Etiketë: Sunny Hill Kindergarten

Dua Lipa e entuziazmuar për nisjen e punës “Sunny Hill Kindergarten” në Tiranë

Posted on by Kult Plus

Ka nisur punën kopshti për fëmijë “Sunny Hill Kindergarten” në Tiranë.

Lajmin e ka bërë të ditur këngëtarja kosovare me famë botërore, Dua Lipa, e cila gjatë verës që shkoi pati vizituar kryeqytetin shqiptar për të parë nga afër punimet për ndërtimin e këtij kopshti për fëmijë, me financim nga “Sunny Hill Fondation”.

Kopshti ka kapacitet për të strehuar 300 fëmijë.

“Një moment shumë krenues – “Sunny Hill Kindergarten” tani është hapur në Tiranë, Shqipëri, dhe ka kapacitet për 300 fëmijë. Faleminderit Erion Veliaj, Edi Rama dhe Bashkia e Tiranës. Zemra ime është e plotësuar”, ka shkruar Dua në Facebook.

Dua Lipa në Tiranë për ndërtimin e ‘Sunny Hill Kindergarten’: Një nder i madh të jem sot këtu, faleminderit Shqipëri

Posted on by Kult Plus

Këngëtarja shqiptare me famë botërore, Dua Lipa ka qenë sot për vizitë në kryeqytetin shqiptar, në Tiranë ku tashmë kanë filluar ndërtimet për ”Sunny Hill Kindergarten”, përcjell KultPlus.

Dua përmes një postimi në rrjetin social Instagram, ka bërë të ditur se ”Sunny Hill Kindergarten” do të hapet në shtator të këtij viti për 300 fëmijë.

”Një nder të jem sot në Tiranë – Shqipëri për të parë punën e ndërtimit të “Sunny Hill Kindergarten” në qendër të qytetit. Pas tërmetit në 2019 dhe me gjithë ndihmën e juaj duke blerë bluzat tona “Lutu për Shqipërinë” që krijova me miqtë e mi @bondnyc, unë dyfishova fondet që mbledhëm dhe ato para do të shkojnë drejt mobilimit të gjithë këtij kopshti për 300 fëmijë. Jam mirënjohës që jam këtu për këtë sot me familjen dhe miqtë e mi. Faleminderit Kryeministrit Edi Rama dhe Kryetarit të Bashkisë Erion Veliaj për të gjithë ndihmën tuaj gjatë këtij procesi. HAPJA 15 SHTATOR 2021! Faleminderit Shqipëri”, ka shkruar Lipa në postimin e saj. / KultPlus.com