Në filmin “Elvis” të vitit 2022, paraqitja e Tom Hanksit si i ish-menaxher real i Elvis Presleyt, kolonel Tom Parker, është mizore, e korruptuar dhe sipas rezultateve të çmimit Razzie 2023, meriton çmimet për aktorin më të keq në rol dytësor dhe për paraqitje të kombinuar në ekran.

Përpara festës për filmat më të mirë të sezonit gjatë ceremonisë së Oskarit të dielën, Razzie Awards shpalli më të këqijtë të shtunën.

Pavarësisht trashëgimisë së aktorit të “Forrest Gump” në rolet fituese të Oskarit, shumë kritikë dhe fansa e dënuan performancën e tij në “Elvis”, veçanërisht theksin e tij.

Duke u bashkuar me Hanksin, drama biografike “Blondie”, me Ana de Armas në rolin e ikonës së Hollivudit, Marilyn Monroe, “fitoi” Razzies për filmin dhe skenarin më të keq. De Armas, megjithatë, është në garë për aktoren më të mirë për rolin në Academy Awards të së dielës.

Gjithashtu një Razzie e mori edhe Jared Leto, i cili portretizon Michael Morbius, dhe Adria Arjona, e cila portretizon Dr. Martine Bancroft, në filmin “Morbius”. Të dy fituan për aktorin më të keq dhe aktoren më të keqe me rol dytësor.

Me Razzie u “nderua” edhe Colin Farrell për rolin e tij në “Banshees of Inisherin”.

Dhe në fund, Razzies e vlerësoi veten si aktoren më të dobët pasi nominoi aktoren 12-vjeçare Ryan Kiera Armstrong për paraqitjen e saj në “Firestarter” për një Razzie. Pas pretendimeve për bulizëm, Armstrong më vonë u hoq nga lista e Razzies.

Razzies, që është vetëquajtur si “kushëriri i shëmtuar i Oscarit”, nisi në vitin 1980 si organizim i quajtur “Golden Raspberry Awards”, i krijuar nga të diplomuarit e shkollës së filmit UCLA dhe veteranët e industrisë së filmit, John J.B. Wilson dhe Mo Murphy.

Më shumë se 1,100 anëtarë të Razzie nga e gjithë SHBA-ja nga mbi 10 vende tjera votojnë për çmimet, sipas faqes së internetit Razzie./ KultPlus.com

Tom Hanks i ka lënë fansat e tij të hamendësojnë pasi tha se ka bërë vetëm katër filma “shumë të mirë” në 30 vjet.

Aktori ka qenë personazh në Hollywood që nga vitet 1980, kur luajti në filma përfshirë Splash!, Big dhe The ‘Burbs.

Ishte në vitet 1990 kur ai filloi të fitonte vlerësime, duke fituar çmimin për aktorin më të mirë në Oscars dy vjet radhazi për Forrest Gump dhe Philadelphia.

Kreditë e tij të tjera në vitet 1990 përfshijnë dy filma Toy Story, You’ve Got Mail dhe The Green Mile.

Hanks gjithashtu ka punuar rregullisht me regjisorin Steven Spielberg, duke u shfaqur në Saving Private Ryan, Catch Me if You Can, The Terminal, Bridge of Spies dhe The Post.

Hanks po promovonte romanin e tij debutues, të titulluar The Making of Another Major Motion Picture Masterpiece, kur i tha revistës People: “Askush nuk e di se si bëhet një film – megjithëse të gjithë mendojnë se e bëjnë këtë”.

Aktori dhe producenti shtoi: “Kam bërë një ton filmash (dhe katër prej tyre janë shumë të mirë, mendoj) dhe jam ende i mahnitur se si filmat bashkohen. Nga një ide te imazhi që dridhet në ekran, i gjithë procesi është një mrekulli”.

Komenti i Hank i ka lënë fansat të pyesin se për cilët filma po mendonte ai.

Pranimi i tij lë të kuptohet se ai është i vetëdijshëm që shumë nga filmat e tij janë pritur keq gjatë viteve. Këto përfshijnë përshtatjen e Tom Wolfe të Brian De Palma, The Bonfire of the Vanities, xhirimin e vëllezërve Coen të The Ladykillers, filmat DaVinci Code të Ron Howard dhe filmin e fundit të Robert Zemeckis me “Pinochio” me aksion të drejtpërdrejtë.

Performanca e tij në Elvis të Baz Lurhmann së bashku me Austin Butler është theksuar gjithashtu si pjesa më e dobët e filmit./ KultPlus.com

Aktori ikonik, Tom Hanks, i ka përmendur tre filmat e tij të preferuar në të cilët ka luajtur.

Hanks konsiderohet si njëri prej aktorëve më të mirë dhe më të vlerësuar të të gjitha kohërave dhe pas vetes ka lënë filma që kanë lënë gjurmë të mëdha.

“A League of their Own, “Cloud Atlas” dhe “Cast Away” janë tre filmat që Hanks i ka listuar si filmat në të cilët ai ka preferuar të luajë më së shumti.

Te filmi i parë ai ka thënë se është kënaqur duke luajtur në të pasi që e ka pasur mundësinë që të luajë bejsboll gjatë tërë verës.

Ndërkaq, për filmin e dytë ka thënë se është xhiruar mbi shpresë dhe dashuri, teksa për filmin e tretë ka thënë se ata kanë ndërmarrë aventura të guximshme gjatë filmit ku ai është një protagonist që mbetet i ngujuar në ishull pas rrëzimit të aeroplanit./ KultPlus.com

Edhe pse mund të mos e ketë të njëjtën famë sikurse platformat e tjera digjitale, si: Netflix, Disney+ apo Hulu, platforma relativisht e vogël Apple TV+ megjithatë është duke i bërë ca lëvizje të mëdha dhe të rëndësishme.

Sipas portalit “Deadline”, kjo platformë së fundmi e ka siguruar të drejtën e transmetimit të filmit “Greyhound”, që është drama e ardhshme e Tom Hanksit e bazuar në Luftën e Dytë Botërore. Kjo është ndër marrëveshjet më të mëdha që kjo platformë i ka bërë deri më tani, transmeton Koha.

“Greyhound” bazohet në historinë e vërtetë të një komandanti të Marinës amerikane, anija e të cilit sulmohet nga nëndetëset e armikut.

Hanks e luan rolin protagonistit krahas aktorëve të tjerë të famshëm, si: Stephen Graham, Rob Morgan dhe Elisabeth Shue. Ylli i famshëm i Hollywoodit po ashtu e ka shkruar skenarin e filmit, regjinë e të cilit e ka bërë Aaron Schneider.

Kompania “Apple” ka paguar 70 milionë dollarë të drejtat e transmetimit të filmit në platformën e tyre, duke e fituar garën e ofertave me disa prej platformave më të mëdha në treg.

Ky veprim e përfaqëson një hap të madh për Apple TV+, në kuptimin e harxhimit të të hollave për projekte të cilat e rrëmbejnë vëmendjen e publikut. Së fundmi, kjo platformë i ka blerë të drejtat autoriale edhe të filmave, “Boys State”, “Dads” dhe “On the Rock”, i cili e shënon ribashkimin e yjeve, Sofia Coppola dhe Bill Murray, në ekran të madh.

Filmi “Greyhound” ishte planifikuar të lansohej nëpër kinematë amerikane më 12 qershor të këtij viti, por kjo datë është shtyrë për shkak të pandemisë COVID-19. Kështu, të drejtat e transmetimit të projektit i janë shitur platformës Apple TV+, e cila ka vendosur ta lansojë atë në formë digjitale për publikun e gjerë, më 10 korrik të vitit 2020. / KultPlus.com

Tom Hanksit, njërit prej aktorëve më të njohur të Hollywoodit, në janar të vitit 2020 organizatorët e Golden Globes do t’ia ndajnë çmimin për arritje njerëzore.

Shoqata e gazetarëve të huaj në Hollywood (HFPA) ditë më parë njoftoi se aktori dhe producenti do të nderohet me çmimin Cecil B. DeMille në ceremoninë e ndarjes së çmimeve Golden Globe më 5 janar 2020, në Beverly Hills, transmeton KultPlus.

Aktori gjashtëdhjetetrevjeçar në industrinë e filmit depërtoi duke luajtur në filmin “Big” në vitin 1988, në të cilin e luan një djali të ri i cili zgjohet në trupin e një të rrituri. Karrierën e suksesshme ai e kurorëzoi me çmimet Oscar dhe Golden Globe për rolet e tij në filmat ‘Philadelphia’ dhe ‘Forrest Gump’.

“Shoqata e gazetarëve të huaj në Hollywood e ka nderin t’ia japë Tom Hanksit çmimin Cecil B. DeMille për vitin 2020”, – tha Lorenzo Soria, president i shoqatës.

“Për më shumë se tre dekada, Hanks e mahnit publikun me personazhe të pasura dhe të ndryshme të cilët i duam dhe i adhurojmë. Ai është po aq bindës si në ekranin e filmit, ashtu edhe prapa kamerave, si shkrimtar, producent dhe regjisor. E kemi nderin që do ta përfshijmë Tomin në mesin e personaliteteve si Oprah Winfrey, George Clooney, Meryl Streep, Martin Scorsese dhe Barbara Streisand”, shtoi ai.

Filmi më i ri i Hanks, “A Beautiful Day in the Neighborhood”, do ta ketë premierën në nëntor, shkruan KOHA Ditore. Në film ai do ta luajë njërin nga prezantuesit më të famshëm amerikanë të emisioneve për fëmijë, Fred Rogers.

Hanks gjatë karrierës ka luajtur në më shumë se 80 filma. Çmimi Cecil B. DeMille u jepet aktorëve dhe aktoreve, regjisorëve dhe regjisoreve, si dhe producentëve që kanë lënë gjurmë të pashlyeshme në industrinë e filmit./koha.net/KultPlus.com

Sipas një sondazhi ku kanë marrë pjesë rreth 1.1 milion votues, Tom Hanks është zgjedhur aktori më i mirë, përcjellë KultPlus.

Nëse keni nevojë për ndonjë konfirmim tjetër se Tom Hanks është i preferuari i të gjithëve, ne kemi diçka për ju, ka shkruar indy 100.

Me një CV të punës ku përfshihen filma si Forrest Gump, Saving Private Ryan dhe Toy Story, nuk është çudi që Hanks u votua si aktori më i madh i filmit në historinë nga 1,1 milion votues në një sondazh të realizuar nga Ranker.

Hanks kryeson këtë listë e cila ka shumë aktorë dhe aktore të mrekullueshëm si: Bette Davis, Marlon Brando, James Stewart, Katharine Hepburn, Robert De Niro, Jack Nicholson, Morgan Freeman, Anthony Hopkins, Dustin Hoffman e të tjerw./KultPlus.com

Filmi “Black Money Games”, që konsiderohet të jetë një ndër filmat që do të thyejnë arkat e shitjes do të fillojë xhirimet në pranverën e vitit 2018, shkruan KultPlus.
Dhe ky film do të xhirohet në Kroaci, përkatësisht në ishullin Hvar. Dubrovniku ishte lokacioni i përzgjedhur për këtë film, deri në momentin kur producentët vizituan ishullin Hvar.
Në këtë film rolin kryesor do ta luaj aktori i njohur botëror Tom Hanks, kurse filmi është me regji të Adam Wright.
Dhe ky nuk është një ndër filmat e paktë që janë duke zgjedhur për lokacion Kroacinë, sa i përket xhirimeve, filmat si: Game of Thrones, Star Wars, Robin Hood dhe Mamma Mia, janë filmat që një pjesë të xhirimeve kanë realizuar në rivierën kroate. /KultPlus.com