Etiketë: Spacex

SpaceX po ndërton një rrjet spiun satelitësh nga të cilët ‘askush nuk do të mund të fshihet’

Posted on by Kult Plus

Ndërsa ende po shqyrtonte pasojat e nisjes së suksesshme të Starship të SpaceX (edhe pse anija kozmike përfundimisht humbi), është publikuar një raport interesant që zbulon disa nga punët më të fshehta që SpaceX bën për qeverinë amerikane.

Siç raporton Reuters, SpaceX po bashkëpunon me Zyrën Kombëtare të Zbulimit të SHBA për të ndërtuar një flotë satelitësh spiunazhi. Kontrata me vlerë 1.8 miliardë dollarë dyshohet se është nënshkruar në vitin 2021 dhe informacionet për të janë shfaqur vetëm tani në publik.

Satelitët spiun janë ndërtuar në shtëpi nga divizioni Starshield i SpaceX, i cili është përgjegjës për menaxhimin e satelitëve Starlink. Sipas raportit, plani është krijimi i një rrjeti prej njëqind satelitësh që duhet të kenë aftësinë për të regjistruar Tokën, por që mund të veprojnë edhe si një tufë në orbita të ulëta. Me sa duket, satelitët duhet të jenë aq të saktë sa askush nuk do të mund t’u fshihet atyre.

Ai duhet t’i mundësojë qeverisë amerikane të kapë me shpejtësi imazhe të vazhdueshme të operacioneve në terren kudo në botë.

Sipas Reuters, një duzinë prototipa të këtyre satelitëve të rinj janë tashmë në orbitë. Ata u lëshuan me raketa Falcon 9, ndoshta së bashku me satelitët komercialë.

Për momentin, nuk dihet se kur do të hyjë në përdorim ky grup satelitësh./alsatm/KultPlus.com

Starship i SpaceX niset për fluturimin e tretë testues

Posted on by Kult Plus

Starship-i pa pilot, sistemi më i madh i raketave i ndërtuar ndonjëherë, u ngrit sot nga porti i “SpaceX”në Teksas për një fluturim të tretë testues pas dy përpjekjeve të mëparshme të dështuara.

Fluturimi testues i sistemit të zhvilluar nga kompania hapësinore e miliarderit, Elon Musk ishte planifikuar të zgjaste rreth një orë, me të dyja fazat e raketave të caktuara për të kryer një ulje të kontrolluar në det më pas.

Gjatë testit të parë prillin e kaluar, i gjithë sistemi raketor shpërtheu pas disa minutash.

Ndërsa gjatë testit të dytë në nëntor, dy shkallët e raketës u ndanë dhe shkalla e sipërme vazhdoi të fluturonte, por më pas të dyja shpërthyen veçmas.

Starship-i,  i përbërë nga përforcuesi “Super Heavy” afërsisht 70 metra i gjatë dhe shkalla e sipërme afërsisht 50 metra e gjatë, e quajtur gjithashtu “Starship” u projektua për të mundësuar misione me njerëz në Hënë dhe Mars.

Sistemi është zhvilluar në mënyrë të tillë që anija kozmike dhe raketa të ripërdoren pas kthimit në Tokë.

“Starship” rreth 120 metra i gjatë në total, duhet të jetë në gjendje të transportojë mbi 100 tonë mallra në të ardhmen.

Agjencia amerikane e hapësirës NASA dëshiron të përdorë sistemin për të çuar astronautët në Hënë, ndërsa “SpaceX” shpreson të arrijë Marsin një ditë./KultPlus.com

SpaceX lanson dy grupe tjera satelitësh Starlink nga brigjet amerikane

Posted on by Kult Plus

Së fundmi, SpaceX ka lëshuar dy grupe tjera të satelitëve Starlink nga brigjet e SHBA-së.

Raketa e parë Falcon 9 me 23 anije kozmike u nis nga Qendra Hapësinore Kennedy e NASA-s në Florida, ndërsa raketa tjetër me 22 satelitë u nis nga Baza e Forcave Hapësinore Vandenberg në Kaliforni.

Siç pritej, të dy fazat e para të Falcon 9 u rikthyen në Tokë rreth 8.5 minuta pas ngritjes.

Ndërkohë, pjesët e sipërme të raketës vazhduan të ngjiteshin në orbitën e ulët të Tokës, për të vendosur dy grupet e satelitëve në hapësirë.

Këto ishin lëshimet e teta dhe të nënta të vitit për SpaceX, e cila synon të kryejë 144 misione orbitale në vitin 2024.

Në përputhje me planin ambicioz të kompanisë, një tjetër mision është planifikuar të nisë më 30 janar për të dërguar anijen robotike të ngarkesave Cygnus të Northrop Grumman drejt Stacionit Ndërkombëtar të Hapësirës.

Ndryshe, ky mision thuhet se filloi në një përvjetor të zymtë, pasi në të njëjtën datë 38 vite më parë anija kozmike e NASA-s Challenger u shpërbë dy minuta pas ngritjes, duke vrarë shtatë astronautët në bord./GazetaEpress/ KultPlus.com

SpaceX lëshon 23 satelitë Starlink nga Florida

Posted on by Kult Plus

Së fundmi, SpaceX ka lëshuar 23 satelitë të tjerë Starlink në orbitë.

Raketa Falcon 9 që mbante anijen kozmike Starlink, u ngrit nga Stacioni i Forcave Hapësinore Cape Canaveral në Florida.

Gjatë fazës së parë, raketa u kthye në tokë rreth 8,5 minuta pas ngritjes, duke shënuar nisjen dhe uljen e 16-të për këtë përforcues të veçantë.

Ndërkohë, faza e radhës vazhdoi të dërgojë 23 satelitët Starlink në orbitën e ulët të Tokës.

Ky ishte lëshimi i tretë orbital i vitit 2024 për SpaceX, por jo i fundit.

Kjo pasi kompania hapësinore synon të nisë edhe 144 misione të tjera, të cilat do të thyejnë rekordin prej 98 misioneve në vitin 2023./ALSATM/KultPlus.com

Një DJ, YouTuber dhe reper K-pop pritet të udhëtojnë në hënë me SpaceX

Posted on by Kult Plus

Një DJ komercial, reperi K-pop dhe një YouTuber hapësinor do të shkojnë në një udhëtim rreth hënës, pasi ata u zgjodhën nga një miliarder japonez për një fluturim privat të SpaceX, përcjell KultPlus.

Biznesmeni Yusaku Maezawa zbuloi ekuipazhin e tij të premten pas një kërkimi global për individë krijues vitin e kaluar.

DJ amerikan Steve Aoki dhe ylli korean TOP janë zgjedhjet më të profilit të lartë, shkruan BBC.

Fluturimi, i planifikuar për vitin e ardhshëm, mund të jetë udhëtimi i parë i njerëzve në hënë që nga viti 1972.

Anëtarët e tjerë të shpallur të misionit DearMoon janë:

TOP (Choi Seung hyun), një reper i K-pop-it dhe ish-udhëheqës i grupit Big Bang (Kore e Jugut)
Valltarja dhe koreografi Yemi A.D (Republika Çeke)
Fotografi Rhiannon Adam (Irlandë)
Fotografi i jetës së egër Karim Iliya (MB)
Regjisori Brendan Hall (SHBA)
Aktori Dev Joshi (Indi)

Fluturimi i propozuar do të shihte një anije kozmike rreth Hënës, derisa udhëtimi do të zgjaste tetë ditë nga nisja deri në kthim.

Megjithatë, rregullatorët amerikanë nuk kanë dhënë ende leje për raketën Starship nga kompania SpaceX e Elon Musk, me të cilën supozohet të udhëtojë ekuipazhi.

Anija nuk është miratuar as për një udhëtim orbital rreth Tokës dhe është ndalur për 18 muajt e fundit në Teksas, pasi përfundoi një nisje provë në maj 2021. /KultPlus.com

SpaceX kthen katër astronautë në Tokë

Posted on by Kult Plus

Katër astronautë u kthyen në Tokë të hënën me kapsulën e kompanisë SpaceX, duke i dhënë fund një misioni 200-ditor në stacionin hapësinor që filloi në pranverë.

Kapsula e tyre zbriti në mbrëmje pranë brigjeve të Gjirit të Meksikës në Pensakola të Floridës, pas një udhëtimi tetë orësh nga Stacioni Ndërkombëtar i Hapësirës.

Kthimi i tyre i hap rrugën nisjes të mërkurën të katër astronautëve të tjerë në Stacionin Ndërkombëtar të Hapësirës.

Nisja e astronautëve, që do të zëvendësojnë kolegët e tyre të sapokthyer, ishte planifikuar të ndodhte më herët, por NASA ndryshoi planet për shkak të motit të keq dhe gjendjes mjekësore të njërit prej astronautëve.

Katër astronautët që pritet të nisen të mërkurën, do të qëndrojnë gjashtë muaj në hapësirë. Ata do të mirëpriten nga vetëm një astronaut amerikan dhe dy rusë, që tani ndodhen në Stacionin Ndërkombëtar të Hapësirës. / KultPlus.com

Katër astronautë kthehen në Tokë me kapsulën SpaceX

Posted on by Kult Plus

Katër astronautë u kthyen pa probleme të dielën në Tokë pas një misioni në Stacionin Ndërkombëtare të Hapësirës.

Astronautët mbërritën me kapsulën Crew Dragon të kompanisë SpaceX, duke zbritur me parashutë në ujërat e Gjirit të Meksikës, tha NASA.

Kthimi i tyre shënon misionin e parë të kapsulës Dragon nga kompania SpaceX për të dërguar e sjellë astronautë nga qëndrimet disa mujore në hapësirë. Misioni përfaqëson një bashkëpunim publik-privat mes kompanisë raketore SpaceX të sipërmarrësit Elon Musk dhe agjencisë federale amerikane për eksplorimin e hapësirës NASA.

Ekuipazhi me astronautët amerikanë Michael Hopkins, Victor Glover dhe Shannon Walker, si dhe astronautin japonez Soichi Noguchi u nisën nga Qendra Kennedy në Florida më 15 nëntor me raketën e SpaceX-it, Falcon 9.

Kapsula ra sot në det në orët e para të ditës pranë brigjeve perëndimore të Floridas./ KultPlus.com

‘SpaceX’ do ta dërgojë gruan e parë në Hënë

Posted on by Kult Plus

Agjencia amerikane e hapësirës, NASA, e ka përzgjedhur kompaninë e miliarderit Elon Musk, “SpaceX”, për ta ndërtuar anijen kozmike që do ta dërgojë gruan e parë në Hënë.

NASA e bëri njoftimin zyrtar të premten. Kontrata për ndërtimin e anijes kozimike nga “SpaceX” e ka vlerën e 2.9 miliardë dollarëve, që është shifër shumë më e ulët sesa ato që ofruan kompanitë rivale.

Në garën për ta fituar këtë projekt, kompania e Elon Musk-ut e mposhti kompaninë e miliarderit tjetër amerikan, Jeff Bezos, “Blue Origin”, shkruan Daily Mail, transmeton KultPlus.

Deklarata zyrtare e NASA-s konfirmoi se kompania “SpaceX” do të jetë e vetmja që do t’i dërgojë njerëzit përsëri në Hënë për herë të parë pas misionit “Apollo” para 48 vjetësh.

Misioni që do të quhet “Artemis” dhe që pritet të realizohet në vitin 2024 do të përfshijë katër persona që do të udhëtojnë me anijen kozmike “Orion”. Posa të futen në orbitë, dy anëtarë të ekuipazhit do të transferohen në sistemin për lëshimin e njerëzve dhe do ta vazhdojnë fluturimin drejt Hënës.

Pas rreth një jave të eksplorimit të sipërfaqes së Hënës, ata do të kkthehen në orbitë për t’u futur përsëri në anijen kozmike “Orion” dhe bashkë me dy anëtarët tjerë të ekuipazhit do të kthehen në Tokë. / KultPlus.com