Etiketë: SOS Fshati

Kryeministri Kurti dhe ministrja Haxhiu vizitojnë Kampin Veror për fuqizim të Familjes

Posted on by KultPlus

Kryeministri Kurti dhe ministrja Haxhiu kanë vizituar Kampin Veror për fuqizim të Familjes. Për këtë vizitë ka njoftuar ministrja Haxhiu.

“Së bashku me kryeministrin, ishim për vizitë në Kampin Veror për Fuqizim të Familjes.

Në këtë aktivitet të organizuar nga SOS Fshatrat e Kosovës, pjesëmarrës ishin më shumë se 40 fëmijë të cilët përmes lojës shprehnin talentet e tyre në art, sport dhe fusha tjera.

Jam e lumtur që Ministria e Drejtësisë në këto dy vitet e fundit ka adresuar një pjesë të reformës në shërbime sociale dhe familjare dhe të ngrisë fondet për këto shërbime.

Janë këta fëmijë të cilët kanë nevojë për shërbime cilësore, prandaj ne do të vazhdojmë me përkushtim maksimal të punojmë në drejtim të realizimit të reformës së plotë të shërbimeve sociale”./ KultPlus.com

SOS Fshati pranon donacion një parcelë tokë

Posted on by Kult Plus

Një histori e pabesueshme e dashurisë dhe përkushtimit ndaj kauzës që asnjë fëmijë të mos rritet i vetëm është shkruar nga një njeri i veçantë, miku i SOS Fshatit, Artan Hasani.

Ai, një punëtor, prind i përkushtuar dhe mbështetës i atyre që kanë nevojë, ka treguar anën e tij solidare, duke bërë një dhurim jashtëzakonisht të veçantë, një parcelë toke për fëmijët e SOS Fshatit.

Ky donacion është i veçantë jo vetëm për shkak të vlerës materiale të parcelës së tokës, por mbi të gjitha për ndjenjën e qëndrueshmërisë që sjell me vete. Artani ka kuptuar se jeta nuk është vetëm për të marrë, por edhe për të dhënë, për të ndarë dhe për të ndihmuar ata që kanë më shumë nevojë.

Fëmijët e SOS Fshatit tashmë e kanë në zemër pushimin dimëror dhe veror, por me këtë parcelë të dhuruar nga Artani, ata do të kenë një shtëpi pushimi të veçantë për familjet e tyre. Megjithatë, rruga për të arritur këtë ëndërr është ende e vështirë. Planifikimi arkitekturor, ndërtimi dhe mobilimi janë sfidat e ardhshme që duhet të përballen.

“Por me solidaritetin dhe mbështetjen e miqve, mund të të ndërtojmë një shtëpi pushimi që do të mbetet një vend i magjishëm për fëmijët e SOS Fshatit. Faleminderit, Artan, për shembullin e jashtëzakonshëm të dhurimit dhe për tregimin që bën mbi fuqinë e një njeriu për të ndryshuar jetë”, thuhet në njoftimin nga SOS Fshati. / KultPlus.com

Biznesi vendor APR ofron donacion për SOS Fshatin e Fëmijëve

Posted on by Kult Plus

APR – Asistencë e Përgjithshme Rrugore, ka ofruar asistencë rrugore të përgjithshme pa pagesë për një periudhe një vjeçare për nevojat e SOS Fshatrave, shkruan KultPlus.

Me këtë veprim, APR si biznes privat tregon një përgjegjësi për organizatat, e në këtë rast me SOS Fshatin e Fëmijëve.

Për këtë donacion kanë njoftuar nga SOS Fshatrat e Fëmijëve duke shprehur falënderimin e tyre dhe njëkohësisht duke treguar se kujdesi dhe mbrojtja e fëmijëve në nevojë do të ishte e pamundur pa përkrahjen e njerëzve vullnet mirë dhe bizneseve vendore.

“Puna në SOS Fshatrat e Fëmijëve në Kosovë si dhe kujdesi dhe mbrojtja e fëmijëve në nevojë do të ishte e pamundur pa përkrahjen e njerëzve vullnet mirë dhe bizneseve vendore.

Miqtë tanë edhe përkundër sfidave ekonomike dhe pandemisë vazhdojnë të jenë përkrah nesh dhe fëmijëve tanë.

Kësaj radhe ishte biznesi vendor APR – Asistencë e Përgjithshme Rrugore i cili ka ofruar asistence rrugore të përgjithshme pa pagesë për një periudhe një vjeçare për nevojat e SOS Fshatrave.

”Me kaq shumë miqë të mirë, fëmijët tanë ndihen edhe më të sigurtë dhe më të fortë’‘, shkruan në faqen zyrtare të SOS fshatit. / KultPlus.com