Etiketë: takimet

Takimet kulturore ‘Pena e Dritës’ me ligjëratë për shkrimtarin Anton Pashku në muajin e tij të lindjes

Posted on by Kult Plus

Në vazhdën e takimeve kulturore “Pena e Dritës” do të organizohet ligjëratë për shkrimtarin e shquar shqiptar, Anton Pashku, me rastin e muajit të tij të lindjes, shkruan KultPlus.

Në këtë takim, dramaturgu dhe skenaristi Arian Krasniqi do të paraqitet me ligjëratën “Kritika filmike e Anton Pashkut”. Kjo ligjëratë shoqërohet edhe me një program artistik, kurse në mbarim të saj do të ketë edhe një kohë diskutimi me audiencën.

Ligjërata mbahet më 23 janar 2025, në bibliotekën “Ernest Koliqi” në Prishtinë, në orën 19:00. / KultPlus.com

BBC thotë se në takimet e shefit të CIA-s me zyrtarët serbë në Beograd u fol më së shumti për Kosovën

Posted on by Kult Plus

Çështja e Kosovës, qe më së shumti temë diskutimi mes shefit të CIA-s, William  Burns me zyrtarët serbë, në vizitën e tij që pati së fundi në Beograd.

Kështu raporton gjiganti mediatik ndërkombëtar BBC në shërbimin e saj serb, referuar disa burimeve megjithëse jozyrtare, transmeton klankosova.tv.

”Temat me zyrtarët serbë kanë qenë më shumë politike sesa inteligjencë dhe në takime më së shumti është diskutuar për Kosovën, mëson jozyrtarisht BBC”, thuhet në artikullin e tyre.

Kosova qe destinacioni i fundit i këtij turneu vizitash të shefit të CIA-s.

Në Prishtinë, më 22 gusht, Burns u takua me presidenten e Kosovës Vjosa Osmani dhe shefin e Agjencisë Kosovare të Inteligjencës (AKI) Petrit Ajeti.

Derisa pas takimit me kryeministrin Albin Kurti, ky e ka falënderuar publikisht shefin e CIA-s, Burnsin, për mbështetjen që i ka dhënë Kosovës.