Edi Rama kryeministri shqiptar, mëngjesin e së mërkurës ka publikuar vulën e akteve shtetërorë të Skënderbeut, shkruan KultPlus.
“MIRËMËNGJES
dhe me këtë imazh spektakolar të vulës së akteve shtetërore të Gjergj Kastrioti Skënderbeut (që mund ta kundroni sot në sallën e krijuar enkas në Pallatin e Kongreseve, në këtë 17 janar të 550-të të vdekjes së Heroit Kombëtar), ju uroj një ditë të mbarë”, ka shkruar Edi Rama.
Muzeu i hapur te Pallati i Kongreseve do të vizitohet ditën e mërkurë dhe të enjte nga ora 10:00 deri në 22:00 të mbrëmjes.
Në të mund të shihni imazhe të Skënderbeut dhe artefakte autentike pjesërisht të pashfaqur më parë, me rastin e 550 vjetorit të vdekjes se Gjergj Kastriotit Skënderbeut./ KultPlus.com