Etiketë: situata pandemike

Ministri Vitia: Nuk do të ketë lirim të masave

Posted on by Kult Plus

Ministri i Shëndetësisë, Arben Vitia ka thënë për media se nuk do të ketë lirim të masave Anti-COVID.

Ai ka thënë se nuk do të ketë lirim të masave në një situatë të brishtë epidemiologjike në të cilën ndodhet vendi.

Përndryshe, ai ka treguar se sot do të takohet me Komitetin për Koordinim dhe Vlerësim të situatës me COVID-19 ku do të diskutohet për masat.

“Më 13 shtator është afati i cili e kemi përcaktuar për masa në vendimin e fundit të qeverisë kur janë marrë këto masa, natyrisht në këtë kuadër dje dhe pardje kam pasur takime të shumta edhe me ministritë e linjës duke përfshirë në veçanti, Ministrinë e Arsimit Shkencës dhe Teknologjisë dhe sot kemi edhe takimin e Komitetit për Koordinimin dhe Vlerësimin e situatës me COVID-19 ku do të diskutohen këto çështje në raport me masat. Sipas situatës epidemiologjike momentale, nuk pritet që do të ketë lehtësim të masave, mirëpo natyrisht kjo do të jetë një përfundim pas takimit me Komitetin  dhe natyrisht pas këtij takimi me ekspertët e fushës dhe rekomandimet e IKSHPK. Nuk do të ketë lirim të masave në asnjë mënyrë derisa të kemi një situatë të brishtë”, ka theksuar ai.

Përndryshe, Vitia ka thënë se kanë hartuar planin për ngritjen e kapaciteteve shtesë spitalore dhe fushore në rast të emergjencave shëndetësore.

Megjithëse ai ka thënë se bazuar në situatën e krijuar ditëve të fundit besojnë se një gjë e tillë nuk do të jetë e nevojshme.

“Duke i pasur parasysh rrethanat kemi hartuar planin për ngritje të kapaciteteve shtesë spitalore dhe fushore, nëse një gjë e tillë do të jetë e nevojshme në bashkëpunim me shërbimet tjera që të inkuadrohen në rast të emergjencave shëndetësore, pavarësisht se bazuar në ditët e fundit besojmë thellë se kjo nuk do të jetë as e nevojshme”, ka thënë ai./KultPlus.com

Vitia: Moshat e reja po kanë simptoma të rënda nga varianti Delta

Posted on by Kult Plus

Ministri i Shëndetësisë, Arben Vitia ka thënë para mediave se varianti Delta i COVID-19 është shumë më agresiv se variantet tjera dhe se ai po i prek edhe moshat e reja.

Vitia ka thënë se një pjesë e të rinjve të infektuar po kanë edhe simptoma të rënda.

 “Duket se në mesin e qytetarëve por jo vetëm është krijuar një ide se ky variant edhe pse po shpërndahet më shpejtë është më i lehtë se variantet paraprake. Me shumë keqardhje më duhet të ju them se kjo nuk është aspak e vërtetë. Ky variant në studimet e fundit tregon se përveç shpërndarjes shumë më të shpejtë se variantet tjera paraprake, është edhe një nga viruset më agresive respiratore për momentin. Shpërndarja e tij është me e shpejt se sa gripi i zakonshëm, dhe ekuivalentë me linë e ujit që është sëmundja më ngjitëse që njehë sot shkenca. Një pjesë e madhe e moshave të reja po kanë simptome edhe të rënda”, ka thënë ai.

Vitia është shprehur se kjo ka ndikuar edhe që të përkeqësohet situata në spitale për një kohë shumë të shkurtër.

“Kjo natyrisht ka përkeqësuar situatën edhe në spitalet tona ku për një kohë shumë të shkurtër janë mbushur me pacientë me COVID. Gjatë takimit me komitetin e SHSKUK, kjo ishte brenga kryesore e profesionistëve tanë. Fal angazhimit të personelit shëndetësorë në spitale janë rritur kapacitetet dhe përkundër vështirësive të shumta me të cilët po përballen ata, situata është në kontroll”, ka shtuar ai.

Vitia ka kërkuar nga qytetarët që të vaksinohen, e pasi të marrin dy dozat e vaksinës të presin deri në 14 ditë që vaksina të bëj punën e saj./KultPlus.com

Media austriake: Teste PCR fals, party pa fund, Kosova shokohet nga virusi

Posted on by Kult Plus

Festa të pafundme, teste false PCR dhe pothuajse asnjë vaksinim: numri i rasteve shpërtheu në Kosovë gjatë verës – dhe të kthyerit e sollën Coronan në shtëpi me ta, shkruan media austriake Heute.

Pak para pushimeve verore, qeveria kosovare hoqi pothuajse të gjitha masat e koronës. Dikush nuk donte të kalonte vera përsëri pa biznesin e rëndësishëm me vizitorët nga diaspora. Në fakt, shumë njerëz udhëtuan si kurrë më parë, shkruan “SonntagsZeitung”. Vetëm në korrik, 446,340 pasagjerë zbarkuan në Prishtinë – pothuajse dy herë më shumë se në vitet para-Coronas.

Kishte një atmosferë festash në vend: diskotekat dhe restorantet ishin të mbushura, dasma dhe festime po zhvilloheshin kudo. Kushtet ideale për variantin Delta, i cili u përhap me shpejtësi, në fund të fundit, pothuajse askush nuk u vaksinua. As vendasit, shumica e të cilëve nuk kishin pasur ende mundësi për ta bërë këtë, as kosovarët e diasporës që kishin mbërritur dhe të cilët vetëm pak i kishin përdorur vaksinat në vendin e tyre të adoptuar.

Mysafirët e pushimeve shtuan numra

Deri më 20 korrik, pothuajse askush nuk ishte testuar pozitiv në Kosovë. Vetëm pas mbërritjes së shumë mysafirëve të pushimeve – të cilët gjithashtu ishin në gjendje të udhëtonin me aeroplan pa asnjë provë testimi – numrat shpërthyen. Deri më sot, vendi nuk ka qenë në gjendje të ngadalësojë rritjen eksponenciale të vrisuit. Në Austri, numri i rasteve u rrit vetëm në fund të festave.

Të kthyerit gjithashtu e sollën virusin në Austri, në disa raste me teste të rreme PCR, siç vazhdon gazeta. Kosova ka mbetur me përqindje të larta të vdekjeve dhe një sistem shëndetësor të mbingarkuar. Në renditjen globale të rasteve të koronës, aktualisht janë tre vende në Ballkanin Perëndimor ndër 5 vendet e para, siç tregojnë shifrat aktuale që janë në dispozicion.

Kurba rritet me shpejtësi në Kosovë

Kosova është në vendin e dytë me një kurbe prej 746, e ndjekur në vendin e katërt dhe të pestë nga Mali i Zi me 558 dhe Maqedonia e Veriut me 339. Shumica e rasteve të koronës në Austri ndodhën kohët e fundit në mesin e pushuesve të kthyer nga Maqedonia e Veriut. Një total prej 866 infeksionesh u regjistruan këtu, që është një plus i plotë prej 477 në krahasim me dy javët e mëparshme. Rastet e Kosovës madje u rritën nga 253 në 799.

Kishte gjithashtu një rritje të qartë të numrit të të kthyerve nga Turqia, kurba atje është 165. Këtu, u regjistruan 662 raste, që është një rritje prej 259. Kroacia është gjithashtu në fushën e parë me 683 raste (+92) – a rritje e qartë E njëjta vlen edhe për ata që kthehen nga Serbi, ku u raportuan 397 (+250) infeksione./KultPlus.com

Kryeministri Kurti thotë se edhe të vaksinuarit bartin virusin: Ata që marrin vaksinën të kenë kujdes për dy javë

Posted on by Kult Plus

Kryeministri i Kosovës, Albin Kurti, ka thënë në konferencën për medie se është problematike rritja e rasteve me Covid-19 në vend ndërkohë që ka bërë thirrje për kujdes.

Ai ka thënë se fakti që një qytetar ka marrë një dozë të vaksinës, nuk do të thotë se kujdesi i tij duhet të bie.

Kurti po ashtu ka thënë se qytetarët duhet t’i besojnë edhe vaksinën AstraZeneca, për të cilën thotë se ka me bollëk në krahasim me atë Pfizer të cilët qytetarët po e besojnë më shumë.

“Fakti që dikush është i vaksinuar ndonëse është i mbrojtur nuk e zvogëluar bartjen e virusit., bartës dhe shpërndarës mund të jesh edhe i vaksinuar. Një lloj disipline që duhet të jetë dy herë dy jave për qytetarët e republikës. I bëj thirrje të gjithë qytetarëve. Pas vaksinimit. Dy javë duhet të ketë kujdes maksimal. Nuk funksionon ashtu që të marrësh vaksinen dhe të jesh totalisht i pakujdesshëm. Në bazë të dhënave që kemi marrë është një numër i madh i qytetarëve që pasi kanë marrë njërën vaksinë nuk e kanë pasur disiplinën e duhur dy javore. Problemi tjetër që kemi është se kemi shumë vaksina të mbetura të llojit AstraZeneca ndërkohë që kemi pak të atyre Pfizer. Unë dhe ministrat kemi marrë dy doza Astra Zeneca dhe ajo nuk qëndron aspak prapa vaksinës tjetër. Inkurajoj qytetarët që të marrin edhe këtë vaksinë pasi është shumë e sigurtë. Varianti Delta është problematik dhe është duke u shpërndarë me të madhe. 0.81% kanë qenë të vaksinuar së paku me një dozë. Prej fillimit të muajit deri pardje. Kemi dhjetëfishim të rasteve të atyre që janë infektuar me Covid”, shtoi ai./KultPlus.com

Merret vendimi, mësimi shtyhet deri më 13 shtator

Posted on by Kult Plus

Takimi mes ministrit të Shëndetësisë, Arben Vitia dhe kryetarëve të komunave ka mbaruar.

Kryetari i Asociacionit të Komunave të Kosovës,  Sazan Ibrahimi ka thënë për Express se në takim është vendosur për masat e reja kundër COVID-19.

Përveç masave të reja është caktuar që të shtyhet viti i ri shkollor deri më 13 shtator.

“Mësimi po shtyhet deri më 13 shtator. Gastronomia do të punojë deri në orën 21.30. Ndërsa do të vendoset edhe ora policore nga ora 22:00 deri në prën 05:00. 1 mijë e 16 punëtorë shëndetesore dhe inspektorë do të shtohen. Kërkesa e komunave rreth furnizimit me barna do te plotësohet, pra 92 per qind e kërkesave par furnizim do të plotësohen. Ne si Asociacion kërkuam shtimin e inspektorëve komunal që masat të zbatohen si dhe hapjen e qendrave të reja të vaksinimit, ministri tha se kjo varet prej numrit të vaksinave. Kërkesa jonë ishte edhe që të bëhet decentralizimi i rekrutimit të personelit”, ka shtuar ai./KultPlus.com

Mbyllje dhe orë policore, këto janë masat që pritet të merren pas përkeqësimit të gjendjes me Covid-19

Posted on by Kult Plus

Numri i madh i rasteve dhe i viktimave si pasojë e COVID-19 ka bërë që Ministria e Shëndetësisë të shqyrtojë miratimin e masave më strikte anti COVID.

Lajmin e ka bërë të ditur Oda e Hotelierisë dhe Turizmit, e cila sot ka zhvilluar një takim me ministrin e Shëndetësisë, Arben Vitia.

Në kuadër të masave të reja është paraparë edhe rikthimi i orës policore.

Këto masa do të zgjasin nga 1 deri më 13 shtator.

Sipas Odës së Hotelierisë dhe Turizmit, këto janë disa nga masat që do të merren:

• Orari i punës do të reduktohet për një orë nga 22:30 në 21:30;

• Gastronomia do të funksionojë vetëm me hapësirat e jashtme, dhe vetëm 70% të hapësirës;

• Në qendrat tregtare gastronomia nuk do të funksionojë fare;

• Sallat e dasmave, klubet e natës, kinematë dhe të tjera do të vazhdojnë të jenë plotësisht të mbyllura;

• Seminaret dhe konferencat në hapësira të mbyllura mund të mbahen vetëm deri në 30 persona;

• Ora policore do të jetë nga ora 22:00 deri në ora 5:00 të mëngjesit../KultPlus.com

Rreth 60 mijë punëtorë e humbën vendin e punës gjatë pandemisë

Posted on by Kult Plus

Ish-kryetari i Odës Ekonomike të Kosovës (OEK), Safet Gërxhaliu, ka thënë se në Kosovë, si shkak i pandemisë, rreth 60 mijë persona kanë humbur vendin e punës. Ndërsa, kreu i Sindikatës së Sektorit Privat, Jusuf Azemi, thotë se masat e reja të ndërmarra nga Qeveria do të ndikojnë që të ketë humbje deri në 70 milionë euro.

Madje, ai thotë se duhet një analizë e thellë sa i përket mbylljes sepse duhet ditur se si të mbështetet sektori privat.

“Vetë fakti që kemi rreth 60 mijë punëtorë të papunë, dhe vetë fakti që do të ketë rënie të qarkullimit qoftë në gastronomi qoftë në hotele besoj që janë indikatorët kyç që dhënë hapësirë për shqetësim”, tha Gërxhaliu për Ekonomia Online, transmeton KultPlus.

“Në këtë drejtim besoj që duhet një analizë dhe kur të kemi mbyllje duhet të dimë se si të mbështetet sektori privat se vetëm mbyllja nuk është zgjidhje. Në Kosovë nuk kemi problem vetëm me të infektuar, problem është kush i monitoron të infektuarit, si përcillen ata të cilët e bartin infektimit te të tjerët. Prandaj duhet një data bazë e mirëfilltë duhet një monitorim”.

Përderisa kreu i Sindikatës së Sektorit Privat, Jusuf Azemi, thotë se masat e reja të ndërmarra nga Qeveria do të ndikojnë që të ketë humbje deri në 70 milionë euro.

“Nëse marrim statistikat e vitit të kaluar ne kemi humbje mbi 1 miliard euro. Nëse flasim për mbylljen që është bërë diku 70 milionë do të kemi humbje për mbyllje dy javore, për të cilat Qeveria e Kosovës ka marrë vendim. Edhe për punëtorët ka qenë e paraparë që të përfitojnë, por ky përfitim nuk ka shkuar në llogarinë  e punëtorëve. Krejt kjo po bëhet me dëme në të gjitha fushat e punëtorëve të sektorit privat dhe faturën përfundimtarë po e paguajmë ne”, tha Azemi.

“Qeveria e Kosovës e ka ndarë pakon emergjente, pakon për rimëkëmbje ekonomike, por megjithatë te punëtorët e sektorëve privat shumë pak ka qenë e ndikueshme, sepse mjetet nuk kanë shkuar në fondin e tyre. Edhe tani mendojmë që para se të bëhej mbyllja nga Qeveria është dashtë që paraprakisht të stimulohen punëtorët dhe kompanitë dhe pastaj të merret vendim. Këto humbje do të na kushtojmë ne dhe punëtorëve”.

Sipas vendimit të Qeverisë nga data 7 deri në 18 prill, shërbimet e gastronomisë obligohen të pezullojnë aktivitetin e tyre. Këto biznese do të lejohen të punojnë vetëm me shërbimet “merr me vete”, “dërgesë me porosi”, apo marrjes së porosive pa u larguar nga makinat. Po ashtu, do t’u ndalohet veprimtaria qendrave të mbyllura tregtare, përveç shërbimeve esenciale në kuadër të tyre, siç janë dyqanet ushqimore dhe farmacitë. / KultPlus.com