Etiketë: SkupiFestival

Mbrëmë në kuadër të Skupifestivalit u shfaq monodrama “Nizhinski”, e interpretuar nga aktori Filip Ristovski, i lindur  në qytetin e Manstirit, por që jeton dhe vepron me dekada në Bukuresht të Rumanisë,  ngjesh momente më sublime nga një  ditar 200 faqesh i shkruar nga artisti Vaclav Nizhinski.

I mbërthyer mes krijimit dhe dëshpërimit, balerinit dhe koreografit të famshëm botërorë Vaslav Nizhinski. I lindur në Kiev në 1889, ai ishte një nga artistët më të rëndësishëm të shekullit 20-të dhe një nga balerinët më të mëdhenj në botë.

Ai pra revolucionarizoi baletin klasik përmes formave jokonvencionale të shprehjes, Nizhinski u idolizua për rolet e tij, duke u bërë I famshëm dhe i quajtur si “Zoti i Kërcimit ”  nga bashkëkohësit e tij. Në këtë shfaqje, Nizhinski  portretizohet në momentet kur ai ishte në kufirin mes normalitetit dhe çmendurisë.

Duke ndjerë humbjen e afërt të kontaktit me realitetin, Nizhinski  bën një përpjekje të dëshpëruara për të përcjellë mesazhin e tij nëpër botë, duke shkruar ashpër për dy muaj rresht, në një përpjekje për të shpëtuar veten dhe krijimin e tij nga harresa. Pas më pak se tre muajsh, ai u mbyll në një azil psikiatrik prej nga  nuk doli më kurrë, ku edhe vdiq 30 vjet më vonë.

 Sot programi i FNT Skupifestivalit vazhdon me punëtorinë teatrore me regjisoren nga Turqia, Senem Xhehver, kryefjala e kësaj punëtorie do të jetë  interpretimin me maskë.

Ndërsa të shtunën, pra në natën e fundit të Skupifestivalit po në ora 20:00, do të shfaqet “Grimca Elementare”, me autor Majkëll Huellebek, në regji të

Kris Sharkov, në interpretimin nga Teodora Duhovnikova, Zhaklin Daskallova, Dimitar Nikollov, Martin Dimitrov, Elena Ivanova, Sllavena Zajkova, Darina Radeva. Produksion i  Teatri kombëtar Ivan Vazov, Sofje  Bullgari./KultPlus.com

Skupifestival në natën e tretë me radhë vazhdoi me shfaqjen teatrore nga CIE. Toula Limnaios nga Berlini i Gjermanisë, është e frymëzuar nga krijimtaria muzikore e Gustav Majer dhe i kushtohet “fëmijëve të pluhurit”, që në njëfarë mënyre jemi ne.

Ata janë të ngulitur thellë në kujtimet tona individuale dhe universal, në “staubkinder” (fëmijët e pluhurit), ne e lëmë veten të na dërgojnë në një botë absurde dhe konfuze. Një botë e ngjashme me tonën, më  kritike në aspektet e së tashmes, në kompleksitetin e të sotshmes dhe kjo hapësirë e pasigurt e quajtur e ardhme. “Fëmijët e pluhurit”  ku po kërkojnë një strehë, tokën ku këmbët e tyre qëndrojnë është e huaj për ta. Shqetësuese dhe poetike në të njëjtën kohë. 

Ekziston një pikturë nga Pol Kle e quajtur “Engjulli i Ri”. Ajo përshkruan një engjëll që duket sikur do të largohet nga diçka që po e shikon , ai ndoshta nuk do të donte të zgjatej, të zgjonte të vdekurit dhe të bashkonte atë që është copëtuar.

Por një stuhi fryn nga parajsa e kap për krahët e tij aq të fortë, sa engjëlli nuk mund t’i mbyllë më. Kjo stuhi e shtyn atë në mënyrë të pashmangshme drejt së ardhmes, së cilës ai ia kthen shpinën, ndërsa grumbulli i rrënojave para tij rritet drejt qiellit. E ajo që ne e quajmë progres është kjo stuhia.

 Sonte në natën e radhës, gjithashtu në teatrin shqiptar Shkup në ra 20:00, Skupifestival në program ka shfaqjen “Nizhinski”  nga L’ Amphitheatro & Oh DA! Bukuresht, Rumani./KultPlus.com

Mbrëmë në natën e dytë të Skupifestivalit u shfaq pjesa teatrore “Nyja e Gidionit” është një dramë emocionuese, që të nxit në mendime e bazuar në veprën e një prej dramaturgëve më të njohur dhe më të vlerësuar nga kritika letrare amerikane, Johnna Adams. 

Shfaqja teatrore “Nyja e Gidionit”, e përshtatur nga teksti i dramaturges amerikane Johnna Adams dhe regji të Selma Alispahić. Nëna e Gidion, Korin dhe mësuesja e tij Hedher përballen me të gjitha pyetjet komplekse dhe sfidat e të rinjve që rriten sot.

Takimi i tyre shkaktohet nga akti i Gidionit, një pikë pa kthim, ku gjërat nuk mund të jenë më kurrë të njëjta. Ashtu si në realitetin ku jetojmë, kërkimi i përgjigjeve fillon vetëm pasi problemet grumbullohen në një pikë ku pyetjet e thjeshta nuk mund të ofrojnë përgjigje të thjeshta.

Klasa ku takohen nëna dhe mësuesja bëhet një skenë përballjeje me përgjegjësi personale dhe sistematike në procesin e rritjes dhe edukimit të të rinjve. Çfarë dimë dhe çfarë mendojmë se dimë për fëmijët tanë? A kemi kohë t’i shikojmë me kujdes dhe të dëgjojmë se çfarë kanë për të thënë? Sa mund të angazhohen vërtet mësuesit me secilin fëmijë individualisht?

Shfaqja trajton pyetje dhe çështje të ndezura që lidhen me sistemin shkollor, lirinë e shprehjes, dhunën e bashkëmoshatarëve, lirinë krijuese, ndikimin e mësuesve, rolet e prindërve dhe përgjegjësitë e të dy palëve. Kërkimi i përgjigjeve e ngatërron më tej “nyjën gordiane” apo çon në zbërthimin e saj? Ky vendim i lihet të merret nga vet shikuesi. Por një gjë është më se e sigurt, ajo nyje nuk mund të pritet dhe ne si pjesë e shoqërisë duhet të bëjmë gjithçka që është e mundur që ajo të mos ngatërrohet. Pra, të gjithë ne jemi përgjegjës për këtë.

Sonte programi i Skupifestivalit vazhdon me shfaqjen “Fëmijët nga pluhuri”, e prodhuar nga CIE Toula Limnaios nga Berlin, Gjermani./KultPlus.com

Mbrëmë në skenën e Teatrin Shqiptar Shkup, u hap edicioni i 18-të i FNT Skupifestivalit. Në hapjen solemne morën pjesë numër i konsiderueshm artdashësish sidomos atij teatrorë, si dhe musafirë të festivalit nga vendi dhe jashtë.

Në hapjen solemne drejtori i Skupifestivalit Muzbajdin Qamili- Muçi, shpalosi programin e këtij ediocioni, falemderoi të pranishmit për mbështetjen dhe pjësmarrjen e vazhdueshme ndër vite.

Programi  vazhdoi me shfaqjen “1984”, vepër nga autori Xhorxh Orwell, me regji të francezit Igor Menxhiski. Shfaqja që u soll në Skupifestival nga Teatri Kombëtar i Kosovës, e cila  flet për fuqinë, identitetin, vetminë dhe kërkimin për veten përmes kërkimit për të tjerët. Në të eksplorohet dashuria, politika, fëmijëria dhe telashet e saj.

Ky këndvështrim është një satirë, e cila me kalimin e viteve është shëndrruar në një roman pritjeje, një afresk metafizik, të gjallë, të frikshëm dhe prekës. Si çdo roman i madh, ky rrëfim mban brenda vetes të gjitha temat kryesore të gjendjes njerëzore, ndoshta me një dëshirë për të parandaluar të keqen. Sipas konceptit regjisorial të Menxhiskit, fokusi në këtë shfaqje është historia e dashurisë në mes të Vinstonit dhe Julias. Por e gjithë satira dhe parashikimi që e karakterizojnë këtë vepër, janë pothuajse gjatë gjithë kohës në këtë shfaqje, ku flitet për politikën, për fuqinë, për ligjin, për këtë histori dashurie.

Në role janë Adrian Morina, Arta Selimi, Basri Lushtaku, Edona Reshitaj, Flaka Latifi, Shpejtim Kastrati, Xhejlane Godanci dhe Ylber Bardhi. Skenograf në shfaqje Mentor Berisha, kostumografe Yllka Brada, kompozitor Trimor Dhomi.

Sonte në natën e dytë të Skupivestivalit gjithnjë në ora 20:00, po në teatrin shqiptar në Shkup, do të vazhdojë me shfaqjen teatrore “Nyja e Gidionit”, përshtatur nga vepra e dramaturges amerikane Johnna Adams dhe regji të Selma Alispahić, inskenuar nga Produkuksioni Intermeco & Mess Sarajevë- Bosna dhe Hercegovina./KultPlus.com

“SkupiFestival” do të nis të hënën,  dhe deri më 19 tetor do të prezantohen gjashtë projekte teatrale, shkruan KultPlus.

Me drejtor Muzbajdin Qamili, ky edicion i këtij festivali do të nis më shfaqjen  “1984” nga Teatri Kombëtar I Kosovës, shfaqje kjo me autor Xhorxh Orvell e regji të Igor Mendijski, për të përfunduar ky edicion me paraqitjen e trupës bullgare, të cilët do të prezantojnë shfaqjen “Grimca elementare”.

Në këtë edicion shfaqjet do të vlerësohen nga juria në përbërje të:  Handan Salta, Keti Doncevska dhe Drita Kaba Karaga. / KultPlus.com

FNT Skupifestival, do nis edicionin e 14 me radhë nga data 17  deri më 22 shtator. Hapja solemne do të bëhet në hapësirat e Kurshumli Han-it.

Në njoftimi e bërë nga ana e organizatorëve tregohet se në natën e parë të festivalit do të jepet shfaqja ‘Kutia e Zezë’ nga Paolo Genovese e inskenuar nga teatri  Migjeni nga Shkodra.

Gjithashtu në këtë vit i gjithë programi i festivalit do të organizohet në hapësirat e Kurshumli Han-it në Çarshinë e Shkupit, në ambient të hapur të shtyrë edhe për shkak të situatës së shkaktuar nga pandemia.

“Programi i sivjetshëm është i selektuar me një larmi dramaturgjike që ka për bazë në thelb fatin e njeriut karshi stuhive të ndryshme nga jeta. Si dhe sfidat e ndryshme nga jeta sociale, ekonomike e politike, ku  vjen në pah mendimi kritik i njeriut të thjeshtë karshi fenomeneve të reja”, thuhet në njoftimin për media.

Krahas shfaqjes ‘Kutia e Zezë’, në program janë përfshirë edhe “Anomalia gramatikore ” nga Frania Petrinovich , që do të vihet në skenë Teatri Kombëtar nga Novi Sad,  Serbi “E gjithë dashuria ime” nga Laurent Mauvignier ,Teatri i Luftës në Sarajevë, Bosnjë dhe Hercegovinë, “Zgjimi i Pranverës” nga Frank Wedekind  që do të vihet në skenë nga Teatri Kombëtar i Kosovës si dhe nga Bullgaria vjen  shfaqja “Pula” nga A. P. Chehov dhe Niloay Kolyada, Spam Studios Sofje.

Në njoftim thuhet se FNT Skupifestival ka edhe karakter garues,  ku juria e përzgjedhur  vendos për shfaqjen më të mirë të festivalit. Juria e edicionit të sivjetëm të këtij festivali përbëhet nga aktorja Amernis Nokshiqi, gazetarja për kulturë Evis Halili,si dhe regjisorja Natasha Popllavska./ KultPlus.com