Etiketë: Sopranoja shqiptare

120 vite nga lindja e sopranos së njohur shqiptare, Gjyzepina Kosturi

Posted on by Kult Plus

Gjyzepina Kosturi ishte një nga themelueset e artit operistik shqiptar. Sopranoja e talentuar Kosturi lindi më 12 prill 1902, në Shkodër, në një familje shkodrane në Tivar dhe është Artiste e Merituar.

Ajo u diplomua nga Konservatori “Santa Cecilia” e Romës. Pas kthimit në atdhe, ashtu si shumë artistë të tjerë edhe ajo u angazhua me koncerte të ndryshme nëpër qytetet kryesore të Shqipërisë së bashku me pionierët e kantos shqiptare.

Me hapjen e Liceut Artistik “Jordan Misja” në Tiranë në vitin 1946, Gjyzepina është një ndër pedagoget e para të kantos dhe më pas edhe një ndër pedagoget e para të Konservatorit Shtetëror të Tiranës.

Me krijimin e Teatrit të Operas në vitin 1953, Gjyzepina Kosturi u bë një ndër solistet e para të këtij teatri duke dhënë kontributin e saj të çmuar në këtë teatër në interpretime me nivel të lartë artistik dhe muzikor. Gjyzepina Kosturi si një artiste e madhe operistike, shquhej me zërin dramatik, me diksionin e pastër dhe për teknikën e lartë të interpretimit.

Merr pjesë që në operan e parë “Rusallka” (1953), të vënë në vendin tonë nga ky teatër, me rolin e Knjagina; për të vazhduar me rolin e Ludmillës nga opera “Nusja e shitur”1956; Violetta nga “La Traviata” 1956, Santuzza në “Cavalleria Rusticana” 1958; Tatiana tek “Evgjeni Onjegin” 1959 dhe kulmin e karrierës së saj artistike në interpretimin e Cio-Cio San në operan “Madama Butterfly” 1961 si dhe Donika në operan “Skenderbeu”1968.

Edhe në jetën koncertale Gjyzepina Kosturi ka një aktivitet të pasur artistik, si brenda , ashtu dhe jashtë vendit. Këngët popullore, ariet, romancat etj. që janë interpretuar prej saj në skena të ndryshme, dëshmuan për një artiste të madhe. Por kontributi i saj i madh është pedagogjia, si në Liceun Artistik, ashtu edhe në Konservatorit, ku ajo përgatiti me nivele të lartë, breza solistësh të TOB, që u bënë shtylla kryesore e këtij teatri.

Për kontributin e saj të çmuar në fushën e artit tonë operistik, ajo është nderuar me urdhra, çmime dhe mban titullin “Artiste e Merituar”. / KultPlus.com

Elbenita Kajtazi: Rrugës për Kosovë, rruga ma e mirë e ma e dashtun që unë marrë ndonjëherë

Posted on by Kult Plus

Sopranoja shqiptare, Elbenita Kajtazi së fundmi ka bërë të ditur se po rikthehet në Kosovë, me ç’rast ajo ka falënderuar miqtë e saj të dashur që e kanë mbështetur atë me rastin e debutimit të saj të fundit, përcjell KultPlus.

“Rrugës për Kosovë, rruga ma e mirë e ma e dashtun që unë marrë ndonjëherë, me e ndje përqafimin e nënës e me ec bregut të Ibrit”, ka shkruar ajo.

Më poshtë gjeni postimin e saj të plotë:

Rrugës për Kosovë, rruga ma e mirë e ma e dashtun që unë marrë ndonjëherë, me e ndje përqafimin e nënës, me ec bregut të Ibrit, me pi atë kafen e mëngjesit me babën , me u përla me @bardh_kajtazi po edhe me e puth fort, me i bo presion @kajtazi_laura me i jep provimet me 10 , me e përqafu @mirjetakajtazi fort!

Kosova më mungon gjithmonë shumë, por fatmirësisht ja dal të vi shpesh.

Nga zemra i falemnderoj të gjithë miqt e mi të dashtun që më kanë mbështetur shumë me rastin e debutimit tim të fundit! / KultPlus.com

Sopranoja shqiptare Ermonela Jaho shpërblehet me mirënjohje nga organizata e Oviedos në Spanjë

Posted on by Kult Plus


Sopranoja shqiptare me famë botërore Ermonela Jaho e cila gjithmonë shkëlqen dhe mahnit me performancat e veçanta, së fundmi ka arritur edhe një sukses tjetër, shkruan KultPlus.

Sporanoja shqiptare ka arritur të marë një mirënjohje nga organizata Astutian Lyrical Association Alfredo Kraus.

“Sot më shumë se kurrë, na duhet shpirti ynë të lidhet dhe mënyra më e mirë për ta bërë këtë, është muzika dhe arti, sepse ato na mësojnë të ndjejmë, të vlerësojmë gjërat e bukura dhe të jemi në harmoni me njëri-tjetrin”, ka shkruar ajo.

Më poshtë KultPlus ju sjell njoftimin e saj të plotë:

Jam shumë e emocionuar, që kam nderin, të marr këtë mirënjohje nga Asturian Lyrical Association Alfredo Kraus. Që nga momenti i parë që këndova në Oviedo, ndjeva një lidhje shumë të veçantë. Dhe unë jam vërtet mirënjohëse ndaj jush, për dashurinë tuaj për artin dhe artistët.

Sot më shumë se kurrë, na duhet shpirti ynë të lidhet dhe mënyra më e mirë për ta bërë këtë, është muzika dhe arti, sepse ato na mësojnë të ndjejmë, të vlerësojmë gjërat e bukura dhe të jemi në harmoni me njëri-tjetrin.

Njerëzimi ushqehet dhe rritet me kulturë, dhe është trashëgimia më e mirë që mund t’ua lëmë gjeneratave të reja. Ashtu siç bënë artistët e mëdhenj si Alfredo Kraus, la Callas ose la Caballé.

Ju falënderoj për këtë njohje, që do të thotë shumë për mua, sepse do të më japë akoma më shumë forcë për të përmirësuar dhe për të lënë shpirtin tim, të shprehet lirshëm në skenë.

Rroftë muzika dhe rroftë opera. Faleminderit, me gjithë zemër. / KultPlus.com

Sopranoja Marigona Qerkezi nën rolin e ‘Leonoras’ do të debutoj në Teatrin Shtetëror të Kroacisë në Zagreb

Posted on by Kult Plus

Sopranoja shqiptare Marigona Qerkezi së shpejti do të debutoj në Teatrin Shtetëror të Kroacisë në Zagreb, përcjell KultPlus.

Pikërisht në qytetin e saj të lindjes, ajo do të interpretoj rolin e ‘Leonoras’ nga opera “Il Trovatore” e Giuseppe Verdit, nën dirigjimin e Maestro Pier Giorgio Morandi dhe regjinë e Arnaud Bernard.

“Lajm i mrekullueshëm
Po e filloj vitin me një angazhim shumë të rëndësishëm për mua.
Shfaqjet janë më 19 / 22 dhe 26 Janar 2022.
Mirësevini“, ka shkruar tutje ajo në njoftimin e bërë në rrjetin social Facebook. / KultPlus.com

Ermonela Jaho së shpejti me interpretimin e operës Adriana Lecouvreur

Posted on by Kult Plus

Opera Adriana Lecouvreur do të vij në interpretimin e sopranos shqiptare Ermonela Jaho.

Në datat 22,25 dhe 29 tetor dhe 2, 5 nëntor Jaho do të performojë në Austri në teatrin e operas, Vienna State Opera.

Së fundmi soprano Jaho ka qenë gjithashtu në kopertinën e revistës “Opera Noë” ku ka folur për jetën e saj, karrierën, sfidat dhe guximin “Një jetë vërtetësie dhe guximi”.

Një javë më parë Jaho ka performuar në “Teatro de la Maestranza” në Spanjë, ku u shpreh se e veçanta koncertit ishte prania e publikut, i cili prej kohësh i ka munguar artistëve. / KultPlus.com

Ermonela Jaho mahnit publikun në “Teatro de la Maestranza” në Spanjë (VIDEO)

Posted on by Kult Plus

Soprano e njohur shqiptare Ermonela Jaho ka performuar mbrëmjen e djeshme në “Teatro de la Maestranza” në Spanjë.

E veccanta e këtij koncerti ishte prania e publikut, i cili prej kohësh i ka munguar artistëve.

“Faleminderit të gjithëve të përfshirë në këtë prodhim të bukur të “Madam Butterfly”. Sa më ka marrë malli për teatrin me publik, si jehona e të kënduarit tim, si pasqyra e interpretimit tim. Faleminderit që u rikthyet”, ka shkruar Jaho në rrjetin social Facebook./ KultPlus.com

Ana Naqe, sopranoja shqiptare tashmë pjesë e një filmi

Posted on by Kult Plus

Sopranoja shqiptare Ana Naqe, jeton dhe ushtron aktivitetin e saj artistik në Belgjikë. Artistja e mirënjohur vazhdon me interpretimet e saj në skenat evropiane, pas pak kohësh ajo do të jetë aktive në fushën e kinematografisë, duke u bërë dhe pjesë e një filmi.

Në një intervistë për emisionin “Vizioni i pasdites”, ajo tregon për fillimet, karrierën dhe angazhimet e ardhshme.

“Në moshë shumë të vogël, 13 vjeçe, shkova të bëja master klas dhe koncerte me violinë në Belgjikë. Aty krijova lidhjet dhe mundësitë që të mund të studioja në shkollë të mesme”, shprehet ajo.

“Prindërit e mi janë dashamirës të muzikës klasike, ndaj kishin shumë dëshirë të kishin një fëmijë që të merrej me muzikë. Aktualisht jam edhe mësuese muzike në Belgjikë. Karriera si soprano është ajo që më ka bërë të njohur. Profesioni jonë të detyron të udhëtosh shumë dhe të njohësh vende të ndryshme”, shprehet Ana Naqe.

“Për çdo projekt të ri, unë duhet të bëj audicione dhe në të shumtën e rasteve kam fituar, por ka edhe raste që nuk jam përzgjedhur”, tregon soprano shqiptare.

Teksa flet për artistët shqiptarë të njohur në botë Ana Naqe tregon se Shqipëria ka një pasuri të madhe me zëra të larmishëm: “Vendi ynë është shumë i pasur me zëra të larmishëm, ndaj edhe në botë vlerësohen maksimalisht. Në vendet nordike ka nevojë për zëra të tillë. Muzika jonë folklorike ka ndikuar në këtë pasuri. Dëshira ime ka qenë të jem artiste dhe të jem në skenë dhe sigurisht jam shumë e lumtur me arritjet e mia dhe kam dëshirë të vazhdoj dhe të jap më të mirën time.”

“Projekti për filmin nisi si shfaqje teatri dhe mua më ftuan si aktore dhe këngëtare në fillim dhe më pas një regjisor tjetër mori përsipër që të bëhej film dhe unë u bëra pjesë e këtij filmi. Filmi do të jepet në televizion ndërkombëtar të Belgjikës me datë 30 prill. Pjesë e filmit janë aktorë të njohur që kanë fituar shumë çmime. Gjithashtu kam qenë pjesë e një filmi turk, një film që flet për emigrantët”, tregon artistja shqiptare në Belgjikë. / Diaspora shqiptare / KultPlus.com

Ermonela Jaho rikthehet në skenë me ‘Përrallat e Hoffman’

Posted on by Kult Plus

Sopranoja shqiptare me famë botërore Ermonela Jaho vjen me një performancë të re ‘Gran Teatre’, Liceu Barcelonë.

Nga sot deri në 1 shkurt, ajo do të interpretojë në rolin e Antonias në operan “Përrallat e Hoffmann” të Jacques Offenbach.

“Faleminderit Spanja dhe Katalunja për mbajtjen e teatrove të hapura gjatë këtyre kohëve të vështira. Zoti e di se sa shumë kemi nevojë për art këto ditë”, shkruan sopranoja shqiptare në rrjetin social Facebook.

Në tetor të 2020-tës Ermonela Jaho shkëlqeu në shfaqjet e saj në Greqi, e më pas së bashku me Saimir Pirgun në Gjermani.

Pavarësisht pandemisë që bllokoi skenat e teatrove në mbarë botën, 2020 padyshim ishte viti i Ermonela Jahos, pasi sukseseve të saj i shtoi edhe albumin, të parin për të, “Anima Rara” i cili u rendit nga “Sunday Times” në 100 regjistrimet më të mira të vitit. / KultPlus.com