Përmes rrjetit social Facebook, drejtori i Seminarit Ndërkombëtar për Gjuhën, Letërsinë dhe Kulturën Shqiptare, Rrahman Paçarizi, ka njoftuar se revista e SNGJLKSH, është pranuar në njërën nga platformat më prestigjioze të revistave shkencore EBSCO, shkruan KultPlus.
Krejt kjo sipas tij, u bë e mundur falë angazhimit të dekanes Lindita Rugoba dhe për shkak të cilësisë së pakontestueshme që ka revista e institucionit më të madh dhe më me traditë të shkencave albanologjike.
“Ky është një moment i rëndësishëm i pranimit të cilësisë, angazhimit dhe traditës së Seminarit Ndërkombëtar për Gjuhën, Letërsinë dhe Kulturën Shqiptare. Si drejtor i SNGJLKSH falënderoj dekanen Lindita Rugova, prodekanet Alba Blakaj, e Nysret Krasniqi, ish-bashkedrejtoren Aljula Jubani, bashkedrejtoren Dhurata Shehri dhe të gjithë bashkëpunëtoret dhe kontribuesit kryesore që nga Idriz Ajeti, Rexhep Ismajli, Zejnullah Rrahmani, Sabri Hamiti, Rexhep Qosja, Kujtim Shala e deri te pararendësi im akademik Bardh Rugova i cili bëri hapat e parë drejt kësaj arritjeje.
Urime!”, ka shkruar Paçarizi./ KultPlus.com