Etiketë: TEA

Rama: Aplikacioni TEA, udhërrëfyesi digjital i Shqipërisë turistike

Posted on by Kult Plus

Kalendari turistik i eventeve verore vjen edhe këtë vit i harmonizuar në aplikacionin TEA (Tourism Events of Albania).

Ndërsa ndau një video informuese mbi këtë aplikacion, kryeministri Edi Rama u shpreh se ky është udhërrefyesi digjital i Shqipërisë turistike.

“Shkarko aplikacionin TEA, udhërrefyesin digjital të Shqipërisë turistike dhe do të gjesh:

kalendarin e eventeve me detajet përkatëse; akomodim pranë vendeve ku shija lokale nuk mungon; si dhe kontaktet e emergjencës për çdo të papritur. Eksploro Shqipërinë si asnjëherë më parë, më sigurt, më lehtë”, shkruan kryeministri.

TEA (Tourism Events of Albania), kalendari digjital i turizmit është një platformë e mirëorganizuar e programeve turistike, kulturore dhe artistike që u shërben turistëve që zgjedhin të vizitojnë Shqipërinë.

Aplikacioni TEA është i aksesueshëm falas në të gjithë telefonat. Në aplikacion gjenden aktivitetet që ndodhin gjatë sezonit turistik në çdo kohë dhe në çdo vend. Mjafton të vendosësh vendndodhjen dhe aplikacioni do të nxjerrë rezultatet ku veprimtaritë do të jenë të dedikuara për të gjitha grupmoshat.

Ky kalendar turistik digjital është realizuar nga Ministria e Turizmit dhe Mjedisit përmes Agjencisë Kombëtare të Turizmit në koordinim me institucione të tjera si Ministria e Kulturës dhe të gjitha bashkitë e vendit./atsh/ KultPlus.com

TEA surprizon me kolazh aktivitetesh për 1 Qershorin në të gjithë Shqipërinë

Posted on by Kult Plus

TEA (Tourism Events of Albania), aplikacioni i parë i krijuar në Shqipëri, si kalendar dixhital për aktivitetet e turizmit kulturor, sporteve dhe të traditës, surprizon më një kolazh aktivitetesh në të gjithë Shqipërinë fëmijët me rastin e 1 Qershorit.

Kryeministri Edi Rama publikoi sot disa nga aktivitetet që do të mbahen në këtë ditë feste për fëmijët.

“TEA surprizon me këtë kolazh aktivitetesh në të gjithë Shqipërinë kushtuar gëzimit, pafajësisë dhe energjisë së të ardhmes, fëmijëve. Mos harroni të na ndiqni në aplikacionin udhërrëfyes TEA për më shumë përditësime, detaje dhe surpriza ndërkohë që 1 Qershori afron. Përhapni fjalën, përhapni gëzimin TEA gjithmonë me ju, për ju”, u shpreh kryeministri Rama në një postim në rrjetet sociale.

Në aplikacionin TEA pasqyrohen aktivitetet e kategorive të ndryshme si Art Fest, trashëgimi kulturore, festivale muzikore, sport, koncerte, folklor, festa lokale, arte pamore, agroturizëm e kulinari dhe teatër.

Janë mbledhur në çdo cep të Shqipërisë mbi 1.110 aktivitete nga më të ndryshmet dhe TEA do të sjellë informacionin për çdo event, për çdo preference e grupmoshë, në shqip e në anglisht./atsh/KultPlus.com

Vera plot me aktivitete kulturore në Shqipëri, publikohet aplikacioni ku mund të informoheni

Posted on by KultPlus

Kjo verë është e mbushur me aktivitete kulturore në të gjitha qytete e vendit. Festivale të muzikës moderne dhe asaj popullore, si dhe shfaqje për të gjitha moshat mund të ndiqen në qytete të ndryshme të vendit.

Ministria e Turizmit dhe Agjencia e Turizmit ka publikuar së fundimi aplikacionin “Eventet turistike të Shqipërisë”, TEA. Në këtë platformë, qytetarët shqiptare, por dhe për turisët e huaj në anglisht të gjeni të dhëna për gjithë aktivitete e turizmit kulturor në Shqipëri.

Shfaqet e cirkut kanë nisur që në datën 12 në qytetin e Velipojës dhe do të vijojnë me takimin e 16 korrikut në shëtitoren kryesore të Sarandës. Artdashësit e vegjël ndoqën më 13 korrik në plazhin e Golemit shfaqen për fëmijë, e cila më pas u shfaqe dhe për publikun e Divjakës.

Javën që lamë pas, Teatri i Operas dhe Baletit zhvilloi në Durrës dhe në Shëngjin një nga shfaqet me të ndjekura të artit bashkëkohor. Në amfiteatrin e Durrësit u luajt baleti ‘Humus’, duke korrur të njëjtin sukses si në qytetet e tjera.

Në Shkodër, të pasionuarit pas muzikës Xhaz do të kenë mundësi të shijojnë këtë të diele ritmet e xhazit. ndërsa teatri eksperimental shfaqi në Shkodër, Gjirokastër dhe në Durrës dramën “Tani keni sy për të parë”.

Kjo javë është e pasur me festivale dhe koncertet si ai i Porto Palermos dhe Gjon Mili Jazz Festivale. Në aplikacionin e Minsitrisë së Turizmit dhe Agjencisë së Turizmit nuk mungojnë detajet për çdo event kulturor.

TEA, aplikacioni më i ri turistik

Posted on by Kult Plus

Eventet turistike të Shqipërisë, TEA, quhet aplikacioni më i ri që do të hidhet në treg pas dy ditësh nga Agjencia Kombëtare e Turizmit.

Lajmi u bë i ditur nga Kryeministri Edi Rama në një postim në rrjetet sociale, ku publikoi edhe videon promovuese të këtij aplikacioni.

“Inovacioni më i ri i qeverisë shqiptare, këtë herë përmes Agjencisë Kombëtare të Turizmit”, tha Rama.

Aplikacioni TEA do të jetë i aksesueshëm falas në të gjithë telefonat. Në aplikacion mund të gjenden aktivitetet që do të ndodhin gjatë sezonit turistik në çdo kohë dhe në çdo vend. Mjafton të vendosësh vendndodhjen dhe aplikacioni do të nxjerrë rezultatet ku veprimtaritë do të jenë të dedikuara për të gjitha grupmoshat.

Për këtë aplikacion është bashkëpunuar me të gjitha bashkitë, organizatat dhe ambasadat. Në të gjitha qytetet e vendit ka një program shumë të mirë nga institucionet e kulturës siç është Cirku, Teatri i Kukullave, TKOB, Teatri Kombëtar, evente gjithashtu të organizuara në mënyrë të dedikuar nga Ministria e Turizmit në bashkëpunim me kompani të ndryshme. Këto aktivitete do të shtrihen gjatë gjithë sezonit për të gjitha grupmoshat dhe do të jenë me data, vendndodhje dhe tipologji./atsh/KultPlus.com