Mbrëmë u përmbyll festivali ‘Sunny Hill Festival’. Publiku i shumtë që kishte mbushur çdo cep të hapësirës në Bërnicë ishin dëshmitarë të një mbrëmje drithëruese të DJ-ve vendorë e ndërkombëtarë, shkruan KultPlus
Mbrëmja filloi me performancën e DJ Caboo për të vazhduar më pas me DJ të njohur si DJ Deezu, Dj Geek, DJBanz, PM & Dagz dhe Edgar Kerri.
Pas tyre, në skenë u ngjit DJ Mygal, i cili për një orë dhuroi spektakël duke ofruar për publikn remixe të këngëve të njohura dhe që i rezistuan kohës.
DJ Snake dhuroi për publikun një mbrëmje të paharrueshme teksa solli këngët e tij si: ‘Loco Contigo’, ‘Taki Taki’, ‘Get Low’, ‘Turn Down for What’, ‘Let me love you’, ‘Lean On, ‘Please Don’t Change’ dhe këngë të tjera nga repertori i tij.
Kulmi i mbrëmjes u arrit teksa ai u sfaq njëherë me flamurin e Shqipërisë e më pas me atë të Kosovës, për të falënderuar publikun dhe organizatorët që e bënë pjesë të këtij festivali.
Ndërkaq, nga data 25 – 28 korrik, në skenën e ‘Sunny Hill Festival’ performuan artistët si: Bebe Rexha, Burna Boy, Stormzy, Dafina Zeqiri, Mozzik, La Fazani, Zwada, The Milk Snatchers, DJ Set,Lancey Foux, Dhurata Dora, Yll Limani, Capital T, Kamal, Jolie, Griff, Mc Kresha & Lyrical Son & Lluni, Ledri Vula, Geasy, Buta, Singullar, Ants Live, Yanina, Bleta Përtace./Kultlus.com
Atmosfera e mahnitshme e Sunny Hill Festival vazhdoi edhe në natën e tretë ku publiku i shumtë në numër shijoi performancat magjike të artistëve shqiptarë e të huaj, shkruan KultPlus.
E shtuna kishte për destinacion Bërnicën për shumë nga ata që e duan dhe e çmojnë muzikën.
Kryefjala e kësaj mbrëmje ishte këngëtari britanik Stormzy, i cili u ngjit në skenë me flamurin e Kosovës në krahë. Ndonëse performoi i fundit, me të ngjitur në skenë ai dhuroi një energji të re në publikun që kishin zënë vend në Bërnicë.
Me këngët e tij, Stormzy ndezi atmosferën duke ngritur publikun në këmbë, të cilët pa u lodhur vallëzuan e kënduan në sinkron me këngëtarin deri në orët e para të mëngjesit.
Përveç Stormzyt, , në skenën e ‘Sunny Hill Festival’ u ngjitën edhe artistët si: Griff, Mc Kresha & Lyrical Son & Lluni, Ledri Vula, Geasy, Buta, Singullar Ants Live, Yanina, Bleta Përtace, Dj Set dhanë për publikun performanca të paharrueshme.
Pas performancës së Stormzyt, publiku pati mundësinë të shijojë muzikën e Dj-ve të njohur si Groove Armada, Tommy Goldh dhe Lekë.
Ndërkaq sonte, në natën e katërt të Sunny Hill, publiku do të ketë mundësinë të shijojë performancat nga Dj Snake, Edgar Kerri, Mygal, PM to the Dags, Dj Bannzz, Dj Geek, Dj Deezy, Dj Gaboo, The Blaze, Zogai dhe Lab Sadiku./KultPlus.com
Sunny Hill Festival, që këtë vit po zhvillohet në tokën e tyre në Bernicë të Prishtinës, filloi me një natë të jashtëzakonshme më 25 Korrik. Ky festival, i cili zgjat për katër net, po ofron një hapësirë të dedikuar ekskluzivisht për muzikë, argëtim dhe kulturë, duke tërhequr mijëra adhurues nga vende të ndryshme të botës, shkruan KultPlus.
Nata e parë ishte një shfaqje e paharrueshme energjike, ku performuan disa nga emrat më të njohur të skenës muzikore. Bebe Rexha, e cila ishte edhe kryefjala e mbrëmjes, e elektrizoi skenën me zërin dhe performancën e saj të fuqishme. Publiku brohoriti dhe këndoi së bashku me hitet e saj të njohura, duke krijuar një atmosferë të papërsëritshme.
Performuesit e tjerë të natës përfshinë yjet e muzikës shqiptare dhe ndërkombëtare si Dafina Zeqiri, Mozzik, La Fazani, Swada dhe The Milk Snatchers. Çdo artist solli stilin e tij unik në skenë, duke siguruar që publiku të ishte në këmbë dhe të kënaqej gjatë gjithë natës. Dafina Zeqiri magjepsi me energjinë dhe koreografitë e saj, ndërsa Mozzik shkëlqeu me hitet e tij të njohura, sidomos nga albumi i fundit.
Padyshim momenti më kulminant i mbrëmjes së djeshme në “Sunny Hill Festival”, 🎤 Bebe Rexha duke ndezur skenën në Sunny…
Nata vazhdoi deri në mëngjes me performanca të veçanta nga grupi i njohur Black Coffee, i cili mori përsipër pjesën e DJ-ve së bashku me Dj Regard, Adrian Berisha dhe Noki. Ritmet elektronike dhe miksimet e tyre mbajtën publikun të kërcejë pa ndërprerje, duke krijuar një përvojë unike, në këtë rast, të mëngjesit.
Performancat energjike dhe atmosfera e krijuar nga artistët arritën një nivel të lartë të perfeksionimit, duke dëshmuar se Sunny Hill Festival është padyshim një nga ngjarjet më të rëndësishme kulturore të vitit. Hapësira e Bernicës tregoi se ka qenë një nevojë e kahershme për një vend të tillë aktiv, pasi transferimi nga “Parku Gërmia” ndryshoi rrjedhën e festivalit në një mënyrë pozitive. Megjithatë, një moment që për shumë njerëz ndikoi negativisht ishte organizimi i hyrjes përpara portave të biletave “Regular”, “Believer” dhe “VIP”, ku radha e gjatë dhe shtytjet e ndryshme krijuan një tollovi të madhe.
Ky festival nuk është vetëm një ngjarje muzikore, por edhe një festë e madhe, pasi bashkon njerëz nga të gjitha sferat e jetës për të ndarë dashurinë për muzikën dhe artin. Me një fillim kaq të suksesshëm, pritshmëritë për netët e ardhshme janë të larta, dhe pa dyshim, Sunny Hill Festival do të vazhdojë të jetë një pikë referimi për eventet kulturore në rajon.
"TE DUA PRISHTINË" – mesazhi kryesor nga Bebe Rexha mbrëmë në Festivalin Sunny Hill. Me performancën e saj elektrizuese…
Publiku i pranishëm në Bernicë të Prishtinës përjetoi një natë të mbushur me energji, emocion dhe muzikë të mrekullueshme, duke shënuar fillimin e një aventure të paharrueshme në “Sunny Hill Festival”, derisa sot do të performojnë yje të tjerë të muzikës, përfshirë këngëtarin e famshëm Burna Boy, së b ashku me Lancey Foux, Dhurata Dora, Yll Limani, Capital T, Kamal dhe i riu Jolle.
Në pjesën e DJ do të jetë grupi i famshëm “The Martinez Brothers”, së bashku me Chloe Caillet, Dani Johnsson Artssassin. / KultPlus.com
Sonte fillon festivali ‘Sunny Hill Festival’, i cili sivjet, për herë të pare mbahet në Bërnicë.
Në natën e parë, për publikun do të performojë, këngëtarja shqiptare me famë botërore, Bebe Rexha.
Në mesin e artistëve që do të performojnë përgjatë katër netëve të festivalit janë edhe Stormzy, Burna Boy, Black Coffe, DJ Snake, The Blaze, Tomy Gold, The Martinez Brotherz, Kamal. Po ashtu në mesin e artistëve të ftuar janë edhe artistët vendorë si: Dafina Zeqiri, Ledri Vula, Dhurata Dora, Yll Limani, Mozzik, Mc Kresha, Lyrical Son e të tjerë./KultPlus.com
Presidentja e Republikës së Kosovës, Vjosa Osmani, në një ceremoni të mbajtur dje në Presidencë ia ka dorëzuar Medaljen Presidenciale të Meritave Rock Grupit Oda për promovimin e vlerave muzikore si pjesë e gjeneratës së artë të rockut në Kosovë.
Në emër të grupit, Medaljen e ka pranuar Dukagjin Lipa, i cili e ka falënderuar Presidenten Osmani për dekoratën.
Presidentja Osmani ka theksuar se Oda, sikurse edhe grupe të tjera të viteve të 80-ta, ishin jo vetëm interpretues, por edhe katalizatorë të ndryshimeve shoqërore.
“Muzika e Odës është emblemë e identitetit kulturor dhe krenarisë për Kosovën. Krijimtaria muzikore e tyre vazhdon të jetë dëshmi e fuqisë transformuese të artit në kohë dhe periudha të ndryshme duke u shndërruar po ashtu në një mjet rezistence”, ka theksuar Presidentja Osmani.
Ndryshe, Medalja Presidenciale grupit Oda i është ndarë një vit më parë në një ceremoni në të cilën janë nderuar edhe rock grupe të tjera të asaj periudhe, sikurse edhe institucione e personalitete të tjera, të cilat kanë kontribuar ndër vite.
Vlenë të theksohet se kjo ceremoni u mbajt në prag të fillimit të Sunny Hill Festival. Në pamundësi për të qenë prezente për shkak të agjendës ndërkombëtare, Presidentja Osmani e përgëzoi z. Lipa, Dua Lipën dhe Sunny Hill Foundation për punën e shkëlqyer duke i uruar që ky edicion të jetë një tjetër sukseses i jashtëzakonshëm./ KultPlus.com
Lidhur me këtë, këngëtarja e famshme në botë, Dua Lipa është shprehur shumë e emocionuar.
Ajo tha se mezi po pret të kthehet në vendlindje, në Prishtinë.
“Mezi po pres të kthehem në vendlindje, në Prishtinë. Jam shumë e emocionuar. Shihemi atje”, tha artistja në një video të postuar në Instagram, njofton Klankosova.tv.
Ndryshe, në Kosovë për herë të parë erdhi Bebe Rexha, pasi ajo këtë vit do të performojë në festivalin tashmë të njohur në vendin tonë.
Komuna e Prishtinës ka njoftuar se transporti publik të jetë falas për të gjithë ata që marrin pjesë në “Sunny Hill Festival”.
Komuna e Prishtinës ka marrë vendim që transporti për të gjithë pjesëmarrësit do të jetë falas nga data 25 deri më 28 korrik.
Njoftimi i plotë:
VENDIM!Të gjithë pjesëmarrësit e “Sunny Hill Festival” LIROHEN nga pagesa e transportit publik.
Pra të gjithë ju që doni të shkoni në këtë festival, do të mund të udhëtoni falas me autobusë të Trafiku Urban Prishtinë nga data 25 deri më 28 korrik.
Nisja bëhet nga ora 17:00 te parkingu i Pallatit të Rinisë, dhe transport do të ketë deri në orën 05:00 të mëngjesit. Pra mund të shkoni e ktheheni nga festivali me autobusë të Trafikut Urban, falas.
“Sunny Hill Festival” është nominuar nga European Festival Awards për dy kategori të rëndësishme të çmimeve ndërkombëtare për vitin 2022, atë të Best Medium-Sized Festival (për Sunny Hill Festival në Prishtinë) dhe Best New Festival (për Sunny Hill Tiranë), përcjell KultPlus.
Festivali është në garë me disa nga festivalet më të mëdha evropiane, për kategorinë e çmimeve në të cilat është nominuar, mirëpo gjasat për me dalë fitues, konsiderohen shumë të mira dhe kjo për shkak të rreth 1 miliard shfaqjeve online dhe rreth 6,000 publikimeve në media në krejt boten, ku festivali është përmendur.
Për të fituar, secili do të duhet të votoj në këto dy kategori ku është nominuar festivali:
“Sunny Hill Festival”, që konsiderohet një nga ngjarjet më të rëndësishme artistike në trevat shqiptare, mbylli dje siparin në Tiranë.
Kryeministri Edi Rama ndau sot në rrjetet sociale momente nga ky event i rëndësishëm, që u zhvillua në mjediset e parkut të Liqenit Artificial.
“Mirëmëngjes dhe me superenergjinë e “Sunny Hill” e me falënderimin për Duan, që e presim me padurim në Tiranë në nëntor, ju uroj një javë të mbarë”, shkruan Rama.
Në natën e parë të festivalit performuan artistët e njohur shqiptarë Capital T, Dafina Zeqiri, Dren Abazi, Art Lokaj, Sanchet, Art Haliti, etj.
Ndërsa atmosfera u bë më elektrizuese kur në skenë u ngjit reperi italian Fedez dhe reperi Action Bronson, të cilët sollën këngët më të bukura të repertorit të tyre.
Ndërkohë, në ditën e dytë të festivalit performuan vetëm DJ të njohur botëror e shqiptarë si, Hardwell, Afrojack, Regard Merk&Kremont, Drop G, Kamela Ampov, Vin Veli.
Në ditën e tretë të festivalit interpretuan Stormzy, Mc Kresha dhe Lyrical Son, Ledri Vula, Mozzik, Getinjo, Elgit Doda, Asgjë Sikur Dielli, Nika Paris- Vegas Jones- Rooms, Barny Fletcher, Alban Chela, Ardian, Rrrrron.
Festivali më herët u zhvillua edhe në kryeqytetin e Kosovës, Prishtinë, pjesë e së cilit ishin rreth 100 mijë pjesëmarrës./KultPlus.com
Nëse mund ta dalloni Tokën nga udhëtimi retro galaktik i fotografuar në kopertinën e albumit Future Nostalgia të Dua Lipës dhe zmadhuar hapësirën drejt Evropës, pastaj në jug në Kroaci dhe më tej në zemër të Ballkanit, atje, në Prishtinë, Kosovë, në një natë gushti, Dua Lipën do ta gjeje duke dalë në skenë—në shtëpi, shkruan Elle, transmeton KultPlus.
Është e mundur gjithashtu, ju do të mblidhni britmat e turmës, energjia që shtrihet shumë përtej kapuçit të harlisur të ahut të Parkut të Gërmisë, ndërsa performanca e Lipës nisi rikthimin e Festivalit Sunny Hill, krijuar nga babai i saj, Dukagjin Lipa, në 2018, dhe shtyu dy vitet në vijim për shkak të COVID. Megjithatë, gëzimi i turmës buronte nga emocionet më të thella se çdo publikim tipik pas pandemisë: Dua Lipa dhe festivali shërbejnë si kujtues për të rinjtë kosovarë se e ardhmja është e tyre dhe se Lipa – dhe bota – mund t’i dëgjojë.
Kosova është vendi më i ri në Evropë. Ajo ka gjithashtu një nga popullsitë më të mëdha nën 25 vjeç. Si pjesë e ish-Jugosllavisë, vendi pësoi një luftë të përgjakshme nga viti 1998 deri në 1999, duke fituar pavarësinë nga Serbia vetëm në vitin 2008. Ndërsa Gjenerali Z dhe kosovarët mijëvjeçarë u rritën në vitet pas lufta, ata ndjenë peshën dhe jehonat e saj.
“Kam një ndjenjë të fortë për luftën për shkak të prindërve dhe familjes sime,” thotë Diona Ahmetaj, 24 vjeç, e cila jeton në Prishtinë dhe foli në ditët para festivalit.
“Ne pamë libra për masakrat, gjëra që nuk ju dalin kurrë nga koka. Sa herë që [televizori] luante video luftarake, i shihja prindërit e mi që gjithmonë e ndryshonin atë ose emocionoheshin sepse e kalonin atë.”
Si shumë të tjerë, familja e Lipës u largua nga Kosova para kulmit të luftës, duke u zhvendosur në Londër, ku Lipa lindi në vitin 1995. Megjithatë, ajo dhe familja e saj u kthyen në Prishtinë kur Lipa ishte 13 vjeçe dhe ajo jetoi atje për dy vjet para se të kthehej në Londër për të ndjekur karrierën e saj.
“Është shumë e rëndësishme që fëmijët të mësojnë trashëgiminë e tyre”, thotë Dukagjin Lipa, “dhe unë dhe gruaja ime, ne e arritëm këtë.”
Ky fokus te familja dhe historitë që kalojnë brezave nuk i humbet rinisë së Kosovës. Teksa flisja me gjithnjë e më shumë njëzet e ca, vura re se sa shumë nga lidhja që ata ndjejnë me Lipën lidhet me faktin se, ashtu si ata, ajo është e afërt me familjen e saj dhe mësoi për luftën përmes asaj lente dashurie. Shumë e përmendën këtë si një nga arsyet e dhembshurisë së saj, aktivizmit dhe pse kur ajo flet për Kosovën, ndihet e natyrshme – asnjëherë e shkruar.
Lipa performs at Sunny Hill – AGO MEHMETI
“Ajo e kupton,” thotë Verona Hasangjekaj, 24 vjeç. “Të gjithë kemi prindërit dhe gjyshërit tanë që flasin për të kaluarën. Ata janë të hapur për këtë. Shpresoj të bëjmë të njëjtën gjë, të vazhdojmë të tregojmë histori, përndryshe kështu harrojmë.”
Natyrisht, lidhja që ndiejnë të rinjtë kosovarë me Lipën është edhe për shkak të talentit të saj muzikor, stilit elektrik dhe për shkak se si një vend afërsisht i madhësisë së Delaware-it, ata kanë qenë gjithmonë rrënjë për të. Secili fans kujton prezantimin e parë me Lipën: Disa i referohen blogut të saj të fillimit të viteve 2000, kopertinave në YouTube ose kur ajo luajti në një reklamë të X Factor në Mbretërinë e Bashkuar. Të gjithë kujtojnë edhe koncertin e parë të madh të Lipës në Prishtinë në vitin 2016. Disa e njihnin atë personalisht.
Vjosa Zhubi, e cila është disa vite më e madhe se Lipa 27-vjeçare, u miqësua me të përmes kushëririt të saj kur Lipa jetonte në Kosovë.
“Ajo ka qenë gjithmonë një fëmijë i pjekur”, thotë Zhubi. “Ajo mund të të jepte mendime të të rriturve dhe kishte këtë stil artistik. Pastaj edhe kur largohej, ajo mbante gjithmonë lidhje. Edhe tani, ajo pyet për të gjithë.”
Ky respekt i ndërsjellë u ndje plotësisht në Sunny Hill. Teksa Lipa doli në skenë me sytjena dhe një minifund verbues rozë me temina – i cili ishte projektuar posaçërisht për ngjarjen dhe tërhoqi vëmendjen e gjerë mediatike.
Ajo u tha fansave në gjuhën shqipe, gjuhën më të folur në Kosovë, “Është një ëndërr e madhe për mua të jem këtu dhe të bëj këtë lloj festivali me familjen time, me miqtë e mi dhe me gjithë këta njerëz që më mbështesin kaq shumë. Faleminderit shumë të gjithëve. Faleminderit për këtë natë të veçantë.”
Sunny Hill është me të vërtetë një rast i veçantë. Është festivali më i madh muzikor në zonë dhe arriti një formacion rekord dhe shitje biletash këtë vit.
“Kam pritur për Sunny Hill për dy vjet,” thotë Vesa Mehmeti, 18 vjeçe, me buzëqeshjen e saj të ndritshme sa shkëlqimi i syve të saj. “Ne nuk kemi asgjë tjetër të tillë.”
Mundësia për të marrë pjesë në një festival në shtëpi nderohet edhe më shumë sepse për shkak të çështjeve të jashtme gjeopolitike që rrethojnë statusin e Kosovës si shtet; Kosovarët mund të vizitojnë vetëm gjashtë vende pa aplikuar për vizë. Kjo mungesë e liberalizimit të vizave kufizon mundësitë e udhëtimit dhe arsimimit. Shumë njerëz kanë histori të aplikimeve të dështuara për viza. Ata përshkruajnë ndjenjën e izolimit sikur të jetonin në një ishull.
DARDAN KRASNIQI
Familja Lipa e njeh të çështje, si dhe realitetin që Dua Lipa përfitoi nga pasaporta e saj në Mbretërinë e Bashkuar, dhe po luftojnë për ndryshim. Këtë vit, ata nisën fushatën #SetMeFree krahas festivalit, i cili kërkon mbështetjen e BE-së për t’u dhënë kosovarëve lirinë për të lëvizur. Byzylykët dhe sfondet e fotografive përreth ambienteve të festivalit shfaqnin hashtag, duke shtuar atmosferën dinamike.
Përpjekjet e Dua Lipës në përgjithësi u njohën nga presidentja e Kosovës, Vjosa Osmani, kur ajo i dha Lipës titullin Ambasadore Nderi në fillim të këtij muaji.
Osmani falënderoi Lipën që “përdor zërin dhe talentin e saj të jashtëzakonshëm, jo vetëm për t’i ofruar botës këngë që lënë gjurmë, por edhe për të paraqitur imazhin më të mirë të Kosovës në mbarë botën”.
Në një konferencë për media disa orë para performancës së saj në Sunny Hill, Lipa foli për dëshirat e saj për të rinjtë kosovarë.
“Dua të dërgoj dashuri për të gjithë rininë e Kosovës dhe dua të them se sado e madhe të jetë ëndrra juaj, ju mund të arrini gjithçka që dëshironi, nëse e keni mendjen. Unë vërtet besoj se jam këtu për t’ju mbështetur në çfarëdo mënyre.”
Megjithatë, më kuptimplotë se fjalët e saj është fakti që të rinjtë kosovarë në terren ndjejnë një lidhje me të, një fuqi dhe shpresë që rrezaton prej saj.
“Ajo e ka atë zemër të ngrohtë,” thotë 23-vjeçari Edi Demiri, dritat dhe muzika rrotullohen pas saj, ngrohtësia e saj shkëlqen, “Unë mendoj se ajo na përfaqëson të gjithëve.”
Nga Lina Patton / KultPlus.com
The crowd at Sunny Hill Festival 2022 – COURTESY OF LINA PATTON
Kur kanë mbetur edhe pak orë nga nisja e Sunny Hill Festival Tirana 2022, gjithçka është pothuajse gati. Teksa shitja e biletave po vijon me shpejtësi për shkak të kërkesave të shumta dhe nga jashtë vendit, organizatorët kanë publikuar disa nga rregullat që duhet të ndjekin të gjithë pjesëmarrësit në këtë festival. Të gjithë ata që tashmë kanë siguruar një biletë, duhet të marrin me vete kartën ID dhe Biletën, ndërsa nuk duhet të marrin me vete mjete të ndaluara.
Gjërat që duhet të dini:
1-Mosha minimale për të ndjekur festivalin vetëm është 16-vjeç. Të rinjtë nën moshën 16-vjeçare duhet të jenë të shoqëruar nga të rriturit.
2-Ju mund ta rimbushni byzylykun tuaj direkt në vendin ku zhvillohet eventi, por ne ju rekomandojmë ta bëni pagesën nëpërmjet aplikacionit të Sunny Hill Festival për të shmangur radhët e gjata.
3-Për t’u futur, mos harroni: Kartën ID/Pasaportën Biletën (digjitale ose të printuar)
4-Në hyrje do të kaloni përmes kontrollit të sigurisë.
Sende të ndaluara: Mjete të mprehta Ushqim dhe pije Produkte aerosoli (spraj) Parfume Narkotikë ose substanca të ndaluara Çakmakë. / KultPlus.com
‘Sunny Hill Festival’ po vazhdon të zbulojë emrat e artistëve që do të përformojnë në Tiranë, përcjell KultPlus.
Së fundi ata kanë zbuluar se pjesë e ‘Sunny Hill’ në Tiranë do të jetëedhe artisti i njohur britanik, Stormzy.
“Sunny Hill mirëpret vetë legjendën STORMZY. Një nga figurat më frymëzuese të Mbretërisë së Bashkuar merr përsipër skenën tonë për atë që do të bëhet një SHFAQJE HISTORIKE”, thuhet një njoftim.
Ndërkaq, festivali ‘Sunny Hill’ në Tiranë do të mbahet në datat 26, 27 dhe 28 gusht./ KultPlus.com
‘Sunny Hill Festival’ po vazhdon të zbulojë emrat e artistëve që do të përformojnë në Tiranë, përcjell KultPlus.
Së fundi ata kanë zbuluar se pjesë e ‘Sunny Hill’ në Tiranë do të jetë edhe këngëtarja e njohur kosovare, Dafina Zeqiri.
“E mrekullueshmja Dafina Zeqiri na bashkohet në Tiranë për të performuar këngët e saj të nxehta hit që të gjithë duam t’i këndojmë kudo që jemi!”, thuhet në postim.
Ndërkaq, festivali ‘Sunny Hill’ në Tiranë do të mbahet në datat 26, 27 dhe 28 gusht./ KultPlus.com
“Sunny Hill” do të mbahet për herë të parë edhe në Tiranë, më datat 26, 27 dhe 28 gusht, shkruan KultPlus.
Festivali Sunny Hill ka bërë të ditur se pas “Fedezit” dhe Dren Abazit, këngëtari i radhës që do të performojë aty është kantautori italian, Tananai.
“Ju lutemi mirëpresim @tananaimusica 💙 – një nga personazhet dhe kantautorët më interesantë në skenën muzikore të Italisë! Tashmë e dini se do të jetë 🔥 me dikë aq të mirë sa Tananai!”, thuhet në postimin zyrtar të festivalit Sunny Hill.
“Sunny Hill” gjithashtu ka njoftuar se biletat “Believers” të cilat janë blerë për në Prishtinë, do të vlejnë edhe për atë në Tiranë. / KultPlus.com
Në datat 26 deri më 28 gusht në Tiranë do të mbahet festivali “Sunny Hill” për herë të parë që nga themelimi, shkruan KultPus.
Sunny Hill, që ka nisur në Kosovë me një emër tjetër, tashmë do të zhvendoset edhe në Tiranë.
Më 4-7 gusht është mbajtur në Prishtinë, derisa biletat“Believers” do të vlejnë edhe për hyrje në Shqipëri.
“Jemi të lumtur t’ju njoftojmë se Bileta juaj “Believers” e Prishtinës është e vlefshme për Sunny Hill Festival Tirana gjatë datave 26, 27 dhe 28 gusht. Bëhuni gati për të shënuar muajin më të mirë ndonjëherë!”, thuhet në postimin e tyre. /KultPlus.com
Një nga festivalet më të mëdha në Evropë, Sunny Hill, po mbahet këtë vit dy herë, shkruan KultPlus.
Festivali ka filluar nga data 4 gusht dhe ka përfunduar suksesshëm më 7 gusht në parkun e Gërmisë në Prishtinë. Ndërkaq, në Tiranë pritet të mbahet nga data 26 gusht deri më 28 gusht në Liqenin Artificial të Tiranës.
Në faqen zyrtare të festivalit tashmë pritet të publikohet formacioni i tyre i përditshëm për tre ditë rresht të performuesve në këtë festival.
“TIRANË! Bëni mirë të jeni gati për disa lajme super emocionuese rreth formacionit të festivalit, biletave dhe më shumë. Shumë shpejt vjen…”, thuhet në njoftim. / KultPlus.com
Sunny Hill Festival për katër ditë me radhë u bë kryefjala e kryeqytetit. Mijëra qytetarë nga e gjithë bota u bënë pjesë e festivalit për të dëgjuar artistët e tyre të preferuar.
Për të falënderuar të gjithë ata që u bënë pjesë e këtij festivali, organizatorët kanë dalë sot me një falënderim të përgjithshëm në faqen zyrtare duke thënë se ky festival po bëhet marka e skenës kulturore të Kosovës.
“Përjetimi i katër lindjeve të diellit së bashku ka qenë i jashtëzakonshëm! Në rrugëtimin tonë drejt bërjes së këtij festivali vulë të skenës kulturore të Kosovës, ne s’mund të jemi më shumë mirënjohës për dashurinë dhe emocionin tuaj që u ndie në ajër. Sunny Hill Festival është shtëpia jonë e përbashkët. Vend lirie dhe bashkimi. FALEMINDERIT që realizuat ëndrrën tonë të përbashkët!”.
Për katër ditë me radhë në skenën që u ngrit në parkun e Gërmisë performuan shumë artistë ndërkombëtarë dhe vendorë, përfshirë Dua Lipën, J Balvin, Diplo, Skepta, Ledri Vula, Elvana Gjata, Dhurata Dora e shumë të tjerë. / KultPlus.com
Të performosh përpara një numri të madh njerëzish është gjithnjë e vështirë, sidomos kur ju jeni njeriu kryesor dhe gjithë sytë e publikut janë te ju. Gjatë gjithë kohës duhet të keni prezicitet në matjen e nivelit të energjisë në pistën e kërcimit në mënyrë që të krijoni tranzicionin e duhur. Përkufizimi më i thjeshtë i një “DJ” është se ai luan muzikë. Megjithatë, gjërat janë më komplekse kur je përballë një turme dhe duhet të kontrollosh të gjithë njerëzit. DJ-të duhet të kujdesen deri në pikën e fundit që të përziejnë këngët dhe kështu të krijojnë edhe tranzicione muzikore për të rritur energjinë e audiencës. DJ duhet të ketë aftësinë për të bërë që muzika të rrjedhë natyrshëm dhe pa probleme në veshët e dëgjuesve, shkruan KultPlus.
Me të dalur në skenë, Diplo nuk humbi kohë duke e ngritur volumin, duke filluar një shfaqje të lehtë të tijën dhe duke i ngritur të gjithë në këmbë duke kërcyer. Interaktiviteti me audiencën ishte mjaft i ulët në fillim, por ishte e qartë se njerëzit erdhën për të kërcyer dhe dëgjuar muzikë – dhe Diplo po u jepte atyre atë që dëshironin.
Në mesin e shumë linjave që ai po thoshte gjatë mbrëmjes, Diplo u sigurua që të shfaqte dashurinë për Kosovën, duke bërtitur disa herë “të dua Kosovë”, gjë që ndikoi absolutisht në entuziazmin e publikut. Dukej sikur audienca kishte pritur kaq gjatë për t’u futur në frymën e vallëzimit dhe muzikës së mirë të Sunny Hill Festival- dhe Diplo sigurisht ia doli.
Diplo bëri të gjithë të pranishmit në natën përmbyllëse të Festivalit Sunny Hill të lulëzojnë me energjinë elektrizuese që solli në skenë, si një profesionist i vërtetë.
Ky ishte rikthimi i Sunny Hill pas tre vitesh për shkak të mbylljeve nga COVID-19, i cili ndryshoi tërësisht proceset e jetës, për një kohë relativisht të gjatë. Në këto katër ditë, sa zgjati festivali, të rinjtë e Kosovës përjetuan diçka shumë më ndryshe nga ajo që ishin mësuar.
Gjithashtu, për gjatë gjithë këtyre ditëve, Sunny Hill Festival, në krye me Dua Lipën, u munduan që gjithnjë të shtyjnë përpara kauzën e liberalizimit të vizave për Kosovën, pasi ata e shohin si një diskriminim i madh që po ju bëhet shqiptarëve. “Set Me Free” ishte një ndër thirrjet më të përsëritura në festival.
Ndërkaq, së bashku me kryesorin e natës, aty performuan edhe: Adrian, Rrrron, Bookie, Caboo, Vertigeux, Art Haliti, Jimpong, Labi Ramaj, Romeo Blanco, Burak Yeter dhe Regard. /KultPlus.com
Festivali më i madh në vend, “Sunny Hill” për gjithsej katër ditë e ka shndërruar Prishtinën në një vend ku muzika ka dominuar dukshëm, shkruan KultPlus.
Dje ishte nata e fundit që mbylli festivalin, ndërkaq sot këngëtarja me famë botërore Dua Lipa sapo ka postuar disa fotografi për këtë rast.
Ajo në mbishkrim ka shkruar: 4 ditë në qytetin tim / KultPlus.com
Kryeministri i Kosovës, Albin Kurti mbrëmë e kishte rezervuar natën për një ndër festivalet më të mëdha në vend. Prezenca e tij në “Sunny Hill”, festival ky që u mbajt për katër ditë rresht në “Parkun e Gërmisë”, nuk kaloi pa u vërejtur.
Kryemnistri Kurti ka ndarë edhe video nga atmosfera që ka mbizotëruar në festival.
Kujtojmë që ditën e dielë, Kurti ka pritur në zyrën e tij yllin botëror Dua Lipa dhe babanë e saj, Dukagjin Lipa të cilët i falënderoi për organizimin e festivalit “Sunny Hill”. / KultPlus.com
Mbrëmë festivali “Sunny Hill” ka mirëpritur natën e tretë me radhë me një numër të madh të artistëve të cilët kanë ndezur audiencën si asnjëherë më parë. Kjo u dëshmua edhe atëherë kur publiku kishte zënë vendin afër skenës në një numër të madh, për të qenë sa më afër atyre që i kanë në zemër. Artistët e njohur kombëtarë e ndërkombëtarë pushtuan mbrëmë skenën kryesore me këngë që publiku i këndonte njëzëri me ta, shkruan KultPlus.
Edhe kësaj here, fundi i publikut nuk shihej aspak dhe kjo veçse e bënte këtë natë aq më të magjishme. Por, ishte zëri i gjithsecilit që jehonte dukshëm kur artistët në skenë ndalonin për t’i lënë hapësirë të pranishmëve që të këndonin këngët e tyre, dhe kjo vazhdoi për gjatë gjithë natës.
Duke nisur qysh nga artistët si: Lluni & Semi, Kamal, Ledri & Lumi B, Mc Kresha & Lyrical Son, AJ Tracey si dhe kryesuesin për këtë mbrëmje, Skepta, këngët e tyre më të njohura erdhën në një mënyrë krejtësisht të veçantë. Energjia e tyre dukej sikur nuk kishte fund, ndërsa dashuria e tyre për Kosovën shprehej nëpërmjet fjalëve që gjenin vend nëpër mesin e këngëve.
Të emocionuar për të qenë mbi skenën e “Sunny Hill” dhe për të mbështetur kauzën e Dua Lipës, secili artist pati diçka për të thënë. Duke nisur qysh nga Ledri Vula që ka përmendur problemin me çështjen e vizave e deri tek Skepta i cili ka thënë se asnjëherë më parë nuk ka dëgjuar për Kosovën por që ka premtuar se do të kthehet përsëri dhe atë do ta bëjë më shumë kënaqësi.
Me këngët si: “Papi Chulo”, “No Security”, “Lunatic”, “Madness”, “It ain’t safe”, “Kiss and tell”, “Stay far away”, “Praise the world”, “Pure water”, “No security”, Skepta ka ngritur në këmbë publikun që të njëjtit kanë kënduar e kërcyer në vazhdimësi deri në orët e para të mëngjesit. Ndërsa, ishte skena e ndriçuar me reflektorë të ndryshëm ajo që i ka dhënë një tjetër hijeshi secilës këngë të interpretuar. Me drita të llojllojshme që shponin ajrin në vijëza të holla dhe audion në një nivel perfekt, nata e tretë e “Sunny Hill” kulmoi deri në fund me zërin e publikut që për asnjë sekondë nuk u ndal.
Përveç Skeptës, në skenën e “Sunny Hill Festival” u ngjitën edhe artistët shqiptarë të cilët njashtu kanë qenë një me publikun. Nga kënga në këngë, audienca filloi të shpeshtohej akoma më shumë teksa atmosfera bëhej akoma edhe më aktive.
“Du me pi”, “Tërmet”, “Narcos Albania”, “Menime”, “JBMTQR”, “Private”, “Amsterdam”, “Hotel Mahalla”, “Semafori”, “Lej Flleshat”, “Pasite”, “Era”, “Luv luv”, “Filmi i fundit”, “Hip Hop”, “Çele Çadren”, ishin vetëm disa nga këngët shqipe që u interpretuan mahnitshëm. Duartrokitjet dhe brohoritjet e vazhdueshme në publik dëshmuan për talentin e çdo artisti që mbrëmë ka qenë mbi skenë.
Ndërkaq, sonte duke filluar nga ora 18:00 në skenë do të ngjitën artistët si: Adrian, Rrrron, Bookie, Caboo, Vertigeux, Art Haliti, Jimpong, Labi Ramaj, Romeo Blanco, Burak Yeter dhe Regard. Kurse, Diplo është artisti që do kryesojë natën e katërt dhe njëkohësisht të fundit të “Sunny Hill Festival”. / KultPlus.com
Dua Lipa është një yll botëror, e jona dhe e duam shumë. Por, ajo nuk e meriton një organizim amator e mediokër ku rinia më shumë dëshpërohet se i gëzohet ngjarjes.
· Kemi pritur në rend me të shtyra e bërtima policore gati 3 orë.
· Miqtë tanë me bileta (2*96 EUR) pas 2 orë pritje nuk kanë arrit me hy meqë organizatorëve ju ishin harxhu shiritat e dorës.
· Është leju të afrohet tek hyrja çdokush me dhe pa bileta. Lejimi me vetura të ndryshme ka shkaktu nervozi e prishje të rendit. Autobusët e Taxit kanë sjell çdokënd deri tek hyrja e gërmisë.
· Nuk ka pas ndarje të shiritave që në fillim me i kategorizu mysafirët. Jemi trajtu si dele.
· Organizatorët ia kan transferu policisë mbajtjen e rendit derisa dihet për çka është policia aty. E organizatori nuk kishte numër të mjaftueshëm të stafit me organizu e kategorizu si duhet hyrjen.
· Policia herë pas herë shpërndante aty këtu ndonjë britmë e shpullë burrave para grave të tyre apo arrestim të përkohshëm.
· Shkaku i turmës dhe shtyrjeve nuk kishte mundësi për kontrolle të duhura të sigurisë fizike e të biletave. Qantën të cilën e kisha as që u kontrollua se çka kam brenda, e kjo tregon për sigurinë brenda në “festival ndërkombëtar”.
· Mos të flasim për kontrolle të ID e identifikim të biletave, kjo mbrëmë nuk ekzistonte. Mesazh i mirë që mos u boni budallë me ble bileta, se ato janë sa për me ju vjel e me hy mundet kushdo që vjen aty. Shumë kan hy pa bileta, meqë kthim mbrapa nuk kishte. Sonte mund të jetë ndryshe por është vonë.
· Në 3 vende të ndryshme bëhej kinse kontroll por realisht asnjë kontroll nuk bëhej pasi kishte aq shumë njerëz e shtyrje sa ishte e pamundur, dikur e lshun frontin edhe sigurimi.
· Vendet për me mbush “shiritin e dorës” nuk ishin funksionale e sistemi shiritave nuk ju punojke.
· Vetura të ndryshme “VIP” dërgonin mesazhe vajzave të reja që nëse doni me hy pa prit 2 orë në rend duheni me hyp me naj Range Rover se shkon deri nalt direkt.
· Prindër e familjar të frustruar duke pritur me orë të tëra adoleshentët e tyre në 2-4am meqë skishte asnjë mjet transporti e as Taxi në dispozicion.
· Mysafir të huaj të cilët thonin “120 EUR for this shitty event”, sepse e dijnë çka është mirë dhe nuk vijnë përsëri ose ju thonë tjerëve mos shkoni se nuk ia vlen.
Dua Lipa dha një performancë fantastike por ajo që ngelet në mendje fatkeqsisht nuk është ajo 1 orë e Dua-s por janë këto foto, britma e djersa e personave përreth.
Kjo rini meriton të respektohet, tek e fundit festivali është i mundur nga blerja e biletave të këtyre 10-15K familjeve Kosovare, sepse te huaj kishte fare pak.
Urojmë rinia të ketë mundësinë të lëviz së shpejti jashtë vendit e të përjetohet se si organizohet një festival.
(Shkrimi është publikuar i plotë marrë nga profili i Fatmir Currit, pa ndërhyrje nga ana e redaksisë.) / KultPlus.com
/ KultPlus.com
