Etiketë: Teatri i Operas

U shfaq në Teatrin e Operas dhe Baletit “La Boheme” e Puccinit, një opera për rritjen

Posted on by Kult Plus

U shfaq dje në Teatrin Kombëtar të Operas, Baletit dhe Ansamblit popullor opera e Giacomo Puccini “La boheme”.

Kjo ishte nata e katërt e vënies në skenë të “La boheme” në Teatrin e Operas, Baletit dhe Ansamblit popullor.

Shkëlqyen Nina Muho në rolin e Mimit, Renisa Laçka në rolin e Musette dhe Amadi Lagha në rolin e Rodolfos.

Gjithashtu u prezantua mirë Armando Likaj në rolin e Marcellos. Këto performanca krijuan një prezantim të mirë te të gjithë spektatorët që e ndoqën shfaqjen.

Artistët ishin në gjendje të ngjallnin emocione të veçanta mes artdashësëve dhe nepërmjet Korit të Zërave të Bardhë dhe Orkestrës Simfonike të Teatrit të Operas dhe Baletit u krijua një klimë magjepsëse e muzikës.

La Boheme është një shfaqje për vuajtjet e dashurisë, miqësinë, lirinë dhe mënyrën sesi përshtatet njeriut me lirinë.

Xhelozia luan një rol akoma më të rëndësishëm. Piktorët Marcelo dhe Rodolfo përballen me atë që një shekull më vonë në filozofi do të quhej “mosha e arsyes”, pra në njëfarë mënyre me momentin kur kupton se duhet të rritesh sepse je tashmë zhytur shumë thellë në fëmijëri./tema/KultPlus.com

Jacopo Sipari di Pescasseroli zgjidhet drejtor artistik në Teatrin e Operës

Posted on by Kult Plus

Jacopo Sipari di Pescasseroli është drejtori i ri artistik i Drejtorisë së Operës dhe Filarmonisë (DOF), në Teatrin Kombëtar të Operës dhe Baletit.

Drejtoresha e Përgjithshme e TKOB-së, Abigeila Voshtina prezantoi maestro Sipari para trupës artistike dhe stafit administrativ, pas mbylljes së konkursit, që qëndroi i hapur përgjatë 1 muaji.

Voshtina theksoi se, edhe pse statuti ia lejonte të emëronte një drejtor artistik, ajo zgjodhi të hapte një konkurs ndërkombëtar për të mos i kufizuar standardet e përzgjedhjes.

I lumtur për këtë përzgjedhje është shprehur dhe maestro Sipari, i cili para trupës dhe stafit të TKOB-së tha se, “bashkë me drejtoreshën e Përgjithshme kemi të njëjtin synim: Ta transformojmë TKOB-në në një nga teatrot më prestigjioze në Evropë”.

Jacopo Sipari di Pescasseroli është i njohur si fitues i çmimit “Golden Opera Special Prize” në janar të 2020-s, për gjeneratën e re nga “Oscars of Opera”, si një nga dirigjentët më premtues për operat në Itali.

Gjithashtu ai është diplomuar edhe si jurist. Sipari zotëron 2 doktoratura në të Drejtën Penale dhe atë Kanonike, të shkruara në gjuhën latine. Prej nëntë vitesh shërben si Docent i të Drejtës Penale, në Universitetin “Roma Tre”, por edhe më parë njihej si avokati më i ri i Gjykatës Apostolike Romake “Rota”, në Vatikan, institucioni më i lartë gjyqësor i Kishës Katolike./atsh/KultPlus.com