rritje vizitorësh, të etur për të eksploruar kulturën dhe traditën e saj unike.
Bukuria e vërtetë e Shqipërisë gjendet jashtë qyteteve, aty ku vargmalet e mëdha malore shtrihen nga veriu në jug si një shpinë e thepisur, me lumenj të kaltër që gjarpërojnë nëpër kanionet e tyre të paanë.
Një udhëtim në fshatin e thellë të Thethit në Bjeshkët e Nemuna, të njohura edhe si Alpet Shqiptare, është i domosdoshëm, ashtu siç është një udhëtim me traget nëpër liqenin e Komanit për në bujtina të arritshme vetëm nëpërmjet ujit.
Alpet Shqiptare
Shqipëria rrëmben gjithmonë titujt e lajmeve për pushimet buxhetore, por më shumë vëmendje duhet t’i kushtohet peizazhit të saj.
Një mënyrë për ta përqafuar atë është ky udhëtim i ri kërkues, ndonjëherë i ngadaltë, tetëditor në Bjeshkët e Nemuna.
Këtu mund të ecni ose thjesht të relaksoheni duke shijuar kuzhinën e freskët shqiptare si mish i pjekur, fasule të zjera me speca, apo peshk i freskët i shërbyer me sallata të stinës.
Pikat kryesore përfshijnë piknikun në një kasolle barinjsh, një vizitë në fshatin historik të Thethit dhe notin në ujërat e Nderlysaj.
Zona ofron hotele tradicionale butik dhe bujtina./atsh/KultPlus.com
Nëse po planifikoni arratisjen tuaj të ardhshme ndërkombëtare, do të përballeni me një nga vendimet më sfiduese. Ka kaq shumë vende të pazbuluara për të parë. Dhe, ndërsa vendet e mëdha turistike, si Greqia, Tokio apo Parisi janë të njohura për një arsye, ndoshta ju jeni duke kërkuar për diçka më të panjohur!, shkruan në një artikull Hannah Loewentheil të botuar në të përditshmen amerikane “BuzzFeed”.
Kështu që, shfletova r/travel dhe rendita një sërë destinacionesh më pak të njohura, por të mahnitshme, në vend të pikave turistike më trendi për pushime.
Mes 27 destinacioneve të konsideruara si “Perla të fshehura”, “BuzzFeed” ka renditur edhe Shqipërinë, si vendin ku ofrohen plazhe të bukura, ushqime të shijshme dhe mjaft të lira dhe shumë xhevahirë për të eksploruar.
Në vend të Greqisë, shkoni në SHQIPËRI
E vendosur në Evropën Jugore, pikërisht përtej detit nga Italia, Shqipëria kufizohet në jug me Kroacinë dhe në veri me Greqinë. Dhe, është me të vërtetë vendi më i bukur ku mund të shkoni për pushime.
Plazhet me rërë të bardhë në pjesën jugore të vijës bregdetare të vendit, janë një parajsë e vërtetë. Uji është i ngrohtë dhe i kripur, dhe tepër blu.
Nëse jeni një alpinist, do t’ju duhet të shkoni në veri të vendit.
Pamjet malore këtu rivalizojnë Alpet, me panorama mahnitëse dhe fshatra të mahnitshëm.
Ecja nga Thethi në Valbonë është një nga shëtitjet më të njohura ditore, me bujtina të vogla ku mund të qëndroni në të dy skajet.
Shumë nga ushqimet që do të gjeni në restorante janë bërë nga përbërës vendas, shpesh organikë.
Qytetet bregdetare kanë të gjitha produkte deti tepër të freskëta, të cilat zakonisht kapen në mëngjes.
Një nga vaktet më të zakonshme në restorante këtu është peshku i pjekur në skarë me perime dhe patate të skuqura, ose kallamar i pjekur në skarë me limon.
Qyteti bregdetar i Sarandës është një mekë për pushuesit italianë dhe udhëtarët që kërkojnë një vend të lirë për të qëndruar për pak kohë.
Ka shumë bare dhe lokale buzë detit që janë të hapura gjatë gjithë natës, dhe plazhe të bukura për t’u çlodhur gjatë ditës.
Nëse ju pëlqen t’i merrni gjërat pak më ngadalë, ngjituni në qytetet e vogla në male.
Këtu do të gjeni bujtina komode të vendosura në mënyrë të përkryer pranë shtigjeve të ecjes dhe ujëvarave.
Vizitoni Syrin e Kaltër tepër të pastër pranë Sarandës, ose ujëvarat e akullta pranë Beratit.
Çdo qytet që vizitoni do të ketë një lloj fortese lart në një kodër që thjesht pret për t’u ngjitur dhe eksploruar.
Udhëtimi dy orë me traget në liqenin e Komanit është magjik.
Ju kaloni nëpër kanale të ngushta të rrethuara nga kodra dhe shkëmbinj të gjelbër dhe përfundoni në një fshat të bukur e të izoluar.
Burimet e nxehta të Benjës pranë Përmetit janë një sfidë për t’u arritur, por ia vlen.
Sigurisht, plazhet dhe moti i ngrohtë janë të shkëlqyera. Por, malet shqiptare lulëzojnë në dimër, ku mund të bëni ski dhe ecni në këmbë ose thjesht të uleni pranë zjarrit dhe të shijoni pamjet.
Shtoni Shqipërinë në listën tuaj përpara se të jetë vonë. /atsh/KultPlus.com
Edhe pse Shqipëria nuk është një destinacion shumë i njohur turistik në mesin e britanikëve, Riviera Shqiptare u ka lënë përshtypje pozitive turistëve që e vizituan këtë verë, sipas një artikulli të gazetares, Hope Brotherton të botuar në “The U.S. Sun”.
Plazhet e saj të bukura dhe çmimet e lira që ofrohen e kanë bërë atë një vend atraktiv dhe një destinacion për mijëra pushues nga e gjithë bota.
Një grup vajzash britanike përmes videove në rrjetet sociale kanë reklamuar bregdetin e paeksploruar të Evropës, i cili sipas tyre ofron pije të lira dhe madje shezllone falas.
Ato kanë postuar në rrjetin social Tik-Tok aventurën e udhëtimit mahnitës duke u surprizuar me bukuritë e Ksamilit dhe Rivierës Shqiptare.
Në mbishkrimin sipër videos shkruhej: “Ishim në një udhëtim në një resort plazhi në Shqipëri. Kemi shpenzuar 12 dollarë (9,50 £) për një shishe me vere të zonës të cilën e kemi shijuar gjatë relaksit në ujërat më të kthjellta të para ndonjëherë”.
“U relaksuam deri në perëndim të diellit dhe shijuam një drekë autentike mesdhetare për vetëm 10 dollarë (7,90 £)”, shkruajnë turistet britanike.
“Kudo që ecëm hasëm njerëz shumë miqësorë”, shkruajnë ato.
Videoja pati 600,000 shikime në platformën e medias sociale, ndërsa përdoruesit lanë komente të shumta.
Një lexues komentoi: “Kjo ka qenë përvoja ime shqiptare! Është absolutisht e nënvlerësuar, por shpresoj që të mbetet kështu”.
Një tjetër lexues shtoi: “Sapo e shtova këtë në listën time të dëshirave”, ndërsa një i tretë shkroi: “Jam shumë i interesuar të vizitoj Shqipërinë”./atsh/KultPlus.com
Sunshade umbrellas and deckchairs on the beautiful Ksamil beach, Albania.
A është Shqipëria në qendër të vëmendjes së pushuesve italianë? Në vitin 2023 lajmet janë bërë virale, sipas të cilave brigjet shqiptare po “pushtohen” nga turistë italianë në kërkim të një udhëtimi me kosto të ulët, dhe vëmendja ndaj vendit është rritur në mënyrë dramatike, shkruan në një artikull Valerio Salviani të botuar në “Il Gazzettino”.
Në rrjetet sociale kanë vërshuar histori dhe dëshmi, duke treguar anët pozitive të “El Dorados” së re të turizmit, por edhe ato negative.
Pushime në Shqipëri
“Det i bukur, çmime të ulëta”. Etiketa e ëndrrave, me të cilën Shqipëria është kthyer në qendër të çdo diskursi në pushimet verore.
Por, a është vërtet kështu? Varet. Madje, në rrjetet sociale shumë persona tregojnë përvojën e tyre, duke konfirmuar edhe të mirat që janë thënë.
“Çadra në rreshtin e parë 10 euro, më sjellin kafe sa jam në shezlong dhe paguaj vetëm 2 euro”, komenton një italian i entuziazmuar.
“Ata që kritikojnë Shqipërinë nuk kanë qenë ende atje. Mjaft e kritikuat Shqipërinë, nëse nuk ju pëlqen, rrini në Itali. Është më bukur këtu”, thotë një tjetër.
Debat i zjarrtë
Mjafton të vendosni kërkimin #Albania në TikTok, për të pasur dhjetëra shembuj të këtij lloji.
Një i ri nga vendi dokumentoi dhe ndau detin e pistë dhe plazhin e mbushur me njerëz.
“Është e qartë se je ende i dehur nga një natë më parë, po thua një tufë gënjeshtrash”, thotë ai.
Atëherë kush ka të drejtë? “Realiteti është se varet se ku shkoni, komenton një tjetër italian që ishte me pushime në Shqipëri. Këtu ka shumë zgjedhje, por duhet të keni kujdes”.
“Disa vende, ato më të kërkuarat, kanë çmime të larta dhe nuk zhgënjehesh lehtë. Por, është plot me parajsë. Me pak fjalë, e vërteta qëndron diku në mes”.
Megjithatë, nuk është e vështirë të gjesh shumë shembuj të videove totalisht negative.
“Miq shqiptarë, mos u zemëroni me fenomenin e momentit, ju jetoni në një vend fantastik”, thotë në një video influencuesja, Simone Coccia.
“Një gjë është e sigurt, napolitanët janë të çmendur pas Shqipërisë. A ka ndonjë venecian këtu? Unë shoh vetëm njerëz nga Napoli”, komenton me ironi një vajzë.
Suksesi i Sarandës dhe qyteteve të tjera shqiptare është edhe falë tyre./atsh/KultPlus.com
“Është e gjitha për Shqipërinë” për shumë italianë këtë verë, përfshirë edhe kryeministren Giorgia Meloni.
Kështu e ka nisur artikullin “The Guardian” kushtuar Shqipërisë, dhe jehonës turistike në vendin tonë, vizitën e kryeministres së Italisë Giorgia Meloni dhe zgjedhjen e shumë italianëve për ti kaluar pushimet në shtetin fqinj.
Kryeministrja u largua nga një shtëpi ferme e rrethuar nga pemë ulliri në Puglia dhe hipi në një traget të mbushur me turistë këtë javë për në Vlorë, një qytet shqiptar, plazhet e të cilit rivalizojnë me ato të rajonit jugor të Italisë në anën e kundërt të Adriatikut, vazhdon artikulli.
Katalizatori për udhëtimin e saj të shkurtër dhe të minutës së fundit ishte zbulimi se mijëra italianë i kanë shmangur shezlonget e vendit të tyre të shtrenjta për vendin ballkanik këtë vit, një trend që ka pakënaqur disa zyrtarë të qeverisë italiane.
Kryeministri shqiptar, Edi Rama, ndezi debatin pasi u mburr në rrjetet sociale për “pushtimin” e “gati gjysmë milioni” turistëve italianë. Ai e ilustroi çështjen duke krahasuar një foto të një trageti të mbushur plot që mbërrin në vendin e tij me një nga Vlora, anija mallrash që mbante rreth 20,000 refugjatë shqiptarë që u larguan në drejtim të kundërt më 8 gusht 1991.
“Ajo doli [nga trageti] me një grup të madh italianësh që dukeshin shumë krenarë për shoqëruesen e tyre të veçantë të udhëtimit dhe po brohorisnin teksa ajo zbriste”, tha Rama për Guardian. “Ajo çfarë është e mrekullueshme për Giorgia është se ajo është autentike dhe shumë e drejtpërdrejtë – ajo që shihni është ajo që merrni. Fjalët e saj të para pasi e shoqërova në vendin ku qëndroi ishin: ‘Sa i bukur është ky qytet!’
Italianët dhe turistë të tjerë europianë po vërshojnë në turma drejt Shqipërisë, një nga vendet më të varfra të Europës, imazhi i së cilës është përlyer prej kohësh nga korrupsioni dhe krimi i organizuar. Po, ata tërhiqen nga plazhet dhe malet. Por ata janë kryesisht të magjepsur, siç pranon Rama, nga kostot e lira të vendit.
Pushuesit italianë, veçanërisht ata në Puglia, janë acaruar gjithnjë e më shumë këtë verë nga kostot ndonjëherë të tepruara.
Kostoja mesatare e marrjes me qira të dy shezlongeve dhe një çadre është midis 35 € dhe 50 € në ditë në Puglia – dukshëm më e lartë se në Shqipëri, ku është më shumë se 10 €.
“Çmimet më të ulëta këtu padyshim që e bëjnë magjinë e tyre, por mendoj se është më shumë se vetëm çmimet”, tha Rama. “Shqipëria ka hequr qafe më në fund stigmën e tmerrshme të viteve ’90 që na persekutoi për kaq shumë vite. Shqipëria është tashmë destinacioni i ri turistik që do të zbulohet në Mesdhe.”
Ndër ata që udhëtonin për herë të parë në Shqipëri ishte Alessandro, një 32-vjeçar që jeton në Bolonjë, por u rrit në Salento, një zonë e Puglias në thembër të çizmes së Italisë, e njohur për plazhet e saj të paprishur. Ai dhe e dashura e tij e nisën udhëtimin e tyre këtë fundjavë me një vizitë në lumin e Shalës në veri para se të niseshin për në bregdet.
“Ne gjithmonë na pëlqen të vizitojmë vende të ndryshme dhe mua më pëlqen shumë Evropa Lindore, kështu që vetë vendi është motivi i parë,” tha ai. “E dyta është çmimi. Edhe shumë kolegë të mi shkojnë në Shqipëri sepse është më lirë se Puglia, apo Siçilia, Sardenja dhe Toskana. Ato janë të gjitha të bukura, por të gjitha kushtojnë shumë më tepër këtë vit.”
Ndërsa numri i turistëve të huaj në Itali është rritur këtë vit krahasuar me vitin 2022, udhëtimet e brendshme janë ulur deri në 30% , sipas shifrave të këtij muaji nga shoqata e turizmit, Federturismo. Disa italianë kanë hequr dorë fare nga pushimet për shkak të kostos së lartë të jetesës, ndërsa të tjerë kanë zgjedhur destinacione më të lira edhe nëse kjo nënkupton pagesën e fluturimeve apo trageteve. Demoskopia, instituti i kërkimit, tha se kostoja e një pushimi në Itali ishte rritur me një mesatare prej 9% krahasuar me vitin 2022.
Edhe pse shqiptarët vazhdojnë të largohen nga vendi i tyre, të shtyrë kryesisht nga varfëria dhe korrupsioni, vendi po tërhiq vizitorë spanjollë, britanikë, amerikanë “e madje edhe australianë”, tha Rama.
Rama është fokusuar shumë te turizmi vitet e fundit. Hotele të reja kanë dalë dhe një aeroport pritet të hapet në Vlorë vitin e ardhshëm. Shqipëria po bëhet gjithashtu gjithnjë e më e popullarizuar në mesin e udhëtarëve të rinj për skenën e saj të festave, me shtypin italian që e krahason atë me Rimini në vitet 1960.
“Ky është viti i parë që Tirana është e mbushur me njerëz gjatë gjithë vitit, me shumë të rinj që vijnë për të shijuar jetën e natës,” tha Frenkli Prengaj, menaxher i agjencisë turistike Discover Albania në kryeqytetin shqiptar. “Është plot me italianë, spanjollë dhe anglezë. Shqipëria sot ofron një shërbim turistik më të mirë se sa, të themi, pesë apo 10 vjet më parë – dhe fjala kyçe është ‘e lirë’.
Francesco Lollobrigida, ministri i Bujqësisë i Italisë dhe kunati i Melonit, i cili pushoi me të në Puglia, kundërshtoi përpjekjen e Shqipërisë për të konkurruar me Italinë.
“Ne duhet të shpjegojmë se cilësia shpërblehet,” u tha ai gazetarëve . “Prandaj, kur dikush paguan më shumë, do të thotë se ai merr më shumë. Puglia është një përsosmëri… me sa duket, ka vende në bregdetin e Adriatikut që aspirojnë të kenë të njëjtën prirje për të mirëpritur turistët në të njëjtën mënyrë që ka Pulia. Por ajo që gjen në Pulia nuk mund të gjendet atje.”
Ndërkohë, Matteo Salvini, zëvendëskryeministri i Italisë, dukej se po udhëtonte nga zgjedhja e tij e zakonshme për pushimet veriore në Polignano a Mare, një vend ikonik plazhi në Puglia, për të ndarë një selfie me të dashurën e tij në të cilën ai deklaroi: “Che meraviglia !” (sa e mrekullueshme).
Por italianët jo vetëm që po pushojnë vetëm në Shqipëri, por shumë jetojnë atje, të tërhequr nga kostoja më e ulët e jetesës dhe taksat.
“Ka kaq shumë italianë këtu tani sa bëjmë shaka se Shqipëria është rajoni i 21-të i Italisë,” tha Amos Ballico, një operator turistik për Discover Albania, me origjinë nga Veneto. “Dikur ishin kryesisht pensionistë, por tani po vijnë të gjithë”.
Ai tha se vendi tërhoqi shumë nga jugu, kryesisht për shkak të afërsisë dhe marrëdhënieve historike midis të dyve.
Disa njerëz panë postimin e Ramës që krahasonte turistët italianë me shqiptarët e arratisur në Itali në ofensivën e viteve ’90.
“Njerëzve që nuk mund të buzëqeshin dhe ta marrin veten shumë seriozisht, humbasin një pjesë të madhe të dhuratës së mrekullueshme të jetës,” tha ai. “Por pavarësisht kësaj pakice të zhurmshme, postimi ishte vetëm një buzëqeshje në një moment emocionues në rrugëtimin tonë drejt një të ardhmeje më të ndritshme. Tridhjetë vjet më parë ne po shpëtonim nga ferri dhe u shfaqëm në brigjet italiane duke u dukur si të huaj nga një planet tjetër. Në ditët e sotme italianët po shfaqen në brigjet tona… duke pushtuar Shqipërinë butësisht dhe ëmbël”. /TopChannel/ /KultPlus.com
Organizata Botërore e Turizmit e rendit Shqipërinë të tretën për rritjen në turizëm, pas Katarit dhe Arabisë Saudite.
Kryeministri Edi Rama publikoi sot statistikat më të fundit të OBT-së, të cilat i referohen periudhës qershor 2022-qershor 2023.
“Ja edhe tabela krahasuese nga qershori vjet deri në qershorin sivjet, e sapopublikuar nga Organizata Botërore e Turizmit, ku Shqipëria renditet e treta për rritjen në turizëm, pas Katarit dhe Arabisë Saudite, po pa Kupën e Botës”, shkruan Rama.
Sipas INSTAT, numri i turistëve që vizituan Shqipërinë vijoi rritjen edhe përgjatë muajit qershor.
Konkretisht, numri i vizitorëve jorezidentë është rritur me 76.4 % në qershor, krahasuar me qershorin e vitit të shkuar. Në total numri i vizitorëve gjithsej është rritur me 49.7 %, në krahasim me qershorin e 2022.atsh
“Shqipëria është e mrekullueshme”, shkruan gazeta e njohur franceze “L’Est républicain”.
Kryeministri Edi Rama ndau sot në rrjetet sociale shkrimin e botuar nga gazeta franceze e cila thekson se “është koha e duhur për të zbuluar këtë destinacion origjinal dhe të lirë”.
Rama theksoi se “mbi 60 mijë vizitorë francezë kanë zgjedhur Shqipërinë nga janari deri në korrik të këtij viti, plot 56 % më shumë se e njëjta periudhë e vitit të kaluar”.
Në shkrimin e botuar nga francezja “L’Est républicain” thuhet se “Shqipëria është e mahnitshme. Aty ku ndjenja e mirëseardhjes ndriçon buzëqeshjet e njerëzve, në guidën e plotë nga Alpet e veriut dhe Shkodra, për të shkuar nga Tirana në Gjirokastër, në Butrint e në bregdet, në një shëtitje unike, ku brenda një kohe të shkurtër gjen gjithçka për të kaluar pushime fantastike”.
“Shqipëria është një vend malor (70 % e sipërfaqes është e përbërë nga malet). Alpet dinarike, në veri të vendit kulmojnë në 2700 m lartësi. Ato rezistojnë ende të egra dhe pak të frekuentuara. Parku kombëtar i Thethit është një nga vendet që duhet vizituar. Me malet, ujëvarat, shpellat dhe fshatrat si ai i Thethit, me vlera arkitekturore”, thuhet ndër të tjera në shkrimin e “L’Est républicain”.
Gazeta franceze ka përshkruar Alpet, Thethin, liqenin e Komanit, qytetin e Beratit, Shkodrës, Gjirokastrës, Korçës, Butrintit dhe Tiranën./atsh/KultPlus.com
Kolosi mediatik italian TG24 promovon Shqipërinë turisitike përmes një shkrimi që i dedikohet rivierës, nga Velipoja në Sarandë.
Kryeministri Edi Rama ndau sot në rrjetet sociale shkrimin e TG24 që promovon 10 plazhet më të bukura të bregdetit shqiptar.
“10 plazhet më të bukura të bregdetit shqiptar, sipas kolosit mediatik TG24 në Italinë fqinje që përshkon rivieren nga Velipoja në Sarandë, duke e shtuar promovimin e Shqipërisë turistike nga ana tjetër e Adriatikut”, shkruan Rama.
Po ashtu, Kryeministri informoi se mbi 310 mijë turistë italianë kanë frekuentuar Shqipërinë në gjashtë muajt e parë të këtij viti, më shumë se asnjëherë më parë.
“Turistët shijojnë mikpritjen dhe ushqimin fantastik, plazhet dhe natyrën e mrekullueshme, me premtimin për t’u kthyer sërish”, tha Rama.
Ndërsa e cilëson Shqipërinë si Maldivet e Europës, TG24 ndan përshtypjet për 10 plazhet më të bukura të bregdetit shqiptar për pushime me çmime të lira.
TG24 sjell një përshkrim të detajuar të plazheve shqiptare nga Drimadhes, Dhërmi, Ksamil, Gjipe, Borsh, Sarandë e Vlorë në bregdetin jonian, te Velipoja, Shëngjini e Lalzi në bregdetin e Adriatikut./atsh/KultPlus.com
Gjatë ditës joga, gjatë natës festë. Kjo është Kala Festival, që po përpiqet ta bëjë markë Shqipërinë, shkruan Rachel Moss për ”Metro”-n, tabloidin me tirazhin më të madh në Mbretërinë e Bashkuar.
”Reflektimi i hënës që ‘kërcen’ mbi Jon të lë pa frymë dhe muzika është aq e mirë sa stafi ynë po ngjitet në bar për t’iu bashkuar festës. Kjo nuk është ajo që prisja nga udhëtimi im i parë në Shqipëri.
Kur u thoni të afërmve mbi moshën, le të themi, 45 vjeç, se po shkoni në bastionin e ish-komunistëve, ata do të bëjnë një pyetje: a është i sigurt ai?
Megjithëse diktatura e saj ra në vitin 1990, Shqipëria ka luftuar për të marrë vendin që i takon në sytë e pushuesve, pa u ndihmuar nga përmendja e saj e rregullt në Westminster se në vitin 2022, kishte më shumë shqiptarë që aplikonin për azil në MB se çdo kombësi tjetër.
Megjithatë, Shqipëria është bërë një nga destinacionet më të reja evropiane për ata që e njohin, duke tërhequr një rekord prej pesë milionë turistësh vitin e kaluar. Si?
Kala, një festival njëjavor i mbajtur në qytetin bregdetar të Dhërmiut, premton joga ditën dhe kërcimin natën, për një brez të ri vizitorësh që kërkojnë parajsën me pak para’.
Kala e sheh veten si një alternativë luksoze për frekuentuesit e festivaleve. Në vend të një tende, ju mund të zgjidhni nga paketat që ofrojnë hotele me tre, katër ose pesë yje. Harrojini hamburgerët ngjyrë bezhë, pasi restorantet buzë plazhit shërbejnë linguini me fruta deti, sallata të freskëta dhe pica cilësore.
Është një nga disa festivalet që zhvillohen në atë që është quajtur në mënyrë fantastike “Rivera Shqiptare”, me organizatorët që punojnë ngushtë me bordin turistik shqiptar për të riparuar reputacionin ndërkombëtar të vendit.
Deri më tani, kaq i suksesshëm. Por së pari, ju duhet të mbërrini atje…
Dhe ne mbërritëm në hotelin ”Elysium”, të përshëndetur nga stafi i sjellshëm, dushe të ngrohta dhe shtretër të rehatshëm.
Të nesërmen, shoqja ime ishte e para që hapi perdet. “Duhet ta shihni këtë pamje!” tha ajo.
Dhe kishte të drejtë. Vija bregdetare e Dhërmiut është thjesht mahnitëse.
Hoteli është rreth 15 minuta në këmbë nga vendi i festivalit, ku do të gjeni katër skena kryesore. ”Klubi i jahteve” (pothuajse gjithmonë bosh), ”The Cove” (piktoresk, por me guralecë), ”Empire” (skena kryesore me grupe të drejtpërdrejta, kërcimtarë dhe vibe të mira gjithëpërfshirëse) dhe ”Splendor” (vendi që duhet të jetë për setet e DJ-ve të zhytur në dritën e hënës, ku festa vazhdon derisa të lind dielli).
Formacioni përmban një përzierje eklektike të shtëpisë, disko, funk, tekno dhe gjithçka ndërmjet tyre.
Të preferuarat tona përfshinin orkestrën ”Dele Sosimi Afrobeat” (argëtim infektiv me një anë të saksit) DJ Yu Su (i këndshëm i nënvlerësuar), Paula Tape (ai set ikonik me dritë hëne që i bëri të gjithë të kërcejnë) dhe një shfaqje pop-up nga CC:DISCO në një restorant picash (ju duhet të doni një DJ që nuk e merr veten shumë seriozisht)…
Nëse kjo nuk ju pëlqen, mund të merrni një varkë në plazhin e bukur të Gjipesë, të çlodheni për mbrëmjen me joga në perëndim të diellit, të bëheni kreativ me prosecco dhe pikturë ose të vizitoni spa-në buzë ujit. Vetëm mbani mend, të gjitha këto aktivitete do t’ju kushtojnë shtesë, me çmime që fillojnë nga gjashtë paund deri në 35 paund për një masazh 30-minutësh.
Organizatorët e Kala deklarojnë me krenari se një qëndrim për shtatë netë në festival fillon nga vetëm 299 paund për person, duke përfshirë një rrip dore të festivalit. Kjo nuk përfshin fluturimet ose transferimet dhe për të përfituar vërtet sa më shumë nga ajo që ofrohet, do t’ju duhet të shpenzoni më shumë.
Megjithatë, atmosfera është jashtëzakonisht miqësore. Natyra butik e festivalit – i cili mirëpret maksimumi 3 000 të ftuar në krahasim me 200 000 të Glastonbury – do të thotë që ju shihni të njëjtat fytyra vazhdimisht dhe përjetoni një ndjenjë komuniteti.
Gjithashtu ndiheni tepër i sigurt. Posterat përreth faqes u kujtojnë njerëzve se ngacmimi dhe urrejtja nuk do të tolerohen.
Nuk e kam parë kurrë atë nivel të kujdesit për sigurinë dhe mirëqenien e grave në asnjë festival në Mbretërinë e Bashkuar.
Si dëshmi se sa fort qeveria shqiptare po i lidh shpresat e saj te Kala Festival, Mirela Kumbaro Furxhi, ministrja e Turizmit dhe Mjedisit, mbërrin për të folur në një sallë gazetarësh për planet turistike të Dhërmiut.
”Standardi profesional ndoshta nuk është më i miri në botë, por kompensohet nga mikpritja”, thotë ajo, duke pranuar se Shqipëria është ende një lojtare e re në këtë lojë.
Ajo e përshkruan vendin si ‘lulja’ e pazbuluar ose Evropa gati për të lulëzuar.
Pra, pse ajo mendon se disa shqiptarë ende rrezikojnë jetën e tyre për t’u larguar?
”Sepse është shumë e vështirë të marrësh një vizë britanike”, më thotë ajo.
”Ata nuk po rrezikojnë jetën e tyre për të shkuar në Francë. Shumë shqiptarë emigrojnë, për shembull, në Gjermani, sepse Gjermania ka një sistem të rregulluar me rregulla. Ju nuk e keni këtë mundësi. Nëse po krijoni një sistem, më normal, më të arritshëm, siç ka Gjermania, Franca apo Italia, askush nuk do të udhëtonte me varka të vogla”, shton ajo.
”Ka perceptime të gabuara nga të dyja palët”, shton ajo, mes britanikëve se si është Shqipëria dhe mes shqiptarëve se si është Britania e Madhe.
”Në Britaninë e Madhe, perceptimi i krijuar nga politikanët, duke përdorur kanalet mediatike, është perceptimi se e gjithë Shqipëria po vjen në MB. Jo, jo dhe jo”, thekson Kumbaro.
”Është kaq e vështirë të ndryshosh mentalitetin dhe të ndryshosh perceptimin në Shqipëri dhe në Britaninë e Madhe. Por, kjo është ‘lufta’. Ne kemi fituar disa beteja, por jo luftën”, thotë Kumbaro.
Më pëlqeu shumë Kala Festival. Me muzikë të mirë, ushqim të mirë, një ditë të mbushur me aktivitete dhe një sfond mahnitës dhe nuk mund të kërkosh më shumë. Siç tha një turist francez “pa ankesa, pa keqardhje”./atsh/KultPlus.com
Shqipëria po njeh fluks të lartë turistësh këtë sezon veror, ndërsa autoritetet në vend kanë deklaruar se vetëm përmes portës së Rinasit në vend pritet të hyjnë mbi 8 milionë të huaj, me qëllim turizmin.
President i ATHS-së Besnik Vathi, në një intervistë për ATSH-në flet për një sezon të mbarë, madje ai shton se fluksi i lartë i turistëve i ka gjetur të papërgatitur.
“Askush, as me operatorët turistik, as qeveria nuk ishim të përgatitur për një fluks kaq të lartë turistësh”, thotë ai.
Vathi, rendit disa nga arsyet se pse Shqipëria është sot një destinacion mjaft i kërkuar.
Sipas tij, infrastruktura aeroportuale dhe shtimi i operimit të linjave të fluturimet “low cost” kanë luajtur rol parësor, ndërsa promovimi perms medies sociale është një tjetër faktor. Madje këto dy faktorë, Vathi i konsideron si revolucione.
“Situata në vitin 2023 parashikohet të jetë më e mira që ka pasur ndonjëherë Shqipëria. Arsyet të cilat na kanë sjellë në këtë situate janë kryesisht hapja e madhe e aeroportit të Tiranës, fillimi i fluturimeve “low cost” dhe rritja me 2 deri në 3 herë e qyteteve me të cilat ka fluturime direkte nga Tirana, në raport me vitin para pandemisë. Ndërkohë gjatë pandemisë filluan fluturimet direkte nga Lindja e Mesme” , u shpreh kreu i ATHS-së për ATSH.
Kjo, sipas tij, ka bërë që Shqipëria të përfitojë një numër në rritje të turistëve. Vathi shprehet optimist se Shqipëria do të vijojë të ketë sezone turistike verore të suksesshme si për sa i përket shifrave edhe të ardhurave.
“Kjo situatë do të vijojë edhe në vitet e ardhshme dhe numrat jo vetëm që do të mbeten këto që janë, por do të ketë një rritje progressive nga viti në vit”, thekson ai.
Kreu i ATHS-së, tregon dhe për rolin që kanë luajtur mediet sociale.
“Kësaj situate duhet t’i shtohet edhe revolucioni tjetër që kanë sjellë mediet online, që pa e pasur të nevojshme të paguash, shpërndajnë informacion për situatën, bukuritë, kushtet, bëjnë krahasime të çmimeve në destinancione të ndryshme, dhe shpërndajnë informacion. Në rrjetet sociale nuk konkurrojmë se kush paguan më shumë, se sa me cilësitë që ka një destinacion. Për shembull: nëse ti publikon një foto nga Ksamili, Valbona, Thethi a Tirana, të huaj të shumtë do të ndikohen në vendimin e tyre për ta vizituar. Disa të tjerë do të shkruajnë dhe japin informacion. Kjo është në fakt një reklamë që shumëfishon në mënyrë të natyrshme ato avantazhe cilësore në raport me vendet e tjera”, thotë Vathi.
Ai u ndal dhe në disa nga problematikat me të cilat përballet ky sektor.
“Bizneset, qeveria, vendi, askush nuk ishte i përgatitur për këtë fluks kaq të lartë. Duhet të kesh punonjës dhe ti kesh të trajnuar. Duhet të kesh kapacitetet për t’I transportuar, sepse nuk bëhet fjalë për tu përgatitur sot për nesër. Njëkohësisht duhet përmirësuar transporti, qytetas dhe ai ndërqytetas. Trafiku është një tjetër element që duhet përmirësuar”, shprehet Vathi për ATSH.
Numri i shtetasve të huaj që vizituan Shqipërinë gjatë 6-mujorit të parë të këtij viti arriti 3.396.932.
Referuar raportit të publikuar nga Instituti i Statistikave (INSTAT), ky numër është rritur me 33 %, krahasuar me të njëjtën periudhë të vitit 2022.
Vetëm gjatë muajit qershor, numri i shtetasve të huaj që kanë hyrë në territorin shqiptar është 1.007.033. Ky numër është rritur me 15 %, krahasuar me qershor 2022.
Ndërkohë, numri i shtetasve shqiptarë të dalë nga territori i Shqipërisë gjatë gjashtëmujorit të parë 2023, është 3.024.102, duke u rritur me 20 %, krahasuar me të njëjtën periudhë të një viti më parë.
Në qershor 2023, rajoni me numrin më të lartë të hyrjeve të shtetasve të huaj në Shqipëri është rajoni i Evropës me 954.389 shtetas, pasuar nga Amerika, Azia Lindore dhe Paqësori, përkatësisht me 30.082 dhe 8.971 shtetas./atsh/KultPlus.com
Do të jetë Franca, Spanja, Italia apo Shqipëria në krye këtë vit?
Sipas agjencive të ndryshme turistike dhe ANWB-së (Shoqata Mbretërore Holandeze e Udhëtimeve), Shqipëria po bëhet një destinacion gjithnjë e më popullor pushimesh, shkruan faqja e njohur informative holandeze rtlnieuws.nl.
Vitin e kaluar vendi ishte kaq shumë i popullarizuar sa që disa agjenci udhëtimesh ishin mbushur plot.
Wladimir Meijer i ”Albania Travel” thotë se është e vështirë se mund të përballojë kërkesën për vendin.
Dikur ai filloi të organizonte udhëtime në Mal të Zi dhe më pas shtoi Shqipërinë.
“Njerëzit ishin aq të kënaqur me atë rajon sa vendosëm të ofrojmë udhëtime vetëm në Shqipëri,” tha ai për Editie NL.
Meijer thotë se shet aktualisht pesë herë më shumë udhëtime në atë vend.
”Krahasuar me vitin e kaluar, madje kemi një rritje prej 50 për qind. Vendi është padyshim në ngritje, këtë vit jemi tërësisht të shitur”, thekson Meijer.
Operatori turistik lokal Isuf Braho nga ”Visit Albania” po sheh gjithashtu gjithnjë e më shumë holandezë që vijnë në vendin e tij.
”Ne shohim që numri i holandezëve që vijnë në Shqipëri dyfishohet çdo vit”, tha ai për Editie NL.
”Pyeta shumë turistë se si erdhën në Shqipëri si destinacion. Ata thanë se nuk e kishin idenë se do të kishte një ndikim kaq të madh te ta”, thekson ai.
Prandaj Brahos i pëlqen të shohë holandezët të vijnë.
“Ata janë turistë të mirë. Ne kemi shumë male dhe shumë det dhe kjo tërheq njerëz të këndshëm”, shton Braho.
ANWB sheh gjithashtu një interes në rritje për Shqipërinë si një destinacion.
Sipas ekspertit televiziv Ron Vergouwen, programet televizive mund ta bëjnë një vend të popullarizuar për shkak të mënyrës se si ai portretizohet.
“Televizioni është një udhërrëfyes i madh pushimesh”, i thotë ai Editie NL.
”Gjithçka është filmuar aq bukur, sa asnjë broshurë udhëtimi nuk mund ta konkurrojë atë”, thotë ai.
Por jo vetëm programi televiziv ka luajtur një rol.
Meijer gjithashtu sheh një kulm për shkak të Covid-19.
“Njerëzit që shkonin me pushime aventureske në Vietnam ose Kamboxhia, për shembull, tani janë pak më afër shtëpisë. Gjithnjë e më shumë njerëz po kërkojnë diçka ndryshe nga destinacionet e zakonshme dhe duan një eksperiencë autentike. Këtë mund ta gjeni në Shqipëri”, thekson Meijer.
”Shqipëria është vendi i fundit që u hap pas rënies së Bashkimit Sovjetik dhe ajo konsiderohej edhe Koreja e Veriut e Evropës. Mendohet gjithashtu se ka kriminalitet, por njerëzit që kthehen nga pushimet nga Shqipëria, na bëjnë të ditur se janë pritur shkëlqyeshëm”, përfundon Meijer./atsh/KultPlus.com
Shqipëria është një përvojë unike dhe destinacion i preferuar i turistëve nga Holanda. Kërkesat për të vizituar Shqipërinë janë rritur me 50 %. Agjencitë janë të gjitha të rezervuara.
Kështu raporton revista holandeze “RTL News”, njoftoi sot në rrjetet sociale, Ministria për Europën dhe Punët e Jashtme, duke theksuar se edhe një prej “Reality show” më të ndjekur në Holandë u regjistrua në vendin tonë.
“Reality show më i ndjekur në Holandë ‘Wie is de Mol?’ regjistrimet e të cilit u zhvilluan në destinacionet më të bukura të vendit tone, ngjalli mjaft kuriozitet në sytë e publikut holandez, duke e kthyer Shqipërinë në një prej destinacioneve më të preferuara për t’u vizituar”, njofton Ministria për Europën dhe Punët e Jashtme.
“Sipas RTL News, këtë vit kërkesat për të vizituar Shqipërinë janë rritur me 50 % dhe të gjitha agjencitë janë të rezervuara. Sot, gjithnjë e më shumë turistët po kërkojnë diçka ndryshe nga destinacionet e zakonshme dhe duan një përvojë autentike”, njofton Ministria e Jashtme, duke iu referuar shkrimit të revistës holandeze.
“Kultura, tradita, bujaria, mikpritja, uji i kristaltë, ajri i pastër, Alpet e larta, kaltërsia e Adriatikut dhe Jonit, trashëgimitë kulturore të mbrojtura nga UNESCO si dhe kulinaria e pasur e kanë kthyer Shqipërinë në një prej destinacioneve më unike për t’u vizituar, një përvojë autentike jo vetëm për turistët hollandez, por për turistët nga e gjithë bota”, përfundon njoftimi i Ministrisë për Europën dhe Punët e Jashtme./atsh/KultPlus.com
