Etiketë: Struge

Shkrimtari Abedini, libër për ruajtjen e gjuhës shqipe dhe traditave jashtë kufijve

Posted on by KultPlus

Shkrimtari Ibrahim Abedini nga Struga, i cili jeton në Suedi zgjodhi Korçën për të promovuar librin e tij të fundit “17 tregime dhe 1 përrallë”.

Ruajtja e gjuhës shqipe, e traditave dhe zakoneve në trevat shqiptare jashtë kufirit është tema e librit e trajtuar nga Abedini dhe në fokus ka shqiptarin e thjeshtë dhe patriot, që mbron edhe me gjak, po qe nevoja, identitetin e tij kombëtar.

Të rinjtë interpretuan disa pasazhe nga libri “17 tregime dhe 1 përrallë”, si edhe poezi të shkruara nga shkrimtari Abedini.

Në fund të këtij takimi letrar, shkrimtari Ibrahim Abedini ju dhuroi të rinjve disa kopje të librit me autografin e tij dhe ju premtoi se do të rikthehet sërish në Korçë. /atsh/ KultPlus.com


Lexohet shqip për herë të parë në Strugë

Posted on by KultPlus

Pas, thuajse gjashtë dekadash tradite, “Mbrëmjet strugane të poezisë” folën shqip. Për herë të parë, poezia “T’ga za jug” u lexua edhe në gjuhën shqipe. Në hapjen e festivalit mbrëmjen e djehsme, veç gjuhës maqedonase dhe asaj angleze, sikurse ka është hasur në praktikën e deritanishme, mund të dëgjohej edhe gjuha shqipe.

Më pas, drejtori i festivalit foli në gjuhën maqedonase dhe përkthimi në shqip, për pjesëmarrësit përcillej në formë të shkruar në video-bim. Në të njëjtën mënyrë, gjuha shqipe u përdor në leximin e mesazhit poetik. Ministri i Kulturës, nga ana tjetër foli në shqip, maqedonisht dhe anglisht.

“Poetët veprojnë përmes fjalës së tyre, pasi fjalët e tyre janë tashmë vepra. Aktet poetike përmes të cilave e vërteta dhe kuptimi janë mishëruar në bukurinë para të cilës magjepsemi”, – deklaroi Todorçe Tasevski, drejtor i festivalit “Mbrëmjet strugane të poezisë”.

Ndërkohë, fituese e “Kurorës së artë” në festivalin “Mbrëmjet strugane të poezisë”, në edicionin e 58-të, është poetesha rumune./konica.al/ KultPlus.com

Ansambli i Gjilanit triumfon në festivalin “Këngë Jeho” në Strugë

Posted on by KultPlus

Ansambli Gjilani pas paraqitjeve dhe sukseseve të njëpasnjëshme të kohëve të fundit, mori pjesë në natën finale në Festivalin e Këngës dhe Valles shqipe “Këngë Jeho 2019” në Strugë.

Ansambli është paraqitur me valle burimore nga treva shqiptare dhe kolazh vallesh kosovare nga grupi i valltarëve ne krye me valltarin e mirënjohur Rifat Idrizi, me këngë te përzgjedhura nga mjeshtri Murat Ismajli e aranzhimet e Burhan Azizi dhe orkestrës profesioniste, ku interpretuan këngëtarët me një bagazh te jashtëzakonshëm si Qemajl Musliu, Remzi Leka, Nazim Gagica, Adnan Leka, Diana Toska, Besiana Shkodra, Eronitë Qerimi, Meti Maloku dhe Nehat Ferati.

Në mesin e shumë ansambleve dhe grupeve artistike nga të gjithë trevat shqiptare, Ansambli Gjilani triumfoi duke ju falënderuar profesionalizmit dhe angazhimit maksimal te anëtarëve te cilët po bëjnë çdo gjë për ta ruajtur dhe avancuar traditën dhe vlerat kulturore ne përgjithësi.

Sot fillon festivali “Mbrëmjet strugane të poezisë”

Posted on by KultPlus

Me mbjelljen e drurit dhe lexim poetik për nder të fituesit të “Kurores së artë”, Charles Simic, sot në Strugë do të fillojë festivali “Mbrëmjet strugane të poezisë.

Hapja zyrtare e edicionit të 56-të të festivalit është planifikuar për sonte në ora 20:30 në pllajën e Shtëpisë së poezisë me lexim poetik ndërkombëtar “Meridiane poetike”, përcjell Telegrafi Maqedoni.

Përmbajtjet e festivalit do të vazhdojnë gjatë pesë ditëve të ardhshme, kur do të mbahet simpoziumi “E humbur/e gjetur në përkthimin”, portretet e laureatëve të sivjetshëm – fituesi i “Kurorës së Charles Simic dhe laureati për çmimin “Urat e Strugës” të MSP dhe UNESCO-s, Goran Çolakhoxhiq dhe shpallja e fituesit të sivjetshëm të çmimit “Vëllezërit Milladinovci” për përmbledhje më të mirë poetike në gjuhën maqedonase mes dy festivaleve.

Festivali në Strugë do të përfundojë më 27 gusht me manifestimin poetik “Urat e Strugës” dhe dorëzimin e çmimeve të fituesve të sivjetmë. / KultPlus.com