Etiketë: Tony Blair

Independent: Njerëzit mendojnë se statuja e Tony Blair e zbuluar në Kosovë, është Jason Donovan

Posted on by Kult Plus

Pas zbulimit të statujës së ish-kryeministrit britanik Tony Blair në Kosovë, njerëzit kanë filluar se i ngjason aktorit australian Jason Donovan.

Skulptura është zbuluar në Ferizaj me datë 12 qershor, në 25-vjetorin e Çlirimit të Kosovës nga shteti serb, ku Blair ka luajtur një rol të rëndësishëm në diskutimet e NATO-s.

Në një postim të shpërndarë nga ish-sekretari i Blair, Alistair Campbell, ku ai kishte për qëllim të nxiste publikun për të votuar partinë Laburiste, reagimet ndaj postimit ishin komike.

“Zbulohet statuja e Tony Blair në Kosovë”, ka shkruar Campbell. “Nuk jam i sigurt se ku, nëse diku, do të ngrihen statuja për ndonjë nga pesë kryeministrat që e kanë çuar vendin tonë prapa në 14 vitet e fundit. Votoni Laburistët nëse doni një qeveri serioze që i bën gjërat”, thuhet në shkrimin e Intependent.co.

“Ky është Jason Donovan”, “Statuja e Jason Donovan u zbulua, duhet të jetë Tony Blair”, ishin disa nga komentet e ndjekësve.

Donovan luajti së bashku me Kylie Minogue në filmin hit amerikan, Neighbours. Ai u bë i famshëm në shfaqje, duke luajtur Scott Robinson nga viti 1985 deri në 1989, përpara se të fillonte karrierën e tij si solo. Minogue luajti interesin e tij të dashurisë Charlene./KultPlus.com

Albin Kurti pas vizitës së ish-kryeministrit britanik Tony Blair në Kosovë: E falënderova përzemërsisht për mbështetjen e palëkundur asokohe

Posted on by Kult Plus

Kryeministri i Republikës së Kosovës, Albin Kurti, ka reaguar pas fjalimit të ish-kryeministrit britanik Tony Blair, para deputetëve në Kuvendin e Kosovës.

Shkrimin e tij në rrjete sociale, Kurti e ka filluar me thirrjen e kryeministrit britanik më 23 mars të vitit 1999, që jehoi në Parlamentin e Britanisë së Madhe.

“Ne duhet të veprojmë: të shpëtojmë mijëra burra, gra dhe fëmijë të pafajshëm nga katastrofa humanitare, nga vdekja, barbarizmi dhe spastrimi etnik nga një diktaturë brutale; për të shpëtuar stabilitetin e rajonit të Ballkanit, ku e dimë se kaosi mund të përfshijë të gjithë Evropën”, ishte thirrja e Blair.

“Të nesërmen e 24 marsit 1999, NATO do të fillonte fushatën që ndali pikërisht spastrimin etnik të shqiptarëve në Kosovë, fushatë kjo që do të përfundonte më 10 qershor të po atij viti. 25 vjet më pas, ish-kryeministrin britanik Tony Blair, e patëm mysafir në Republikën e Kosovës. Roli dhe kontributi i tij në çlirimin e vendit tonë dhe sigurimin e paqes, bashkë dhe me partnerët e aleatët tanë, mbetet sa i rëndësishëm aq edhe jetik në pavarësinë dhe etapat shtetndërtuese të vendit tonë. Çlirimi dhe liria në Kosovë, solli fundin e luftërave në Ballkan të viteve të ’90-ta, dhe fillimin e një rrugëtimi të demokracisë, progresit dhe zhvillimit”, ka shkruar Kurti.

Ai ka treguar se e ka falënderuar përzemërsisht mikun e vendit tonë Tony Blair, për mbështetjen e palëkundur asokohe dhe lidhjen e përjetshme të krijuar mes popullit tonë dhe popullit britanik./KultPlus.com

Ish-kryeministri britanik Tony Blair, u drejtohet deputetëve të Kosovës nga foltorja e Kuvendit

Posted on by Kult Plus

Ministria e Kulturës, Rinisë dhe Sportit ka bërë të ditur se Kuvendi i Kosovës ka mbajtur seancë solemne, ku ish-kryeministri i Britanisë së Madhe, Tony Blair, u është drejtuar deputetëve duke ua kujtuar momentin nga vendimi për të ndërmarrë veprime për të ndalur luftën në Kosovë në vitin 1999.

Në njoftim thuhet se blair u shpreh se ndjehet i lumtur dhe i nderuar që sot, për 25-vjetorit të çlirimit të Kosovës, po i drejtohet popullit nga foltorja e Kuvendit.

“Ish-kryeministri Blair, në adresimin e tij u shpreh se ndihet jashtëzakonisht i lumtur dhe i nderuar njëkohësisht që sot, për nder të 25-vjetorit të çlirimit të Kosovës, t’i drejtohet popullit dhe përfaqësuesve të tij nga foltorja e Kuvendit, ndërsa shtoi që në këtë datë veçanërisht përkujtojmë kontributin dhe sakrificën e të gjithë atyre që për lirinë dhe pavarësinë e vendit nuk kursyen asgjë”, thuhet në njoftim./KultPlus.com

Presidentja Osmani i dhuron gur kristali ish-kryeministrit të Britanisë së Madhe, Tony Blair

Posted on by Kult Plus

Presidentja e Republikës së Kosovës, Vjosa Osmani ka pritur në takim ish-kryeministrin e Britanisë së Madhe, Tony Blair.

Gjatë takimit, presidentja Osmani i ka dhuruar një gur kristali, duke vazhduar traditën e presidentit Ibrahim Rugova.

“Një gur kristali për mikun e madh të Kosovës Tony Blair, për të vazhduar traditën e Presidentit Historik Dr. Ibrahim Rugova”, ka shkruar Osmani.

Poashtu, ajo ka falënderuar familjen Rugova për përzgjedhjen e dhurimit të gurit./KultPlus.com

Tony Blair viziton Prishtinën, do i drejtohet popullit të Kosovës nga Kuvendi

Posted on by Kult Plus

Ish-kryeministri i Britanisë së Madhe, Tony Blair, figura kryesore që solli ndërhyrjen e NATO-s në ndalimin e gjenocidit serb, do të jetë në Kosovë në ditën e paqes e cila më 12 qershor shënon edhe Çlirimin e Kosovës.

Kështu i është konfirmuar Klan Kosovës, kur u pyet nëse në një seancë solemne në Kuvendin e Kosovës, Blair, do jetë prezent apo do i drejtohet popullit të Kosovës virtualisht.

‘’Do jetë prezent’’, është përgjigjur Ilir Kërçeli, këshilltar i kryeparlamentarit Glauk Konjufca.

Zhvillimi vie meqë në mbledhjen e nesërme të Kryesisë së Kuvendit, si pikë e parë e rendit të ditës është paraparë caktimi i një seance solemne, ku Tony Blair do i adresohet qytetarëve të Republikës së Kosovës.

”I. Caktimi i Seancës solemne për adresimin e ish Kryeministrit të Britanisë së Madhe, SH. T. Z. Tony Blair, deputetëve të Kuvendit të Republikës së Kosovës”.

Më datë 23 mars 1999, kryeministri britanik Tony Blair iu drejtua Parlamentit Britanik për politikën e NATO-s ndaj Kosovës me fjalët:

”Çdo fshat shqiptar në rajonin e Drenicës është në flakë. Familjet po dëbohen dhe largohen nga shtëpitë e tyre nga forcat serbe. Ka raporte që burrat i ndajnë nga gratë. Ne nuk e dimë se cili është fati i tyre”.

Si i pari lider europian, Tony Blair për shqiptarët do mbahet mend gjithmonë si njeriu kyç që vuri në lëvizje ndërhyrjen e NATO-s kundër regjimit të Millosheviqit në vitin 1999-të.

Blair: Populli kosovar ka kaluar shumë gjëra, ato i ka kapërcyer tashmë, tani duhet ndërtuar një të ardhme të denjë

Posted on by Kult Plus

“Më 1999, mora vendimin si Kryeministër që Britania t’i bashkohej forcave tjera të NATO-s, për të ndërhyrë në konfliktin në Kosovë për t’i parandaluar humbjet e jetës, dhe për t’i mbrojtur të drejtat e njeriut, sigurinë dhe stabilitetin e rajonit dhe gjithë Evropës.

Në njëzet vitet e fundit kemi qenë dëshmitarë të një brezi të ri Kosovar që ka marrë të ardhmen në duart e tyre dukë kanalizuar energjinë në ndërtimin e kombeve. Uroj popullin e Kosovës për këto përpjekje.

Popullit kosovar i them: Ju keni kaluar shumë gjëra, ato i keni kapërcyer tashmë. Tani duhet ta ndërtoni një të ardhme të denjë për njerëzit tuaj. Kam besim që ky vizion do të jetë realiteti i ardhshëm për Kosovën dhe njerëzit e saj”. /KultPlus.com

Tony Blair në 20-vjetorin e lirisë së Kosovës: Kosova duhet të ndërtojë shtetësinë e saj (Video)

Posted on by Kult Plus

Në 20-vjetorin e hyrjes së NATO-s në Kosovë, përmes një video-mesazhi, të pranishmëve në Konferencën për Siguri që po mbahet në Prishtinë, u është drejtuar edhe ish-kryeministri britanik, Tony Blair.

Ndërhyrja e NATO-s nuk ishte një vendim i lehtë, tha ish-kryeministri britanik. Ai tha se të gjithë ishin të vetëdijshëm sesa e vështirë ishte rruga drejt përparimit dhe paqes, por, sipas tij, “kishim besimin në njerëzit e Kosovës”.

“Ka ende shumë sfida dhe se krijimi i një paqeje të qëndrueshme merr kohë dhe kërkon kurajë”, tha Blair, duke shfaqur besimin se këto sfida arrihen vetëm me një lidership të mirë.

“Kam besim se Ballkani do t’i tejkalojë sfidat dhe të merr vendin që i takon”, theksoi Blair. Qëllimi kryesor, theksoi ai, është që të arrihet deri te një paqe e qëndrueshme dhe të sigurohet vendi i shteteve të Ballkanit në Evropë.

“Kosova duhet të ndërtoj shtetësinë e saj, si vend i pavarur, brenda familjes evropiane”, tha Blair.

Blair që ka qenë ndër figurat kyçe për çlirimin e Kosovës tha se sikurse para 20 vjetëve edhe sot është pranë kosovarëve.

“Kemi qenë në anën e juaj edhe para 20 vjetësh dhe ende jemi në anën tuaj. Ju duhet që të ndërtoni vendin tuaj brenda familjeve të kombeve të Europës. Unë kam bindje se ky vizion do të jetë i plotë për qytetarët e Kosovës”.

“Ne qëndrojmë me ju, ju përshëndesim dhe ju falënderojmë ”, ka thënë Blair.