Komuna e Prishtinës ka njoftuar se për çdo muaj do të ndajnë shumën prej 60 eurove për të mbuluar shpenzimet e transportit shtëpi/shkollë apo çerdhe për të gjithë fëmijët me nevoja të veçanta, shkruan KultPlus.
Lajmin e ka bërë të ditur Besianë Musmurati nga Komuna e Prishtinës.
“Për të gjithë fëmijët me nevoja të veçanta në Komunën e Prishtinës, çdo muaj do të ndajmë një shumë prej 60 Euro për të mbuluar shpenzimet e transportit shtëpi-shkollë/çerdhe. Të jesh ndryshe nuk do të thotë që të kesh pengesa në shkollim. Gjithëpërfshirja është e domosdoshme dhe ne jemi të përkushtuar maksimalisht që të mbështesim çdo fëmijë në shkollim. #BashkëeNdreqim”, thuhet në postimin e saj. /KultPlus.com
